يابا ناس العبادى ديل جوك

ود الرضى تعرض لحادث سقوط فى المسجد فى عام 1973 واصيب بكسر فى الترقوة عالجه الشاعر والاعلامى عمر الحاج موسى وكان وقتها وزيرا للثقافة حيث مكث فى المستشفى ثلاثة اشهر وقبع بعدها فى غرفته فى المنزل حيث كان منزله قبلة للشعراء والاهل والاصدقاء ويروى الاستاذ الطيب الرضى اخر زيارة حيث رفض الشيخ ود الرضى ان يتناول طعاما او شرابا فى صبيحة يوم الجمعة فجائه العبادى وعبيد عبد الرحمن وعبد الله الماحى وعتيق ومبارك المغربى فلما حضر هؤلاء الشعراء والحديث للاستاذ الطيب ايقظته وقلت له "يابا ناس العبادى ديل جوك " هنا تذكر الاستاذ الطيب الرضى وتمتلئ عيناه بالدموع وهو يحكى قائلا" هب والدى من رقدته وهو يصيح اهلى جواهلى جو" وفوجئنا به ياكل ويشرب معهم وهو يضحك ويتبادلون الشعر ولم تمضى ايام على تلك الزيارة حتى توفى عام 1982 .


(منقول)

___
هوي الخلخال
آداء طارق ابوعبيدة

ورد في أثر السابقين , أن عودوا الي حبيباتكم و معايشكم يرحمكم الله , قضي الامر و انفض السامر , سيفوز من بيده الامر.
فعودوا اليهن و أسكنوا و اطلبوا عندهن الرحمة (اصلو مافي شي مغتس حجرنا غيرهن) حدثوهن إنكم فعلتم ما استطعتم
سيطببن جروح ارواحكم و سيصدقنكم فهن حَنينات

ولا تنسوا رجاءَ , ان تطلبوا الرحمة و المغفرة لي شيخنا ودالرضي فقد جَمّل قبحنا قدرما إستطاع

Quote: ورد في أثر السابقين , أن عودوا الي حبيباتكم و معايشكم يرحمكم الله , قضي الامر و انفض السامر , سيفوز من بيده الامر. فعودوا اليهن و أسكنوا و اطلبوا عندهن الرحمة (اصلو مافي شي مغتس حجرنا غيرهن) حدثوهن إنكم فعلتم ما استطعتم سيطببن جروح ارواحكم و سيصدقنكم فهن حَنينات

وددت المشاركة,,ولكن هربت الكلمات وتيبس القلم
شكرا ابو لقاء
-----------
اها شنو؟

الدوام لله يا ابومهند
و لو في خير بجيك
ولو ما جاك إذن مو هيلك

فتجلّد

حبيبي إنت يا خدر

كتلتنا كَتْله ... رابِط الحِفِظ ... رابِط الحِفِظ ... واااااااي ... رابِط الحِفِظ ... رابِط الحِفِظ ... تاني وااااااي

حلفتني بالغالي يا عزام
بس ما تغيب مِننا
لنك الخفظ ده بقي يحرمني من طلتكم

هوي الخلخال

يا خى روعة..

يديك الجمال مع العافيه.

تشكر يا ود مكي يا صديقي
اهو الحمد لله الصحة في
فضل لي الجمال , الله يجيبو بعد ده الحال

Quote: حبيبي إنت يا خدر كتلتنا كَتْله ... رابِط الحِفِظ ... رابِط الحِفِظ ... واااااااي ... رابِط الحِفِظ ... رابِط الحِفِظ ... تاني وااااااي

البدري
عزام صاحبي ده انا ظارو بعّرفو
الله يديهو العافية .. خليهو

يا زول انت ما شايف نفسك ؟؟
وانت ماشي بتحت جمال بس!!
أشهد لك به.
طارق
مودة شددددديدة

شكرا يا حبيب ....

