الأشِقّاء Al-Shaygi - ود محْجوب - أبو الحسين

بعيداً عن ساس يسوس

ما لكم في القلْب إلاّ الحُبُّ و التقدير

دي ( حركات جلابة ) .. ما بتنفع معانا ..

لطيف سمِّعني صوتك عليك الله

ياتو ( صوت ) يا علاي ..

الانتخابات لسة ما انتهت يا مان !!!!

وأنا ...

الاخ علاء الدين لك التحية ودمحجوب وابوالحسين اخوة افاضل لهم مني كل الود والاحترام

حاج المُسلّمي
مشكور للمرور
واللهِ هُم أصحاب خُلقٌ جميل و معشر حُلو و لسان ذرب العبارة أنيقها
ومهما اختلفنا فلهم مِنِّي الحُب و التقدير و الإحترام
و تعظيم سلام

صوتك الرّخيم يا لطيف

Quote: دي ( حركات جلابة ) .. ما بتنفع معانا ..

وانت يا تيفا برضو مالك في القلب الا الحب والتقدير


مهما يحدث من نقاش ففي النهاية نحن اشقاء في هذا الوطن الذي يسع الجميع

هلا يا سيدح
لطيف دة بالّذّات من أجمل النّاس
زاملته في الغربة و عرِفته عن قُرب
لذلك تجده دوماً للقلب أقرب

Quote: وأنا ...

إنتِ عارفة ..

و الله يا جماعة محبتكم دي كتيرة خلاس ..

( إدفقت )

كدي ادوا الشعب دا شوية منها .. امكن ربنا يفتح عليه شوية ..

الشعب يا لطيف قابله حُبّاً يِحُب


بعدين عليك الله ما تقلِب لينا سياسة
دة بوست زهور وورد و كِدة

Quote: دة بوست زهور وورد و كِدة

حلوي .. دي ..

أوكي .. خليك رومانسي لبعض الوقت ..
فك زهجة النتخابات دي هنا .. أو في ود الصايم .. ( الرجل الشليق ) ..

دة بوست زهور وورد و كِدة

هاك دي طيب
ولو عجبتك اديها للزول البهااااااااااااااااتر دا عشاااااااان يتخااااااااارج ويشوف ليه بوست مجاور
" />">

Quote: إنتِ عارفة ..

لوووووووووووووووووول لكن
وكان ما أخاف (الملامة) كان كتبت كلمة عماد عبد الله ديكـ
والكلها يييييييييييييييييي




_________________________
هيي يا ميادة ما تنشبكي فيني أنا بضحكـ ساي

Quote: لو عجبتك اديها للزول البهااااااااااااااااتر دا عشاااااااان يتخااااااااارج ويشوف ليه بوست

انت مجنونة ؟؟؟

Quote: الأشِقّاء Al-Shaygi - ود محْجوب - أبو الحسين ما لكم في القلْب إلاّ الحُبُّ و التقدير

وتظَل البينَّا عااااااامري...

Quote: وتظَل البينَّا عااااااامري...

وليت الذي بيني و بينك عامِرٌ و بيني و بين العالمين خرابُ

Quote: لو عجبتك اديها للزول البهااااااااااااااااتر دا عشاااااااان يتخااااااااارج ويشوف ليه بوست

انت مجنونة ؟؟؟

عُمران
إنت و صوفك عليك الله

الأخ الكريم علاء

سلام الله

Quote: كانت كانت كانت مروي حُرّة من دنس السادة من إستحقارهم من خداعهم من كذِبهم من نِفاقهم و من البياض الكانوا بياخدوهو و من الواطة الكانوا بقلعوها تاني مافيش سيدي و سيدو إنت بي ظروفك

فى إنسان بحب أخوة يكتب أو ينقل مثل هذا الحديث؟؟؟؟

نقول و نقول و نقول
و نظلّ إخوة
عِندك مانِع

شباب الاتحاديين قاطبة ..

ما قرأت لهم هنا إلا كلاماً طيباً ..

شهادة للتاريخ ولله ..

فلهم التحية والتقدير ..


نختلف في السياسية وتبقى العلاقات والصلات الطيبة ..



شكراً أخي علاء الدين ..

Quote: هيي يا ميادة ما تنشبكي فيني أنا بضحكـ ساي

تضحك براااااااااااااك ليييييييييييييه
ما تضحكنا معاك ياخ

Quote: وكان ما أخاف (الملامة) كان كتبت كلمة عماد عبد الله ديكـ والكلها ييييييييييييييييي

هو لكين عماد قال شنو !!!!!!!!!!!!!!!!

