Post: #1
Title: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 05:22 PM
ذهبت اول يوم لمركز ألأقتراع وفقأ لتسجيلى بسفارة السودان بالرياض...وكان مكان أسمى حسب التوزيع هو مخرج 26 شارع حمزة بن عبدالمطلب...قاعة ألأركان..
حشود حشود..ما شاء الله.إحترمت فى الحضور تفهمهم للديمقراطية وهذا فهم حضارى لآختيار مرشحهم للرئاسة..
أعجبنى التنظيم..أول شىء هناك قاعتان للأقتراع بالنسبة للسفارة..قاعة درة ألأماكن وقاعة أركان..ذهبت للأولى لاقانى ليك زول متجهم..قال لى ورقة تسجيلك ..قلت ليهو خلينى أشوفه ليك..وكان مالقيته ما ممكن أصوت..قال لى ماممكن تدخل ذاتو..
تحاورت معه وكنت عايز اعرف فهمو شنو وحلو شنو؟؟لقيتو زول محرسنو الباب بس..ويمنع اى زول ما يدخل إلا بورقة تسجيل..
عرفت من بعض الناس أن هناك جهاز كمبيوتر ومن خلال الموظف وبأوراقك الثبوتية يطلع رفم تسجيلك ووريك إنت فى أى قاعة للتسهيل على الناس وما شاء الله فى اقل من دقيقتين كان أدانى رقم التسجيل وعرفت بأنى انا فى اى قاعة..
رجعت لزولى داك ووريتو وقلت ليهو لو جاك زول زى حالتى دى..دلو..ووجهو..الراجل برحابة صدر شكرنى وقال لى العترة بتصلح المشية..
الناس ديل كان من المفترض ينوروهم بكل المعطيات عشان يكونوا فى الصورة..
كدى خلونى فى عنوان البوست..بصراحة اليوم الثالت والحبر ده ماطلع..الشىء شنو؟؟؟
تقديرى..
|
Post: #2
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: خدر
Date: 04-13-2010, 05:40 PM
Parent: #1
|
Post: #3
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: Mayada
Date: 04-13-2010, 05:52 PM
Parent: #2
جرب شغل خدر دة كان ما نفع ما بحلك الا السعودي شامبين وعلى شرط من الفخار، طبعا اكيد ما بتعرف دربو انت بس تعال سوقني وانا بوريك دربو بوين وصدقني وعد شرف وامانة ما يطلعو ليك في ثاااااااااااانية...
ست البنيـــــــــــــــــات
|
Post: #4
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: عثمان جلال الدين
Date: 04-13-2010, 05:53 PM
Parent: #2
أنا صوت أمس 11 ليلاً والآن أكتب ثاني يوم 5 عصراً تبقت فقط أثار للحبر على الظفر فقط...
إنت الظاهر أدوك من الأصلي ..
|
Post: #5
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 05:57 PM
Parent: #4
شكرآ أخوى خدر....
ماقصرت تسلم عزيزى..
|
Post: #6
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 06:00 PM
Parent: #4
Quote: ست البنيـــــــــــــــــات
|
أختى..ميادة..
ويكون عنب.مش كده..
تحياتى وشكرآ على مرورك..البهى..
|
Post: #7
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 06:04 PM
Parent: #6
Quote: أنا صوت أمس 11 ليلاً والآن أكتب ثاني يوم 5 عصراً تبقت فقط أثار للحبر على الظفر فقط...
إنت الظاهر أدوك من الأصلي .. |
أخى عثمان السلام عليكم ..يظهر خايفين منى.ما أزور...
تقديرى وأحترامى وشكرآ على المرور..
|
Post: #8
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: الشفيع وراق عبد الرحمن
Date: 04-13-2010, 06:27 PM
Parent: #7
ود عباس يا اخوي
حسب تصريح المدام البتاع ده داخلة في تركيبته الحنة
ده من الريحة وكده
البتاع ده بعد اليوم التاني بسود الظفر بشدة ولا اظن بوجود ما يزيله
ودي
|
Post: #9
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: Tragie Mustafa
Date: 04-13-2010, 06:31 PM
Parent: #8
يا عثمان انت صدقت عمك عباس ده؟؟؟يا حبيب ده بس عايز يغني للمؤتمر الوطني
ويدعي انه احبارهم اصليه؟
Quote: أنا صوت أمس 11 ليلاً والآن أكتب ثاني يوم 5 عصراً تبقت فقط أثار
للحبر على الظفر فقط...
