ام الفضائح00بياعين شربه (عرقى) مرشحين للمؤتمر الوطنى

ام الفضائح00بياعين شربه (عرقى) مرشحين للمؤتمر الوطنى


04-10-2010, 11:30 AM


  » http://sudaneseonline.com/cgi-bin/sdb/2bb.cgi?seq=msg&board=290&msg=1270895452&rn=0

Post: #1
Title: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 11:30 AM

بالامس الجمعة فى تمرين الرماية وهو اليوم الوحيد الذى امارس فيه الرياضة والرماية قال لى الاخ لؤى
وهو يسكن حى الموردة ان المؤتمر الوطنى رشح ناس معروفين ليهم ببيع الشربه او العرقى ولبسوهم بدل
وعملو ليهم ملصقات, وقال لى فى واحد كان بجى بتونس مع ابوى قام اخوى طردو من البيت لانو الحاج ما عارفو انو (طلمبه متحركة), ونفس الشخص كان يأتى للشباب عند الرحل ويسالهم " اها يا جماعة الشربه كيف"
Post: #2
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 11:35 AM
Parent: #1

لو فى زول من الموردة يدينا تفاصيل اكتر
Post: #4
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 11:38 AM
Parent: #2

مع العلم ان بياعيين الشربه والبنقو ازدادوا فى زمن الانقاذ بشكل مخيف باحتراف الشرطة وما تورده الصحافة من قبض كميات من المشروبات الكحولية والمخدرات
Post: #3
Title: Re: ام الفضائح00بياعين شربه (عرقى) مرشحين للمؤتمر الوطنى
Author: صلاح أبودية
Date: 04-10-2010, 11:37 AM
Parent: #1

Quote: قال لى الاخ لؤى

لؤى منو؟
Post: #5
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 11:52 AM
Parent: #3

Quote: لؤى منو؟


الاستاذ/ صلاح
سلام

ما عارف ابوهو منو
لكن اصبر على شويه
Post: #6
Title: Re: ام الفضائح00بياعين شربه (عرقى) مرشحين للمؤتمر الوطنى
Author: صلاح أبودية
Date: 04-10-2010, 12:08 PM
Parent: #5

مرة واحد إسمو راشد أنا بعرفو
لقى واحد سكران وواقع فى الخور فى الموردة
قال ليهم ده منو ؟
قالوا ليهو وكيل طلمبة إسمو لؤى !!
ــــــ
أوعى تقول لى راشد منو ..؟
لأنى ما بعرف إسم أبوهو !!
لكن برضو أصبر على شوية!!
Post: #7
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-10-2010, 12:14 PM
Parent: #6

Quote: لو فى زول من الموردة يدينا تفاصيل اكتر

كدي شوف لينا لؤي دا منو أول حاجة .. والباقي بنتمو ليك .. وخلي لؤي دا زاتو يديك سيرة ذاتية عن المرشح دا يا اسمو منو وساكن وووين ...؟
الله ما كتر إلا اللؤيات في الموردة .. لكن كان لؤي دا بتاع (رماية) يكون دا لؤي من حتة تانية .. ما الموردة بتاعتنا دي ..


لؤي .. وبتمرن رماية ومن الموردة ..؟
Post: #8
Title: Re: ام الفضائح00بياعين شربه (عرقى) مرشحين للمؤتمر الوطنى
Author: عمران حسن صالح
Date: 04-10-2010, 12:24 PM
Parent: #7

Quote: مع العلم ان بياعيين الشربه والبنقو ازدادوا فى زمن الانقاذ بشكل مخيف باحترافالشرطة
أهم شي الكوليتي
ما تكون أصناف ضاربة ساي








_____________
لا حولا ولا قوة إلا بالله
Post: #9
Title: Re: ام الفضائح00بياعين شربه (عرقى) مرشحين للمؤتمر الوطنى
Author: HAIDER ALZAIN
Date: 04-10-2010, 12:32 PM
Parent: #8

Quote: مع العلم ان بياعيين الشربه والبنقو ازدادوا فى زمن الانقاذ بشكل مخيف باحتراف الشرطة


إنتو الشوربة بقت مخالفة بيعاقب عليها القانون في زمن الانقاذ والا شنو ؟!
Post: #10
Title: Re: ام الفضائح00بياعين شربه (عرقى) مرشحين للمؤتمر الوطنى
Author: طلال جبير جابر
Date: 04-10-2010, 12:44 PM
Parent: #9

[QUOTEوقال لى فى واحد كان بجى بتونس مع ابوى قام اخوى طردو من البيت





اها وبعدين ......



غتيتو جنس محن ياخي خليك في الرماية بتاعتك دي مالك ومال المحن والقوالات ....

قال شنو قال لي ......
Post: #12
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد إبراهيم علي
Date: 04-10-2010, 01:02 PM
Parent: #9

Quote: لكن كان لؤي دا بتاع (رماية) يكون دا لؤي من حتة تانية


تمبس طول عمرنا غاششنا الموردة خناشير وقراقير تطلعوا بتاعين رماية وبتسمو لؤي كمان

الزيادي

تمبس ده لازم تسكتو تجيب لؤي بتاع الرماية المن الموردة صوت وصورة عشان يآمن
Post: #13
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-10-2010, 01:15 PM
Parent: #12

Quote: تمبس طول عمرنا غاششنا الموردة خناشير وقراقير تطلعوا بتاعين رماية وبتسمو لؤي كمان

والله يا باشمهندس .. دا الشي الحيرني ذاتو ... على الاقل حاليا ..
زمان كنت بتاع تنس طاولة في قصر الشباب .. كرهوني ليك اي حاجة .. .. في واحد صاحبنا كان مسميني (نبيل) .. لكن الشي الكويس في المسالة دي كنت بلم ليك فوقم في نادي ابوعنجة .. من العصر لحدت الساعة عشرة بالليل لحدت ما ازهج ارمي ليهم المضرب واتخارج ..
جيتو حسع دي لقيتونا متابعين ناس اساسي ومحمد عبد الماجد الصايم ومين ما عارف

والله من قبيل يا باشمهندس بنحت في راسي نحت هيثم دا منو بتاع الرماية دا .. اي نعم الموردة كلها استخبارات وامنجية ومباحث وعساكر بتاعين كورة .. والواحد لو هبشتو في ضهرو بتلقاهو بي طبنجتو .. لكن ما عارف لؤي دا منو بتاع الرماية دا ..
Post: #19
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 05:27 PM
Parent: #12

Quote: تمبس طول عمرنا غاششنا الموردة خناشير وقراقير تطلعوا بتاعين رماية وبتسمو لؤي كمان

الزيادي

تمبس ده لازم تسكتو تجيب لؤي بتاع الرماية المن الموردة صوت وصورة عشان يآمن


يا محمد تمبس هسى بكون لقط المعلومة والمرشح
Post: #18
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 05:19 PM
Parent: #9

Quote: إنتو الشوربة بقت مخالفة بيعاقب عليها القانون في زمن الانقاذ والا شنو ؟!


يا حيدر والله نورت البوست
شيل الواو بره

مخالفة شنو والله كمية الشربه بكل اصنافها فى زمن الانقاذ تغرق بلد بى حالا
Post: #16
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 05:09 PM
Parent: #8

Quote: أهم شي الكوليتي
ما تكون أصناف ضاربة ساي


وعمر البشير شابكنا ليك ما دايرين اصوات مخمورين
اها الخمارة زاتها مرشحها مؤتمر وطنى
الضارب المرشح ما الشربه


تحياتى
Post: #11
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 12:55 PM
Parent: #7

Quote: كدي شوف لينا لؤي دا منو أول حاجة .. والباقي بنتمو ليك .. وخلي لؤي دا زاتو يديك سيرة ذاتية عن المرشح دا يا اسمو منو وساكن وووين ...؟
الله ما كتر إلا اللؤيات في الموردة .. لكن كان لؤي دا بتاع (رماية) يكون دا لؤي من حتة تانية .. ما الموردة بتاعتنا دي ..


لؤي .. وبتمرن رماية ومن الموردة ..؟


يا تمبس ورب الكعبة الكلام دا صح
وانا عندى مشكله فى حفظ اسماء الناس
خلى احفظ اسم ابو
Post: #14
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-10-2010, 01:29 PM
Parent: #11

Quote: يا تمبس ورب الكعبة الكلام دا صح
وانا عندى مشكله فى حفظ اسماء الناس
خلى احفظ اسم ابو
.. يا الزيادي مصدقك والله من غير حليفة .. بس مسالة إنو بتاع رماية دي اربكتني شوية ..
على العموم .. ماف داعي من الأول لي ذكر الاسماء ودي وجهة نظر خاصة .. لانو لو دخلنا في ذكر الاسماء البوست دا حيجيب بلاوي ..
كد اتذكر على راحتك .. وممكن تجيب لي الاسم .. في الماسينجر بي تحت .. فقط لانو أنا مولود في الموردة وطلعت منها كبييير .. واحتمال كلامك دا يضرب في اوتار حساسة على الاقل الواحد يزداد علما .. ومعرفة .
Post: #15
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 05:03 PM
Parent: #14

Quote: .. يا الزيادي مصدقك والله من غير حليفة .. بس مسالة إنو بتاع رماية دي اربكتني شوية ..
على العموم .. ماف داعي من الأول لي ذكر الاسماء ودي وجهة نظر خاصة .. لانو لو دخلنا في ذكر الاسماء البوست دا حيجيب بلاوي ..
كد اتذكر على راحتك .. وممكن تجيب لي الاسم .. في الماسينجر بي تحت .. فقط لانو أنا مولود في الموردة وطلعت منها كبييير .. واحتمال كلامك دا يضرب في اوتار حساسة على الاقل الواحد يزداد علما .. ومعرفة .


انت بس اضرب تلفون لاى زول يوريك صور المرشحين والمرشحين من الموردة منو؟؟

الرماية المقصودة هنا(القوس والسهم) بنتمرن فى ميدان الربيع

تحياتى

بحت كويس
Post: #17
Title: Re: ام الفضائح00بياعين شربه (عرقى) مرشحين للمؤتمر الوطنى
Author: وليد الطيب قسم السيد
Date: 04-10-2010, 05:14 PM
Parent: #15

لو بياعين جن حبشى برضو هم خيار للشعب
Post: #20
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-10-2010, 06:09 PM
Parent: #17

Quote: لو بياعين جن حبشى برضو هم خيار للشعب


تحللون كيفما تريدون

اعوذ بالله
Post: #21
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-13-2010, 11:17 AM
Parent: #20

؟
Post: #22
Title: Re: ام الفضائح00بياعين شربه (عرقى) مرشحين للمؤتمر الوطنى
Author: عبداللطيف حسن علي
Date: 04-13-2010, 01:26 PM
Parent: #21

Quote: لو بياعين جن حبشى برضو هم خيار للشعب


في البداية عمر البشير قال : اصوات المخمورين ماعايزينها

يعني عايزين المخمورين ذاتم
Post: #23
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-13-2010, 01:38 PM
Parent: #22

Quote: في البداية عمر البشير قال : اصوات المخمورين ماعايزينها

يعني عايزين المخمورين ذاتم


يا عبد اللطيف اقول ليك سيد الخماره زاتو مرشح

سيد الطلمبه
Post: #24
Title: Re: ام الفضائح00بياعين شربه (عرقى) مرشحين للمؤتمر الوطنى
Author: humida
Date: 04-13-2010, 01:48 PM
Parent: #23

و الله يا تمبس طلعت ( خرنق ) ساكت ..
شابكنا الموردة و تكلنا الزول في القيفة .. و القراقير رقدت هبطرش و الواو طلع ضكر ..
و في النهاية تطلع لا بتاع رماية لا لؤي ..

