إنتحارات

إنتحارات ولا إنتخابات أصلوا

اليوم ذهبت متأخراً للعمل تخيلت أن اليوم إجازة رسمية حسبما تداول المتداولون وتناقلت الاشاعات الشوارع كانت خاوية علي عروشها تقريباً في طريقي مررت بالقرب من مركزنا الإنتخابي وهي ذات المدرسة التي تلقيت فيها تعليمي الأول تذكرت وأنا أمر من هناك الكثير من الذكريات الحميمة .

في الشارع نصبت خيمة كبيرة كتب عليها بخط واضح المؤتمر الوطني ثم عبارات كثيرة من شاكلة (صوتك أمانة) (معاً لاستكمال مشاريع التنمية) (معاً لاستكمال النهضة الزراعية) وكثير أمنيات دلقها القوم الـ(مؤتمر وطنيين) .

عدت بذكرياتي سريعاً كان ذلك والعام ديمقراطي الهوي زارنا السيد الحبيب الصادق المهدي فإنهلنا عليه ببقايا الطوب الأحمر والطماطم الفاسدة كنا غاضبون وجائعون وكان الرجل ديمقراطياً لأبعد الحدود نفض جلبابه الطماطمي ثم واصل مسيره وكأن لم يكن .

جاءني ساعتها محمدعبدالسلام هم هكذا الشهداء يذهبون بعيداً ثم يخرجون من أكفانهم في تمام مواعيد القضايا الكبيرة يرمقوننا بنظراتهم الساخره ويرموننا ببعض عتاب محبين ثم يعودون للدخول في أكفانهم ناصعة البياض . ولكأنهم يحثونا علي مزيد النضال فمن أين لهم أن يدروا أن البلاد ماعادت هي البلاد ومن قائلهم أن القوم الـ(المؤتمر وطنيين) فعلوا بالبلاد ما لم يفعله نجار بالخشب .

قالو الدنيا إنتخابات والحشاش يملأ شبكتو !
وإمتلأت شباك صائدي الوطن إمتلأت بالخيبات والحسرات قهرونا يامحمد في حظنا وأحلامنا قهرونا بهامش حرياتٍ (ماعرفنا لها كراع من قعر) . يومان فقط وينقضي الأمر ... أمر هذه البلاد السودانية عظم الله أجر شهدائها ووطنييها يومان وندخل بعدها توشك توشك توشك في متاهةٍ جديدة .

في الحافلة كان الصمت سيد الموقف وعيون الناس تتحرك يمنةً ويسرة وعربات الكجر وصافراتهم تحيل هذا الصباح الخرطومي لموقعة حربية قوامها الطير الأبابيل ونحن قرشيي القرن الواحد والعشرون حسبما تؤكد السجلات الوطنية . نحن الآن في مسرح اللامعقول لانملك سوي أن ننظر لما وراء الغيوم كان تهطل (مطرة) وأكان (يجوا الناس البعرفوا شليل وشقيش راح) .

تتساءل وأنت تدير البصر كرتين : ياربي الناس دي شتت وين ؟
قالت الصحف : الكثيرون من المواطنين سافروا الي قراهم
قالت كذلك : إرتفاع جنوني في أسعار الطماطم والمواد التموينية
تحاول أن تربط بين المسافرين وأسعار الطماطم التي في إرتفاع ـ تفرغ ما بمعدتك حال قراءة المشهد السياسي ـ تنظر لهذا السودان كوطن مقلوب ـ تستعين ببقايا صبر ودمعات قليلات ثم تقطع حبال أسئلتك الحيري وتمضي أكثر في الطريق .

