Post: #1
Title: ضبط(200)من الموتي يصوتوا باسمائهم آخرين بغرب دارفور!!
Author: Tragie Mustafa
Date: 04-13-2010, 07:57 PM
طبعا ما خفي كن اعظم
نحن متأكيدن انه ال فوق ال500 الف قتيل درافوري كلهم صوتوا
عن طريق كذابي ومزوري الانقاذ:
Quote: اخر الاخبار English Page Last Updated: Apr 13th, 2010 - 19:43:38
--------------------------------------------------------------------------------
إدراج (200) من الموتى بالسجل الانتخابي بغرب دارفور
Apr 13, 2010, 19:42
سودانيزاونلاين.كوم Sudaneseonline.com
ارسل الموضوع لصديق
نسخة سهلة الطبع
إدراج (200) من الموتى بالسجل الانتخابي بغرب دارفور
"أجراس الحرية"
الجنينة: صباح أرباب
أثار وجود (10) صناديق اقتراع تحملها عربة بدون نمرة أو حراسة وعليها شعار المؤتمر الوطني وصورة مرشحه للولاية جعفر عبد الحكم بسوق الجنينة أمس شكوك عدد من مرشحي غرب دارفور .
وشكك مرشح الحزب الاتحادي الأصل للدائرة الولائية الجنينة نور الدين بركات في نزاهة الانتخابات وقال لـ(أجراس الحرية) إنّ صورة مرشح المؤتمر الوطني لمنصب الوالي وضعت على عربة تحمل صناديق دون رقابة، فيما طالب مرشح المؤتمر
الشعبي للدائرة 8 الولائية خالد عبد الله المفوضية بتوضيح كيفية خروج تلك الصناديق
وأقر رئيس اللجنة العليا للانتخابات بالولاية آدم أحمد الطاهر بحدوث خطأ وقال إنّهم سيتحملون المسؤولية والالتزام بعدم التكرار.
من جهته كشف مرشح الدائرة 1 كلبس/ صربا القومية سيف الدين هارون عن خروقات في السجل الانتخابي منها وجود (200) اسم لموتى بينهم امرأة توفيت سنة 1979م، وحمل المسؤولية كاملة للمفوضية خاصة أنّها لم ترد على الشكوى التي رفعت إليها من قبل المرشحين، وأشار هارون إلى نقل عدد من المراكز بالمناطق المجاورة لكلبس وهى مناطق يعتقد المؤتمر الوطني أنها ليست موالية إلى داخل رئاسة المحلية.
|
|
Post: #2
Title: Re: ضبط(200)من الموتي يصوتوا باسمائهم آخرين بغرب دارفور!!
Author: Tragie Mustafa
Date: 04-13-2010, 07:59 PM
Parent: #1
ولسه ما خفي كان اعظم ويجيك ود الشيخ الكباشي يقول لك ماهو
دليلك على التزوير يا تراجي مصطفى
التقول عميان عن كل هذا المنشور هنا؟؟؟؟
|
Post: #5
Title: Re: ضبط(200)من الموتي يصوتوا باسمائهم آخرين بغرب دارفور!!
Author: Amani Al Ajab
Date: 04-13-2010, 08:20 PM
Parent: #4
العزيزة تراجي لك خالص الود ...
الموتي صوتوا في كل مكان ...
حقيقة الأختشوا ماتوا ...
هذه مهزلة حقيقة سبقت نظيرتها الكرزاوية...
دمتي بخير ..
|
Post: #6
Title: Re: ضبط(200)من الموتي يصوتوا باسمائهم آخرين بغرب دارفور!!
Author: صلاح أبودية
Date: 04-13-2010, 08:28 PM
Parent: #5
والله فيهم الخير !
أحسن من الحيين الما صوتوا !!
|
Post: #7
Title: Re: ضبط(200)من الموتي يصوتوا باسمائهم آخرين بغرب دارفور!!
Author: Tragie Mustafa
Date: 04-13-2010, 08:46 PM
Parent: #6
ويتواصل للتوثيق للتزوير.
|
Post: #8
Title: Re: ضبط(200)من الموتي يصوتوا باسمائهم آخرين بغرب دارفور!!
Author: الشفيع وراق عبد الرحمن
Date: 04-13-2010, 08:48 PM
Parent: #6
علي الحلال ما بحلكم يا تراجي
والله قلتو الروووووب عديييييل كده
مبروووووك انتصرت دارفور السلام في الانتخابات
دارفور السلام ح تصوت بنسبة قد تصل الى 90% بغض النظر تصوت لمن
المهم السلام حل في دارفور
وسكتت اصوات البنادق
وحقكم راح يا تراجي
ولو لم تفرز كووووول هذه الانتخابات الا هذا لكفانا
|
Post: #9
Title: Re: ضبط(200)من الموتي يصوتوا باسمائهم آخرين بغرب دارفور!!
Author: محمد إبراهيم علي
Date: 04-13-2010, 09:36 PM
Parent: #8
Quote: إكتشاف مركز اقتراع مجهول فى ضواحى المجلد منطقة بلى
حيث وجد ان منسوبى المؤتمر الوطنى يمارسون عملية تزوير بالمكشوف بعد ان نصبوا لهم خيمة فى وسط الغابة ويقومون بالتصويت وحشوا الأوراق فى الصناديق مستعينين باشخاص مجهولين
وعندما تم إكتشافهم قالوا إن المركز يتبع الى الدائرة 9..بابنوسة و لا يوجد شخص يمثل المفوضية فى المجلد بإعتبار أن الدائرة تابعة لبابنوسة وقد قام وكلاء حزب الأمة فى المجلد بالإتصال برئيس المفوضية فى بابنوسة ولكنة مغلق الهاتف و معلوم انة ينتمى الى المؤتمر الوطنى عموما حسب المصدر ان عملية التزوير مستمرة الى اليوم الثالث |
بالطريقةدي كردفان حتحصل على نسبة التصويت يمكن تصل لـ 150%
|
Post: #10
Title: Re: ضبط(200)من الموتي يصوتوا باسمائهم آخرين بغرب دارفور!!
