Post: #1
Title: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 04-26-2010, 10:55 AM
كثيرا ما اتخيل في راسي شكل التشكيل الحكومي والوزارات القادمة
ترى هل ستظل نفس معظم الوجوه القديمة
ام سنشهد بعض التغييرات الجذرية....
هنالك اسماء وزارات اكل عليها الدهر وشرب.. بل ونام كمان.... ههههه
نحتاج لوزارات اسمها القديم غير متوافق مع روح العصر
كمان لسنا في حاجة لهذا الكم الهائل من الوزارت (لمن عديتها بين نفسي تقريبا كم وعشرين) ... مع اني ما كملتها ووقفت.... وما قدرت اكملها
نحتاج ايضا الى فك الارتباط بين بعض اسماء ومهام وزارات
كوزارة الرياضة والشباب والثقافة
يعني الثقافة لحالها تحتاج لوزارة قائمة بي زاتها..
وكذلك الشباب ... فقضايا الشباب ومشكلاتهم وهموهم تحتاج لوزارة قائمة بحالها....
ايضا نحتاج لفك ارتباط وزارة الطاقة والتعدين .... نخرج منها قطاع البترول .. فهو بحاله يحتاج لوزارة قائمة بذاتها
كذلك لماذا لا تدمج وزارة رئاسة الجمهورية بمجلس الوزراء... طالما الوزارة الاولى عمليا مدمجة في عمل الثانية
وكمان مافي فرق كبير يذكر بينهم ... وبامكان وزارة مجلس الوزراء ان تقوم بالمهام كلها...
ايضا لماذا لا يتم دمج وزارة الرعاية الاجتماعية في وزارة الشئون الانسانية
او الغاء الاولى نهائيا.... وتوكيل اعمالها في وزارة الشئون الانسانية
وبالتالي يغيروا لينا وجه (وزيرة الرعاية الاجسامية احمد محمد)
اللي مكنكشة في الوزارة من ما الانقاذ جات هههههههه
نواصل
|
Post: #2
Title: Re: الـــتشكيل الـــوزاري الجــــديد (مــا له ومــا عليه)
Author: Hisham Ibrahim
Date: 04-26-2010, 12:05 PM
Parent: #1
Quote: (وزيرة الرعاية الاجسامية احمد محمد)
|
مالك متصـــربعه قدر دا !!
والا دا الإسم الساري للوزارة دي !!
غايتو الزبير وعوض الجاز ( الا الموت ) وكان بقوا شيوعيين ما بخلوها !!
والله نفسي أبقى وزير عــــدل !!
كان ما اخلي ليك السجون دي فاضـية !! شنبي دا يقوم لي خالتي دار السلام،،
واصلي قبل ما ينزل التشكيل ،،
هشام
|
Post: #3
Title: Re: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 04-28-2010, 06:25 AM
Parent: #2
الان تبرز ضرورات ملحة لتقليص مهام الوزراء في القصر الجمهوري.. وخاصة المستشارين اللي راقدين زي الهم على القلب
خاااصة بعد الازمة الاخيرة (اضراب نواب الاطباء) ....
حيث ظهر التقصير الواااااااااضح من السادة المستشارين والوزيرين اللي حول الرئيس في القصر الجمهوري.... في سكوتهم الفاضح والواضح في نفيهم او تاكيدهم الاخبار الصحفية اللي جاءت حول ان الرئيس اصدر قرار او توجيه بفصل الاطباء المضربين ...
والموضوع في الاصل ان الرئيس لم يصدر القرار اصلا... وليس هنالك اي توجيه ايضا
ولما حصل الاضراب كنا نحن مقبلين على انتخابات.... وفي امس الحاجة لجمع اصوات المؤيدين.... وتقليل الاصوات المعارضة
الامر الذي ادى بسكوتهم .... عن نفي او تاكيد او توضيح... الى خروج جميع الصحف تقريبا وقتها بانتقاد ما صدر بانه (قرار او توجيه من الريس)
فسرعة التحرك وادارة الوقت امر مهم
للان لا اعتقد انهم كلفوا انفسهم بنفيه تلك الاخبار
حتى جاء النفي عن طريق البروفيسور ابو عائشة الذي نفى بدوره ان الرئيس لم يصدر اي توجيه.... بل انهم اعتمدوا في ذلك على مادة موجودة في مواد الوزارة تبعهم تخول لهم فصل الاطباء المضربين او نحو ذلك
من يتحمل مثل ذلك التقصير الواضح
غاتو كان ما الله لطلف .... والبشير مواطنينا بحبوبه حبا في الله ساااااااي كدي دا
لكانت واقعة اضراب الاطباء وما اشيع عنه ... لكان سببا في الاطاحة لا قدر الله بالمرشح عمر البشير وقتها........
