احب ام درمان وناس ام درمان واحب البحب ناس ام درمان والشواع والظلط والصاح والغلط . . . .

ليه كده يا اماني

تصدقي وبدون حليفة لمن ابيت خارج امدرمان زي الرايحه لي حاجة

بحري جميلة والخرطوم جميلة لكن امدرمان اجمل ناسها ماعايزين واسطةعشان تعرفيهم تخشي شمال تووووووووش


بعدين ناس عندهم الهلال والمريخ والاذاعة والتلفزيون والمسرح ونادي الخريجين وقصر الشباب بتخيل لي دي براها كفاية عشان تخلق جيل مميز

ده غير شعرا الحقيبة وبدور القلعة

تحياتي يامجدي

زاتوووو

الأعزاء

الأستاذ وود الأستاذ/ مجدي عوض صديق
أخونا الأصغر وود حلتنا العباسيه
كيفك

تفتح بوست عن أم درمان
معناتها إننا لازم نأدي الواجب
و نزوره

بخصوص الناس البتكره أم درمان
و عندما كبت إحدي الصحف الرياضيه الحمراء التوجه
عن أن الرائحه المنبعثه من سوق الملجه
تصيبهم بالغثيان عند حضورهم لأستاد الهلال

كتبت

Quote: و أصبحت رائحة سوق الملجة الحارقة التي تهب علي أستاد الهلال تزكم أنوف صحفيي الصدأ لكن عذرا صديقي لم تؤثر تلك الرائحة علي كرومة وهو يلحن أنا وانت والنيل و القمر في نادي الهلال لم تؤثر تلك الرائحة علي عبدالرحمن الريح وهو يسطر الفن السوداني الحديث في حي العرب شمال استاد الهلال لم تؤثر تلك الرائحة علي أصوات رمضان حسن وحسن عطية والجابري وابراهيم عوض ومحمد احمد عوض حول نادي الهلال لم تؤثر تلك الرائحة علي التجاني يوسف بشير في المعهد العلمي جوار نادي الهلال لم تؤثر تلك الرائحة علي الشيخ محمد أحمد البرير وهو يبني بثبات صروحه الاقتصادية شرق نادي الهلال لم تؤثر تلك الرائحة علي ال بدري وهم يبنون صروحهم العلمية غرب نادي الهلال و أخيرا لم تؤثر تلك الرائحة علي اللاعبين والمشاركين في الدورات الدولية للبلياردو بنادي التاج غرب نادي الهلال بالمناسبة الهلال والمريخ ديل بتاعين أمدرمان والما عاجبو اليمشي يسوي ليهو هلال ومريخ في............

مزمل ابو القاسم .. يواصل حربه القذره ضد نجوم الهلال وعل... أن يتحمل النتائج !!

احب ام درمان واحب البحب ناس ام درمان

اختنا اماني الامين
تحياتي
عشان بس تعرفي ليه بنعشق امدر اتمعني في كلام عمي شوقي بدري.