إنت الظاهر أدوك من الأصلي .. |
يا حبيب مبروك عليك يا غالي الحبر الثابت.
ومبروك عليك التنيظم البخي هيثم درار يسجل في الشرقيه ويطلع في الرياض؟؟!!
|
Post: #14
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: الشفيع وراق عبد الرحمن
Date: 04-13-2010, 06:55 PM
Parent: #13
ايوة يا تراجي
كوووولهم كضابين
الاول جايب الاصبع اليمين
وبتاع الفيديو جايب الاصبع من قدام وما جاب الظفر
الحبر يستحيل يطلع من الظفر
اما بتاع الصابون ابو ساعة فده اكبر كذبة لانه مفعوله يزداد مع مرور الوقت
وقع ليك يا تراجي يا اختي؟
|
Post: #12
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 06:38 PM
Parent: #8
Quote: ود عباس يا اخوي
حسب تصريح المدام البتاع ده داخلة في تركيبته الحنة
ده من الريحة وكده
البتاع ده بعد اليوم التاني بسود الظفر بشدة ولا اظن بوجود ما يزيله
ودي |
والله يا الشفيع يا اخوى كلام المدام ده شكلو صح..لآن هناك رائحة حنة..وأللا حلم الجعان عيش..
..يا اأخى خلى المفوضية تورينا الحبر ده من وين وإذا ما عندو أى مشاكل صحية ..فى إعتقادى حايكون أفضل من الحنة..واها المراة ما تعدى وقتها وهى جالسة فى الحنة ومضيعة زمن عشان تشيل الحنة..
أشكرك على مرورك...
وتحياتى..
|
Post: #15
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 07:07 PM
Parent: #12
ألأخت تراجى..أم حازم..السلام عليكم..
أولا أشكرك على الروابط التى دعمتى بها البوست..وأشكرك على مرورك..
Quote: يا عثمان انت صدقت عمك عباس ده؟؟؟يا حبيب ده بس عايز يغني للمؤتمر الوطني
ويدعي انه احبارهم اصليه؟
|
البحث عن الحقيقة يعتبر غنى للمؤتمر..؟؟
أنا صباعى ده كبيت فيهو كلونيا..وحا امشى أستعمل دواء خدر ده كمان لو لقيتو قدامى..
كل من يأتى بالحقيقة هنا يصنف حسب أمزجة الناس..
أنا لم اكذب أحد..وبنفس القدر عايز اصل للحقيقة..هل ألأحبار دى ما من جهة واحدة؟؟ وموزعة لكل المناطق بنفس الحبر؟؟
تحياتى وتقديرى..
|
Post: #16
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ابو جهينة
Date: 04-13-2010, 08:02 PM
Parent: #15
سمعة أبو العباس
كدى خلونى فى عنوان البوست..بصراحة اليوم الثالت والحبر ده ماطلع..الشىء شنو؟؟؟
بصراحة ... اليوم هو اليوم التالت و لم يتبق في أصبعي شيء يذكر ، إلا أنه في الظفر لسع متمترس.
اللهم سخر للسودان حكومة تلتفت فقط لمصلحة الشعب أولا و أخيرا
|
Post: #17
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 08:52 PM
Parent: #16
Quote: كل ديل كذابين يا عباس؟؟؟
لا صدقناك. |
لم أكذب أحد أخت تراجى..
ولكى ان تصدقى أوتكذبى..لكى التحية..وشكرآ للرابط برضو..
والله نحن ماعارفين نصدق منو وللا نكذب منو؟؟
تحياتى..
|
Post: #19
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 08:55 PM
Parent: #17
ياريس..كيفنك؟؟
نحن ما مشينا سوى..
| Quote: إلا أنه في الظفر لسع متمترس |
الحمدالله إنو متمترس ....
لك التحية وشكرآ على الشهادة...
|
Post: #18
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: داليا الكباشى
Date: 04-13-2010, 08:54 PM
Parent: #16
عمو اسماعيل عباس الراجل المحترم الذي لا يشق له غبـار ..
