ياجماعة بفتش لي في قصيدة لحميد.. "البت مهذبة جامعية"

عليكم الله العندو ينقلا هنا او يرسلا لي بالايميل
http://[email protected]
وهي للشاعر محمد الحسن سالم حميد
بيقول في النص:

" البت مهذبة جامعية وسط بنات متعلمة
قعدت تأمل في البعيد شايفالا نجمة مضلمة"
الخ...

الرجاء مدي بها مكتوبة ويكون جميل لو في تسجيل صوتي او فيديو.. لكن اهم حاجة انو تكون مكتوبة.

مع فائق شكري مقدماً
راني السماني

[email protected]

حميد الايام دى حايم فى الخرطوم جاريلو فى امور ناس عيانين دار يسفرهم الخارج ...

البركة فيكم اخ عمار

وربنا يعين حميد في البيعل فيهو..

تحياتنا ليهو

مع فائق الود

" صوت الضمير"

رفعتها ليك هنا

Download 9oot al 6'ameer.mp3 from Uploadingit.com

سلامات اخونا الهادي وشكراً ليك كتير

حقيقة انا عندي نفس التسجيل الانت نزلتو هنا، ولو لاحظت انو فيهو قطعة في الاخر.. يعني التسجيل ما تامي.
لذا انا كنت دايرو مكتوب وتسجيل كامل لو امكن .

مع فائق الود

لا زلت منتظر

بالله المنبر بطولو وعرضو دا كلو مافيهو زولاً صاحبا لحميد يجيب لينا منو النص دا؟

سمعته القصيدة ناقصة وهسي مستني مع راني باقي القصيدة

help help


تحياتي

الهادي
اللنك الخاتيهو دا فيهو فايروس وللا وورم و للا مصيبة زمان...برنامج الحماية بتاعي انذرني ووقفلو طوالي
...
شوفو لينا ياخوانا القصيدة مكتوبة و نزلوا ليها لينا هنا و كان الله يحب المحسنين..
..معقول قصيدة لي شاعر معروف زي حميد ما في زول قادر يجيبا...
فصاحتكم دي كلها في الفاضي ساكت

Quote: ..معقول قصيدة لي شاعر معروف زي حميد ما في زول قادر يجيبا... فصاحتكم دي كلها في الفاضي ساكت

اتخيل بالله يا ذياد.. ولا واحد فيهم!!

لنك اخونا الهادي ما ظنيت انو مفورس.. يكون الانتي فايروس بتاعك مندهش من الحاصل هنا.. وعدمو الشغل.