Quote: زقاق الصابرين في امدرمان زمان في السينما في اللوج كان في بوفيه بقدم شاي و كنافه و باسطه وليموناده، و جرسونات . في واحد كورك في الجرسون ( زح ياخ انته واقف هنا ليه ؟ ) ، و تأثرا بثقافة السينما قال الجرسون ( انا هنا علي طلب الجمهور ) . و علي طلب رضا نكتب عن زقاق الصابرين . مدخلي علي الزقاق كان اخي الطيب سعد الفكي . الذي حضر من الشريق من الرباطاب و عمل جرسونا في الداخله ( اتبره ) ، ثم حضر لاخته فاطنه التي كانت تسكن خلف منزل ال مدثر و الاخ مصطفي مدثر يعرفه جيدا كصديق و احد ابناء الحي . الطيب بدأ كخياط مبتدئ في الزقاق ثم صار احد معالم الزقاق . و رئيسا لنادي الربيع الذي تأسس في سنه 1927 اي قبل فريق المريخ و الهلال و بعد فريق المورده . اذكر ان الاخ عبدالعظيم مهدي عبدالرحمن الذي صار مدير للكليه الحربيه كان يمازح الطيب عندما يقول انه خياط ( خياط شنو ياخ ، انته بتخيط العراريق ابو اباطا اسود .) .قديما كانت هنالك عراريق بدون اكمام من الدموريه وزن عشره . و تعني عشره فتلات في عشره فتلات في كل سنتيمتر مربع و هنالك رقعه سوداء في منطقه الابط . و كان هذا ما يرتديه اغلب السودانيين . و تظهر هذه العراريق في رسومات و صور المهديه . الزقاق كان مدرسه كامله ، اغلب الدكاكين عباره عن دكاكين الجاهز و الدكان عادة لا يزيد عن حوالي 3*3 متر او يزيد قليلا . و مكون من رفوف ، بنك للقص و ثلاثه او اربعه مكنات و خزنه علي الجنب . و هنالك بعض الترزيه مثل الخير الذي كان مثقفا يقرأ كل الجرائد اليوميه و ينتمي الي تنظيم الاخوان المسلمين ، و كان يقصده كثير من اعيان امدرمان لعمل الجلاليب و خاصه المكسوره دبل عمود . و خياطة الجلابيه تكلف 25 قرش و العمود 10 قروش و هناك متخصصين في عمل العمود فقط . و اغلبهم نساء في منازلهم . و هنالك العم مقبل الذي كان ضخم الجسم و عندما يجلس للاستراحه علي التبروقه له سير عريض في شكل حلقه كبيره يمتد من ظهره الي ركبتيه و هو كذلك خياط جلاليب و عراريق . الطيب بدا عمله مع عمنا شروني و كان يقوم بتطبيق القماش كطاقه كامله و يقوم بقصها بالمقص و يشكلها حسب المقاسات . و تبدأ باللباسات الصغيره للاطفال و الدسته بي 18 قرش سعر الجمله و لباسات كبيره الي الفساتين للنساء و الدسته بي 3 جنيه و 60 قرش .و سالته مره ( انتو يا الطيب هدومكم دي بتهد ؟ ) ، فكان رده ( من المروحه دي بتهد ) . التعلمجي يبدأ بعقد اللساتك و يتطور لكي يشطب ثم يبدا في خياطة اللباسات و يتطور . و تعلق العينات علي الحبال كما يبدو في الصوره ، و يحضر المشترون من الاقاليم و يشترون البضاعه و يحملونها علي اللواري و تلبس كل الجزيره و غرب السودان و شرقه من سوق الشوام زقاق الصابرين و ما حوله . و كانها ملابس كرستيان ديور . تبدأ الحياه في الصباح بالتحيات و الاخبار و نقاشات الكوره و السياسه . و يحضر صاحب البخور و هو يلقي بحفنات متواصله من البخور من مخلايته في المبخر و يتناول المعلوم من كل دكان بدون اي احتجاج . و اصحاب البخور يقسمون السوق فيما بينهم و لا يتعدي احدهم علي حدود الاخرين . حتي الشحاذين كانوا يعرفون مناطقهم . الدخري كان اشهر مجنون في امدرمان و كان يسكن في الجامع الكبير و له جسم قوي بعضلات بارزه . و عندما يكون بحره عالي ينطلق محطما كل الحجاره و في بعض الاحيان يضعها علي قضيب الترماج و يقوم بتحطيمها بحجاره اكبر . و كثيرا ما يتوقف الترماج الي ان ينتهي الدخري من عمله و هو يقف عاريا كما ولدته امه . مشكلة الدخري انه قذف ابنه بحجر في حالة غضب فاصابه في مقتل فاختل عقله . و كان يحضر لزقاق الصابرين ليشحذ فلوس طعامه و قد يتصدقون عليه بسروال او عراقي . و في احدي المرات اعطاني الطيب فريني ( يعني قرشين ) و هي قطعه صغيرة الحجم و لهذا يسمي الشخص قليل الحجم بالفريني . و عندما وضعت الفريني في يد الدخري لاحظت قطعا كبيرا فقلت له ( ده من شنو ؟ ) فنظر الي بحيره و تعجب و كانني بليد و قال ( من شنو ! ، ما من الجن . ) . الزقاق كان دنيا كامله يتكسب منه كميه ضخمه من البشر . فهنالك السبابه امثال الاخ حموده النعيمابي الذي استلمت منه خطاب قبل شهور . و في مره كان يحمل مركوب نمر بالربل ( نوع من المطاط الفاخر ) . و المركوب يساوي 7 جنيهات و بينما هو يعرضه متنقلا بين الدكاكين ، مد احد اهل الباديه و هو يرتدي شقيانه و هي حذاء من الجلد الغير مدبوغ بسيور غير مدبوغه في قوة الصلب ، فقال له النعيمابي ( ها يا عربي ها ، دا مالك بيه ، ده بسوي ليك الحساسيه ) . فضحك الجميع حتي البدوي . من العاده ان يأكل الجميع معا الا ان البعض كان يأتيهم فطور خاص من المنزل و عمنا( ... ) كان مختلفا و قد اصاب بعض التعليم و عندما وضع الفطور امامه اتي احد البدو مارا فكشكر له عمنا قائلا اتفضل . فجلس البدوي بدون تردد، و بلقمه واحده اخذ نصف البيض من الصحن فصرخ العم فزعا ( لا ..لا .. ده بيض ...ده بيض ) . فصارت هذه الجمله تردد في زقاق الصابرين عندما يلتبس الامر علي اي انسان و يقولون ( لا ..لا ...ده بيض ). الجلاليب كانت تخيط علي ثلاثه انواع في العاده و هي كرشليق و تعني بزراير ، او دركسون بالفتحه المستديره ، او في احيان نادره بي لياقه و كرشليق و هذه يستعملها بعض سائقي التاكسي و معلمي القهاوي . و القماش عادة هو البوبلين و المتر يساوي 20 قرش و قديما كان هناك قماش يسمونه ( بنك مصر) له عروض عريضه او قماش هزاز فيه خطوط لامعه يسمونه الالاجه يلبسه المعلمين و كبار التجار . العراريق و الساويل عادة من الدبلان او قماش خفيف للعراريق يسمونه الساكوبيس و هذه الكلمه يوصف بها الشخص الضعيف و يقولون ( ده ساكوبيس ساكت ) . و هناك ايضا لبس تكسب و تعني جيب من الامام و من الخلف ، او جناح ام جكو و عادة لانها واسعه تحتاج لسته امتار او خمسه امتار و نصف بدلا عن خمسه امتار . و كما كان يقول العم مقبل ( الترزي شغله تحت .... ما يسلمو للزبون الا يدفع ، كان الزبون شال حاجته ما بجي راجع يدفع ) . في سنه 1985 اردت ان اعمل توكيل شرعي فاخذت الاخ بله و الطيب سعد للمحكمه و لاحظت ان الطيب يتراجع . و بسؤاله عرفت ان كاتب المحكمه الشرعيه قد اخذ من الطيب سته جلاليب و سته عراريق و سراويل و وعد بالحضور للدفع و لم يرجع . و الكاتب الشرعي كان يرتدي احدي الجلاليب . و الطيب كان يخاف احراجه . فاضطررنا للذهاب الي المحكمه في الخرطوم .تلك كانت اخلاق اهل زقاق الصابرين . سمعت الطيب يقول لميرغني و هو كذلك اسطي في احد الدكاكين و هو شاب نحيل يرتدي البنطلون ( غا و سا ) . و عندما سالت عرفت ان المقصود بها الزبون الذي يضيع الوقت و لا يشتري . ميرغني استعار دراجتي الرالي الدبل و عندما تأخر ارجعها و عليها جرسين بلونين مختلفين زادا من جمال الدراجه التي كنت اعتني بها .في نهاية الشارع بعد القهوة الصغيره و المطعم كان السمكريه منهم صديقي عبدالسخي ، و الخير العجلاتي الذي بدأ حياته كصبي عجلاتي مع العم عبدالكريم العجلاتي في بداية شارع كرري و هو خال كمال الجزولي ومجدي و حسن و الاخرين . السمكريه كذلك كانت لهم مجموعتهم الخاصه و طريقة حياتهم . و عندما تضايق طسم من امرأة اتت بصفيحة خبيز و ارادت لحمها مباشرة و طسم مشغول و المرأه تنق ، فطوح بالصفيحه قائلا ( جننتينا ، هي صفيحه و لا اسطول ) . في الشتاء كنا نأكل كثيرا الطماطم بالدكوه و الكسره من هجوه في الانجيرا او سوق الكسره غرب سوق الطواقي . و هذه الاكله لا تزال منذ ايام زقاق الصابرين هي اكلتي المفضله . الخال النور الحاج حمد من حوش حاج حمد المشهور في بيت المال كان يعمل في سوق الشمس بالقرب من سوق التمارا و عندما تشتد الشمس يحضر الي دكان الطيب سعد و يزيح العمل من البنك و يستلقي او يجلس تحت المروحه . و عندما يحتج الطيب يقول له النور ( انته ياخ في بيت اختي ما بتترقد تحت المروحه ، هو كان ما المروحه دي انا بجيك ! ) .الطيب بمثابة الشقيق لنا ، و عندما اتيت به الي المنزل كنت انا في الرابع عشر و هو في حوالي الثامنه عشر من عمره و صار من اهل المنزل . و لا يعمل اي شئ بدون استشارته . و ابنائه يحملون اسمائنا ، الشنقيطي و شوقي و اسعد .و لي ابن يحمل اسمه. و عندما اتصل شوقي الطيب قبل شهور بخصوص المصاريف الجامعيه قلت له ( انته بتين دخلته الجامعه ؟ ) و كان رده ( انته يا عم شوقي طولته بره نسيت السنين ) . لا اظن ان هنالك اي مكان في العالم كانت توجد فيه روح من الزماله و التأخي و التكامل مثل زقاق الصابرين فاي شخص يموت يعتبر المصاب مصاب الجميع . و اي شخص يتزوج يكون الكشف دائرا ، و اي بيت يقع او مناسبه يكون اهل الزقاق كأسره واحده . و لقد تعلمت كثير من الدروس في الزقاق و سمعت كثير من القصص و كان كل السودان يمر بالزقاق كزبائن . و في منتصف الستينات ظهرت الماكينات الكهربائيه السريعه و تضاعف العمل و ظهر المطرز . في احدي اجتماعات نقابة الخياطين كان الطيب يتحدث بحميه فقال شخص لا يعرف الطيب ( انته خياط ؟ ) فوضع الطيب ظهر يده امام عينيه قائلا ( ده ( د..ك) ! ) . فالمقص يترك هضاب علي ظهر يد الخياط خاصه خياطي الجاهز . لانهم يقصون عشرات الطبقات من القماش مره واحده . و كثيرا ما يحضر شخص يحمل عجله علي كتفه و يقوم بسن المقصات في زقاق الصابرين و سوق الشوام . في بدايه الديمقراطيه الثانيه ابدي الطيب تعبه من موضوع الخياطه . فاقترح الشنقيطي محل للسندوتشات و اعجبت انا بالفكره . و بدأنا في البحث عن المكان الا ان الطيب رجع و غير رأيه و قال ان زوجته رقيه قالت انه اذا بدأ يبيع الاكل فستعود الي الرباطاب و اضاف ( اودي وشي وين من ناس زقاق الصابرين ) . و اخيرا اقترح سيارة تاكسي ، و اضاف الشنقيطي فكرة بوتيك في ركن مدرسة الاحفاد شارع المورده . و عندما سلمته مفتاح السياره و بدأ النجارين في عمل التخشيبه و اتت البضاعه من اوربا و الخليج بدأ الطيب مهموما فلم يكن في استطاعته ان يترك زقاق الصابرين . و لم تنقطع الزيارات من الجانبين . في مايو 1969 و في حفل في منزلنا وسط خواجات و مبعوثين، جلس الطيب مع احد الرفاق من الزقاق و عندما ازداد الجمع احضرنا بعض الكاسات فنادانا الطيب و افرغ محتويات الكبايه في الكاسات قائلا ( يعني نحنه ناس زقاق الصابرين ديل ، الكبايات ام كرعين ديل الا نشوفهم في السينما ) . زقاق الصابرين كان يمثل امدرمان . ابن عمتي عثمان عبدالمجيد ( كوارع ) استلم في سنة 1963 ثلاثه جنيه لشراء اسمنت و الاستعانه ببناء لتبليط ارضيه المطبخ . و والدته وقتها تسكن عند ابنها بابكر عبدالمجيد في منازل الجيش . و اضاع عثمان الفلوس و عندما حضر محتارا الي المنزل اخذه الشنقيطي الي زقاق الصابرين و دفع الطيب 150 قرش و اشترينا كيسين من الاسمنت بي 130 قرش و 15 قرش لعربة الكارو و قمت انا بتبليط ارضية المطبخ . و لهذا فالزقاق دائما في وجداني . ما ان تغرب الشمس حتي يصير الزقاق ميتا و خاليا من اي حياة حتي من القطط و كأنه يرتاح من زحمة النهار و الباعه الذين يحضرون كل شئ من فاكهه و حلويات و صور و براويز و نتائج تعلق في الحائط . في المساء عندما كنت اذهب الي العم رضوان و هو الكفيف الابيض اللون الذي يبيع راس النيفه عند نهاية الزقاق في شارع العناقريب و امامه لمبه تدل علي مكانه و ابنه قد صار وزيرا في الحكومه الديمقراطيه الاخيره . و الراس عنده يساوي 25 قرش و في العاده بي 15 قرش الا انها بحجم ضخم و كان والدي لا يقبل الا بها . حتي النشالين و اللصوص كانوا يحضرون للزقاق و لقد سمعت الطيب يقول للضل مع بداية الشريعه و هو اكبر نشال في امدرمان ( و الله يا الضل خايفين عليك من القطع ) فتنهد الضل قائلا ( القطع ساهل ، الكلام الزيت المغلي ) . و عندما كنت اطل الزقاق في الليل او المساء كان يبدو مختلفا و كانما هو زقاق اخر . شوقي

أماني الأمين
أنا متفرغ ليك وقاعد ليك في البوست دا محكّر قصادك إنتي بس ما فايتو شبر واحد
أنا جني وجن الناس الما بريدو ام درمان ديل

Quote: فرصه سعيده

ولا سعيدة ولا حاجة

Quote: وودعتكم الله

زوغتي (بالدو) يعني
كان ظهرتي برضو بنظهر
يلا .. سلام.

