لا عاش من يفصلنا البشير 75%سلفا95% نسبة الفوز وتحمل المسؤوليه

قراءة قبل نتائج الانتخابات والاستفتاء
الترتيبات جاهزه للمسيرات العفويه وهيئة العلماء تفتي ان صلاة الشكر فرض عين
الذبائح يستخرج بها شهاده ميلاد مزورة باسم الحزب المنتخب شرعا
وعلي صعيد ذي صله كما اعلن تلفزيون المؤتمر القومي ان اتحاد الهتيفه
مجتمع اليوم لمناقشة كيفية الاحتفال بالريس
الفرقه الماسيه تعزف لرقيص الريس الراب - اقلب الصفحه دون ان تمزقها
سلفا كير يرتل اناشايد الاستقلال فرحا بالفوز الكاسح ويعد مواطنيه بانها بداية التحرر من العبوديه
يرفعون ايديهم الى السماء ويدقون بارجلهم هذه الارض التي سيعيشون فيها مواطنين من الدرجه الاولي
فالتنكمش الاسلاموعروبيه شمالا وناتى بزبر الحديد لنقيم بيننا سدود
اتفقنا على ترسيمها او لم نتفق قرابين الاله تلهمنا اسم جديد لهذ الوطن - اعدالصفحه كما كانت
الاحزاب علي وهن مخالبها تنهش في جدار الشموليه الحمقاء وتعيد رسم جغرافيه الوطن
ابناء الفور والنوبه والامبررو يحسدون الحركه بالله عليكم لا تفعلون
الامريكان وعرابو الاتفاق يرفعون التمام بان الامور تسير علي مايرمون
الجنوبيون في الشمال اما ان يرتضوا ان يعيشوا عبيد تصادر ادواتهم لصناعه المريسه او يرحلون
الجلابه يحملون ما خف وزنه ويعودون

خالص التحية والتقدير لكل شباب هذا المنبر مؤسسين ومشاركين قداما وجدد
لكم كل الود

Quote: الجنوبيون في الشمال اما ان يرتضوا ان يعيشوا عبيد تصادر ادواتهم لصناعه المريسه او يرحلون

أولاً مرحب بيك يا محمد على شقدى فى المنبر العام.
ثانياً: الجنوبيين ديل ما عندهم فى الشمال غير أدوات المريسة التى ستصادر؟! مافى واحد ساى عندو خزنة فى البيت ممكن يتصادر أو مكتبة كتب فى بيته أو ... أو ...؟ بس إلا المريسة والمشق








___________________
كان داير تعرف المشق ممكن تسأل عادي ومرحب بيك تانى فى المنبر.

شنو يا عمكـ جاي ضفّاري كــدا؟
أنا غايتو مع شــول دا .. إن شاء الله يدقّ بيكـ الواطة!

ود الصايم يا عمك النصبر على الزول ده نشوف منظرو شنو وبعد داك نفتى.
يا عمك كلام المشق والمريسة والعبيد الكاتبو الزول ده ماااااااااا عاجبنى والله وإتخيل بعد كتب فى عنوانو العريض لا عاش من يفصلنا ... هو الفصل ده إلا رفدية من الشغل؟!
ما ياهو طلعتنا بتاعين مرايس ومشق وعبيد لاغير

شول - الصايم سلامات
بالتاكيد للجنوبين في الشمال اكثر مما ذكرت يا شول بكثير
الرمزيه تحمل فقط جزء يوضح مفارقه الاستعلاء الثقافي كما كنا نردد ادت الي ان( يرحلون) ويرحلون هي الازمه وليت المريسه
اماالمشك يا شول (شناو في ضهرنا )
لكم التحيه

يا شول بالله شكل لينا المفردات وحقو تشرحها

المشك تقرا بضم الميم والشين ( المُشُك ) واحيانا تنطق ( المُجُك )

