النك نيم الانجليزى والفلهمة(توجد نماذج),,,,,,,,,,,,,

Amira Elsheikh اول نموذج شان مايجى زول يقول لى ابدى باسمك,,

كثير ماواجهتنى صعوبات فى قراءة بعض اسماء الاعضاء المكتوبة باللغة الانجليزية
وكثيرا ما اخطأت فى كتابتها بالعربى والسبب حسب وجهة نظرى احتمال :-
1/ضعفى فى اللغة الانجليزية
2/هناك حروف فى اللغة الانجليزية تقرا باتجاه واحد اما فى اللغة العربية تقرا باتجاهين مثلا حرفA
بالعربى يقراءعين او الف ومثال نك نيم الزميلamir jabir
كثيرا ماخاطبته باسم امير جابر وقبل يومين فقط اكتشفت ان اسمه عامر وليس امير
3/kh تقراء بالعربى خ وك وبالانجليزى كـ وحرف الs بالعربى ص وس ...وكثير من الحروف
4/فى اسما اصلا حتى بالعربى صعبة ولما تبقى انجليزى بزيد صعوبة

لاحظت بعض الاعضاء شان مايدخلو فى حرج بعملو كوبى بوست للنك نيم الانجليزى ويواصلو بالعربى عادى


نواصل


_______________________________________________
الفلهمة دى كلمة مما فتحتها بسمعها من حبوبتى وعاجبانى شديد
اتخيل لى معناها انو الزول مزودها حبتين والله اعلم,,

يعني انتي اسمك بيكون اميـره الشيـــك

Quote: يعني انتي اسمك بيكون اميـره الشيـــك

لقيتك صاحية,,,وخضر حسين الله يطراهو بالخير,,

غايتو يادلوش اسم ابوك دا لو كان بالانجليزى كان تعبنا

بت الشيك :
احوالك؟
خلي الفلهة وامشي شوفي طارق جبريل عامل شنو؟
وفتشي معاك هواري
شبكة وياسر وانعام عبدالحفيظ حضور مبكر
علا انت
بهاء

بها الهادى,,,

ليكـــ مدة مابنتها,,,دى فلهمة منك يعنى??

تحياتى ...اكيد معاكم,,,,,

هوارى ليهو مدة مختفى,,

اها هوارى ,دا بركة الغير النك نيم من الانجليزى للعربى ,
انا متاكدة اسمو كان الناس بتعمل ليهو كوبى بوست ,,

بت الشيك من يوم الليلة
وشكرا ليك على السؤال
وحاتك ما فلهمة ولا بتخيل فينا
لكن زرزرة وبلد معفرتة
وبعد دا تجيها رجة كدا غير يا لطيف ماف شيء
أها انا اسمي دا والله رسلتو لبكري وجابو لي كدا
وحلفت ما أغيرو
لك ودي

Quote: HAIDER ALZAIN

Hadeer Alzain

كمـ زول لخبـط بين حيدر الزين وهدير الزين
مرة شبكت ليك هدير دى ياحيدر يايدر لماحبر كيبوردينى جف,,
بس ربك ستر امسحك امسحك لا من شاف ولا من درى,,,
وفى كم زول وقع فى نفس الغلط وانا ميتة من الضحك

وكتها ما كنت عارفة انو فى زميلة هنا اسمها هدير الزين

تحياتي لهدير الزين و حيدر الزين

Quote: كمـ زول لخبـط بين حيدر الزين وهدير الزين

طبعا يا مرامر اختك كانت برلومه جدييييده لنج
وفي بوست (الحلو مر) داك لو متذكراهو ,
بشكل عاااااااادي شبكتا ليك هدير : يا حيدر وحيدر
بس البنيه ظريفه الاستحملتني

Quote: طبعا يا مرامر اختك كانت برلومه جدييييده لنج وفي بوست (الحلو مر) داك لو متذكراهو , بشكل عاااااااادي شبكتا ليك هدير : يا حيدر وحيدر بس البنيه ظريفه الاستحملتني

متذكرة يادلوش ودا الكان مضحكنى
انا غايتو لحقتها ومسحتها بس انت البرلمة كانت كاتلاك

ــــ
أميرة الجميلة والله سلامات,

غايتو كان في فلهمة يكون المقصود بيها بكور مبدع (الخور)

وكلامك صح وفي محلو بكل نقاطوا

وحسع إسمي دا في بيكتبوه ياكوبي أو عماد الطيب وهذا هو الصاح


لكن في ناس شاطرين في الإنجليزي ويكتبوه


عماد الطالب

لو حاولت أصححهم أتوقع يكون في زعل

وفي الأخر بصهين وعادي كلو ماشي.

Quote: لكن في ناس شاطرين في الإنجليزي ويكتبوه عماد الطالب

عماد ازيك,,

انا دى واحدة من الناس كنت شابكاك عماد الطالب,,,عماد الـطالب ووحاتك ماشاطرة فى الانجليزى,,,,

اسي الناس بقت على الطيب ولا الطالب?
لحدى مايتفقو انا حاكتبك عماد ساى كدا

تحياتى,,

اختنا الاميره بت الشيخ انا من الناس اللحقم راس السوط واناهنا لابراء زمتى او اخلاء طرفى ونفى تهمة الفلهمه عن شخصى الضعيف
وكت جيت هنا الوكت داك ماكنت عارف انو ممكن تكتب اسمك بالعربى ولاكنت عارف انو فى كيبورد عربى
مرات كتيرة ناس بقولو لى ود الغالى وواحدين ودالقلع مع انها ودالجعلى مافيها اى عيب لكن غتاته ساكت واحدين بخجو اسمى

السلام عليكم ورحمة الله

Quote: السلام عليكم ورحمة الله

اصصصصصلو ماعملت حسابك.....








__________________________

ارجع بوست امين والله بجيك هناك وبواصل معاك

بوست خالي موضوع يا بت الشيخ

Quote: بوست خالي موضوع يا بت الشيخ

مش شغلك

Quote: مش شغلك

والله ملاسي اصلو ما كسب فينا خير كلو كلو

ساعدينا بالابتكار و ترك التكرار يا بت الشيخ
+
لا زال البوست خالي موضوع

Quote: ساعدينا بالابتكار و ترك التكرار يا بت الشيخ

انت ابتكر ونحن بنساعدك بالصفقة...

كان الابتكار قاسي خليه... ساعدينا بعدم التكرار طيب
+
لا يزال بوست خالي موضوع

Quote: لا يزال بوست خالي موضوع

التجاااااهل

التجاااااهل

التجاااااهل

Quote: التجاااااهل التجاااااهل التجاااااهل

برضو تكرار خالي ابتكار !!
+
لمتين ح يظل بوست خالي موضوع؟

Quote: لمتين ح يظل بوست خالي موضوع؟

Quote: اما (الحاغدين) الماعاجبهم البوست فا ممكن زي ما تقولي كدا (الشدرا الموسمرا بفلعوها بالحوجارا)

حضر البدري فسيذهب البوست أدراج الرياح تلاته مداخلات تاني للبدري الناس حتكون مافاهمه موضوع البوست شنو والمشكله في شنو وبين منو ومنو عموما شكرا يا البدري انا شفته البوست كنت داير ارسل ليك اقول ليك في بوست محتاج لمساتك السحريه لقيت حاستك السادسه جابتك





________
أميره تاني عشان تتفلهمي وتقطعي في البدري تقولي فتان وبتاع مشاكل

Quote: أميره تاني عشان تتفلهمي وتقطعي في البدري تقولي فتان وبتاع مشاكل

الله يقطع ودالبشرى حتة حتة الكلام دا قالو امين ياسمين يامورتا,,

انت فى مسالة العواطف والمشاعر ديك مش برضو درشك?وتييييييب

Quote: ودالقلع

متذكــر قالـوها ليك متيـن ..؟؟

---------
مرامـر معليش احتلينا البوست لكن لذيذ واختك ساده
نبطشيه هادئـه وانشالله تكون كدا لحدي بكره
اما (الحاغدين) الماعاجبهم البوست فا ممكن زي
ما تقولي كدا (الشدرا الموسمرا بفلعوها بالحوجارا)

عافية ليك

Quote: اختنا الاميره بت الشيخ انا من الناس اللحقم راس السوط واناهنا لابراء زمتى او اخلاء طرفى ونفى تهمة الفلهمه عن شخصى الضعيف وكت جيت هنا الوكت داك ماكنت عارف انو ممكن تكتب اسمك بالعربى ولاكنت عارف انو فى كيبورد عربى مرات كتيرة ناس بقولو لى ود الغالى وواحدين ودالقلع مع انها ودالجعلى مافيها اى عيب لكن غتاته ساكت واحدين بخجو اسمى

ودالجعلى,,,سلااااام

تعرف انت واحد من النماذج الكنت قافلة عليهاوكويس جيت بتوضحيك معاك

تعرف انا برضو كنت بقراك ودالغالى بس العلامة# دىومعاها4 علاقتهم شنو باI
اها دى البلادة القاصدها ليك,,,

تحياتى

عامرة ازيك

سلامات يا اميرة
في ناس متبعين القواعد و بيكتبوا اول حرف بالكابيتال لكن في ناس تانيين
يا تلقي اسمهم كلو بالكبيتال او كلو بالاسمول....
لو تتذكري في واحدة من "الخناقات" الاسفيرية بين عثمان محمد صالح و العزيزة آمنة
مختار ، بسبب طريقتها في كتابة اسمها عثمان محمد صالح سماها "الآنسة كابتال ليترز"

يابت الشيخ العلامه معاها الاربعه بتعنى نمره تلاته امشى لفى وتعالى تانى قولى لى ماك فاهمه
شكلها الحكايه مابس ضعف فى الانجليزى المكرفون معاك ياود البشرى عشان تفتى لينا

Quote: يابت الشيخ العلامه معاها الاربعه بتعنى نمره تلاته امشى لفى وتعالى تانى قولى لى ماك فاهمه شكلها الحكايه مابس ضعف فى الانجليزى المكرفون معاك ياود البشرى عشان تفتى لينا

بتهددنى بودالبشرى??


ثمح..

Quote: في ناس متبعين القواعد و بيكتبوا اول حرف بالكابيتال لكن في ناس تانيين يا تلقي اسمهم كلو بالكبيتال او كلو بالاسمول.... لو تتذكري في واحدة من "الخناقات" الاسفيرية بين عثمان محمد صالح و العزيزة آمنة مختار ، بسبب طريقتها في كتابة اسمها عثمان محمد صالح سماها "الآنسة كابتال ليترز"]

سيف النصر تويكس*...

من ناحية اتباع القواعد دى والله اتبعتها لكن برضو مابتعفينى من الفلهمة
لحدى اسي مامتذكرة الخلانى اطلب نك نيم بالانلجيزى شنو..الغربية لابحب الانجليزى ولا الانجليز ولا منتخب انجلترا زاتو...

اما الانسة كابيتال ليترز دى اوسكاااار عديل

النك نيم AMNA MUKHTAR تحس بالحروف طايرة عديل,,



_______________________________________________________
مرتضى حيجيب لى صور لمبارة ناس خضر حسين وقمر حاشوفهم واجى اوريك

تعرفى يادكتوره انا لسه زعلان من روحى من الشكله ديك ياخى انا اجى احامى ليك تمشى تصالحى سروره من وراى واطلع انا الكعب كنت ناوى اجرجرك فى المحاكم لكن كتلتى لى الدش فوق ايدى وعرستى زول بعزو شديد والله وما بقدر اغلت عليهو عشان كده عفيتك لكن لسه زعلان وبدون غندهار لايمكن اصالحك اصلو ماتحاولى

Quote: عامرة ازيك

انت اليومين دى بقيت تبارى البدرى ولاحاجة?

.
.
.

عميرة الشيك



.
.
دي كيف معاك

أختنا أميرة الشيخ..

طبعاً أنا ما شايف إنه في داعي الناس يشبكوني (محمد مصطفى) .. لكن حصلت معاي كتير والله..وطناش

أما الناس الشاطرين في الإنجليزي يعني يشبكوني ليك يا دكتور... لأنهم بدون وجه حق كدا شايفين ما في داعي

لمحمود الإسم الأول.. ولا شنو يا ربي؟؟

الأخ اللذيذ الشابكك البوست خالي موضوع

نحن نقول ليهو: البوست خالي موضوع..ولا عمي موضوع ولا حبوبتي موضوع.. نحن شايفين إنه بوست لذيذ وجميل كمان..

أرح..

نصيحة أخيرة لوجه الله:

ما قاعد أحب تعريب بعض الأشياء من بينها "الاسم المستعار" دي.. مالها ؟؟ عيبيها لي... أبت شنو؟؟

خلاص يعني البت كاتلها الإنجليزي؟؟ ولا فلهمة ساااااي ...آل نك نيم آل..

Quote: نحن نقول ليهو

الأخ اللذيذ ما وجّه كلامو ليكم عشان إنتو تقولوا ليهو

Quote: البوست خالي موضوع..ولا عمي موضوع ولا حبوبتي موضوع..

