عزام ... العرجا لمراحا ... رؤية نوبية مغايرة

عزام سلام
ابارك لك اولا اطلاق سراح كى بوردك ... و ما تفرط اوع من المؤبد ... الحظ فى كتاباتك فكرة ان النوبيين غير ... صحيح انهم غير القبائل السودانية الاخرى... لكنهم سودانيين ... يعنى ما جعليين ما بجة ما دينكا ما مساليت ... لكل قبيلة كينونتها و تراثها و ارثهاو مجدها و مفاخرها ... يتساوى فى ذلك الجميع ... و لكل قبيلة تصنيفات داخلية و فروع ... حزمة هذه الفروع تكون القبيلة ... و قس على ذلك الدولة تتكون من مجموع قبائل متعددة ... ذلك هو السائد فى كل الدول الافريقية ... استثناء الصومال ... و لم يمنعهم ذلك الاقتتال و التحارب ... الكياسة تقتضى ان نسعى جميعا للحفاظ على الوحدة ... السودان بخارطته الحالية هناك روابط دم يجمع بينهم ... هناك روابط تاريخية ... ثقافية ... الحضارة النوبية و بالمناسبة الحضارة ليست ملكا حصريا للقبيلة السائدة ... التراث ملك لكل من كان فى فضاثه ... اديك مثال النوبيين جزء اصيل من الحضارة العربية فى مصر بعد الفتح ... و كانت الاندلس كذلك رغم اختلاف لون العيون ... فالحضارة النوبية واحدة من عوامل وحدة السودان ... و كذلك كان التراث العربى الاسلامى بعد سقوط سوبا ... الحكم التركى ... المهدية ... الحكم الثنائى ... حتى الحكم الوطنى منذ الاستقلال الى يومنا كلها وقائع تصب فى مصلحة الوحدة ... هناك الواقع الجغرافى هناك الصلات الاجتماعية ... التزواج فى مناطق التماس ... ما تجى تقول لى مين الزوج الجنوبيين ... فمسألة الزواج فى المجتمعات البدائية معقدة داخل القبيلة الواحدة و احيانا حتى داخل العشيرة الواحدة ... اكيد مع التطور و الانقتاح يمكن تجاوز هذه العقبة الاجتماعية ... يعنى بعد مائة و عشرين سنة ما حتكون فى عقبة ... هناك يا عزام البعد الاقتصادى البترول الامطار السحب مياه النيل كلها عوامل تفجير فى حال الانفصال ... يعنى الحرب الانتا ربما تكون خايف منها سيك سيك معلق فيك ... السودان منذ عام 1925 بياكل من مشروع الجزيرة المروى من خزان سنار ... يوم واحد لا اهل سنار و لا الجزيرة قالوا دايرين قسمة ثروة ... اليوم كل طرف يلقى موارد يقول ليك قسمة ثروة ... زيما اكلوا معانا الدهب الابيض ناكلوا مع بعض الدهب الاسود ... و لو ظهر دهب اصفر فى العتمور برضو للجميع ... ستكون حروب فى الشمال ... و حروب و حروب كتيرة شديد فى الجنوب ... يا عزيزى الانسجام الاثنى لا يمنع الحرب ... الا لما كانت داحس و الغبراء ... و لا الاقتتال الصومالى ... و ما عارفك حتحل المشكلة كيف لو البديرية فى الشمالية قالوا دايرين تقرير المصير ... اعتقد ان الدينكا اقرب الى النوبيين من البديرية اثنيا ... و كذلك الميدوب فى دارفور ... ياخ خليهم ينفصلوا يريحونا رؤية فى تقديرى غير موفقة ... شوف رؤية النوبى محمد جلال كيف يرى القرابة بين اهل السودان