يعني يا عمكـ جاي بنظام
العلاج بالصدمة ولا كيف؟





___
شول يعلم الله مشتاقين!

يا شباب نحنا سقينا جذور ازمه الانفصال النفسي باستعلاء زائف
وعدم مقدرة علي استيعاب التنوع وانا معاك يا شول انو العبارات مقيته
لكن هذا واقع شاركنا جميعا في استمراريته
وجاء من يجعل من العلاج مستحيل ياودالصايم بفصل الارض
وقد احتاج لتاشيرة لزيارة جون ريتشارداوكيلو صديقي ورفيقاء غرفه واحده طيله سنوات الجامعة
قلت لك يا شول ان للجنوبين اكثر مما تتخيل في الشمال ولنااحباب في الجنوب
اكرر لا عاش يفصلنا

الشفت يا عمك أخوك إتخيل بيكتب من كيبورد ما فيهو ولا حرف عربى واحد تقول لى شكل المفردات.
هو لو أنا قادر أشكل المفردات كان كتبتها مشق بدل مشك ياخ












_______________
محمد على واصل يا زول.

Quote: يعني يا عمكـ جاي بنظام العلاج بالصدمة ولا كيف؟ ___ شول يعلم الله مشتاقين!

عشان كده يا عمك أديتو ليك أبنص براهة كده وقلت ليك النصبر ليهو.



شوق شديد والله يا عمك.

Quote: عشان كده يا عمك أديتو ليك أبنص براهة كده وقلت ليك النصبر ليهو.

والله بقيت مستهدف يا شول .. المرة الفاتت بتاع القراصة جهجهك في المطعم
وشايف الشقبندي دا عمل ليك فرش متاع ..
بل
عمل ليك قعده عديل كدا ..

احسن ليك يا عمك تدخل الغابة .. واقترح عليك تداهم الحاجوسف .. اصلو قالو قاعدة امفكو ساااي

يا شقدي :-

Quote: شول - الصايم سلامات بالتاكيد للجنوبين في الشمال اكثر مما ذكرت يا شول بكثير الرمزيه تحمل فقط جزء يوضح مفارقه الاستعلاء الثقافي كما كنا نردد ادت الي ان( يرحلون) ويرحلون هي الازمه وليت المريسه اماالمشك يا شول (شناو في ضهرنا ) لكم التحيه

ود الصايم وشول ومن لف لفهم ديل انت ماسمعته كلام ابو الريش عنهم والا شنو ؟؟!
ياخ فكفك ليهم المصطلحات ورقد ليهم النضمي ستا وفنطو ليهم عشان يفهموك أوعه
تشبكهم الثقافة الاسلامو عربية والاستعلاء والتراتبية الاجتماعية وحاة الله يلحقوك
الغُتس وما تشبكهم المرمزية ودلالة التعارف مابين الماورائيات اوعك.


تحت تحت كده :-
مشتاقين يا فرده
والله يام يا زمان
وسلامي للعيال وامهم .


قال مشق قال قم لف كده والا كده
او ركز مع الكلمة دي زي ما قاله
السيد السنتور وليد الشفت.

حبابك يا نابري وأبو الريش فعلاً ما خاتى علينا
أخبارك ياخ؟ وشقدى إن شاء الله حبابك وما بيلحق الغتس (شكلها براك يا زول)











______________________
شقدى يا مان ما قلنا ليك واصل ياخ.

سفيان بشير000 سلامات ياشباب الزمن الجميل
لك مليون تحيه 0000 ولسوميت التجله
معاكم ياخوي بنمسك الدرب الصاح

Quote: احسن ليك يا عمك تدخل الغابة .. واقترح عليك تداهم الحاجوسف .. اصلو قالو قاعدة امفكو ساااي

والله فكرة يا عمك ... ممكن نطلع لينا بى إتفاقية إتفاقيتين على درب النضال
بعدين الحاجوسف (والله كتابتك ليها كده ريحتنى للدين) بنجيها بعكاكيز بس وحبة نبق








________________________
شقدى بالله واصل وما تشتغل بينا سمح

نسيت أقول ليك يا تمبس إنو بتاع القراصة داك لى هسع ما لامي فوقو







شقدي عليك دينك تعال واصل كلامك عشان نتخارج.