هاتى يديك
يا ام كررى و الخليل
فلم اعد اقوى على السفر الرحيل
خذينى حجارا للطوابى
فرحا يغير مجرى النيل فى خور ابوعنجة
او شاهدا للتاريخ عند قبة سيدنا الامام
قدلة ياسودان عالى باسق جوه احزان الزمان

التاريخ ينفح من حواريك القديمة
و الايام تحكى عنك ياام المداين
روحى تسافر فى التواريخ القديمة
تقاتل فى كررى
تحاصر الخرطوم
تبيع راس غردون
تعود بغايم النصر للمورد
ترقص العرضة ثم تودع الافراح بيت المال
تغنى عزة الاوطان ماهو عارف قدمو المفارق
لم تذل ذكراك كالنيل كالاقمار تهدى خطانا
بورة الوصل و ملتقى و جع الرحيل
--------------------------------
من على البعد الجغرافى و الانصهار الوجدانى اهمس اليك احبك

محمد حيدر

Quote: لا والله بتكلم جد يا أمانى .. بنات بحري ديل لا يمكن .. ولو بى صدفة تاريخيه سااااى كده تلقى فيهن واحده بس من الملازمين ..

هههههههههه
يازول انت نسيت حبوباتنا في بحري كان بحموهم بباقي موية وضوء الشيخ خوجلي وحمد
بعدين ياخوي الناس ديل اقدم من امدرمان انت يظهر ماحكوا ليكم زمان
لما شباب امدرمان بيجي بحري يتفرج للحسان
ويعبروا الكبري راجعين يمشوا يبكوا ويكتبوا شعر

في ربوع بحري لاقيتو بسم حياني حياتو

والله قلبي على الأسى اتعلم وحين ما أذكرو اتألم

وما بسلاه يا أحباب مهما فؤادي اشقاه

في ربوع بحري لاقيتو بسم حيتو حياني

طالعين كنا في نشوه على البلديه مرينا

ناجينا الطيور في الروض قلنا ليها سامرينا

سامرتنا بالتغريد ووريناها معنى الريد

وقمنا وقالت اطروني وقلنا ليها اطرينا

عبرنا الكبري والكبري وراجعين بقعة أمدرمان

مزجتا دموعي بدموعا والجو كان أمان في أمان

ودعتو ورجعتا براي لا روح لا فكر ولا راي

ووين قلبي التركتو وراي غايب عني ليه زمان
وانت فاكر دكتور (عابدين شرف ) دا كان بعالج في منو ومن شنو
ولا اغلب المجانيين (رد الله غربتهم ) الحايمين في سوق الشهدا وسوق امدرمان سببهم شنو
يازول الجماعة ديل زمان كان بربطوهم ليك في الكبجاب ويعملوا ليهم حجاب
ياريت تكون عرفت سر الجمال في بحري (قالوا الصيد ورد في حلة حمد )







------------------------
امدرمان عالم جميل

وليد

Quote: امدرمان عالم جميل

حريف في كورتك (ودا كان زمان)
وحريف في كتابتك
ودائماً عامل ليك مرًّاقة على قول أماني الأمين
تحياتي
واحتراماتي

قوموا لفّوا كلكم ..



















ونمش البحر!

دكتور/ عبد الحميد مأمون الكامل
سلامات يا خي
طولنا طولة شديدة من أيام الرياض
ديييييييك ... الله يطراها بالخير

Quote: التاريخ ينفح من حواريك القديمة و الايام تحكى عنك ياام المداين روحى تسافر فى التواريخ القديمة تقاتل فى كررى تحاصر الخرطوم تبيع راس غردون تعود بغايم النصر للمورد ترقص العرضة ثم تودع الافراح بيت المال تغنى عزة الاوطان ماهو عارف قدمو المفارق لم تذل ذكراك كالنيل كالاقمار تهدى خطانا بورة الوصل و ملتقى و جع الرحيل -------------------------------- من على البعد الجغرافى و الانصهار الوجدانى اهمس اليك احبك

يسلم فمك ... وتسلم يمينك
تحياتي من جدة عروس البحرالأحمر
قوابيس مودتي

Quote: حريف في كورتك (ودا كان زمان) وحريف في كتابتك ودائماً عامل ليك مرًّاقة على قول أماني الأمين

هههههههههه
تعرف ياخالد
المشكلة اخواني الكبار معاي في البيت ثقافتهم امدرمانية
وغير ذلك لاانكر اني قضيت ايام لاتنسى بهذه البقعة الطيبة
بطيبة اهلها وجدت بها كل الاحترام والحب


من اليسار الكابتن وابن المورده المدرب هيثم سلمان (مدرب الفريق القومي للناشئين ) دي اخر زيارة له عندي رمضان الفات
اها جبت ليك صورة صاحبك عشان تعرف علاقتنا مع اولاد امدرمان يستحيل الزمن يغيرها
اها المرّاقة التحت دي كيف
ليكي سلام وتاني سلام
وليكي قيام == وتاني قيام
ياست الدنيا== يا امدرمان
وست الجاه
وست الشأن
وست النان
سلمت == سلمت يا امدرمان
(سيد احمد الحردلو)

برضو فرق كبير بينا وبينكم ياخي (بحري سر الهوى ) و(غير بحري ما لي دوا )









----------------------
امدرمان عالم جميل

يا بنات الناس يا اولاد الناس شنو اولاد ام درمان بمشوا لبحري وبيجوا راجعين يكتبوا الشعر ؟؟؟؟؟؟؟؟؟؟؟؟؟؟؟؟


شعر منو يا اخوانا ؟؟؟؟ ما تخليكم عاقلين شويه ( هو الشعر ده بكتبوه في شنو ؟؟ ومنو ؟؟؟ )


يا ناس ام درمان البجي يناسبكم من اي صقيعه في السودان ولا خلاء ما تدوه بيتكم , وما في واحد يمشي يجيب ليهو
واحده من بحري وبعدين يقول ليبنا ( دي القسمه ) يا خي تخلي بنات ام درمان وتقول دي القسمه يا اخي ده الغبا


الغبا ..... الغبا

وليد عبد اللطيف,,
ده كلام ي الورد:

Quote: يازول انت نسيت حبوباتنا في بحري كان بحموهم بباقي موية وضوء الشيخ خوجلي وحمد بعدين ياخوي الناس ديل اقدم من امدرمان انت يظهر ماحكوا ليكم زمان لما شباب امدرمان بيجي بحري يتفرج للحسان ويعبروا الكبري راجعين يمشوا يبكوا ويكتبوا شعر في ربوع بحري لاقيتو بسم حياني حياتو والله قلبي على الأسى اتعلم وحين ما أذكرو اتألم وما بسلاه يا أحباب مهما فؤادي اشقاه في ربوع بحري لاقيتو بسم حيتو حياني طالعين كنا في نشوه على البلديه مرينا ناجينا الطيور في الروض قلنا ليها سامرينا سامرتنا بالتغريد ووريناها معنى الريد وقمنا وقالت اطروني وقلنا ليها اطرينا عبرنا الكبري والكبري وراجعين بقعة أمدرمان مزجتا دموعي بدموعا والجو كان أمان في أمان ودعتو ورجعتا براي لا روح لا فكر ولا راي ووين قلبي التركتو وراي غايب عني ليه زمان وانت فاكر دكتور (عابدين شرف ) دا كان بعالج في منو ومن شنو ولا اغلب المجانيين (رد الله غربتهم ) الحايمين في سوق الشهدا وسوق امدرمان سببهم شنو يازول الجماعة ديل زمان كان بربطوهم ليك في الكبجاب ويعملوا ليهم حجاب ياريت تكون عرفت سر الجمال في بحري (قالوا الصيد ورد في حلة حمد )

بس لو خليت "أمدرمان عالم جميل" البتكتبها في النهايه دي

منال بتاعت بنات الأحفاد:

Quote: عدين بنات بحرى شكلهم اقليميات وما انيقات يعنى بالعربى كده بلديات لكن بنات امدرمان راقيات وانيقات وظريفات وحبوبات

لوووووووووول ما بسألك والله,
غايتو بخليك للقراء, أنا برررررره

ود المشرف:

Quote: لا والله بتكلم جد يا أمانى .. بنات بحري ديل لا يمكن .. ولو بى صدفة تاريخيه سااااى كده تلقى فيهن واحده بس من الملازمين ..