..
..

روح يا شيخ منك لله ..
Post: #25
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-13-2010, 02:11 PM
Parent: #24

Quote: و في النهاية تطلع لا بتاع رماية لا لؤي ..
.. يا حميدة
أنا أقوليك كنت بجي ماشي شايل الشنطة وطالع علي قصر الشباب .. وعامل فيها عدلي أحمد خليل . برخي اضاني كل يوم بسمع ليك .. (نبيل).. تحت تحت كدا ..
تتخيل أنا ما اكتشفت مسمني نبيل إلا بعد كم سنة .. خبرة ..
..

Quote: انت بس اضرب تلفون لاى زول يوريك صور المرشحين والمرشحين من الموردة منو؟؟
مستحيل اضرب تلفون يا الزيادي ..
إنت جبت الكلام دا هنـا .. وجبت اسامي كان من باب أولى تجيب الصور دي .. عشان تدعم كلامك دا بالاسانيد ..
إنت خايف من حاجة يعني ..؟ على الاقل الناس تعرف صور المرشحين بتاعين الطشمة ديل ..
بدل تخسرني قروش اتصال .. أهو إنت معانا .. جيب لي صورة على الاقل اعرف المرشح دا منو البترشح من ورانا وما بيكلمنا .. خلاص موضوع لؤي دا انساهو .. شوف لي صورة
Post: #26
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-14-2010, 08:12 AM
Parent: #25

فوق
Post: #27
Title: Re: ام الفضائح00بياعين شربه (عرقى) مرشحين للمؤتمر الوطنى
Author: هيثم درار
Date: 04-14-2010, 08:48 AM
Parent: #26

تمبس
عليك الله براحة على الزول ده ياخ

حنيت عليهو والله
ما كدة،،، شوية شوية
Post: #28
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-14-2010, 08:53 AM
Parent: #27

Quote: تمبس
عليك الله براحة على الزول ده ياخ
حنيت عليهو والله
ما كدة،،، شوية شوية
.. والله يا هيثم .. عايزين صورة بس .. ولو ماف طريقة صورة .. يجيب لينـا إن شاء الله (قزازة) فاضية .. إن شاء الله يعبيها (هواء) ..
ياخ لي كم يوم .. كملت (لؤياات) الموردة والعباسية .. وشارع الفيل .. وفريق ريد .. اصلو لؤي بتاع الرماية دا ما وقع لي ..
Post: #29
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-17-2010, 09:22 AM
Parent: #28

up
Post: #30
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-17-2010, 09:25 AM
Parent: #29

Quote: up


جاييك يا تمبس مستعجل لجيتى مالك

ح اديك تمريرة موزه

تحياتى
Post: #31
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-17-2010, 09:35 AM
Parent: #30

Quote: مستعجل لجيتى مالك
.. الانتخابات انتهت يا زيادي .. أنا خايف يكون البوست حقك دا هو الضيع الجماعة ديل ..
والخايف منو اكتر يكون مستقبلم ضاع .. وبدل العرقي يكونو فتحو ليهم محلات بنقو ..

جيب لينا الصور بسرعة الله يرضى عليك ..
Post: #32
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-18-2010, 07:06 AM
Parent: #31

شنو يا زيادي .. وين بتاعين العرقي ديل ..؟
Post: #33
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-19-2010, 12:45 PM
Parent: #32

Quote: جاييك يا تمبس مستعجل لجيتى مالك
.. والله اديتنا الليل عديل يا زيادي ..

عملت لينا شنو في موضوع (الطشمــة) دا ..؟
خليك من الطشمة .. اها المرشحين ديل جابو كم صووت ..؟ وكان جابو صوت صوتين تلاتة تفتكر البكون اداهم منـو ..؟ طالجماعة البضربو معاهم واللا الببيعو ليهم ..؟
Post: #34
Title: Re: ام الفضائح00بياعين شربه (عرقى) مرشحين للمؤتمر الوطنى
Author: Faisal Elrasheed
Date: 04-19-2010, 12:52 PM
Parent: #33

اها يا اخوانا ..
الزيادي ده جاب المعروضات والا لسه ؟؟
Post: #35
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-20-2010, 07:59 AM
Parent: #34

Quote: يا محمد تمبس هسى بكون لقط المعلومة والمرشح
.. والله كان لقطتهم ما بتلقاني قاعد (اترترح) ليك في البوست دا ..
ياخ زول بيكتب يا الزيادي كلام .. مفترض يكون عندو اثباتاتو .. وعندو البيدعم فكرتو .. ما كمان ما ممكن تنزل ليك بوست ولما (يتعاطو) معاك تقوم تخليهو .. وتفتح ليك واحد تاني
إنتو يا جماعة بتمتعو في نفسكم واللا بتمتعو فينا ,,؟

وين لؤي دا يا الزيادي ..؟
Post: #36
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-20-2010, 10:00 AM
Parent: #35

Quote: وين لؤي دا يا الزيادي ..؟

يا تمبس خلى لؤى وينو
امشى شوف مرشحين الدائرة منو
والكلام ده موجود فى دكان عمك قوقل
بركت كويس

اديك دى جديده كمان

كنت مغطى مراكز الدائرة 1 و 2
لقيت واحد من اولاد المورده وكيل
حزب (جدو مرشح)
فت لى الموضوع تانى


سلام
Post: #37
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-21-2010, 07:15 AM
Parent: #36

Quote: يا تمبس خلى لؤى وينو
امشى شوف مرشحين الدائرة منو
والكلام ده موجود فى دكان عمك قوقل
بركت كويس
.. يا الزيادي .. ياخ غنت قلت بي عضمت لسانك عايز زول من الموردة .. وجبت اسم لؤي دا من الموردة .. وأنا من مواليد الموردة .. ما عرفت لؤي ,, ولحدت الآن ما عرفت الناس البتتكلم عنهم ف قوقل ديل .. إنت فتحت البوست دا علشان حاجة محددة .. وجبت فيهو اسم ..
ياخ تم جميلك .. جيب لي الناس المرشحين ديل من قوقل وغنت عارف مكانم اكتر مني
البجيب اسماء ناس هنا دا يا الزيادي .. يجيبه بي شكل كوييس ومعلومة سليمة ..
علشان ما تبقى إنو الواحد بيكتب ليهو كلام ساااي .. ويمشي يخليهو بي قفاهو .. كلامك الكتبتو دا خطير جدا .. وبيدخل في محل القذف والتشهير .. وحاجات كتيرة جدا ..
إنت زول بتاع رماية .. يعني زول شجاع .. السباحة والرماية وركوب الخيل .. ديل كلهم وصايا كويسة بتبني الشاب بشكل كويس ..
ليه ياخ بتشهر بالناس .. ؟
كلامك الكتبتو دا كلام عيب ..
الزول الببيع العرقي دا القانون .. كان ما مسك عندو (ثابته) معروضات .. القانون زاتو ما بقدر يعمل فوقو حاجة ..
كمل جميلة جيب صور الناس دي .. لانو الموضوع دا أنا ناوي اصل فيهو الحد لانو لؤي بالغ عديل كدا ..

Quote: كنت مغطى مراكز الدائرة 1 و 2
لقيت واحد من اولاد المورده وكيل
حزب (جدو مرشح)
فت لى الموضوع تانى
كلامك سمح كدا بقو اتنين .. يللا يا الزيادي مزيدا من الشفافية .. فت لينا غنت كمان ..
يا كمان
ما تسمع ليك فت متداول وتجي تكتبو هنا .. ويمس ليهو ناس .. وما تقدر تثبت علي كلامك الكتبتو
ممكن حسع دي يجي واحد يكتب لقيت مختار الزيادي في ميدان الربيع خاتي ليهو (كيس) فوقو (طشمة) وقاعد (ينيش) فوقو من بعيد (بالنشاب) وجلاهو .. قمنا لحقاناهو قبال ما يقدو اشتريناهو منو
يعني ممكن عادي تحصل حاجة زي دي .. وتطلع تاجر عرقي .. مش كدا يا زيادي
Post: #38
Title: Re: ام الفضائح00بياعين شربه (عرقى) مرشحين للمؤتمر الوطنى
Author: الفاتح سليمان
Date: 04-21-2010, 07:36 AM
Parent: #37

كدا الواحد يندم عشان ما صوت في دائرة الموردة وشارك في الانتخابات
Post: #39
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-21-2010, 11:52 AM
Parent: #38

فوق
Post: #40
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-24-2010, 08:57 AM
Parent: #39

Quote: ام الفضائح00بياعين شربه (عرقى) مرشحين للمؤتمر الوطنى
...
والله فضحت نفسك ساي يا الزيادي ..
وعامل فيها بتاع (نشابات) وبتاع .. ولؤي قال لي ..

غايتو حدي معاك الارشيف يا إنت يا لؤي يا تجيب لينا (نــص) من الناس ديل.
Post: #41
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-24-2010, 02:04 PM
Parent: #40

....
Post: #42
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-25-2010, 08:06 AM
Parent: #41
Post: #43
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-25-2010, 09:05 AM
Parent: #40

Quote: والله فضحت نفسك ساي يا الزيادي ..
وعامل فيها بتاع (نشابات) وبتاع .. ولؤي قال لي ..

غايتو حدي معاك الارشيف يا إنت يا لؤي يا تجيب لينا (نــص) من الناس ديل.


الاخ/ تمبس
سلام
ما اريد ان اوضحه لك هوان الذى سقته فى هذا البوست حقيقة ولست من النوع الذى يمتهن الكذب
لرمى الناس لدا وخصومة, وانت يا تمبس تدرى تماما بوجود قتله ولصوص مرشحين لهذا الحرامى الوطنى
والبورد يعج بأسمائهم ليل نهار وعلى مقدمتهم المطلوب دوليا,

لا ادرى لمصلحة من تريد ان تثبت للقراء انى الفق اشياء لا صحة لها؟ على الرغم من انى قلت لك مرارا وتكرارا ان تبحث فى موقع المفوضية وتمحص اسماء المرشحين جيدا وستعرف من هو (العبار)
Quote: غايتو حدي معاك الارشيف يا إنت يا لؤي يا تجيب لينا (نــص) من الناس ديل

دى برضو محاولة ايحاء بأن لؤى شخصية وهمية, وكمان محاولة رفعك المستمر للبوست

(انا مش حلفت ليك يا تمبس وقلت لى مصدقك؟ اها بعد الحليفة البسألنى منها الله ما ح اجيب لؤى ولا غير)

و ما قوقل من ببعيد

كسره
بالمناسبة انا ما باركت ليك العرس
بيت مال وعيال وصافية لبن
انشاء الله يا رب تغلب بالمال
Post: #44
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 04-25-2010, 09:35 AM
Parent: #43

Quote: كسره
بالمناسبة انا ما باركت ليك العرس
بيت مال وعيال وصافية لبن
انشاء الله يا رب تغلب بالمال



الرّوب بالطريقة البورضية!
Post: #45
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-25-2010, 09:51 AM
Parent: #44

Quote: الرّوب بالطريقة البورضية


يا عبد الماجد الصايم بطل الخج

روب شنو ياخى انا قبل كده تمبس ده اتلحنى فى بوست (البغل المزامل الخيل)
هو اب قوته ما قلت الروب اقول الروب فى دى؟؟ يسمعو البورداب

كل الاشكال انو تمبس داير يوحى انو المعلومة ملغومة و ما صحيحه
نسبيا نجح يمرر حاجاتو.
وداير يدردقنى عشان اجيب ليو الصو واسم العبار
مع انو هو ود ام درمان والقائمة بتاعت المرشحين
قاعده فى موقع المفوضية و مفروض يفهمها من اول كاس...

