يا دكين : أخبار القرمصيص شنو ؟؟

Quote: يا من تجدها اعدها فتلك قسمتي .. يا فلانة سأجمع لك مهرك يوماً وأجئ معتذراً عن سمرتي ، وسفالة الزمان .. انا لن اموت حتى تٌٌقبليني . (انتهى) ربي هبها لي مجردة من الغربة والسهر ..معتوقة من ظلمة الظن والتخمين.. وهبني لها مودة ورحمة وحديقة .. اللهم هبها لي عروساً تشهد مولدي وتهدهدني في حجرها ... اجعلها اللهم سكينة امري تضئ لي فؤادي ، دامعة العينين لا تنفك عن ذكر المولى وسد ذرائع الدنيا .. تذكرني بمناسيب النيل الأزرق وباني من تراب ، وترضعني الحياة وتختنني .. واجعل بيننا اللهم مودة المحاصرين ، وصراحة المفارق ... اللهم وبصرني بمكان ِخدرها ، فأذهب أليها حافيا إلا من شوقي وجاذبيتها... اللهم يا واحدُ يا قديم : اعصمني من دق البابِ الخطأ ، والبنت الخطأ ،والظنِ الخطأ واحمني اللهم من اللواييق ، اللهم اهدني لها من غير ما لبس .. آمين ..

Quote: كل يوم بقيت انوم في تمام تسعة ونص مساء .. هما وفلسا وضغينة .. الليلة هجس هاجس فيني فتذكرت دون مناسبة تلك القرمصيصة المرسلة من قبل تمبس.. بهرني ذلك الضياء المرسل من تلكم الاماني المرسلات من غيوم السودان.. وهانذا ارفع البوست متاملا شجيا ناسيا ظلمة نفسي وقساوة هذا الزمان واعيد نومي.. متى يسترد الله الوديعة فيريحني من هذا العناء الجليل ..

الأغنية كسر حاجز بس
ما عندها علاقة بالموضوع سوي الجمال الذي تحمله
صوت نهي ومزيكة أبوها والكلام المرتب
وطريقة التصوير الرائعة

Quote: قام احد اولاد الحلة ُمتمهلا جداً والسطلة قد اخذت منه كل الواقع فاعتلى كومة طوب عند اول الشارع ، ثم بال عليها وحمد الزمان وقال : دولة الكيزان شيء من العفن ... واخذ يكررها دون اكتراث محدداً بالبول كافة الطوب حتى تعب فرقد علي تلك الكومة غير هياب فقد حازها بإهراق البول . حازها وهو لا يملك من الدنيا إلا الأعضاء التي وهبها الله له ، يأخذ منها قدر حاجته ثم يسلمها إليه . رقد ومن يعتِقدن انهن جميلات من بنات الحلة ينظُـرن إليه من سطوح ضو البيت ومن ثقوبٍ في حيا ِتهن . ود الحلة هذا لا يملك برستيج ولكني رايته َيبِرُ بوالديه شغوفا باشجار الجهنمية عند ابواب البيوت .. ما حاك في نفسه شيئا قط وكره أن يطلع عليه الناس .. وليس له دين معروف لكنه دين (باي ديفولت) .. فطرياً هُديَّ إليه كما سائر الحيوانات . ــــــــــــــــــــــــــــــــــــــــــــــ دخلتُ معكِ في دين ود الحلة فهل تقبليني منتعلاً كاسيا .. ُمتحلِلا من الدنيا لأن الدنيا ابتني .. ِعلقاً منها بكل أرزالها لأنني ما أبيتها .. وضيعا فيها لانني ما ابقيت شيئا اُعز به .. ضميـني اليكِ شاكياً ُمتَحلِلا علِقا ... مجُللا بوضاعتي .. وانظري – يرحمكِ الله - كم من البول قد اهرقنا وما حُزنا على شي .. مروان العبادي – من تاج الحفيان دكين- من راس الحفيان نفسو

