امريكا تقول انتخابات ماحُرة ولا نزيهة وترحب بدولة جديدة هل الدولة ما حرة وما نزيهة يا خلف الله؟

امريكا حيرتنا .... رسلو قريشن .. همو كلو اتفاقية نيفاشا وبصراحة امريكا كانت خايفة تجي حكومة تانية تلغي اتفاقية نيفاشا ... عشان كدة ..... ادهن وزيد السير دهان كمان ...
امريكا بتقول ... الانتخابات ..
- لا حرة
- لا نزيهة
- ولا قريبة من المعايير الدولية ... وبرضو بترحب بالدولة الجديدة .. طيب الدولة الجديدة الجات من انتخابات لا حرة لا نزيهة ولا قريبة من المعايير الدولية ... البخليها دولة شنو ؟؟؟؟
في ..بي بي سي (عربي وانجليزي ) عربي في الصفحة دي هنا قالوا المعارضة عندها شريط للتزوير واغرب حاجة واحد اسمو الهادي محمد احمد قال اي شيئ يجي من الانترنت ( ما معانا ) الغريبة الفيديو ما جاي من الانترنت .. الفيديو جاي من السودان من البحر الاحمر ...
شايف في جماعة بحنسو في الحكومة ما تعمل احتفالات لمن يعلنو النتيجة ( مطمنين خالص ) ليييه يا رب ؟ الحاصل شنو ؟ مافي رقيص عروس؟ مالك عقار فاز ...مالك عقار ما فاز ...مالك عقار فاز ...مالك عقار ما فاز الزول ده والله (عقرنا ) تب بي (مُحاحاتو ) والغريبة نتيجتو ما ظهرت ..!!!! النتائج كلها تظهر ودي الف احمر ..... اها شنو البصارة ...قالو الزول ده قاعد جنب الصناديق ما قام منها كلو كلو وماناوي يقوم .. حركو البوليص ...مانفع .... اعلنو النتيجة كتامي ولزوها ليهو ..برضو ما نفع .... ياسر عرمان حذرهم حذورات شديدة ويا...خلف الله ما عذبتنا ....
اللذيذة قالو الفيديو مفبرك ..... الغريبة نفس الصناديق .. ونفس اوراق الانتخابات .... و(نفس الأخلاق ) .. ونفس الشعارات ...يكون مزور كيف ؟ وبعدين الادروبات ديل في اي حاجة ما بهظروا .... يلعبو ليك كورة الكرعين تتطاقش ..... يغنو اخ من يحي ادروب وايلا .... وفي الانتخابات برضو ...يملو ليك الصناديق .. و( يخجوها ليك كمان ) ... في حب يا اخوانا اكتر من كدة ؟


العفو يا اخوانا