الغريبه ناس المشرف الأنا بعرفهم,
بين توتي والصبابي, الملازمين وأمدرمان علاقة ناس المشرف بيها شنو؟
شكلك مشرّف تقليد

أما عن بنات بحري فالملازمين دي بينهم وبينا بحر الحمد لله

Quote: أما عن بنات بحري فالملازمين دي بينهم وبينا بحر الحمد لله

لا لا الملازمين دي شعرا ماعندك ليه رقبه.. خليكم معانا نحن ناس امبده يمكن (يمكن) نلقى
القدركم.










ــــــــــــــــــــــــــــــــــــــــــــــــــ
عملتي لينا شنو في الجرجير؟

Quote: يا بنات الناس يا اولاد الناس شنو اولاد ام درمان بمشوا لبحري وبيجوا راجعين يكتبوا الشعر ؟؟؟؟؟؟؟؟؟؟؟؟؟؟؟؟ شعر منو يا اخوانا ؟؟؟؟ ما تخليكم عاقلين شويه ( هو الشعر ده بكتبوه في شنو ؟؟ ومنو ؟؟؟ ) يا ناس ام درمان البجي يناسبكم من اي صقيعه في السودان ولا خلاء ما تدوه بيتكم , وما في واحد يمشي يجيب ليهو واحده من بحري وبعدين يقول ليبنا ( دي القسمه ) يا خي تخلي بنات ام درمان وتقول دي القسمه يا اخي ده الغبا الغبا ..... الغبا

يا مجدي سيد البوست و وليد داوش بتاع الجرجير ,,
قسيمة شنو؟
ناس أمدرمان ديل قالوا ليكم بيجوا بحري يبكوا ويمشوا يقطعوا الكبري يكتبوا شعر,
وما جابت ليها قسيمه أصلو !

غايتو !
بس جبنا سيرة بنات بحري جابوا سيرة القسيمه !!

بالله لو سمحتوا شيلوا شعركم وغادي غادي

قال جرجير قال لوووووووول

أخونا متوكل,
كلام شوقي بدري جميل حقيقي,
بس "ياهو ده السودان",
أمدرمان ما حاله متفرده, ده حال الانسان السوداني الجميل من وين كان :)

الزول زاتو "رفيق السلاح":

Quote: تصدقي وبدون حليفة لمن ابيت خارج امدرمان زي الرايحه لي حاجة بحري جميلة والخرطوم جميلة لكن امدرمان اجمل ناسها ماعايزين واسطةعشان تعرفيهم تخشي شمال تووووووووش

ما قايلاك أمدرماني والله,
وما القصد, بس ناس أمدرمان تامينها حبة مويه,
قلنا نشاغلهم شويه ما أكتر,

سلام واحترام,,

Quote: تحياتي عشان بس تعرفي ليه بنعشق امدر اتمعني في كلام عمي شوقي بدري.

يا سلام عليكم يا شباب..ويا متولى وبا شوقى بدرى..

تسلموا ويسلم السودان وأم درمان..\\

تقديرى وأحترامى..

Quote: يا مجدي سيد البوست و وليد داوش بتاع الجرجير ,,

اماني الامين
طبعا الزمن داك انتي لسه صغيرة وخليني احكي قصة الجرجير
زمان وعندما ناس بحري عملوا ( قصر الصداقة )
فكروا جنب الكبري يعملوا منتجع سياحي كبير لبحري
ولكن في ناس من كرمهم اعترضوا وقالوا اذا عملنا هنا منتجع
ناس امدرمان يجيبوا الجرجرير من وين وكيف ياكلوا فولهم وسمكهم
اها كتر خير ناس الصبابي ودي تجارة غير مربحة عٍلا عشانهم زرعوها
والله يسألني اول مره اشوف ناس بتاكل سمك وفول من غير( جرير )
عشان كدا ضحكنا في قراير وراحة ضمير
لان دي بتاعتنا
(اكل جرير وراحة ضمير ) و ( برتكان ولحمة ضان )

اماني
ياخي اهديك
اوعى من ديك
هم اعـــــــاديك





اسماعيل عباس
ود العباسية الرجل الخلوق
عندما نراك نرفع قبعاتنا احتراما ومحبة
كيفك ياطيب ولماذا توقفت نفحات اتصالاتك

Quote: قسيمة شنو؟ ناس أمدرمان ديل قالوا ليكم بيجوا بحري يبكوا ويمشوا يقطعوا الكبري يكتبوا شعر, وما جابت ليها قسيمه أصلو ! غايتو ! بس جبنا سيرة بنات بحري جابوا سيرة القسيمه !

هاهاهاهاااااااااااااااااااي
اسي الجاب سيرة القسيمه منو؟
الزول قال ليك قسمه.
دي ياها ذاتاااااااته قشيت الملايات وفرشت الحوش..ههههههههه

Quote: دي ياها ذاتاااااااته قشيت الملايات وفرشت الحوش..ههههههههه

هاهاهاهاااااااااااااااااااي
اسمها ( قشيت الحوش وفرشت الملايات )
وبرضو حقتنا







ياوليد ذكرتني قصة الاحول الدخل يدو في جيب صاحبو
ههههههههههه











-------------------------
امدرمان عالم جميل

Quote: هاهاهاهاااااااااااااااااااي اسمها ( قشيت الحوش وفرشت الملايات ) وبرضو حقتنا ياوليد ذكرتني قصة الاحول الدخل يدو في جيب صاحبو ههههههههههه

اذا كانت كما قلت انت فاين المفارقة يا سميي؟
كده بقيت انت الاحول هاهاها



تحياتي يا ولي

Quote: هاهاهاهاااااااااااااااااااي اسي الجاب سيرة القسيمه منو؟ الزول قال ليك قسمه. دي ياها ذاتاااااااته قشيت الملايات وفرشت الحوش..ههههههههه

بسسسس
دي حركات ناس أمدرمان الما بحبها,
قسمه قسيمه نفس الفهم,
فرقت شنو ؟!!!


وليد عبد اللطيف نصيحتك علم وينفذ,
وادي مرقه من البوست,
ودعتكم الله جد جد المره دي ,,

مشتاق لي سوق المورده يامجدي,,
غشوة كده لي منقويا الضهر..وونسة مع المغرب في البقعه,,
رووق يازول..

عليش أمسك


دا شارع الموردة

عشان نصغّر الصورة

وهاك دي شوايات الموردة
حيث السمك الصير الكوارع وووووو....

دي علشان خاطركم (بحري توثق لامدرمان عاصمة التاريخ والجمال )