يا علاء الدين ..
كلنا في الاصل ختميه ..
وان اختلفنا سياسيا ..لكن محبتهم في قلوبنا ..
ما يحفظه التاريخ للاتحاديين انهم ما حاربوا ولا قتلو يوما مواطنا سودانيا ..
لم يتمردوا علي هذا الوطن ..
لم يخونوه يوما..
وقد كافحوا بشرف..
تكفيهم كلمة اتحادي ..
اتمني ان يعودوا كما كانو وان يتركوا المارقين في اوحالهم ..
اتوقع لهم دورا كبيرا في المرحلة القادمة ..

Quote: يا علاء الدين .. كلنا في الاصل ختميه .. وان اختلفنا سياسيا ..لكن محبتهم في قلوبنا .. ما يحفظه التاريخ للاتحاديين انهم ما حاربوا ولا قتلو يوما مواطنا سودانيا .. لم يتمردوا علي هذا الوطن .. لم يخونوه يوما.. وقد كافحوا بشرف.. تكفيهم كلمة اتحادي ..

شكراً أخي الماجد فيصل الرشيد والله يكملك بي عقلك...

وكلماتك الطيبة تُوحي أنك حقيقي تربية ختمية...

قد نختلف يا عزيزي في بعض الأشياء لكن يجب أن يكون الإحترام بيننا متفقين أو مختلفين...

ما أُريد أن أُنبه عليه الإخوة هنا وعلى رأسهم قريبي علاء هُو مراعاة مشاعر الناس عندما يُمسك أحدنا قلمه ليكتب شي ما خصوصاً عن الرموز وأقصد هنا رموزنا الدينية والسياسية...

فإحترام مولانا السيد الميرغني مثلاً... وإن إختلفنا معه في عقيدة الختمية أو الخط السياسي الإتحادي هُو إحترام وتقدير لأهلنا الذين سبقونا وهُم مشهودٌ لهم بحُب السادة المراغنة آل بيت المصطفى صلى الله عليه وآله وسلم... فكان النتاج الطبيعي لنا أن نحبهم على محبة أهلنا وذلك من باب الإبن البار... يبر أصدقاء والديه بعد مماتهم فكأنما بر بوالديه...

ونصيحة في شكل تخريمة لقريبي علاء:

أخَتَى دَرِب سيف مساعد وهاشم نُورِيت فالخير في المُشاقَقَة من طريقهما!!! ودي نصيحة مني ليك لوجه الله تعالى...

ويظل الحُب والمودة هي بيننا دوماً...

إتقطّع أنا كان بباري ساري الليل أو دريباتو يا أبو الحسين يا حبيب
يا سيِّدي
نغضُب أحياناً و نشتطّ في الحديث و يعلو صوتنا
و لكن
لك العُتبى حتى ترضى إن مسّك في شخصك الكريم أي سوء مِنِّي
قدنظلُّ نختلِف في بعض الأمور
لكن نظل إخوة

شباب الاتحاديين قاطبة ..

ما قرأت لهم هنا إلا كلاماً طيباً ..

شهادة للتاريخ ولله ..

فلهم التحية والتقدير ..


نختلف في السياسية وتبقى العلاقات والصلات الطيبة ..



شكراً أخي علاء الدين ..

نعم جاد
يتّسِمون بخُلق ٍ رفيع و تهذيب كبير و حرفٍ أنيق

البوست ده مفخخ

.

Quote: الأشِقّاء Al-Shaygi - ود محْجوب - أبو الحسين

الأخ علاْء الدين
تحياتي ..

بعيدا عن ساس يسوس .. برضو

لا أعرف .. لكن اول ما طالعت العنوان قرأته هكذا:
الأشِقّياء Al-Shaygi - ود محْجوب - أبو الحسين.