_________________
بعدين مشتاقين يا تامبا.

Quote: وشايف الشقبندي دا عمل ليك فرش متاع ..

اها شفته يا شقدي جاءك تمبس ذاتو وتمبس ده عندي اقتناع
شخصي بان السيد ابو الريش كان قاصدو هو تحديدا بالكلام داك.
عليك الله يا شقدي بسط في الكلام قدر الله ما يديك نعمنو الناس
دي لو ما فهمت انت امرك ببقي ضيييييق معاهم وبتبقي في تولا .


يا تمبس يا شقدي شقدي ، شقبندي شنو كمان
هسي لو جاء واحد قال ليك تِنفش دي اصلاً ما
موجودة في الموردة ولا الساته ولا الفتيحاب
بتجي تخرخر هنا ده .



ـــــــــــــــــ
زي ما قال ليك شول
يا شقدي ما تشتغل بينا
واصل ساااكت .

شول ودالصايم بالضربة القاضية...



مرحبتين ياشقدى ومنور المنبر ياحريف

الماجد محمد علي شقدي...

يازول مرحب بيك في سودانيز اون لاين وبالتاكيد ستكون اضافه حقيقه لهذا المنبر ..

الخج والتزوير والانقلاب الثاني للانقاذ فرض علينا اتمني ان لا تضاف جريمة انفصال الجنوب الحبيب

والذي اصبح قاب قوسين او ادني..

مرحب بيك مجددا الاخ شقدي ...

اسامه خليفه...

مرحب بيك الاخ شقدي اضافة ايجابية ثرة وواعية......

الجنود المناضلين والمجاهدين ينفضون الغبار عن (الكهن) لنظافه سلاح الحدود اين الحدود
يحيوا قادتهم ويحرسون السراب
الرعاه يخططون لمسارات جديده والمسيريه يرفضون التغير ويتركون للانعام ان تختار
طريقها
ابار البترول الغام تحت اقدام الحفاةالحالمين بشئ في الغد قد ياتي

شقدي .. سلامات ..وياهلا بيك ..

نورت منبر العوام والمثقفين ...

والله ياسفيان داير اكتب ردي قلت اقرأ كلامك لقيتك كاتب عني ...

ياشقدي حاول استخدم الدرجة العاشرة من اللغة عشان الناس الفوق ديل يفهموا .. شول ده زول ماعربي ومكتسب الدارجي من العوض المسلمي بتاع كواهنه .. واخونا ود الصايم ده احسن منه شول باكتر من 76 مرة - شهادة عربية - .. واخونا تمبس بيعمل ليك فيها ابوريش وهو اقرب الى الريش من ود الصايم .. وانا ومحمد E سليمان وابوالريش قلة في المنبر ده عشان كده وطي صوت اللغة شوية ...

ومرة تانية مرحب بيك ..

فايز من صفوة مثقفي هذا المنبر ...(بس ما ظاهر على للتواضع ) ..

اميره شكرا ليك كتير اناقة الترحاب
تمبس ليك تحياتي والشباب مالم معاك
ازهري سلام شديد
فايز كلك زوق وفهم
والله رحبتوا بينا باكتر ما كنا بنحلم بيه فقط وجودكم شارة مرور خضراء
اسامه خليفه وين يا خوي اخر مره التلاقنا كنت بين ماليزيا ومكه وين طاب ليك المقام
لك كل الاحترام وكثير من اشواق

شقدي مرحب بيك و الله في البيت الكبير دا .... و بالجد الواحد سعيد بكتابتك دي ... كتابة كاشفة ... بالله ادينا منها كتير

شوول سلام يا صاحب و أرفع الابنص شوية ....الشقدي دا قوات صديقة و لا أقول قوات عديل كمان...


مرحب تاني يا شقدي و ضيوفه الكرام

شكراً ياشقدي ..

سؤال للمعرفة ... شقدي دي لها علاقة بـ سقدي ؟!!

سقدي اعتقد جبل قريب منكم جنب سنار ...

الأخ محمد على شقدى
مرحبتين وحبابك عشره معانا فى حوش اخونا بكرى الواسع.