- عندي تعليق علي النص المنقول فوق دا ، راجع الماسنجر -

انا لله منك يا طارق



انا لله ياخ


تعرف دايما بتبع اسمك الخدر دا
ودايما بتوقع انو في حاجة لذيذة
ونادرا ما تخيب ظني ياخ


ياخ ربنا يفتحها عليك محل ما تقبل
ويزيدك جمال على جمالك يا جميل


شكرا لامتاعي ياخ
ومحبتي التي تعلم

غناك و كلام ود الرضي ما بناباهو
لكن دى

Quote: إنكم فعلتم ما استطعتم

ما صاح ... و ما عاوز انقنق ابوظ الغنا السمح

Quote: عودوا الي حبيباتكم

سؤال اخير
و الما عندو حبيبة زيي كده يسوى شنو؟

اخيرا ياخدر رجعت لصوابك وعرفت الله حق
قبيل شن قلنا يافردة

قرررض على كدا

Quote: سؤال اخير و الما عندو حبيبة زيي كده يسوى شنو؟

تابع اخبار فوز البشير

لا تظهر الشماتة لاخيك يا اميرة
فيعافية الله و يتغلب المريخ زي الترتيب






غباشي
يشهد الله فقدتك
لكن بلدك ما معروفة وين زاتو
كيفك و ماك طيب يا فنان

طلعتنا من احباط ابدي
وماذال مستمر

خدر مشتاقين ياخ

يا كافي البلاء لا بتفقدوا الزول لا بتسألوا ...

تسلم يا رائع

عبدالله وداعة
شكرا علي الكلام الجميل ياخي
و وينك غائب لينا زمن منك
الله يجبر خاترك يا فنان







يا عصام
اها قول عملوا !! حا يتغير شنو ؟
اما فيما يخص الاشداء غلاظ القلوب امثالك
فالله غالب , عليك بالفيس بوك

احمد الصديق
مودة اشد يا فنان
شكرا علي جبرالخاتر






شكرا يا وليد علي التنبيه
و علي المرور البهي

Quote: عبدالله وداعة شكرا علي الكلام الجميل ياخي و وينك غائب لينا زمن منك الله يجبر خاترك يا فنان

والله يا طارق موجود
وبجي دايما اتلصص انصاص الليالي
جري الدنيا وبس

ياخ ما ندمان على حاجة الا اني ما لاقيتك جيتك لندن الاخيرة
رغم اني عزمت ناس كتيرة تمشي وتسمعك بس كنت شغال
وماقدرت اجي والاقيك

العزاء انو الواحد بجي يسمعك وبسرق حاجاتك الحلوة دي
وبنزين بيها مكتبتنا الخاصة

تسلم انت يا حلو

و الحبيبات أيضا فعلن ما بوسعهن ياخدر ولكن لا بواكي عليهن


عصام

Quote: و الما عندو حبيبة زيي كده يسوى شنو؟

اصنع لنفسك واحدة كما تشتهي

وداعة
معقولة بس
تهدي الناس علي و تغيب انت






عفراء
أكتاف الاحبة في انتظاركن يا بناتنا
لكن امانة في ذمتك
بواكي اكتر من تاريخنا الغنائي
ده كلو !! كيف تاني يا سِتنا!!
ماشايفه دموع صاحبي الفوق ده ؟

طارق أبو عبيدة
وود الرضي
والعبادي
( مآلات السودان )
والنسيم الهبالي

و( العودة القسرية ) لـ ( الأحضان القهرية )

في وجود رابط الحفظ أو بدونه فإنا هاهنا مرابطون

مرابطون ننهل من ظرف الظريفين وشماتة الشامتين وفرح المنتشين وغضبة الغاضبين

ومرابطون رغم ( ضآلتنا ) التي أحسسناها والرد على ( نص ) ذكر في ( المنبر العام ) يتم في ( الماسنجر )

طلعتنا من احباط .
عنيف ..كل الود

عاطف عمر
تشكرات يا حبيب
غبت عننا كتير , إنشاء الله خير
المسنجر جاني فيهو تنبيه للنص المنقول في اول البوست حول تاريخ مرض و وفاة شيخنا ودالرضي ,
في تناقض بينهم و اعتقد انو ده خطاء الكاتب إن لم يكن خطاء كتابي (اتحمل نصيبي من الخطاء عن نقلي دون تبّصر)

و دمت رايق و ساكن في صفا و تأمين.






