هو الاعتقـــال دا كيفنو ...

ناس
في امانة الله
قاعدين قدام مركز انتخابي
بيصورو فيهو
جوهم ناس تانين لابسين مدني
و عندهم وظائف رسمية
اعتدوا عليهم بالضرب و الاهانة و الشتيمة
و البوليس بيتفرج و رافض يتدخل
و ساقو هم لمكان غير معلوم
و انقطع الاتصال بيهم لفترة
بقو ما قادرين يردو على تلفوناتهم
و لمن حاولو يردوا عليها
ضربوهم تاني

و اسرهم و اصحابهم بيفتشو فيهم و ما لامين فيهم
لفترة من الزمن قصرت او طالت

دا بيسموهو شنو

إعتقال
إعتقال

ده الاعتقال بذاتو و صفاتو.

ده اسمو اعتقال؟

و يا امجد:
اذا التزوير بقي اسمو اخطاء
و التزوير اسمو اخفاقات
و التزوير اسمو تجاوزات خفيفة
و الهمبتة اسمها انتخابات
و السرقة اسمها رزق من الله
و الدين اسمه الحكم
و الله اسمه المال و الجاه
ليه الاعتقال ما يتغير برضو؟

يعني يا عصام الغافل من ظن الاشياء هي الاشياء ولا شنو

أطلقوا سراح الحقيقة ..

تمام
الحقيقة دي ما دام معتقلة يا عصام دهب اطلق لينا سراحها
اها بيسموهو شنو

يا صديق الموضوع دا الواحد زي ما قلنا قبل ما في داعي ترد فيه للناس الجنها نفي


الموضوع دا يا صديق الواحد كان ممكن يكون في عقله شي من الاختلاف في التوصيف لكن لمن لا قيت الجماعة ديل دا كان اعتقال وارهاب وتعدي كبير وكمان كان ممكن يكون النتاج بتاعه اكبر من الضرب الحصل لو لا شجاعة ووقفة الشاب الكان موجود هناك وهو قدر مع شجاعة نجلاء يحولوا الامر للبوليس ومن بعدها وجدوا انو الكيزان قطاع الطرق ديل فاتحين بلاغ ووكادة وجرجرة شديدة


الناس البتكتب هنا حقو الواحد يبيقي عندو حبة همة ويجي يلاقي الناس ديل عديل عشان ما يجي ينبح هنا ويشبكك الحقيقة وين وما ادراك ما وين

امجد يا اخوي

ما تضيع زمنك

الناس ديل منظمين و هنا شغالين باستراتيجية معينة و منظمة سلفاً

لمن يجي خبر مؤلم و قبيح و فعل ساقط و تافه بيشبه نظامهم القذر دا

وخصوصاً لشخصية عامة زي نجلاء او حادث انساني زي مقتل نادية ست الشاي

بيقوموا بالخطوات الاتية :

1. النفي :

الكلام دا ما صح ، الكلام دا غلط ، المعلومات دي متضاربة ، الاقوال مختلفة الخ ...

(الهدف هنا تشكيك الناس في صحة الخبر- تشتيت التعاطف)

2. التهاتر

اختلاق صراعات جانبية مع الناس المنفعلة بالحدث
دا بقوموا بيهو ناس تانيين ما ناس النفي

(الفكرة جر البوست عن موضوعه و افراغه عن محتواه)


3. التعاطف مع تقليل الضرر

ودي مهمة مجموعة ثالثة

يجوا و يتعاطفوا مع الحدث و يزرفوا دموع التماسيح
ويطبطبوا على الضحية بدون اي ادانة للمجرم الحقيقي
المعلوم طبعاً - المؤتمر الوطني ، عساكر النظام الخ...

(الهدف هنا شيئين ، اولا الظهور بمظهر انساني تلميع يعني
ثانياً محاولة ابعاد التهمة عن المؤتمر الوطني و حصرها
في شوية عساكر و عضوية متفلتة)

4. التبخيس

فتح بوستات ديل مناضلين كيبورد - مناتلين -
دايرين يظهروا ، دايرين يلمعوا صورتهم الخ..

(الهدف تقليل ما بذل من جهد و افراغ الضحية
من وطنيتها و اخلاقها ، و اظهارها بمنظر من يريد
التكسب سياسياً و يسترزق من وراء ادعاء الاعتقال
والمعاناة و الضرب الخ.....)