Quote: احبتي .. بولوا تغنموا بولوا على مساحات مفتوحة واشياء اخرى .. بولو على كل شي تعثرون عليه ..وكل شي تقفون عنده ..وكل عمارة يعجبكم رسمها .. حَــدِدوها في جماعات او فرادى ..متحركين كنتم أو واقفين أو على جنوبكم .. عسى تملكونها .. ما تحددت لكم حيازة من قبل ليس لانكم بغير مال ولكن لانكم ما فتئتم تبولون على ثقب صغير في منازلكم .. انتم احبتي بالكاد تملكون مراحيضكم حيث حددتم حيازتكم .. قد بال خياركم على خيرنا فملكوا كل شي .. ونحن ندفع لهم في السفارات لتتسع مساحات بولهم وحيازاتهم ذات الرائحة ولا يستغربن أحدا منكم إن رأيتموني انزل من الطائرة في خريف العام القادم فأبول على مدرج الطائرات فاملكه ، فامنع السفر .. ليضيق المرحاض بعدها بالجميع ..

ذاكرة البورد لا تموت عند الكل يا وغد
فالجهنمية وعبارات بيوت الحلة الحنينة وشاي المغرب
بتتحفر جوه وتمشي مع سيده للقبر

Quote: الآ فاعلمي ان لي معك احاديثَ وفعائلَ كثيرات.. وان حنيني اليك ممزوج باشراطٍ لايدركها غيري وغيرك..وما انا ببالغها في سواك.. والخرطوم بمدنها الثلاثة وسكانها رقيقي الحاشية شرطُ ُ فيها .. والابوابُ المعروشةِ بالجهنميات شرطُ ُ فيها.. ومغاربُ الشتاءِ في الحلفايا شرطٌ فيها.. والنيل الازرق بظلاله عند النقل المكانيكي وحي الوابورات شرط فيها.. وبؤبؤ عيناك اللتان لاتبصران سوى المحبوب شرطٌ فيها.. ومن ثم المزهريات ونباتات الظل واغنيات الكابلي .. ولابد من الصبر والتواضع الجم والاخلاص وعدم المكابرة فما تلك بشروطِ هينة.. الا واعلمي ايضا انه لن يكون هناك مايكفي من العمر والمروة إن اوغلتي في هذا الغياب.. سيفنى في قلبي حنيني إليكِ.. ويتبدل حال عافيتي فلا يصلُكِ مني إلا اللمم.. اولا ترين شرودي؟

حنين الليل مرات بجي الرياض يا دكين
خاصة لامن يكون فيهو نسايم وقمره
متخيل اتذكرتكـ في (مود) عامل كيف ؟؟
الرياض اليومين الفاتو يا دكين (زي أسبوعين ) كان فيها ربيع ، تخيل !!
مطر ومعرض زهور ( بس ما فيهو جهنمية )
الناس بقت ما بتقطع الإشارة عشان الجو السمح
طبعاً لامن يكون الجو السمح العربات بتكتر في الشوارع
لا مكان للإحتفال سوي الأسفلت أو حجارة بر الثمامة ..
أمَا كيف يأتينا الحنين الريحتو دعاش ؟؟
فتلكـ من دروس الغربة التي توسع الخيال كلما ضاق الحال
ويبدو أن حالكـ قد تغير وتركـكـ ضيق الحال
وتبدلت أمور
فتركت الحنين
والكتابة

تماما ياعمران فذاكرة البورد لاتموت .
الوغد دكين أستاذ فـى فن التعبير يرسـم
بالكتابه لوحات مدهشه فى بساطه متناهيه .
إلتقيته قبل أيام وطلبت منه أن يعود
ووعدنى ,, إلا أن الخبر الجميل إنه فعلا
يجهز فى الريحه والقرمصيص فقد وجدها مؤخرا
إنثى من كوكب آخر أوكما قال .
أتمنى أن نفرح معه قريبا ,, شكرا ياعمران .

Quote: إلا أن الخبر الجميل إنه فعلا يجهز فى الريحه والقرمصيص فقد وجدها مؤخرا إنثى من كوكب آخر أوكما قال .