شكرا يا باسط
مافي إحباط يا فنان
وهذا البوست بمثابة اعلان
لطي صفحة الانتخابات

مافي إحباط يا فنان
وهذا البوست بمثابة اعلان
انو عباس عمر زي الورد
نحبك ياخ

Quote: مافي إحباط يا فنان وهذا البوست بمثابة اعلان انو عباس عمر زي الورد نحبك ياخ

الحمد لله بث

خالد العبيد
خشمك فوقو اللبن
شكرا يا فنان .. اهو كدي يادوب
الاحباط في 60





زغردي يا سلوم
عباس بخير

المداخلة دى نزلت باسم عمر يوب

خطاء

اميرة الشيخ ..

حضور
طارق ..الله يحفظك يااااخ .

العزيز عاطف عمر

Quote: ومرابطون رغم ( ضآلتنا ) التي أحسسناها والرد على ( نص ) ذكر في ( المنبر العام ) يتم في ( الماسنجر )

ياخي تقبل كامل اسفي واعتذاري ان تداعي لك انني فعلت ذلك عامدا التقليل من شأن أي كان هنا ،

في الاجمال انا شايف انو الناس اصحاب طارق ابوعبيدة دا البيجو في بوستاتو ديل ناس كويسين ،

بعدين زي ما قال ليك طارق الرد في الماسنجر كان تنبيه بخصوص التواريخ الواردة في النص المنقول اعلاه ( 1973 و 1982) فأنا شفت انو دا ما موضوع البوست الاساسي وخفت يجو الناس

بتاعين الشولة والهمزة والانصرافية ديك يخربوا لينا مزاج طارق ومزاجنا فرأيت انو ارسل ليهو بالماسنجر ....

تقبل احترامي الثابت والأكيد ياعزيزي عاطف عمر ولولا ذلك ما اجتهدت في الرد عليك وكامل مودتي ...

أرحم يا جميل ..
ثم أدينا من زي ده و .. أكثِر ..
فلقد جاوزنا الميقات و ما أحرمنا .. قام حجنا باظ ..
أها قلنا : فهي عُمره .. و تمرين لسعي تقيل جاي ..
لا يسنده إلا جِنس ده من الغُنا .. و الجمال .

بللاهي يا ود التوم .. أكان من اووووول بقينا على الأدب و الكتابة و الشعر و الفن و المزيكة و اللون .. و كل مُنكهات الحياة ياخي و بهاراتها ..
ما كان هسه حالنا غير ؟؟

ياخي ينصر دينك يا جميل ..
و يريحك شقيش قبّلتَ .


.........
زولك ده شوفوا ليهو شيتاً يبلّ بيهو ريقو ..
برضو زول أخونا و كده .

ون تو جميل جدا يا عفراء

Quote: و الحبيبات أيضا فعلن ما بوسعهن ياخدر ولكن لا بواكي عليهن

وخدر :)

Quote: أكتاف الاحبة في انتظاركن يا بناتنا لكن امانة في ذمتك بواكي اكتر من تاريخنا الغنائي ده كلو !! كيف تاني يا سِتنا!! ماشايفه دموع صاحبي الفوق ده ؟

فتحي الصديق
شكرا كتير ياخ
يدينا و يديك عافية



ود التوم
صدقت والله
كان سويناها ثقافة ساي من زمن المحجوب
كان حالنا إنصلح و اخلاقنا إتصلحت
الله يقرفنا ياخي