وكالعادة يغلي دمنا و يفور نتيجة لهذه التصرفات المستفزة
وندخل معهم كالمعتاد في مهاترات لا تنتهي .....
وكدا تتحول القضية العادلة الى مجرد مطاعنات و ملاسنات
نمل منها قبل ان يمل منها القراء



امجد تاني بكررها ليك

ما تضيع زمنك

تحياتي

أمجد سلام

يشير الاصبع للقمر .. ولا يرى الاحمق سوى الاصبع ......... مثل صينى

عادى انه يظهر تعريف جديد للاعتقال فى قاموس الضرورة الانقاذى .. فالمجاعة بكل هولها وقبحها تسمى ببساطة فجوة غذائية
يظهر يا صاحبى انك عشان تكون معتقل لازم تدخل بيوت الاشباح ويقلعوا اظافرك ويقدوا ليك عين ويكسروا ليك يد ورجل وتطلع بعكاز
حتى تسمى عند اهل الانقاذ معتقلا .. اما الحبس والضرب والشتيمة وتوقيفك من قبل مجهولين واقتيادك لاى مكان حتى لو قسم الشرطة
فهو أمر عادى .. فلا يلتبس عليك المصطلح .
الاعتقال او الحبس او السجن او التوقبف الخ جميعها تؤدى لمعنى واحد هو سلب حرية الفرد وهنا يتساوى المعتقل بالسجين بالمنتظر
لكن الفرق يكمن فى سبب سلب الحرية .. فاذا سلبت لجرم ارتكبه الفرد فى حق نفسه او المجتمع يكون سلب الحرية مبررا وله غاية
هى اصلاح الفرد ومعاقبته وهو ما ارتضاه الناس جمبعا لتنظيم المجتمعات .. اما اذا سلبت دون جرم ارتكبه الفرد او لمجرد رأى
فهنا يستوى المسمى اعتقل او سجن او اوقف الخ . وهذا هو المهم .
والمهم دائما ما يكون الحقيقة .. وهى التى يهابها الخائفون فيعمدون الى تشتيت الانتباه حولها لصرف الاخرين عن عوراتهم ومساوئهم
مخالفين كل اخلاق او ضمير او وجدان سليم .. والا كيف تفسر ان مجرد سماع نبا ضرب وشتم واقتياد امراة لمكان معلوم او مجهول لم يحرك
شعرة فى ضمير هؤلاء او نخوة او رجولة بل انصرفت كل ردة فعلهم حول ضبط المصطلح (الامجدى) وتكييف الواقعة ب هل هى اعتقال ام اقتياد
فى حين ان تعريف الواقعة آخر شئ مهم والمهم لمن يملك حسا وضميرا هو الواقعة نفسها .
فلا تأبه للحمقى طالما ان قصر نظرهم لم يسعفهم ليروا غير الاصبع الذى يشير للحقيقة
ودمت مع تحياتى

Quote: يشير الاصبع للقمر .. ولا يرى الاحمق سوى الاصبع ......... مثل صينى عادى انه يظهر تعريف جديد للاعتقال فى قاموس الضرورة الانقاذى .. فالمجاعة بكل هولها وقبحها تسمى ببساطة فجوة غذائية يظهر يا صاحبى انك عشان تكون معتقل لازم تدخل بيوت الاشباح ويقلعوا اظافرك ويقدوا ليك عين ويكسروا ليك يد ورجل وتطلع بعكاز حتى تسمى عند اهل الانقاذ معتقلا .. اما الحبس والضرب والشتيمة وتوقيفك من قبل مجهولين واقتيادك لاى مكان حتى لو قسم الشرطة فهو أمر عادى .. فلا يلتبس عليك المصطلح . الاعتقال او الحبس او السجن او التوقبف الخ جميعها تؤدى لمعنى واحد هو سلب حرية الفرد وهنا يتساوى المعتقل بالسجين بالمنتظر لكن الفرق يكمن فى سبب سلب الحرية .. فاذا سلبت لجرم ارتكبه الفرد فى حق نفسه او المجتمع يكون سلب الحرية مبررا وله غاية هى اصلاح الفرد ومعاقبته وهو ما ارتضاه الناس جمبعا لتنظيم المجتمعات .. اما اذا سلبت دون جرم ارتكبه الفرد او لمجرد رأى فهنا يستوى المسمى اعتقل او سجن او اوقف الخ . وهذا هو المهم . والمهم دائما ما يكون الحقيقة .. وهى التى يهابها الخائفون فيعمدون الى تشتيت الانتباه حولها لصرف الاخرين عن عوراتهم ومساوئهم مخالفين كل اخلاق او ضمير او وجدان سليم .. والا كيف تفسر ان مجرد سماع نبا ضرب وشتم واقتياد امراة لمكان معلوم او مجهول لم يحرك شعرة فى ضمير هؤلاء او نخوة او رجولة بل انصرفت كل ردة فعلهم حول ضبط المصطلح (الامجدى) وتكييف الواقعة ب هل هى اعتقال ام اقتياد فى حين ان تعريف الواقعة آخر شئ مهم والمهم لمن يملك حسا وضميرا هو الواقعة نفسها . فلا تأبه للحمقى طالما ان قصر نظرهم لم يسعفهم ليروا غير الاصبع الذى يشير للحقيقة ودمت مع تحياتى

سلامات وتحية يا سمير شيخ ادريس

التحية لنجلاء وهى تسرق من زمن اطفالها لتوافينا بالاخبار الموثقة
اى من كانت وفى اى زمان