سلام
راني السماني

Quote: سمعته القصيدة ناقصة وهسي مستني مع راني باقي القصيدة help help تحياتي

شكلنا ياصديق حننتظر كتير


النشيل قيساب الصبر اكان قدرنا


ودي
راني السماني

والبت
مهذَّبة
جامعية ..
_وسط بنات_
متعلمة
قاعدة وتأمل في البعيد
شايفاله نجمة مضلِّمة
هِن بالعيون يتغامزن
دايري العبِدْ
وساعةْ تتوه بهِن
الظنون
وآشرِّي !
صِح ..
دايره العبد ؟!.؟
يا الله ..؟
عاجبه ..؟
شان عديل قامة
وسنونو مفلَّجة !!؟
يا الله ؟؟
عاجبه ..؟
شان عيونو
السودا خلقة
حدود جبينو مدحرجة ؟؟!؟
يا ليلى ورِّينا السبب
يا ليلى واريهو العجب ؟!
نسن الخصال
الفيهو خلقة مأصلة
نسن العلم
نسن اللباقة
الفي حديثو مكمَّلة
نِسن إنُّو إنسان
بالصفات السمحة
روحو مشبِّعه
حالي الطعم
ممسوح فهم
نفسو الأبية مرفِّعة
نسَن النِسن ..
وإتحدثن ...
وإتونسن ..
وإتوسوست
هسَّع هُو عاد
بي غادي
يا الله الصبر
شايفاهو أبوي
ناداها
أمِّي مشتلو
يا سابل الستر ؟
وسمعت بعيد
زغريدة
من قلباً تعِس
بدل الفرح
كانت بكي
أنا ووب علي
ووبين بنيتي إنجننت
وين إتَّكي
والناس ملو الحيشان طَرِش
ينطقشوا في البيبان طَقِش
.. يا ..
بت ..
طلعتي بلا أدب
يا ..
بت
خلاص
قيدك وجَب
كيفن ؟؟
بتآخديهو العبِد
يجبِد عران روحك
جبِدْ ؟؟
وشقِّيش تقبِّل ؟؟
ما لِقت ..! .... ؟
والدنيا كلَّها ضلَّمت
دُم .. دمدمت ..
وفي الساعة شوّْ ..
نــزلــت مــطـر ..
وكل زول قعد في بيتو
مستنِّي الخبر
هام بالعريس الدقَّه
أجراس الخطر
وخالف حياة الناس
وبي ذاتن كفر !؟
وشقِّيش تقبِّل ؟؟
ما لِقَت !!؟
والدنيا كلَّها ضلَّمت
قمرية فوق بيضتين يتام
وسط الضلام إتكومت
فوقن رمت
قوقت سلام
إترنمت
يا داندريس
إنطمَّنِي
أحمد خميس
آخر السني
جاييك عريس
إتحنني
فارس يميس
مو منحني
لهفو العريبي
الدندني
الشمَّ ريحة
السنسني
بالقرمصيص
إتلوني
أبقيلو ميس
إتكوني
سوي الرقيص
وإتفنني
فاض الحديث
كير الغُني
يا داندريس
لا عند هِني .؟..؟
... ...
والرادي غنَّى
الرادي غنَّى
جِنِس غُني
طنبورو كان
قدر الفني
جات غنوة
همّها شالتو
وعادت حديثه القالتو
مسحت دميعه الكبَّتو
وعصرت قليبه الحبَّتو
شان حبَّتو
أهداها ليها من القلب
والهفة الزول البحب
"ما جيت براي .. يا ست هواي
أنا ساقني حبِّي الماب يهد
أنا جابني ليك حكم الهوى
المافيهو حرَّة ولا عَبِد
حارس نجوم الليل براي
راجيها بتأمل وأعد
كان فيها نجمة تحدثِّك
عن حبِّي والشوق البجِد
عن حبّي أقول :-
أنا ياهو حب ؟!؟
ليل المحنّة يجيب برِد
عايان وصحّاي منشرح
هدّاي وهادي ومجتهد
الحب كفاح وأمل كبير
دنيانا ليهو محال تحد
لا فيهو تاجر لا غفير
لا فيهو حرَّة ولا عبِد
حافض هواكي أنا من زمن
صابر بفتِّش وكلِّي جد
لكين معا ألمي وشقاي
يا ست هواي أنا مستعد
لو طاوعك قلبك وراي
فارقتي دربي عشان عبِد
خلِّيني فتِّشي لي سواي
أنا أصلي عند الناس عبِد "
ومسحت دميعا الكبَّتو
وعصرت قليبه الحبَّتو
شان حبتو
... ...
وفجأة الضمير صحا وإنتبه
بالفرحة زغرد وإنتشى
والكون رقص في الساعة ديك
كان بس جريدي منقرشة
اليابس يباس
ما فيهو ناس
حتَّة كسيري مكنكشة
الأصبح جديد
في ذاتو عيد
عيد فرحة
بي طفلاً مشى
... ,,, ...
فتران أبوها
من النضِم
حفيان وماشي
بلا هدم
مهموم يبنبِن
في الطريق
صِحْ حالو مشيول
بالفريق
"راجل بنيتو
مدلِّعة
شيطاني غالبو
يطوِّعه"
في قول أبوها ..
بودِّرك ..؟؟؟
والأم دموعه
مكضَّبة !
شطح الخيال ...
قِدّامه جات
صورةْ حبيبه
مـشقلبة
"؟؟..
تاخدي العبد
شعراً مقرمد بالقمل
حفّان ينقط
في الوسخ ؟؟
تاخدي العبد ؟؟
لا واطة عندو
ولا أرض ؟؟
بتقعدي عاد
تحت اللبخ ؟؟
تاخدي العبد ؟؟؟!
وين عز أبوك ..؟..؟!
من بكرة تبقي
مجهجة ؟.؟
تاخدي العبد ؟؟
عاد واضحك ناس البلد
فينا الحديثن
ما إنتهى ؟؟!!
تاخ
دي
العبد ..... ؟؟؟
وما عرفوا أبوها
ولا أمّها
إنو إتمزج في دمها
حبُّو الفرض ..
تاني الحديث مابيهمها
مابيهمها
مابيهمها
ماإنعمَّق الإيمان
خلاص
في الدنيا ما همّاها
ناس !!
إنّو المصير لي حبَّها
ولابدَّ تحفض حبَّها
شان حبَّها
وشان حِبّها ؟؟"
... ... ...
ولاحت هناكَ
رهاب رهاب ..
وسط الضباب ..
صورة الحبيب
الإقترب
فوق الضمير
لوح الضمير
منقوشة صورتو
من الضهب
وشافت سهام
بت عمّها
الإنزوجت
بي سمّها
وكفرت بأبوها
وأمّها
القاعدين هناك
يتأسفوا ..
تعليم بنات آخر الزمن
نكَّد حياتنا
وبشتنا
وشال حالنا
بين ناس البلد
عدّمنا حتى إسم الجنا
... ... ...
والدارة ماجت
بالقصص
حفلة عرس
ضحكات
وبيناتن حصص
"؟ ؟! ؟! ؟
بت شان عبد
ساواله شقِّين
في السما
بت شان عبد ؟؟
كفرت بأبوها
العلّمه
وقدرت تخش المحكمة
بت شان عبد
قطعت صلة
وقبلت في شانو
الجلجلة
بت شان عبد
حرقت
طياب مستقبله
بت شان
عبـِ ....
وصوت الضمير
يهتف يقول
راجل ...
صفاتو ..
مكمَّلة .
سكت المغني
يغني ناي
ما جيت
براي يا ست هواي .....