تحياتنا
Post: #46
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 04-25-2010, 11:32 AM
Parent: #45

يا المختار الزيادي .. للروب عبارات أخرى!
Post: #47
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-25-2010, 02:36 PM
Parent: #46

سلامات تاني يا الزيادي ..
Quote: الاخ/ تمبس
سلام
ما اريد ان اوضحه لك هوان الذى سقته فى هذا البوست حقيقة ولست من النوع الذى يمتهن الكذب
لرمى الناس لدا وخصومة, وانت يا تمبس تدرى تماما بوجود قتله ولصوص مرشحين لهذا الحرامى الوطنى
والبورد يعج بأسمائهم ليل نهار وعلى مقدمتهم المطلوب دوليا,
يا الزيادي .. البلد مليانه حرامية لي حلقومه من البتتلب في البيت ولحدت البتنشل .. ولحدت البتسرق وزارة والبتسرق الكحل من العين ..
ما قلت ليك إنت كضاب يا الزيادي .. ولا شككت في كلامك .. كل الطلبتو منك تديني اسم لؤي دا لؤي منو ..؟ وبالمرة طالما انو المرشحين ديل قاعدين ونازلين البمنع شن تجيب لي اساميهم يعني انا امشي اختار من طرف ..؟
Quote: لو فى زول من الموردة يدينا تفاصيل اكتر
.. انا جيت هنا بنا على طلبك يا زيادي .. وان مؤهل اكتر مني في توضيح الحقائق .. لانك هناك .. وعلى معرفة بي لؤي وبالمرشحين ديل .. ودا كان وعدك وعشمتني
Quote: جاييك يا تمبس مستعجل لجيتى مالك
واكدت ي تاني ..
Quote: كنت مغطى مراكز الدائرة 1 و 2
لقيت واحد من اولاد المورده وكيل
حزب (جدو مرشح)
فت لى الموضوع تانى
...
Quote: لا ادرى لمصلحة من تريد ان تثبت للقراء انى الفق اشياء لا صحة لها؟ على الرغم من انى قلت لك مرارا وتكرارا ان تبحث فى موقع المفوضية وتمحص اسماء المرشحين جيدا وستعرف من هو (العبار)
. لمصلحتي الشخصية يا زيادي .. بس ما عايز اطلعك بتلفق يا زيادي .. عايز اعرف لي ولي الزمن .. وعايز كمان الأمور تكون واضحة طالما انك كتبت كلام زي دا يا تثبت عليهو .. يا تثبت عليهو لانو إنت جبت ليك اسم زول .. وجبت اسماء ناس قلت ببيعو شربه وقلت ليك الطشمة دي ذاته الحكومة كان ما مسكتك يب معروضات يا ريحتك طاقة يا عملو ليك كشف طبي ماف زول عندو فيك تصرف .. إنت حسع بترضى يجي زول يكتب لقينا الصادق المهدي فاتح ليهو بار في ود نوباوي ..؟ يا ببيع طشمة تحت تحت .. حتما ماف زول بيرضى .. وان القدامك دا ما برضى لمعرفتي بالصادق المهدي انو رجل دين ومن اسرة متدينة .. كمان زي ما انا بعرف انو الموردة دي فيها ناس متدينين برضو بفترض انو كلامك ما سليم أو ما مرضي بالنسبة لي ..
موقع المفوضية تحاول تمشي وتجيب لينا منو الأسماء إذا سمحت .. لؤي ذاتو خليناهو يا الزيادي .. الموردة فيها رجال قامات .. ترشحو من قبل وهم بمثابة ناس تربويين لينا .. وحالها حال كل مكان فيه الناس البتطشم والناس الما بتطشم والناس البتسرق والناس الما بتسرق ..
Quote: دى برضو محاولة ايحاء بأن لؤى شخصية وهمية, وكمان محاولة رفعك المستمر للبوست
لؤي ما شخصية وهمية ولا ايحاء يا الزيادي .. لؤي في الموردة موجود وقلت ليك ياخ منعا لي ذكر الاسم .. عشان ما تدخل في حتة ضيقة رسل لي في الخاص
Quote: كد اتذكر على راحتك .. وممكن تجيب لي الاسم .. في الماسينجر بي تحت .. فقط لانو أنا مولود في الموردة وطلعت منها كبييير .. واحتمال كلامك دا يضرب في اوتار حساسة على الاقل الواحد يزداد علما .. ومعرفة .
...
Quote: (انا مش حلفت ليك يا تمبس وقلت لى مصدقك؟ اها بعد الحليفة البسألنى منها الله ما ح اجيب لؤى ولا غير)
.. كنوع من أحترام العقول يا زيادي .. وشجاعة مفترض تديني لؤي دا منو طالما انك قلت عايز زول من الموردة . بعدين إنت رجل شجاع ما اعتقد إنك ما بتقدر تواجه موقف زي دا دخلت فوقو نفسك ..

بالنسبة للعرس ي زيادي يباركو ليك السمح يارب .. وإن شاء الله عقبال ما نبارك ليك هنا
Post: #48
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-26-2010, 07:21 AM
Parent: #47

Quote: انا قبل كده تمبس ده اتلحنى فى بوست (البغل المزامل الخيل)
هو اب قوته ما قلت الروب اقول الروب فى دى؟؟ يسمعو البورداب
.. بلاي غنت بطنك غريقة كدا دا يا الزيادي ..؟ ياخ داك ما بوست لكن كان يستحق إنو البورد دا كلو يتلحك .. وكان ابسط حاجة تجي تعتذر عن الكلام الكتبتو فوقو .. بعدين الكلام دا انتهى زمان وعرفنا الفيك .. عشان كدا ما ركزنا معاك شديد ..
لكن البوست داك بختلف من البوست دا مع إنو فكرتم واحده وبيودو لي طريق واحد .. بس كمان إنت ما تقول الرووب .. جيب الحقايق والروووب دا خلي علي انا ..
Quote: كل الاشكال انو تمبس داير يوحى انو المعلومة ملغومة و ما صحيحه
نسبيا نجح يمرر حاجاتو.
وداير يدردقنى عشان اجيب ليو الصو واسم العبار
مع انو هو ود ام درمان والقائمة بتاعت المرشحين
قاعده فى موقع المفوضية و مفروض يفهمها من اول كاس...
.. إنت معناتا كدا طلعت خواف يا الزيادي .. طالما انو في معلومة زي ما بتقول يا الزيادي لابد من إنك تجيب ادواته البتثبته .. وحسع دخلت نفسك في ورطه اكبر .. يعني انا امشي موقع المفوضية واجيب الصور واقعد اختار من طرف ..؟ المرشحين ديل ..؟
يعني انقرم واحد واحد واللا أعمل ليهم (قرطاس) واقول للواحد قوول كحححح ..؟ واللا كمان الجماعه ديل الواحد فوقم عيونو في الصورة حمراء وريحتو طاااقه ..
خلاص ماف مشكلة كدي نشوف موقع المفوضية .. ونشوف الصور نجي نفرشه هنا وإنت اشر لي علي الجاعه حقنك ديل .. واسم لؤي لحدت الآن .. معلق في رقبتك ...
والله الواحد عادي جدا ممكن تاني يجي من الصباح يفتح ليهو بوست يكتب فوقو :
عااااجل .. في خواجه سايق ليهو بطـة ..
وجوه يخت ليهو علامة استفهام ..
Post: #49
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-26-2010, 01:36 PM
Parent: #48

Quote: بالامس الجمعة فى تمرين الرماية وهو اليوم الوحيد الذى امارس فيه الرياضة والرماية قال

تاني لما تمشي التمرين وواحد يقوليك الكلام دا .. تجيب لينا تسجيل صوتي منو .. يا كمان تجيب لينا معروضات في قزازة أو في (كيس) أيهما اسهل بالنسبة ليك ..
Post: #50
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-26-2010, 01:56 PM
Parent: #49

http://nec.org.sd/new/nt/9.htm
يا الزيادي .. في اسم اي واحد هنا من الجماعة بتاعين الطشمة ديل ..؟
صدقني .. ما لقيت اي طريقة اشوف بيها اسامي الناس ديل ..

أرجو أن توافيني بالنجيضة .. لانو بالجد لو الناس دي فازت معناته ليبيا فتحت .. واللتـر بتاع العرقي ح يتباع بالمتر زيو وزي السجوك زمان .. وربما يكون معاهو صفيحة جبنة مضفرة .. من جورج مشرقي
Post: #51
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 04-26-2010, 02:07 PM
Parent: #50

Quote: زمان كنت بتاع تنس طاولة في قصر الشباب .. كرهوني ليك اي حاجة .. .. في واحد صاحبنا كان مسميني (نبيل) .. لكن الشي الكويس في المسالة دي كنت بلم ليك فوقم في نادي ابوعنجة .. من العصر لحدت الساعة عشرة بالليل لحدت ما ازهج ارمي ليهم المضرب واتخارج ..


سلام يا تمبس

ونحنا اولاد بانت شرق كنا في مدرسة المؤتمر وكان احسن من يلعب تنس الطاولة دكتور ابشر الشاب الخلوق وكان من اذكي الطلبة, تحياتي له اذا قابلته, و محمد حامد الجزولي وووووو اخرين الذاكرة خربت, الله يجازي العمر

لطفي
Post: #52
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-27-2010, 07:00 AM
Parent: #51

Quote: ونحنا اولاد بانت شرق كنا في مدرسة المؤتمر وكان احسن من يلعب تنس الطاولة دكتور ابشر الشاب الخلوق وكان من اذكي الطلبة, تحياتي له اذا قابلته, و محمد حامد الجزولي وووووو اخرين الذاكرة خربت, الله يجازي العمر
.. سلامات يا لطفي ..
الأسم ما غريب علي .. بس ما قادر اتذكر بي وين حلتكم بالضبط ..
انا طبعا قريت الرشاد .. وفترة القصر دي فترة طويلة جدا قضينا فيها أيام جميلة في كم منشط في قصر الشباب وطبعا كان هو المكان العلم الكتير من الناس وطلع منهم كوادر مؤهلة جدا اصبحت فيما بعد يعتمد عليها..
بتذكر دكتور ابشر كويس ..
وبتذكر في الفترة الكنا فيها في القصر كان معانا أخو المرحوم فضل (زنيره) ما متذكر اسمو بالضبط وكان معانا (عبدو شالوخه) .. وعبد الناصر وداعة (جرجير) ( وافكار وسلافه وداعة).. وعصام (حريقة).. والفنان وليد زاكي الدين .. وخالد اسماعيل (القروود) بيتم بيفتح في بيت ناس وليد زاكي الدين جمب الكنيسة حقت الفيل وجمب مدرسة الرشاد .. خالد حامد الجزولي عضو معانا هنا .. وهو أخو محمد حامد ..
عليك الله مزيدا من التفاصيل يا لطفي علشان اتذكرك بشكل كويس
شكرا لي الزيادي الذي اتاح لنا هذه الفرصة للتعارف وفي انتظار عودته ..
Post: #53
Title: Re: ام الفضائح00بياعين شربه (عرقى) مرشحين للمؤتمر الوطنى
Author: هيثم درار
Date: 04-27-2010, 07:27 AM
Parent: #52

تمبس ولطفى
تحياتى

بالله ما تشتتوا لينا كورتنا

خلونا فى موضوع لؤى ...