Quote: من مذكرات الشاعر عبد المنعم عبد الحي نفتبس تفاصيل كتابة أغنية أنا امدرمان : ( رجعت من فلسطين في شهر مارس 1949 م وأتذكر أول لقاء لي بعد عودتي من فلسطين كان مع الفنان أحمد المصطفى واثناء حديثنا جاءت سيرة أغنية الخرطوم للفنان حسن عطية عندها ذكر لي أحمد المصطفى بانه يريد أغنية لامدرمان مثلما تغنى حسن عطية للخرطوم فقلت له : طيب اديني مهلة أفكر .. وفي نبطشية في القشلاق قعدت أقرأ في وصف أغنية الخرطوم لحسن عطية – الخضره والزهور والحاجات دي .. طيب امدرمان بالنسبة لي أكثر من وطن صغير داخل الوطن الكبير .. انا لما جيت اوصف أمدرمان مالقيت فيها جانب أجمل ولا اخلد من الجانب الوطني فامدرمان صورة مصغرة للوطن الكبير , امسك امدرمان ربع ربع وحارة وحارة تلقى فيها صور من الشعب السوداني كله من الشمال للجنوب تلقى ومن الغرب للشرق تلقى وحتى فيها جوانب بتصور أحقاب تاريخية من تاريخ بلدنا , في الموردة مثلا تلقى حي المواليد وفي السوق الكبير تلقى حي المسالمة الى جانب الأحياء المختلفة وبعدين مافي احداث وطنية عاصرها السودان الا كان لامدرمان وأولادها النصيب الوافر فيها وفي المرة دي ماكنت في الحقيقة محتاج أقلد صورة او شكلا وفي نفس المكان في القشلاق الكتبت فيهو أول أغنية سودانية .. ابتديت اكتب .. أنا امدرمان تأمل في نجوعي أنا السودان تمثل في ربوعي أنا إبن الشمال سكنت قلبي علي إبن الجنوب ضميت ضلوعي وماتوقف القلم في يدي الا بعد ان اكملتها كلها وأذكر انها كانت ثلاثة كوبليهات والثالث منها كان عنيف شوية وضد الإستعمار بشكل مباشر يعني مافيهو رمز ولاحاجة وعشان كده أفتكر حذفه أحمد المصطفى والأغنية كلها ماكان ممكن تذاع في إذاعة أمدرمان في ذلك الوقت .. أنا أمدرمان في جيد الوادي دره أصيلة في معدن وكريمة حرة أنا أمدرمان اذا العادي تجرا أنا حجر افضا في جبينه قرا أنا الصبر المرير في حلقه مره أنا السم النقيع في الجوف أمرا وأنا دار الأمان لفتاتى دارى وأنا الذكرى اذا عزت له الذكرى ثم يضيف الشاعر الكبير فيقول : تاني يوم جاْني أحمد المصطفى في البيت واديتو الكلام وبعد يومين بعد أن قرأها عجبتو وقال لي أنا بمجرد ما أوصل السودان ساقوم بتسجيلها في الإذاعة وأنا متأكد أنه اغنية أنا أمدرمان ستنال إعجاب الجميع .. قلت ليهو : انت شد حيلك في التلحين ,, قال لي : ماتخاف .. وفعلا بعد شهر أو شهرين سمعت من بعض الطلبة اللي وصلوا من الخرطوم قالوا أنهم سمعوا لأحمد المصطفى أغنية جديدة أسمها أنا أمدرمان ولاقت نجاح مامعقول .. الحكاية دي شوقتني اني لازم أسمعها بعدما تلحنت بقت كيف ؟ وبعدين أتذكر أنه الأخ منصور أحمد الشيخ في مرة من المرات قال لي انو بيت الطلبة السودانيين عندهم حفلة سمر بمناسبة وطنية مابتذكرا دلوقتي .. وقال لي نحن نمشي نشارك أخوانا الطلبة باعتبارنا زملاء سابقين ومشيت معاهو الحفل وهناك فوجئت من ضمن برنامج الحفلة طلبة غنوا وطنية منها أنا امدرمان ومافي زول كان عارف أني كتبتها غير الأخ منصور أحمد الشيخ .. وعجبتني الأغنية بعد ما تلحنت والطلبة قابلوها بصورة طيبة وبعدين منصور وقف قدام الطلبة وقال ليهم دي فرصة طيبة عشان أقدم ليكم مؤلف أنا أمدرمان وهو الملازم أول عبد المنعم عبد الحي والزميل السابق .. وقوبلت كلمة منصور بتصفيق شديد خلاني خجلت والكلام غلبني وفعل ما قلت ليهم غير أنا شاكر شعوركم الطيب وقعدت . ويستطرد الشاعر الكبير عبد المنعم عبد الحي ويقول : ذهبت للسودان في الإجازة وقابلت بالطبع أحمد المصطفى وعاتبته عشان ماغني الأغنية كاملة ولكنه قال لي : في الإذاعة رفضوا يوافقوا على الكوبليه الثالث وأضطريت أغنيها ناقصة . أنا أمدرمان - كلمات عبد المنعم عبد الحي أنا امدرمان تأمل في نجوعي أنا السودان تمثل في ربوعي أنا إبن الشمال سكنت قلبي علي إبن الجنوب ضميت ضلوعي ****** أنا أمدرمان سئلوا النيلين عني وعن عزمات فتاي عند التجني فخير بنيكا يا سودان مني سئلوا الحادي سئلوا الشادي المغني ****** أنا امدرمان إذا ما قلت أعني فما نيل المطالب بالتمني تجيش النفس بالآمال لكن ولكن هذه لما لا تدعني ***** أنا أمدرمان مضي أمسي بنحسي غداً وفتاي أحطم قيد حبسي وأخرج للملأ في ثوب عرسي وأبسم بعد ما قد طال عبسي وأعلن والفضاء يعلن همس وأهتفت والوري يعرف حسي فيا سودان اذ ما النفس هانت أقدم للفدي روحي بنفسي

منقول من بوست بحري طراوة (ملك التوثيق عماد عثمان احمد)

أماني الأمين

Quote: وليد عبد اللطيف نصيحتك علم وينفذ, وادي مرقه من البوست, ودعتكم الله جد جد المره دي ,,

قشة ما تعتر ليك
والله معاك
قاعدين قريب بنجي بنتاوق ونطلع
لكن كان ظهرتي بنجي تاني صادين

أمانى ..

Quote: شكلك مشرّف تقليد

تقليد تقليد ..
لكن ناس الملازمين ديل عليك الله خليهن بعيد .. زى ما هن بعيدااات .

تعالى نونسك شويه عن زقاقات حى البوسته الغبيشه والداكنة الحنان ..
فريق الجعليين وحى الرباطاب وزقاق الصابرين ..
بينهم تماما يسكن أهلنا العمراب ..
ويا الله يا أمانى ..

راجع ليك ولى وليد
وبحري
طراوه ..

يا جرجير ارجعي و مامعانا زعل الموضوع ممازحه.

محمد حيدر ود المشرف:

Quote: مشكلة ناس بحري الوحيده إنهم ما من امدرمان .. يعنى مافيهم شباب من ود أرو .. يعنى بناتم مافيهن بنات ممكن يكونن من الملازمين .. يعنى ما ممكن حفلاتهم تكون فى ابروف .. يعنى زمان ما اكلو ايسكريم فى فاربتر .. يعنى ما لعبوا كوره فى العرضه .. يعنى فطور الجمعه الا يهاجروا عشان يجيبو فيهو سمك من سكى يعنى ما فى عشا عند الجان .. ويعنى ويعنى ويعنى ..

فشيتني لامن اتكيفتا في اماني بت اللمين

و بركة المرقنك كرعينك يا اماني

البوست دا ما شفتو الا اسة

والا كان بلعتك كلامك كلو

تاني تجي المجلة يا اماني


__________________________

يوم في غربة السجم دي و في عيد من الاعياد

طريت امدر طريت ناسا

كتبتا لي كلمتين عارفها ما كفاية

Quote: ( بطاقة معايدة لأمدرمان) و قهوة قد شربناها و أياماً و أحلاماً تركناها هناك... في امدرمان ذكراها أيا امدرمان رغم البين و التبريح اليك تسر ذي النجوى من ذا القلب أصداها و تلك المقلة الحرى فراق الحي ابكاها و قهوة قد شربناها و حبيبة قد نسيناها هناك في أمدرمان مسواها إيه يا امدرمان لا انس من الايام لا أنس ذكراها حبوي في زواياها عشقي في حناياها خطوي فوق تربتها شوارعها مداخلها مخارجها أزقتها مآقيها قهاويها سواقيها حزنها الغافي غضبها العاتي يوم تهب ثورتها و يوم تحن صبوتها يبرق بسم محياها ما زلت أذكر لون بشرتها طعم قهوتها سر ضحكتها أغانيها … حكاياها مرح صبيتها غنج نسوتها طيب سمرتها و همس النيل حين يوشوش الفجر فوق مرساها تالله .. و والله دوماً ستبقى في شغاف القلب ذكراها و رب الكون يحفظها و يرعاها سلامي شوقي الطاغي يخط بدمعي الهامي بطاقة عيد تحييها و تغشاها وأرسل فيها كل اخيلتي تغازلها تضاحكها تمازحها تلاعبها من الاحزان تشفاها تحي طهر قبتها تحلق في روابيها مساجدها كنائسها كباريها سواريها حواريها ملاعبها مدارسها معاهدها تقبل كل أنحاها تالله .. و والله دوماً ستبقى في شغاف القلب ذكراها و رب الكون يحفظها و يرعاها

بجي راجع هنا تاني

كان لقيت فرقة

شكراً ليك يا مجدي

على البوست الجميل دا

الأعزاء

بيت الخليفه عبدالله بن السيد محمد التعايشي

محمد حيدر


وعليش

ود عبد اللطيف



يا ناس هههههههههههههههوي



الناس بدأت تزعل مننا


القصة مداعبات



ما اكثر يا اماني



وتحت تحت بنحب ام درمان حتى بالظلط

محمدحيدر + حاتم (سلامات)

Quote: يعنى ما لعبوا كوره فى العرضه ..

ياخي ذكرتوني الدافوري في العرضه مع ناس
كرار ابوعلي وسلك (الجو الرطب)
ياخي ميدان وفي نصفه عمود تجي كيف دي ماعارف ياناس امدرمان
برضو اديناهم درس لم ينسوه ووريناهم ان كرة القدم
تلعب بالنوته الموسيقية
نضرب الباص ونقول كما قال:عماد خوجلي (لاعب الاهلي السعودي )
ونحاورهم ونقول كما قال: قرن شطة (لاعب فريق الاهلي المصري )
كرة القدم ناس بحري فاكين شفرتهامن ايام الجاك عجب (كابتن اول فريق قومي )
ناس الخرطوم ينظموها
وناس امدرمان يتفرجوها
وناس بحري يلعبوها
والدليل الان كابتن فريق الهلال (هيثم مصطفى)
وكابتن فريق المريخ (العجب )
نتمو ليكم ولا كما قالت اماني الامين (تتموها مويه)


اماني الامين
التوب ده كلمتيهم بيهو
(توب جديد معروض في سوق سعد قشرة, إسمه خجني)
قال الملازمين قال






-----------------
اماني ياخي رسلناك بعثة تثقيفية من اول محاضرة تزعلي (استحملي من اجلهم)

جوعتــوني بي الصورة بتاعت المورده دي..