المهم .....
نتمنى ان تقلص اعداد وصلاحيات السادة الوزراء والمستشارين بالقصر الجمهوري
على ان تنقل صلاحياتهم لمجلس الوزراء
|
Post: #4
Title: Re: الـــتشكيل الـــوزاري الجــــديد (مــا له ومــا عليه)
Author: nazar hussien
Date: 04-28-2010, 06:50 AM
Parent: #3
خليني اشكل ليك التشكيل...وبعداك قولي ماله وما عليه
عمر حسن احمد البشير...رئيس جمهورية السودان الديموقراطية
سلفاكير ميارديت...رئيس حكومة الجنوب ونائب رئيس حكومة جمهورية السودان الديموقراطية
الي ما قبل يناير 2011
د.مصطفي عثمان اسماعيل- نائب برلمان ووزير الخارجية
د.نافع علي نافع..نائب بالبرلمان ووزير الداخلية
د. الدقير نائب بالبرلمان ووزير التجارة والصناعة
د. لام اكول اجاوين...ما اي شي في الجنوب ووزير الحكومات المحلية بجمهورية السودان
علي عثمان محمد طه. رئيس البرلمان المنتخب
علي احمد كرتي وزير الزراعة
د. عوض احمد الجاز...وزير الطاقة والبترول والتعدين
الكان رئيس البرلمان...وزير العدل
بروفيسر الزبير بشير وزير التربية والتعليم
تاني في منو؟؟؟
جيبي الاسماء الفازت...وحا اوزرهم ليك طوالي
|
Post: #5
Title: Re: الـــتشكيل الـــوزاري الجــــديد (مــا له ومــا عليه)
Author: أيمن دياب
Date: 04-28-2010, 07:12 AM
Parent: #4
كلامك كلووووووووووو صاح يا ميادة..
وزارات كتيرة محتاجة غربلة.. ودمج.. وفك ارتباط..
بس المشكلة انو حتكون نفس الأسماء القديمة..
مع تغيير طفيف في المواقع..
نحنا ناس بنخاف من التجديد..
وغير كده: وين نودي الأسماء القديمة؟
معقول ينزلو المعاش.. أو يقعدوا في البيوت..؟
في ناس أهل الجلد والرأس.. ديل لازم يكون عندهم وزارات..
وزي ما قلتي قصة كوم المستشارين دي مافي داعي ليها..
فلا بارك الله في مُستشار لا يُستشار..
ولا يؤخذ برأيه حتى إن أُستشير..
|
Post: #6
Title: Re: الـــتشكيل الـــوزاري الجــــديد (مــا له ومــا عليه)
Author: الرفاعي عبدالعاطي حجر
Date: 04-28-2010, 07:21 AM
Parent: #5
Quote: كثيرا ما اتخيل في راسي شكل التشكيل الحكومي والوزارات القادمة
ترى هل ستظل نفس معظم الوجوه القديمة
ام سنشهد بعض التغييرات الجذرية....
هنالك اسماء وزارات اكل عليها الدهر وشرب.. بل ونام كمان.... ههههه
نحتاج لوزارات اسمها القديم غير متوافق مع روح العصر
كمان لسنا في حاجة لهذا الكم الهائل من الوزارت (لمن عديتها بين نفسي تقريبا كم وعشرين) ... مع اني ما كملتها ووقفت.... وما قدرت اكملها
نحتاج ايضا الى فك الارتباط بين بعض اسماء ومهام وزارات
كوزارة الرياضة والشباب والثقافة
يعني الثقافة لحالها تحتاج لوزارة قائمة بي زاتها..
وكذلك الشباب ... فقضايا الشباب ومشكلاتهم وهموهم تحتاج لوزارة قائمة بحالها....