اها لؤى عرفتوا ولا لسه؟؟؟
Post: #54
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-27-2010, 08:02 AM
Parent: #53

Quote: اها لؤى عرفتوا ولا لسه؟؟؟
.. يا هيثم درار .. ياخ لطفي دا داخل في المياه الاقليمية بتاعت ناس لؤي .. الموردة فركة رجل من بانت ..
يعني بي اختصار يا هيثم الجماعة البتوزع في الموردة .. الواحد فيهم ممكن يشاقق ليهو بي (عجلة) فونكس يا موطر فيسبا .. يقطع خور ابوعنجة دا ويدخل في شارع الفيل .. يا كمان بي ميدان قلب الأسد ويركب الخور يوصل حاجتو ..
عشان كدا يجب أن تقرا المداخله مقرونه مع سابقتها ..
ما عارف ليه يا هيثم لكن عندي قناعة إنو الزيادي دا ما ح يجيب لينا خبر لؤي .. وما اظنو يجي داخل البوست دا زاتو تاني .. لانو البوست ريحتو طقت عديل كدا ..
Post: #56
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-27-2010, 09:28 AM
Parent: #54

Quote: وما اظنو يجي داخل البوست دا زاتو تاني .. لانو البوست ريحتو طقت عديل كدا ..


صباح الخير يا عريس
Post: #55
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-27-2010, 09:24 AM
Parent: #52

Quote: شكرا لي الزيادي الذي اتاح لنا هذه الفرصة للتعارف وفي انتظار عودته ..

No thanks for duty ya timbs(wash tashim)da elwagib
Post: #57
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-27-2010, 09:34 AM
Parent: #55

Quote: No thanks for duty ya timbs(wash tashim)da elwagib
.. صباح الخير يا زيادي ..
خلاص يازول طالما جيت طاشم .. قبال الطشمه دي تفك شوف لينا الرابط دا وادينا النجيضة
http://nec.org.sd/new/nt/9.htm
اسامي الناس دي هنا دا ..؟
انت جيب لي الاسم .. وأنا بجيب ليك الصور .. اقوليك حاجة:
ولا تجيب الاسم .. قولي رقم كدا في المكان الفلاني ورقم كدا في المكان الفلاني .. إنت موش بتاع رماية وعندك نشاب ..؟ ناس الرماية ديل قالو نياشين خالص ..
نيش لي الجماعة ديل ..
وأها زي ما شايف .. الدايرة اتوسعت شوية .. وبدل الموردة معانا ضيف من بانت .. احتمال كبير يطلع كمان بيعرف ليهو زول من الجماعة ديل ..
هيثم درار دا اديتو الليل عديل يا الزيادي
Post: #58
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 04-27-2010, 03:25 PM
Parent: #57

Quote: . سلامات يا لطفي ..
الأسم ما غريب علي .. بس ما قادر اتذكر بي وين حلتكم بالضبط ..


سلام تمبس

لقد قرأت ابوكدوك الابتدائية اما المؤتمر انتوا في المدرسة ورانا بشوية او قل كتير انا من خريجي 78 و اعادة 79 ناس دكتور ابشر و دكتور عمر محمد اسماعيل و محمد حامد الجزولي دفعتنا, ناس الكورة, نحنا في اولي مصطفي النقر جاء عائدا وقاد الفرقة التي هزمت بيت الامانة و معه شرحبيل, انصاري و دكتور عبود وحسن كشكش و اخرين. وكان يوم تاريخي بعد ان حل النميري الكرة وصارت الكرة المدرسية هي الملاذ لعشاقها.

منزلنا يقع بالضبط بين شارع الاربعين و الموردة في النص بالضبط الجهة الشمالية الشرقية لميدان بانت شرق مركز صحي بانت شمال منزل المرحوم العم مزمل مهدي, جنوب منزل المرحوم دمتري البازار الحيطة بالحيطة, شمال غرب منزل عمنا المرحوم رابح و الد الامين و الفاضل, كانت امامنا مربوع فاضي يسكنه لفيف من الفلاتة تم بناءه و صار دار للذين قطع النميري ايديهم و ارجلهم, الذي هو غرب منزل عمنا المرحوم الجاك بخيت, ارجو ان يكون الوصف قد وقع لك.

لطفي
Post: #59
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-27-2010, 04:09 PM
Parent: #58

Quote: يا لطفي ..
الأسم ما غريب علي .. بس ما قادر اتذكر بي وين حلتكم بالضبط ..


لما شربناها ودب دبيبها

تمبس نديمى فى هذا البوست.. شويه شويه بتذكر بس اصبر

لووول
Post: #60
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 04-27-2010, 08:49 PM
Parent: #59

Quote: لما شربناها ودب دبيبها

تمبس نديمى فى هذا البوست.. شويه شويه بتذكر بس اصبر

لووول


الاخ محمد المخنار

سلام

يقول الشاعر الصوفي


روح فؤادي بذكر النازح الداني فذكره لم يذل روحي و ريحاني
هي المدام و كل الخلق ندمان

نادمتها فمحتني عند رؤيتها و كان محوي بها اصلا لوجداني

تسلم

لطفي
Post: #61
Title: Re: ام الفضائح00بياعين شربه (عرقى) مرشحين للمؤتمر الوطنى
Author: 7abib_alkul
Date: 04-27-2010, 11:56 PM
Parent: #60


يا محمد مختار
شفته الولدين الواقفين ديل دا لؤي ومعها ود خالته وهو اصلا ما من الموردة عشان كدا تمبس ما عرفه هو اسمه لؤي محمد حسين قاعد مع ناس خالته في الموردة للجامعة بس وكان عصروك شوية امش جيب ليك لقطات موبايل فديو صورة وصوت كمان
يا معلم ارجع البوستات القديمة شوف رفاقك بتملصوا منها كيف لمن اتعصروا
الدور دا انا مرقتك لكن يا خال تاني ما تبالغ شديد كدا وتخت روحوك في حتة ضيقة كدا
Post: #62
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معتصم مصطفي الجبلابي
Date: 04-28-2010, 00:38 AM
Parent: #61

Quote: .. وأنا من مواليد الموردة .. ما عرفت لؤي


ياحبيب بس اوعي يكون كنت شغال في القابلات
Post: #63
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-28-2010, 07:14 AM
Parent: #62

Quote: ياحبيب بس اوعي يكون كنت شغال في القابلات
لا واإنت (الصادق) أنا مولود في (الدايات) .. ما كنت شغال في (القابلات) ..
Post: #65
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-28-2010, 09:41 AM
Parent: #61

Quote: يا محمد مختار
شفته الولدين الواقفين ديل دا لؤي ومعها ود خالته وهو اصلا ما من الموردة عشان كدا تمبس ما عرفه هو اسمه لؤي محمد حسين قاعد مع ناس خالته في الموردة للجامعة بس وكان عصروك شوية امش جيب ليك لقطات موبايل فديو صورة وصوت كمان
يا معلم ارجع البوستات القديمة شوف رفاقك بتملصوا منها كيف لمن اتعصروا
الدور دا انا مرقتك لكن يا خال تاني ما تبالغ شديد كدا وتخت روحوك في حتة ضيقة كدا


يا حبيبنا تمبس ده سكانى فى البوست ده سكه شديده خلاص من غير ما يقدر حق الزماله فى البورد
وطبعا ده من حقو, بس حكاية (فوق) و(up) بتخلى ناس كتار بفتكروا انو الموضوع ده فيكه ساى
طبعا صعبه اصور لؤى واجيب صورتو هناوتمبس عارف كده عشان كده ركز على الكراع الطرشاء, يعنى مافى
طريقه الواحد يعكسها زاتو,
Quote: الدور دا انا مرقتك لكن يا خال تاني ما تبالغ شديد كدا وتخت روحوك في حتة ضيقة كدا

ياخى انا قبل كده عندى معركة ذات الحصين والبغال برضو تمبس وابقوته خاضوا غمارها
تشكر وما تخاف على خالك.

تحياتى يا حبيب
Post: #67
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-28-2010, 10:30 AM
Parent: #61

Quote: عشان كدا تمبس ما عرفه هو اسمه لؤي محمد حسين قاعد مع ناس خالته في الموردة للجامعة
والله لكن يا حبيب الكل دي في الصميم ..
عارف من الصورة بتاعتك دي وهي في شوايات الموردة، وإنت جاي من الاتجاه العكسي للصورة والناس ديل والعربية البوكس على ايدك الشمال والمحلات بتاعت السمك على ايدك اليمين .. في آخر كورنر .. بتلقى شواية إدريس (ترنتي) تاخد منها يمين وتتجه غربا تجاه ميدان حسن حسين .. ودا ميدان الدافوري حقنا .. في الحتة دي هنا في لؤي بيتم على اليمين ... تنزل تحت شوية وإنت نازل علي بيت ناس قاسم أحمد عثمان لاعب الهلال السابق .. والرشيد اب أحمد فني الصوت الشهير بالاذاعة .. بتلقي على ايدك الشمال .. لؤي تاني .. اللؤيين ديل يا حبيب الكل .. طلعوا كضبا كاضب .. حيث إنو واحد فوقم معانا هنا دا في السعودية .. والتاني في بريطانيا من فترة طويلة .. ربما الحلة فرخـت لؤيااات تانيين ليهم علاقة بالسباحة والرماية وركوب الخيل ..
الزيادي .. يا حبيب الكل قال أخير يطلق الشغلانة كدا دا .. اصلو البورد أيام الانتخابات عاير وادوهو صوط .. واحد يجيك يقوليك ناس الخرطوم طلعو خلوها خلاء .. وواحد يجيك يقوليك نحن عايزين نعمل مجموعة مسلحة وواحد يقوليك تعالوا وقعوا هنا وواحدة تقوليك في زولة راكبه ليها تكسي مع كوز.. وهلمجرا.
الزيادي يا حبيب الكل .. عايز يمتع نفسو في المكان دا .. ويجي داخل طاشم ,.. بينما عايز يمنع غيرو يطشمو ويوزعو ويبيعوا يستفيدوا ويفيدو ...
Post: #68
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-28-2010, 10:49 AM
Parent: #67

عارف يا علاء لو فى طريقه يعملو ايقونه بتاعت روائح
يكون بكرى ما قصر معانا, ياخى الحته دى بقت صعبه خلاص
مرات بكون مرخم فى العربيه بقطع الكبرى وبكون ما جايب
خبر انا وين الا لما احصل سوق المورده وريحة السمك النى
تجيك طاقه
Post: #66
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 04-28-2010, 09:50 AM
Parent: #60

Quote: الاخ محمد المخنار

سلام

يقول الشاعر الصوفي


روح فؤادي بذكر النازح الداني فذكره لم يذل روحي و ريحاني
هي المدام و كل الخلق ندمان

نادمتها فمحتني عند رؤيتها و كان محوي بها اصلا لوجداني

تسلم

لطفي


لطفى يا ناس بانت اخبار مرشحينكم شنو فى الدائرة اتنين
فى رموز اختفت ولا كده؟؟

مصطفى سيماوى مرشح مستقل فى دائرتنا ام درمان الدائرة الاولى وسط
رمزو الكوره, المهم داير احكى ليك حكاية الكوره الطشمت الطشت ولقوها
فى بانت لكن بشرط احكى لى عن الرموز الطشمت الطشت عندكم.