هاهاهاهاهاها ظريفين إنتو ياخ

_________________________________________________________________

بت الشيخ...
على الرغم من الظرافة أعلاه يؤسفني أقول ليك أن البوست لا يزال خالي موضوع

Princess Cheque

إسمى Makkawi بس فى واحد ( قاطع رباط صليبى اليومين ديل ) مسمينى مستكاوى!!!!
ياربى دة يكون حكايتو شنو؟؟؟

Quote: إسمى Makkawi بس فى واحد ( قاطع رباط صليبى اليومين ديل ) مسمينى مستكاوى!!!! ياربى دة يكون حكايتو شنو؟؟؟

يا مستكاوي دا إكون متأثر بالمسلسلات المصرية



يا بت الشيخ بما إني إصنفت من المتفلهمين

شوفي هي ما فلهمة و لا حاجة لكن زمااااااااااااااااااااااان لم نحن دخلنا عالم سودانيز أون لاين كان بتواجه كثيرين
مشكلة الوندوز المُعرب أو مشكلة العربي عموماً علشان كدا الواحد بختار إسم بالإنجليزي علشان لو مشى جنوب أفريقيا
إقدر إدخل سودانيز أون لاين يعني ما فلهمة و إنما حداثة فقط


أسمعي يوم كورة الهلال سجلتي غياب ليييييييييييييييييييه

و السؤال دا وجهتو ليك في بوست بعد عشرة دقائق لقيت الوست ذاتوووووووووووووووووووو غاب

Quote: أسمعي يوم كورة الهلال سجلتي غياب ليييييييييييييييييييه و السؤال دا وجهتو ليك في بوست بعد عشرة دقائق لقيت الوست ذاتوووووووووووووووووووو غاب

لا حول ولا قوه الا بالله العلي العظيم
يا اخينا كرهتنا العيشه وسودانيز اون لاين زاتوو
ما ممكن ياخ كلو ما اخش لي حله القاك خاتي ليك
زول في ركن قاعد تسال فيهو ..

انت سموك كدا ليه وانتي كنتي وين يوم الخميس
تلطاشر عشره من عاك الفيل الساعه خمسه ونص بالليل

ياخ انت مالك ومال الناس خليك في رقبتك دي ..
عامل خطك الشين دا

Quote: أسمعي يوم كورة الهلال سجلتي غياب ليييييييييييييييييييه و السؤال دا وجهتو ليك في بوست بعد عشرة دقائق لقيت الوست ذاتوووووووووووووووووووو غاب

ABUHUSSEIN اولا انت اسمك دا بفلق عديييل بغض النظر عن الاسباب,,,كلو كابيتل ليييه الاصمول ليتر دى عيبة لى?

شايفاك مصر انى اجاوبك لييه يوم هزيمة الهلال ماجيت وشمتها?

ماحتزعل??

بالمناسبة لييييية البوست بتاعى اتسحب?
مالقيت زول اسالو يومداك,,

أميرة الشيخ
الترجي بعمل أكتر من كدا

Quote: أميرة الشيخ الترجي بعمل أكتر من كدا

انت عمل فيك شنو ??

شايفاك داقى صيوان بهناك


ياخ عليك النبى ازيك..
ازيك تانى,,

Quote: Princess Cheque إسمى Makkawi بس فى واحد ( قاطع رباط صليبى اليومين ديل ) مسمينى مستكاوى!!!! ياربى دة يكون حكايتو شنو؟؟؟

دا حكايتو زى حكايتى عندو مشكلة مع النك نيم الانجليزى..
مرات الواحد بكون مستعجل ولا بقدر يركز
زاتو

البرنسيسة الشيك بالعربى احلى وعجبتنى خالس خالس,,

اسي انا ممكن اكتب اسمك حسان مكاوة,,,عاااادى
مش قلنا فى صعوبة وكدا..

Quote: أما الناس الشاطرين في الإنجليزي يعني يشبكوني ليك يا دكتور... لأنهم بدون وجه حق كدا شايفين ما في داعي لمحمود الإسم الأول.. ولا شنو يا ربي؟؟

النصيحة لله اناكنت بلخبت بينك وبين د.التجاهل وكم مرة من الدروشة العلى بفتكركم زول واحد,,
وانت ذاتك صعبتها اسمك واسم ابوك وجدك كوووولو بالانجليزى ,,


امافيما يخص ودالبشرى قلنا التجااااااهل,,,

تحياتى وسلامى,,

Quote: عميرة الشيك

جلال جبريل ,,,سلااام,,

تخيل كلو ممكن واى قراية ممكن تكون صاح
غايتو شكلى حاعرب قريييب

Quote: انت عمل فيك شنو ?? شايفاك داقى صيوان بهناك

صيوان شنو ياخي يا مرمر
أنا و الله في مية مية
شفعي في الزريبة و غنمي في المدرسة
في نعمة نحمد الله

Quote: ياخ عليك النبى ازيك.. ازيك تانى,,

ياخي متاقين و كفى

ما تخلينا نطلع الجوامع و نسمع الما سامع

Quote: انت عمل فيك شنو ?? شايفاك داقى صيوان بهناك

صيوان شنو ياخي يا مرمر
أنا و الله في مية مية
شفعي في الزريبة و غنمي في المدرسة
في نعمة نحمد الله

Quote: ياخ عليك النبى ازيك.. ازيك تانى,,

ياخي مشتاقين و كفى

ما تخلينا نطلع الجوامع و نسمع الما سامع

اميرة المسنوحة بتعملي في بوستات كدا تجنن - بقيت اشك بانك فاطة سطر وفاقدة الرباط

دا قطعتي من وين حتك ؟

Quote: لاحظت بعض الاعضاء شان مايدخلو فى حرج بعملو كوبى بوست للنك نيم الانجليزى ويواصلو بالعربى عادى

طيب معذبانا مالك - في حد يصدق خريج من الاحفاد او الاهلية ما بعرف انجليزي ؟


مسخوطة الله يسخطك زيادة لخبطي المنبر دا كلو

كل مرة راحلة بالمساكين ديل من وادي لوادي وكلهم جارين وراك مصدقين

Quote: Amira Elsheikh اول نموذج شان مايجى زول يقول لى ابدى باسمك,,

بت الشيخ ..

الحمد لله انا ما معكم ,,

شفتي انا فالح وشاطر كيف ؟؟؟؟

لشبلى,,,سلاااام

طلعت من الورطة,,,,اسي نحن عايزين نشوف موضوع التسويات مع بكرى

Quote: بقيت اشك بانك فاطة سطر وفاقدة الرباط دا قطعتي من وين حتك ؟

ودشيوق,,,سلاااام,,,

انا معترفة بانى فاطة سطر...

انت اعترف انك فاطى صفحة كاااااملة وناقصك القيد بالنجنزير حقو

يازول خريج دا براها وكونك تقدر تقرا النك نيم دى دايرة مهاراات براها



انت اسي فى ذمتك دى مافى يوم اسم غلبك وقلبتو يمين وشمال حتى وقع ليك
اعترف سرييييع

والله ياسامى صلاح مما دبلت المداخلة مرتيت عرفت غنمك فى المدرسة وشفعك فى الزريبة بالجداخير انامنك

Quote: النك نيم الانجليزى والفلهمة(توجد نماذج),,,,,,,,,,,,,

تحياتي وسلامي أميرة الشيخ ( أو أياً كان إسمك ) - الحقوق محفوظة لـ حسين ملاسي - وبرضو ( أياً كان إسمه ) كون أن إسميكما مكتوبتان بالإنجليزي
وهل يندرج في بند الفلهمة حسب تعريفاتكم
وضع صور البروفايل ( المفترض أنها للعضو ) لصور نجمات ونجوم الفن والرياضة والمجتمع ؟؟
وصور الأنجال برضو ( عشان ما تقبلوا على ) ؟؟؟؟؟؟


__________________

بوست هادف جداً
ومبتكر جداً جداً
( كيتاً في ود البشرى ) ومن لف لفه

Quote: انت اعترف انك فاطى صفحة كاااااملة وناقصك القيد بالنجنزير حقو

يجز شعرك يا مسنوحة

Quote: يازول خريج دا براها وكونك تقدر تقرا النك نيم دى دايرة مهاراات براها

ما تخمي الجماهير الموضوع بسييييييييييييييط بس تخمش الاسم كوبي وتمشي تكبو بحزافيرو ومحل رهيفة تنقد - قالت مهارات

Quote: انت اسي فى ذمتك دى مافى يوم اسم غلبك وقلبتو يمين وشمال حتى وقع ليك

ما بقلبو ولا حاجة بخمشو كلو بقول ليك ما تكرري لي السؤال حتك

Quote: طلعت من الورطة,,,,اسي نحن عايزين نشوف موضوع التسويات مع بكرى

موضوع التسويات دا تشوفي مع ناس الاراضي مش مع بكري ..

Quote: بوست هادف جداً ومبتكر جداً جداً ( كيتاً في ود البشرى ) ومن لف لفه

عاطف عمر,,,,سلام,,

عشان كيتنت لى ود البشرى,,,

صور الانجال والجيران والاهل والجكس وملكات الجمال والاحباب والمريدين
لاتندرج تحت بند الفلهمة وانما تعبير عن الحب والاعتزاز باصحاب هذه الصور,,,

الا نامت اعين ودالبشرى

بت الشيخ كيف ليلتي









تليشة:
ود البشرى دة حاقد

أعمامك عاطف وودجبريل
اختلاف وجهات النظر لا يفسد للود قضية زي ما عارفين
لكن دا لا ينفي يا بت الشيخ :

ستيل البوست خالي موضوع

FAKHER ELDEEN AHMED

بت الشيك، ســــلآم،
ده واحد من الأعضاء الجداد (بضم الجيم. بس ما عارفها معطشة والا ما معطشة؟ )
والله انا قلت فكير الدين الدين ده شنو كمان! يا ربي في هندي سجّل في حوش بكري
ده واللا شنو؟. كان بعد شوية القاليك وآحد قال ليهو: يا فخر الدين!.
قلت: الله يقطع يومك يا ود المدير من زمان اكان إتعلمت الإنجليزي ما كان دي بقت عليك.
وحمدت الله إني ما عملت معاهو مداخلة قبل معرفة الإسم، دي كانت تبقى فضيحة
بجلآجل...

عليك الله إتخيلي شيقوق دي بالإنجليزي،
زي الزول المتشعلق في الحافلة...

أميرة والله مشتاقين



طبعا انا اسمي بالعربي صعب
وكان كتبتو بالانجليزي انا ذاتي ما اظن اقدر اقراهو تاني


اللذيذه
زوله صديقتي - ما افضلها عليك - ومعانا في المنبر دا .. ومافي داعي لذكر الاسماء . هع
اعترفت مره وقالت لي : من زمن كنا بنكتب في المنبر الفلاني داك . كنت فاكراك بنت
وبنت قبطيه كمان .. لووووول


وآخر مره حصلت لي برضو هنا
زوله كاتبه لي .. عزيزتي نوفل .... الخ هع وتاني هع



وتاني مشتاقين يا اميرة

اميرة الشيخ
تحياتي
بوست جميل وكامل الدسم
بعض الاسماء السوداني في الواقع بتلخط الحابل بالنابل !
واظنك سمعتي قصة السودانية في مطار القاهرة
اسمها بت المنا خير السيد
ضابط الجوازات المصري اليوم كلو ينهده:
بت المناخير السيد

وللفائدة العامة حتى اسماء الاسبوع الانجليزية لها معاني
Saturday = day of Saturn = يوم زحل

Sunday = day of the sun = يوم الشمس

Monday = day of the moon= يوم القمر

Tuesday = The god of war day = يوم إله الحرب

Wednesday = the king of the gods .= يوم ملك الآلهه

Thursday = the god of sky day = يوم إله السماء

Friday = day of Frigg = يوم إله الحب

يا اختنا

بتخيل لي انا اسمي واضح وماعايز شرح

لكن ودالجعلي ده لمن كان صاحبنا زمان كنا مفتكرنوا ود الجيلي


تحياتي

زاتوووو

شوفي نصيحة لوجه الله تعالي

اي حاجة ولا التسويات مع بكري

احكي ليك....

اخونا واحد هنا جاي برلوم جدييييييييييد

ودايس ابنص للاخر عمل ليك حوالي 800 مداخلة

في شهرين وبقي اسمو ( زي الطبل البلدي)في المنبر

بس بالعنجليزي.....!!!!

المهم....

في لحظة من لحظات تجليات عمك بكري كان متداخل

في بوست كده اخونا لمه فيهو وقال ليهو انا بفتش

ليك من زمااااااااااااااان ياخوي انا عاوز اسمي بالعربي...!!!!!

ابصلعة ماكضب اداهو الاسم بالعربي وحاتك من اليوم داك الراجل بفتش

في التمنمية مداخلة ومالامي فيهم......وكاااااااااااااااااااكـ

المهم....

اكان عاوزة ترجعي الروضة امشي اتساومي مع بكري

اللهم هل بلغت

الترجي كييييييييييييييييييييييييييييييييييييف.....؟

سلام الاميرة بت الشيخ

Quote: الترجي كييييييييييييييييييييييييييييييييييييف.....؟

ماليك حق بعد المداخلة الدسمة دى,,,
الاسم دا ماغريب على ياهارون دياب,,


انتى اسي مصنف روحك مامفلهم يعنى??


اها اسى بتاع800 حصل كم?

تحياتى,,

Quote: عليك الله إتخيلي شيقوق دي بالإنجليزي، زي الزول المتشعلق في الحافلة...