وتلكـ مفاجأة 2010 يا كمال
سأفرح لهذا الوغد فرحي بابتسامة محمد عمران

Quote: فمتى تمتد اغصان شجرةُ العمرِ الجميلِ بيننا؟ متى نمِـدُ جذورها في تربة الذكرياتِ الخصيبة..ويبسط كل منا لرفيقة من ثمرِ الإلفة والمودة ما يشتهي.. انا لو ظللتُ اكتب اليكِ هكذا في كل عامٍ بوست.. فمتى اتوقف عن الكتابة؟!! لو ظللتي تُـهرقين من عُـمرك هكذا في كلِ عامٍ... 365 يوم.. فمتى تـنـزاحُ عني دوائر هذا القلق الخصب ؟!! لو ظللنا هكذا حبيبانِ في الغيبِ وقـلِـقانِ في السنينِ لايلتقيانِ.. فمتي سنتزوج؟

وتلكـ كانت مناجاتكـ يا وغد لصاحبة القدر

كمية من التحانيس بذلتها حتى القى تلفوناتكـ
ليهو معاي والله أكتر من شهر
كلو يوم أقول أديكـ ألو ، في الله سااااااااااااااي
وكل يوم يحتاج الرصيد إلى مدد صار ضنيناً هذه الأيام
قتَ أسككـ بي جاي
وسبحان الواحد الأحد أتذكركـ وألقى إنكـ بي أسبابكـ
يعني كان ما كمال سالم ده كنت حا أنداح ليكـ بالمقلوب ..



____________________________________________________
حريقة فيكم انت وصلاح شتات وعماد عبد الله أقعد أسكـ فيكم كده التقول عندكم ما يستحق

Quote: القِسمة والنصيب القسمةُ هي ان يقسمَ الله لكَ من الشي الذي يقبل القسمة مقدارُ ُ معلوم .. كأن يقسم الله لك من الولد اثنين ومن البقر اثنين ومن المال ماتيسر ..ومن نساءِ الارضِِ واحدة او مثنى او ثُـلاث او ماشاء الله... والنصيب هو ان يعطيك الله الواهب نصيباَ في الشي.. كأن يعطيك الله نصيبا في الصحة ونصيبا في الجمال اونصيبا من الولد والمال..والزواج هنا هو الشي.. بعضهم توفاه الله دون ان يكون له في الزواجِ نصيب..فذلك لا قِـسمة لهُ من نساءِ الدنيا .. فالنساءُ على ظهر الارضِ لايُقسّـمنَّ على الموتى في باطن الارض او الغرقى في اعماق البحار اوالحرقى المتحولين الى رماد.. والعِـلة في عدم القسمة هنا هي الموت وإدراك الأجل وليس حال الموت.. وبعضهم اعطاهُ الله في الدنيا نصيبه في الزواجِ وقسم له من نساءِ الارضِ ماتَيسر.. ولانستطيع انو نقول هنا ان عِلة العطاء هي الحياة فبعض الناس يحيا ويختار طائعا ان لا ياخذ نصيبه من الزواج.. وكان الاقدمون اذا عادوا من غزوةٍ ما قسموا غنائمهم الى كيمان كيمان.. ومن ثم اخذ كل غازٍ نصيبه سهماً من هذهِ الكيمان وهكذا الامر.. النساءُ في هذه الدنيا مُـقسمات كيمان كيمان.. كيمان صالحة.. وكيمان طالحة ..وكيمان ناس الحِـلة ..وكيمان ناس الجامعة وكيمان الاهل ..وكيمان ُصحبة عمل ..وكيمان اجانب.. وليس حال الكوم بذي بال في هٍذه الهُـنيهةَ من زمانِ شرحي، فنحنُ لسنا في معرِضِ شرحِ حالات كيمان النساء وانما في معرضٍِ شرح فلسفة القِـسمة والنَصيب.. وهكذا فالحيُ المخير المختار ياخذ من أي كومٍٍٍ اراد.... والميتُ بالأجلِ لانصيبَ له في كيمان الدنيا ولايٍُـصيب منها شيئاَ.. عليه احبتي الافاضل كثيري اللطف والكرم ما هذه الدنيا إلا غزوة.. وما نساؤها إلا كيمان سهام.. فمن هذه الكيمان يأخذُ كل واحدٍ منا قِـسمته، ُيصيبها بِسهمه اذا كان له في الزواج نصيب... والسهمُ في معنى النصيب والله اعلم.. فإذا ما ضللتَ عن سهمِكَ في الدنيا ظلَ قـوَسُـك مشدوداً ابدِ دوامِ الدنيا.. فاذا ما نبلتهُ وطاشَ سهَـمُـكَ في دنيا الناسِ هذه.. اضحَى قوسكَ متوتراً الى ابدِ الاباد.. فاحّذروا طِـيش سهامِـكُـم فِـيها وشتاتها في الافاقِ، وانظُـروا مليئاَ واستخِيروا ثم ارمُوا بما تَيسرَ.. وماغزوتكم فيها إلا متاع وخيرُ متاعِها سهمُ ُصائِب.. حاشية: تفسير وشرح معنى القسمة والنصيب هو اجتهادُ ُ شخصي ورد الينا في تمامِ الواحدة من يوم الاثنين 5 ذو الحجة..عن طريق الالهام المباشر بمنطقة عِـرقة في ضاحية وادي حنيفة في تأملي لسنين غربتي المنصرمة.. لا ادري مدى صحتة .. لكنو بالنسبة لي تفسير مُـقنع.. تم نقله بعد التحقيق والاقتناع الى كتابنا (كلبُ ُ ضال وسهمُ ُ طائش) صفحة 747