إستوقفني رجل بهندام محترم يحمل عدة أوراق ما ترددت لوهلةٍ أنه سائلني عن حاجة ـ لنصف ساعةٍ بالتمام والكمال وهو يحكي عن أبنائه الخمس وعن دراساتهم الجامعية وعن المصاريف وعن تقديمه لحوجته لديوان الزكاة وعن عنعنات كثيرات ـ ما إحتملت بعدها الوقوف حاولت التضامن أكثر من تلك العبارة التي علمنيها تصاريف زماننا الرخو (فايتنك بالصبر) ما خرجت العبارة لتريحني وما إستطعت الوقوف بعد ذلك . ومن أنا أيها المسكين لتواجهني بحاجتك أنا منو ياعمنا غير زول زيي زيك كده ؟ وأنا (حيلتي إيه غير إتكي وأحلم معاك) الله كريم يازول وانت زاتك كان ما شليق ده زمن خمسة أولاد ؟

المطعم كان مغلقاً وستات الشاي جميعهن إعتصمن بحبل الله ولا ست شاي ظهرت في هذا الصباح الخرطومي بالغ المكيدة ـ شابان بقربي أحدهما يحاول إقناع الآخر بالذهاب للمركز التايلندي للمساج .
ياخ المركز ده فيهو تايلنديات مبالغة .
ثرثروا مع بعضهم البعض ثم ساروا الي غاياتهم ـ

ما إن تحركت قليلاً حتي إستوقفني ثانٍ :
مطعم قريب من هنا لو سمحت هكذا سألني
قلت دون تردد معلم الله وما دريت إن كانت إجابتي مقنعة له ـ غير أنني ضحكت بأعلي صوتي وأنا أخرج من شنطتي السوداء بقايا تمباك بلدي والرجل يقول بقرف واضح :
إنتخابات دي ولا انتحارت شنو المطاعم دي كلها مقفلة ؟
إنتحارات ياعمنا
إنتحارات ليس إلا .

أظنه الجوع قد فعل فعلته أظن ذلك وإن بعض الظن إثم .
وكل عام والانتحارات بخير

ننصح جميع من يودون الانتحار
اليشقوا دروب هذا الوطن في هالأيام



ـــــــ
الفرص محدودة

خدوري يا لذيذ سلاااااام

Quote: ضحكت بأعلي صوتي وأنا أخرج من شنطتي السوداء بقايا تمباك بلدي

باقيا يعني ما لقيت محل تمباك فاتح وسفيت تمباك بايت ؟

نسيت أن أوضح :


توجد مواصلات بعد العرض

يامورتا

وينك ياشاب
صوتوا ولا لسع ؟
اليومين ديل ليس أمامنا سوي الترديد خلف القدال في رائعته


كملت كوتة التمباك
صقعنا الجرة



حليل أيامك والله

وعلي مستمعينا في دول الجوار مراعاة فروق الوقت .



ـ

فايتنك بالصبر

وما اشبه اليوم بالبارحة

وازداد اصحاب الايكة كيل بعير

حمزاوي

ياخينا ما تجوا نواسي بعض في المحنة العجيبة دي
بيع شديد يامولانا

مودتي التي تعلم

خضر يا صديقي
تصدق بالله هنا مافي سيرة لانتخابات نهائي؟ هههه
الطلاب وهم اكبر تعداد في هده البقعة المسماة بماليزيا وحياتك ما شغالين بيها الشغلة ونحن مصنقرين نتابع البورد
وقلبنا مقطوع ومتحسر على حاجتين
الاول انو نحن بعيدين منكم في مثل هذه الظروف والزول محتاج لناس يتناقش وياخد ويدي معاهم
تانيا موجوعين على الوطن الما عندو وجيع
تحياتي

ياصديقي

الحسرة تفجعنا والفجيعة تحسرنا

تخيل وطن لا نملك فيه حق الرفض

وطن يتمزق ونحن شهود ونوثق فقط

هو اضعف الايمان بالوطن .




..........................حجر.

