Post: #1 Title: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 02:42 PM
وفي تصريح صحفي لجن اون لاين دوت كم صرح ملك الجن المعروف (شمهروش) بانه لاول مرة بحياته يجرب الاشراف على انتخابات لتزويرها!
واوضح ان الاتصال به فاق ال عامين قضاهم في اعداد خطط لكيفية تزوير الانتخابات حيث كانت تحتاج لمهارت لا علم له بها. وان تم استدعائه عن طريق شيخ السجاده التجانيه الفي فاس الما ورائها ناس وتلميذه شيخها بنيجريا مرورا بتلاميذه بالنيجر و السنغال.
واوضح ان الاتصال به بدأ منذ اعلن اوكامبو قراره وبعد ان نجح في تكبيل اوكامبو وتجميد قراره وجلعه وكأنه يدور في دائرة مغلقه.
طلب منه بعدها تبكيم اوباما بعد فوزه في الانتخابات. والتي فشل في جعله يخسرها حيث وجد صناديقه محروسه بكجور افريقيه وجنيات أسيويه وطلاسم هايتيه!
وانه في سبيل مهمته طلب منه أخذ دوره تدريبيه على ايدي ملك الجن بفارس الذي اشرف على الانتخابات الايرانيه ونجح في تبكيم اوباما لليوم عنها.
وقال بانها كانت دوره ناجحه حيث طبق ما تعمله فيها في المسؤل الامريكي عن ملف السودان اسكوت قريشن وكان لابد ان تكون التجربه باكرا وتثبت نجاحا قبل الانتخابات ليفوز بعطاء الانتخابات حيث اوضح له جهابزة الانقاذ عبر شيخه ان الامر لا يحتمل المغامرات ومالم يثبت قدرات لن يقع له العطاء.
فاثبت لهم القدرات بتطويع ادريس دبي وذلك من خلال اسكوت قريشن الذي استلمه شمهروش وصار الوساس الخناس له!
وبعد ان تأكد جهابزة الانقاذ من قدراته وتابعوا الهروله (الخليليه) للدوحه متبوعه بالدفع(الدبي) تأكدوا بان شمهروش يمكن ان توكل له مهمة الانتخابات.
وفي اندياحه (شمهروشيه) صرح بانه الشغل ده ما بينجض الا في اقلها 40 يوما لذا كان عليه ان يبدأ(HOME WORK) باكرا فحرص ان يمزق الجبهة الداخليه لكل حزب وان ينقسم اهل المعسكر الواحد ل(مقاطعين) ولا (خايضين)! وان يصور لكل فريق ان الفريق الآخر تم شرائه من قبل المؤتمر الوطني! ودون دفع اي تعريفه تنهش الاحزاب بعضها ويتفرق دم صرعها بين القبائل!
اما الحركه الشعبيه فكان لابد من دق السافين بين القيادات رفاق الدم و الكفاح! ولا ينكر (شهمروش) بان مهمته صعبه حيث لا يثق احد بالمؤتمر الوطني....لذا كان شكل الوسوسه لابد ان تكون بتسويق فكرة تهديد تقرير المصير !
فيعتقد سفاكير بان غضب المؤتمر الوطني سيهدد تقرير المصير. ويقتنع ياسر عرمان وباقان اموم بان هذا غير صحيح! ويقتنع مالك عقار بان مقاطعة الحركه للانتخابات النيابيه معناها تقليل المجموعه المسؤله من المشوره الشعبيه بالكتله البرلمانيه لذا لابد ان ينتقد قرار المقاطه لخوض الانتخابات بالشمال!
الآن شمهروش يستعد لقضاء اجازة طويله مريحه بعد انجاز مهمته ويقول يحتاج للراحه لان مهمته القادمه اصعب وهي اقناع قيادة الجنوب و المجتمع الدولي بان تقرير المصير مرفوض! فكما اقنع باني كي مون بان يصرح بانه يخاف من الانفصال على الجنوبين. وقنع كرارت بان يقول الانتخابات نزيه واقنع ابواما بان الصمت افضل وقنع اسكوت قريشن ليصير الناطق الرسمي لمؤتمر الوطني واقنع سفير السودان د.اكيج ان ظل صامتا
ويراهن بان مهمته ستتم في وقتها! وكما خرج سلفاكير يوما ليهتف مؤتمر وطني ووويييي (بتاثير شمهروش الذي وقتها ظل يضحك)! سيخرج سلفاكير وباقان ولام كول ورياك مشار ومالك عقار وياسر عرمان وعبد العزيز الحلو وبونا ملول وابيل الير وواني ايقا وسامسون كواني
سيهتفوا جميعا بمختلف معساكراتهم ودوافعهم بان
وحده وووووووويييييييييي
وفي سؤال سريع له عن مناطق الذهب والاقاويل انه يحرسها قال هذه مهمة صغيره اوكلها لبعض احفاده.
وعندما سئل عن امكانية تقديم خدماته للمعسكر الآخر قال انه يعلم بان اجره شعر المعارضه ما عندها رقبه ليه!! وانه مالم تمتلكوا آبار البترول لا امل لكم.
Post: #2 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 02:48 PM Parent: #1
ولو تذكروا عندما قيل للانقاذ بان تؤجل الانتخابات... ارغي وازبد قادتها وقالوا انهم لا قبل لهم بالمنصرفات التس صرفت وكانوا يعنون منصرفات الشيخ ابو لميونه وابو بطيخه..... وهلم جرا
Post: #3 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: العوض المسلمي Date: 04-15-2010, 02:49 PM Parent: #1
يا سلاااااام عليك يا تراجي لما تكوني رائقة .. واصلي متابعين ...
Post: #8 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 03:27 PM Parent: #3
شيخ عوض كيفنك؟؟؟ يعني يا ود ناس الشيخ الكباشي عايز تقول لي انت ما بتؤمن بالكلام ده؟؟ ولا ما معلق لك حجاب في قدام معرض العرابات بتاعتك(ههههههههههههه)
Quote: يا سلاااااام عليك يا تراجي لما تكوني رائقة .. واصلي متابعين ...
يا حبيب زمان سجيمان كتب هنا انه مزيعات التلفزيون بيشيلوا الكاميرات بيبتوهوا عن(الفقرا) تقول لي شنو؟؟؟(ههههههه)
يا حاج عوض انتم عارفين الحاصل الا داوريش المعارضه ديل ما ناقشين والعجب اخوتنا الجنوبين؟؟!! طبعا لا عقيدو لهم في الامر لكن اكيد حاسين انه في حاجات ما طبيعيه قاعده تحصل عليهم. ربنا يعينهم علي اهل الانقاذ وجنونهم.
Post: #11 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: العوض المسلمي Date: 04-15-2010, 03:52 PM Parent: #8
ام حازم كيفك والعيال ؟؟ انا بخير ولله الحمد ..
Quote: يعني يا ود ناس الشيخ الكباشي عايز تقول لي انت ما بتؤمن بالكلام ده؟؟ ولا ما معلق لك حجاب في قدام معرض العرابات بتاعتك(ههههههههههههه)
عارفة عندي بنتي ربنا يحفظها لو شافت بس امها ولعت "قرض "في البيت تقوم تقول ده حرام وده شنو ماعارف .. لدرجة انه منعت امها من تعليق الكمون في رقبة اخواتها الصغار لدرجة سميناها الزمخشري " عارف الزمخشري بتاع عربي بس اهو خلاص سميناها ""
___________________________________ في اتنين من ملوك شمهروش تدفعي كم واعطيك كلمة سرهم ؟؟ههههه
Post: #20 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 05:51 PM Parent: #11
ود المسلمي انا ما عارفك خطر
اها جيب من الآخر:
Quote: في اتنين من ملوك شمهروش تدفعي كم واعطيك كلمة سرهم ؟؟ههههه
ادفع شنو يا حبيب انا ناس انقاذك دي ما عدموني نفاخ النار قال ادفع قال!!
Quote: عارفة عندي بنتي ربنا يحفظها لو شافت بس امها ولعت "قرض " في البيت تقوم تقول ده حرام وده شنو ماعارف .. لدرجة انه منعت امها من تعليق الكمون في رقبة اخواتها الصغار لدرجة سميناها الزمخشري " عارف الزمخشري بتاع عربي بس اهو خلاص سميناها ""
تحياتنا لبتنا (الزمخشريه) وقول لها خليك في حالك كده احسن لك.
وربنا يكفيها شر الصواريخ عابرة القارات. انت قول لها من زمن القرض و الكمون؟؟؟ دي في صواريخ ارض جو عابره للقارات لحقت اوباما في بيته الابييض!
Post: #32 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: العوض المسلمي Date: 04-16-2010, 11:53 AM Parent: #20
قلتي خطر ياتراجي ههههه
Quote: ادفع شنو يا حبيب انا ناس انقاذك دي ما عدموني نفاخ النار قال ادفع قال!!
البسمع كلامك يقول ست اعمال وصادروا قروشها !!! وانقاذ منو يا تراجي ؟؟
عائزه ملوك شمهروش فلازم تدفعي ولا تنسي الفكرة لانه عدم الدفع ده بجيب الموضوع بالعكس وبتضرري منه يلا انا بعطيك الاسماء وانتي اسالي منهم "مهجوم واخيه ملجوم " قصرت معاك ؟
الزمخشري يحييك ويقوليك بطلي حركات فكله من عند الله ...
Post: #4 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: osman righeem Date: 04-15-2010, 02:52 PM Parent: #1
Quote: ويراهن بان مهمته ستتم في وقتها! وكما خرج سلفاكير يوما ليهتف مؤتمر وطني ووويييي (بتاثير شمهروش الذي وقتها ظل يضحك)! سيخرج سلفاكير وباقان ولام كول ورياك مشار ومالك عقار وياسر عرمان وعبد العزيز الحلو وبونا ملول وابيل الير وواني ايقا وسامسون كواني
سيهتفوا جميعا بمختلف معساكراتهم ودوافعهم بان
وحده وووووووويييييييييي
و ستخرج تراجي مصطفي و تقول هذا البوست كتبه الهكر
أم حازم الشغلانة صارت من اسباب كسب العيش في السودان
وعندها سماسرتها ومكاتبها و تلفوناتها الثريا
أخر خبر الجماعة (فريق سنجة ) كانو مكلفين بتقيد حركة أحد رؤوساء الاحزاب وان لا يخرج من الخرطوم و لكنهم فشلوا ... اخدوا علقة و كسير ضلع وسنون و اخدوهم في الحفظ والصون حتي يتفرقوا لهم
Post: #5 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: محمد مكى محمد Date: 04-15-2010, 02:54 PM Parent: #4
Post: #6 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: شول اشوانق دينق Date: 04-15-2010, 03:02 PM Parent: #5
Quote: الآن شمهروش يستعد لقضاء اجازة طويله مريحه بعد انجاز مهمته ويقول يحتاج للراحه لان مهمته القادمه اصعب وهي اقناع قيادة الجنوب و المجتمع الدولي بان تقرير المصير مرفوض! فكما اقنع باني كي مون بان يصرح بانه يخاف من الانفصال على الجنوبين. وقنع كرارت بان يقول الانتخابات نزيه واقنع ابواما بان الصمت افضل وقنع اسكوت قريشن ليصير الناطق الرسمي لمؤتمر الوطني واقنع سفير السودان د.اكيج ان ظل صامتا
ويراهن بان مهمته ستتم في وقتها! وكما خرج سلفاكير يوما ليهتف مؤتمر وطني ووويييي (بتاثير شمهروش الذي وقتها ظل يضحك)! سيخرج سلفاكير وباقان ولام كول ورياك مشار ومالك عقار وياسر عرمان وعبد العزيز الحلو وبونا ملول وابيل الير وواني ايقا وسامسون كواني
سيهتفوا جميعا بمختلف معساكراتهم ودوافعهم بان
وحده وووووووويييييييييي
شمهرش ده ولّ النصيبة البتقولى عليه ده يا تراجى إن شاء الله ينفذ كلامه ياخ بس ما قلتى لى الحيدفع ليهو عشان الناس دى تقول وحدة وييييييييى منو؟
كونى بخير يا أم حازم وتحياتى للأولاد. _________________ عندك تلفونه ممكن نوعدو ندفع ليهو فى المستقبل لما أبقى رئيس السودان الموحد إن شاء الله
Post: #16 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 05:14 PM Parent: #6
اخي الحبيب شول وينك يا فرده مشتاقين
Quote: شمهرش ده ولّ النصيبة البتقولى عليه ده يا تراجى إن شاء الله ينفذ كلامه ياخ
فعلا يا حبيب في الوحده كلنا معاهو عشان كده هو حيتشف لكل منننا وسواسه الخناس الخاص. يعني ناس انا وانت وياسر وباقان وغيرنا وسواسنا انه الوحده خيار الشعب. اها بينفذ كلامه
الا المشكله مالم يكون في (Without good out reach )للقواعد الشعبيه بالجنوب فانها سيكون استفتاء دامي! يبقى مهمتنا ننكرب انا وانت ونحرص انه نقنع القواعد الشعبيه بانه الوحده خيار الشعب والا فالنستعد لانهار الدماء الحتسيل!
وطبعا شمهروش و الانقاذ لا تهمهم دمائنا وانما النتائج وهم قادرين على ضمانها!
Quote: بس ما قلتى لى الحيدفع ليهو عشان الناس دى تقول وحدة وييييييييى منو؟
حيدفعوا ليه ناس الانقاذ ما تخاف.....ويمكن ده الدفع الوحيد الاحاتفق معاهم فيه(هههههههه)!
يا شول يا اخوي انا سمعتها اكثر من مره من قيادات انقاذيه انهم قالوا لن يسمحوا ان يسجل بتاريخهم انهم من فصل جنوب السودان؟؟!! يبقى لاجل ان لا يقع الانفصال.
Quote: عندك تلفونه ممكن نوعدو ندفع ليهو فى المستقبل لما أبقى رئيس السودان الموحد إن شاء الله
كلتتني بالضحك...يا شول...لو عندي تلفونه دي حالتي؟؟؟ ولو بيقبل بالدين باقي لك ما اوعدو انا لما يعلمني رئيسة السودان الموحد!(ههههه)
Post: #7 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: محمد مكى محمد Date: 04-15-2010, 03:02 PM Parent: #5
الزوله الفى الفديو قالت لبسها جن سودانى...
.................. طبعا بيكون مؤتمر وطنى
Post: #9 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: أمين محمد سليمان Date: 04-15-2010, 03:38 PM Parent: #7
إنت يا تراجي ما تبقي زيي كده : قاصه و اديبه ، مفكره و صحفيه ناشطه في حقوق الوهم الهنا ديل بدل قصة السياسه و وجع القلب و كل يوم مشاكله ليك زول و زول مشاكلك !!!
Post: #24 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 06:38 PM Parent: #9
امينوف 2 كيفيك؟؟؟
Quote: إنت يا تراجي ما تبقي زيي كده : قاصه و اديبه ، مفكره و صحفيه ناشطه في حقوق الوهم الهنا ديل بدل قصة السياسه و وجع القلب و كل يوم مشاكله ليك زول و زول مشاكلك !!!
شكرا يا غالي للتقيم الادبي ولك عليى افكر في الامر جديا.
Post: #15 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: فتحية شامي Date: 04-15-2010, 04:38 PM Parent: #7
تراجى كيف حالك الجماعه ديل ما تظلميهم ياخى بخورهم الكانو مولعنو فى مركزنا لما مشيت للتصويت قالو بخور عااااادى تيمان الله والرسول ده مش المدرسه فيها شجر كتير وهم خايفين علينا من الحشرات؟ اسى كان ضربتنا ملاريا ووغلبنا نسوط يبقى ضرورى من البخور يعتى هى لله هى لله لا للسلطه ولا للجاه
بعدين العوض المسلمى حجاب شنو البعلقو فى دكانو ده ابوه الكباشى عامل ليهو طبله العين النجيضه شافتو لابسا فى ضراعو هههههههههه
Post: #26 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 08:54 PM Parent: #15
فتحيه كيفينك ومنوره يختي البوست
Quote: تراجى كيف حالك الجماعه ديل ما تظلميهم ياخى بخورهم الكانو مولعنو فى مركزنا لما مشيت للتصويت قالو بخور عااااادى تيمان الله والرسول ده مش المدرسه فيها شجر كتير وهم خايفين علينا من الحشرات؟ اسى كان ضربتنا ملاريا ووغلبنا نسوط يبقى ضرورى من البخور يعتى هى لله هى لله لا للسلطه ولا للجاه
بالله!!
هم وصلوا مراحل زي دي يولوعوا البخور في المراكز؟؟!! حاله صعبه؟دي لخزعبلات بقى لها شنه ورنه. وعارفه البحير انه انتو ناس الداخل مرات بترموا لينا كلام بيحير ولكن يبدو من ممارستهم ليه بقى لكم عادي وما شغالين بيه؟؟!!
حاله صعبه يا فتحيه يختي
بخور في مراكز اقتراع !!
Quote:
بعدين العوض المسلمى حجاب شنو البعلقو فى دكانو ده ابوه الكباشى عامل ليهو طبله العين النجيضه شافتو لابسا فى ضراعو هههههههههه
اخونا حاج عوض ده مسكين لو ما مسكين ما كان جانا مضهب بجاي الكيزاتن الجدجد وبتوع الخاحات دي بعلموا ساتر من البوستات البتهبشهم في اللحم الحي.
حوالينا وما علينا دستوركم يا اولاد ماما!! يختي عاد نبقى في جنس ده؟؟!!
Post: #34 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: العوض المسلمي Date: 04-16-2010, 12:12 PM Parent: #26
Quote: اخونا حاج عوض ده مسكين لو ما مسكين ما كان جانا مضهب بجاي الكيزاتن الجدجد وبتوع الخاحات دي بعلموا ساتر من البوستات البتهبشهم في اللحم الحي.
نفهم من كدة ان كيزان المنبر ليهم علاقة بالموضوع ؟؟ الليييييييييلة ياتراجي بجوا هسي يوروك المكشن بلا بصل
Post: #33 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: العوض المسلمي Date: 04-16-2010, 12:00 PM Parent: #15
يعني يافتحية كلامك ده
Quote: بعدين العوض المسلمى حجاب شنو البعلقو فى دكانو ده ابوه الكباشى عامل ليهو طبله العين النجيضه شافتو لابسا فى ضراعو
ما بقطع المروة من الاخوان ؟؟ شنو يعني علشان وريت الحجاب تجي تفتي هنا ؟ التوبة تاني ما اونسك ولا اوريك حاجة ... وكمان انا برضو بتكلم بحجابك الجبتيه من عشش فلاتة وخاتاه في جيب شنطة اليد الماعندك غيرها
Post: #21 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 05:57 PM Parent: #7
يا محمد المكي ضحكتني
يا اخي السوداني دوما متفرى عليه حتى الجن قالوا سوداني؟؟؟
Quote: الزوله الفى الفديو قالت لبسها جن سودانى...
اي جن بحب الطرب عند العرب سوداني اي افريقي! الوليه رايح لها رقيص بس حتته بقت كويسه!
تتذكر دراسات د.حسبو سليمان الله يرحمه عن الزار؟؟؟؟ اغلبهن نساء مقهوات يسعيتن للتنفيس عن رغباتهن بالزار!
ناس احمد البشير الهدندوي وناس لوليه الحبشيه والخواجا ابو سجاره؟؟!!
وتكون كل القصه مره مشتهيه التدخين وما عارفه تدخن فتضطر تدعي انه زار!
Quote: طبعا بيكون مؤتمر وطنى
ما بعيد ماهم ما مكيفهم ظلمنا ساكين للمغاربه يظلموهم معانا كمان!
Post: #12 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 03:55 PM Parent: #5
محمد المكي اخوي سلامات
يا حبيب المشوا لهم ناس القناة ديل مساكين ساي جيل(فقرا) ناس قريعتي راحت!
الفقرا الاصلين قاعدين جوا مع ملك المغرب. الله يكفينا شرهم ما يلحقوا معارضتنا حال المعارضه المغربيه! وانت فاكر ملوك المغرب ديل قاعدين بشنو؟؟؟ ماهو بالزي ده؟؟!!
ربنا يفرج كرب شعبنا. ويسلط عليهم من هو اكبر منهم. ونثق ان دعوات المظلومين ستخسف بهم الارض.
Post: #10 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 03:52 PM Parent: #4
Quote: و ستخرج تراجي مصطفي و تقول هذا البوست كتبه الهكر
الفاضل عثمان رغيم
هكر شنو عليك الله ديل هكروا حياتنا كلها تقول لي شنو؟؟؟
Quote: أم حازم الشغلانة صارت من اسباب كسب العيش في السودان وعندها سماسرتها ومكاتبها و تلفوناتها الثريا
أخر خبر الجماعة (فريق سنجة ) كانو مكلفين بتقيد حركة أحد رؤوساء الاحزاب وان لا يخرج من الخرطوم و لكنهم فشلوا ... اخدوا علقة و كسير ضلع وسنون و اخدوهم في الحفظ والصون حتي يتفرقوا لهم
الشغلانه طول عمرها من اجل كسب العيش ومش في بلادنا بس في كل العالم!
اها فريق سنجه ديل وحاتك من حسن حظكم ما لقوا لكم نوع اللقوهوا لقريشن! والا مش قيدوا حركة رئيس الحزب اياهو يا اخي ده كان ممكن يودوهوا التوج عديل! الله يكفينا شرهم.
Post: #13 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: humida Date: 04-15-2010, 04:06 PM Parent: #10
شنو يا خالة .. انتي صعدوك لصف العورة و لا شنو .. ما كنتي ماشة كويس في الهضربة .. و احرزتي نتائج ممتازة ..
.. ..
عليك الله يا تراجي .. لو ما منابر النت دي .. كان مليتي فراغك بشنو .. ؟!!
Post: #14 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: عبدالعظيم عثمان Date: 04-15-2010, 04:25 PM Parent: #13
تراجي تحياتي
بوست مشوطن ( وخفيف)
ذكرتيني قصة ابليس مع الكيزان
قالوا بليس لقوهو زعلان في مطار الخرطوم (وشايل بقجه) قال الكوز تقوليهو (زور& اكتل & اسرق ) يقوم يبني عمارة كبيره ويكتب فيها بالبونت العريض (هذا من فضل ربي)..
وقالو في واحد مشي لي فكي (دجال) وسأله انا اعرفك واتأكد منك فقير قوي كيف؟ الفكي قاليهو جيب لي شاي لبن شال الكبايه (شرب اللبن وخلي الساده)
بعدين الأيام دي شايفك الموضوع ده محرقص ليك ان شاء الله خير
Post: #17 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 05:18 PM Parent: #14
Quote: بعدين الأيام دي شايفك الموضوع ده محرقص ليك ان شاء الله خير
عبد العظيم يا اخوي باقي لك الحاصل علينا ده هين؟؟؟
ما آخير من نمسك في رقاب بعضنا آخير نرجعه لاشياء غيبيه وقوى ميتافيزيقيه!
Post: #18 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: احمد حامد صالح Date: 04-15-2010, 05:31 PM Parent: #17
تراجى من تمبكتو سلام
Post: #19 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 05:42 PM Parent: #18
احييييي منك يا احمد محمد صالح كله منك قاعد في تمبكتو ولابد!
Quote: تراجى من تمبكتو سلام
قاعد في تمبكتو زاتها ولابد؟؟؟
طيب انت ما عندك الفيلم كله؟؟؟ وبعدين ناس تمبكتو ديل بكونوا مساكين وما بعرفوا الارقام الفلكيه للملوك دي لمنا في زولا منهم يفك لينا كاجور الانقاذ دي.
ويخلينا نقول وحده وووووويييييي من غير ضغوط شمهروش ده ومكائده ؟؟!!
مشتاقين يا اخي اظهر وبان عليك الآمان!
Post: #22 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: احمد حامد صالح Date: 04-15-2010, 06:00 PM Parent: #19
ام حازم
تحياتى الحارة
Quote: عليك الآمان!
الضمان ..... ؟
و بعد بشرط
Post: #23 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 06:09 PM Parent: #22
ابو حميد وبربك الذي تعبده مخلصا كما( اشهد لك)
لك الآمان و الضمان...فتوا بالله ....قول لينا ناس تمبكتو
قالوا لك الباقي على شعبنا ده شنو؟؟؟
تخريمه: ماسنجرك ما شغال كدي جرب رسل لي انت وايملي كان غلبك تفتوا هنا: [email protected]
Post: #25 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: احمد حامد صالح Date: 04-15-2010, 06:40 PM Parent: #23
ام حازم
ساعود اليك و الله بجد الليلة عندى حساسية جيوب انفية مكرهانى حياتى
ممكن بعدها نعمل سياحة فى تمبكتو المصطراط ماسينا موبتى جنى فى مالى
و بعداك نعرج على كولخ فى السنغال و نعمة و ولاتة و نواكشوط فى موريتانيا
Post: #27 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 10:52 PM Parent: #13
حميده....يا اخي ما بالغته؟؟؟
Quote: شنو يا خالة .. انتي صعدوك لصف العورة و لا شنو .. ما كنتي ماشة كويس في الهضربة .. و احرزتي نتائج ممتازة ..
.. ..
عليك الله يا تراجي .. لو ما منابر النت دي .. كان مليتي فراغك بشنو .. ؟!!
يا اخي انا في بلد لو مرقته الشارع ساي اتلفته بستفيد تخيل مطنشه العلم ده كله وقاعده مصاقراكم.
Post: #28 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: هجو الأقرع Date: 04-15-2010, 11:15 PM Parent: #27
العزيزة ام حازم سلام كيفك و الاسرة و العرسان الشباب ، بوست لذيد و طريف ، غايتو مرة قبل الارشفه فتحت بوست اسمه ده اللبع وتحدثت عن اختفاء عشرة مليار جنيه من وزارة الشئون الانسانيه ، المهم قمت نزلت صورة و زارة الشئون الانسانيه ذلك المبنى الفخم ، واسماء الوزراء الذين تعاقبوا على الوزارة ، و حاتك ما لقيت (إلا ) البوست (مسوجر) بالضبة و المفتاح ، المهم البوست يحولك الى موقع اباحى ، اها قامت التلفونات تتخابت ناس يقولوا انت مهكر ، غايتو انا لغاية الان محتار ، المهم خاطبت سيد الحوش برضو ما قدر يفك البوست اخرها ، صممت خشمى و انكشحت .
Post: #29 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-15-2010, 11:48 PM Parent: #28
Quote: العزيزة ام حازم سلام كيفك و الاسرة و العرسان الشباب ، بوست لذيد و طريف ، غايتو مرة قبل الارشفه فتحت بوست اسمه ده اللبع وتحدثت عن اختفاء عشرة مليار جنيه من وزارة الشئون الانسانيه ، المهم قمت نزلت صورة و زارة الشئون الانسانيه ذلك المبنى الفخم ، واسماء الوزراء الذين تعاقبوا على الوزارة ، و حاتك ما لقيت (إلا ) البوست (مسوجر) بالضبة و المفتاح ، المهم البوست يحولك الى موقع اباحى ، اها قامت التلفونات تتخابت ناس يقولوا انت مهكر ، غايتو انا لغاية الان محتار ، المهم خاطبت سيد الحوش برضو ما قدر يفك البوست اخرها ، صممت خشمى و انكشحت .
غايتو يا هجو انا لحسه بوستي ده (شغال) ولسه ناس شمهروش ما جونا يمكن زي ما قلت لكم هو قال ماشي اجازة وبرجع يشوف موضوع الاستفتاء على تقرير المصير ده!
