Post: #1
Title: لوهلة ظننته الخير!
Author: Hussein Mallasi
Date: 04-14-2010, 08:12 AM
في سهر "النيل الأزرق" أمس؛ و التي استضافت الموصلي و عقد الجلاد؛
ما أن يظهر أنور عبد الرحمن إلا و أظنه الخير .. و لم أتدارك إلا بعد سماع الصوت!
_____
كان تفرح كان تزعل
يا أنور .. ياهو دا الحصل!
|
Post: #2
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 08:18 AM
Parent: #1
الخير ما بتحمّل حبسة الاستوديو!
وكمان الغنا المسرحي بتاع أمس دا!
|
Post: #3
Title: Re: لوهلة ظننته الخير!
Author: Hussein Mallasi
Date: 04-14-2010, 08:20 AM
Parent: #2
و بما أن الشيء بالشيء يذكر .. فأرجو من المجموعة أن تقوم بنصيحة عضوها الجديد؛ ذلك
الذي يبدو كملاكمي أندية الدرجة الثالثة؛ بأن يستبدل الطريقة المستفزة التي يحمل بها المايك.
______
كان يجلس على يمين شمت.
|
Post: #4
Title: Re: لوهلة ظننته الخير!
Author: khaleel
Date: 04-14-2010, 08:22 AM
Parent: #3
ملاسي
انت كبرت وتتدفع في استحقاق الاربعينات
شن جاب الخير لي انور
انور قمحاني والخير اسمراني
|
Post: #5
Title: Re: لوهلة ظننته الخير!
Author: داليا الكباشى
Date: 04-14-2010, 08:24 AM
Parent: #3
| Quote: بأن يستبدل الطريقة المستفزة التي يحمل بها المايك. |
اسمـو (زولو) .. عضو جديد جابوهو بدل (الخير) البتسأل عنو دا..
---------
من ناحيه مستفزه .. فهي مستفزه جـدا
|
Post: #7
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 08:26 AM
Parent: #5
| Quote: اسمـو (زولو) .. عضو جديد جابوهو بدل (الخير) البتسأل عنو دا.. |
|
Post: #6
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 08:24 AM
Parent: #3
| Quote: بأن يستبدل الطريقة المستفزة التي يحمل بها المايك |
رغم دبلجة الأغنية .. لكن الأداء بتاعو كان سمح برضو!
حاول يدينا إحساس الغنا المباشر .. زي ما جويلي كان بحاول!
___
الحركة البايخة البعملوها ناس النيل الأزرق طوالي
دي اسمها دبلجة ولا شنو بالضبط كـــــــدا؟
|
Post: #8
Title: Re: لوهلة ظننته الخير!
Author: بكري اسماعيل
Date: 04-14-2010, 08:37 AM
Parent: #6
Quote: أرجو من المجموعة أن تقوم بنصيحة عضوها الجديد؛ ذلك
الذي يبدو كملاكمي أندية الدرجة الثالثة؛ بأن يستبدل الطريقة المستفزة التي يحمل بها المايك.
|
هسي الأمين ود شمبات ما أخير من زولو ده ؟
|
Post: #9
Title: Re: لوهلة ظننته الخير!
Author: داليا الكباشى
Date: 04-14-2010, 08:40 AM
Parent: #6
دبلـجه ..!!
يعني يا عمك انت لا عربي لا انجليزي لا مزيكـه ولا اي شي ..
اسمو Play Back .. وبالمناسبه .. كانوا بيغنوا لايف ..!!
--------
اوعك تجي تقول لي الترجمه شنو
|
Post: #13
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 08:48 AM
Parent: #9
| Quote: اسمو Play Back .. وبالمناسبه .. كانوا بيغنوا لايف ..!! |
أقطع دراع ملاسي لو كانو بغنّوا لايف!
ياخ في الأغنية الأولى ولا التانية ما عارف حصلت
حاجة كـدا .. كلهم اتخلعوا! وأنور قاعد يغني
والمكرفون ما شغال .. والشباب يعاينوا في الفرقة
والفرقة تعاين في المذيعين (2) والمذيعين يعاينو
في الموصلي! وصمت رهيب!