تحياتى
Post: #64
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 04-28-2010, 07:42 AM
Parent: #58

Quote: سلام تمبس
لقد قرأت ابوكدوك الابتدائية اما المؤتمر انتوا في المدرسة ورانا بشوية او قل كتير انا من خريجي 78 و اعادة 79 ناس دكتور ابشر و دكتور عمر محمد اسماعيل و محمد حامد الجزولي دفعتنا, ناس الكورة, نحنا في اولي مصطفي النقر جاء عائدا وقاد الفرقة التي هزمت بيت الامانة و معه شرحبيل, انصاري و دكتور عبود وحسن كشكش و اخرين. وكان يوم تاريخي بعد ان حل النميري الكرة وصارت الكرة المدرسية هي الملاذ لعشاقها.
. سلام يا لطفي والله فرصة سعيدة .. انا قريت الابتدائي في الرشاد وكل أخواني قرو في الرشاد .. دكتور ابشر الرجل اللطيف الدكتور الناجح جدا ماشاء الله .. بيتم كان بيقع بالجنوب من بيتنا هم عكس الخور وبيتنا بيفتح في الزقاق البيدخل علي بيتم .. بس كنا بنشوفم في الدافوري في الخور تحت مع ناس أحمد مالك وناس تراوه .. وقرماج .. وناس بريش .. ونادر محمد نور .. ما وراكم بي شوية .. انا قريت وادي سيدنا الثانوية في التسعينات .. لكن اعتقد إنو أخونا البكر عمر منصور قرا في المؤتمر الثانوية لكن بي وراكم ..
Quote: منزلنا يقع بالضبط بين شارع الاربعين و الموردة في النص بالضبط الجهة الشمالية الشرقية لميدان بانت شرق مركز صحي بانت شمال منزل المرحوم العم مزمل مهدي, جنوب منزل المرحوم دمتري البازار الحيطة بالحيطة, شمال غرب منزل عمنا المرحوم رابح و الد الامين و الفاضل, كانت امامنا مربوع فاضي يسكنه لفيف من الفلاتة تم بناءه و صار دار للذين قطع النميري ايديهم و ارجلهم, الذي هو غرب منزل عمنا المرحوم الجاك بخيت, ارجو ان يكون الوصف قد وقع لك.
الوصف واضح جدا يا استاذ لطفي .. شارعكم دا الشارع البنجي راجعين بيهو من درس العصر من الرشاد .. أو لما يكون عندنا مزاج ونسة مع المرحوم ديمتري البازار .. يف نفس المنطقة دي في زول عندو ملكة بتاعت لغة انقليزيه عجيبة جدا ما متذكر اسمو منو بالضبط .. عندو ديكشنري تسالو من الكلمة يقوليك افتح الصفحة الفلانية بتلقاها ,.. .. بس ما قادر اتذكرو منو بالضبط ..
شكرا يا لطفي .. لي الريفريش العجيب دا .. وتحياتي لي بانت وكل ركن فيها ..
Post: #69
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 04-28-2010, 04:02 PM
Parent: #64

Quote: الوصف واضح جدا يا استاذ لطفي .. شارعكم دا الشارع البنجي راجعين بيهو من درس العصر من الرشاد .. أو لما يكون عندنا مزاج ونسة مع المرحوم ديمتري البازار .. يف نفس المنطقة دي في زول عندو ملكة بتاعت لغة انقليزيه عجيبة جدا ما متذكر اسمو منو بالضبط .. عندو ديكشنري تسالو من الكلمة يقوليك افتح الصفحة الفلانية بتلقاها ,.. .. بس ما قادر اتذكرو منو بالضبط ..
شكرا يا لطفي .. لي الريفريش العجيب دا .. وتحياتي لي بانت وكل ركن فيها ..


الاخ تمبس

الزول بتاع اللغة الانجليزية ده عمك ود عمك المرحوم الجاك بخيت كان عضيرا منزلهم في المربوع الثاني غرب مدرسة المؤتمر و بينا و بينهم مربوع واحد شرقنا و غربهم, عمك دمتري البازار رحمة الله كان رجلا رحيما كان يملك كل المربوع, اشتري جدي الهادي عبدالرحمن والد امي النصف الجنوبي اما الربع الشمالي الغربي اشتراه و الد وليد ابن عم عمر محمد اسماعيل اسم ابيه راح مني. عمنا دمتري البازار فهو شخصية عجيبة و متواضعة و يمكنك التنقيب عن تاريخه و كتابة كتاب عنه, كان من اوائل الذين عملوا في الاذاعة السودانية وكان يملك اسطوانات للاغاني القديمه اظنه اهداها للاذاعة السودانية و لكن لا تقدير و لا هم يحزنون.


Quote: وتحياتي لي بانت وكل ركن فيها ..

احن اليها كحنين الشاعر الي عبري حنينا ماج في صدري و اذكر عهدك البسام عهد
اخوك هاجر الي امريكا منذ ان وطئت الانقاذ ارض الوطن
عشرين عاما و حته

في الختام تحياتي للكل

لطفي
Post: #70
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 04-29-2010, 02:50 PM
Parent: #69

الاخوين محمد و تمبس
فلتعرج علي عمنا دمتري البازار
و في انتظار موضوع سيماوي

http://www.sudaneseoutline.com/out/showthread.php?t=5960
Post: #71
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 04-30-2010, 09:49 PM
Parent: #70

Quote: لطفى يا ناس بانت اخبار مرشحينكم شنو فى الدائرة اتنين
فى رموز اختفت ولا كده؟؟

مصطفى سيماوى مرشح مستقل فى دائرتنا ام درمان الدائرة الاولى وسط
رمزو الكوره, المهم داير احكى ليك حكاية الكوره الطشمت الطشت ولقوها
فى بانت لكن بشرط احكى لى عن الرموز الطشمت الطشت عندكم.

تحياتى


الاخ محمد المختار

اخوك ليهو 20 سنة بره البلد لذلك هو برة الشبكة ولكن عندما كنا في المؤتمر كان فريقنا يعج بلعيبة لا يشق لهم غبار امثال مصطفي النقر, عبود, انصاري, شرحبيل, حسن كشكش, الرشيد ملة ووووو اخرين, اظن حينها كان مصطفي سيماوي في الاهلية, و عبدو الشيخ في الانجيلية و حموري و مجموعة كبيرة في بيت الامانة, المهم منتظرك بخصوص النكتة, و علمت اني عدد من لاعبي الكرة قد رشحوا انفسهم للانتخابات و قد فازوا. نرجو الافادة

لطفي
Post: #72
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 05-01-2010, 07:27 AM
Parent: #71

لؤي وين يا جماعة؟
Post: #73
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 05-01-2010, 11:00 AM
Parent: #72

فوق
Post: #74
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 05-01-2010, 11:09 AM
Parent: #73

تحت!
Post: #75
Title: Re: ام الفضائح00بياعين شربه (عرقى) مرشحين للمؤتمر الوطنى
Author: لطفي علي لطفي
Date: 05-01-2010, 06:49 PM
Parent: #74

Quote: تحت!


و الله يا ود الصايم انا بحبك لله في الله
ما اجمل ضحكتك تدخل البهجة و السرور في النفس
Post: #76
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 05-02-2010, 06:39 AM
Parent: #75

تسلم يا لطفي ياخ!
الله يديكـ العافية والفي مرادكـ!




_
لؤي دا ما جا لسع؟
Post: #77
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 05-05-2010, 08:01 AM
Parent: #76

Quote: الاخوين محمد و تمبس
فلتعرج علي عمنا دمتري البازار
.. يا استاذ لطفي .
عمنا ديمتري البازار .. كنا مسمنو الرجل الأبيض ..
كنا بنلاقيهو كل يوم .. الصباح بيجي من بيتو في بانت لي سوق الموردة .. ومحاط بكمية ضخمة جدا من الكلاب لا تقل عن عشرين .. ويحمل مخلاية قماش .. كان بيلبس (كاكي) زي لبس النقل الميكانيكي .. قميص بي أربعة جيوب وبنطلوب من نفس النوع .. وطاقية قماش .. باين بالجنبات شعرو الابيض .. ولونو الأبيض لون الاغاريق وفي مشيتو شبه (عترة) على رجلو اليمين وابتسامة لطيفة جدا ..
في سوق الموردة كان بيقعد على كرسي وتقعد حوالينو الكلاب بي احترام شديد جدا .. المخلاية بعد شوية بنجتهد علشان نملاها ليهو كمية كبيرة من (الفشفاش) بيساعدنا الجزارين في المسالة دي .. بعداك بياخد الخضار حقو ومستلزماتو وبيتحرك في نفس الاتجاه الجا بيهو وبي نفس الابتسامة .. لكن ما حصل سمعت صوتو عامل كيف ..
في البيت الكبير حقو دا .. كان بيقاسمو السكن فقط الكلاب .. بيوفر ليها الوجبه بتاعت (الفشفاش) بعدما يسلقو ويجهزو ليها .. واصبحت بينم علاقة قوية جدا .. وحميمية .. بعد فترة احتفى من المشاوير دي وعرفت انو مرض وكان شفتو في التلفزيون في حلقة .. وللاسف لقي نفس الاهمال من الدولة زي ما لقى بدر التهامي .. وغيرم من الناس البعتبرو مراجع في علم الموسيقى والتاريخ الموسيقي في السودان .. وياريت وقتها لو توفرت خاصية الانترنت بي كامل امكانياتها وكان طلعنا بي عوالم عجيبة من الناس ديل ..
تشكر يا لطفي .. على الرفريشمنت دا .. وعلى الرابط ..

....
يا الزيادي .. عملت لينا شنو في موضوع لؤي .. وموضوع الصور حقت الناس ديل .. ؟
Post: #78
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 05-10-2010, 10:26 AM
Parent: #77

الصور يا عمكـ .. ح ننتظر كتير ولا شنو؟
بالعدم صورة جركانة الشربة دي!
Post: #79
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 05-10-2010, 12:25 PM
Parent: #78

بالعدم صورة الجريدة الكاتب منها الكلام دا!
Post: #80
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-02-2010, 10:41 AM
Parent: #79
Post: #81
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 06-02-2010, 10:46 AM
Parent: #80

ما بترد مالكـ يا زول؟
Post: #82
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-02-2010, 11:26 AM
Parent: #81

Quote: ما بترد مالكـ يا زول؟
... أنا واللا .. لؤي يا كاروشة ؟؟
Post: #83
Title: Re: ام الفضائح00بياعين شربه (عرقى) مرشحين للمؤتمر الوطنى
Author: على محمد على بشير
Date: 06-02-2010, 12:13 PM
Parent: #81

قرقرقرقرقرق قرقر

غايتو يقع فيكم العدو ..
Post: #84
Title: Re: ام الفضائح00بياعين شربه (عرقى) مرشحين للمؤتمر الوطنى
Author: GamarBoBa
Date: 06-02-2010, 12:58 PM
Parent: #83

الزيادي
تمبس مدور بأسماء زي دي
ترنتي
تراوه .. وقرماج .. وناس بريش
زنيره
شالوخه

انت تجي تقول ليه لؤي؟؟
لؤي يا الزيادي!

