المؤتمر اللاوطنى يبحث عن ابل الير شمالى والاصم يقول تمام

ناس البشير قالوا احتياطى كدا لو الجنوب انفصل ابل دا حا يفرتك ويكمل باقى عمرو فى الجنوب وعشان كدا
بفتشوا ليهم ابل شمالى عشان الانتخابات الجاية وكدا لكن فى فريق منهم يقول الزول دا نديه حرية الاختيار
بين البقاء فى الشمال والذهاب الى الدولة الوليدة كانو اصر يمشى نجيب ليه واحد ابل شمال وابل الجنوبى
يدربوا لينا عشان نضمن الانتخابات الجاية برضو تكون حقتنا وطبعا ناس المؤتمر مبسوطين من ابل لانو راجل
"وطنى" جدا ويحارب فى اعداء الوطن مع الوطنيين
اما شيخنا الاصم قالوا ممرق عيونو لى بره وكلما الناس تقول كلام يقول ليهم "تمام" لانو قالوا الزول ماناقش
حاجة وناس المؤتمر مدقسينو وماعملوا ليه اب ديت لانو لما حسى معلوماتو عن الانتخابات انو كل المعينات
وصلت للاقاليم والمفوضية جاهزة ومستعدة لبدء العملية الانتخابية وكل شئ "تمام" لانو اصلو لا بيقراء
وياكافى البلا لانو اصم مابسمع وغير تمام فى خشموا مافى حاجة وطبعا قالوا ليك دا ناس المؤتمر مقدرين ليه
انو يستطيع خدمة الوطن ومحاربة اعداء الوطن لدورتين كاملتين تمام التمام عشان هو تمام وعارف كل شى
تمام