ياخ نحن ذاتنا اتخلعنا!
|
Post: #15
Title: Re: لوهلة ظننته الخير!
Author: tmbis
Date: 04-14-2010, 08:56 AM
Parent: #13
Quote: ياخ في الأغنية الأولى ولا التانية ما عارف حصلت
حاجة كـدا |
والله يا عمك .. أنا قايل دي المطـرة ..
|
Post: #16
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 09:06 AM
Parent: #15
| Quote: والله يا عمك .. أنا قايل دي المطـرة .. |
ياخ أنا ماسكـ الشيشة في خشمي .. النفس قطع!
بالمناسبة يا عمكـ .. كدي أفتي لينا
في قصة اللايف القالتها دلوش دي!!
جاكـ أي إحساس لايف؟ جاكـ إحساس عقد الجلاد؟
|
Post: #19
Title: Re: لوهلة ظننته الخير!
Author: tmbis
Date: 04-14-2010, 09:26 AM
Parent: #16
Quote: بالمناسبة يا عمكـ .. كدي أفتي لينا
في قصة اللايف القالتها دلوش دي!! |
.. تعرف يا عمك أنا قلت احتمال تكون المطرة جهجهت الطبق من بره .. لانو من بداية الاغنية الاولى كان بيقطع وبيشخشخ .. مشيت اشوف الحاصل .. ما لقيت الحاجة .. جيت راجع لقيتم بتكلمو والاغنية انتهت .. باختصار ما فهمت فيها حاجة .. غير إنو الشباب ديل قاعدين يتكلمو عن الموصلي .. ومحمد وتسابيح كالعادة بيكررو في نفس الاسئلة البسالوها للناس كل يوم تسابيح تسال .. محمد يرد وبعداك يطلبو اغنية
الاغنية الحصلت فيها الحركة دي .. (شين ودشن) الاغنية التانية ..
بدت الاغنية كويسة .. بعد شوية حصلت الحركة دي .. حسيت بي راسي عمل زنننن .. وبتاعين الفرقة قاعدين يتلفتو مع بعض .. وتسابيح ومحمد عملو فيها رايحين .. بعد شوية اسمع ليك زول بكورك جوه الاستديو في الخلفية .. يكون المخرج يا المصور .. يا الجيران.
بعد شوية وزي ما اتوقعته .. ادو تسابيح إشارة وقالو ليها ودينا لي ناس الفاضل .. والمغلق بتاع البوهية لحدت ما نشوف الحاصل شنو ..
جابو الانوار البتولع .. وشامبيون .. وخلف الله عذبتنا .. وجو راجعين.
المهم .. سالت داليا في التلفون .. الحاصل شنو قالت لي الكهربه بتكون قطعت ..
انا بعتقد إنو كان في مطـرة في الاستدويهات ..
سهرة امسخ من مسيخــه .. والحمد لله حدي معاها قطعت النور وصبان المطرة ..
|
Post: #34
Title: Re: لوهلة ظننته الخير!
Author: عفاف الصادق بابكر
Date: 04-14-2010, 11:07 AM
Parent: #13
| Quote: ياخ نحن ذاتنا اتخلعنا! |
يعني دي ما انا دي .... ؟؟
والله انا قلته خلاااااس بعد المذاكرة لي حمودي بطاريتي نزلت ..
اتاري ده عطل فني لوجستي ولا شنو كده مارعارفه (يا داليا الحقيني يا دكتوره)
|
Post: #10
Title: Re: لوهلة ظننته الخير!
Author: Emad Abdulla
Date: 04-14-2010, 08:40 AM
Parent: #6
في سهرة أمبارح ..
لوهلة ظننت أن الفرقة تلك هي " عقد الجلاد " !!
و كلما أظن .. أقوم أنعل الشيطان .
|
Post: #11
Title: Re: لوهلة ظننته الخير!