بالطبع أنت إضافه حقيقه لهذا المنبر.

واصل يا حبيب.

Quote: المشك تقرا بضم الميم والشين ( المُشُك ) واحيانا تنطق ( المُجُك )

أقعد يا وليد (أضبط) لي اللغة وأنسى (ضبط) الصناديق لمان (يخجوك) يلحقوك الزينين
وقيل (المخجوجين) ... في رواية أُخرى ...

شقدي
مرحب بيك
الحكاية شنو جاي داخل لا احم ولا دستور وبي نمرة اربعة كمان

هدي اللعب شوية يا الاخو

كل اطلس في هذا العلم به خطاء فادح هناك دوله تنشأ تحمل علم النجمه
فليحدث اساتذة الجغرافيا بيناتهم وانتظروا حتي نرسم الحدود
ونتفق علي من سيدفع ديون السودان القديم لا بل انتظروا اكثر
كي لا نفاجأكم بدول اخري بعد المشورة الشعبيه
تصادر ذاكره الاناشيد القديمه
صديقي منقو لا عاش من يفصنا

الجميل محمد علي شقدي حبابك في دار بكري الوسيعة والجابك يجيب عقابك - ياسفيان بشير كدي خلي الزول ده يتوهط في الوسيعة دي بعداك بعرف اللغة البتكلمها بطل وصاية لك الود يارائع وللجميع صادق المودة
عصام البرلوم
بالمناسبة بعد شوية بجيكم محمد ابراهيم علي ناطي ومعاهو جعفر وباقي القوم

فايز اها في نفس النشيد سيدالاسم
كنا بنقول في القولد التقيت بالصديقي
اها القولد دي برضو ست الاسم الجاء منها جدنا شقدي
حافظ - ده كلام كبار اكتر من حقنا
عبدالله - تسلم ياخي كتر خيرك
الشفيع- قنا نستبق النتائج لكن المفوضيه ما خيبت ظننا فيها
احمد - الخجه دي ما هي الساقتنا للدرب الاعوج ده
الماجد صديقي عصام البرلوم لك كل الود
حباب القوم الجاين ديل اهلنا البي عزهم رطنا

مرحب بك يا محمد
وبعد القالوا عنك اسامه خليفه
وحافظ حسين

نحن ما عندنا كلام فيك تب.....تتقدم لقدام.



محزن فعلا انتمائك لهنا في هذه اللحظات المفصليه من تاريخ شعبنا
ولكن معا فالنواصل الحلم...حيث لا نعرف حلما غيره.


نعم (شول)قل لا عاش من يفصلنا قل معي لا عاش من يفصلنا!

مراحب يا صديق
شايفك دايس ابنص عالي من قولة تيت
يا زول رش من طرف ولا تاخذ بود الصايم ولا تمبس ولا شول زاتو رافة

وكان غلبك الرش بالكلام فلع بالسيراميك

تخريمة : معتز فرحنا بالقصيم ومتوجه على الرياض مع العائلة اهو فرصة نشوفكم

الأخ/ أبوعلي
حيّا الله مقدمك ومرحبا بالهلّه ومسهلا في الحلّه.

Quote: الفرقه الماسيه تعزف لرقيص الريس الراب - اقلب الصفحه دون ان تمزقها سلفا كير يرتل اناشايد الاستقلال فرحا بالفوز الكاسح ويعد مواطنيه بانها بداية التحرر من العبوديه يرفعون ايديهم الى السماء ويدقون بارجلهم هذه الارض التي سيعيشون فيها مواطنين من الدرجه الاولي فالتنكمش الاسلاموعروبيه شمالا وناتى بزبر الحديد لنقيم بيننا سدود اتفقنا على ترسيمها او لم نتفق قرابين الاله تلهمنا اسم جديد لهذ الوطن - اعدالصفحه كما كانت الاحزاب علي وهن مخالبها تنهش في جدار الشموليه الحمقاء وتعيد رسم جغرافيه الوطن ابناء الفور والنوبه والامبررو يحسدون الحركه بالله عليكم لا تفعلون الامريكان وعرابو الاتفاق يرفعون التمام بان الامور تسير علي مايرمون

هذه ياأخي محمد أول صفحة من الإصحاح الأول من سفر التكوين لأمة العبرانيين الجدد التي يقودها نبي
الله عمروش في بلاد السودان بعد أن وضع لبناتها الأولي فكر كهنتهم المتطرف الإقصائي الذين يتقربون
لله بقتل السامريين من أمثال ياسر عرمان والأميين من أمثال باقان أموم وقد إستعانوا على ذلك بدولة
الروم والفرس .