Quote: ياخي تقبل كامل اسفي واعتذاري ان تداعي لك انني فعلت ذلك عامدا التقليل من شأن أي كان هنا ، في الاجمال انا شايف انو الناس اصحاب طارق ابوعبيدة دا البيجو في بوستاتو ديل ناس كويسين ، بعدين زي ما قال ليك طارق الرد في الماسنجر كان تنبيه بخصوص التواريخ الواردة في النص المنقول اعلاه ( 1973 و 1982) فأنا شفت انو دا ما موضوع البوست الاساسي وخفت يجو الناس بتاعين الشولة والهمزة والانصرافية ديك يخربوا لينا مزاج طارق ومزاجنا فرأيت انو ارسل ليهو بالماسنجر .... تقبل احترامي الثابت والأكيد ياعزيزي عاطف عمر ولولا ذلك ما اجتهدت في الرد عليك وكامل مودتي ...

واحترام وأكيد امتنان عزيزي الوليد
وشكري العميق لك وأنت تقدم هذا النموذج الراقي للتعامل مع ( النقد ).
فنقدنا كان من باب العشم
إنطلقنا فيه من قاعدة أنه " كما الرزق فإن المعرفة أيضاً ( تلاقيط ) "**
فقد قدم العزيز خدر قصة نتعرف عليها لأول مرة . أخذناها ( يا مومن يا مصدق ) كما وردت
لذلك كنا نظن أنه إن كان ثمة تصويب لها أن يتم حيث وردت حتى لا نسهم نحن من تعرفنا عليها لأول مرة - دون قصد - في ترويج قصص غير دقيقة ، أو حتى نبني معارفنا على ( الأصوب ) وذلك لعمري السمة التي تميز الكتابة في المنابر الإسفيرية


_____________________________________


" كما الرزق فإن المعرفة أيضاً ( تلاقيط ) "**

هذه القاعدة من نجري أنا العبد الفقير لربه وهذا التوضيح لازم كى لا يأتيني ( بتاعين الشولة والهمزة ) ويزرزروني .

شكرا يا عاطف والتحايا للجميع

ملاحظتي كانت عن انو في النص المنقول الرواية بتقول

Quote: ود الرضى تعرض لحادث سقوط فى المسجد فى عام 1973

وفي النهاية بتقول

Quote: ولم تمضى ايام على تلك الزيارة حتى توفى عام 1982

فاما انو الحادثتين غير متصلات ببعض للفارق الزماني ، ولكن طريقة الرواية او الكتابة اوحت بكده ،

او انو في خطأ في التواريخ .


مودتي للجميع واعتذاري لو طلعت من الموضوع .

ثلاث هن

1- ينصر دينك

2-

Quote: سيطببن جروح ارواحكم و سيصدقنكم فهن حَنينات

كان تضمنهم بنتوكل

3- بالله زول يفقد لينا عزام ده و يطمنا





و بس

الجميل ,,طارق ,,تسلم يا أخي وفعلا محتاجين لي حاجة زي دي تبرد الجوف.


ربنا يفتحها عليك شقيش ما تقبل.

يا البدري عبدالله ... يا نصرالدين صلاح ... إنتو وين يااااخ أنا مااا أحييي

عن ود الرضي عن عبدالله الماحي عن عصام البنا عن خِدر (رضي الله عنه وأرضاه) غنى ، فباااالغ :

النسيم هبالي يا حسينة الذات والجمر هبالي
ياحبيب رحماك لا تزيد بلبالى
ولا تكون شكواي موية في غِربالي
يا نسيم الليل روح وأعرض حالي
قولو نام الخالي
وهو يتخيل رنة الخلخال
بالنظر أسخالي
وهنئ بِرؤياك الحياة الماسخالي
يا نسيم الليل روح وأعرض حالي
كم وكم قبالى قلبو مشغول بيك وإنت ماك مُبالي
أنا كل ما أطراك العقل يابالي
يا حبيبي البي حَنَنَ اليابالي
يا نسيم الليل روح وأعرض حالي
قالي فيق يا غالى إن تنلْ شكواك لي لست مُبالي
آه كل ما أطراك لا أعى إقبالي
صرت من البى شخصي كاد يغبالي
يا نسيم الليل روح
لامني فيك الوالي واللّ ما بيسَوى وكل من يأوالي
لست أعبأ بِزخرف الأقوالِ
برضي في التبريح والبُـكا المُتوالي
يا نسيم الليل روح
يا نسيم لي والى هب من المحبوب في كِلا الأحوالِ
ها أنا الراجيك واقفًا لِنوالي
وقفة المرؤوس في رضاء الوالي
يا نسيم الليل روح وأعرض حالي
لحبيبي الروح جيبلى طيبو الحالي
يا نسيم الليل