اميرة الشيك
ـــــــــــــــــــــــــــــ
اها موقعنا وين من الاعراب نحنا؟؟

Quote: اها موقعنا وين من الاعراب نحنا؟؟

مفلهمين وبث

تحياتي لجميع المشاركين في البوست أبو من غير موضوع (طبعاً أخونا البيقول البوست ما عندو موضوع داعم أساسي للبوست وحقو يا صاحبة البوست تشكريه لأنه بيرفع ليك البوست ودي مساعدة ظريفة منه مع نكران للذات) فلنحييه جميعاً على روحه الحلوة وبعد داك عندي إقتراح أرجو أن توجهي نداء من هذا البوست لكل من كان الـ نكنيم حقو بالإنجليزي أن يكتب في ختام كل مشاركة إسمه بالعربي ولو ما عندو كي بورد عربي ممكن يرسل ليه واحد صاحبه رسالة إيميل بالعربي فيها إسمه ويحفظها في ملف عنده في الجهاز وأول ما يدخل على البورد يعمل ليها كوبي بالماوس ويفضل يعمل بيست كلما يشارك في موضوع والبوست فعلاً مفيد لأني فعلاً كنت حأقرأ إسم الجعلي دا بإعتباره الغالي وكدا عرفت إسمه وكمان آسف لإقتحامي لبوستكم من غير أحم ولا دستور لكن أنا ذاتي واصلني طرف السوط وفي مشكلة في إسم العائلة فقيري لأنو كل واحد من أخواني بيكتبو بطريقته يعني لو عشنا في دولة أروبية حنحتاج لإثبات نسب رغم إنه النسب هناك ما مهم شديد ............... وتحياتي وتقديري لكم جميعاً ........ عاصم فقيري

بت الشيخ .. صباحاتك

طبعا اللخبطة في اسمي واسم الاخت هدير الزين وصلت مرحلة لمن عملت لستة بالاعضاء
وكل مرة القي زول ملخبط اقوم اضيفو للستة هسع من المتداخلين هنا في اربعة اعضاء من اللستة

أنا طبعا قادي انجليزي فالبيغلبني - زي اسم ود الجعلي دا - بعمل البيعملوهو كل الناس


ما بتداخل واعمل زائغ ..



تحياتي ليك


وموضعك كارب جداً وهادف وعميق وياريت كل الاعضاء يكونوا هادفين زيك ..


ناقص بس يدخل فيهو امين محمد سليمان برؤيته الثاقبة

Quote: وموضعك كارب جداً وهادف وعميق وياريت كل الاعضاء يكونوا هادفين زيك ..

شكراشكرا الباشمهندس الطريفى ياعميق..
ياها المحرية فيك...

أميرة بت الشيخ ..
إزيك ياخ ومشتاقوووون ..

زمان عادي في البورد دا تلقى ليك زول معاك في حلتك وتكون خاتي ليهو إنو في كندا أو أمريكا
أما الأسامي الانجليزية أسكتي ساي أعجمية فألعبي بها ..

Quote: زمان عادي في البورد دا تلقى ليك زول معاك في حلتك وتكون خاتي ليهو إنو في كندا أو أمريكا

موبالغة وممكن يكون ود جيرانكم
كاااااااااااااك




-------------------------
ازيك يا شين وتحياتى لمودة والولد

Quote: تحياتي لجميع المشاركين في البوست أبو من غير موضوع (طبعاً أخونا البيقول البوست ما عندو موضوع داعم أساسي للبوست وحقو يا صاحبة البوست تشكريه لأنه بيرفع ليك البوست ودي مساعدة ظريفة منه مع نكران للذات) فلنحييه جميعاً على روحه الحلوة وبعد داك عندي إقتراح أرجو أن توجهي نداء من هذا البوست لكل من كان الـ نكنيم حقو بالإنجليزي أن يكتب في ختام كل مشاركة إسمه بالعربي ولو ما عندو كي بورد عربي ممكن يرسل ليه واحد صاحبه رسالة إيميل بالعربي فيها إسمه ويحفظها في ملف عنده في الجهاز وأول ما يدخل على البورد يعمل ليها كوبي بالماوس ويفضل يعمل بيست كلما يشارك في موضوع والبوست فعلاً مفيد لأني فعلاً كنت حأقرأ إسم الجعلي دا بإعتباره الغالي وكدا عرفت إسمه وكمان آسف لإقتحامي لبوستكم من غير أحم ولا دستور لكن أنا ذاتي واصلني طرف السوط وفي مشكلة في إسم العائلة فقيري لأنو كل واحد من أخواني بيكتبو بطريقته يعني لو عشنا في دولة أروبية حنحتاج لإثبات نسب رغم إنه النسب هناك ما مهم شديد ............... وتحياتي وتقديري لكم جميعاً ........ عاصم فقيري

الاخ عاصم فقيرى,,,سلاااام

مرحب بيك فى سودانيز اونلاين يبدو انك برلوم بسنونو جاى,,(اللون الاحمر)اما رسالتك لود البشرى عجبتنى وفيها كمية من الذكاءواللطافة....

اقتراح كل زول يختم مشاركتو فى كتابة اسمو بالعربى فى جزء كبير مطبقها وناس زىى كدا كتااار مااظنهم يتذكرو زاتو,,

تحياتى واخد راحتك البوست بوستيك,,

تانى مرحب بيك ومنور

Quote: بتخيل لي انا اسمي واضح وماعايز شرح

هاهاهاها...

والله يازاتو لو ما طلع اصعب اسم فى البورد بكون تانى واحد والدليل انك فى نهاية كل مداخلة بتكتبو بالعربى,,,

فى زول تحت معلق على اسمك يازاتووو

Quote: وللفائدة العامة حتى اسماء الاسبوع الانجليزية لها معاني Saturday = day of Saturn = يوم زحل Sunday = day of the sun = يوم الشمس Monday = day of the moon= يوم القمر Tuesday = The god of war day = يوم إله الحرب Wednesday = the king of the gods .= يوم ملك الآلهه Thursday = the god of sky day = يوم إله السماء Friday = day of Frigg = يوم إله الحب

والله دى معلومة جديدة لنج وعجبتنى

شكرا كابتن خالد الابيض

Quote: بوست جميل وكامل الدسم بعض الاسماء السوداني في الواقع بتلخط الحابل بالنابل ! واظنك سمعتي قصة السودانية في مطار القاهرة اسمها بت المنا خير السيد ضابط الجوازات المصري اليوم كلو ينهده: بت المناخير السيد

خالد العبيد,,,سلاااااااام

كامل الدسم دى لعنايةودالبشرى...

بت المناخير دى قوووووووية قوةةة

العبيد دى لو كانت بالانجليزى كنا تعبنا بس الحمدلله

تحيااااتى

Quote: اعترفت مره وقالت لي : من زمن كنا بنكتب في المنبر الفلاني داك . كنت فاكراك بنت وبنت قبطيه كمان .. لووووول وآخر مره حصلت لي برضو هنا زوله كاتبه لي .. عزيزتي نوفل .... الخ هع وتاني هع

والله اخير الفلهمة من ما تعرف تودى الاسم وين??

الليلة ووووووب...

اهلك ديل الفلهمة العليهم شنو??
غايتو امك وابوك ديل الا يكونو اساتذة تاريخ لانو الاسم دى مابجى ساى كدا...

غايتو انا حاسها انو اسم سمح بس ماعارفة معناهو...لووووول




_____________________________________________----------
انت لابد وين??لسة موضوع الامتحانات?
برضو مشتاقييين

Quote: FAKHER ELDEEN AHMED بت الشيك، ســــلآم، ده واحد من الأعضاء الجداد (بضم الجيم. بس ما عارفها معطشة والا ما معطشة؟ ) والله انا قلت فكير الدين الدين ده شنو كمان! يا ربي في هندي سجّل في حوش بكري ده واللا شنو؟. كان بعد شوية القاليك وآحد قال ليهو: يا فخر الدين!. قلت: الله يقطع يومك يا ود المدير من زمان اكان إتعلمت الإنجليزي ما كان دي بقت عليك. وحمدت الله إني ما عملت معاهو مداخلة قبل معرفة الإسم، دي كانت تبقى فضيحة بجلآجل... عليك الله إتخيلي شيقوق دي بالإنجليزي، زي الزول المتشعلق في الحافلة...

مدير يا ابوالنسب....

والله الزول دا انا برضو بقرا فاكر....فاكر...
كل مرة بكتشف ناس كتااار مورطين زيى بس انا طلعت مريم الشجاعة...

شيقوق دى بالعربى مافى زول بقراها صح..لما انجليزى....

تحياتى

Quote: تليشة: ود البشرى دة حاقد

شديد,,,,

ود البشرى....قلت لى شنو?

أميرة

سجلي عندك واحد متفلهم

م/ حسن بكري نقد

.

Quote: النك نيم الانجليزى والفلهمة (توجد نماذج)

يا برينسيسة ياشيك على قول مستكاوي
شكرآ على البوست الظريف ..
تصدقي أي زول بلخبت في إسمي مع الأخ حيدر بعتبرو قادي إنجليزي!!

من ضمن الأخوات وصال عالم دخلت ليها منداحة في بوست بعد الهجوم
والسرقة الإتعرضت ليهم ديلك. طبعآ شكرتني بأدب جم على أساس إني حيدر!!
ده مثال واحد .. واللستة طويييلة! أنا أشيل وأكتب .. حيدر يشيل ويخم!!!


يا ود البشرى (هارون أخيه )
إزيك ياخ !
أميرة دي ياخ بترسل في إشارات خفية للريس
إنو يغير كل الأسماء الإنجليزية لعربية .. وقع ليك؟!


تحاياي للجميع

ــــ
هدير سلامات

Quote: تصدقي أي زول بلخبت في إسمي مع الأخ حيدر بعتبرو قادي إنجليزي!!

بحكم خاطبتك بإعتبار إنك حيدر الزين فغير قدة الإنجليزي في شيء مهم التشابه الشديد وتغطية حيدر الزين في المنبر وتشكيل التواجد لحيدر كان أقدم وأقوي و من هدير الزين في الوقت داك , وما ندر حد يخاطب حيدر الزين بإسم هدير الزين فأعتقد إسم هدير نفسه نادر إنتشاره بيننا كسودانين

Quote: ده مثال واحد .. واللستة طويييلة! أنا أشيل وأكتب .. حيدر يشيل ويخم!!!

كااااااااك كبيرة ههههههههههههه
هو زاتو حيدر كان لابد عليها وعامل نايم ولا بيصلح الواحد ويقول ليك لا ياخي أنا ما هدير أنا حيدر هذا مايؤكدك قولك في الشيل والخم وعداد رامي في الشكرة والحمدة


ـــ
لكن إنتو حسع ما كن أخوان بالجد كدا؟

Quote: Quote: HAIDER ALZAIN Hadeer Alzain

Quote: و ندر حد يخاطب حيدر الزين بإسم هدير الزين

الأخ عماد الطيب
كما ولا يفوتني أن أشكر من خلال هذا البوست

الأخت ميادة كمال

والإخوة الأعزاء
جنابو عمر عثمان
الأخ محمد كابيلا
الأخ د. شرفي عبدالقادر
الأخ عبد العزيز الفاضلابي
وآخرون


على ضحكة حقيقية رسموها
في وقت كنت في أشد الحوجة فيه لأضحك!


للجميع شكري وتقديري ..

Quote: كما ولا يفوتني أن أشكر من خلال هذا البوست الأخت ميادة كمال والإخوة الأعزاء جنابو عمر عثمان الأخ محمد كابيلا الأخ د. شرفي عبدالقادر الأخ عبد العزيز الفاضلابي وآخرون

ما لقيتك عاملة لستة لكن

بس اقرئ كلام عماد الطيب سمح

كتب حيدر الزين :

Quote: بس أقرئ كلام عماد الطيب سمح

كتب عماد الطيب :

Quote: هو زاتو حيدر كان لابد عليها وعامل نايم ولا بيصلح الواحد ويقول لي لا ياخي أنا ما هدير أنا حيدر .. هذا مايؤكد قولك في الشيل والخم

شكرآ عماد !

يا شر ...

ما كتبه عماد الطيب :

Quote: بحكم خاطبتك بإعتبار إنك حيدر الزين فغير قدة الإنجليزي في شيء مهم التشابه الشديد وتغطية حيدر الزين في المنبر وتشكيل التواجد لحيدر كان أقدم وأقوي و من هدير الزين في الوقت داك , وما ندر حد يخاطب حيدر الزين بإسم هدير الزين فأعتقد إسم هدير نفسه نادر إنتشاره بيننا كسودانين

شكراً عماد الطيب




ــــــ
بعدين يا بت اخوك الكبير وكلام الكبير يصير يا حسنين

حدير الزين وهيدر الزين ....

سلااااااااااااات

عاجبانى الباصات العملتوها دى ون تو ون تو وعماد الطيب جهز ليكم كورة مقشرة

اسى الطلع مطالب منو فيكم؟

Quote: الأخت ميادة كمال والإخوة الأعزاء جنابو عمر عثمان الأخ محمد كابيلا الأخ د. شرفي عبدالقادر الأخ عبد العزيز الفاضلابي وآخرون

من ناحية فلهمة توجد فلهمة قولى لي ليه
شفتى الزول ده

Mahmoud Mustafa Mahmoud

اول مرة اتعرفت بيهو قدر ما شرح لى انو عضو فى المنبر ما عرفتو
فى الاخير قيقراوى قال لى اسمو كاتبو بالانجليزى

طبعا" ما فى اى مقارنة بين اسمو المكتوب بالانجليزى وبين شكلو العريرييب

بس وحاتك عندو حنجرة خرافية ...
فنان بورداب جده

،،،،،،،،

مافى اسم عذبنى فى المنبر وما قدرت انطقو صاح ذى almulaomar

أميرة .. كيفك يا اختي ..