ليلاً تقضيهو خنق
وليلاً تساهرو مخنوق
وليلاً فيهو قمره وحنين يشيلو دكين
أيِ حظ هذا ؟؟

ولأصحابكـ التحيات
لا أرى منهم أحدا الآن .. فالدنيا صباح الخميس
فان مررتم فارفعوا أمر البوست إلى أعلى قليلاً حتى يراه عريس 2010
وان تبقى شيئاً في أمر صحبته فابذلو المحبة للرجل فله تاريخ بيننا

دكين السيف السنين المجافي جفيـرو
برق البروق وماطرا يفيض في حفيـرو
غيما كرس الودي قبل الهجعة لاحق طيرو
خاوي ورشع وغطى السهول من خيرو

ده دكين حقنا ولا بتاع التاريخ يا المسافر ؟

عمران إزيك

تعرف البوست ده يا عمران كان ممكن (يستدعى) دكين من أضانو
لكن فيديو نهى ده - والمصحوب بأشياء تثير شجن دكين- تجعله لا يقرب هذا البوست

النجيضة :تشوف لو ما جاك منو مسنجر بالشكل ده :
(عمران ياخ تعرف لى تلفون نهى دى؟)


ده قرمصيصو زى الخل الوفي

Quote: ده قرمصيصو زى الخل الوفي

انت رميت طوبة قرمصيص صاحبكـ يا وليد ؟؟

القرمصيص
ديكور يوم الفرحة الكبيرة
كبيرة لأنها جاءت وفقا لـ :

Quote: ربي هبها لي مجردة من الغربة والسهر ..معتوقة من ظلمة الظن والتخمين.. وهبني لها مودة ورحمة وحديقة ..

والقرمصيص أحمر
ووردة الحب حمرا
ويوم الحب عند آل خواجة أحمر التفاصيل
لبساً ، وعبارات ، وأفعال
" حَمَار " قرمصيص يوم الفرحة نهاية لي مرحلة الكلام والشرح ونوع الفرح
وبداية لي مرحلة أيام الحب بي تفاصيلوالحمراء
وبتكون طبعاً بتطبق في نص الكلام التاني : وهبني لها مودة ورحمة وحديقة

يا وليد طه تاني إزيكـ

Quote: لكن فيديو نهى ده - والمصحوب بأشياء تثير شجن دكين- تجعله لا يقرب هذا البوست