بابا اتصل علي الليله قال لي صوتوا هو وماما من اول امبارح
والحبر لاصق في يدهم زي الحنه فعلا زي ما قلتا ..
غايتو ما عندك حل الا الشامبيون السعودي بتاع مياده دا 
-------------
افتقدكـم جدا والله ..
|
Post: #20
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-13-2010, 08:59 PM
Parent: #18
Quote: بابا اتصل علي الليله قال لي صوتوا هو وماما من اول امبارح
والحبر لاصق في يدهم زي الحنه فعلا زي ما قلتا ..
غايتو ما عندك حل الا الشامبيون السعودي بتاع مياده دا
|
داليا الزولة الرائعة...
كيفنك..ونحن إفتقدناك أكثر..إن شاء الله تجى بالسلامة والشمبانى السعودى بتاع العنب محمدك ومحمد مياده..
تسلمى على المرور..تقديرى وأحترامى..
|
Post: #21
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-14-2010, 09:27 AM
Parent: #20
اليوم الرابع ...والظفر مازال..
أ
|
Post: #22
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: tmbis
Date: 04-14-2010, 09:46 AM
Parent: #21
Quote: البحث عن الحقيقة يعتبر غنى للمؤتمر..؟؟
كل من يأتى بالحقيقة هنا يصنف حسب أمزجة الناس.. |
.. يا اسماعيل .. تجاوز الحتة دي .. واكتب وجهة نظرك تراجي دي كويس إنو جات قالت ليك الكلام دا .. وجاته الشجاعة ... لكن الكعب البقرو كلامك دا ويختو قدامك علامة وينمطوك ..
أهم حاجة في المسالة دي يا اسماعيل إنك عملت الحاجة القادك ليها راسك .. وما قادك ليها اي واحد من المساكين ديل .. وأهم حاجة إنك رجل واعي .. ومسؤول ..
الاتوصلت ليهو من خلال البورد دا .. إنو مسرح كبر جدا .. اي زول بيقول اي حاجة وبيعمل اي حاجة .. لكن الواقع ما ليهو اي علاقة ..
الما بيعرفك بيجهلك يا اسماعيل .. ودي حقيقة الفرق بين البكان دا .. وبين ما المكان دا ..
انا زمني كعب جدا وإن شاء الله بمشي بصووط الليلة نهاية اليوم .. أو بكرة من الصباح كان الله هووون .. وإن شاء الله الحبر دا يطلع من اصبعي بعدما ادخل اصبعي في الفتيل بتاعم دا .. اهـــا .. سوووو وووووط .. ومنو في الفلاسفة ديل ليهو حق إنو يتحكم في خياراتي .. ومنو فيهم ليهو حق .. يفتي .. الناس البتقول في الكلام دا فيهم الما سجل من اساسو وفيهم العامل فيها سياسي ضليع وفيهم العامل فيها شارب المعارضة شراب .. وفيهم الما لاقي ليهو مكان عشان يسجل فوقو وقول سجل فوقو تاني البيوديهو عشان يصووط شنو ..
بالمقابل .. ادي نفسك فرصة وعاين لي جموع الناس الفي السودان القاعده تختار خياراته وفقط احكم ..
|
Post: #23
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-14-2010, 03:42 PM
Parent: #22
تمبس الحبيب..
تتخيل يا تمبس..ده الصح..
Quote: الما بيعرفك بيجهلك يا اسماعيل .. ودي حقيقة الفرق بين البكان دا .. وبين ما المكان دا ..
|
والفرق بين البكان ده والمكان ده البا..والبدورنا مرحب بيهو والمابدورنا برضو مرحب بيهو...
شكرآ يازول ياراقى..وشكرآ على المرور..
تقديرى وأحترامى..
|
Post: #24
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-15-2010, 09:04 AM
Parent: #23
اليوم الخامس ...والظفر مازال..
وفى الحلق غصة لآعتقال نجلاء..اللهم فرج عنها يارب..
|
Post: #25
Title: Re: ياجماعة حبر ألأقتراع ده بطلع كيف؟؟؟بقى شكلو زى الحنة..
Author: ismeil abbas
Date: 04-15-2010, 07:25 PM
Parent: #24
يا تمبس
قالوا إنتخبت اليوم ورينا الحبر كيف؟؟؟
|
|