Author: الشفيع وراق عبد الرحمن
Date: 04-13-2010, 09:56 PM
Parent: #9
انت وكاتب المقال ما ناقشين حاجة
كل مواقع المراكز معروفة وموثقة من زماااان
كل مركز له رئيس وتشرف عليه لجنة من مناديب الاحزاب والمراقبين
ولا تعتمد نتيجة المركز الا بموجب تقرير معتمد وموثق من كل هؤلاء بما فيهم مناديب الاحزاب والمراقبين
ومن حق اي مرشح ان يطعن في اي مركز لم يستوفي هذه الشروط
اها فهمتو ولا نشرحو تاني
|
Post: #11
Title: Re: ضبط(200)من الموتي يصوتوا باسمائهم آخرين بغرب دارفور!!
Author: محمد إبراهيم علي
Date: 04-13-2010, 10:04 PM
Parent: #10
| Quote: اها فهمتو ولا نشرحو تاني |
انت قايلني خلف الله ولا شنو
شرحك ده تشيلو توديهو لخلف الله الاصم وبالله عيدو ليهو كم مرة باقي الراجل ده خشمو مليان موية ممكن ما يسمعك كويس
|
Post: #13
Title: Re: ضبط(200)من الموتي يصوتوا باسمائهم آخرين بغرب دارفور!!
Author: Tragie Mustafa
Date: 04-14-2010, 04:30 AM
Parent: #6
أبو اديه ازيك؟؟؟
Quote: والله فيهم الخير !
أحسن من الحيين الما صوتوا !! |
الحين مصوتين لشنو لاكساب الشرعيه على الانقلابين؟؟!!
|
Post: #12
Title: Re: ضبط(200)من الموتي يصوتوا باسمائهم آخرين بغرب دارفور!!
Author: Tragie Mustafa
Date: 04-14-2010, 02:26 AM
Parent: #5
العزيزه اماني
Quote: العزيزة تراجي لك خالص الود ...
الموتي صوتوا في كل مكان ...
حقيقة الأختشوا ماتوا ...
هذه مهزلة حقيقة سبقت نظيرتها الكرزاوية...
دمتي بخير .. |
تسلمي يا غاليه
يختي انت في الموتى بس؟؟؟
قالوا لك الموتي و المسافرين...كلهم صوتوا
يعني حسه انا متوقعه في اوراق مرميه باسمي واسماء اخواتي واخواني الكلنا بالخارج!
اصلا لينا جيران كيزان و في اللجنه الشعبيه اكيد قالوا لهم ديل سجلوهم بقلب واثق!
تخيلي!!
ودي علبه كيزانيه معروفه من زمان بيصوتوا باسماء المسافرين.
|
Post: #14
Title: Re: ضبط(200)من الموتي يصوتوا باسمائهم آخرين بغرب دارفور!!
Author: Abdlaziz Eisa
Date: 04-14-2010, 07:03 AM
Parent: #12
الأخت تراجي
سلام
الإنسان يُرهب, يُهّجّر ويُقتل.. وكل ذلك لا يشفي غليل هؤلاء!!!!
لو خلينا الكلام في الدين..
لو خلينا الكلام في الخير والشر..
ولو خلينا حتى في الإنس والجن!!!
ناس الإنقاذ ديل من أين نجد لهم تصنيف يناسبهم؟!!!
|
Post: #15
Title: Re: ضبط(200)من الموتي يصوتوا باسمائهم آخرين بغرب دارفور!!
Author: د.يوسف محمد طاهر
Date: 04-14-2010, 07:32 AM
Parent: #14
الجسورة : تراجي وضيوفها الكرام - السلام عليكم
ما يحدث من فضائح في السودان شيء مخيب للآمال , ومضر
للغاية بسمعتنا , ومصداقيتنا كسودانيين عرفنا بغير
ذلك بين شعوب الأرض .
ـــــــــــ
نسأل الله تعالى أن تتم هذه المهزلة على خير
ـــــــــــــــ
أدعوك ومن معك من ضيوف تسجيل حضوركم وآهاتكم
عبر هذا الخيط
قهر الرجال ... متى تشعر به ؟
|
Post: #16
Title: Re: ضبط(200)من الموتي يصوتوا باسمائهم آخرين بغرب دارفور!!
Author: محمد خليل إسماعيل
Date: 04-14-2010, 09:47 AM
Parent: #15
تراجي
ضبط(200)من الموتي يصوتوا باسمائهم آخرين بغرب دارفور!!
والــ 200 من الموتي ديل طلعوا كيف من قبورهم .. أوع تقولي لي
ناس المؤتمر الوطني طلعوهم لزوم التزوير وكدة .
قالت ضبط 200 من الموتي يصوتوا بأسمائهم
والله حالتكم بقت صعبة خلاااص ... ياخي شوية كدة وتقولوا الرررررروووووووووووب .
المؤتمر الوطني بصراحة كدة إنتهت مما تبقي من عقل للمعارضة .
ابوشهد
|
|