مرات كتيرة يا وليد وانا بسمع في ندى القلعة ولا ما عارف منو ديكـ بستغرب وبقارن
لامن يغني عثمان حسين أو وردي أو أي واحد من كبار الغنا عندنا
بتحس بي كلمات الشاعر (الرجل) وتسمع الغنا بي صوت المغنِي (الرجل )
ويكون السمع بي إحساس الرجل
وشعر الرجال كلو أنين ..
وسمع الرجال برضو كلو أنين
وكثيراً ما تلامس حروف الشاعر مشاعر الرجل فيتوه في الغنية والكلمات والآهات بي إحساس العاش التجربة .
نُهى نموذج ممكن تسمع بيهو آهة الأنثى
لأن الكلمات جميلة ومقرونة بى لحن بشبه الكلمات وبي صوت أنثى ..
حنين وفيهو أنين يعطيكـ إحساس الأنثى لامن بتكون أنثى حقيقية
وحقيقتها أنها تغنِي مشاعر وليس ( عربيتو كريسيدا ونسيبتو غتيتة )
ومشاعر المرأة أكثر صدقا حين تكون شعراً .

قرمصيص دكين يا عمران لم يكن غير تداعيات غربة وغربة نجد تحديداً

دكين الآن يا عمران أصبح من سكان السواحل ، يجلس على كرسي من الجلد الفاخر فى هدوء وفى يده صنارة صيد مولياً ظهره (للقرمصيص).

ولك أن تتخيل ذلك.

فى الغالب (هواهو خليجي) :)

ما عشان الهوى الخليجي والسنارة وكرسي الجلد الفاخر كتبت ليهو كده :

Quote: حنين الليل مرات بجي الرياض يا دكين خاصة لامن يكون فيهو نسايم وقمره متخيل اتذكرتكـ في (مود) عامل كيف ؟؟ الرياض اليومين الفاتو يا دكين (زي أسبوعين ) كان فيها ربيع ، تخيل !! مطر ومعرض زهور ( بس ما فيهو جهنمية ) الناس بقت ما بتقطع الإشارة عشان الجو السمح طبعاً لامن يكون الجو السمح العربات بتكتر في الشوارع لا مكان للإحتفال سوي الأسفلت أو حجارة بر الثمامة .. أمَا كيف يأتينا الحنين الريحتو دعاش ؟؟ فتلكـ من دروس الغربة التي توسع الخيال كلما ضاق الحال ويبدو أن حالكـ قد تغير وتركـكـ ضيق الحال وتبدلت أمور فتركت الحنين والكتابة

أما إن كان :

Quote: فى الغالب (هواهو خليجي) :)

ما عندنا غير (جِنِس ) نهى عجاج نغرقو بيهو عشان يعرف حاجة :

عمرانو

عندما حضر دكين للدوحة

وجدناهو مواطن عادي خالس خالس

خليل يا هندسة :

Quote: وجدناهو مواطن عادي خالس خالس

ومن قال غير ذلكـ يا صاحبي ؟؟

Quote: ومن قال غير ذلكـ يا صاحبي ؟؟

اقصد من شكل الكتابة والاسم

تتصور انك حا تشوف زول طويل وتخين وملفهم

يعني الكتابة ما زي دكين ودكين ما زي الكتابة



وقع ليك يا عمرانو

Quote: تتصور انك حا تشوف زول طويل وتخين وملفهم

الفلهمة عندو بس حقتو براهو ..
هو البعرفه وتشبه عبارات كتيرة جوة كتابتو .




وقع ليكـ يا أبو الخل
________________
طبعاً واقع لي انو أكبر وغد

وكما القرمصيص ديكور
فتوابعه ديكور آخر ..
يخلصون العمل فيه ، تكلفته العالية وصدق العمل والطريقة التي يعمل بها ..
وهو إضافة لتلكـ اليلة المميزة ولكنه يظل ديكور ..
نستنشق عبيره ويضيف لمشاعرنا الإحساس بالوجود ويظل الأًصل في الشي :
دعوات دكين :

Quote: ربي هبها لي مجردة من الغربة والسهر ..معتوقة من ظلمة الظن والتخمين.. وهبني لها مودة ورحمة وحديقة ..