أبو حمــــــــــــــــــد

منبر العنصريه يطلق اشارات النصر فرحا بتحقيق ما خلق من اجله
بجعل خيار الانفصال جاذب في مجتمع اللاوعي
خال الريس كام العروس يجهز للحزن القادم بنصب الصيوانات
موزعا بطاقات الدعوه بتاريخ يناير 2011 من ميلاد المسيح
كنائس الشمال ستصبح خاويه الا من قله من سياخذ مفاتيحهاغير عمر
نفس المنبر يدير بوصلته باتجاه دار الفور بحجة انتشار السرطان
لن نزور جبل مره يا خليل

صديقي محمد ابرهيم - انا اسعد الناس بكم

اخونا الكبير عثمان عبد القادر - زي ما بتقول دخل يدك جوه الجراب

الاستاذ الفاضل محمد على شقدى


مرحب بيك و حبابك الف


يا أخوى هل انت من آل شقدى بجزيرة الفيل بمدينة مدنى .... ؟؟؟؟

عموما حبابك عشرة ...

كل ما اتألم لشئ في هذا الوطن اذكر ابيات عاطف خيري

ركعت على الموج الجنود
من كل جندى تفوح ضحية
ودم مشتت فى الأبد
دسيت جبهتى من السجود
بكى فى مخاض الخوف ولد
إشتبهوا فينى ورا الجبل
شافونى دسيت الهداهد بالزبد
صفا !
إنتباه !
وقعت من الهدهد بلد
نهبوها وإتقسموا الحدود

ويتابع 00فى السرد التاريخي الحقيقي

نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر عبيد

الطيب رحمه - سلامات يا حبيب ومشكور علي الطله
زي ما بديت احكي لي فايز جدنا شقدي جاء من القولد ليستقر مؤسسا مع اخرين جزيرة الفيل في اجمل مدينه مدني
ليك الف تحيه

الاستاذ الفاضل محمد على شقدى


اشكرك و اتمنى ان نتواصل


أنا أحد احفاد الهلالى محمد خير بجزيرة الفيل

قضيت فترة من صباى بها ...

Quote: الطيب رحمه - سلامات يا حبيب ومشكور علي الطله زي ما بديت احكي لي فايز جدنا شقدي جاء من القولد ليستقر مؤسسا مع اخرين جزيرة الفيل في اجمل مدينه مدني ليك الف تحيه

نطقت المفوضيه بعد عناء كفرا
10 مليون سوداني صوتوا (في الانتخابات المهزله )
6 مليون سوداني صوتو للبشير بنسبه 68% (يشمل التزويرواللاوعي )
2 مليون سوداني صوتوا لسلفا بنسبة 92% (وكذلك لعرمان المنسحب )

تحليل
6 مليون سوداني من المسجلين لم يصوتوا (مقاطعه )
4 مليون سوداني لم يسجل (قنع )


بهذا التفويض الضعيف سيحكم البشير وسلفا
اتنمني الا يتحقق الجزء التالي من قراءتي للكابوس القادم
و ينفصــــــــــــــــــــل الجـــــــــــــــــنوب

Quote: ركعت على الموج الجنود من كل جندى تفوح ضحية ودم مشتت فى الأبد دسيت جبهتى من السجود بكى فى مخاض الخوف ولد إشتبهوا فينى ورا الجبل شافونى دسيت الهداهد بالزبد صفا ! إنتباه ! وقعت من الهدهد بلد نهبوها وإتقسموا الحدود ويتابع 00فى السرد التاريخي الحقيقي نحن البلاد الشاكية جرحها للصديد جاتنا القوافل بالضجيج جرتنا من حلبة رقيص ورتنا كيف صلبوا المسيح ورتنا كيف كتلوا الحسين وبكينا أكتر منها ساقتنا فى الآخر عبيد