فأعذرني ياصاحب ..
فقد أصبحنا لا نرى إلا الشوك في الورود
تحياتي لك ولضيوفك

سيف اليزل
ثِقة بقت ماف يعني؟
الشباب ديل حبايب واللهِ
نختلِف و نعود إخوة

هوي يا كونت
أمنع الفارغة وإتخارج

يمين ما مفخَخ

Quote: إتقطّع أنا كان بباري ساري الليل أو دريباتو يا أبو الحسين يا حبيب يا سيِّدي نغضُب أحياناً و نشتطّ في الحديث و يعلو صوتنا و لكن لك العُتبى حتى ترضى إن مسّك في شخصك الكريم أي سوء مِنِّي قدنظلُّ نختلِف في بعض الأمور لكن نظل إخوة

من أجل هؤلاء الاشقاء ،، وهذه الكلمات

تحياتنا الاخ/ علاءالدين

تعرِف يا مُبارك
كُنت مُتوقِّع ألقاك بادي لي بي الفرمالة إيّاها
و جيت جاهِز لكن خيّبت ظنِّي

ما كُنت عارف إنّك إتِّحادي
لمن قريت بوستاتك الأخيرة إحترت في لُغتك الكانت معاي
لأنّها لا تُشبِه أخلاق الإتِّحاديين
عموماً يا سيِّدي
علّها تكُن فاتحة خيرٍ بيننا
و مرحب بيك أخ كريم بين إخوة كِرام

Quote: وتظَل البينَّا عااااااامري

ود الحسين العامرةبرضو الشايقية بكسروها؟؟؟

مع تحياتي وودي للجميع

اعتقد ان هذا البوست موفق

الاتحادي الديمقراطي هو الحزب الذي يحمل جميع الحلول لمشاكل السودان
الأشقاء الذين ذكرتهم هم نبراس في هذا المنبر


الصادق

تشكر يا علاء لهذا البوست الموفق
ما ذكرتهم تحديدا وغيرهم من اتحاديين في المنبر اشهد لهم بافقهم الواسع وصدقهم ومحاورتهم الهادفة،الثرة، الخالية من المهاترات. كيف لا وهم تربية اسيادنا الختمية المؤصلة ،الضاربة الجذور في اعمق اعماق البيئات السودانية المختلفة التي مكنتها من نشر الاسلام السمح الوسطي، بعيدا من الغلو والتفريط المبرا من الزيف والضلال
هم اهلنا يا علاء واحبابنا مهما اختلفنا معهم

نشكر لك استدراكك ، كنت على وشك ان انبهك الى ذلك بعد ان كادت تجرفك معمعة التنافس الانتخابي


---------------------
ولا ننسى ان نضيف لهم اخونا وحبيبنا وزميلنا ود الشيخ
كيفك يا ود الشيخ وما طمنتنا على الولد الممتحن

غايتو يابن عمي اتنين من التلاتة ديل على ضمانتي والله،،

أبو الحسين

والشايقي،،

نعم الأخوة والأصدقاء والزملاء ،،

الشايقي دا ما أظنو يظهر عليك اليومين ديل شايف الناس قاعد تبارك ليه شنو كدا ماعارف!!!


احييك على شغلك الإحترافي ، وعجبوني ناس شبا جابو لي صورة ابوي في افتتاح النادي!!!

Quote: وعجبوني ناس شبا

يا ود بكري شبا حقتنا ولا شبا تانية؟
دعنا نتواصل
جوالي في البروفايل

Quote: هوي يا كونت أمنع الفارغة وإتخارج يمين ما مفخَخ

علاء الدين صاحبي الكوز
تعجبني دائما في انك بتعرف تكون متصالح مع نفسك وهواها حتى ولو لم يعجب ذلك اخرون .
بالمناسبة ابو الحسين ده قدامنا في الدراسة بي اربعة أو خمسة سنة لكن اكرمني الزمن بأن اكون احد تلامذته في المرحلة الثانوية وبعدها جمعتني به هذه الغربة بعيدا عن أهلنا فوجدته نعم الأخ الكبير والصديق العزيز وفوق كل هذا حفظت له احترام الأستاذ الجليل فهو فعلا يستحق ان يكون صديقا لي ولك ونفخر بذلك بعيدا عن ساس يسوس

Quote: كانت كانت كانت مروي حُرّة من دنس السادة من إستحقارهم من خداعهم من كذِبهم من نِفاقهم و من البياض الكانوا بياخدوهو و من الواطة الكانوا بقلعوها تاني مافيش سيدي و سيدو إنت بي ظروفك

ليه كدا يا علاء؟؟؟؟
ليه الشتيمة دي في حق المراغنة؟؟؟
حسبي الله ونعم الوكيل
يا ريت تراجع نفسك وتراجع ما كتبت
لو راجعت نفسك ووجدت انك يجب ان تعتذر
فـ يا ريت تعتذر فالإعتذار فضيلة يا علاء
وإن لم تجد انك قد أخطأت وشتمت
وان ما كتبته صحيح في حقهم
فيؤسفني ان ينتقص ذلك من إحترامي لك!!