حولااااااااااااااااااااااا ياعمران ما هجمتنا !!!

هسه انا قايله دكين عرس !!!













ـــــــــــــــــــ

Quote: ممكن تسمع بيهو آهة الأنثى لأن الكلمات جميلة ومقرونة بى لحن بشبه الكلمات وبي صوت أنثى .. حنين وفيهو أنين يعطيكـ إحساس الأنثى لامن بتكون أنثى حقيقية وحقيقتها أنها تغنِي مشاعر وليس ( عربيتو كريسيدا ونسيبتو غتيتة ) ومشاعر المرأة أكثر صدقا حين تكون شعراً

يا زول ؟؟ مالك ؟؟؟ خير !!
اول مرة اشوفك كدا !!!!!
استغفر لووووووووول والله اخير منك دكين ..
شكلو القرمصيص لازمك انت .. لوووووب

Quote: ستغفر لووووووووول والله اخير منك دكين .. شكلو القرمصيص لازمك انت .. لوووووب

لولييييييييييييييين يا زوله
أنا القرمصيص لبستو قبل عشرة سنين
انت ماسكة لي في دي مالكـ ؟؟
المقارنة ما مقنعة ??

هذا الدكين من امتع الناس كتابة في هذا المكان ، رجلا أتاه الله جوامع الكلم إلا هبشه ، و الهبشه دي جات في الراس فاضفت علي الكتابه سحلبه حلقت بنا في سموات أخري !










----------
يا عمران
مفروض نعمل شنو عشان دكين يرجع يكتب ؟

Quote: يا عمران مفروض نعمل شنو عشان دكين يرجع يكتب ؟

هلا بكـ أمين
الزول العجيب ده ما زي الزول البقوموا الناس يمشوا ليهو ويشيلو ليهو جودية معاهم راجنو يسمع كلامهم
هو زول رافض ومتمرد واعطته الدوحة (كرسي جلد فاخر ) كما يقول وليد طه فجلس فيه ( متفرجخاً ) ساخراً آخذا من أطايب الدنيا ما فاته
( خليهو يجي ينكر ) وأنا متأكد إنو حاول يجي يكتب مستصحباً بواقي ( معاناة في ذاكرته ) إلا أن الحرف رفضه إذ تغير المنبع
كما أن جو المنتدى اختلف عما كان فأحس بأنه سيكون خيالياً إن واصل في ذات اللغة والاتجاه .
وذلكـ ما يفعله صلاح شتات
وعماد عبد الله
هرب مثلهم وانزوى ...


____________
حروف متشربكة غيرناها

Quote: عندما حضر دكين للدوحة وجدناهو مواطن عادي خالس خالس

خالي خليل
دكين الدوحة ليس هو دكين الرياض ..
كل الإقتباسات أعلاه كتبها دكين الرياض في حين توقف دكين الدوحة من الأرسال عندما فارقت عيناهـ مطار الملكـ خالد الدولي

يعني بالكورة تقدر تقول دكين الرياض هو عجب كوبر في حين دكين الدوحة هو عجب المريخ حالياً ..



عمران إزيكـ ياخ

Quote: يعني بالكورة تقدر تقول دكين الرياض هو عجب كوبر في حين دكين الدوحة هو عجب المريخ حالياً ..

كاااااااااااااااااكـ لكن
صورة مع التحية : للخال حمزاوي وطلحة تنظير

Quote: على أي حال اعلموا ان الانسان في الاصل كائنُ ُ جميلُ ُ، مبدع.. تغشـته غوائلُ التيهِ والجهلِ والبلايا فحاد عن طريقِ الجمال وضل إلى الإبداع سبيلا.. فصار إلى ماصار إليه اليوم مشتت الذهنِِ، حائرُ العقلِِ مشغولُ ُ بالاستدراجِ في الدنيا عن مشاهدة الحقِ بالنعيم الآجل.. احبابي يفتح التنظيرُ افاقاً جديدة ومساحاتِ خيالٍ اخرى ربما لم تكن موجودة عند الكثيرين لاختلاف الثقافات والنشأة.. كما وان الحياة وظروفها فيما اشرنا إليه بـ(الاستدراج في الدنيا) منعت الكثيرين من مجرد النظر إلى الأبعاد المتاحة في جسد الإنسان وبالتالي درج على معاملتها على نحو تقليدي بائس.