بلاي مش كان يكون مصطفي فينا عشان يسلمنا مناديل للجعير
والنخجي...(وتنفس النزلاء)

تعرى كل شئ الان غريشن يخيط علم الاستقلال لجزء من بلد يحتفل بفوز رئيس بعد تحوره

يحكم ربع قرن ويصنعون له تماثيل اتمنى ان تكون من عجوا



تحياتي نزار حسين - الحزن الاكبر ليس يقال

فقط لماذا تركناهم يفعلون كل هذا

لاعاش من يفصلنا

اسوء ما يكمن ان تستمع اليه من بعض السودانيين الشماليين مدعي العروبه الخالصه وملاك النسخة الاورجنال من الاسلام

هذا الحديث وامثاله ( فاليذهب الجنوبيين في ستين داهيه ديل لا بشبهونا ولا نحنا بنشبهم )

ولهذا الحديث المقيت جذور وساق وفروع لتكتمل شجرة سوئ تنتج هواء سام يخرج زفيره عبر منابر العنصريه الظالمه

بعد ان ذهبت نشوه الجهاد وانتقل القتلا الذين بايعوا الحاكم بامرا الله تحت ذات الشجره الي الجنه

وقتلا الجنوبين واعوانهم يزدادون سوادا او يتفحمون في الجحيم

ليتلاقى كل هذا مع الترسبات التاريخيه التي تنبعث رائحة تخمرها في اللاوعي السوداني الذي يقسم مواطنيه الي عرقيات

حسب درجات السواد وعلي الرغم من انه لايحتفي بالبياض البائن فينعته بالحلبي ويتخذ الفاتح والقمحي اللون الرسمي

ويحاول اصطحاب الاسمر ويكرة الاسود وداكن السوادالكحلي يدعم هذا التاريخ بقشور الثقافه العربيه ذات الواقع المرير (ان العبيد لانجاس مناكيدو )

والذي جاء الاسلام ليغيره فتمسكنا بالمراحل الاولي للتغير (احكام السبي والأمه )

فانتجت محيط من الثقافه ليس بالكبير جدا ولكنه بلا شك ليس بالقليل تدحرج من لدن بيع الرقيق الي السريه واولاد السريه وعب الجناين

ويتم التوثيق له عبر اعلام لا يحمل من القوميه الا الاسم والذي يسعى من غير وعي لجعل السودان قالب واحد ومن ثقافة الغير الحياتيه مجرد فلكلور 0

والان سودانيون شماليون يحلمون بتمام العافيه وعالم سعيد بعد فصل العبيد

هكذا جعلنا من تنوعنا مقياس لخارطة الانفصال

0

الريس يطمأن جماهيره المنتخبه لمصالحها والحالمين والمخجوجين (حسب المصطلح البوردابي )

فيقول انه علي يقين ان قاعدته العريضه من الجنوبيين والتي تكسح فيها بنسبه 10% سوف تصوت للوحده

(وطني ايها الارمد ترعاك السما اصبح الوالي هو الكحال فابشر بالعمي )

والان يعلن ان ذات اللجنه التي قامت بتكسيحه في نتائج الجنوب ستتحور الي لجنه للوحده الجاذبه في بضع شهور

حتى نقطة الضوء في اخر النفق المظلم سيقوم هؤلاء باطفائهاومن ثم يعودون ليحتفلوا بالسراج

الحديث عن انفصالي الشمال وانفصالي الجنوب

يقع تحت طائلة شبهات قانون الفعل ورد الفعل والاقتران لا يؤدي بالضروره الي نتيجه التساوي

ولان بيئة الوطن من خلال التركيبه والتاريخ تجعل بيئة المقارنه غير طبيعيه حتما نحصل علي ناتج