هكذا قال محمد جلال

Quote: 1) اللغات كالبشر لها قرابات وعلاقات أسرية. فكما هناك أناس أشقّاء هناك ايضا لغات شقيقة ولغات بنات أعمام وهكذا إلخ. 2) هناك مجموعة لغوية ضخمة (بمثابة أمّة من اللغات) تُسمّى بالمجموعة النيلية الصحراوية (Nilo-Saharan Phylum) داخلها توجد العديد من المجموعات اللغوية الكبيرة لكنها أصغر من النيلية الصحراوية. إحدى هذه المجموعات تُسمّى مجموعة التشاري النيلية (Chari-Nile Group) أي تفع بين نهري تشاري بتشاد والنيل بالسودان ومصر ويوغندا؛ أي أن هذه المجموعة تقع بين منطقة بحيرة تشاد والهضبة الإثيوبية في خط طولي يمتدّ بامتداد النيل. مجموعة التشاري نيلية هذه تنقسم بدورها إلى مجموعتين صغيرتين هما السودانية الشرقية (Eastern Sudanic) والسودانية الغربية (Western Sudanic). ما يهمّنا هنا هو المجموعة السودانية الشرقية إذ تضمّ داخلها عددا من اللغات التي تمتُّ بصلة القرابة لبعضها البعض بما يُشبه علاقة بنات الأعمام. كنموذج للغات التي تندرج تحت هذه المجموعة نذكر الآتية فقط: المجموعة النيلية (الدينكا؛ النوير؛ الشلك؛ الأنواك؛ اللاتوكا؛ المُنداري؛ التبوزا؛ الباريا؛ الأشولي؛ ثم الماساي بكينيا). أمّا من دارفور فنذكر الآتية أسماؤهم: الميما؛ الداجو؛ الزغاوة؛ الفور؛ المساليت. أمّا من الشرق فنذكر مجموعة لغات الأنقسنا بأعالي النيل الأزرق والكرمك وقيسان. أمّا من جبال النوبة فأغلب لغاتها ينتمي لهذه المجموعة ولا مجال لذكرها هنا في أكثر من النمل. ما يهمّنا هنا أن مجموعة اللغات النوبية تنتمي لهذه المجموعة أي السودانية الشرقية؛ هذا يعني أن علاقة القرابة بين اللغات النوبية (لاحظ أنني أستخدم لفظة "اللغات النوبية" وليس لفظة "اللغة النوبية") وأي واحدة من هذه اللغات المشار إليها أعلاه هي كعلاقة أبناء الأعمام. الآن تعالوا لنرى من ماذا تتكوّن مجوعة اللغات النوبية حيث تكون العلاقة بمثابة الأخوات الشقيقات. بدءا نشير إلى أن هناك ثلاث مجموعات لغوية نوبية: 1- المجموعة النيلية: وتنقسم إلى مجموعتين (الفاديجّا-محسية) ثم (الدنقلاوية-الكنزية). 2- المجموعة الكردفانية: وتنقسم بدورها إلى مجموعتين: شمال كردفان (لغة جبل الحرازة المنقرضة) وجنوب كردفان (لغة الأجانق بأقسامها الموزّعة على الجبال الستّة: كاركو؛ فندا؛ غُلفان؛ داير؛ دلنج؛ إلخ). 3- المجموعة الدارفورية: وتنقسم أيضا إلى قسمين: شمال كردفان (لغة الميدوب) وغرب وسط دارفور (لغة البرقد شبه المنقرضة). هذا هو ما يقوله لنا العلم فيما يخصّ اللغات النوبية. ليس هذا فحسب بل إن واحدة من أقوى الفرضيات المتعلّقة بالموطن الأصلي للنوبيين جميعا قبل أن يستوطنوا على النيل وفي كردفان تقول بأن موطنهم الأصلي كان بمكانٍ ما شمال غرب دافور أي بمنطقة الميدوب الحالية أو بالقرب منها. ربما لا يُعجب هذا بعض إخوتنا ممّن لا ينظرون إلى أنفسهم باعتبارهم شعبا أفريقيّا أسود. لكن تبقى هذه هي الحقيقة. إننا - نحن السودانيين جميعا بما في ذلك النوبيين - شعب أفريقي أسود وما تمايزات اللون التي نتعارف عليها إلاّ تدرّجات اللون الأسود لا غير. إذا كانت هذه قناعتي فلن أعاني من أي مشكلة إذا ما قال لي شخصٌ ما إن أهلنا بجبال النوبة ينتمون لي. إذ سأنظر إلى قوله هذا باعتبار أنه ممّا يُشرّفني أن ينتمي لي أهلنا بجبال النوبة وأن أنتمي إليهم. أمّا إن كنت أعتبر نفسي من شعب ينتمي إلى أمّة البيضان فمثل هذا الوهم وتزييف الهويّة سوف يخلق لي مشاكل كثيرة عندما يكشف لي العلم أوجه قرابتي بأهلي الحقيقيين من الأفارقة السود. إنني أفتخر بأنني أفريقي أسود وبأن أهلي في السودان هم في جبال النوبة ودارفور وشرق السودان ثم جنوبه الحبيب .... ودمتم جميعا أفارقة سودا صنعتم الحضارة وستصنعوها مرّة أخرى !!!! محمد جلال أحمد هاشم أوكسفورد - إنكلترا