تدفنو علي النيل وتسكنو في الحاج يوسف.

يا وليد قول بسم الله ..
العمود الفى نص الميدان ده كرار ابوعلى قاعد يوزن عليهو الباصات ..
ويا زول ما طالبنى حليفه .. باصاتو تدخلك جامعة الخرطوم وبالميت كده توديك الهلال
الميدان يبعد عن نادى الهلال أقل من مية متر ..
وأكيش زول فينا أهو بمشي التاج .. لى عمك الوسيله العكام ..
وبعدين اقول ليك كلام .. أولاد العرضه ديل ابدا ما اتغلبوا فى الميدان ده
وأزيدك ..
آخر دوره لعبتها كانت فى بحري ..
كانت الدعوه من شباب الختميه .. ناس خالد الخبير والتاج بركيه وحمد كمال وهيثم مصطفى وعلى الدبلوك ورضا
وابوشايه و أب صره .. الزمن داك أغلبهم كانوا بلعبوا فى الأمير ..
والله جهجهناهم ب ( السبيتى ) ..
وطقطقناهم زي الماحاصله حاجه
والحاله دخلنا الدوره بى تيم مسمنو تيم العايله .. كلنا اولاد أهل , ياخى ده كان فيهو مغتربين فى السعوديه
والله غير كرار ابو على والشيخ دونادونى ( بتاع المريخ ) ما فينا زول بقدر يجري ..
ياخى لمينا ليك فى ناس بحري ديل جضمناهم تيم تيم لامن عرفو حاجه .. ناس بدرالدين بتاع المريخ داك نسيت اسمو
وريتو ليك منظر منظرين قام طفانى .. قربو يودونى الاسبتاليه
ايواا بدرالدين بخيت .. يا اخوانا الزول ده كلمو .. ببالغ عديل كده
المهم لامن وصلنا الفاينال .. وكان مره تانيه مع اولاد الختميه القلتهم ليك فوق ..
والله شالو الكاس بالحكم .. خالد الخبير قلت ليهو ده كلام شنو يا خُبُّو .. قال لى انتو عوره
تجو من امدرمان تشيلو كاسنا وتمشو .. يقولو علينا شنو !
كفايه عليكم كاس الهداف ده .. وأشر عليهو , كان شايلو ابن خالى مجدى على احمد طه ( جطِّى )
تقول لى غلبتونا فى الميدان الفيهو عمود فى النص !
يا راجل قول كلام غير ده .. بالغت عديل كده

محمد حيدر

Quote: تقول لى غلبتونا فى الميدان الفيهو عمود فى النص ! يا راجل قول كلام غير ده .. بالغت عديل كده

والله العظيم هذا ماحصل

اها مسكنا ليكم
1- الجمال
2- كرة القدم
اختاروا تاني نحكي ليكم عن شنو (الاذاعة والتلفزيون ام الحفلات الخاصة والطرب )
ياخي ريسكم من بحري 21 سنه تقولي شنو تقولي منو
ياخي نحن سكان القبور تعرفنا
ياخي انت بتبالغ حقو الواحد تاني زاتو ما يعلق في شيء
شن جاب لجاب بلد عمرها 100 سنة نقارنوها لينا مع بحري طراوه











-----------------------------
اها مارستلو لينا عايزين كم شوال بتاع جرجير للفول (قال فول الجان قال ) يازول انت مابتشوف قناة النيل الازرق ولاشنو (فول جوبي )

يامجدي ياخ جوعتنا وكرهتنا الغربة زاتو

يا ود عبد اللطيف ربنا يرد غربتكم ونحنا في ام درمان منتظرين عودة كل انسان جميل

اقراء وقارن وليك جائزة
الشجر اقلام جميع والنيل مداد لو كتب اشواقي ليك ماعددا
و
يابنات بحري قالو بتحبو مرة حبونا نحن من بحري

قومو لفو كلكم دي حقت ودالصائم

ود حيدر

Quote: كانت الدعوه من شباب الختميه .. ناس خالد الخبير والتاج بركيه وحمد كمال وهيثم مصطفى وعلى الدبلوك ورضا

يخي انت جيت لعبت مع الحمام الميت في بحري
حمد كمال : لاعب الهلال السابف
هيثم مصطفى : كابتن فريق الهلال
على دبلوك : (حي العرب ) واحرف من مشى على الارض (الان كرش واربعة في اربعة )
رضا : لاعب الامير السابق ومدرب الفريق القومي للناشئين مع هيثم سلمان وكان مرشح ليدرب نادي الهلال
تعرف انا كتبت الكلام ده ليه عشان بعدين على دبلوك يقراه
واقول ليهو فضحتونا وشمتوا فينا ناس امدرمان
ياخي صراحة الكورة في امدرمان لها طعم خاص ماعارف ليه
هل عشان نحن بنكون فيها ضيوف ولاشنو
وكثيرا ماشاركة مع اولاد امدرمان دوراتهم في الحواري
ياخي وصلنا الى الحارة الـ 12 (دورة اسطوانة الخرخار )
واجمل دورة كانت دورة المروحوم (بشير عتيق ) في ابوروف جنب البحر
تخيل نهاية الكورة شباب امدرمان بتصرف راقي حلفوا عليىّ انو انا من استلم الكاس تخيل
وهذا شعور لم انساه ابدا وياله من كرم اولاد اكارم
كورتكم ممتعه ممتعة ممتعة





برضو نرجع نقول ما افضل من بحري













-----------------------
امدرمان عالم جميل

Quote: على دبلوك : (حي العرب ) واحرف من مشى على الارض (الان كرش واربعة في اربعة )

الدبلوك لاعب فنااان ووأحد من احرف الناس اللعبت معاهم ..
غير انو شخصيه لطيفه جدا .. وقد كان حينا من الدهر ضيفا عزيزا علينا بالقاهره
الرجاء ابلاغه تحياتى ان كنت تواصله يا وليد
قول ليه ( حكصا ) بسلم عليك ..

..
بالمناسبه التاج بركيه العب من باقى الحمام الميت
وابو شامه برضو كان فى الهلال ..
يبدو لى انى أخطأت فى اسمه .. كتبته ابو شايه او نحو ذلك

,,

وبحري طراوه كمان وكمان ..
يحكى أن جدى الشيخ خوجلى كان لا يطيب له المنام الا ببحري
بعد ان يقضى سحابة يومه متنقلا بين توتى والمقرن ووصولا حتى ذلك البر البعيد
والذى سمى لاحقا ( بري ) ..
وذا ربما يفسر وباسقاط تاريخى امتداداتى العاطفيه والشديدة الطراوه ببحري
وغزواتى الكروية ايضا

يا ولي

Quote: بحري طراوه

بس دي ياها فرمالتكم.. امسكو فيها قوووووووي


لكن بالله تعال فهمنا النظرية بتاعة تسكنو في الحاج يوسف وتدفنو في البحر دي

انتو بتعملو كده ليه؟

Quote: احب ام درمان وناس ام درمان واحب البحب ناس ام درمان

النصيحة لله ناس ام درمان بتحبو و يقيفوا للزول في حلقو

Quote: النصيحة لله ناس ام درمان بتحبو و يقيفوا للزول في حلقو

سلام للجميع

سنو ياختي دي إساءة إقيفو للزول في حلقو !!!!


البتحبو ديل بقعدو للزول في قلبو

لكن البقيفو للزول في حلقو ديل شوكة الحوت اللي لا بتعدي و لا بتفوت

تحياتي

dawash
و
ابوحسين


الجماعة قالو امدرماااااان ما امبدة...علشان كدة خليكم بعيييد..

أجمل الأماكن فى أمدرمان بالنسبة لى وتحمل عبقا خاصا:
مدرسة الكتيابى الابتدائية بشارع العرضة جوار استاد المريخ..يؤلمنى ان ارى معالم المدرسة العريقة وقد انطمست وصار سورها الجنوبى المطل على شارع العرضة كافتيريات مزدحمة لجامعة الاحفاد
وغطت على المدرسة تماما ..فى اوائل الثمانينات كانت مبانى الاحفاد خاوية على عروشها ينعق فيها البوم..

Quote: الجماعة قالو امدرماااااان ما امبدة...علشان كدة خليكم بعيييد

أخونا أمبده يعني إنت من باريس ؟؟؟؟

Quote: مدرسة الكتيابى الابتدائية بشارع العرضة جوار استاد المريخ..يؤلمنى ان ارى معالم المدرسة العريقة وقد انطمست وصار سورها الجنوبى المطل على شارع العرضة كافتيريات مزدحمة لجامعة الاحفاد وغطت على المدرسة تماما ..فى اوائل الثمانينات كانت مبانى الاحفاد خاوية على عروشها ينعق فيها البوم..