غايتو عندك حاجان كدي بتكوتيها من ويم ما عارفه ..

اها عاد اكلمك .. انا شغالة يا ختي Copy & Paste ولا بتعب ولا بكلف نفسي ..

Quote: مافى اسم عذبنى فى المنبر وما قدرت انطقو صاح ذى almulaomar

ولا انا يا عبدالدائم يا اخوي .. لمن انطقه بعطش عديييل كده ..هههههههه

عفاف ياام البت الشاطرة وناجحة ... كيفك

Quote: غايتو عندك حاجان كدي بتكوتيها من ويم ما عارفه ..

من صنقورى دا .... بتعرفى الصنقور




غغايتو اسم الملا عمر انا دخلنى مدرسة عدييييييل


تسلم يا ستى وتحياتى

بتنا بت اوشيك ...سلامات

في بوست نادية عثمان ( لو كنت راجل .... توجد ( مواقف وصور) !!!! )

نادية قالت لود الجعلي :

Quote: الأخ الكريم ود القلعة تسلم يارب

وفي بوست احلام وهبي (عضوة جديدة : كرت كرتون )

كتبت احلام وهبي :

Quote: اهلين بالاخ ودالغالي اشكرك كتير علي الترحيب يا غالي

غايتو الحريم ديل متعبين وبتاعين تأليف ...

انت يااميرة وود الجعلي وغيركم الفلهمة العليكم شنو ؟!! ماتكبتوا اسماءكم بالعربي !!

أختنا اميرة..

بوستك ده موضوعى جدى وبدون فلهمة..

أنا إسمى إسماعيل محمد احمد عباس..بختصروا إسمى بالعربى بأسماعيل عباس..

بالأنجليزى كتبو بكرى...ismeil abbas والمفروض يكون ismail

أها عايزة ليك فلهمة اكثر من كده ..

لك التحية..وتقديرى..

Quote: أها عايزة ليك فلهمة اكثر من كده .. لك التحية..وتقديرى..

استاذنا اسمايل ......

ممكن نقراها اسمايل برضو ..

صح؟

تحياتى

الزول ماينوم??

والله البوست بقى لذيذة لذة وهادف جنس هوديف,,كيتا فى ودالبشرى

بجيكم راجعة جتتت عليكم,,,

Quote: انت يااميرة وود الجعلي وغيركم الفلهمة العليكم شنو ؟!! ماتكبتوا اسماءكم بالعربي !!

فايز ..سلااااااااااام
البوست دا تمهيد يااخ ماتحرجنى..
بدل نطالب بكرى مباشرة كدا ويحرجنا
قلنا نعمل مقدمات ظريفة

ودالقلعة ودالغالى

ايامو والله اكتر زول عندو نك نيمات

Quote: أميرة سجلي عندك واحد متفلهم م/ حسن بكري نقد

كتابة اسمك بالانجليزى مافيها اى فلهمة
الفلهمة فى الميم القبل الاسم

_____________________________________
الميم قبل الاسم تشير لان صاحبها
تلقى تعليمه الجامعى بمصر
هل الكلام دة بينطبق عليك يانقد؟

صاحبة البوست بت الشيك

سلام ليك و للجميع

هبشنا طرف السوط لكن بكري كتبو كدا انا اعمل شنو؟؟
لكن كدا افضل لي عشان الكيبورد العربي و الوندوز العربي ما متوفريين كتير هنا

___________

الاخت هدير الزين
انت عارفه انا كنت بفزر بينك و بين حيدر بس بصورة البروفايل بتاعكم
انت ثابته علي برفايلك و خاته صورة الهنديه الجميله aishwarya rai و حيدر الزين مجهجه اوباما مره ببطيخه و مره بي قرعه
يعني لو غيرت صورة بروفايلك ممكن اتجهجه بينكم

Quote: الاخت هدير الزين انت عارفه انا كنت بفزر بينك و بين حيدر بس بصورة البروفايل بتاعكم انت ثابته علي برفايلك و خاته صورة الهنديه الجميله aishwarya rai و حيدر الزين مجهجه اوباما مره ببطيخه و مره بي قرعه يعني لو غيرت صورة بروفايلك ممكن اتجهجه بينكم

الأخ OSMAN SAYED MOHAMED
صورة البروفايل ما حا أغيرها !
لكن بس للضمان كدا أمسك قوي في الإسمول دبل إيي ديل (ee) ..



_____________
يا برنيسيسة
معليش أعذرينا إحتلينا عليك البوست المشفردا !
لووول ..

با بت الشيخ
سلام

ما أقول حاجة إلا بعد ليلة الترجي!!

Quote: ما أقول حاجة إلا بعد ليلة الترجي!!

انت متاكد انك حتقول حاجة بعد مباراة الترجى؟
اخير تقول قولك وتستغفر
[url=http://www.arablocale.net/][/url

عبدالعزيز عيسى ..سلاااااااااام وتحياتى

Quote: يا برنيسيسة معليش أعذرينا إحتلينا عليك البوست المشفردا ! لووول ..

لوووووووووووولين ياحدير الزين

التشفير وين؟؟



ما تشمتنى فينى ودالبشرى

Quote: معليش أعذرينا إحتلينا عليك البوست المشفردا ! لووول ..

ليكم اللحم ولينا العضم

Quote: سلام ليك و للجميع هبشنا طرف السوط لكن بكري كتبو كدا انا اعمل شنو؟؟ لكن كدا افضل لي عشان الكيبورد العربي و الوندوز العربي ما متوفريين كتير هنا

عثمان سيد ...سلاااااااااام

ياجماعة ما تعملوها فى بكرى المسكين دا
بكرى انت بتقول عايز كدا هو بلصق ليك
كتبت بالعربى برجع ليك عربى
كتبت انجليزى برجع ليك انجليزى


ياجماعة دافننو سواااااااااا

فلهمة يعنى فهلمة..

تحياتى

عميرة الشيكه..حبابك يا صديقة..
حباب الأصدقاء و الصديقات هنا..

بعد اذن الجميع.. لعناية الصديق عبد الدائم..و الصديقة عفاف.. بخصوص الإسم العجيب..

Quote: مافى اسم عذبنى فى المنبر وما قدرت انطقو صاح ذى almulaomar

الإسم لصديقنا الجميل.. المـُـلا عمر..و ظهر ايام سقوط طالبان في افغانستان..

ما قاعد افتح بوستات باسماء الناس..كثيرا..و هي ظاهرة نادرة في مشاركتي في هذا المنبر و منذ سنوات..و لكن الإستثناء كان اخونا الملا عمر..و اليكم جيمعا هذا الرابط القديم..

رســالة في اللــبن : الى المــلا عمـر


من طرائف النك نيم الإنجليزي .. اسم صديقنا.. Mohamed Kabar. ..و يكتب في المنتدى من قبل سنوات..و كان كل ما يكتب ليهو حاجة..اذكر الصديق ابكر ادم اسماعيل.. طوالي يتصل علي و يشبكني ليك..ياخي شايفك خاشي المنبر..و مرات بكون اسابيع ما عتبت على المنبر..و اخيرا نبهتني صديقة بأن لي اكثر من اسم في المنبر..و اخيرا جدا اكتشفت الحكاية..و التحية لأخونا محمد كبار..
النكتة التانية.. يبدو أن هناك اسرة كبيرة من اهلنا ناس حلفا..و طوالي اصحابنا من هناك.. توش يخشوا فيني شمال يا محمد كبار(كباره)..
الأخطر..بعض الإخوة و الأخوات.. من ناس دارفور.. طوالي بيفتكروا انو لي علاقة بالوالي عثمان كـُبر..والي شمال دارفور..
اذكر احد الأصدقاء في منبر تاني دخل فيني شمال .زيا قريبي..و يا صديقي..و اخيرا اكتشفت أنو بيقصد اسرة في مدينة الرهد..

Kabar
و هي الفعل (كبر) للصلاة..
و دمتم..

كبر

Mohamed Oleysh Ahmaed
??

Quote: Mohamed Oleysh Ahmaed

عليش,,,,,سلااااام,,

نقشتها بدري ياصاحب ولحقت اسمك قبل مانشيل حالك

اميرة كيفيك حبيبه عنك بخير انتى وضيوفك كلهم

عارفه انا مابكذب عليك مرات مابقدر اقرى الاسامى برضو صح علشان كده من ابدى مداخلتى بتحياتى للجميع
ده بيعنى انى ماقدرت اقرىالاسم ولاعرفت صاحب البوست Mrs or Mr طوالى بحاول اخارج نفسى ومابحب امشى افتش البروفايل
حقهم خاصه بعدثبت انو عندنا منظمات Female وبعضها Male يعنى الموضوع من هناك ملخبط
والله بتعب كتير عارفه اكتشفت انو الكلمات الماسكة العصاية من النص دى ماكتيرة فى العربى
تتعب لمن عينك تطلع ...
اها اقطع ليك فى الزول زاتو بعرف زول وانشالله بس مايدخل هنا علشان مايعرف انى فتنتو
مابعرف يقرى اسم الزول زاتو ابدا بيقراهو زولاتو وطبعاانا لوختيت ليك نماذج من غلطاتى انا والله الا اصحاب
الاسامى دى يمشو عديل يغير اساميهم كلها فى شهادات الميلادحقتو بيحردوها عديل كده

تسلمى حبيبه

كتبت احلام وهبي :


Quote: اهلين بالاخ ودالغالي
اشكرك كتير علي الترحيب يا غالي

لاحولااااااا . يا ودالقاضي هسة عليك الله دة نكشتو وجبتو لي من وين

والله انا كنت عاوزه اقول لي اميرة
انا زاتي اسم ودالجعلي دة كنت بلخبط فيهو

ويااميرة انا زمان اول ما دخلنا الاعداي في سنة اولي عاملة فيها البت شاطرة
في الانجليزي وصحبتي جايبة ليها كراس مكتوب فيهو مكي موسي

انا طوالي وبصوت عالي اقرا ليك الاسم ميكي ماوس . وطبعا صحباتي بقوا يضحكوا
انا زاتي لما بقيت بضحك معاهم ,

Quote: ويااميرة انا زمان اول ما دخلنا الاعداي في سنة اولي عاملة فيها البت شاطرة في الانجليزي وصحبتي جايبة ليها كراس مكتوب فيهو مكي موسي انا طوالي وبصوت عالي اقرا ليك الاسم ميكي ماوس . وطبعا صحباتي بقوا يضحكوا انا زاتي لما بقيت بضحك معاهم ,

لقاااااااااااافة

ماجدة خوجلى ياحبيبة .. ازيك وخبرك

Quote: مابعرف يقرى اسم الزول زاتو ابدا بيقراهو زولاتو

زولاتو ..نوناتو .... وجانتو.... كركباتو..

الغريبة قبل شوية فوووووق كان بقول اسمى دا ساهل وشنو كدى ماعارفة

Quote: وطبعاانا لوختيت ليك نماذج من غلطاتى انا والله الا اصحاب الاسامى دى يمشو عديل يغير اساميهم كلها فى شهادات الميلادحقتو بيحردوها عديل كده

ختى عااااااااادى


تسلمى وتحياتى

Quote: كتابة اسمك بالانجليزى مافيها اى فلهمة الفلهمة فى الميم القبل الاسم

ههههههههههههههههههه

تتخيل دي بالذات قاصده ، لزوم فلهمة وكده..

Quote: _____________________________________ الميم قبل الاسم تشير لان صاحبها تلقى تعليمه الجامعى بمصر هل الكلام دة بينطبق عليك يانقد؟

كدي قبال اجاوب ، علاقة مصر بالهندسة شنو ؟

هدير الزين ... لا بت الشيخ بترسل إشارات ولا هي عارفة اصلا فتحت البوست دا ليه
ما تحاولي تلقي ليها مراقة ساي

بت الشيخ

Quote: والله البوست بقى لذيذة لذة وهادف جنس هوديف

نايس تراي ...
+
الحال في حالو , بوست خالي موضوع

Quote: هدير الزين ... لا بت الشيخ بترسل إشارات .. ولا هي عارفة اصلا فتحت البوست دا ليه ما تحاولي تلقي ليها مراقة ساي

ومن هذا البوست نطالب الريس بكري، بلسان حال البرنسيسة الشيك أميرة
أن يقوم بتغيير كل الأسماء الإنجليزية لعربية وبالجملة .. يعني ما أنا بث يا ريس!


أها يا ود البشرى
فكينا ليك شفرة البوست وسبرنا غورو ولا لسه؟!

Quote: ومن هذا البوست نطالب الريس بكري، بلسان حال البرنسيسة الشيك أميرة أن يقوم بتغيير كل الأسماء الإنجليزية لعربية وبالجملة .. يعني ما أنا بث يا ريس!