رواه عزام عن الإسفير

اذيدك من الشعر ابيات يا عزام
البيتين ديل انا غنيتهم مقلوبين بخلاف نص القصيدة الاصلي
شفت شخينا حريف كيف , كلو عاشق و معشوق و لا يختل المعني

____


الابيات بالترتيب الصحيح

كم وكم قبالى قلبو مشغول بيك
وإت ماك مُبالي
أه كل ما أطراك لا أعى إقبالي
صرت من البى شخصي كاد يغبالي

قالي فيق يا غالى
إن تنلْ شكواك لي لست ابالي
آه كل ما أطراك
العقل يابالي يا حبيبي
البي حَنَنَ اليابالي

__
مدد مدد يا شيخي

و يفتحها عليك يا سيف ياخي
سعدت جدا بالمقابلة والله
إنشاء الله نتلاقي قريب تاني
و شكرا كتير

اماني الامين
عفراء انا عارفها بتكون فعلا ابلت بلاَ جيدا
تستحق ياخي و كل اخياتا يستحقن
اريتك طيبة انت !!




نصر الدين يا صاحبي
صراحة الحبيبات ما مضمونات
ما بقدر اورطك ساي
القصة دي عاوزة ليها حرفنة
تقدر تتحرفن !؟

سمعت الاغنية دى عند عاصم البنا , بـ أوركسترا كاملة
ودعيت الله فى سرى

وسمعتها عند خدر بعود , ودعيت الله فى سرى زى مليون مرة

Quote: صراحة الحبيبات ما مضمونات ما بقدر اورطك ساي القصة دي عاوزة ليها حرفنة تقدر تتحرفن !؟

سيم سيم ياخدر.

شكرا يا ندي
و ربنا يقبل منك صالح الدعوات



اما فيما يخص سيم سيم
فلا سيم سيم ولا حاجة
هو حساب ولا كوار !!

يديك العافية
ديتول اير فرنشر وديس انفاكاتنت

.

ياخدر ..
عودك ده ما يهو.. أكلتنا حنك ساي!
أوعا تقول لي ده العود اللحمر داك بتاع أمريكا، الخلع سيدنا ملاسي!

لكن ياحبة صوتك كل يوم ماشي معتق،
حقو بعد كده تفكر تجهز البت الكبيرة للعرس.

.

شكرا اشرف
شكرا كتير






سيف اليزل
اي كلام عن عودي حا يضايق اخونا زلابية
اعمل حسابك

يا شباب
البلاقي اميمة الفرجوني فيكم (خاصة ناس القاهرة ) يقول ليها عندك اغنية مهداه