كان تقول ليه مختار جلو مثلا كان هو ذاتا جلاها..ما كان قدر يركز التركيز ده كلو معاك.

_
بغض النظر البوست الواقف شبط ده ..حكاوي تمبس عن المورده جميلة،ومع انو ما بشجع كورة في السودان لكن بعجبني حب ناس الموردة للموردة وحبهم لفريقهم ..مش واحد قاعد في البركل يقول ليك انا بشجع المريخ....قبل فترة بالصدفة سمعت اعتقد محمد حامد الجزولي بغني للموردة الفريق اغنية مبالغ فيها...يشجعك لتشجيع الفريق.

تحياتي لكم جميعا...وبالله ما تضطرونا نفتش ليكم ام فتفت ومشّ عشان البوست ده يفك منه...ابقوا نابلين يا جماعة
Post: #87
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-02-2010, 02:24 PM
Parent: #83

Quote: قرقرقرقرقرق قرقر

غايتو يقع فيكم العدو ..

الاخ / على محمد على
سلام
لا عدو ولا حاجه
بالحركة البعملو فيها دى ح استخدم ليك معاهم نظرية دكتو مصطفى
(التجاهل)
وينا صورة الجريدة؟؟؟
منو القال انو الكلام الفوق ده منقول من جريده

ياخى شابكين ليك البوست فوق تحت فوق تحت وانا مافى
ولو ما قمر بوبا رفع البوست ما كان شفت مداخلاتهم اصلا
دى اسمها طعنه فى الظهر
وانا التهريج ما بنفع معاى

تحياتى
Post: #85
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-02-2010, 01:58 PM
Parent: #81

Quote: ما بترد مالكـ يا زول؟

الحركة دى ما كويسة يا ود الصايم منك
لست من الذين يهربون من بوستاتهم وانت عارف الكلام ده
مافى داعى انا اكون بره المنبر لكم يوم وتجى تقول لى
Quote: ما بترد مالكـ يا زول؟

ما ارد؟؟؟
على اليمين ارجل راجل هنا ارد عليهو
شينه فى حقك اولا

ثم انو حكاية وينا الجريده الجبت منها الكلام ده ما صاح منك
لانو موضوع البوست ده واضح انى ما جبتو من جريدة
ولا فى جريد كتبت الكلام ده
واى بوست منقول انا قاعد اجيب الرابط
وحكاية هروب النا س ايام الانتخابات جابتها كلها الجرايد وقالو الخرطوم والشوارع فاضية
وراجع جريدة الوطن بتاعت سيد احمد خليفة اكتر جريدة ركزت على الموضوع

وانا عارفك متلحنى ليه عشان البوست بتاع الهلال بتاع العار الاسماعيلى
ولو ما قمر بوبوبا رفع البوست ده واللله ما كان شفت ردودك انت وتمبس

شينه شينه شينه حركت دى
انا ما ارد عشان كلام كتبتو!!!!!
يسمعن
Post: #86
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-02-2010, 02:06 PM
Parent: #79

Quote: بالعدم صورة الجريدة الكاتب منها الكلام دا!


يعنى انت كسر رقبه داير اجيب ليك صورة الجريده
مع انو الكلام ده كاتبو انا
اى زول قرا البوست ده بعرف انو الكلام ده مصدرو كاتب البوست
الا انت يا ود الصايم

Quote: فوق

Quote: تحت

ياخى الادوار المشبوهة دى فكونا منها
هو المنبر العام ده بقى جبنه ومحل ونسات ولا شنو؟
Post: #88
Title: Re: ام الفضائح00بياعين شربه (عرقى) مرشحين للمؤتمر الوطنى
Author: GamarBoBa
Date: 06-02-2010, 03:49 PM
Parent: #86

مرتين مصر بتقول انو البوست ما رفعته انا
لقيته قااااعد رافعه تمبس ود الموردة ...وأول مرة أشوفه مع انو من قبل الانتخابات بيدوا لي
ولا عندي مصلحة ارفع لي بوست ..ولا عندي مشكلة كان ناس المؤتمر الوطني فيهم ناس بلططوا و- لا استبعد ذلك- ..لأنوفي غيرهم بلطط عادي يعني وهم ما احسن من الباقين شيء اصلا...ولا الدين حقهم براهم.

عجبتني الاسامي الاروردها تمبس مقارنة بإسم لؤي فدخلت كتبت -ليس الا-

هدي نفسك شوية يا الزيادي...وعادي الناس بتتزرا في البورد ..وانا شخصيا لو في محلك كنت بقول لتمبس انو انا أخطأت التقدير في نقل المعلومة وشكرا وخلاص.
Post: #90
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-02-2010, 04:38 PM
Parent: #88

Quote: مرتين مصر بتقول انو البوست ما رفعته انا
لقيته قااااعد رافعه تمبس ود الموردة ...وأول مرة أشوفه مع انو من قبل الانتخابات بيدوا لي
ولا عندي مصلحة ارفع لي بوست ..ولا عندي مشكلة كان ناس المؤتمر الوطني فيهم ناس بلططوا و- لا استبعد ذلك- ..لأنوفي غيرهم بلطط عادي يعني وهم ما احسن من الباقين شيء اصلا...ولا الدين حقهم براهم.

عجبتني الاسامي الاروردها تمبس مقارنة بإسم لؤي فدخلت كتبت -ليس الا-

هدي نفسك شوية يا الزيادي...وعادي الناس بتتزرا في البورد ..وانا شخصيا لو في محلك كنت بقول لتمبس انو انا أخطأت التقدير في نقل المعلومة وشكرا وخلاص.


الاخ/ قمر بوبا
سلام
Quote: مرتين مصر بتقول انو البوست ما رفعته انا

قصدى مداخلتك القبل دى ولا دخل لك بالموضوع يا حبيب
Quote: هدي نفسك شوية يا الزيادي...وعادي الناس بتتزرا في البورد

لا معليش انا لا مزرور ولا حاجه ولا نفسى قايم مداخلات الصايم وتمبس فيها ايحا اكتر من كونها
مطالبة بصورة الجريدة او صورة لؤى, ما كم واحد نقل كلام على لسان انسان اخر ما لقيت يوم زولو طالب بصورة
Quote: وانا شخصيا لو في محلك كنت بقول لتمبس انو انا أخطأت التقدير في نقل المعلومة وشكرا وخلاص

واقول لى حاجه انا ما مقتنع بيها اساسا
المعلومة منقولة كده زى ما انا عاوز انقلها ولو كنت داير اجيب صورة لؤى كنت ح اجيبها من غير ما يطالبنى بيها تمبس, لب الموضوع الناس عرفتو والادوار الخفية ما بتنفع معاى

لم اخطئ بنقل المعلومة ولست مكابرا


تحياتى
Post: #89
Title: Re: ام الفضائح00بياعين شربه (عرقى) مرشحين للمؤتمر الوطنى
Author: عيسي ابراهيم
Date: 06-02-2010, 04:18 PM
Parent: #86

Quote: عمنا ديمتري البازار .. كنا مسمنو الرجل الأبيض ..
كنا بنلاقيهو كل يوم .. الصباح بيجي من بيتو في بانت لي سوق الموردة .. ومحاط بكمية ضخمة جدا من الكلاب لا تقل عن عشرين .. ويحمل مخلاية قماش .. كان بيلبس (كاكي) زي لبس النقل الميكانيكي .. قميص بي أربعة جيوب وبنطلوب من نفس النوع .. وطاقية قماش .. باين بالجنبات شعرو الابيض .. ولونو الأبيض لون الاغاريق وفي مشيتو شبه (عترة) على رجلو اليمين وابتسامة لطيفة جدا ..
في سوق الموردة كان بيقعد على كرسي وتقعد حوالينو الكلاب بي احترام شديد جدا .. المخلاية بعد شوية بنجتهد علشان نملاها ليهو كمية كبيرة من (الفشفاش) بيساعدنا الجزارين في المسالة دي .. بعداك بياخد الخضار حقو ومستلزماتو وبيتحرك في نفس الاتجاه الجا بيهو وبي نفس الابتسامة .. لكن ما حصل سمعت صوتو عامل كيف ..
في البيت الكبير حقو دا .. كان بيقاسمو السكن فقط الكلاب .. بيوفر ليها الوجبه بتاعت (الفشفاش) بعدما يسلقو ويجهزو ليها .. واصبحت بينم علاقة قوية جدا .. وحميمية .. بعد فترة احتفى من المشاوير دي وعرفت انو مرض وكان شفتو في التلفزيون في حلقة .. وللاسف لقي نفس الاهمال من الدولة زي ما لقى بدر التهامي .. وغيرم من الناس البعتبرو مراجع في علم الموسيقى والتاريخ الموسيقي في السودان .. وياريت وقتها لو توفرت خاصية الانترنت بي كامل امكانياتها وكان طلعنا بي عوالم عجيبة من الناس ديل ..

ياسلام يا تمبس ......
احكي ..
Post: #91
Title: Re: ام الفضائح00بياعين شربه (عرقى) مرشحين للمؤتمر الوطنى
Author: GamarBoBa
Date: 06-02-2010, 05:22 PM
Parent: #89

الزيادي مساء الخير

خليك من الموضوع الاساسي القاعد يناقشك فيه تمبس وطالب توضيحات ما خلينا بعيدين من مصطلح الزرزرة الانت متأكد انو تقديراتك فيه سليمة

قولك عني لمرتين انو انا الرفعت تقديرك ده في محله؟؟؟
انا ما رفعت البوست...راجع زمن المداخلات
انت عارف وانا عارف وأي زول عارف انو رفع بوست زي ده من كم صفحة لورا انوا شغال شغل مديدة حرقتني ساي
هل تقديرك ده سليم ومفتكر انو انت مرتاح وانا مرتاح؟؟

الباقي خليه هسة
Post: #92
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-02-2010, 06:37 PM
Parent: #91

Quote: الزيادي
تمبس مدور بأسماء زي دي
ترنتي
تراوه .. وقرماج .. وناس بريش
زنيره
شالوخه

انت تجي تقول ليه لؤي؟؟
لؤي يا الزيادي!

كان تقول ليه مختار جلو مثلا كان هو ذاتا جلاها..ما كان قدر يركز التركيز ده كلو معاك.

_
بغض النظر البوست الواقف شبط ده ..حكاوي تمبس عن المورده جميلة،ومع انو ما بشجع كورة في السودان لكن بعجبني حب ناس الموردة للموردة وحبهم لفريقهم ..مش واحد قاعد في البركل يقول ليك انا بشجع المريخ....قبل فترة بالصدفة سمعت اعتقد محمد حامد الجزولي بغني للموردة الفريق اغنية مبالغ فيها...يشجعك لتشجيع الفريق.