ايضا نحتاج لفك ارتباط وزارة الطاقة والتعدين .... نخرج منها قطاع البترول .. فهو بحاله يحتاج لوزارة قائمة بذاتها
كذلك لماذا لا تدمج وزارة رئاسة الجمهورية بمجلس الوزراء... طالما الوزارة الاولى عمليا مدمجة في عمل الثانية
وكمان مافي فرق كبير يذكر بينهم ... وبامكان وزارة مجلس الوزراء ان تقوم بالمهام كلها...
ايضا لماذا لا يتم دمج وزارة الرعاية الاجتماعية في وزارة الشئون الانسانية
او الغاء الاولى نهائيا.... وتوكيل اعمالها في وزارة الشئون الانسانية
وبالتالي يغيروا لينا وجه (وزيرة الرعاية الاجسامية احمد محمد)
اللي مكنكشة في الوزارة من ما الانقاذ جات هههههههه
نواصل |
ميادة يا بتي قولي خير واكتبي في مجال تخصصك وبس
وخليك من الحاجات دي فهي بعيدة عنك ولو بقى دا
تخصصك على السودان السلام والرحمة والبركة كمان ...
عموما يابتي داير اقوليك الانقاذ ما بتوزر الجيوش
دي علي كيفها كل واحد عايز من الكعكة وعندو سلاح
بيعينوه وزير ومستشار وكبير واي حاجة والشعب ليهو
الله وزمان كان بيقولو عيشة السوق ... هسع سوق مافي
بقى حق اللصوص لصوص الانقاذ فخلينامن دا ؟
...............................................حجر.
|
Post: #7
Title: Re: الـــتشكيل الـــوزاري الجــــديد (مــا له ومــا عليه)
Author: د.محمد حسن
Date: 04-28-2010, 07:27 AM
Parent: #6
يا ميادة
هل تتخيلي انو في وزارة اسمها وزارة الشئون البرلمانية ؟
زيدي الك وسبعين وزارة العديتيم وزارة
|
Post: #14
Title: Re: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 04-29-2010, 07:59 AM
Parent: #6
(الاخ ) الرفاعي حجر
Quote: ميادة يا بتي قولي خير واكتبي في مجال تخصصك وبس
وخليك من الحاجات دي فهي بعيدة عنك ولو بقى دا
تخصصك على السودان السلام والرحمة والبركة كمان ...
|
لماذا دائما تتجه للتجريح والاستخفاف بالاخرين
والله حرااااااااااام عليك
الواحد فيكم لمن يجي يكتب الكلام عليه ان يقدر بينه وبين نفسه حجم السوء اللي ممكن يقع على الشخص الموجه ليه الكلام
وكلام دا اساء لي جدا وحذ في نفسي كمان
والله يسامحك...........
كلف نفسك وامشي لحدي بروفايلي وانت تشوف الكلام دا في تخصصي ولا لا
مع اني عارفاك انك عارف انو دا تخصصي ..... وانت جاي بغرض التهكم والاستخفاف
ما يكتبه اي شخص هنا في المنبر هو يعبر عن رايه
وممكن يكون صحيح او خاطئ
لكن مافي داعي ابدا للاستخفاف والتهكم
اتمنى ان يطلع كلامي عن التشكيل الوزاري صحيح ... على الاقل الى حد ما....
