صفقة لسيد المشير ركن عمر حسن احمد البشير ( نجم المبارة )

حبابكم عشرة ياحبابنا الحلوين
سلام
كيف انته مع الانتخابات تمام ولا ما تمام مزورة ولا ما مزورة رايكم شنو في اكتساح المؤتمر الوطني لي كل الدوائر الشمالية والشرقية والغربية . رجالة ولا مع رجالة تحدي ولا مع تحدي لي كل الشعب السوداني البطل ولا مع بطل ؟ ياشباب (ت) الوطن . حمرة عين شالوه عندكم كلام قولوه عشان نعرف انه في راى و راي قوى ولا مع في راي . شوفو الرجالة دا الفرق بين الفائز في المؤتمر الوطني والخاسرمن فرق يوم وسنة . في كلام . نسمع ولانقراء ولا نشوف .
زمان سمعنا ان حاجه اسمه الاجماع ( السكوتي ) و (التزكية بلاجماع) ايام المؤتمر الوطني ينافس المؤتمر الوطني البشير ينافس البشير كما حصل في محافظة ( تركاكا ) الواقع في ولاية الاستوائية الوسطي شمال غرب جوبا حين فاز السيد/ المشير ركن عمر حسن احمد البشير رئيس جمهورية السودان بنسبة 100 % 100 في منطقة لا يعرف الانتخابات ولا في تسجيل للانتخابات مثل اليوم ولا في حملة انتخابية مثل اليوم . الكلام دا كله قبل السلام يعني الحرب شغال شغل ( غرف ) بين المتحالفين اليوم . يعني ذلك انه في مراقبون الدوليون ينتمون لدولة ( المؤتمر الوطني ) وليس دولة السودان المواحد . وفد المراقبون قادمون من عاصمة ( جهاز الامن والمخابرات الوطني ) علي وزن المؤتمر الوطني . لمنطقة تركاكا فكيف مايفوز السيد المشير بنسبة 100 % 100 زي ماحصل هسة مبروك لسيد/ المشير ركن عمر حسن احمد البشير علي الفوز الكاسح لمؤتمر الوطني
كما نهني السيد/ الجنرال المتقاعد سكوت غريشن حكم رابع للمبارة والسيد/ جيمي كارتر حكم وسط وباقي الاروبيون حكام الراية علي الادارة المبارة بشرف .
دا السودان ارض المليون ميل يتحكم فيه عصابة مسلحة بلاكاذيب والدجل والتزوير والنفاق عصابة عشان نفر يمر او ينجح يقتل عشرين مواطن سوداني اصيل. زي ماحصل ايام بداية المهازل والغم والهم علي هذا الشعب الاصيل. علي قول افراد جهاز الامن العام في ذلك الوقت عند عتقال اي فرد سوداني (ة) اصيل وامين علي السودان يقال له حين يقتل اسلامي جزائري نقتل هنا عشرة . تخيل يقتل عشرة سوداني (ة) شريف حر مناضل عشان السودان يكون واحد من الدول الذي يحترم في وسط البلدان ويحترم الجواز السوداني عشان مين عشان ارهابي ( سجمان ) يتاجر باسم المقدسات لي ملذاته الشخصية ديل اخوان العصابة المتحكمين في بلدنا العزيزة السودان .
سبحانة الله

و إنت جاري للشمال مالك؟
ما تشوف لينا الجنوب معاك وتورِّينا الحاصِل فيهو شِنو؟
و الإنتخابات مشت فيهو كيف؟
عادي ولا بالترهيب؟
وكيف صوّت الناخبين هِناك بإرادتهم أم تحت فهوات البنادِق؟
مُش تكلِّمنا عن حالك أوّلاً؟
وقول ليما كيف الحركة إكتسحت كُللللللللللل الولايات الجنوبِيّة و لام أكول المِسكين طلع من المولِد بلا حُمُّص؟
ورِّينا برضو إنتو كحركة شعبِيّة لِعبتو بالأحزاب كيف ؟
أحزاب جوبا
و ضقّلتو بيها كيف؟
ياخ لو البشير نجم المُبارة
سلفا الهدّاف ذااااااااااااااااااتو
و قالوا الجمل ما شايف شِنو؟

اكتساح الحركة للجنوب مفهوم و منطقي و متوقع
على الاقل الحركة الشعبية لتحرير السودان بقيادة الشهيد قرنق حرر المواطن الجنوبي من احتلال
المجرم البشير
البشير و واعوانه من لصوص الاسلام السياسي استخدموا جماجم المواطن الجنوبي ثمنا للحور العين
الما مفهوم و ما منطقي و ما مبلوع ان يكتسح مجرم مطالب دوليا قتل شعبه يكتسح الانتخابات

الكل يعرف الانتخابات مشت كيف بالترهيب ولابدرب العديل . بعدين نحن لسه مامنعرف شغل التزوير كيف لسه مادربنا علي التزوير ادربنا علي القلم والفكر والحوار المؤثق وادربنا علي حقن الدماء بقرار البطولي للحركة الشعبية بقطاع الشمال يقيادة البطل المخضرم السيد/ ياسر سعيد عرمان كتبتة اسمه بالكامل عشان تذكره كويس مع باقي الاخيار الاوفياء البخافو علي اهدار دماء دجاجة بدون وجه حق ياسيدي الفاضل .
بعدين لسه في زمن لتدريب ارسلو لنا اخياركم لتدريبنا علي التزوير . عشان نعرف اولاً كيف نعمل دوائر انتخابية في منطقة علي يتجاوز عدد سكانها 100 شخص . والسجل الانتخابي بادخال اسماء اموات وكيف يصوته . وكيف ننقي السجل باسقاقط اسماء مواطنين لا ينتمه لحزبي . وكيف نغري المراقبين الدوليون عشان يكون الامر قانوني وحسابات اخرى .