تحياتي لكم جميعا...وبالله ما تضطرونا نفتش ليكم ام فتفت ومشّ عشان البوست ده يفك منه...ابقوا نابلين يا جماعة


عنيت هذه المداخلة اعلاه, ولانها كانت اخر مداخلة عند دخولى للبوست اعتقدت انك رفعت البوست
وتفاجأت بفوق تحت تحت فوق و ؟ والسؤال عن الجريدة التى نقلت منها الموضوع مع العلم
والواضح ان موضوع البوست لا يشير لا من بعيد ولا من قريب الى اى جريدة كمصدر له
وكل الموضوع رد فعل لبوست عن موضوع رياضى كتبته بعد هزيمة الهلال من الاسماعيلى المصرى


لك العتبى يا قمر بوبا فهناك سؤ تفاهم فى الموضوع


تحياتى
Post: #93
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-15-2010, 07:01 AM
Parent: #92
Post: #94
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-15-2010, 07:40 AM
Parent: #93

Quote: واقول لى حاجه انا ما مقتنع بيها اساسا
المعلومة منقولة كده زى ما انا عاوز انقلها ولو كنت داير اجيب صورة لؤى كنت ح اجيبها من غير ما يطالبنى بيها تمبس, لب الموضوع الناس عرفتو والادوار الخفية ما بتنفع معاى
لم اخطئ بنقل المعلومة ولست مكابرا
.. يا ابوي ماف لب موضوع .. إنت كتبت كلام هنا في المكان دا وسالت عن ناس ليها علاقة بالمنطقة .. بالتالي كان تضع في بالك إنو المكان دا فيهو ناس من نفس المنطقة والكلام الجبتو دا ليهو علاقة بي اهلهم ولحمهم .. وبيمسهم بطريقة مباشرة .. وما علشان المكان دا مفتوح اي زول يكتب اي كلام ويجي يقول انا دا الكلام المقتنع بيهو .. البكتب كلام هنا دا يكون على قدرو .. ويظهر إنك ممكن تكتب اي كلام وتقول اي كلام وما يهمك عواقبو ..
أنا طلبت منك أن ترسل لي في الخاص فيما يتعلق بي لؤي .. لانك ذكرت اسمو .. وقلت ليك دا كلام غلط .. لانو ح تكون مطالب بي إنك تثبت اي كلمة هنا بتكتبه يا تعتذر عن كلامك دا ..
المسالة ما مسالة قناعات بقدر ما هي زوغان ومكابرة وعدم اعتراف بالخطا .. في امكان اي شخص ما أن يكتب هنا ما يشاء عنك .. وعن غيرك .. وبي اي اسلوب . كذب فبركة .. ضيق افق .. ويبدو انك لا تهمك مثل هذه الأمور بقدرما تهمك كيفية أن تنال من البعض بالضغط على الكيبورد ...
Post: #95
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 06-15-2010, 07:49 AM
Parent: #94



جابت ليها أدوار مشبوهة كمان!
Post: #96
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-15-2010, 07:54 AM
Parent: #95

Quote: ياخى الادوار المشبوهة دى فكونا منها
هو المنبر العام ده بقى جبنه ومحل ونسات ولا شنو؟
يا الزيادي .. لو اساسا دا فهمك .. ممكن نعتبر ليك كلامك الجبتو دا هو كلام قعدات الونسات .. وحكاوي القهاوي .. إلخ من المفردات البتلوح بيها ..
لانو كلامك عبارة عن كلام ساااي .. وفعلا المنبر العام وصل لي المرحلة دي لطالما إنو اي زول ممكن يكتب اي كلام وينقل اي خبر .. حسب البيجي في بالو ..
بعدين الادوار المشبوهة دي شنو بالضبط كدا ..؟ ياريت برضو توضحه لينا ينوبك ثواب شديد ..
Post: #97
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 06-15-2010, 07:58 AM
Parent: #96

غايتو عمكـ الزيادي دا عملا ظاهرة عديل!
جاي يحكي لينا ونسة مع زول في رماية وشابكنا دا منبر ونسة!
آمال العريضة بتاعتكـ الفوق دي شنو؟



هسي البوست دا ممكن نصنفوا شنو؟!
Post: #98
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-15-2010, 08:06 AM
Parent: #97

Quote: جاي يحكي لينا ونسة مع زول في رماية وشابكنا دا منبر ونسة!
.. خليك من الونسة عاين هنا
Quote: مع العلم ان بياعيين الشربه والبنقو ازدادوا فى زمن الانقاذ بشكل مخيف باحتراف الشرطة وما تورده الصحافة من قبض كميات من المشروبات الكحولية والمخدرات
اظنو بيقرا الدار ويمشي يتونس وشايل نشابو .. ويجي يكتب لينا عن الونسات دي وكمان يزرزرنا سااي .. وين ناس الموردة ووين اصحاب لؤي ..

يجوهو الناس من الموردة ومن كل فج عميق .. ومن كل قرية وساحة وضفة وماء .. يجي يقوليك إنتو بتاعين ونسات .. وقهوة ساي ..
وحسع دي تقولي لي بتاعين حزب الأمة زولكم دا مالو .. يجو يقوليك افرز ياتو امة من الأمم ..
Post: #99
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-15-2010, 08:22 AM
Parent: #98

Quote: قال لى الاخ لؤى
وهو يسكن حى الموردة
..
Quote: لو فى زول من الموردة يدينا تفاصيل اكتر
...
Quote: لؤى منو؟
..
Quote: الاستاذ/ صلاح
سلام
ما عارف ابوهو منو
لكن اصبر على شويه
..
Quote: كدي شوف لينا لؤي دا منو أول حاجة .. والباقي بنتمو ليك .. وخلي لؤي دا زاتو يديك سيرة ذاتية عن المرشح دا يا اسمو منو وساكن وووين ...؟
..
Quote: يا تمبس ورب الكعبة الكلام دا صح
وانا عندى مشكله فى حفظ اسماء الناس
خلى احفظ اسم ابو
..
Quote: جاييك يا تمبس مستعجل لجيتى مالك
..
Quote: لا ادرى لمصلحة من تريد ان تثبت للقراء انى الفق اشياء لا صحة لها؟
...
Quote: (انا مش حلفت ليك يا تمبس وقلت لى مصدقك؟ اها بعد الحليفة البسألنى منها الله ما ح اجيب لؤى ولا غير)
...
Quote: كل الاشكال انو تمبس داير يوحى انو المعلومة ملغومة و ما صحيحه
نسبيا نجح يمرر حاجاتو.
وداير يدردقنى عشان اجيب ليو الصو واسم العبار
..
Quote: تمبس نديمى فى هذا البوست.. شويه شويه بتذكر بس اصبر
...
Quote: يا حبيبنا تمبس ده سكانى فى البوست ده سكه شديده خلاص من غير ما يقدر حق الزماله فى البورد
وطبعا ده من حقو, بس حكاية (فوق) و(up) بتخلى ناس كتار بفتكروا انو الموضوع ده فيكه ساى
طبعا صعبه اصور لؤى واجيب صورتو هناوتمبس عارف كده عشان كده ركز على الكراع الطرشاء, يعنى مافى
طريقه الواحد يعكسها زاتو,
..
Quote: ما ارد؟؟؟
على اليمين ارجل راجل هنا ارد عليهو
شينه فى حقك اولا
..
Quote: وانا شخصيا لو في محلك كنت بقول لتمبس انو انا أخطأت التقدير في نقل المعلومة وشكرا وخلاص.
..
Quote: غايتو حدي معاك الارشيف يا إنت يا لؤي يا تجيب لينا (نــص) من الناس ديل.
Post: #100
Title: Re: ام الفضائح00بياعين شربه (عرقى) مرشحين للمؤتمر الوطنى
Author: الوليد الرشيد وراق
Date: 06-15-2010, 09:15 AM
Parent: #99

Quote: غايتو حدي معاك الارشيف يا إنت يا لؤي يا تجيب لينا (نــص) من الناس ديل.

الزول ده قال ليك كان جيت للحول ما بخليك
وأنصح بالشامبيون بس ما يكون ( مخمر)
Post: #101
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-15-2010, 11:50 AM
Parent: #100

فوق
Post: #102
Title: Re: ام الفضائح00بياعين شربه (عرقى) مرشحين للمؤتمر الوطنى
Author: Mohammed Awad
Date: 06-15-2010, 03:49 PM
Parent: #101

بالله الواحد كان طرا خزنة مش كان احسن!!!
اسى ياتمبس لو كان جيتنى كان خلصنا دورة الرماية وانتهينا من البوست دا
بالطريقة دى لو سيف مساعد اخد لقطة فى مزيرتكم انا ما مسؤل
Post: #103
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-20-2010, 11:30 AM
Parent: #100

Quote: الزول ده قال ليك كان جيت للحول ما بخليك
وأنصح بالشامبيون بس ما يكون ( مخمر)
... أهو زي ما شايف يا طبنجـة .. حول المنبر يوم تلتين ستة ، والزيادي ما مهببو لينا .. زيو وزي واحد صاحبنا برضو عامل زغبير بي حتة تانية من الحتات الكتيرة بتاعت البورد دا ..
Post: #104
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-20-2010, 04:26 PM
Parent: #103

صاحب البوست
از يك
يازول انت دخلتنى فى حته صعبة خلاص
مبدئيا؟ انا نسابتى من الموردة 00واهلى ناس ما متحررين ؟ متخلفين؟ شفت كيف0قامواهلى المتخلفين ديل قرو البوست ده
دورت الاتصالات والرسايل؟
طبعا انا من قرية 0خت الكلام ده فى رويسك؟؟؟
نرجع لموضوع؟؟؟العرقى0يازول القبيله هاجت وماجت؟؟؟كيف انا اناسب ناس الموردة بياعين الطشمة؟ زى ماقلت ليك اهلى متخلفين
0000بعدداك شوف الاقتراحات القبليه؟
طلق؟
عرس تانى فوقه؟
قاطع اهله ؟
؟؟؟؟؟
يعنى بقيت بين نارين
بعدين تعال النسعلك00انت من وين؟
انت عارف انا المورد؟ حافظه ليك ؟؟؟ جد كنت مكيس 00والنسابة؟
ماقلت لى لوى ده منو؟؟ياسبب مشاكلى العائليه
ياخ مسكت ليك الشوراع دى زقاق زقاق؟
مالقيت الود الخبار لؤى ده
من الشمال 0بيوت ناس الخليفة وناس شبيكه والنيل
الشمال الغربى المكتبة
رجعت تانى من ناس الحلو
وقابلت ود الحلو؟
سالتو 0هل يوجد لديكم اى لؤيات؟؟
قال يامعاويه ماشاء الله لوئ كبر عمرو سنة وتلاته شهور؟
ميشت قدام شارع الفيل ؟حيث مصطفى السمين الشهير بصديق انور ود الحوش؟
قبل ما اتم سعالى00جاء الخبير السكانى فاروق جون؟؟
اكد لى؟لايوجد الا تلات لوى فى المنطقة
لوئ ود ناس الحلو؟؟؟سنة وتلاته شهور
لوئ ودعادل خفير دار الرياضة00خمسه سنوات
لؤى00ود الضباط00ده كمان بر البلد من زمااااااااااااان وبيتهم فاتح ع البحر؟
يازول مرقتها هناااك جنب حديقة الموردة اول بيت وانت جاى من الخرتوم بيت ناس شبيكة عمار وزهير؟
لايوجد اى لؤيياااااااااااااااااااااات
؟؟؟ ياصاحب البوست شوف حلل
برجع ليك تانى
اهلى ناس متخلفين
مقترحاتهم صعبة
اين لؤى
او زبائن لؤى
او جيب لى نص من لؤى
رااااااااااااااااجع
للتفاصيل
Post: #105
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-20-2010, 04:39 PM
Parent: #104