الاغنية دي طلبتها مني في 2007 اظن و وعدتها اني اول ما اسجلها حا اهديها ليها

اعفي لي يا بت الفرجوني .. الاهداء متأخر

خدر اخوى
وعلى ذكرى بت الفرجونى اعدت لى اياما هى من الخالدات ابد الدهر عندى
كنا فى السنة الثالثة للجامعة او الثانية حسب الذاكرة الخربة وكان الرائع دوما احمد الفرجونى يسكن فى قرية مقاربة لمنطقة تدعى بلبيس واظنها كانت قرية العدلية وكنا فى جامعة الزقازيق على بعد 18 كليو من قريته وتفاجات يوما بوجوده بيينا على الرغم من انه لم يلبى دعوتى عندما طلبت منه النزول معى فى الزقازيق وكنا مترافقين من اسكندرية الا انه لبى دعوة احد الزملاء من ابناء رفاعة ويسمى بهاء الدين الازرق وضحكت فيه كثيرا عندما علمت بانه حضر (عشان ام العيال) لانها تنتمى بصلة القرابة لبهاء واستغلينا ذلك اليوم وسريع جدا دعينا كل من كلان فى الزقازيق من شباب الى قعدة طرب نظيفة ومحاضرة فى ذات الوقت بعنوان (الاغنية الامدرمانية) متعنا فيها الاستاذ الفرجونى بقصص الحقيبة والدوبوت مع نماذج طبعا ولكن اروع ما كان فى تلك الليلة كان القاء شعرى من احدى بنتيه وكانت الكبرى فيهما من القت قصيدة (بلبيس العدلية) التى نظمها الفرجونى فى حال غربته واحوال بلاده التى غادرها مجبرا
اتمنى ان تكون لديك نسخة من هذه القصيدة وننتظر الاهداء حتى لو اتى متاخرا جدا

Quote: يا شباب البلاقي اميمة الفرجوني فيكم (خاصة ناس القاهرة ) يقول ليها عندك اغنية مهداه الاغنية دي طلبتها مني في 2007 اظن و وعدتها اني اول ما اسجلها حا اهديها ليها اعفي لي يا بت الفرجوني .. الاهداء متأخر

الله

الله

الله

هي كما توقعتها بل واكثر..

تسلم ياخدر يا فنان..

البحير في الموضوع حنية الصوت تنادي القماري.:)

وكان ان عمل (ماتش) مبالغة مع كلمات الاغنية.

اهلنا الانجليز عندهم مثل سمح خلاس.. بقول..

Better late than never

صدقوا شديد.

:).






شكرا ياخدر.

Quote: خدر اخوى وعلى ذكرى بت الفرجونى اعدت لى اياما هى من الخالدات ابد الدهر عندى كنا فى السنة الثالثة للجامعة او الثانية حسب الذاكرة الخربة وكان الرائع دوما احمد الفرجونى يسكن فى قرية مقاربة لمنطقة تدعى بلبيس واظنها كانت قرية العدلية وكنا فى جامعة الزقازيق على بعد 18 كليو من قريته وتفاجات يوما بوجوده بيينا على الرغم من انه لم يلبى دعوتى عندما طلبت منه النزول معى فى الزقازيق وكنا مترافقين من اسكندرية الا انه لبى دعوة احد الزملاء من ابناء رفاعة ويسمى بهاء الدين الازرق وضحكت فيه كثيرا عندما علمت بانه حضر (عشان ام العيال) لانها تنتمى بصلة القرابة لبهاء واستغلينا ذلك اليوم وسريع جدا دعينا كل من كلان فى الزقازيق من شباب الى قعدة طرب نظيفة ومحاضرة فى ذات الوقت بعنوان (الاغنية الامدرمانية) متعنا فيها الاستاذ الفرجونى بقصص الحقيبة والدوبوت مع نماذج طبعا ولكن اروع ما كان فى تلك الليلة كان القاء شعرى من احدى بنتيه وكانت الكبرى فيهما من القت قصيدة (بلبيس العدلية) التى نظمها الفرجونى فى حال غربته واحوال بلاده التى غادرها مجبرا اتمنى ان تكون لديك نسخة من هذه القصيدة وننتظر الاهداء حتى لو اتى متاخرا جدا

الاستاذ مجتبى فاروق

شكرا لك على اعادة ذكرى ليلة خلفت عظيم الاثر في حياتي.

فقد كانت اول مرة لي القي فيها شعرا امام تجمع من السودانيين في مصر وكنت مااذال طالبة بالسنة
الاولى الثانوية. وقد كانت ليلة رائعة بكم بحق.

للاسف لا اذكر القصيدة ظهرا عن قلب..الزمن مشى والكبر دخل..
:).

وليس لدى منها نسخة الان ولكن ماان اتحصل عليها اوعدك بارسالها اليك عبر الماسنجر.


شكرا لك مرة اخرى.