يا هدير من الليلة اخترتك كاتبتى المفضلة للربع دا والارباع الاربعة القادمة

Quote: الحال في حالو , بوست خالي موضوع

يا عمك سلام وكده

ياخ بمناسبة عدم الموضوع ما ترجع البص
ياخي كان في جنس مقصات و السوق لسه كويس
يعني ممكن تشتغل بي ركاب الشارع

وحتي بالمناسبة في الربع الحالي الجاري ده
كان في بوست عن ديوك البطانة أو رفاعة ما عارف
كل المتداخلين قالوا نحن ديوك
اختنا بت الشيخ ده زاتها دخلت وقالت انا ديك
واخدت ليها عوعويات نصاح و اتخارجت
كأن ما حصل حاجة ... فلهمة مش؟؟


بت الشيخ ياخ سلام شديد
و برضو نؤكد ماعندك موضوع

Quote: بت الشيخ ياخ سلام شديد و برضو نؤكد ماعندك موضوع

سلااااام اشد ياعمك
ياخ انت جى من مرض وانتخابات مهببة هلال مغلوب

برضو عايز تتفاصح وتخت يدك فى يد البشرى ؟؟


صحى صوت للبشير انا جادة؟؟


احسن الزول يكون ديك ولا يصوت للبشير؟؟

Quote: كدي قبال اجاوب ، علاقة مصر بالهندسة شنو ؟

يانقد انا كلامى اصلو ماعن مصر والهندسة
انا كلامى واضح ممكن تشوفه تانى
وهو انه الناس الدارسين فى مصر ماممكن يفوت فرصة
كتابة الميم قبل الاسم بينما الناس الاخرين بمن فيهم من
درس داخل السودان فى العادة لايهتمون كثيرا بهذه الميم
وطبعا التعميم غير دقيق ولا كلامى دة نتج عن دراسة علمية
لهذه الحالة ولكنها ملاحظة شخصية نسبة الخطأ فيها اكبر من الصاح

بعدين مامقبوض شديد فى الجواب ياخ

Quote: 1/ضعفى فى اللغة الانجليزية 2/هناك حروف فى اللغة الانجليزية تقرا باتجاه واحد اما فى اللغة العربية تقرا باتجاهين مثلا حرفA بالعربى يقراءعين او الف ومثال نك نيم الزميلamir jabir كثيرا ماخاطبته باسم امير جابر وقبل يومين فقط اكتشفت ان اسمه عامر وليس امير

يعني ونسبة وأحتمال ولا أحتمال للأسباب اعلاه يكون فلهمة
حكمة اليوم
ليه يعني لو ما فهمتني أكون متفلهم

Quote: ليه يعني لو ما فهمتني أكون متفلهم

بلير ,,,سلاااااااااام

هى مش مافهمتك هى ماعرفت اقرا اسمك عديييييييييل
الفهم دا المرحلة التانية
وبعدين كلمة فلهمةدى ما كلمة كعبة شدييييييييييييييييييييد
يعنى نص نص ,,


تحياتى

Quote: يانقد انا كلامى اصلو ماعن مصر والهندسة انا كلامى واضح ممكن تشوفه تانى وهو انه الناس الدارسين فى مصر ماممكن يفوت فرصة كتابة الميم قبل الاسم بينما الناس الاخرين بمن فيهم من درس داخل السودان فى العادة لايهتمون كثيرا بهذه الميم وطبعا التعميم غير دقيق ولا كلامى دة نتج عن دراسة علمية لهذه الحالة ولكنها ملاحظة شخصية نسبة الخطأ فيها اكبر من الصاح

يا أبو حميد ، والله كلامك لا كان واضح لا حاجة ، دابو وضح..
وبعدين زي ما قلت ليك، انا كتبتها قااااصد والله عشان قصة الفلهمة دي، ومع ذلك يا حبيبنا الإجابة هي ( لا ).

تعرف يا هندسة ، دي أول مرة أكتب الحرف ده قدام إسمي في المنبر ده. وشكلها آخر مرة ما دام جابت ليها مصر ( ههههههههههه )

تعرف يا ود القاضى احلام وهبى دى معزوره اول حاجه العربيه مالغتا الام يعنى عادى لمن تترجم من انجليزى لى عربى ممكن تتشابه عليها الغين والجيم وتانى حاجه زوجة الزول السمح ودالسنى ودا براهو بشفع لها
لكن ناديه عثمان دى بالذات قاصده تلعب بى اسمى عشان مرتين اتكلمتا معاها بالتلفون وقالوللا دا ودالجعلى نمره اربعه لاكين دى يسموها الفلهمه زاتا وكمان بعد كدا سوتلها بوتيك وبقت رجلة اعمال
للذين يلخبتون هدير الزين بى حيدر الزين ياخى ماتبالغو كمان ويش جاب
الغريبه كمان قالو حيدر جا المنبر قبلها اول مره الاحظ الحكايه دى وفعلا بكرى داما عندو بعد نظر لوووب

Quote: كثير ماواجهتنى صعوبات فى قراءة بعض اسماء الاعضاء المكتوبة باللغة الانجليزية

الحل في تعلم اللغه الانجليزيه يا أختاه !
في الدوحه في حاجه اسمها ال British Council في شارع السد ، مشكلتها غاليه شويه لكن أنا حا أفتح بوست للتبرعات فما تشيلي هم و إن شاء الله الناس دي كلها ما بتقصر و بالذات ناس قطر !!











------
الطريفي ، بالله شوف لينا ناس السعوديه ، بت الشيخ دي مننا و فينا لازم نقيل عثرة الانجليزي الما بخليها تعرف تقرا أسماء الناس !!

Quote: ALGARADABI

دا مثال برضو واصلووووووو ما بترجم

Quote: في الدوحه في حاجه اسمها ال British Council في شارع السد ، مشكلتها غاليه شويه لكن أنا حا أفتح بوست للتبرعات فما تشيلي هم و إن شاء الله الناس دي كلها ما بتقصر و بالذات ناس قطر !!

اصلا مافى شارع هنا اسمو السد
تانيا موضوع التبرعات دااسىىىىىىىىىى تفتح البوست واهو مرات مرات بتفهم
على الاقل تكون عملت ليك حاجة كويسةواحدة فى حياتك غير اللخبتة والاستوساخ

?????
Elkalakla_sanga3at




?????????????????????????????????????????????????????????

Quote: Elkalakla_sanga3at

اوسكااااااااار

لاتوجد ترجمة,,

باشمهندس احمد التجانى ..

حقو الواحد يكتبك رباطى احمد التجانى

انتو فى كلية الهندسةدى كان عندكم مادة اسمهم كركبات اسفيرية ؟؟

الليلة ووووب,,

يعنى دى الحرف دا م/ ولا حاجة تانية



كيفك وتحياتى

Quote: مافى اسم عذبنى فى المنبر وما قدرت انطقو صاح ذى almulaomar

عبدالدائم سيد احمد ....سلااااااااااااااام

تعرف النك نيمalmulaomarهو ِALGARADABI هم الاوحو لى بفكرة البوست
الملا عمر اصلللللللللو ما قدرت اقراها لما ششفتها زول كتبها بالعربى
حتى بعد نقشتها ولفتحتها ,,,

Quote: من ناحية فلهمة توجد فلهمة قولى لي ليه شفتى الزول ده

عجبنى التاكيد دا

Quote: طبعا" ما فى اى مقارنة بين اسمو المكتوب بالانجليزى وبين شكلو العريرييب

كفاكم الحنجرة بقى

Quote: أميرة سجلي عندك واحد متفلهم م/ حسن بكري نقد

سوجلت سجلنا بس شايفة باشمهندس احمد التجانى
عامل كركبة ,,

وحاة ما حسادة كلام موضوغي جداجدا شنو البوست البوست واللنكات اللنكات دا بوست فيه اهدار لزمن اعضاء المنبر ساى بس البت المسنوحة دي مسلطة وخمتكم ساى وحاة الله لو كنت المسئول كان وديتو الخور من زماااااااااااااااان ومحل رهيفة تنقد

ياماجادة

زلاتو !!!

معليش يا اميرة والله كنت مفتكروا اسم واضح لكن زول ماجدة قطع قول كل خطيب

الزول زاتوو عشان زول ماجدة مايتلخبط تاني وكلميهو وقولي ليهو في زول ساكت وزول واحد وزول


تحياتي

زاتوووو

Quote: انتو فى كلية الهندسةدى كان عندكم مادة اسمهم كركبات اسفيرية ؟؟

بت اوشيك ازيك ... طيبة؟

تفتحوا لينا فى بوستات الدردقة دى ولما ندخل تطلعونا رباطاب او رباطية
لما القى العنوان فيه كلمة فلهمة ونقد يجى يكتب لى ميم قبل اسمه اعمل شنو يعنى ؟
وبعدين لو ما حكيتها انا فى ناس كدة لو ما مشغولين كان بيجوا بحكوها شديييييد

والعتبى للمهندس نقد حتى يرضى ويبرى من مصر

Quote: كمـ زول لخبـط بين حيدر الزين وهدير الزين

سلام يا مرمر

و طبعاً فرق السما و الواطة بين حيدر و هدير , هدير ظريفة و دمها خفيف و حيدر دمه تقيل بق بس

و انا مرة شامة ليك حيدر الزين ده و بقرى بوست لي هدير قمت كتبته ليه الليلة الظرافة دي نزلت من وين ؟ لكن الحمد لله اكتشفت الحكاية و مسحتا التعليق سريع

Quote: و حيدر دمه تقيل بق بس

اتفق معاك تماما يا سناء ، و بالمناسبه أنا وقفت أتداخل معاه من زمن !
كميه من السغلاء الواحد يتحير بكري بخمهم من وين !!!









--------
معا لايقاف السغيل حيدر الزين !!!

Quote: معا لايقاف السغيل حيدر الزين !!!

و لإيقاف كل السغيلين و السغيلات بالمنبر



امين يا بتاع المشاكل ده كان زمان و جبر ههههه

سلام يا اميرة

Quote: العبيد دى لو كانت بالانجليزى كنا تعبنا بس الحمدلله

بالانجليزي بتتكتب الابيض !
Elobaid
وانا هنا اسمي ما لامي فيه
المكاتبات بي
Mr Ahmed

ولدي في المدرسة اسمو
Warif Elobaid

جمعة مباركة يا بتنا بت الشيخ
وكل المتداخلين

(1)
سبب معرفتي بي حيدر الزين وهدير
بس ياهو نفس موضوع بوستيك
حيدر الزين شبكته ليك اختنا هدير الزين
ما بلادة مني والله لكن ما ركزت شدييييييد في اسمهم
وكمان صور البروفايلات نادر ما اركز فيها
نسبة لسرعة ايقاع المنبر واللبع المتواصل اللي بنلقاها نحن معشر المغضوب عليهم في هذا الحوش الكبير

(2)
يوم خشيت في ضفوروي
رديت على مداخلة للاستاذ (ALGARADABI)
والبت عامله فيها بتعرف تقرا
اها رديت ليه بالعربي
شكرا الاخ (القردابي)
جاء واحد اخ تاني
قال ليه الحق بتقول ليك القردابي
وعييييييييك بعد تميت خجلتني
افتكرت انو الاخ اسمه بتقري (القرضابي)
بس للان ما عارفة صاااااااااخ ولا لسع غلللللط

(3)
حقوا لو في مشروع فك اشتباك اسفيري للاسماء الانجليزية
حقوا بكري ابو بكر يبدأ بأخونا طيب الله ذكره (Mahmoud Mustafa Mahmoud)
لانو الزول دا والله مسكيييييييين .... وشايل وش قباحة الديك تور كوبي اند بست

الناس عااااادي تخش فيه شمال .... قايلنه الديك تور كوبي اند بس مصطفى محمود
فيوم ايام مشكلتي المدورة مع سيف مساعد والديك تور كوبي اند بس ومن لف لفهم دييييييييك
خش اخونا المستشار عصام دهب ... خش شمال في الاخ Mahmoud Mustafa Mahmoud
ودرشه ليكم قايله (Mustafa Mahmoud)
جينا لحقناه وتم تعديل المداخلة

انا لو من Mahmoud Mustafa Mahmoud اطالب بكري بتعويض
عن الضرر النفسي اللي بيلحق بيه جراء الظن فيه انه هو Mustafa Mahmoud وبالتالي الاساءات واللبع اللي بيطوله من وراء ذلك



هديييييييييييييييير إزيو
كيفك ومشتاقين

Quote: ياجماعة دافننو سواااااااااا فلهمة يعنى فهلمة..

أنا ماعارف ليه إنتي مُصرة على إنو تطلعي الناس كلها زيك

إنتي متفلهمة و بي إعترافك دا معناهو كل الناس بتفكر أو بتتصرف زيك ؟؟

ياخي إنتي متفلهمة و غيرك لأ

ود البشرى كلامو صاح

Quote: أنا ماعارف ليه إنتي مُصرة على إنو تطلعي الناس كلها زيك إنتي متفلهمة و بي إعترافك دا معناهو كل الناس بتفكر أو بتتصرف زيك ؟؟

ابو حسين كان فلهمة براها كويس
فلهمة ومعاها بلادة كان ما عجبك

Quote: سبب معرفتي بي حيدر الزين وهدير بس ياهو نفس موضوع بوستيك حيدر الزين شبكته ليك اختنا هدير الزين ما بلادة مني والله لكن ما ركزت شدييييييد في اسمهم وكمان صور البروفايلات نادر ما اركز فيها نسبة لسرعة ايقاع المنبر واللبع المتواصل اللي بنلقاها نحن معشر المغضوب عليهم في هذا الحوش الكبير

ميادة كمال ....سلاااااااااااام..