اثني كلام الاخت انعام
وحقيقة ما كتبته لا يشبه علاء الدين يوسف، ولا اعلم في اي مود كنت
وانا بصراحة لم اقرأه الا في هذا البوست وكنت قد مررت على البوست المعني ولم اكمله

لك حرية القرار، ولكن اذا ارتأيت انه فعلا لا يمثلك فنرجو حذفه

ده بوست موفق

من الاخ علاء

بادرة البياض كم وزارة كده


الوفاق الوطني

وكف اعلام المؤتمر الوطني عن الاتحادي الاصل فرع المؤتمر الوطني

Quote: يا ود بكري شبا حقتنا ولا شبا تانية؟ دعنا نتواصل جوالي في البروفايل

صبس كتبت مداخلتك دي وجريت البطانية؟؟

بكرة بيناتنا إن الله اراد،،

وهي ياها شبا الواحدة دي!!

الان تجمعت الخيوط
مرحب بالبغاديد

Quote: وليت الذي بيني و بينك عامِرٌ و بيني و بين العالمين خرابُ

مقولة في نظم جميل :


1 منى كن لي أن البياض خضاب *** فيخفى بتبييض القرون شباب
2 ليالي عند البيض فوداي فتنة *** وفخر وذاك الفخر عندي عاب
3 فكيف أذم اليوم ما كنت أشتهي *** وأدعو بما أشكوه حين أجاب
4 جلا اللون عن لون هدى كل مسلك *** كما انجاب عن ضوء النهار ضباب
5 وفي الجسم نفس لا تشيب بشيبه *** ولو أن ما في الوجه منه حراب
6 لها ظفر إن كل ظفر أعده *** وناب إذا لم يبق في الفم ناب
7 يغير مني الدهر ما شاء غيرها *** وأبلغ أقصى العمر وهي كعاب
8 وإني لنجم تهتدي بي صحبتي *** إذا حال من دون النجوم سحاب
9 غني عن الأوطان لا يستفزني *** إلى بلد سافرت عنه إياب
10 وعن ذملان العيس إن سامحت به *** وإلا ففي أكوارهن عقاب
11 وأصدى فلا أبدي إلى الماء حاجة *** وللشمس فوق اليعملات لعاب
12 وللسر مني موضع لا يناله *** نديم ولا يفضي إليه شراب
13 وللخود مني ساعة ثم بيننا *** فلاة إلى غير اللقاء تجاب
14 وما العشق إلا غرة وطماعة *** يعرض قلب نفسه فيصاب
15 وغير فؤادي للغواني رمية *** وغير بناني للزجاج ركاب
16 تركنا لأطراف القنا كل شهوة *** فليس لنا إلا بهن لعاب
17 نصرفه للطعن فوق حواذر *** قد انقصفت فيهن منه كعاب
18 أعز مكان في الدنى سرج سابح *** وخير جليس في الزمان كتاب
19 وبحر أبو المسك الخضم الذي له *** على كل بحر زخرة وعباب
20 تجاوز قدر المدح حتى كأنه *** بأحسن ما يثنى عليه يعاب
21 وغالبه الأعداء ثم عنوا له *** كما غالبت بيض السيوف رقاب
22 وأكثر ما تلقى أبا المسك بذلة *** إذا لم تصن إلا الحديد ثياب
23 وأوسع ما تلقاه صدرا وخلفه *** رماء وطعن والأمام ضراب
24 وأنفذ ما تلقاه حكما إذا قضى *** قضاء ملوك الأرض منه غضاب
25 يقود إليه طاعة الناس فضله *** ولو لم يقدها نائل وعقاب
26 أيا أسدا في جسمه روح ضيغم *** وكم أسد أرواحهن كلاب
27 ويا آخذا من دهره حق نفسه *** ومثلك يعطى حقه ويهاب
28 لنا عند هذا الدهر حق يلطه *** وقد قل إعتاب وطال عتاب
29 وقد تحدث الأيام عندك شيمة *** وتنعمر الأوقات وهي يباب
30 ولا ملك إلا أنت والملك فضلة *** كأنك نصل فيه وهو قراب
31 أرى لي بقربي منك عينا قريرة *** وإن كان قربا بالبعاد يشاب
32 وهل نافعي أن ترفع الحجب بيننا *** ودون الذي أملت منك حجاب
33 أقل سلامي حب ما خف عنكم *** وأسكت كيما لا يكون جواب
34 وفي النفس حاجات وفيك فطانة *** سكوتي بيان عندها وخطاب
35 وما أنا بالباغي على الحب رشوة *** ضعيف هوى يبغى عليه ثواب
36 وما شئت إلا أن أدل عواذلي *** على أن رأيي في هواك صواب
37 وأعلم قوما خالفوني فشرقوا *** وغربت أني قد ظفرت وخابوا
38 جرى الخلف إلا فيك أنك واحد *** وأنك ليث والملوك ذئاب
39 وأنك إن قويست صحف قارئ *** ذئابا ولم يخطئ فقال ذباب
40 وإن مديح الناس حق وباطل *** ومدحك حق ليس فيه كذاب
41 إذا نلت منك الود فالمال هين *** وكل الذي فوق التراب تراب
42 وما كنت لولا أنت إلا مهاجرا *** له كل يوم بلدة وصحاب
43 ولكنك الدنيا إلي حبيبة *** فما عنك لي إلا إليك ذهاب