وهل تغشتكـ غوائل التيه انت أيضاً ؟؟ وشغلتكـ الدنيا باستدراجها !!

دقيقة يا عمران غايتو انا ياداباب جايي خاشي البيت لاكين خليني بكرة الصباح بجي لي بوستيك دا بمزاج و ان شاء الله التافهه دا يجي قبلي بس

افتقدنا دكين حين فارق الرياض وتوجه صوب الدوحة ...

ومن حديثكم انه يمم قلبه شطر جهة ما

ومن يمم قلبه شطر جهة ما مفقود مفقود مفقود...

وكان في الرياض يمتطي صهوة خياله المعرد ويفعل في اللغة سوات العاصفة بي ساق الشتيل الني ..

فيسكر محبي الحرف والخيال الجامح ..

أما عماد عبدالله " والشكية لي الله" ابتلعته دال فغاب بين دهاليزها وفقد احساس الغربة الذي هو مداد قلمه السنين ...واصبح مفقود مفقود .. " ديل ناس شينين ساي ..

خسمتكم بي الله تجو عشان الولد دا " عمران"وآخرين من دونهم لاتعلمونهم يعلمهم الله ..

Quote: ديل ناس شينين ساي ..

هو غير شناتم دي المكرهني فيهم شنو







_______________________

Quote: وفقد احساس الغربة الذي هو مداد قلمه السنين ...

إنتي غربتكـ شالت منكـ الحرِف مالكـ ؟؟

سلامات يا عمران

والله لي فترة داير ارسل مسنجر لدكين علي سبيل التحية والاشواق !

فليتقبل ذلك ان مر من هنا .

مراحب الوليد ، وماسنجركـ سويهو دايرين نكاتل الراجل عديل نحن

Quote: و ان شاء الله التافهه دا يجي قبلي بس

هو انا غير جيتو عايز شنو

عمران ..سلااام

لماذا انزواء صلاح شتات وعماد عبدالله ساى كدا
وانزواء دكين ارتبط بكرسى الجلد الفاخر ومياه الخليج؟؟



تحياتى....




___________________________________________

دكين مازال مقطعا قال اطايب قال

Quote: دكين مازال مقطعا قال اطايب قال

ساعدينا بالصور يا أميرة (بالإنجليزي)










__________________
كان خايفين قولو ما فيها حاجة

يعني الخواجة اللندني ده بيكون حاسي بي شنو ؟؟
فقط تجربة جديدة بالنسبة ليهو
انا لو كنت من اصحابو ما كان خليتو يعمل كده

عقدوا !!

Quote: عقدوا !!

ما للدرجة دي ياخي



________________________
لو القاف فيها شدَه يبقى ده موضوع تاني

انتهى وتم قفل (المناداة ) دي في وقته وتاريخه












___________________________________________
من كتاب البحث عن أصدقاء السايبر أًصحاب الحرف المختلف واللغة المجنونة
المجلد العاشر
صفحة رررررررقم 672

Quote: عقدوا !!

لا ياخدر ده لستك عربيه طرشق

عمران اخوي

نعم ذاكرة المنابر لاتخون فهذا دكين
كم اسكرنا من دنه وما ارتوينا فقرر لنا الفطام دون مواعيده
قال يعرس قال ياجماعه الزول ده ثروه قومية لو عرس بضيع مننا
ولو فتح برميل الزفت بالقلبه بضيع هو لي ذات نفسو


اقول ليك ياعمران
قول ليهو عرس ( القضية )وارجع لينا
وقدر ما يسالوك البايخين عرست ولا لسه؟؟؟
قول ليهم انا معرس القضية

شفت كيف ياعمران مش حل

Quote: كان خايفين قولو ما فيها حاجة

نحن ناس سترة ياعمران يااخوى

Quote: وانزواء دكين ارتبط بكرسى الجلد الفاخر ومياه الخليج؟؟

باعتبار انو هنا كان مقطَع

Quote: وتهدهدني في حجرها ...