Quote: تخيل وطن لا نملك فيه حق الرفض

حسبنا الله ونعم الوكيل

ونعم بالله عزيزي أسعد
ونعم بالله

حجر
كيفنك ياصاحبي
شايفك من الغلب ماعارفك تقول شنو ؟
عندك حق والله
التاريخ سيقول قوله يوماً ما واجبنا أن نوثق
لهذا الخراب . يوماً ما سنحتاج لكل هذا ياصديقي





يوماً ما ياحجر

أم سهي
والله فاقدنك يازولة
نحنا كويسين ونعاين ونعاين ونعاين وننتظر
زينا زيكم واحد
الفارق أننا مطحونون أكثر مما يجب
لكن ده الله وده حكمتو
نسوي شنو يازولة


تحياتي لسهي وسرور

......





يا حليلك يا خضر يا زول يا سمح ، إنتخابات شن نفرها يابا و البلد تراها بقت زى ( العَنْبَجة ) الشايلها البَحَر ، و (محمد أحمد) يا أخوى تراهو بقى زى التُّور ( المِتعوِّج ) ، عينو لى أُمَّاتو ، ويرقد وَسْط الحمير . مخيَّر الله







......

.....

Quote: كم عشتُ أسألُ: أين وجــــــــهُ بــــلادي أين النخيلُ وأيـن دفءُ الــوادي لاشيء يبدو في السَّمـَــاءِ أمـامنــــــــــا غيرُ الظـلام ِوصــورةِ الجــلاد هو لا يغيبُ عن العيــــــــون ِكأنــــــــه قدرٌٌ .. كيوم ِ البعــثِ والميــــلادِ قـدْ عِشْتُ أصْــــرُخُ بَينـَكـُمْ وأنـَـــــادي أبْنِي قـُصُورًا مِنْ تِـلال ِ رَمَـــادِ أهْفـُـو لأرْض ٍلا تـُسـَـــاومُ فـَرْحَتـِــــي لا تـَسْتِبيحُ كـَرَامَتِي .. وَعِنَــادِي أشْتـَـاقُ أطـْفـَـــــالا ً كـَحَبــَّاتِ النـَّــــدَي يتـَرَاقصُونَ مَـعَ الصَّبَاح ِالنـَّادِي أهْـــفـُــــو لأيـَّـام ٍتـَـوَارَي سِحْــرُهَـــــا صَخَبِ الجـِيادِ.. وَفرْحَةِ الأعْيادِ اشْتـَقـْــــتُ يوْمـًا أنْ تـَعـُــودَ بــِــــلادِي غابَتْ وَغِبْنـَا .. وَانـْتهَتْ ببعَادِي فِي كـُلِّ نَجْــم ٍ ضَــلَّ حُلـْـــٌم ضَائـِـــــع ٌ وَسَحَابَــة ٌ لـَبسـَـتْ ثيــَـابَ حِدَادِ وَعَلـَي الـْمَدَي أسْـرَابُ طـَيــر ٍرَاحِــــل ٍ نـَسِي الغِنَاءَ فصَارَ سِـْربَ جَرَادِ هَذِي بِلادٌ تـَاجَـــرَتْ فــِـي عِرْضِهـــَــا وَتـَفـَـرَّقـَتْ شِيعًا بـِكـُـــلِّ مَـــزَادِ لـَمْ يبْقَ مِنْ صَخَبِ الـِجيادِ سِوَي الأسَي تـَاريخُ هَذِي الأرْضِ بَعْضُ جِيادِ فِي كـُلِّ رُكـْن ٍمِنْ رُبــُــوع بـِـــــلادِي تـَبْدُو أمَامِي صـُورَة ُالجــَــــلادِ لـَمَحُوهُ مِنْ زَمَن ٍ يضَاجـِــعُ أرْضَهَـــا حَمَلـَتْ سِفـَاحًا فـَاسْتبَاحَ الـوَادِي لـَمْ يبْقَ غَيرُ صـُـرَاخ ِ أمـْــس ٍ رَاحـِـل ٍ وَمَقـَابـِر ٍ سَئِمَتْ مـِــنَ الأجْـــدَادِ وَعِصَابَةٍ سَرَقـَتْ نـَزيــفَ عُيـُـونِنـَــــا بـِالقـَهْر ِ والتـَّدْليـِس ِ.. والأحْقـَادِ مَا عَادَ فِيهَا ضَوْءُ نـَجْــــم ٍ شـَــــــاردٍ مَا عَادَ فِيها صَوْتُ طـَير ٍشـَـــادِ تـَمْضِي بـِنـَا الأحْزَانُ سَاخِــــرَة ًبـِنـَــا وَتـَزُورُنـَا دَوْمــًا بـِـلا مِيعــَـــادِ شَيءُ تـَكـَسَّرَ فِي عُيونـِــــي بَعْدَمَـــــا ضَاقَ الزَّمَانُ بـِثـَوْرَتِي وَعِنَادِي أحْبَبْتـُهَا حَتـَّي الثـُّمَالـَـــــة َ بَينـَمـَــــــا بَاعَتْ صِبَاهَا الغـَضَّ للأوْغـَــادِ لـَمْ يبْقَ فِيها غَيـرُ صُبْــح ٍكـَـــــــاذِبٍ وَصُرَاخ ِأرْض ٍفي لـَظي اسْتِعْبَادِ لا تـَسْألوُنـِي عَنْ دُمُـوع بــِــــــلادِي عَنْ حُزْنِهَا فِي لحْظةِ اسْتِشْهَادِي فِي كـُلِّ شِبْر ٍ مِنْ ثـَرَاهـَا صَــرْخَـــة ٌ كـَانـَتْ تـُهَرْولُ خـَلـْفـَنـَا وتـُنَادِي الأفـْقُ يصْغُرُ .. والسَّمَــاءُ كـَئِيبـَـة ٌ خـَلـْفَ الغُيوم ِأرَي جـِبَالَ سَـوَادِ تـَتـَلاطـَمُ الأمْوَاجُ فـَــوْقَ رُؤُوسِنـَــــــا والرَّيحُ تـُلـْقِي للصُّخُور ِعَتـَادِي نَامَتْ عَلـَي الأفـُق البَعِيـــدِ مَلامــــــحٌ وَتـَجَمَّدَتْ بَينَ الصَّقِيـِع أيـــَـــادِ وَرَفـَعْتُ كـَفـِّي قـَدْ يرَانـِي عَاِبـــــــــرٌ فرَأيتُ أمِّي فِي ثِيـَــابِ حـِـــــدَادِ أجْسَادُنـَا كـَانـَتْ تـُعَانـِـــقُ بَعْضَهـَــــا كـَوَدَاع ِ أحْبَــابٍ بــِــلا مِيعـَــادِ البَحْرُ لـَمْ يرْحَمْ بَـرَاءَة َعُمْرنـَـــــــــا تـَتـَزاحَمُ الأجْسَادُ .. فِي الأجْسَادِ حَتـَّي الشَّهَادَة ُرَاوَغـَتـْنــِي لـَحْظـَــة ً وَاستيقـَظـَتْ فجْرًا أضَاءَ فـُؤَادي هَذا قـَمِيـصـِـــي فِيهِ وَجْــــهُ بُنـَيتــِي وَدُعَاءُ أمي .. كِيسُ مِلـْح ٍزَادِي رُدُّوا إلي أمِّي القـَمِيـــصَ فـَقـَـدْ رَأتْ مَالا أرَي منْ غـُرْبَتِي وَمُـرَادِي وَطـَنٌ بَخِيلٌ بَاعَنــي فـــــي غفلـــــةٍ حِينَ اشْترتـْهُ عِصَابَة ُالإفـْسَـــادِ شَاهَدْتُ مِنْ خـَلـْفِ الحُدُودِ مَوَاكِبــًـا للجُوع ِتصْرُخُ فِي حِمَي الأسْيادِ كـَانـَتْ حُشُودُ المَوْتِ تـَمْرَحُ حَوْلـَنـَا وَالـْعُمْرُ يبْكِي .. وَالـْحَنِينُ ينَادِي مَا بَينَ عُمْـــــر ٍ فـَرَّ مِنـِّي هَاربـــــًـا وَحِكايةٍ يزْهـُــو بـِهـَـــا أوْلادِي عَنْ عَاشِق ٍهَجَرَ البـِلادَ وأهْلـَهـــــــَـــا وَمَضي وَرَاءَ المَال ِوالأمْجـَـــادِ كـُلُّ الحِكـَايةِ أنَّهـــَـــا ضَاقـَتْ بـِنـَـــــا وَاسْتـَسْلـَمَتَ لِلــِّـصِّ والقـَـــوَّادِ! في لـَحْظـَةٍ سَكـَنَ الوُجُودُ تـَنـَاثـَـــرَتْ حَوْلِي مَرَايا المَوْتِ والمِيـَـــلادِ قـَدْ كـَانَ آخِرَ مَا لـَمَحْتُ عـَلـَي الـْمَـدَي وَالنبْضُ يخْبوُ .. صُورَة ُالجـَلادِ قـَدْ كـَانَ يضْحَـكُ وَالعِصَابَة ُحَوْلـَــــــهُ وَعَلي امْتِدَادِ النَّهْر يبْكِي الوَادِي وَصَرَخْتُ ..وَالـْكـَلِمَاتُ تهْرَبُ مِنْ فـَمِي: هَذِي بـِلادٌ .. لمْ تـَعُـــدْ كـَبـِلادِي