و الله دي أهون من مدرسة حي العرب اللي خرجت أجيال و أجيال طبعاً لينا فيها ذكريات لا تنسى الجماعة حولوها لي محلية !!!!!!!!!!!!!!

حي العرب الإبتدائية و عثمان الزبير اللي كان بنادي أولياء أمور الطلبة اللي في سنة و خامسة و الواحد ما بعرف إكتب ليهو كلمتين إقول لي أباءهم لينا اللحم و ليكم العضم
و الله إجي العصر إقعد معاهم لغاية أنصاص الليالي لحدي ما إتعلمو و إمتحنو الشهادة و نجحو و حي العرب المتوسطة و المرحوم الأستاذ عبدالعزيز اللي أسس الجمعية الثقافية
يوم الثلاثاء من كل أسبوع و جمع التبرعات و بنى فيها مسرح له الرحمة و المغفرة.
أم درمان الأصالة و المدينة التي تجمع كل قبائل السودان
أم درمان الهلال و المريخ و الموردة أم درمان يوسف الفكي و عمك بين بتاع الباسطة أم درمان مكتبة الحرية و مكتبة الوطنية و مكتبة أم درمان المركزية
أم درمان سلامة و باتا و الطوخي و هريدي و كافتيريا فيتال و أستوديو الدار البيضاء و المحطة الأوسطة و ميدان البوستة و ميدان الحرية


ياخي مالكم علينا

وليد

Quote: لكن بالله تعال فهمنا النظرية بتاعة تسكنو في الحاج يوسف وتدفنو في البحر دي

كان لازم نكرم من صنعوا تاريخ منطقة بحري
بعدين ياخي عادي برضو عندكم مقابر (احمد شرفي ) وساكنين امبده
مع احترامي لي ombadda
وكمال قال ombadda قالوا امدرمان وليس امبده
واحدد ليك ام درمان القديمة
اول شيء الاحياء القريبة من السوق الكبير
شارع العشرين او السلاح الطبي جنوباً والعرضة غرباً ونهاية حي العرب حتى المسالمة ويحدها مقابر البكري وشمالاً حتى كلية التربية ....
يعني الناس الجات بعد الجفاف والتصحر 1984م ما بنحسبهم مع ناس امدرمان

قال الحاج يوسف قال
ياخي الفنان زيدان ابراهيم لما رحل من العباسية
للحاج يوسف قال يادوب انا بحسب سنين عمري
من الوساع والبراح والطراوه



محمد حيدر بجيك بعد نشوف (وليد جرجيره )





-------------
امدرمان عالم جميل

Quote: ياخي الفنان زيدان ابراهيم لما رحل من العباسية للحاج يوسف قال يادوب انا بحسب سنين عمري من الوساع والبراح والطراوه

ياوليد
تحياتي واحترامي
ما التكنك بالغت شوية دي واسعة خالص.
وبمناسبة زيدان مرة عندو حفلة في ديوم بحري والمطرة نزلت فخربت للبنات البودرة
والمكياج قال بالله الواحدة بقت زي شراب فريق التحرير.

يا سنننننننننننننننننننننننننننننننننناء



ناس ام درمان بتحبو . . . . دي صاح



بيقيفوا للزول في حلقوا . . . ليه


وقفنا لي منو قبل كده


ارجوا الشرح المفيد



بعدين وين الناس ديل البتكلمو عن ام درمان مدينة ليها اكثر من قرن من الزمان . . . .

انتوا الزمن داك كنتوا وين ؟


بحري دي كانت شنو ؟ في ياتو خارطة ؟ واسمها دا جا من وين ؟ وليه بحري ؟ يا ناس انتو ذاتكم ما عارفين ؟


لحدي هنا العارف ينورنا . . . ؟



والما عارف يمسك قرشينو وينزل ؟ لانه المسافة بعيد عليهو وهو فوت المحطة . سطر جديد

ما تتكلموا سسسسسسسسسسسسسسسسساكت

Quote: الدبلوك لاعب فنااان ووأحد من احرف الناس اللعبت معاهم .. غير انو شخصيه لطيفه جدا .. وقد كان حينا من الدهر ضيفا عزيزا علينا بالقاهره الرجاء ابلاغه تحياتى ان كنت تواصله يا وليد

ياود المشرف
سلامات
وقد قضي قرابة السنة في الدوحة الوقت داك انت كنت في الجامعة والدافوري في
حي النجمة يشهد بحرفنة علي دبلوك له تحياتي اينما كان.

.
الأستاذ مجدى:

لك التحايا العطرة

شكراً كثيرا على البوست الشيق. و فعلاً ياحليل أمدرمان صاحبة المقام الرفيع العامرة بتاريخها الثر والممتلئ بالدرر والنفيس. نشتاق لإمدرمان فى كل الأوقات فى صحونا وفى منامنا والنفس تتوق الى ملامسة ترابها الطاهر. سنعود إليك ولو بعد حين يابلد الأمان يامدينة بقامة وقيمة قارة ممتدة المساحات ومتعددة الأسحان والأديان.

وأستميحك عذراً بأن أرد على الأستاذة أمانى الأمين:

ياسيدتى

أبناء أم درمان لايبخسون المدن الاخرى حقها ولكن يقفون دائماً إجلالاً وإكراماً لمكان صباهم وتقديراً لدور أمدرمان الريادى فى كل المجالات فلا تبخسيها حقها.

ناس أم درمان ياسيدتى يطلبون ان تكسرى الحديدة الرابطانة بيكم دى (كبرى شمبات) إذا كانت تاعباكم فنحن لسنا بحوجة لها. وناس أمدرمان ياسيدتى ناس مأصلين وكرام وعظام يحترمون ويوقرون الكبير والصغير ويكرمون الضيف أيما إكرام . فى امدرمان بلد الامن والامان أمدرمان الامام المهدى والخليفة عبدالله التعايشى والسيد عبد الرحمن المهدى والسيد على وإسماعيل الازهرى والسيد عبدالله خليل والامام الصادق ا لمهدى وكثر هم هامات أمدرمان الذين فاتنى ذكرهم فلهم منا العتبى . وستظل أمدرمان تنجب فى العظام الى قيام الساعة.

اما فى مجال الرياضة فيكفينا الثلاثة العظام الهلال المريخ والموردة بإستاداتهم فهم كبار الرياضة فى بلدنا. وإنشاءالله تكونى بتشجعى فريق العامل أو الإتحاد.

وفى الموسيقى والشعر فنحن الحقيبة نفسها سرور وكرومة ودالبنا وخليل فرح وعبد الرحمن الريح وعتيق والسراج والبروفيسر على المك رحمهم الله جميعاً . ياسيدتى ألم تسمعى مذياع وتلفزيون السودان وهم يبدأون يومهم بهنا أم درمان إذاعة وتلفزيون جمهورية السودان.

عندما يتباهى أبناء أمدرمان بأمدرمانيتهم فهم على حق وإن أبى الغير. عندما تذكر أمدرمان الكلام كمل.

انا امدرمان تأمل في نجوعى... انا السودان تمثل في ربوعى
انا ابن الشمال سكنته قلبى... علي ابن الجنوب ضميت ضلوعى

والكلام كمل...

مع فائق ودى إحترامى للخرطوم بحرى وأهلها الكرام

أشرف الباقر

أم درمان الملازمين وبيت المال وودنوباوى

...

Quote: يعني الناس الجات بعد الجفاف والتصحر 1984م ما بنحسبهم مع ناس امدرمان

امبدة عريقة منذ زمن المهدية..وتتميز عن كل مدن السودان الاخرى بتعدد الاعراق والإثنيات فيها..فامبدة دوما تفتح ذراعيها
للوافدين والاتين مهما كثرت أعدادهم وخير مثال من نزحوا اليها ايام الجفاف والتصحر من شمال كردفان واستقروا فى ضواحيها..
وللان صاروا جزءا هاما من تركيبتها الديموغرافية..هناك أعداد مهولة ممن نزحوا ايام الحرب الاهلية من جنوب السودان وجبال النوبة..
معظم هؤلاء -وبعد زوال اسباب نزوحهم- اثروا الاستقرار فى امبدة وصاروا جزء من النسيج الاجتماعى..غير ابناء دارفور وابناء الشمال
من كل ذلك نخلص بان امبدة عبارة عن سودان مصغر ففى الحى الواحد تجد فيه الجعلى والشايقى والزغاوى والدينكاوى يعيشون فى تناغم عجيب..
حتى وقت قريب كان هناك اختلاف فى تسمية امبدة ما بين امبدة ام امدرمان الجديدة ..ومالت الكفة لصالح امبدة لتحفظ لامبدة حقها وكيانها المستقل..

من الظلم أن نقول بان امبدة تتبع لامدرمان ..فامدرمان رغم عراقتها الا انها محصورة جدا فى اسر محدودة ..وكثير من سكانها الاصليين هجروها ليسكنوا
فى امبدات والثورات..ومع التوسع العمرانى الحيث فان امدرمان بازقتها الضيقة وبيوتها العتيقة لا تتقبل أى زيادة سوى إزالة البيوت القديمة وهذا فيه ضياع
تاريخ وارث متواصل..وانسب شىء هى ان تصير امدرمان باحياءها العريقة مثل احياء القاهرة القديمة فى الموسكى وسيدنا الحسين والازبكية..