مع تحياتى

احمد حامد
تمبكتو مالى

أحمد حامد صالح ، سلام

يا ناس كير وإنتو يا غرابا
قولونا داعي الحرب ايه وشِن أسبابا
قولونا ليه يِموت حِلم البلد ومعاهو شبابا
إنحرق البلد وأصبح عَمارا خرابا
ــــــــــــــــ

Quote: و ما تفرط اوع من المؤبد

علشان العدل والواقِعِية يعني ، حقو تكلِم بكري أبوبكر إنو ما يِفرِط فيني تاني ... في الإسْفير مندوحه ، بس في عزام واحِد بس ولو عِشِمْتو في إتْنين مِني ، بِكون شطط مِنكُم ساي
ــــــــــــــــ

Quote: الحظ فى كتاباتك فكرة ان النوبيين غير

غير طَبعًا تاريخِيًا (قبيلة أصيلة)
غير طبعًا جغُرافِيًا (مناطِق معلومة)
غير طبعًا عِرْقِيًا (أصل الأنواع في سودان اليَوم)
ـــــــــــــــ

Quote: استثناء الصومال

كلامك عن القبيلة/الدَولة صحيح والصومال ما إسْتِثناء على الأقل علشان هي بلد ساحِلي ، والبلدان الساحِلية بتكون لحم راس ، المشهور عن الصومال إنها البلد الوحيد الشعبها مُسلِم 100% وما إسْتُعْمِرت قديمًاإلا بعد 1920م %
والمجموعات العِرْقِية في الصومال بِتْتكَون مِن البناديريون والباراوانيون والبانتو والباجونيون والهنود والفرس والصوماليون الإيطاليون المنحدرون من أصول إيطالية ، وديل بِشكِلو نِسبة 15% مِن السُكان. (رواه قوقِل رضي الله عنهُ)
ــــــــــــــ

Quote: و لم يمنعهم ذلك الاقتتال و التحارب

أنا ما قُلت إنو الدَولة ذات العِرق الواحد لا تتحارب ... أنا قُلت طالماالناس في البلد الواحِد جربو 55 سنة حرب ، يبقى حقو يِجرِبو حاجة تانِية ، على الأقل علشان ما يِبقو سغيلين ياخ ... الأبيات الفوق دي كتبتها على ما أذكُر بعد فشل نيفاشا الأمل وظهور حركات غرب السودان
ــــــــــــــ

Quote: التراث ملك لكل من كان فى فضاثه

ده كلام إنْشائي ، بِنْسِفو واقِعِيًا < نحن أولاد بلد نقعُد ونقوم على كيفنا > والغريبة البِقول كِده بِكون واقِف في < البجراوِية > ياخ التُراث النوبي ما بِتْذكرو ناس الفضاء المُشترك إلا مصحوبًا بِزغرودة مِهيرة ، وساعة يحين سرد ترجمة المك نِمر المو نِمر ورق ...