عشان وقتها اشوف رايك حيكون شنو
دا كان ما جيت سيادتك وقتها بي حيلة تانية تهكمية واستخفاف
واتمنى ان يخيب ظنك التهكمي فيني
وإن غدا (التشكيل الوزاري ) لناظره قريب
|
Post: #8
Title: Re: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 04-28-2010, 07:37 AM
Parent: #4
سلام يا اخوي نزار حسين
| Quote: بروفيسر الزبير بشير وزير التربية والتعليم |
دي طبعا مااااااااااااا ممكن ابدا
وبنص قانون الانتخابات 2008
اي والي تم انتخابه من ولايته .... وبالتالي لا علاقةللمركز (الحكومة في الخرطوم) بتعيينه او اعفاءه
وبالتالي الزبير بشير طه فاز في منصب والي الجزيرة
هو منتخب من ولايته وليس من حق الرئيس ان يغيره وينقله من والي الجزيرة كوزير
ولو عمل كدا دا خرق وااااااضح للدستور وقانون الانتخابات
نفس الامر ينطبق على كل ولايات السودان
يعني اسع زي مالك عقار دا
لو عمل السبعة ووزمتها في ولاية النيل الازرق
الرئيس ليس من حقه ان يقيله او يعفيه.......... (عمك حيتجدع ... وش ضااااااااحك)
| Quote: علي عثمان محمد طه. رئيس البرلمان المنتخب |
في دي برضووووووووو غلللللللللط
على عثمان يعتبر رأس الحربة في المؤتمر الوطني
وزي (حامل الميزان) البيقولو عليها زمان في فترة الحرب الباردة بين الولايات المتحدة والاتحاد السوفيتي
فهو حامل ميزان التوازن بين الحركة الشعبية والمؤتمر الوطني شريكي حكومة الوحدة الوطنية واتفاقية نيفاشا
الرئيس يعتمد علي في ازالة كثير من الشوائب واللغط اللي بحصل بين الشريكين
والثمانية شهور الباقية حتى الاستفتاء
مرحلة حساسة جدا من عمر الحكومة والسودان عموما
والرجل الاصلح لها في هذه المرحلة هو في تقديري علي عثمان محمد طه
ايضا على عثمان كلمته مسموعة ولديه قبول عند جميع الفرقاء والاطراف السودانيين بما فيهم الشرييكين
وكما الرجل يتميز بحنكة سياسية مبالغ فيها
يعني الليلة لو د. نافع ولا مصطفى عثمان اصدر تصريح ولا كلام مثير للخلافات (زي حكاية السودانيين شحاتيين ولا تصريحات د. نافع الصاروخية ديك)
ياتي علي عثمان وبكل حنكة يصلح اخطاء هؤلاء...
فالرئيس في المرحلة القادمة يحتاج شخص مثل علي عثمان ليتحمل معه كثير من الاعباء
بالاضافة لقدرة الرجل على الامساك بكثير من الملفات في وقت واحد وبنجاح
وبالتالي حراااام يدفنوا قدرات زي دي في البرلمان
حتى لو كان رئيس برلمان
ومهام واعباء البرلمان في الحكومة القادمة اعتقد انها لن تكون بالكبيرة وذات اهمية
ويجب ان يكون التركيز في المرحلة القادمة على العمل التنفيذي اكتر من التشريعي وووو
وبالتالي الاهم في المرحلة المقبلة ان يتكون علي عثمان في مؤسسة الرئاسة
|
Post: #9
Title: Re: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 04-29-2010, 06:16 AM
Parent: #8
اتوقع ان يتم حل وزارة العلوم والتقانة
وياريت تحول الاخيرة الى مجلس تحت او تابع لمجلس الوزراء مثل المجلس القومي للتخصاصات الطبية وووو
يا اما يستنهضوا وزارة العلوم والتقانة وتعاد هيكلتها وتوسيع دورها
بدل ما هي بحالتها المركونة الان
وايضا لماذا لا يتم اعلان وزارة خاصة بالطيران المدني .... خاصة بعد الازمة الاخيرة بعد اعلان الاتحاد الاوربي من منع الطائرات السودانية من التحليق في اجواءها
لتدني اجراءات السلامة فيها
نفس الامر نحت اليه الامارات العربية بعد حادث طائرة التابعة لشركة عزة
وبالتالي نحتاج لاعادة صياغة كاملة لقطاع الطيران... وايضا يدعم هذا المنحي اقبال السودان الان لبناء مطار الخرطوم الجديد
ولا دي كمان حيعملوا ليها ادارة زي ادارة السدود وكفى....