الجميل
يسرى معتصم... شكراً كتير يازول يازين..


ودي
راني السماني

والبت
مهذَّبة
جامعية ..
_وسط بنات_
متعلمة
قاعدة وتأمل في البعيد
شايفاله نجمة مضلِّمة
هِن بالعيون يتغامزن
دايري العبِدْ
وساعةْ تتوه بهِن
الظنون
وآشرِّي !
صِح ..
دايره العبد ؟!.؟
يا الله ..؟
عاجبه ..؟
شان عديل قامة
وسنونو مفلَّجة !!؟
يا الله ؟؟
عاجبه ..؟
شان عيونو
السودا خلقة
حدود جبينو مدحرجة ؟؟!؟
يا ليلى ورِّينا السبب
يا ليلى واريهو العجب ؟!
نسن الخصال
الفيهو خلقة مأصلة
نسن العلم
نسن اللباقة
الفي حديثو مكمَّلة
نِسن إنُّو إنسان
بالصفات السمحة
روحو مشبِّعه
حالي الطعم
ممسوح فهم
نفسو الأبية مرفِّعة
نسَن النِسن ..
وإتحدثن ...
وإتونسن ..
وإتوسوست
هسَّع هُو عاد
بي غادي
يا الله الصبر
شايفاهو أبوي
ناداها
أمِّي مشتلو
يا سابل الستر ؟
وسمعت بعيد
زغريدة
من قلباً تعِس
بدل الفرح
كانت بكي
أنا ووب علي
ووبين بنيتي إنجننت
وين إتَّكي
والناس ملو الحيشان طَرِش
ينطقشوا في البيبان طَقِش
.. يا ..
بت ..
طلعتي بلا أدب
يا ..
بت
خلاص
قيدك وجَب
كيفن ؟؟
بتآخديهو العبِد
يجبِد عران روحك
جبِدْ ؟؟
وشقِّيش تقبِّل ؟؟
ما لِقت ..! .... ؟
والدنيا كلَّها ضلَّمت
دُم .. دمدمت ..
وفي الساعة شوّْ ..
نــزلــت مــطـر ..
وكل زول قعد في بيتو
مستنِّي الخبر
هام بالعريس الدقَّه
أجراس الخطر
وخالف حياة الناس
وبي ذاتن كفر !؟
وشقِّيش تقبِّل ؟؟
ما لِقَت !!؟
والدنيا كلَّها ضلَّمت
قمرية فوق بيضتين يتام
وسط الضلام إتكومت
فوقن رمت
قوقت سلام
إترنمت
يا داندريس
إنطمَّنِي
أحمد خميس
آخر السني
جاييك عريس
إتحنني
فارس يميس
مو منحني
لهفو العريبي
الدندني
الشمَّ ريحة
السنسني
بالقرمصيص
إتلوني
أبقيلو ميس
إتكوني
سوي الرقيص
وإتفنني
فاض الحديث
كير الغُني
يا داندريس
لا عند هِني .؟..؟
... ...
والرادي غنَّى
الرادي غنَّى
جِنِس غُني
طنبورو كان
قدر الفني
جات غنوة
همّها شالتو
وعادت حديثه القالتو
مسحت دميعه الكبَّتو
وعصرت قليبه الحبَّتو
شان حبَّتو
أهداها ليها من القلب
والهفة الزول البحب
"ما جيت براي .. يا ست هواي
أنا ساقني حبِّي الماب يهد
أنا جابني ليك حكم الهوى
المافيهو حرَّة ولا عَبِد
حارس نجوم الليل براي
راجيها بتأمل وأعد
كان فيها نجمة تحدثِّك
عن حبِّي والشوق البجِد
عن حبّي أقول :-
أنا ياهو حب ؟!؟
ليل المحنّة يجيب برِد
عايان وصحّاي منشرح
هدّاي وهادي ومجتهد
الحب كفاح وأمل كبير
دنيانا ليهو محال تحد
