غايتو انا المحيرنى مؤتمر البجا دا لقى ليه دائرة ولائية واحدة كييييييييييييف

الناس حكاية المؤتمرالوطنى يفوز دا شئ منطقى ولاسباب كتيرة والمجتمع الدولى يقبل بنتائج الانتخابات
رغم كل ماجرى برضو عندى شئ منطقى وبرضو لاسباب كتيرة والاتحادى الديمقراطى يسقط سقوط اليابانى برضو
عندى دا شئ منطقى ولاسباب كتيرة الا لكن المحيرنى والمعكر مزاجى انو مؤتمر السجم دا كيف لقى ليه دائرة
غايتو الا حجبوها ولا كجروها ولا ناس المؤتمر الوطنى ديل ناسين الدائرة دى لانو لا منطق ولا منطق القلع
ولا حتى فى الاحلام انو ناس سجمانة ورمدانه مثل ناس مؤتمر البجا ديل يفوزا بعد ماتحالفوا وبل اندمجوا
فى المؤتمر اللاوطنى قالوا ايه قالوا سحبنا مرشحيننا فى ولاية كسلا لصالح مرشحى المؤتمر اللاوطنى
يعنى ناس فى مثل هذا المستوى غير الاخلاقى كيف يلقوا ليهم دائرة ولائية حتى بالله الناس التفهم فى السياسة
قولوا لينا

هاشم سلام


بسيطة لقوها بالتزوير

و بعدين هي لله

سلامات مصطفى
طبعا كان فى شغل نظيف حسب قواعد اللعبة الانتخابية لكن المحير كيييف المؤتمر اللاوطنى فرط فى هذه الدائرة

يا نوريت

سلامات

الدايرة دي قالوا كانت محروسة بالسلاح

والمرشح واهلوا كلهم رفضوا الذهاب الي منازلهم

ولم ينوموا الأ بالتناوب

يعني طريقة

احشر وخج الصندوق ما نفعت ...

Quote: ولا ناس المؤتمر الوطنى ديل ناسين الدائرة دى لانو لا منطق ولا منطق القلع

واضح انو الدائرة دي ما فيها دهب واراضي زراعية تنفع للتقسيم واللهط

Quote: الدايرة دي قالوا كانت محروسة بالسلاح والمرشح واهلوا كلهم رفضوا الذهاب الي منازلهم

أها الناس ديل يمكن معاهم جماعة كانوا محاديين جامعة الخرطوم (90-92).
فعارفين اللعبة كويسة، الصندوق ما يختفي من عينك و تحرسوا بقوتك.

المحيرنى يا شيخ هاشم انو فى واحد مؤتمرجى رحل عن هذه الدنيا فاز فى دائرة 16 غرب الثورة.
و فى واحد قسيس اسمو غبريال رويج فاز ككوز لحزب اسلامى بيحاول محو الكفار من الوجود.
يبدو ان مبارك الفاضل عندو واحد كنكش فى دائرة و فاز فيها.