كُنت بدرِس مادة التاريخ لِلمرحلة الثانَوِية العامة (هسِع إسمها شنو ماني عارِف) في فترةٍ ما لأولاد وبنات أهلي ، الكلام ده في عهد الإنقاذ ، وأكان كِتاب التاريخ لِلصف الأول -على ما أذكُر- فيهو عِدة أبواب ، الباب الأول عن الحضارة النوبِية ، الباب التاني عن دخول العرب السودان ، تخَيل الباب الأول ده طوال فِترة تدريسي كان ملغي ، يعني لا يُدرس ، طَيِب يا وِزارة التربِية ، ليه بتطبعي الباب ده مِن أساسو؟ وليه بتعملي كِده؟ تلغي تاريخ فوقو حضارةى عمرها 5000 سنة لِتاريخ ما فوقو أي حضارة ليهو 1400 سنة على أحسن تقدير ، شُفت كيف حِكاية إنو < التراث ملك لكل من كان فى فضائه > دي إنشاء ساي
ــــــــــــــ

Quote: اديك مثال النوبيين جزء اصيل من الحضارة العربية فى مصر بعد الفتح

لا يا خوي العرب مُمكِن مجازًا يِكونو هم الجزء من الحضارة المِصْرِية ، لأن الدِراسات الحديثة أثبتت إنو أصل الحضارة المِصْرِية < نوبي > العرب زي ما قال إبن خلدون في مقدِمتو " ضِد الحضارة " ما تخلو فِجه إلا قلبو كيانا ... شوف الشام ... الأندلُس ... إفريقيا ... شوف إبن خلدون قال شنو في مقدِمتو (الفصل26/ص 139) تِحِت عِنوان [ في أن العرب إذا تغلبوا على الأوطان أسرع إليها الخراب ]:

والسبب في ذلِك أنَّهُمْ أُمَّةٌ وَحْشِيةٌ بِإستِحْكام عَوائِد التَّوَحُّشِ وأَسْبابِهِ فيهمْ فصار لهُم خُلُقاً وجِبْلَةً ، وكانَ عندَهُمْ مَلْذوذاً لِما فيهِ مِن الخُروج عن رِبقَةِ الحُكم ، وعدم الإنقِياد لِلسِياسةِ. وهذِهِ الطبيعة مُنافِية لِلعُمْران ومُناقِضةٌ لهُ. فغايةُ الأَحوالِ العادِيَّةِ كُلِّها عندهُم الرِّحْلَةُ والتَّغَلُّبُ وذلِك مُناقِضٌ لِلسُّكونِ الذي بِهِ العُمرانُ ومُنافٍ لهُ. فالحَجَرُ مَثلاً إِنَّما حاجَتُهُم إِلَيهِ لِنصْبِهِ أَثافيَّ لِلقِدْرِ ، فينْقُلونَهُ مِن المباني ويُخرِبونَها علَيهِ ، ويُعِدونهُ لِذلِك. والخَشَبُ أَيضاً إِنما حاجَتُهُم إِلَيهِ لِيَعْمِدوا بِهِ خِيامَهُمْ ويتخِذوا الأَوتادَ مِنهُ لِبِيوتِهِمْ فَيُخَرِّبونَ السَّقْف علَيهِ لِذلِك. فصارت طبيعة وُجودِهِمْ مُنافِيةٌ لِلبِناء الذي هو أَصلُ العُمرانِ.

وأيضاً فطبيعَتُهُمُ إنتِهابُ ما في أيدي النَّاس ، وأَنَّ رِزْقهُم في ظِلال رِماحِهِمْ ، ولَيس عندهُمْ في أَخذِ أَمْوالِ النَّاس حَدٌّ يَنْتَهونَ إِلَيهِ ، بل كُلما إمْتَدتْ أُعْيُنُهُمْ إلى مالٍ أَو متاع أو ماعونٍ إنْتهَبوهُ. فإذا تًمَّ إقتِدارُهُمْ على ذلِك بِالتَّغَلُّبِ والمُلْك بَطَلَتِ السِّياسَةُ في حِفْظِ أَموالِ الناسِ وخَرِبَ العُمرانُ. (إنتهى)
ــــــــــــــ

Quote: يعنى بعد مائة و عشرين سنة ما حتكون فى عقبة

والـ55 سنة الفاتت دي داخلا في الـ120 سنة بِتاعت دي ولا فوق البيعا
ــــــــــــــ

Quote: اعتقد ان الدينكا اقرب الى النوبيين من البديرية اثنيا ... و كذلك الميدوب فى دارفور