ياعلاء لو بمعنى وقيمة الابيات فلك التحية بعيداً برضو عن ساس .



......................................................................حجر.

كتب الشفيع

Quote: ننسى ان نضيف لهم اخونا وحبيبنا وزميلنا ود الشيخ كيفك يا ود الشيخ وما طمنتنا على الولد الممتحن

وتشكر اخي الشفيع على وصفي بما لا استحقه و وضعي في مقام ود الحسين و الشايقي وود محجوب.
الولد امتحن تمام التمام الحمد لله و سوف يحضر الأسبوع القادم.
علاء الدين وعدني بالمقابلة ووصفت ليهو موقع البيت بتاعنا قريب من بيتهم لكنه اخلف و اظنو خايف ( يساهلني).

Quote: الان تجمعت الخيوط مرحب بالبغاديد

لا حولاااااااااااااا
الشفيع انت من البغاديد بالله

.
.
.بوست يحتذى

مبروك

تسجيل موقِف و تثبيت مبدأ و تراجُع عن خطأ

الأُخت الكريمة إنعام عبد الحفيظ
ليس لكم في قلبي أنتم إخوتنا الإتحاديين إلا الحُب و التقدير و الإحترام
أخطأت بأن شملتكم غضبتي التي هي من قادة الحِزب لأسباب كثيرة

الغضب يعمي أحياناً
أعتذِر و بشِدّة لكِ و لكُلّ الإخوة الإتحاديين

Quote: تسجيل موقِف و تثبيت مبدأ و تراجُع عن خطأ الأُخت الكريمة إنعام عبد الحفيظ ليس لكم في قلبي أنتم إخوتنا الإتحاديين إلا الحُب و التقدير و الإحترام أخطأت بأن شملتكم غضبتي التي هي من قادة الحِزب لأسباب كثيرة الغضب يعمي أحياناً أعتذِر و بشِدّة لكِ و لكُلّ الإخوة الإتحاديين

شكراً يا علاء وكان ذلك عشمي فيك
لا تجعل الغضب ينسيك أدب الإختلاف

كيفك يا كونت
ما تقول لي انت من بي هناك كمان؟
غايتو بوست علاء ده لمانا في ناس كتااار

انا من الفقرا والعاشاب ،البغاديد ديل اهلنا من قرييب

اتصل بي احد الاخوة من جدة ويدعى عبد اللطيف
وعرف نفسه بانه معارضة
وابدى اعجابه الشديد جدا بهذا البوست وقال انه بكى وبشده من تاثره بكلام علاء
وتحدث معي والله والعبرة تخنقه وقطع كلامه في المحادثة اكثر من مرة ليجمع انفاسه
وطلب منى ارسال تحاياه الخالصة لعلاء
وختم حديثه بان السودان بخير

نعم نعم السودان بخير
ولك الف التحية اخي عبد اللطيف

الاخ جمــال أبوالحسين
تفرقنـــا معــه السياســـة
وتجمعنــا بـــه طيبـــة القريـــة وعبق الجروف
ونقاء وصفـــاء أهلنــــا وأحبابنـــا الختميـــة
أمــا صديقنا حسن الشايقي فيكفي شعاره فاوضني بــلازعـــــــل
لهــم وولللاخ ود محجــوب كل التقدير والــود
ولك علاء خالص التحايا
ومعــا نحو وطـــن يســع الجميـــع