Quote: امجد يا اخوي ما تضيع زمنك الناس ديل منظمين و هنا شغالين باستراتيجية معينة و منظمة سلفاً لمن يجي خبر مؤلم و قبيح و فعل ساقط و تافه بيشبه نظامهم القذر دا وخصوصاً لشخصية عامة زي نجلاء او حادث انساني زي مقتل نادية ست الشاي بيقوموا بالخطوات الاتية : 1. النفي : الكلام دا ما صح ، الكلام دا غلط ، المعلومات دي متضاربة ، الاقوال مختلفة الخ ... (الهدف هنا تشكيك الناس في صحة الخبر- تشتيت التعاطف) 2. التهاتر اختلاق صراعات جانبية مع الناس المنفعلة بالحدث دا بقوموا بيهو ناس تانيين ما ناس النفي (الفكرة جر البوست عن موضوعه و افراغه عن محتواه) 3. التعاطف مع تقليل الضرر ودي مهمة مجموعة ثالثة يجوا و يتعاطفوا مع الحدث و يزرفوا دموع التماسيح ويطبطبوا على الضحية بدون اي ادانة للمجرم الحقيقي المعلوم طبعاً - المؤتمر الوطني ، عساكر النظام الخ... (الهدف هنا شيئين ، اولا الظهور بمظهر انساني تلميع يعني ثانياً محاولة ابعاد التهمة عن المؤتمر الوطني و حصرها في شوية عساكر و عضوية متفلتة) 4. التبخيس فتح بوستات ديل مناضلين كيبورد - مناتلين - دايرين يظهروا ، دايرين يلمعوا صورتهم الخ.. (الهدف تقليل ما بذل من جهد و افراغ الضحية من وطنيتها و اخلاقها ، و اظهارها بمنظر من يريد التكسب سياسياً و يسترزق من وراء ادعاء الاعتقال والمعاناة و الضرب الخ.....) وكالعادة يغلي دمنا و يفور نتيجة لهذه التصرفات المستفزة وندخل معهم كالمعتاد في مهاترات لا تنتهي ..... وكدا تتحول القضية العادلة الى مجرد مطاعنات و ملاسنات نمل منها قبل ان يمل منها القراء امجد تاني بكررها ليك ما تضيع زمنك

سلامات يا حاتم
كلامك دخل راسى تب

أمجد التحيات المباركات لكم :
هو المؤتمر الوطني ده كيفنو,,,,,,,,؟

Quote: بخاري تحياتي: اقر بان عبارات الإدانة والاستهجان وحتي التضامن هي مساهمات تافهة ولكن ماحيلتنا؟؟؟ انها أكثر ايلاماً حينما تاتي ممن هم مولعين بالمستبد ممن اصبح همه اليومي تدهين وتدليك ظهور المستبدين ، وممن ادمن طقطقة اصابعهم ستكون اكثر ايلاماً يابخاري ، حينما نردد احايل أمن النظام وتوسلاته بان ننزوي لخدمة قضايانا الشخصية(شوفو مصلحة اولادكم) فهي بالتأكيد مساعيهم ومراميهم اغراقنا في الخاص وعشان اولادنا نركع وعشان اولادنا نتقبل الاذلال؟ بل الصحيح عشان اولادنا نرفض الذلة وعشان اولادنا نطالب بحقنا في الحياة وعشان اولادنا نستبسل في ازاحة الظلم ، وعشان اولادنا تفاخر بتاريخنا 0 ألم يكن لاولادنا حق التنكر لتاريخنا ان نحن رضينا بالذل والمهانة؟؟؟ الم يكن لهم حق إدانتنا ان اورثناهم تاريخ مهين من تقبل المستبد والتشبث به والتغني ببطولات التنكيل والصفع 0000 كما قال الشاعر البطل محجوب شريف : محطة محطة بذكر عيونك ونحن في المنفى وبذكر سؤالك لي متين جرح البلد يشفي ومتين تضحك سماء الخرطوم حبيبتنا ومتين تصفي؟ سؤالك لي يعذبنا ويقربنا ويزيد مابينا من الفة بس لو في يوم رميت سيفي وخنت الثورة وجيت والدمعة في عيني حرام عينيك يناعموني وحرام ايديك ينومن تاني في ايدي

الله في ...

Quote: يشير الاصبع للقمر .. ولا يرى الاحمق سوى الاصبع ......... مثل صينى

ولا زالت الملهاة مستمرة

الاعتقال بهذه الكيفية يمكننا أن نطلق عليه مسمى إعتقال (وطني) حيث أن القائمين به غير رمسيين لكنهم (متوطنين).هو اعتقال مؤقت وبعد الضرب والإرهاب والإهانة يتم إفراج مؤقت حتى إذا عادت الكاميرا المشاغبة لعملها عاد الإعتقال المؤقت بصورة جديدة.

أمجد بعد كلام حاتم على دا حقو بس نرفع البوست بدون أى كتابة