Post: #2 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 04-11-2010, 00:16 AM Parent: #1
تمنيت لو كنت اصغر 20 عاما لطبت من هؤلاء الزواج!
فهذا مستوى وعي لم يكن متوفر بين الجنوبين الناشطين في جيلنا! هذا تلاحم وثوره ونضج يخلق ارضيه مشتركه لنمو افضل العلاقات الانسانيه بين البشر.
لله دركم من شباب.
Post: #3 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 04-11-2010, 00:17 AM Parent: #2
الله لا يكسبه من سرق حلمكم يا اخوتي.
Post: #4 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 04-11-2010, 00:18 AM Parent: #3
هل انت مثلي يا اخوتي
يقشعر جسدكم من اصوات وايمان هؤلاء الفتيه بقضيتنا ووحدتنا؟؟؟
حزينه انه لا توجد تسجيلات كثيره لهم.
Post: #5 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 04-11-2010, 00:22 AM Parent: #4
اما اغلب مثقفي الجنوبين المتنطعين في المنافي فانهم محبطين ولاحظوا انا قلت اغلب ولم اقل كل! وهم يشبهون لي تنابلة السلطان المتجدعين في المنافي من اهل الشمال ويطالبون بفصل الجنوب!
واهل الداخل في بؤسهم وشظف عيشهم ينسجون خيوط الامل!
Post: #6 Title: Re: كلما فقدت البوصله وضاع الامل ارجع استمد الامل من هؤلاء ! Author: كمال سالم Date: 04-11-2010, 01:24 AM Parent: #5
Quote: فهذا مستوى وعي لم يكن متوفر بين الجنوبين الناشطين في جيلنا! هذا تلاحم وثوره ونضج يخلق ارضيه مشتركه لنمو افضل العلاقات الانسانيه بين البشر.
بـس للأسف ياتراجى إنه وبعد أن وعى الشباب فى الجنوب والشمال وتوحدوا وصارت قضيتهم واحده , أبى المؤتمـر الوطنى إلا وأن يفصل الجنوب , وبذلك سعى بكل ما أوتى من مكر ودهاء أن يجعل الوحده غير جاذبه وجعل الإنفصال واقع مرير !!
Post: #7 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 04-11-2010, 04:59 AM Parent: #6
شكرا اخي كمال سالم على المرور من هنا
Quote: بـس للأسف ياتراجى إنه وبعد أن وعى الشباب فى الجنوب والشمال وتوحدوا وصارت قضيتهم واحده , أبى المؤتمـر الوطنى إلا وأن يفصل الجنوب , وبذلك سعى بكل ما أوتى من مكر ودهاء أن يجعل الوحده غير جاذبه وجعل الإنفصال واقع مرير !!
الغريبه يا كمال تخيل قد لا اتفق معاك بان المؤتمر الوطني يسعى لفصل الجنوب. هم مشكلتهم عايزين يحكمونا(السودان الموحد)ولكن بطريقتهم هم. اها الجنوبين بقوا ماسكين في خيار ننط من المركب السوداني دي قبل ما يغرق انقاذيا!
نحن مورطين ومجبرين على الاستماته لانه ما لينا خيار غير البقاء لاننا مؤمنين انه السودان كله حقنا وما عايزين نيسيبوا لزول.
مشكلتنا صدقني لو المؤتمر الوطني(وحده) لهزمناهوا
مشكلتنا تنوعت وتعقدت:
1)اليمين الرجعي الامريكي الكنسي حاشر انفه وكل همه فصل جنوب السودان!
3)القياده الغير واعيه للحركه الشعبيه ومستسلمه كلما ضيق عليها المؤتمر الوطني بدل تشد عليه وتلعن ابو خاشه تلجأ لفكرة الانفصال!
4)مثقفي الشمال المتخمين ومراهقي السياسيه و الذين لم يبلغوا الحلم سياسيا...هؤلاء يجرحوا غيرهم ويعقدوا فهم الواقع السوداني فيلجأوا ايضا لفكرة فصل الجنوب كاسهل الحلول!
5)قوي الهامش المتخدقه في عرقياتها وضيق افقها ايضا مسؤله من انفصال الجنوب.
وهكذا...كل هذه التيارات تشتغل ضد الوحدوين من شطري البلاد وتدمر في وحدتنا الا الله في.
Post: #8 Title: Re: كلما فقدت البوصله وضاع الامل ارجع استمد الامل من هؤلاء ! Author: مدثر محمد عمر Date: 04-11-2010, 07:34 AM Parent: #7
كلامك صاح يا تراجي هنا في الاشياء العددتيها دي... في عدد من الشباب عندهم استعداد عالي للعمل العام من اجل السودان لكن نشوءنا برضو في ظل نظام قمعي واثر ده علي التنظيمات بالاضافه لسعي حكومة الانقاذ الناجح لفصل التنظيمات السياسيه عن جذوره الجماهيريه أدى لعدم تجدد دماء التنظيمات وعزلة الشباب وهسي الشباب للاسف رغم الحياه الفيهم ومصارعتهم للحياه ما عارفين يصارعوا الوضع ده كيف رغم طاقاتهم الكبيره لكن ما عندهم زول كبير يوجهم وهم بثقوا في إنو قادر يخرجهم من النفق ده.. في الفترات الزي دي في التاريخ كانوا بظهروا الانبياء وأحيانا المخَلصين زي غاندي والازهري ويلموا حولهم الناس
Post: #9 Title: Re: كلما فقدت البوصله وضاع الامل ارجع استمد الامل من هؤلاء ! Author: اساسي Date: 04-11-2010, 07:38 AM Parent: #8
Quote: هل انت مثلي يا اخوتي
اعوذ بالله دا كلام شنو يا تراجي من الصباح ؟
Post: #10 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 06-01-2010, 05:38 PM Parent: #8
شكرا اخي مدثر واعذرني لم ارجع لهذا البوست الا لاحقا:
Quote: كلامك صاح يا تراجي هنا في الاشياء العددتيها دي... في عدد من الشباب عندهم استعداد عالي للعمل العام من اجل السودان لكن نشوءنا برضو في ظل نظام قمعي واثر ده علي التنظيمات بالاضافه لسعي حكومة الانقاذ الناجح لفصل التنظيمات السياسيه عن جذوره الجماهيريه أدى لعدم تجدد دماء التنظيمات وعزلة الشباب وهسي الشباب للاسف رغم الحياه الفيهم ومصارعتهم للحياه ما عارفين يصارعوا الوضع ده كيف رغم طاقاتهم الكبيره لكن ما عندهم زول كبير يوجهم وهم بثقوا في إنو قادر يخرجهم من النفق ده.. في الفترات الزي دي في التاريخ كانوا بظهروا الانبياء وأحيانا المخَلصين زي غاندي والازهري ويلموا حولهم الناس
فالنواصل الدعاء يا اخي ان يجعل الله احدنا نهروا او غاندي فبلادنا فعلا تحتاج لمخلص.....وصدقني لن يكون بعيدا عن عيوننا!
Post: #11 Title: Re: كلما فقدت البوصله وضاع الامل ارجع استمد الامل من هؤلاء ! Author: فيصل محمد خليل Date: 06-01-2010, 07:36 PM Parent: #10
yep yep yep
Post: #12 Title: Re: كلما فقدت البوصله وضاع الامل ارجع استمد الامل من هؤلاء ! Author: Tragie Mustafa Date: 06-02-2010, 00:19 AM Parent: #11
Quote: yep yep yep
مش كده بالله يا فيصل؟؟؟ بالله شباب حماسهم لما يخلي شعر جلدك يقيف من صدقهم وجمال وعيهم!!