ميادة ياخ ماتبررى كوووووووووولنا فى الهوا سوا
فى مسالة الاسماء بس ..لاننا الحمدلله ماغضوب عليهم
باب التوبة فاتح ياميادة

Quote: يوم خشيت في ضفوروي رديت على مداخلة للاستاذ (ALGARADABI) والبت عامله فيها بتعرف تقرا اها رديت ليه بالعربي شكرا الاخ (القردابي) جاء واحد اخ تاني قال ليه الحق بتقول ليك القردابي وعييييييييك بعد تميت خجلتني افتكرت انو الاخ اسمه بتقري (القرضابي) بس للان ما عارفة صاااااااااخ ولا لسع غلللللط

اها ياميادة القرضابى دا انا تحديد خاتها مثال حىىىىىىىىىى
والله صعبة علينا شديييييييييييد
انا قربببببببت اقول ليهو غير اسمك دا.

محمود مصطفى محمود دا غايتو حالو اتشال فى البوست دا


تحياتى يا ميادة

Quote: سبب معرفتي بي حيدر الزين وهدير بس ياهو نفس موضوع بوستيك حيدر الزين شبكته ليك اختنا هدير الزين

ههههه
من اليوم داك حبيتك يا ميدو يا حكومة!!
الغريبة ما عرفتو حمبك قدر داك ليه ولشنو؟!! ومن يومها إتعكلت في رقبتك!!

Quote: هديييييييييييييييير إزيو كيفك ومشتاقين

بالأكتر والله يا حكومة .. تسأل عنك العافية!

Quote: بالانجليزي بتتكتب الابيض ! Elobaid وانا هنا اسمي ما لامي فيه المكاتبات بي Mr Ahmed ولدي في المدرسة اسمو Warif Elobaid

كااااااااااااامل تضامنى معك يا خالد الابيض*



احمد دى برضو مابتلم فيها زى ماهى بتكون اهمد وليست احمد



_________________________________________

اسم لاعب كورة بس

Quote: بالعربى يقراءعين او الف ومثال نك نيم الزميلamir jabir كثيرا ماخاطبته باسم امير جابر وقبل يومين فقط اكتشفت ان اسمه عامر وليس امير

يا لهوى انا اسمى مكتوب عديل والله اتخيلى ان مبارى البوست دة ليهم كم يوم با برة ساى اجى القى ليك انا اول زول الشهرة متاعب والله

اميرة شكرا كثير على الاهتمام انته عارف ناس جامعة جوبا كتبوا اسمى كدا والغريبه استاذ اميرة بتاعت علم النفس قالت نفس الكلام ((برضوا اميرة)) قالت لى ياولد هى اسمك غلط (( هو انا زاتى غلط لمن اسمى))

انا اعرف اسمى اكتر من الحكومة كمان

---
نرجع نقراء باقى البوست

Quote: معا لايقاف السغيل حيدر الزين !!!

والاسغل منو وفايتو ابوحسين

Quote: و طبعاً فرق السما و الواطة بين حيدر و هدير , هدير ظريفة و دمها خفيف و حيدر دمه تقيل بق بس

والله يا سناء انتي ما عارفة شي ساي ...

يآخ هدير دي لو عرفتيها كمية من الشر المجسد في شكل بشر تنوم على الشر وعليه تصحي

وثقالة وغتاتة ما بعدها ...

لكني ملاك في شكل بشر رغم اني ما بحب اشكر نفسي شديد


فانسيك من امين الحاقد وهدير الشريرة وصاحبي الملائكة



ـــــــــــــ
عارفة مدداخلتك دي ذكرتني سخافتي معاك في بوست سابق وعدلتها - دا كلو عشان تتاكدي اني طيبان- هههههه

Quote: هوارى ليهو مدة مختفى,, اها هوارى ,دا بركة الغير النك نيم من الانجليزى للعربى , انا متاكدة اسمو كان الناس بتعمل ليهو كوبى بوست ,,

يا أميرة
ازيك وتحياتي ..
شكرا علي السؤال
..
انت عارفة زماااااااااان يعني
في المتوسطة..
او ما جينا أولي متوسط..
والناس بدأت تتعلم الانجليزي ...اها اسمي ده كان مشكلة
كان في زول من ناس المدرسة بناديني (حواري)..
وكل مرة اصحح ليه..
ياخي (هواري)...(هواااااااري)..
لما زعلني قلته ليه....ياخي (حواري)..انت شايفني زقاق و لا حارة ولا ركن..
قال لالا ياخي..أنت (حواري) من (الحواريون)...
يعني بالدارجي(حوار)....
اها شفتي جنس السلبطة دي..
يسموك شئ..والناس تسميك شئ
اجمل حاجة هنا مع الخواجات ديل..
لما يسالوني من اسمي وكيفية النطق...بقول ليهم زي (how are you)
وولله في خلقه شؤؤن
لو قلته ليييييييك لما كنت بدرس في اوكرانيا اسمي كــــــــــان كيف..
الا تقومي جارية
هههههههههههههه



______
الاعزاء ..
هدير وحيدر
اصلو ما تغيرو الاسماء
خلوها كده..
تعب شديــــــــــد

با بت الشيخ
سلام

ما أقول حاجة إلا بعد ليلة الترجي!!

Quote: ياخي (هواري)...(هواااااااري).. لما زعلني قلته ليه....ياخي (حواري)..انت شايفني زقاق و لا حارة ولا ركن.. قال لالا ياخي..أنت (حواري) من (الحواريون)... يعني بالدارجي(حوار).... اها شفتي جنس السلبطة دي.. يسموك شئ..والناس تسميك شئ اجمل حاجة هنا مع الخواجات ديل.. لما يسالوني من اسمي وكيفية النطق...بقول ليهم زي (how are you) وولله في خلقه شؤؤن

يا حواري الهواري!!

رائعة منك!!

فلهمنى و سفرنى بالخطوط الجويه التونسيه على الدرجة ( iii )

Quote: فلهمنى و سفرنى بالخطوط الجويه التونسيه على الدرجة ( iii )

وجاااااااايك يا اسماعيلية شان ازيد فضايحى الجوية

هوارى .... سلاااااااااااااام

بصراحة يا هوارى اسمك دا بالعربى صعب خلى بالانجليزى

سؤال ؟؟ انت ليه غيرت من انجليزى لعربى فجاتن كدا

راس الصوت لحقك ولاحاجة ؟

زماااااااان المتوسطة دا كان سنة كم يعنى (سؤال برئ يعنى)


بركة بالشوفة ..وينك مختفى يا هاو ار يو
ليك وحشة..

Quote: يا شر ...

Quote: والله يا سناء انتي ما عارفة شي ساي ...يآخ هدير دي لو عرفتيها كمية من الشر المجسد في شكل بشر تنوم على الشر وعليه تصحي وثقالة وغتاتة ما بعدها ... لكني ملاك في شكل بشر رغم اني ما بحب اشكر نفسي شديد فانسيك من هدير الشريرة وصاحبي الملائكة

إختشي يا ملك الشر!

Quote: و طبعاً فرق السما و الواطة بين حيدر و هدير , هدير ظريفة و دمها خفيف و حيدر دمه تقيل بق بس

سناء يابت امى حيدر دا بينى بينو فى نيفاشا
اعفيييينى

بس الفيك اتعرفت ......

تحياتى..

Quote: طبعاً فرق السما و الواطة بين حيدر و هدير, هدير ظريفة و دمها خفيف و حيدر دمه تقيل بق بس و انا مرة شامة ليك حيدر الزين ده و بقرى بوست لي هدير قمت كتبته ليه الليلة الظرافة دي نزلت من وين؟ لكن الحمد لله اكتشفت الحكاية و مسحتا التعليق سريع

ياخ
you made my day
!
خاصة الجزء ال بالأحمر دا !!

يا سلااااام عليك يا سناء يا ذوق وأنا أقول بريدك لله في الله كدا ليه؟! ..
حيدر البق ملك الشر دا يا سناء مسود وشي في البورد دا ! .. لزوجة وعكلتة شديدة !
بجي الصباح داخل قبل يقول بسم الله بدخل يتعكلت ليهو في زول !!

أدعي له معنا بالهداية والزواج العاجلين!

شكرآ لك يا جميلة!

Quote: تفتحوا لينا فى بوستات الدردقة دى ولما ندخل تطلعونا رباطاب او رباطية لما القى العنوان فيه كلمة فلهمة ونقد يجى يكتب لى ميم قبل اسمه اعمل شنو يعنى ؟ وبعدين لو ما حكيتها انا فى ناس كدة لو ما مشغولين كان بيجوا بحكوها شديييييد

بقت عليك حكاية المسبل تبكى الريشة ..

يعنى نقددا ما لقيت حتة تربط ليه فيها غير هنا؟؟

البوست دا من اولو لحدى نهايتو ما لقيت شئ يوقفك غير حرف ال م دا

لقيتكم صعبين مرررررررة ياناس هندسة

الليلة وووب

Quote: وحاة ما حسادة كلام موضوغي جداجدا شنو البوست البوست واللنكات اللنكات دا بوست فيه اهدار لزمن اعضاء المنبر ساى

كان الامضاء بتاعك يكون واحد حاقد

نحيلك لردودنا على المدعو ودالبشرى

Quote: مُحَمَّدٍ عِوَضٌ احْمَدُ

مُحَمَّدٍ عِوَضٌ احْمَدُ

اها دى حالة جديد لنج اسم بالتشكيل والتنوين

هدير يا زين ...

Quote: أها يا ود البشرى فكينا ليك شفرة البوست وسبرنا غورو ولا لسه؟!

البوست يا هدير لا مشفّر لا عندو غور اصلا ليتم سبره
البوست كما اسلفنا لا يعدو أن يكون :

بوست خالي موضوع - ولو طار

ود البشرى الراجل الطيب

و الله ما خيبت حسن ظني فيك

عارفك زول حقاني و واااااااااااااضح

Quote: بوست خالي موضوع - ولو طار

عارف لو دا زول غيرك كان طبل ليها و ملأ البوست كلو يا أستاذة و ما عارف شنو

الله إديك العافية

Quote: الله إديك العافية

آمين يا أبوحسين
وربنا يتقبل و يجزيك مثل ما سالت و أكثر

اميرة طيب سؤال
هل ممكن تعملى احصائية نشوف عدد الناس البيكتبوا اسماؤهم بالانجليزى (لغة سغيلة ياخ) وكم منهم اسماؤهم صعبة وبرضو نفلتر ونفرز جندريا
وديموغرافيا وفى النهاية نطلع قائمة (لستة بالانجليزى) باسماء الناس المسببين للضرر ونقوم نشتكيهم لبكرى

وين الزول السغيل المعاكم فى الدوحة الاسمه كيكى
الحمد لله اسمه مابكتبه بالانجليزى
كان عمل ازمة K
وانعكس ذلك سلبا على مستوى الكاكات فى البورد

Quote: مُحَمَّدٍ عِوَضٌ احْمَدُ اها دى حالة جديد لنج اسم بالتشكيل والتنوين

والله الكسرتين الفي الدال وعين عوض المكسورة حيروا لغتي المتحيرة اصلاً ..

هسي زي دي بكون كاتبها بكري ولا ترجمها ليهو قوقل ؟!!!

Quote: A.Razek Althalib

يا شيك،
عليك الله فكِي لي الشفرة دي
علي بال ما لقيت النضارة
ما عارف الولاد طيروها وين؟...

Quote: يا شيك، عليك الله فكِي لي الشفرة دي علي بال ما لقيت النضارة ما عارف الولاد طيروها وين؟...

النصية لله صعبتها على شديييد يامدير,,

فى نك نيم كدى بلف منها بغاااااااادى ياقول اختى

اعفينى ونسبنا فى محلو

Quote: هل ممكن تعملى احصائية نشوف عدد الناس البيكتبوا اسماؤهم بالانجليزى (لغة سغيلة ياخ) وكم منهم اسماؤهم صعبة وبرضو نفلتر ونفرز جندريا وديموغرافيا وفى النهاية نطلع قائمة (لستة بالانجليزى) باسماء الناس المسببين للضرر ونقوم نشتكيهم لبكرى

باشمهندس,,,سلاااام,,

الانجليزى دا لغة سغيلة واى حاجة لكن ماوصلت لسغالة وديموغرافيا دى,,
اهاوديموغرافيا دى انا قراية ماعرفت اقراها خلى اعرف معناها,,

احسن منهاال م/ نقد,,,

عشان فلهمتك ومصطلحاتك الصعبة دي اوكلنا ليك مهمة الاحصائيات والفلترة,,


___________________________________________
اما كيكى وعلى ذمتو قال عندو امتحانات,,
بس امتحانات شنو علمى علمك,,

Quote: آمين يا أبوحسين وربنا يتقبل و يجزيك مثل ما سالت و أكثر

اتلمو اصحاب السوابق على اصحاب العاهات المستديمة,,,,

Quote: اتلمو اصحاب السوابق على اصحاب العاهات المستديمة,,,,

ولو ....
الوضع باق كما هو :

البوست خالـ ..... إلخ

Quote: ود البشرى الراجل الطيب و الله ما خيبت حسن ظني فيك عارفك زول حقاني و واااااااااااااضح

مستر سوابق

سويتها ظاااهرة,,,

Quote: اما كيكى وعلى ذمتو قال عندو امتحانات,, بس امتحانات شنو علمى علمك,,

حسب كلام ود الصايم الزول ده موقف يااميرة .. فك الله اسره ..

Quote: والله الكسرتين الفي الدال وعين عوض المكسورة حيروا لغتي المتحيرة اصلاً .. هسي زي دي بكون كاتبها بكري ولا ترجمها ليهو قوقل ؟!!!