الكلام ده أنا قُلتو وأثبتو بِخُصوص الشعب النوبي الكبير (نوبة الشِمال والجِبال) أما الجنوبِيين فإثْنِيًا ما بِربُطْني معاهُم حاجة إلا لو حبيت تخلي النيل مُكَوِن إثني
ـــــــــــــ
كلام د. محمد جلال هاشِم ... بنفع لِمُحاضرة في جامعة ... لكِن الواقِع وإسْتِشْراف المُستقبل بِقول غير كِده




مع تحياتى
الدوحة قطر
إسمي تِحِت مُلصق تِحِت صورتي ايه الداعي تاني أكرِرو وأكْتِب تِحِت أي مُداخلة عزام فرح

Quote: أحمد حامد صالح ، سلام يا ناس كير وإنتو يا غرابا قولونا داعي الحرب ايه وشِن أسبابا قولونا ليه يِموت حِلم البلد ومعاهو شبابا إنحرق البلد وأصبح عَمارا خرابا

اجيك واحدة بواحدة يا ود تهندرسيس ... انتا وقتك البنجوز محلكم ما فيهو زولا بيعلم ا ب ت ث المعرفة ... بيوضة كانت مراعى ناس مجوك و الرث كان ساكن المقرن ... ناس كير سياد البلد ... و انت يا عنخ ما شغلتك السودان ... خليك فى حدودك ... و احرس بوابتك ... سنار و كوستى و كسلا و الابيض ماكانوا يوما تبع عبرى ... العيلفون و الحلفايا و توتى ... ماكانت يوما تبع النوبة... التحرير التحرير واجب وطنى ... اقولها بالعربى ان المحس وفدوا الى تلك الربوع فى العصر الحديث ... و عليه بمنطقك الملولو ده اقول لك اربطوا الاحزمة للاقلاع حان وقت رجوعكم ... البغلة فى الابريق ... ما تنسى تسوق معاك ناس اسحاق احمد فضل الله ... ناس كير قالوا دايرين محلهم ... يا وريث تهراقا لا تعتقد ان الارض قد توقفت عن الدوران ... الزمن لم يندثر بعد ... اصح يا عنخ القطار تجاوز محطةعبرى منذ امد ... اللغة المروية فى خبر كان ... الوقت وقت الضاد ... شفت باقان برطن عربى كيف ... يا عنخ بطل فلقصة ... ان كنت تريد ان تكون سودانيا فالسودان للجميع ... و كان شايف نفسك محسنجى السودان ليس المحس لاند ... احسن تعمل ليك حركة تحرير و يمكن تلقى فرصة لتقرير المصير ... يا عنخ لا تعتقد اننى اتهمك بادعاء النقاء العرقى ... انا مؤمن بنظرية القرد فى عين اوموا غزالة ... اقولك حاجة يا عنخ كلما اقرا لك اتذكر اومو بتاع جامعة الخرطوم ... ما عارف ليه ؟
الحرب لا يشكل سببا كافيا لتقسيم البلد ... كده راجع تاريخ امريكا سيدة العالم اليوم ... كيف كانت فيها الحرب ... الولادة مخاض دوما بالم ... و هكذا اوربا التى تتجه اليوم للاتحاد بالامس القريب كانت القوى ياكل الضعيف ... الحريق مهما امتد لهيبه لا يمكن ان يقضى على السودان اما عن العمار شوف المانيا و للا عاين لغزة و يافا ... لنا عودة لباقى النقاط

مع تحياتى

احمد حامد
تمبكتو مالى

أوسى جم أحمد

سعدت بعودة قلمك المميّز ..

Quote: كلما اقرا لك اتذكر اومو بتاع جامعة الخرطوم ... ما عارف ليه ؟

وأومو أكثر لباقة ومعرفة منه .. تصدق!
أومو مشكلته رسب فى مادة واحدة وأصابه الجنون .. مادة علم النبات بواسطة دكتورة إخلاص "بوتونى" ..