Author: Hussein Mallasi
Date: 04-14-2010, 08:46 AM
Parent: #10
| Quote: لوهلة ظننت أن الفرقة تلك هي " عقد الجلاد " !! |
شكراً.
______
انبسطوا يا طارق جويلي
و شمت .. و اقعدوا على تلها!
|
Post: #12
Title: Re: لوهلة ظننته الخير!
Author: محمد زكريا
Date: 04-14-2010, 08:47 AM
Parent: #10
ما حضرتها.......قالو لي..........ماااااااااااااااااااا ياها....في حاجه غلط
قلت ليهم ما بتدو ال {زولو } فرصه اصلو
|
Post: #14
Title: Re: لوهلة ظننته الخير!
Author: عمران حسن صالح
Date: 04-14-2010, 08:53 AM
Parent: #12
Quote: في سهرة أمبارح ..
لوهلة ظننت أن الفرقة تلك هي " عقد الجلاد " !!
و كلما أظن .. أقوم أنعل الشيطان . |
|
Post: #17
Title: Re: لوهلة ظننته الخير!
Author: معتصم الطاهر
Date: 04-14-2010, 09:09 AM
Parent: #14
إسمها ( Minus one ) ( -1) أو ناقص واحد.. و تعنى أن تكون الموسيقى مسجلة و صوت الفنان مباشر ( حي ) ( Live)
و ما عرفوا ليها خاصة فى الأغنية المقصودة ..
جاءت الفرقة غير مستعدة لخاطر الموصلي .. وهذه تحسب لهم ..
|
Post: #18
Title: Re: لوهلة ظننته الخير!
Author: Siham Elmugammar
Date: 04-14-2010, 09:25 AM
Parent: #1
الخير منو؟؟؟
|
Post: #20
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 09:38 AM
Parent: #18
سهام .. أوع كمان تقولي ياتو في ديل!
|
Post: #21
Title: Re: لوهلة ظننته الخير!
Author: Hussein Mallasi
Date: 04-14-2010, 09:49 AM
Parent: #20
ما لا يطاق .. كانت محاولات مقدم البرنامج
جذب الجاكت الضيق .. آملاً أن يتسع ليحتويه.
_______
إن اتسع و احتواه؛
ماذا سيصنع للأكمام 
|
Post: #22
Title: Re: لوهلة ظننته الخير!
Author: ناذر محمد الخليفة
Date: 04-14-2010, 09:50 AM
Parent: #20
دقيقة يا شباب ...
Quote: أقطع دراع ملاسي لو كانو بغنّوا لايف!
|
كانوا بيغنوا لايف يا ود الصايم وعفيناك من دراع ملاسي ..
|
Post: #24
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 09:59 AM
Parent: #22
| Quote: كانوا بيغنوا لايف يا ود الصايم وعفيناك من دراع ملاسي .. |
يا زول دراعكـ زاتا خاشة في الموضوع دا!
ما لو القصة كانت لايف .. يبقى مهندس
الصوت مفروض يمش بيتهم لايف بـرضــو!
|
Post: #23
Title: Re: لوهلة ظننته الخير!
Author: سيف اليزل الماحي
Date: 04-14-2010, 09:52 AM
Parent: #20
.
أنا لي فترة طويلة أعتقد إنو ما تبقى من عقد الجلاد هو فقط شريف شرحبيل.
------------
كان تفرح كان تزعل
ياحسين .. ياهو ده الحاصل!
.
|
Post: #25
Title: Re: لوهلة ظننته الخير!
Author: Hussein Mallasi
Date: 04-14-2010, 10:07 AM
Parent: #23
توتر شمت عندما نصبته المذيعة – أو المذيع – في معرض السؤال
ناطقاً رسمياً باسم المجموعة؛ و طنطن بما لا يفهم .. ثم أجاب على السؤال.
|
Post: #26
Title: Re: لوهلة ظننته الخير!
Author: سيف اليزل الماحي
Date: 04-14-2010, 10:08 AM
Parent: #23
.