صاحب البوست
انا الان؟؟؟ناو
فى طريقى لبعض الخبراء بالمنطقة
ناس محمد حمزة دة جنب عوضية بتاعت السمك؟
ومن هناك بصل بانت ناس الجزلى؟
وبقطع بهناك اسال ناس فريد ادريس؟
سيد الشربة بفتش خشم التور؟
Post: #106
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-20-2010, 04:53 PM
Parent: #104

Quote: نرجع لموضوع؟؟؟العرقى0يازول القبيله هاجت وماجت؟؟؟كيف انا اناسب ناس الموردة بياعين الطشمة؟ زى ماقلت ليك اهلى متخلفين

Quote: ؟؟؟كيف انا اناسب ناس الموردة بياعين الطشمة؟

يا زول هوى بطل تلفيق
وين انا قلتا ناس الموردة بياعين شربه؟؟

مع احترامى لكل سكان المورده واصدقائى هناك

البوست ده حايم من ايام الانتخابات الجابك يادوب شنو؟
اوع تقول لى ما شفتو

انت عبد الماجد الصايم قريبك ولا اسم لاسم؟؟

قال داير الجريدة الشلت منها الموضوع ده
مع العلم انو البوست لا يشير لاى جريدة
لا من بعيد ولا قريب
Quote: بعدين تعال النسعلك00انت من وين؟

اقطع الظلط بتلقانى قاعد فى العباسي
عرفت الوصف
Quote: ماقلت لى لوى ده منو؟؟

Quote: ما داير صوره لى لؤى؟
اين لؤى
او زبائن لؤى
او جيب لى نص من لؤى
رااااااااااااااااجع
للتفاصيل


تأكد لى تماما انك لم تقرأ هذا البوست
اعد القراءة ثم اسألنى من لؤى


نسيت اسلم عليك

السلام عليكم
وتحياتى
Post: #107
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-20-2010, 05:08 PM
Parent: #106

الله يسلمك
ياخ
اقول ليك
القيبلة المتخلفه دى
قرات كلامك ده كلو
وانا ؟صم كمان
لؤى ده منو
ريحنى؟؟
Post: #108
Title: Re: ام الفضائح00بياعين شربه (عرقى) مرشحين للمؤتمر الوطنى
Author: الوليد الرشيد وراق
Date: 06-20-2010, 05:18 PM
Parent: #107

Quote: لؤى ده منو


والله نحن متابعين ليلالى الحلمية دى
من شهر اربعة ودايرين نعرف لؤى ده
Post: #109
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-20-2010, 05:28 PM
Parent: #108

الوليد
لؤى حامنى النوم


هوووووووى يالؤى تعال لى



وجيب لى معاك نص

داير انوم اهلى عاصرنى
صاحب البوستى؟؟
جيب لى لؤى
او لؤلؤة اخت لؤى
اصلو اللؤيات دايما ببجو تؤام
او ليلى حبوبة لؤى
اصلو اى لؤى حبوبتو ليلى
او ابو الليل جد لؤى
يازول تكون قاصد ابو الليل؟
اسم الدلع لؤى
Post: #110
Title: Re: ام الفضائح00بياعين شربه (عرقى) مرشحين للمؤتمر الوطنى
Author: الوليد الرشيد وراق
Date: 06-20-2010, 05:38 PM
Parent: #109

يا معاوية دى شنو اللولوة دى
Post: #111
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-20-2010, 05:45 PM
Parent: #110

بقترح للزيادى ؟؟ يالوليد؟
الوليد اخوك معصور ؟
ناس القريه
محافظين
كيف نسابتى من الموردة بتاعين الشربه؟
انا نفيت الكلام ده
قالوا يازول المرشحين ظااااااااااااااتو تجار طشمة



جيبو لى لؤى


سمعة النسابة؟؟
فى خطر شديد؟؟
Post: #112
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد المختار الزيادى
Date: 06-20-2010, 06:56 PM
Parent: #111

Quote: كيف نسابتى من الموردة بتاعين الشربه؟

الاخ/ معاوية
سلام

ارجو الا تلفق ما لم اقله فى اهل الموردة
لا ادرى ماذا تريد ان تثبت بالضبط؟؟
وانت تصر على كلام لم اقله

انت اما ما فاهم او مصر ما دير تفهم
ايهما؟

تحياتى
Post: #113
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 06-21-2010, 08:11 AM
Parent: #112

Quote: انت عبد الماجد الصايم قريبك ولا اسم لاسم؟؟


رحمه الله رحمة واسعة




_
ركّز يا عمكـ!
Post: #114
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-21-2010, 10:34 AM
Parent: #113

يبدو إنو معاوية عبيد تاثر أكتر من تاثير (مويـة) الزيادي دي على عقول المنتخبين ..
الله يعينك يا معاوية .. والله مش تصل حديقة الموردة .. وبوابة عبد القيوم، كان بقيت عبد القيوم هيم سيلف ما ح تطلع ليك بي نجيضة من الزيادي دا ..
الزيادي دا يا معاوية قبل ما تسجل في المكان دا .. وذلك أيام الانتخابات .. كان شغال موزع .. كل يوم بيجيب ليهو حاجات تحفه زي دي .. بيمتع بيها نفسو .. ويمتع بيها مراغبين الانتخابات .. ويمتع بيها سيرفر بكري.

يا الزيادي ..
ياخ معاوية دا جاي جديد .. ما حضر (القعدة) العملتها لينا أيام الانتخابات دي .. لكن شكلو (طشم) سااي بالريحـة خفيف الزول دا .. وشكلو بيفرتق القعدات .. خاصة وإنو الجماعة البقول في اساميهم ديل .. والحوامة الحامه دي عشان اللؤيات .. وجرسو الداقيهو في ( قريتم) دا ما شغل زول واعي .. الزول دا نعمل ليهو كشف طبي بس وشريط اخباري .. وإذا ثبت إنو طاشم بالريحـة نقوم نجلد (محمد الصايم) دا اربعين جلدة لانو جاي وجايب لينا قريبو معاو .. وإنت نطلعك زي الشعرة من العجين ..
غايتو لو طلع محمد الصايم ومعاوية الصايم ديل قرايب بعض معناته في مؤامرة بتتحاك ضدك .. في الحالة دي تجيب النشاب بتاعك وتجي .. وبالمرة اغشى لي معاك الجماعة اياهم وجيب لي (كباية) الواحد يقزقز بيها مع البوست بتاعك دا .. لحدت عيد الثورة الجاي ..
Post: #115
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-21-2010, 11:07 AM
Parent: #114

بالنسبة لي موضوع القعدة دا ..
ايام الرئيس القايد جعفر محمد نميري الله يرحمو .. في ايام قفيل البارات الأولى .. والجماعة بتاعين الطشمة لسة ما قادرين يطلعو من (الخرمة) بتاعت الحفلات دي ..
قالو في واحد شايل ليهو طشمة في (خرطوش) وطالع بيهو في بص السيرة .. وخاتيهو تحت القميص .. وقافل الخرطوش بي جهة وكابي ليهو فوقو نص قزازة والجهة التانية في خشمو .. ويمص بمقدار كاس واحد ..
والدلوكة شغالة .. وصاحبنا لفحو الهوا .. ولسة خرطوشو مليان .. وشغال مص ..
الجماعة نزلو الحفلة وانتهت .. هو حضر رقيص العروس .. والدلوكة شغالة
قومي يا الدلوكة .. اتقدي .. والجماعة اتحيرو .. والعروس اتحيرت ..
زولنا أبو خرطوش دا .. حسب الكاسات الماصيها دي ... قاليهم:
دقو ليها في (كـــيس) ..

عايزين الزيادي يجي يفتي لينا في مسالة الكيس دا علاقتو شنو بي الدلوكة .. وبي الطشمة .. وبي الخرطوش
Post: #116
Title: Re: ام الفضائح00بياعين شربه (عرقى) مرشحين للمؤتمر الوطنى
Author: احمد محمد بشير
Date: 06-21-2010, 07:57 PM
Parent: #115

الله يقبحهم يا محمد زيادي
خربو أخلاق الشباب و إتشعبطوا في حكومة السجم , منجم ووكر المجرمين والحرامية.
Post: #117
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-21-2010, 08:14 PM
Parent: #116

ود الصائم
تمبس


توجد قضيه تمس النسابه


الموضوع؟؟ صعب على


صاحب البوست؟؟؟


وتانى يا تمبس وود الصائم ؟؟؟


نرجو عدم تسيس القضيه؟؟؟

وزى مابقول المثل الزيدى؟؟


اليدو فى الكاس؟


مازى اليدو فى النشاب؟؟


والماعندو؟؟ لووووووووووووويا


ماعندو لؤى


والتستر على الجريمه0جريمه؟ زى مابقول مثل البوليس السودانى ؟؟

طيب الذكر؟؟


Post: #118
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 06-21-2010, 10:29 PM
Parent: #117

أحمد بشير يا عمكـ
ما تجي متلّب في بوست ساي!
إنت هسي قريت الكلام الحاصل هنا دا ولّ من العنوان جيت مطفّر؟


أعمل حساب الرايش يا عمكـ!
Post: #119
Title: Re: ام الفضائح00بياعين شربه (عرقى) مرشحين للمؤتمر الوطنى
Author: tmbis
Date: 06-22-2010, 07:40 AM
Parent: #118

Quote: أحمد بشير يا عمكـ
ما تجي متلّب في بوست ساي!
إنت هسي قريت الكلام الحاصل هنا دا ولّ من العنوان جيت مطفّر؟
أعمل حساب الرايش يا عمكـ!
أحمد بشير دا برضو .. Winrar.exe مش كدا ..؟
Post: #120
Title: Re: ام الفضائح00بياعين شربه (عرقى) مرشحين للمؤتمر الوطنى
Author: محمد عبد الماجد الصايم
Date: 06-22-2010, 07:45 AM
Parent: #119

Quote: أحمد بشير دا برضو .. Winrar.exe مش كدا ..؟


ملطي سيستم!
Post: #121
Title: Re: ام الفضائح00بياعين شربه (عرقى) مرشحين للمؤتمر الوطنى
Author: معاوية عبيد الصائم
Date: 06-23-2010, 06:10 AM
Parent: #120

عاجل؟؟؟؟؟؟؟؟؟؟؟؟؟؟
جمعية نسابة اسر الموردة بالخارج؟
تقرر ارسال ###### بوليسى للمساعدة فى البحث عن لؤى؟؟


تنبيه؟؟؟؟ال###### تخصص

شم طشمنجيى؟
اخبارنجيه؟


نرجو من صاحب البوست تحديد المكان عشان نحدد موعد الانطلاق فى حملة البحث عن الدليل الوحيد لؤى؟؟

كما قررت الجمعية التبرع بال###### البوليسى؟لجهة ما تحدد لاحقا؟؟

نكرر التبرع بعد العثور ع لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤى