طيب الانتخابات لو ما فاشلة والحضور ممتاز،اجازة الخميس في شنو

عهدوا السودانيين علي الايجازات بمناسبة ومن دونها،في ظل هذا الكابوس
القابع فوق سماءهم،بما لم يالفوه من قبل.
مباراة في كرة قدم،اجازة في دوواين الدولة،توقيع اتفاقية وفتح مشاريع وهمية
ايضا يتطلب،عطلة في عرف المؤتمرجية،بينما تتعطل مصالح الناس،تسير مصالحهم وتنساب
وتدوير مال السحت،الذي يعتاشون ويبنون منه القصور،ويكتنزون جزءه الاعظم.
ومابرحوا يتبجحون بالمشاركة الكثيفة في الانتخابات،في صحفهم،واذنابهم الكثر معنا هنا
يفتتحون بالبوستات الواحد تلو الاخر.
مجلس وزراءهم البائس،الذي كان يجتمع يومي الاحد والخميس،يخرج بعطلة جديدة
بحجة اتاحت الفرصة،للمشاركة بالتصويت،اليست بينهم عاقل ليفسر لنا.


مودتي

الفاضل اخوي
النصاب جاء من امبارح فاشله دي شنو ؟
بي قول المراقبين كمان انت وييين نايم ؟




الاجازه دي كانت نتاج من شكوى العاملين
بمرافق الدوله واقطاع الخاص من عدم مكنهم من اللحاق
الى مراكز التصويت قبل موعد الاغلاق



الفاضل اخوي
تعرف كدي بكره شيل كاميرتك
ولف المراكز يمين تحلف تقول الانتخابات
رجعت زي اول يوم




دعوا الشعب يتخذ لمرة واحده قراره بنفسه
يرحمكم الله


البصاص

ابوعبيدة البصاص:

Quote: النصاب جاء من امبارح فاشله دي شنو ؟ بي قول المراقبين كمان انت وييين نايم ؟

ياتو مراقبين،شكلك ما متابع،قاعد مرطب في خيمة الجماعة
الاتحاد الاروبي سحب بعثته من دارفور وتبعه الاتحاد الافريقي
وهناك الغاء لبعض النتائج بالجنوب،الا بتقصد الانتخابات بالخرطوم
لان في عرفكم البلد هي الخرطوم.

Quote: الفاضل اخوي تعرف كدي بكره شيل كاميرتك ولف المراكز يمين تحلف تقول الانتخابات رجعت زي اول يوم

شالتها زميلتنا نجلاء،وحصل الاعتداء السخيف عليها من عضو لجنة الحسبة
في امبدة،امراة بكاميرا لم تسلم من الاعتداء،لتصويرها الحقيقة.

Quote: دعوا الشعب يتخذ لمرة واحده قراره بنفسه يرحمكم الله

يا اخي ابوعبيدة،البلد كان فيها ديقراطية وحكومة منتخبة انتخاب حقيقي
وبمشاركة واعتراف حزب الحركة الاسلامية وقتها ،الذي حاك بليل وغدر انقلابه
الذي ورطنا كل هذه الورطة.
يا ابوعبيد لك ان تقيس الامور بميزان المنطق والشفافية،اين كنا وكيف صرنا
مودتي لمرورك.