فاروق جويدة








.....

Quote: المطعم كان مغلقاً وستات الشاي جميعهن إعتصمن بحبل الله ولا ست شاي ظهرت في هذا الصباح الخرطومي بالغ المكيدة

خضر ياصاح
متابعنك ..

صديق عزيز يدعي ياسر فينست حكي لي اليوم الآتي :

والله ونسة الانتخابات دي عملت لي فلايت

فتأملوا !

شكر الحضور ياباسط

مشتاقين شديد

الوليد عمر
ازيك ياصاحبي في البلاد البعيدة
عامل شنو والأحاويل أما عن العنجبات فالشهادة لله عنجبات شديدة
ومغايص وفلايت . نسأل الله السلامة ياصاحبي




مودتي يا صديقي

خضـــر ..

تحيـــاتى ..

Quote: نتخابات دي ولا انتحارت شنو المطاعم دي كلها مقفلة ؟ إنتحارات ياعمنا إنتحارات ليس إل

يبدو كذلك أو أن الذين يصوتون

هذه الأيام ما هم إلا منتحرون ؟

كابيلا
ازيك ياشاب
والله ترانا لي يوم الليلة مواصلين في الانتحارات
غايتو ربك يسهل



سلمت

اخونا خضر

انتحارات ولا واد عديل

تعرف لامن شعب يكون منكسر الفؤاد

و بشوف في الانتحارات و ما عندوا فيها قول

ما تضمن ابدا ممكن يعمل شنوا في الخطوة الجايه


--------------

انا شايف شباب في السكه ينظرون الي الشمس في عينها

و ما يرمشو

ياما نحلم نحكي ليك
عن المسافة ونشتهيك

العزيز نصر الدين صلاح
تحياتي الحارة

أها ربك رب الخير خلصنا من قصة الانتحارات دي
نحنا لينا اربعة يوم صليبنا طالع




غايتو ربك يعينا قادم الايام
مودتي

عزيزنا النشمى / خضر
سلامات
ويش لون الانتحارات فى ها الزمانات ؟
وحال الربع والمال والحلال ؟
وكمان .
ويش لون شكسبير الذى فى مضارب الخرطوم . ؟؟؟؟
سلام

عبد اللطيف عبد الغنى-آهة في السر ..