كانوا بيغنو لايف يا ود الصايم،
فما تظلم إنفعالات "زولو" الغنائية الواضحة بالأمس،
لأنو لو قابلك في ملف ممكن يرقد ليك بي طوبة.
.
|
Post: #28
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 10:15 AM
Parent: #26
Quote: فما تظلم إنفعالات "زولو" الغنائية الواضحة بالأمس،
لأنو لو قابلك في ملف ممكن يرقد ليك بي طوبة. |
سيف يا عمكـ
ما ظلمتو ياخ! لكن شايف
ملاسي قال مسكة المايكـ ما عجبتو!
أنا قلت حاول يديني إحساس الغنا!
الإحساس ما وصل يا عمكـ!
دي مشكلتي ولا مشكلة الفرقة؟
|
Post: #27
Title: Re: لوهلة ظننته الخير!
Author: اساسي
Date: 04-14-2010, 10:09 AM
Parent: #23
كما اني في سهرة الامس تاكدت تماما ان الموصلي اصبح يشبه حمد الريح شبه شديد
|
Post: #29
Title: Re: لوهلة ظننته الخير!
Author: محمد عبد الماجد الصايم
Date: 04-14-2010, 10:15 AM
Parent: #27
| Quote: كما اني في سهرة الامس تاكدت تماما ان الموصلي اصبح يشبه حمد الريح شبه شديد |
حقو الواحد ينادي ليكـ ع.ع.ف مساعد الياي
يجي يصرف ليكـ من القاموس بتاعو شـــوية!
|
Post: #31
Title: Re: لوهلة ظننته الخير!
Author: naeem ali
Date: 04-14-2010, 10:18 AM
Parent: #27
لو (مقدمين البرامج) في بلدنا اتعبوا نفسهم بسييييييط
في التعرف علي (الضيوف وموضوع الحلقه) بمقدار اهتمامهم بالاناقه..
ومهندسي الديكور وروهم الحلقه عن شنو قبل يبدوا الديكور..
وناس عقد الجلاد (وقفوا علي حيلهم)..
كانت طلعت حلقه مجنونه..
_________________
لوهله ظننتها (بروفه للحلقه)...
المستفيد من هذه الحلقه هم (المقدم والمقدمه)..
اذ استفادوا من (الاحتكاك) شانهم شان فرقنا الرياضيه
|
Post: #30
Title: Re: لوهلة ظننته الخير!
Author: Emad Abdulla
Date: 04-14-2010, 10:18 AM
Parent: #23
| Quote: سالت داليا في التلفون |
عاد ده كلام ؟؟؟
هي عقد الجلاد براها الظنناها لوهلة عقد الجلاد ؟؟
........
وحياة الله لوهلة قايلك هناي داك .. الحكر .
فاقد عصام جبر الله ياخ في السليقة دي ..
تعال يا خدر شوف " الشرس " بتاعك .
|
Post: #32
Title: Re: لوهلة ظننته الخير!
Author: tmbis
Date: 04-14-2010, 10:28 AM
Parent: #30
Quote: وحياة الله لوهلة قايلك هناي داك .. الحكر .
فاقد عصام جبر الله ياخ في السليقة دي ..
تعال يا خدر شوف " الشرس " بتاعك . |
.. يعني كان اتصل عليك ..؟ عليك الله اقنعني بس اتصل عليك ..؟
واللا علي عصام بتاعك دا .. أو حتى على خـدر ...؟
يقوليك الحلقة على الهواء .. وصابة مطرة .. اكيد بتكون نايم من السعة تمنية لا عارف في عقد الجلاد ولا عارف ابو النوم زاتووو ..
زول يقرش من الساعة ستة يقوليك صحيني أنا وعصام نحضر السهرة ..
مستحيل طبعا ..
مستحيل شديد..
|
Post: #33
Title: Re: لوهلة ظننته الخير!
Author: سفيان بشير نابرى
Date: 04-14-2010, 10:56 AM
Parent: #32
Quote: في سهرة أمبارح ..