دكين دا مما ربنا خلقو عندو شهوة زيادة
مشكلتو في المضاجع
لازم يتم تأمين مضجع له وباسرع وقت
مع التفرغ التام للمضجعة خلال الاربعة والعشرين ساعة

زمان اتطاولت علي يحي فضل الله في البورد دا وقلت ليهو ما معناهو ( انك فقدت الاحساس بالمعاناة واصبحت كتاباتك من غير نكهات , كنت بتكتب تداعيات من الخرطوم لما كنت بتمشي من السوق الشعبي امدرمان لحدي جوة ام درمان برجولك كنت بتشوف الشماشة من حولك كنت بتشوف الارامل وهن يسعين من اجل لقمة يقين بها اولادهن شر الجوع والعوز لما سافرت كندا كتاباتك عنهم بقت سماعية مافي احساس حقيقي في الكتابة اصبحت التداعيات زي الكلمات المتقاطعة ,,,الخ ) وكذا دكين , دكين لما كان في الرياض يركب الحافلة ابو ريالين توديهو المشوار في ساعتين ونص مع العمالة المسحوقة دكين ايامها كان يعيش ضنك ليالي صحاري نجد ولهيبها , ايامها كان يكتب باحساس غير الذي يحاول الكتابة به الان وهو يركب ( البرادو) في مشوار طوله عشرة امتار للسوبر ماركت , دكين ايامها يعيش حياة الكفاف في ( السعودية بنين ) يمر الشهر والشهران والسبعة ولا يري فتاة سوى بت اخوهو الصغيرة لذا كان يكتب عن القرمصيص باشواق موجوع , الان وهو يتجدع في فارهات عمائر الدوحة بين غيدها وحسانها لن يأتيه احساس قرمصيص من بين يديه او خلفه
دكين تغير به الحال يا عمران اصبحت اجازاته في شاليهات شرم الشيخ من اين له وجع الكتابة يا عمران .؟

حمزاوي يا خال
انتو ما أهل ( لغات خاصة ) بكون قال ليكـ

أذكر يومها عندما ذهبنا سوياً أنا ودكين الى عُمرة - وبعد أن أكمل شوطه السابع- نظراً ملياً الى نساء دول البلقان و فتيات تركيا، وإلتفت ناحيتى قائلاً (ياخي الناس ديل فيهم نبل ماعادى)

كان ذلك فى اوآخر عهده بالقرمصيص وسيرته العطرة

اللهم ارحــم دكــين ..

Quote: حولااااااااااااااااااااااا ياعمران ما هجمتنا !!! هسه انا قايله دكين عرس !!!

دكين الوجيه شلهات بنات الحلة ( أو كما قيل)

خلي أخبار القرمصيص أخبارك إنت شنو ياخ !

وأخبارك ياعمران

وأخبار دينا دي ذاتها

Quote: ملكة سبأ

تاني شنو با قي يا دكين الشين ؟؟
الملكة ( شخشياً ) جاتكـ
_____

مراحب ملكة سبأ
أخبارنــا غربة وشجن وشوق للبلد
أخبارنا أسفلت وأسمنت ونيون
ومن البيت وللشغل والعكس
كمية من الإشارات الحمرا دايماً
بس لسع ما سخنت شديد

مداسٌ عند عتبات القـلب

Quote: الان وهو يتجدع في فارهات عمائر الدوحة بين غيدها وحسانها لن يأتيه احساس قرمصيص من بين يديه او خلفه دكين تغير به الحال يا عمران اصبحت اجازاته في شاليهات شرم الشيخ من اين له وجع الكتابة يا عمران .؟

الحب عندو وجع برضو يا إسئس
مداسٌ عند عتبات القـلب