|
Post: #11
Title: Re: الـــتشكيل الـــوزاري الجــــديد (مــا له ومــا عليه)
Author: المسافر
Date: 04-29-2010, 06:27 AM
Parent: #9
Quote:
كثيرا ما اتخيل في راسي شكل التشكيل الحكومي والوزارات القادمة |
في ناس كان ممكن يمسو الحقيقة بأطراف بنانهم ( المنمق المموسق )
والتخيل ده يخلوه لي ناس ضل النيم
قاعدين فوق بنابر في دار تواي
ينادو ست الودي
"" ست الودع أرمي الودع
لي خجخجي ""
|
Post: #16
Title: Re: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 04-30-2010, 05:19 AM
Parent: #11
Quote: في ناس كان ممكن يمسو الحقيقة بأطراف بنانهم ( المنمق المموسق )
والتخيل ده يخلوه لي ناس ضل النيم
قاعدين فوق بنابر في دار تواي
ينادو ست الودي
"" ست الودع أرمي الودع
لي خجخجي "" |
ما فهمت مداخلتك دي
ولماذا الرد بهذا الاسلوب
ياريت سياتك تجي توضح لي .........
|
Post: #17
Title: Re: الـــتشكيل الـــوزاري الجــــديد (مــا له ومــا عليه)
Author: mayada kamal
Date: 05-29-2010, 01:00 PM
Parent: #8
فوووووووووووووووووووووووووق
الاخ نزار حسين
هاك عندك قوول (واحد)
تكهني الاول ضرب معاي
الله اكبر......... بقى على عثمان في موقعه كنائب للرئيس
| Quote: أصدر المشير عمر البشير رئيس الجمهورية مرسومين جمهوريين بتعيين الفريق سلفاكير ميارديت نائبا أول لرئيس الجمهورية والأستاذ على عثمان محمد طه نائبا لرئيس الجمهورية. |
اها يا اخ الرفاعي حجر
هاك عندك قول (واحد)......... رايك شنو !!!!!!!!
وخليك مواااااااااصل في لغتك التهكمية تلك
|
Post: #10
Title: Re: الـــتشكيل الـــوزاري الجــــديد (مــا له ومــا عليه)
Author: طارق زروق
Date: 04-29-2010, 06:26 AM
Parent: #1
Quote: هنالك اسماء وزارات اكل عليها الدهر وشرب.. بل ونام كمان.... ههههه
نحتاج لوزارات اسمها القديم غير متوافق مع روح العصر
|
والحكومة القاعدة عشرين سنة دى (الانقاذ) بالله دة اسم متوافق مع روع العصر اتمنى ان نفيق من هذا الكابوس الذى بداء فى 1989
والبركة فيك يا اوكامبو
|
Post: #12
Title: Re: الـــتشكيل الـــوزاري الجــــديد (مــا له ومــا عليه)
Author: nazar hussien
Date: 04-29-2010, 06:37 AM
Parent: #10
يعني تنبؤاتي طلعت فشنك...
|
Post: #13
Title: Re: الـــتشكيل الـــوزاري الجــــديد (مــا له ومــا عليه)
Author: المسافر
Date: 04-29-2010, 07:29 AM
Parent: #12
Quote:
والحكومة القاعدة عشرين سنة دى (الانقاذ) بالله دة اسم متوافق مع روع العصر |
رأي موفق يا طارق
وأقدم إقتراح مناسب لورح العصر
تسمى حكومة ( الإعجاز )
لأنها حققت المعجزات
|
Post: #15
Title: Re: الـــتشكيل الـــوزاري الجــــديد (مــا له ومــا عليه)
Author: Alshafea Ibrahim
Date: 04-29-2010, 04:49 PM
Parent: #13
تحياتي ياميادة
الثابت ان اللا وطني لا يملك من هذه القائمة المسماة أصلب العناصر المجاهدين العاملين لوجه الله تعالى إرتقاء وراحة للمواطن والوطن ... الثابت كذلك ستكون هناك ترضيات وإكراميات لعناصر أخلصت العمل وأحسنت الأمل في مرحلة ما بعد الإنتخابات يعني سيزيد الصرف الحكومي لإرضاء هؤلاء المخلصين .. بالمقابل ما يقدر ب 10% من الميزانية المخصص للصحة والتعليم والخدمات سيزول أو يتقلص لمواجهة تزايد المخصصات الجديدة ... من المؤمل في العشرين سنة الثالثة أن تفكر هذه الكوكبة في إعادة 10% من الحساب لصالح المواطن ..
يجب أن لا نحلم بالتغير طالما أتت هذه الإنتخابات حسب تخطيط ورؤية ومنظور اللا وطني ...
في أمان الله يا وطن ويا مواطن وعاشت الإنتخابات
الشفيع
|
|