لوهلة ظننت أن الفرقة تلك هي " عقد الجلاد " !!
و كلما أظن .. أقوم أنعل الشيطان . |
عقد الجلاد منذ 2004 بالنسبة ليّ كمتابع توجد
بها كثير من المشكلات تحتاج لمراجعة .
علي عقد الجلاد أن لا تعتمد علي تاريخها في
السنين الاولي .
يا شباب محتاجين حقيقة لوقفة جادة جداً.
شكراً يا عمدة .
وتحياتي وشكري لك ملاسي.
|
Post: #35
Title: Re: لوهلة ظننته الخير!
Author: Siham Elmugammar
Date: 04-14-2010, 11:15 AM
Parent: #33
| Quote: سهام .. أوع كمان تقولي ياتو في ديل! |
بلاهى الخير ده اسم واحد من الفرقة؟؟؟
يا ملاسى اعفى لى عودتنا على سوء الظن فيك
ود الصايم شكرا لتعميم الفائدة
|
Post: #36
Title: Re: لوهلة ظننته الخير!
Author: سيف اليزل الماحي
Date: 04-14-2010, 11:19 AM
Parent: #33
.
Quote: توتر شمت عندما نصبته المذيعة – أو المذيع – في معرض السؤال
ناطقاً رسمياً باسم المجموعة؛ و طنطن بما لا يفهم .. ثم أجاب على السؤال. |
نعم ..
بينما كان بإمكانه بديلا لهذا التوتر وتلك الطنطة أن يقول:
لا يفوتنا أن نرحب بإنضمام فلانة وفلانة للفرقة، ويضيف كالعادة: وهما إضافة كبيرة جدا
لهذه الفرقة، وقد إنتظمت بعد منافسة شديدة جدا الخ الخ..
.
|
Post: #37
Title: Re: لوهلة ظننته الخير!
Author: Salah Abdulla
Date: 04-14-2010, 12:57 PM
Parent: #36
| Quote: سهرة امسخ من مسيخــه .. |
شكراً يا تمبس ..
فقد كفيتني الندم على تفويتها..
|
Post: #38
Title: Re: لوهلة ظننته الخير!
Author: أبو عبيدة البصاص
Date: 04-14-2010, 01:50 PM
Parent: #37
Quote: المستفيد من هذه الحلقه هم (المقدم والمقدمه)..
اذ استفادوا من (الاحتكاك) شانهم شان فرقنا الرياضيه |
حليلك يا سعدالدين
|
Post: #39
Title: Re: لوهلة ظننته الخير!
Author: خدر
Date: 04-14-2010, 03:00 PM
Parent: #38
دي ثقالة منكم و حسادة كمان
نحن .. مافيا اوربا دي موش اخوانكم !!
و انتو عارفين انو النيل الازرق دي ما بتجينا !!
ما نقلتوها لينا فيديو ليه ؟
يا شرس ..
عمرك كلو قادينا بي فيديوهات نجوم الغد
نجوم الامس ديل مالك ما نقلتهم لينا هنا
هو انت فاضي من ضربت لي داليا ؟ 
نزل لينا الفيديو هنا بلاش جلكسات معاك
قال ضربت و المطرة صبت
|
Post: #40
Title: Re: لوهلة ظننته الخير!
Author: ASHRAF TAHA
Date: 04-14-2010, 04:39 PM
Parent: #1
استحلفك بالله ان تتجاوز قصة سطر وكلينكس دي
يا هيكل نفسك
حللنا الشغلة
وخلينا من قصة رايت فيما يرى النايم دي عليك دينك
الانتخاااب
الانتخاب
كيفنا عندكن
|
Post: #41
Title: Re: لوهلة ظننته الخير!
Author: Hussein Mallasi
Date: 04-14-2010, 08:12 PM
Parent: #40
المذيعة الميكانيكية كررت شكرها – كما اعتادت - لأعضاء الفرقة
الموسيقية على مشاركتهم .. غير عابئة بتململهم من ذلك الوصف!
|
|