Post: #30 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-16-2010, 04:01 AM Parent: #29
Post: #31 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-16-2010, 04:06 AM Parent: #30
أحمد محمد صالح
Quote: ام حازم
ساعود اليك و الله بجد الليلة عندى حساسية جيوب انفية مكرهانى حياتى
ممكن بعدها نعمل سياحة فى تمبكتو المصطراط ماسينا موبتى جنى فى مالى
و بعداك نعرج على كولخ فى السنغال و نعمة و ولاتة و نواكشوط فى موريتانيا
وسلامتك من الجيوب الانفيه والله عندي لها قطره ممتازه بس كمدة بالرمده تمبكو دي يرسلوها لعندك كيف؟؟؟وحياتك الا عن طريق (شمهروش) ده(ههههه)
Post: #35 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: saif basheer Date: 04-16-2010, 01:20 PM Parent: #31
يا تراجي:
كما قال هذا الكوميديان:
لو ما فاز البشير في الانتخابات، معنهاها الانتخابات مزورة.
Post: #36 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-16-2010, 01:51 PM Parent: #35
سيف بشير كيفنك و الاسره وعساكم بخير.
والله ياهو فعلا لو البشير ما فاز باين كان اتقال انها مزروه من قبلهم!
Quote: يا تراجي:
كما قال هذا الكوميديان:
لو ما فاز البشير في الانتخابات، معنهاها الانتخابات مزورة.
قول يا لطيف بس!
Post: #37 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-16-2010, 02:13 PM Parent: #36
Post: #38 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-17-2010, 02:16 PM Parent: #37
شنو يا ود تمبكتو لسه عيان بالجيوب الانفيه ولا ناس شمهروش غسطوا حجرك قبل ما تفتوا لينا؟؟؟
Post: #39 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Elsheikh Mohd Aboidris Date: 04-17-2010, 02:22 PM Parent: #38
Quote: وفي تصريح صحفي لجن اون لاين دوت كم صرح ملك الجن المعروف (شمهروش) بانه لاول مرة بحياته يجرب الاشراف على انتخابات لتزويرها!
والله حالتكم حالة واحد يشعر والثاني يغنى
ما الاحزاب قالت لو مافزنا اذا الانتخابات مزورة
احلى ما فى الانتخابات دى كشفت لينا كمراقبين سودانين ان المعارضة محتاجة لشغل كبير ولن تقوم لها قائمة ان لم تعد حساباتها داخليا من تطبيق الديمقراطية داخل الاحزاب ما ما معقول رئيس حزب لية اكثر من 40 سنة هو نفس الرئيس واذا مات جا ابنة او بنتة معقولة لكن
وين الديمقراطية ولا عندكم حرام وعلينا نحن الغلابة حلال
ارحمونا يا ترجى شوية فترنا من الشعارات
Post: #40 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Tragie Mustafa Date: 04-18-2010, 00:08 AM Parent: #39
قلت لي نرحمكم يا ود ابو ادريس ما ترحموا انفسكم انتم من البتعملوا فيه ده؟؟ معثوله تصل لمرحلة تبركوا للشيوخ؟؟!!
يا اخي انتو السلطه دي بتمتوا فيها بشكل؟؟!!
قال ديمقراطيه قال شن عرفكم بالفاظ العلمانين دي؟؟؟
Post: #41 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: Elsheikh Mohd Aboidris Date: 04-18-2010, 07:40 AM Parent: #40
خلاص بدينا فى كلام الاقصاء دا
شنو يعنى بنبرك شنو يعنى السلطه دي بتمتوا فيها بشكل؟؟
نحن بلد نعشق الديمقراطية ونموت فيها بس ما بنعرف نطبقها صح لاننا اذا فزنا دثينا صدرنا وقلنا نحن بس الديمقراطيين واذا لم نفز ننعت الاخرين بانهم لا يفهمون الديمقراطية
كلامك فية تلميح خبيث ان كان لديك اي تعليق يا ريت تكتبية بوضوح بدون اي تلميحات
Post: #42 Title: Re: ملك الجن(شمهرش) يعترف كنت باغرب مهمة بحياتي...(تزوير انتخابات السودان)! Author: ذواليد سليمان مصطفى Date: 04-18-2010, 11:57 AM Parent: #41
ولاتنسى الصينيون هم الحليف الاقوى للمؤتمر الوطني وهم اشهر الشعوب في العاالم يشتهرون بالسحر
" عارف الزمخشري بتاع عربي بس اهو خلاص سميناها ""