يحمل ذات السمات الغير طبيعيه فقط عند نقطة التوازن يمكننا المقارنه

مرحبتين محمد شقدي


انت اكيد قريب المرعب عبدالحليم

استاذنا ابراهيم عدلان لك التقدير والاحترام

المرعب الممتع كمالاحلام عبد الحليم بالتاكيد قريبي

وهو خالنا في المقام فله عبرك ولاسرته كل التحايا

ابي الاستاذ علي شقدي حدثني كيف جاب ربوع السودان معلما و كثيرا ما كان يقف عند ملكال تحديدا

ليحكي لي عن اناس سمر في غاية الانسانيه دون تكليف بسطاء معيشة واثرياء تنوع

صديقي جون ريتشارد عندما كنا نتبادل الزيارت في مدني يقابله والدي بكثير من الود

وكان جون ريتشارد لا يتكلم كثيرا عن موطنه راجا ولكن عندمايحدثك عنها تشعر بحنين الامكنه

الان رحمة الله والدي وانتقل جون ربتشارد استاذا محاضر الي ملكال

كتب اخونا عبد المنعم محمد - منبر السوداني الحر - الرد التالي

يظلم هذا الشمالي دوماً (الغاضب الذي مل دفع دمه رخيصاً ) ويوضع في خانة الإتهام وأنه المتسبب الوحيد في إنفراط عقد الوحدة الوشيك .
قبل أن نقفز فوق الحقائق وتأتي بالعبارات "المعلبة" الإسلام الاورجنال والعروبة المدعاة
في جوار الجنوب حيث الناس على السجية وبساطة النقاء وهم البقاء كيف يتعايش هؤلاء الناس مع بطش الحركة الشعبية وكل القوات المقاتلة في السابق .
هل آمنون على مالهم وأولادهم وثرواتهم ؟؟؟؟؟
في جبال النوبة كيف يعيش أبناء الجبال كل أبناء الجبال هل سلم مالهم ودمهم وعرضهم من رصاص الثوار ؟؟؟؟
المسألة ليست مسألة عنصرية لو كان الشماليون عنصريون لما رأيت بيت جنوبي واحد في أي قرية في الشمال ياسيدي الجنوبي الذي يدير حربه في الجنوب هو مواطن وضيف عزيز على أناس ليس بينه وبينهم وشائج دم او معتقد فقط عقد إنساني ورحمة أكبر من مستحدث "مواطنة"
من أراد الوحدة عليه أن يتكأ على حقائق وليس كلام فضفاض وعبارات لا تسمن ولا تغني من جوع
نحن عرب ومسلمون مافيها هل عيب هل حرام هل جناية تأريخية كوننا عرب ومسلمون
حرب الجنوب ظهرت مع الإنقاذ ؟؟؟
الحرب الإقتصادية على السودان أتت مع الإنقاذ ؟؟؟
لا أدري أهو تشفي ام جلد ذات أم خوف ودموع رخيصة ويد واجفه تترمرم الوحدة وتسأل الناس حسنة ومنة ووحدة لله أيها الجنوبي الكريم .


مع فائق الإحترام علي محمد شقدي

اخي اناكتبت عن بعض السودانيين في الشمال و ايضا كتبت ان الثقافه انتجت محيط ليس بالكبير وليس بالقليل
نشاتي بين هؤلاء الشمالين الغبش السمر جعلتني اسمع واعايش بل اتذوق عبارت تطلق غالبيتها من غير وعي فانت ان لم تقلها فقد سمعتها ولم تلقي لها بال كانها مسلمات امثال (شوف العبد - العبد عبد - فيهو عرق - احرق العبيد - جاهد الكفار والمرتزقه - شريه وغيرها الكثير ) ولكنني لم اعمم فالتعميم يشملني فانا ادعي انني من هؤلاء الطيبين ان لم ينكروني هم كما تنكروا للجنوبين ودعوا لازاحتهم عن كاهل الدوله في سابقه عالميه امثال منبر العداله المزعومه فهم اشخاص شماليون ايضا يلبسون عمائم بيضاء ويحملون قلوب بما اوصفها بما يصفون غلف سوداء جاء هؤلاء من رحم هذا الشمال فلانكار لا يفيد فالواقع مرير والمنه ان الجنوبيون يجلسون بيننا في الشمال دليل مرض لان الوطن للجميع