ودالقاضى النبى فيك تمشى تتاكد

تقوقل,,,تسال بكرى,,,تسال سيد الشئ زاتها المهم عايزين اجابة

Quote: والله الكسرتين الفي الدال وعين عوض المكسورة حيروا لغتي المتحيرة اصلاً .. هسي زي دي بكون كاتبها بكري ولا ترجمها ليهو قوقل ؟!!!

ودالقاضى النبى فيك تمشى تتاكد

تقوقل,,,تسال بكرى,,,تسال سيد الشئ زاتها المهم عايزين اجابة

Quote: ودالقاضى النبى فيك تمشى تتاكد تقوقل,,,تسال بكرى,,,تسال سيد الشئ زاتها المهم عايزين اجابة

صدقيني قعدت اقوقل من امس وآخرتها جاتني رسالة بتقول ( هذه اللغة غير متوفرة لدينا حاول بلغة اخرى) ..


فايزٍ ود القاضيٍ

والله يا بت الشيخ ديموغرافيا دى حتى كيكى بيكون عارفها يبقى مافيها اى فلهمة
بعدين انا لو ما الموسم بتاعنا قرب يدخل وورانا استقبال ضيوف عمرة رمضان
والحجاج ماعندى مشكلة باعمل الاحصائية والفلترة لكن عليك الله شوفى زول من بلد
يكون فيها ترطيب واريحية ومافيها كفيل وكدة

Quote: فايزٍ ود القاضيٍ

ود القاضى بالله استقبل ناس اساسى لما يجوا يزوروكم وانت لابس البدلة الظهرت
بيها فى حفلة ابحر عشان تعقدوا لينا شوية

حبيبنا .. احمد ...سلامات ...

Quote: ود القاضى بالله استقبل ناس اساسى لما يجوا يزوروكم وانت لابس البدلة الظهرت بيها فى حفلة ابحر عشان تعقدوا لينا شوية

ياخي ده لينا اربعة سنوات منتظرنه يبارك لينا بتنا البكر ونحن - بحمد الله- خشينا قبل كم يوم في التالته زي الترجي ...
بعدين البدله العاجباك ديك خلاص بقت موضة قديمة قاعد امسح بيها العربية المامن عبداللطيف جميل ...

عليك الله يااحمد انا زول ساكن جنب عبداللطيف جميل الصفا ماتجيني زيارة ؟!!

.

Quote: لوووووووووووولين ياحدير الزين التشفير وين؟؟ ما تشمتنى فينى ودالبشرى

يا برينسيسا ما ياهو دا التشفير ياخ !!

Quote: ومن هذا البوست نطالب الريس بكري، بلسان حال البرنسيسة الشيك أميرة أن يقوم بتغيير كل الأسماء الإنجليزية لعربية وبالجملة .. يعني ما أنا بث يا ريس! أها يا ود البشرى فكينا ليك شفرة البوست وسبرنا غورو ولا لسه؟ Hadeer

دايرين نكوس ليك مراقة من ود البشرى دا!

ولقيناها!

Quote: ياخ you made my day ! خاصة الجزء ال بالأحمر دا !! يا سلااااام عليك يا سناء يا ذوق وأنا أقول بريدك لله في الله كدا ليه؟! .. حيدر البق ملك الشر دا يا سناء مسود وشي في البورد دا ! .. لزوجة وعكلتة شديدة ! بجي الصباح داخل قبل يقول بسم الله بدخل يتعكلت ليهو في زول !! أدعي له معنا بالهداية والزواج العاجلين!

هههههههه دايرة توريني ليهو .. انا ما كت واحدة من البجي يتعكلت فوقن ,,

قلتي لي ندع ليه بالهداية و الزواج ؟ غايتو البقول عايز يعرسا بنخليها تقرى ليهو بوست بوستين من النوع القاصدنه و بعد داك نخليها تفكر

لكن بيني و بينك كده .. هو دمه خفيف بس بتاع حركات ساي (وش خجلان)

Quote: لكن بيني و بينك كده .. هو دمه خفيف بس بتاع حركات ساي (وش خجلان)

الطريفي .. النايملا شنو؟
الشرق قبض ياخ!

Quote: عليك الله يااحمد انا زول ساكن جنب عبداللطيف جميل الصفا ماتجيني زيارة ؟!!

ود القاضى تم الاتفاق مع السمين التانى انه زيارتنا ليكم ح تكون موحدة فبالله زى ماقال ليك
فى بحر هذا الاسبوع
لكن شرطى للزيارة انك تستقبلنا بالبدلة الجديدة

Quote: ود القاضى تم الاتفاق مع السمين التانى

الاول ده منو يااحمد ؟!!

Quote: لكن شرطى للزيارة انك تستقبلنا بالبدلة الجديدة

ياخي الزول ده انا مكتر عليه لبس البدلة القديمة تقول لى الجديدة !!!... الجديدة دي والله الا تقديراً لجيتك الكريمة ...

في انتظار تشريفكم لنا في اى وقت ...

البوست دا مالو بقى زي موقف الدفارات
جكيس ........ و تعارف ....... بيع صعوط......... بيع كِسرة .....نقاشات بعيدة عن موضوع البوست بس ناقص بتاع التسالي

و الله ما قلت إلا الحق يا ود البشرى من قولة تيت حددت عدم موضوعية البوست و بعدين ست البوست ذاتها ما جادة

غايتو يا ود البوست بعد كدا نجيبك لي كل البوستات علشان نحدد تداخلنا من عدمو في أي بوست


ياخي ست البوست وصفت نفسها بالفلهمة راجين منها تاني شنو ؟؟؟؟

Quote: البوست دا مالو بقى زي موقف الدفارات جكيس ........ و تعارف ....... بيع صعوط......... بيع كِسرة .....نقاشات بعيدة عن موضوع البوست بس ناقص بتاع التسالي

غايتو انا و ود القاضى ناس التعارف ويمكن كسرة برضو لكن جكيس ودفارات وصعوط فشوف ناسك يازول
والله يا ابوحسين انا لو مكانك كتابتى فى البورد دة ما ح تكون اقل من ناس شكسبير وماركيز
باعتبار الفترة القصيرة البتكون ما موقوف فيها

Quote: والله يا ابوحسين انا لو مكانك كتابتى فى البورد دة ما ح تكون اقل من ناس شكسبير وماركيز باعتبار الفترة القصيرة البتكون ما موقوف فيها

أحمد التجاني ياخي خلاص صنفتك من أعداء النجاح

قلت لي الفترة القصيرة

يا جماعةالإيقاف دا لعبة بيني وبين بكري علشان نخلق آكشن في البورد

Quote: البوست دا مالو بقى زي موقف الدفارات جكيس ........ و تعارف ....... بيع صعوط......... بيع كِسرة .....نقاشات بعيدة عن موضوع البوست بس ناقص بتاع التسالي

ياخ انشاءالله يتم تزوير هنا,,,برضو راضية

اللهم لانسالك رد القضاء ولكن نسالك اللطف فيه,,

عالم حاااااقدة

Quote: الطريفي .. النايملا شنو؟ الشرق قبض ياخ

وعليكم السلام ورحمة الله وبركاته

Quote: دايرين نكوس ليك مراقة من ود البشرى دا! ولقيناها!

ودالبشرى لم ياتى لحوار ياهدير,,,

Quote: حسب كلام ود الصايم الزول ده موقف يااميرة .. فك الله اسره ..

وحاة نضرى بقيتو بتاعين مشاكل,,,

بوست هادف جداً
ومبتكر جداً جداً

Quote: و مكانك كتابتى فى البورد دة ما ح تكون اقل من ناس شكسبير وماركيز باعتبار الفترة القصيرة البتكون ما موقوف فيها

احمد التجانى وىىىىىىىىى

Quote: عميرة الشيكه..حبابك يا صديقة.. حباب الأصدقاء و الصديقات هنا.. بعد اذن الجميع.. لعناية الصديق عبد الدائم..و الصديقة عفاف.. بخصوص الإسم العجيب.. Quote: مافى اسم عذبنى فى المنبر وما قدرت انطقو صاح ذى almulaomar الإسم لصديقنا الجميل.. المـُـلا عمر..و ظهر ايام سقوط طالبان في افغانستان.. ما قاعد افتح بوستات باسماء الناس..كثيرا..و هي ظاهرة نادرة في مشاركتي في هذا المنبر و منذ سنوات..و لكن الإستثناء كان اخونا الملا عمر..و اليكم جيمعا هذا الرابط القديم.. رســالة في اللــبن : الى المــلا عمـر من طرائف النك نيم الإنجليزي .. اسم صديقنا.. Mohamed Kabar. ..و يكتب في المنتدى من قبل سنوات..و كان كل ما يكتب ليهو حاجة..اذكر الصديق ابكر ادم اسماعيل.. طوالي يتصل علي و يشبكني ليك..ياخي شايفك خاشي المنبر..و مرات بكون اسابيع ما عتبت على المنبر..و اخيرا نبهتني صديقة بأن لي اكثر من اسم في المنبر..و اخيرا جدا اكتشفت الحكاية..و التحية لأخونا محمد كبار.. النكتة التانية.. يبدو أن هناك اسرة كبيرة من اهلنا ناس حلفا..و طوالي اصحابنا من هناك.. توش يخشوا فيني شمال يا محمد كبار(كباره).. الأخطر..بعض الإخوة و الأخوات.. من ناس دارفور.. طوالي بيفتكروا انو لي علاقة بالوالي عثمان كـُبر..والي شمال دارفور.. اذكر احد الأصدقاء في منبر تاني دخل فيني شمال .زيا قريبي..و يا صديقي..و اخيرا اكتشفت أنو بيقصد اسرة في مدينة الرهد.. Kabar و هي الفعل (كبر) للصلاة.. و دمتم.. كبر

كبر,,,,سلاااام,,,

مداخلتك ليها 3 يوم اكتشفتها الليلة بس,,,ياخ انت الوداك بداية البوست شنو? ولا دابتوقيتكم?
اولا نجى لاسمك ...كبر دى انا بقراها بالكسرة ...وكمان بتلفسف وبفسرها براى على اساس انها جاية من تقدم العمر او السن اى الشخص صار عجوز,,,
شفت الشـطحة دى كيف?
اما بمناسبة الوالى دى انا قايلها اخوووك لزم,,,
بخصوص الملاعمر دا فشكراعلى الرابـط والكتابة المجنونة..
فالملا انا بقيت مبارية كتابتو من يوم رجع المنبر ويشهدالله ممتع وكتااب كتابة الجن
شكرا يا استاذ كبر وسعيدة بمداخلتك اكتر مما تتخيل

Quote: يا لهوى انا اسمى مكتوب عديل والله اتخيلى ان مبارى البوست دة ليهم كم يوم با برة ساى اجى القى ليك انا اول زول الشهرة متاعب والله اميرة شكرا كثير على الاهتمام انته عارف ناس جامعة جوبا كتبوا اسمى كدا والغريبه استاذ اميرة بتاعت علم النفس قالت نفس الكلام ((برضوا اميرة)) قالت لى ياولد هى اسمك غلط (( هو انا زاتى غلط لمن اسمى)) انا اعرف اسمى اكتر من الحكومة كمان --- نرجع نقراء باقى البوست

عامر جابر,,,ازيك,,,

انت برضو جدعت المداخلة حقتك فى حتة بعيدة خلاس واتخارجت,,
بالطريقة دا الواحد حيشوف ليهو مايكرسكوب شان يطلع ليهو زى مداخلتك دى ومداخلة استاذنا كبر,,,

ياخ انازاتى بتاعة علم نفس,,,شفت كيف,,?

تحياتى ياامير,,

Quote: لوووووووووووولياحدير الزين التشفير وين؟؟

لولين علي يا اميرة
هسي حدير دي يعني هدير ولا حيدر
غايتو فكرة نعمل روحنا غلطانين ونستخدمها ليهم الاتنين

Quote: بوست هادف جداً ومبتكر جداً جداً

و المؤتمر الوطني فاز في الإنتخابات بنزاهة و بدون "خج"

Quote: احمد التجانى وىىىىىىىىى

ابو الحسين صرح فى بوست مجاور انه اتراجع عن رايه السلبى فى البوست دة
وبل اضاف انه البوست دة بيمثل منعطف تاريخى فى مسيرته السايبرية وخريطة
طريق نحو بلوغ مصاف الكتبة الكبار

Quote: أحمد التجاني ياخي خلاص صنفتك من أعداء النجاح

ابو الحسين ياخ تحمد ربك انه ود القاضى مشغول
بترتيبات استقبالنا انا واساسى والاسرتين فى دارهم العامرة
والا كان قد جاء و وراك المكشن بلا بصل
بس عشان كمان ما تاخد راحتك شديد كلفنى بالرد عليك

Quote: انت متاكد انك حتقول حاجة بعد مباراة الترجى؟ اخير تقول قولك وتستغفر [url=http://www.arablocale.net/][/url عبدالعزيز عيسى ..سلاااااااااام وتحياتى

العزيزة بت الشيخ

بعد التلاتة في تونس دي.. كل الأشياء باظت وعايز اعادة برمجة.. ودي ما ممكن تكون إلا ليلة الترجي لما نصحح الوضع بضربات رباعية نظيفة..
طبعا كيكي وودياب ماسكين السبحة الطويلة لليلة ديك..

كتبت اسمي صح بالعربي.. عليك نور... أقصد نجمـــة!!