لا فيهو تاجر لا غفير
لا فيهو حرَّة ولا عبِد
حافض هواكي أنا من زمن
صابر بفتِّش وكلِّي جد
لكين معا ألمي وشقاي
يا ست هواي أنا مستعد
لو طاوعك قلبك وراي
فارقتي دربي عشان عبِد
خلِّيني فتِّشي لي سواي
أنا أصلي عند الناس عبِد "
ومسحت دميعا الكبَّتو
وعصرت قليبه الحبَّتو
شان حبتو
... ...
وفجأة الضمير صحا وإنتبه
بالفرحة زغرد وإنتشى
والكون رقص في الساعة ديك
كان بس جريدي منقرشة
اليابس يباس
ما فيهو ناس
حتَّة كسيري مكنكشة
الأصبح جديد
في ذاتو عيد
عيد فرحة
بي طفلاً مشى
... ,,, ...
فتران أبوها
من النضِم
حفيان وماشي
بلا هدم
مهموم يبنبِن
في الطريق
صِحْ حالو مشيول
بالفريق
"راجل بنيتو
مدلِّعة
شيطاني غالبو
يطوِّعه"
في قول أبوها ..
بودِّرك ..؟؟؟
والأم دموعه
مكضَّبة !
شطح الخيال ...
قِدّامه جات
صورةْ حبيبه
مـشقلبة
"؟؟..
تاخدي العبد
شعراً مقرمد بالقمل
حفّان ينقط
في الوسخ ؟؟
تاخدي العبد ؟؟
لا واطة عندو
ولا أرض ؟؟
بتقعدي عاد
تحت اللبخ ؟؟
تاخدي العبد ؟؟؟!
وين عز أبوك ..؟..؟!
من بكرة تبقي
مجهجة ؟.؟
تاخدي العبد ؟؟
عاد واضحك ناس البلد
فينا الحديثن
ما إنتهى ؟؟!!
تاخ
دي
العبد ..... ؟؟؟
وما عرفوا أبوها
ولا أمّها
إنو إتمزج في دمها
حبُّو الفرض ..
تاني الحديث مابيهمها
مابيهمها
مابيهمها
ماإنعمَّق الإيمان
خلاص
في الدنيا ما همّاها
ناس !!
إنّو المصير لي حبَّها
ولابدَّ تحفض حبَّها
شان حبَّها
وشان حِبّها ؟؟"
... ... ...
ولاحت هناكَ
رهاب رهاب ..
وسط الضباب ..
صورة الحبيب
الإقترب
فوق الضمير
لوح الضمير
منقوشة صورتو
من الضهب
وشافت سهام
بت عمّها
الإنزوجت
بي سمّها
وكفرت بأبوها
وأمّها
القاعدين هناك
يتأسفوا ..
تعليم بنات آخر الزمن
نكَّد حياتنا
وبشتنا
وشال حالنا
بين ناس البلد
عدّمنا حتى إسم الجنا
... ... ...
والدارة ماجت
بالقصص
حفلة عرس
ضحكات
وبيناتن حصص
"؟ ؟! ؟! ؟
بت شان عبد
ساواله شقِّين
في السما
بت شان عبد ؟؟
كفرت بأبوها
العلّمه
وقدرت تخش المحكمة
بت شان عبد
قطعت صلة
وقبلت في شانو
الجلجلة
بت شان عبد
حرقت
طياب مستقبله
بت شان
عبـِ ....
وصوت الضمير
يهتف يقول
راجل ...
صفاتو ..
مكمَّلة .
سكت المغني
يغني ناي
ما جيت
براي يا ست هواي .....


اها كدا قصرت معاك ياراني...


يسري ازيك ...هههههههه

الحبيب ود القاضى

إزيييييك

مطرة كسلا كيف

Quote: اها كدا قصرت معاك ياراني...

يقصر الملاح في الكربوج ولا الكداد يا فايز.

شكراً للمرور


راني السماني