Post: #1
Title: صراحه قون الطاهر حماد عالمى عديل كدا ...
Author: محمد عبدالرحمن
Date: 04-24-2010, 01:43 PM
*
|
Post: #2
Title: Re: صراحه قون الطاهر حماد عالمى عديل كدا ...
Author: يسرى معتصم
Date: 04-24-2010, 01:53 PM
Parent: #1
من منتدى محبى المريخ للأخ / شـيـبـا
|
Post: #3
Title: Re: صراحه قون الطاهر حماد عالمى عديل كدا ...
Author: محمد عبدالرحمن
Date: 04-25-2010, 06:32 AM
Parent: #2
يسرى حبابك ..وكتر خيرك ..بس الفيديو مافتح معاى ...
حاول اصلاح الرابط لو امكن ...
|
Post: #4
Title: Re: صراحه قون الطاهر حماد عالمى عديل كدا ...
Author: haroon diyab
Date: 04-25-2010, 06:53 AM
Parent: #2
| Quote: من منتدى محبى المريخ للأخ / شـيـبـا |
ماغريبة اصلو الجمال بتلقي عند الصفوة بس....!!!!
الاجمل المحاورة.....
ذكرتني محاورة منير امبده في كادوقلي....!!!!!
|
Post: #5
Title: Re: صراحه قون الطاهر حماد عالمى عديل كدا ...
Author: محمد عبدالرحمن
Date: 04-25-2010, 09:24 AM
Parent: #4
ياولدنا
الصفوه دى شغاله تنقل يوتوب بس ...مابتعرف تعمل زى دا مالها ..
شفنا الصفوة يوم الجمعة ناس اكرم و(كبارى) واضيف اليهم (خازوكا) ..
الغريبة الزول دا كان لعاااب من جا عندكم راحت ليهو ...
ياربى دا من شنو ..؟
***
الحقونا بالفيديو يااهلنا ..انا ماشايف ...
|
Post: #6
Title: Re: صراحه قون الطاهر حماد عالمى عديل كدا ...
Author: كمال سالم
Date: 04-25-2010, 09:50 AM
Parent: #5
قون الطاهر حماد فعلا عالمى ,, لكن الأقوان
العالميه حنشوفها الليله من أقدام الدراويش
بس خلو روحكم رياضيه وإتقبلوا الهزيمه داخل
حفرتكم .
وينك ياعريس ,, قلت لى الأستاذ الكان بخوفك إسمو منو ؟
|
Post: #7
Title: Re: صراحه قون الطاهر حماد عالمى عديل كدا ...
Author: محمد عبدالرحمن
Date: 04-25-2010, 10:44 AM
Parent: #6
| Quote: وينك ياعريس ,, قلت لى الأستاذ الكان بخوفك إسمو منو ؟ |
ياسلااام على استاذ عبدالجبار ياكمال سالم ياخ ..
بيتو قصاد المدرسة ..وعندو حافلة شغال بيها الحصاحيصا مدنى ..
حصتو الساعه سبعه صباحا يوميا قبل الطابور ..تلقى الجماعة شغالين
ليك تكهنات من الساعة ستة ونص قدام المدرسة ..دا درب عربيتو
طلع بدرى الليلة ..واحد يقول ليك انا كلمنى قريبى شغال فى
موقف مدنى قال لى استاذ عبدالجبار الليلة دورو الساعة سته ..
ويجيك واحد يقطع ليك الشك يقول لى انا جاى الصباح شايف
عربيتو شاحنه وماشه فى اتجاه مدنى وسائقها هو ذاتو ...
دا كلو خوفا من الحصه والبحصل فى الحصه ..نجاض القبوره
البقولوهو ذاتو ..بالله الساعه سبعة الا خمسة تسمع ليك الباب
(كرك) يفتح ويجيك استاذ عبدالجبار طالع من البيت زى الاسد ...
ياهو عبدالجبار ذاتو القالوا شافوهو ماشى مدنى الصباح ...
تانى عينك ماتشوف الا النور ..خمسين دقيقة من الضغط المتواصل ..
وقدام استاذ عبدالجبار تنهار كل الدفاعات ...
لكن على الرغم من ذلك تبين لى لاحقا ..ولاحقا (جدا) انو
الاستاذ عبدالجبار زول طيب ومابعرف يخوف و(لاحاجه) ...هذا ماكان
من امر الاستاذ عبدالجبار واحد من الافذاذ من اساتذة الزمن الجميل ...
الذى يعرفون ويقدرون قيمة العلم ...
اما فيما يخص الاسماعيلى فتعال شاهد واستمتع وادى ربك العجب ...
***
يااخوانا الحقونا بالفيديو ..لانو بعد كورة الهلال حايفقد القون
دا طعمو ..
|
Post: #8
Title: Re: صراحه قون الطاهر حماد عالمى عديل كدا ...
Author: كمال سالم
Date: 04-25-2010, 11:05 AM
Parent: #7
Quote: ..هذا ماكان
من امر الاستاذ عبدالجبار واحد من الافذاذ من اساتذة الزمن الجميل ...
الذى يعرفون ويقدرون قيمة العلم ... |
وماذا عن عبد الجبار الآخر والذى يعيش معنا فى هذا
الزمن الردئ .
أظنه هو ذاك الذى ( يخوف ) طالم أن عبد الجبار الأول
( لا بخوف لا حاجه ) !!
وكل زول بعبد الجبارو ,, ماشفت أولاد أب شوك زهير وطارق
عبد الجبارينهم جبابره كيف ؟
أما فيما يخص الإسماعيلى فإنى والله فى غاية الإشفاق عليكم .
بس أوعى من الخمسات والستات .
|
|