تحياتي

Quote: بعد التلاتة في تونس دي.. كل الأشياء باظت وعايز اعادة برمجة.. ودي ما ممكن تكون إلا ليلة الترجي لما نصحح الوضع بضربات رباعية نظيفة..

ياعزيز,,,والله انا قنعانة من ما الترجى فاز بثلاثية نظيييييفة
عرفتها بايظة.....

4/صفر معقولة بس والله الانرجع حامد ببريمة,,غير كدا نو وىىى

تحياتى,,

أميراااااات

happy new page
أها شوفي الفلهمة دي كككيف !

Quote: أميراااااات happy new page أها شوفي الفلهمة دي كككيف

ول كم ياحبيب ...

خبرك ..؟

Quote: البوست دا مالو بقى زي موقف الدفارات جكيس ........ و تعارف ....... بيع صعوط......... بيع كِسرة .....نقاشات بعيدة عن موضوع البوست بس ناقص بتاع التسالي

ماعارف كلامك ده ليه ذكرني كلام الاعرابي على بن الجهم الذي قال وهو يمدح هارون الرشيد :

انت كالكلب في الوفاء .........وكالتيس في قراع الخطوب ..

فاراد حراس الرشيد ضربه فامرهم بتركه وقال عبارته المشهورة (هذا أعرابي مدح بما يعرف.. واجتهد في المدح.. فأخذ المعاني التي يعرفها من بيئته..)


اميرة -الله يهديها- عايزة تقول ليك انت كمساري في موقف دفارات ولا حجة تسالي ؟!!! هكذا قرأت دواخلها ..

Quote: و المؤتمر الوطني فاز في الإنتخابات بنزاهة و بدون "خج"

وفى زول غير قال كدا .....?



.






___________________________________________


الكوتيشن الفوق دا انا برضو كنت مكوتاهو من مداخلة ورديت بيهو عليك

المحيرنى لا لقيت المداخلة ولا الكوتيشن اتكوت كويس,,,

Quote: لولين علي يا اميرة هسي حدير دي يعني هدير ولا حيدر غايتو فكرة نعمل روحنا غلطانين ونستخدمها ليهم الاتنين

يعنى الاتنين,,,3لولااااااات ياالجندرية لقيتك حريفة لكن
البوست دا كووووولو مالقيتى الا دى?

الاخت اميرة

انا غيرت النك نام من ghariba الى صلاح غريبة وانقلب عدادي الى صفر بعد 10800 بوست و8 سنوات في المنبر ......
وزي ما قال واحد باني بقيت برلم .....

المهم انا في رأي ما في فرق بين ان يكون النك بالانجليزي او العربي رغم الاحراج الشديد الذي واجهني بـ ghariba فبعض الاخوة كانوا يفتكرون الاسم لبنت ويتعاملون معي على هذا الاساس وهذا واضح في الاميل الخاص بي المرفق


صلاح غريبة - الرياض

هلا ياجموع
وحباب اميرة اوكاش
وكنت ناوي اتضامن مع رؤية ود البشري لهذا البوست وخاصة في حضور المرجف ود التجاني واطلق علي هذا البوست (بوست المواسير)لوووول
خاصة بعد تصريح فايز ود القاضي نقلا عن ود الصايم باني موقوف ايقاف اضطراري وخاصة بعد الحضور الكثيف لود التجاني وطرحه لنفسه كمرشد اسفيري اعلي في ظل غياب الكهنة الكبار...
ولكن رغم كل هذه الاسباب القوية والمنطقية الا اننا لا نجد بد من البصم والتاكيد علي ان هذا البوست

وقد نضيف الي الثمب اب قليلا من ال
wayeeeeeeeeeee

Quote: الكهنة الكبار...

كضب السواد
ياخ البركة فى المنبر دة العمل ليك تضخيم الذات الاونطة دة
(التضخيم زمان كان عندك فى حتة واحدة بس)
اها ومادام جبت سيرة الكهنة خم وصر
ود البدوى قال ماشى ليك زيارة فى الدوحة
لملم اطرافك وخليك جاهز
اجمع ليك كم كردت كارد كدة
وخلى ناس بت الشيخ يعملوا ليك صندوق ويدوك الصرفة الاولى
لكن برضو مابضمن ليك القروش دى تكفيك تكاليف استقبال
الزول دة

امورة


عافي منك بدون تعليق

كيكى ..وىىىىىىى
طولت الغيبة ياخ ......

غايتو ودالتجانى دا دخل البوست بفاول مع م/عقيد وطلع بنيفاشا مع فايز ودالقاضى ...شى بدل
وشى عبدالصمد جميل وشى زيارات اسرية لما موضوع البوست رااح لى عديل ,,,,

لكن النصيحة لى الله بدخول الباشمهندس ودالتجانى شكلنا حنلعب فى دورى المحترفين وكدا ..

احمد التجانى وىىىىىىىىىىىىى

Quote: المهم انا في رأي ما في فرق بين ان يكون النك بالانجليزي او العربي رغم الاحراج الشديد الذي واجهني بـ ghariba فبعض الاخوة كانوا يفتكرون الاسم لبنت ويتعاملون معي على هذا الاساس وهذا واضح في الاميل الخاص بي المرفق

لووووووووووووووووول ,,,,

صلاح غريبة شخصيا؟؟؟ مرحبتين....

غريبة الزمان وصلاح الاسىىى قلت لى النك نيم سبب ليك احراج لانو الناس بتتخيلو اسم لبت؟
وبرضو ماشايف فى فرق انو النك يكون بالانجيزى او العربى؟؟

برضو وجهة نظر ....طيب ماوضحت لينا اسباب التغيير شنو؟


الايميل المرفق الخاص بيك دا وين؟؟؟

مكتيف منك قريبتي اقدلي سااااااااااااااى ومحل رهيفة تنقد

Quote: تحياتى ياامير,,

تانى :


والله ماعارف يا اميرة المنبر العام دة مسكون الواحد مره يخش لى بوست يكتب مداخلة تجى رسالة تقول ليك انته غير مسجل وبطل حركات وقوم لف ارجع تانى القى
البوست انحزف مرة القى نفسى بكتب فى محل تانى المهم



اوع تكونى انتى اميرة زاتك ؟؟؟

وش مخلوع وعرقان

Quote: مداخلتك ليها 3 يوم اكتشفتها الليلة بس,,,ياخ انت الوداك بداية البوست شنو? ولا دابتوقيتكم? اولا نجى لاسمك ...كبر دى انا بقراها بالكسرة ...وكمان بتلفسف وبفسرها براى على اساس انها جاية من تقدم العمر او السن اى الشخص صار عجوز,,, شفت الشـطحة دى كيف? اما بمناسبة الوالى دى انا قايلها اخوووك لزم,,, بخصوص الملاعمر دا فشكراعلى الرابـط والكتابة المجنونة.. فالملا انا بقيت مبارية كتابتو من يوم رجع المنبر ويشهدالله ممتع وكتااب كتابة الجن شكرا يا استاذ كبر وسعيدة بمداخلتك اكتر مما تتخيل

شوفو الفلسفة دي
ياخي في ناس فاكينها في روحهم بي صورة ما عادية

Quote: انا غيرت النك نام

دا نك و لا ABUHUSSEIN
هو النك بنوم زينا ؟؟؟

أحمد التجاني

أنا اليومين ديل إتعودت على الهجوم علي من كل الناس
أنا عارف إني مستهدف و عارف كتيرين بحاولو إستغلوالجو العام
و إظهرو للناس إنهم أصحابي و أنت و ودالقاضي خير مثال لذلك
عارف لم الناس تدخل بوست و تلقاك إنت أو ودالقاضي بتهاجمو فيني
الناس بتقول الزولدا صاحبو شديد وأنا بديكم الفرصة إحتراماً لي
أخونا أساسي إتصل على و قال الناس ديل بالله أديهم فرصة إظهرو شوية
و أساسي إنسان عزيزو رفيق درب من سنين.

و بالمناسبة ود القاضي وضع ليهو صورة شرط في البروفايل لأنو عارف
مداخلاتو ما بتجيب زبائن علشان كدا جاب الصورة. ما شفت ودالزين في
بوست غير دا علق على الصورة دون الرد على المداخلة؟؟؟

Quote: أنا عارف إني مستهدف و عارف كتيرين بحاولو إستغلوالجو العام و إظهرو للناس إنهم أصحابي و أنت و ودالقاضي خير مثال لذلك

ABUHUSSEIN
والله معاك حق الشهرة متاعب ياخ بعدين انت شخصية نادرة تستاهل الناس
تتلصق فيك ويعملوا اصحابك وياريت كمان نلقى نتصور معاك , تعرف باكون فى حالة قلق
لما اكون عايز ارد عليك مداخلة اخاف المنبر يفقدك قبل ما يوصلك ردى
وعشان تصدقنى انا فى اللحظة دى مفروض ادخل اجتماع مهم لكن قلت اتاخر شوية
مامشكلة الاجتماع لكن انت مامضمون القاك بعد بكرى يصحى يجر الشفاطة حقتك

Quote: تعرف باكون فى حالة قلق لما اكون عايز ارد عليك مداخلة اخاف المنبر يفقدك قبل ما يوصلك ردى

هههههههههههههه

ياخي الاحساس ده انا عندي ليهو برضو ...غايتو بكري لولا تقديره لي ولاستاذي العظيم احمد التجاني واختنااميرة وبقية الكرماء* البوست ده كان اتحذف بدري وبتاع الدفارات ده كان شالوا عدته ..



* عدا ABUHUSSEIN

Quote: اوع تكونى انتى اميرة زاتك ؟؟؟

سودانيز دى مافيها شئ مستبعد>>> بس للضمان كدا دى ما انا..

على فكرة شاباك امير امير,,,امير دا ودامى وفردتى خاااالص

Quote: بصراحة يا هوارى اسمك دا بالعربى صعب خلى بالانجليزى سؤال ؟؟ انت ليه غيرت من انجليزى لعربى فجاتن كدا راس الصوت لحقك ولاحاجة ؟ زماااااااان المتوسطة دا كان سنة كم يعنى (سؤال برئ يعنى) بركة بالشوفة ..وينك مختفى يا هاو ار يو ليك وحشة..

يا أميرة...
تحياتي واحترامي....
ياخي السنة الفاتت,غيرت من الانجليزي,لأنه الهكر بشتنا وعولقنا,قمنا طلبنا (باس وررد) جديد
اخونا بكري الله يديه العافية,لقاها فرصة,وقام (عربنا)...اها وبدينا تاني مع البرالمة,اسم جديد و(0) مشاركات...
اها المتوسطة..قلتي بتين...
ماقلنا زمااااان..
يعني ناس (جين اير..وكدناب وترشير ايلاند)..شفتي كيف...ههههههههه

ويعلم الله.بقينا نتاوق بس من بره..
وين عليك الله مع الاحباط ,والقرف الحاصل ده..(الانتخابات العذابات) والخج بتاع الصناديق ,...الناس الوهمانة .. الفرحانة بي فوز حزب..وانقسام بلد..
غايتو مخير الله...والله في..بقينا في وهم كبير.يااخي
مافي نفس يا الاميرة..يعلم الله..
مــــــــــافي...بقينا كوم من ألآلام,المفصة,الحزن والاحبــــــــــاط..

جادعناك في النصيبة الاسمها (الفيس بووك)..
الا الاسم هناك(انجليزي) يا مرسي
تحياتي وتقديري ..وعالم الله شوقنا مبلغ وقدره..

Quote: جادعناك في النصيبة الاسمها (الفيس بووك).. الا الاسم هناك(انجليزي) يا مرسي تحياتي وتقديري ..وعالم الله شوقنا مبلغ وقدره..

ما اخترت المكان الصح,,,قبل اكتر من سنة وهنا فى سودانيز دى اعلنت اميتى الاكترونية وشمت فينى البلد والبلدين,,
الناس دى شبكتنى محاضرات لما راسي سخن
ودى كووولها طلعت منها بانى عملت اشتراك,,,,اسي ندى عثمان وكم زول تانى من الاصحاب نفس الكومبلين,,,
الليلة دى حاقوم باجراء اللازم حتى لو استعين بصديق

تحياتى ياهوارى,,

Quote: البوست دا مالو بقى زي موقف الدفارات جكيس ........ و تعارف ....... بيع صعوط......... بيع كِسرة .....نقاشات بعيدة عن موضوع البوست بس ناقص بتاع التسالي

ماعارف كلامك ده ليه ذكرني كلام الاعرابي على بن الجهم الذي قال وهو يمدح هارون الرشيد :

انت كالكلب في الوفاء .........وكالتيس في قراع الخطوب ..

فاراد حراس الرشيد ضربه فامرهم بتركه وقال عبارته المشهورة [B](هذا أعرابي مدح بما يعرف.. واجتهد في المدح.. فأخذ المعاني التي يعرفها من بيئته..)

اميرة -الله يهديها- عايزة تقول ليك انت كمساري في موقف دفارات ولا حجة تسالي ؟!!! هكذا قرأت دواخلها ..

Quote: اميرة -الله يهديها- عايزة تقول ليك انت كمساري في موقف دفارات ولا حجة تسالي ؟!!! هكذا قرأت دواخلها ..

ابو الزفت,,,

يلعن ابو العرفة زاتو,,,,,



_____________________________
اها البدلة لبستها ولا لسة?
الجماعة ديل جو باركو ليك?
عبدالصمد جميل اخبارو شنو?
حايقيلو معاكم?
حتاكلوهم مفروكة خدرة وكسرة?