رحم الله صلاح احمد ابراهيم القائل
هل يوماً ذقت هوان اللون
ورأيت الناس إليك يشيرون، وينادون:
العبدُ الأسود؟
هل يوماً رحت تراقب لعب الصبية فى لهفةوحنان
فاذا أوشكت تصيح بقلب ممتلئ رأفة
ما أبدع عفرتة الصبيان!
رأوك فهبوا خلفك بالزفة:
عبد أسود
عبد أسود
عبد أسود..؟

في بلاد العربان الاصليه واناكتبت مدعي العروبه و مصر جدا علي اننا لسنا عرب خلص الا ان ينقشع عنا السواد وبعض لكنات اللسان و نحظي بكثيرا من قبول الاخر الاصلي عندها يمكن ان نقول اننا اخذنا الجنسيه العربيه بالهجره والهجره المضاده

قال لي سعودي اريد محاسب سوداني براتب 1200 عندما اعترض علي قلة الراتب قال لي (اش هو عبد - واخرج لسانه مصدرا صوتا من مقطع واحد ومحركا اطول اصبعين لديه للامام في توضيح تافه ان الامر منطقي جدا )

مثل هذا الكائن او الشئ تشتكيه او تضربه بالدزمه كما يقول اخوانا الصعايده او تبصغ علي وجهه قبل ان تبول علي راسه لا يكفيل فقط قد يريح عقلك انك يوما ما ستغادر هذا المكان الي وطن تكون فيه سيد نفسك بعد ان تلعن اليوم والسبب الذي جاء بك اليه والي وطن يسلب انسانيتك هذا علي الرغم من ان الكثريين غيره من الاعراب لا يفعلون ذلك علي الاقل امامنا

وكتب ان الازمه لها جذور لكنها اكتملت كشجرة خبثه بينه بيان الانفصال وكل خوفي ان تنثر فروعها لتمتدد وتشمل اراضى خصبه اخرى

احترامنا الشديد لوجهة نظرك فى تحميل المسئولية للشريكين

الاقرنين الاملحين الادعجين

ولكن ماذا نستفيد نحن من تحملهما للمسئولة بعد ان تقع الفاس فى الراس

وما هو دورنا نحن الذين نحملهم هم المسئولية

هل فقط هو مجرد ان نقعد فى كنبة الاحتياطى ورصيف الانتظار لنرى يوم العورة الكبرى

يتبرج امامنا بكل سؤاته . ونردد ونتمتم ونهمهم نحن هم السبب هم السبب .

السؤال كبير والاجابة عليه تحصارنا جميعا

فهل من مجيب

--------------
تخريمة
------------

عجبنى اسلوبك فى طرح الموضوع

عمنا عادل سلامات

هو زمان الهمهمات

صدحنا منذ ان بلغنا سن التكليف في سنة اولي جامعه بان هذا الوطن من خلال الممارسات

القائمة من المجتمع اوالنظام حاكم ستؤدي حتما الي تمزيقه اعتقلنا وقتل ميرغني سوميت واخرين

وانت اعلم الناس بذلك حدثني الزعيم الماجد يوسف صوصل انهم في بدايات التسعينات عندما بدء

طرح مبداء تقرير المصير من عدة جهات عارضوا ذلك بشكل مستميت الا ان يا صاحبي لا صوت يعلوا في

بلادي فوق صوت الرصاص والان حتى ان فعلنا ذلك سنحارب الكل الحركه قبل نظام البشير والجيوش الامميه

الى ان نتفق علي اليات التغير المطلوب يبقي هذا زمان فعل الممكن ومنهاان نتكي علي الاحلام

قبل الكيبورت نكتب و ندعوا الناس ونرجوا الله ان يسلم خارطة السودان من الانشطار العظيم

لا عــــــــــــــــــــــــاش من يفصـــــــــــــــــــــــــــــــــــــــــــــــلنا