ناس امدرمان عاشرناهم جيدا منذ الصبا الباكر حيث درست بمدارس امدرمان ابتداء من الابتدائى وحتى الثانوى..ونتفهم عقليتهم تجاه امبدات بل حتى الثورات..
فلا يمكن أن يقبلوا اطلاقا بان تقول امبدة جزء من امدرمان..ولديهم كل الحق فى ذلك ..فامبدة كيان خاص مدينة خاصة لها رونقها وبريقها ..وتطورها الذى يسير
بصورة سريعة جدا أذهلت من كان يحتقرها فى سنوات خلت وصار اليوم لا يجد فيها موضع قدم ناهيك من أن يمتلك فيها عقارا..فبعد أن زال التهميش من امبدة
فى السناوت القليلة الماضية امتدت الشوارع الاسفلتية تشق شوارعها طولا وعرضا وانارة الشوارع وتحسين خدمات المياه والتعليم حيث انتشرت فيها المدارس
الاساس والثانوى.(حتى عهد قريب لم تكن هناك مدارس مرحلة ثانوية)..

الصورة ماخوذة من بوست لعضو المنبر خلف الله عبود..

الصورة لامبدة شارع الردمية


وناس امبدة - يا ابوحسين ودواش-مدعووين لبوست ((امبدة حضارة)) وخليكم من الخضرجية وناس حى الموسكى والازبكية..
فامبدة هى المستقبل...

Quote: فى امدرمان بلد الامن والامان أمدرمان الامام المهدى والخليفة عبدالله التعايشى والسيد عبد الرحمن المهدى والسيد على وإسماعيل الازهرى والسيد عبدالله خليل والامام الصادق ا لمهدى وكثر هم هامات أمدرمان الذين فاتنى ذكرهم فلهم منا العتبى . وستظل أمدرمان تنجب فى العظام الى قيام الساعة. اما فى مجال الرياضة فيكفينا الثلاثة العظام الهلال المريخ والموردة بإستاداتهم فهم كبار الرياضة فى بلدنا. وإنشاءالله تكونى بتشجعى فريق العامل أو الإتحاد. وفى الموسيقى والشعر فنحن الحقيبة نفسها سرور وكرومة ودالبنا وخليل فرح وعبد الرحمن الريح وعتيق والسراج والبروفيسر على المك رحمهم الله جميعاً . ياسيدتى ألم تسمعى مذياع وتلفزيون السودان وهم يبدأون يومهم بهنا أم درمان إذاعة وتلفزيون جمهورية السودان. عندما يتباهى أبناء أمدرمان بأمدرمانيتهم فهم على حق وإن أبى الغير. عندما تذكر أمدرمان الكلام كمل. انا امدرمان تأمل في نجوعى... انا السودان تمثل في ربوعى انا ابن الشمال سكنته قلبى... علي ابن الجنوب ضميت ضلوعى

Quote: أبناء أم درمان لايبخسون المدن الاخرى حقها ولكن يقفون دائماً إجلالاً وإكراماً لمكان صباهم وتقديراً لدور أمدرمان الريادى فى كل المجالات فلا تبخسيها حقها

كلام ميه الميه.

والاخوه الجرجيراب ديل بحبو يهاظرو. فما تنفعل.

وليد جرجير

Quote: يعني الناس الجات بعد الجفاف والتصحر 1984م ما بنحسبهم مع ناس امدرمان

لو قلت ليك التاريخ ده اخصم منو مائه سنة بتصدقني؟ وامبده برضو عالم جميل..


قوم افتح الحوض الجرجير ما يحرق.

Quote: وناس امبدة - يا ابوحسين ودواش-مدعووين لبوست ((امبدة حضارة)) وخليكم من الخضرجية وناس حى الموسكى والازبكية.. فامبدة هى المستقبل.

يا مبده ياخي
الخضرجيه ديل ديل دايرين يفكوها في روحهم وماعارفين ...

النجيضه امبده دي كوم برااااااااااه... وبعد ماننتهي من الخضرجيه بنناوش ناس الموسكي والازبكيه.( وش صاري وشو)

ياولي

Quote: ناس امدرمان عاشرناهم جيدا منذ الصبا الباكر حيث درست بمدارس امدرمان ابتداء من الابتدائى وحتى الثانوى..ونتفهم عقليتهم تجاه امبدات بل حتى الثورات.. فلا يمكن أن يقبلوا اطلاقا بان تقول امبدة جزء من امدرمان..

تعرف كلام (امبده ) كلام زول عاقل
معروف من زمان اولاد امدرمان المسالمة وحي العرب والملازمين وبيت المال عندهم راي في باقي اولاد امدرمان والعنصرية دي معروفه وللان.انت تقوم تختوا روحكم معاهم
كدي حلوا مشكلتكم مع اولاد امدرمان ولماذا هم متبرين منكم ..
لكن ماعندكم مشكله تعالوا لينا وبنفتح ليكم احضانا بس كيف ياحلوين تطلونا

Quote: النجيضه امبده دي كوم برااااااااااه... وبعد ماننتهي من الخضرجيه بنناوش ناس الموسكي والازبكيه.( وش صاري وشو)

هههههههه برضو مرحب بيكم (وش مبتسم ومتضامن معكم للانفصال )









------------------
ياولي ياخي طالبوا بالانفصال نحن بنضمكم احسن من تكونوا مهمشين وبنديكم مكان حيضانا بتاعت الجرجير

Quote: معروف من زمان اولاد امدرمان المسالمة وحي العرب والملازمين وبيت المال عندهم راي في باقي اولاد امدرمان والعنصرية دي معروفه وللان.انت تقوم تختوا روحكم معاهم كدي حلوا مشكلتكم مع اولاد امدرمان ولماذا هم متبرين منكم .

هوي ياجيرجيرابي
نحن شديدييين ... وخلينا مع بعض .. امور الفتن دي مابتمشي معانا.

Quote: نحن شديدييين ... وخلينا مع بعض .. امور الفتن دي مابتمشي معانا.

يا ولّي
فتن شنو يازول انا اخواني في البيت شابكني نحن اولاد امدرمان
وتربية امدرمان تقول لي شنو
بعدين ياوليد ياخي والله انا لي علاقات طيبة مع اولاد امدرمان عامة
بالامبدات يعني اي اجازة امدرمان لازم ناخد لينا فيها قعدة قعدتين
فناني المفضل :الكحلاوي + خضر بشير
الشاعر : بشير عتيق










---------------------
ياجماعة صراحة سقنا ليكم البوست للتشجيع ليس إلا وحرام اولاد امدرمان يكون ليس لهم بوست وشكرا للاخ مجدي عوض صديق (امدرمان عالم جميل)

يا جماعه المسألة بتاعت ديل ناس الثورة ولا امبده دي مسألة جانبية وما عندها علاقة بالموضوع الاساسي

اي زول من شمال ام درمان الي جنوب ام درمان ومن النيل الي نهاية ام درمان غربا ده من اولاد وبنات ام درمان

وما عندنا زول افضل من زول وهو من المجتمع ام درمان ومسألة ثقافة المجتمع في ام درمان ما عندها علاقة بالمكان الانت موجود

فيهو ممكن يكون الواحد موجود في واشنطون لكن من ام درمان وواحد في اليابان بيحملوا نفس الفهم والوعي والثقافة حتى لو تلامست


مع ثقافات أخرى لكن نفس الملامح والشبه والوقفة ذاتها ولفتتو ....


الفهم
الوعي
سرعة البديهة
الثقافة
الرقي
اللباقة في الكلام
الكرم
الفن
السياسة
التعليم

وده كلو جاء من وين ؟


ام درمان خليط من افضل جينات السودان من ابناء وبنات جميع انحاء السودان اجتمعوا في هذا المكان فتخالطت العادات

والتقاليد واثمرت عن وجود ثقافة جديدة تحمل افضل المكونات من انسان السودان .

هذا ما شكل المدينة إذا كل انسان سوداني من الشمال او الجنوب او الشرق او الغرب لديه اصل جيني في ام درمان


عشان كده هي المدينة التي حدث حولها تراضي واتفق سكانها على العيش معا وكانت هي الهوية والاصل في الجنس والعرق

والدين لذا تجد ابناء المسالمة انموذج عالمي في التسامح الديني .


ولو انني احببت ام درمان فكان ذلك السبب لانها النموذج للتصالح الوطني وتقبل الاخر بلا اتفاق


والما عندو محبه ما عنده الحبه : ( الشيخ البرعي رحمه الله )

Quote: والما عندو محبه ما عنده الحبه : ( الشيخ البرعي رحمه الله )

سوق الترزية بأم درمان

أم در مان زماااااااااااان