لكن صحبك عزام "دسمس" عدييل يا أحمد .. عزام ليس لديه أهلية علمية يكتب حتى تأريخ أسرته .. ناهيك عن يكتب فى تأريخ السودان




بريمة

Quote: هل أجرم سكان النيل الوسيط بإبراز مقدراتهم الإبداعية فى الدفوف و كرمة و مروى من معابد و مدافن و إهرامات و لغات مكتوبة كالمروية وغيرها ؟ هل جنوا على عصبيات الهامش ؟ هكذا تساءل الأستاذ حسن مكى فى مقاله عن القومية السودانية وعصبيات هامشها بشحنه العرقى و الجهوى و ذلك بصحيفة الرأى العام . تذكرت هنا مقولة مستشار مؤسسات الأعمال الامريكى مايكل هامر حين قال أن من الأشياء التى تظهر له أن مؤسسة ما لديها مشاكل قولها كم كنا جيدين فى الماضى . هذا ينطبق على مقال الأستاذ مكى إذ عدد المنجزات التاريخية للأمم الخالية التى سكنت ضفاف النيل الوسيط ، فى الماضى و ليس اليوم . عندما تفوق ذكريات الماضى ابداع الحاضر و احلام بناء المستقبل فذلك مؤشر بدنو النهاية . تلك رؤية تبحث عن الكرامة و الأيجابية و قيمة الذات بإجترار الماضى على حساب الحاضر. وفى كثير من الأحيان يكون ذاك االماضى غير حقيقى وإنما ماضيا ’متصورا ومجملا. إنها رؤية تركز كل خيالها على جعل الماضى أكثر جمالا مما كان عليه فتتشبث بذلك الماضى عوضا عن تخيٌل مستقبل أفضل و العمل على تحقيقه . ستحل بنا الكارثة إذا فقدنا البوصلة و تقدمنا فى إتجاه إجترار الماضى و إحتكاره . فهل يمكن الجزم بأن بعانخى ليس من أسلاف الهامش؟ و من يستطيع نكران مشاركة نوبة الجبال و غيرهم من اهل الهامش فى بناء مروى و ما قبل مروى ؟ لا أعتقد أن الصراع بين الهامش و النيل الوسيط ، كما يشير الأستاذ مكى ، صراع بين الثقافة المروية بإهراماتها و لغاتها المكتوبة و بين ثقافة هامشية مغايرة . كان أجدر بالأستاذ مكى ، وهو المعروف بالجرأة العلمية ، أن يتساءل : لماذا تم تغييب مروى و ثقافتها ؟ ألم تحافظ أكسوم على إرثها الامهرى و هى أقرب إلى مرابط العرب منا , و اليها كانت هجرة المسلمين الاولى قبل ثمانية قرون من قيام اول دولة اسلامية على هامش النيل الوسيط < مملكة سنار > لماذا نصر أن تاريخنا تواجد بغتة بدخول الإسلام و إنتشار العربية ؟ وإذا صدقنا ذلك ، فكيف للنيل الوسيط أن يحتكر ذلك الإرث علما بأن الحضارة الإسلامية و العربية دخلت فى الاسا س عبر الهوامش شرقا و غربا ؟ ثم ألم يكن النيل الوسيط متلقيا فقط لتلك الحضارة ؟ ماذا أنتج النيل الوسيط من الفلسفة والعلوم منذ البقط إلى كررى؟ علما بأن إسهامات مناطق اخرى فى افريقية فى اثراء الحضارة الإسلامية والعربية لا تخطؤها عين ، استاذنا مكى كان شاهدا على ذلك فى تمبكتو ذاكرة الاسلام فى بلاد السودان ، اين انتاج النيل الوسيط فى علم الفلك فى الجبر فى التاريخ فى اثراء الفقة المالكى ، لا اعتقد ان بين ايدينا سوى اليتيمة طبقات الصوفى ود ضيف الله و شفاهيات من دوبيت الهمباتة . ان كان هناك وسام للنيل الوسيط فى العصر الوسيط فهو ضعف الاسهام فى الحضارة الانسانية ، ماذا قدمنا ؟ اكتشفنا النظارة ! حسنا البذرة ! تاريخنا جله تلقى و عطاؤنا قليل و يتساوى فى ذلك النيل الوسيط و الهامش ، ما بين الاهرامات و قبة المهدى قرون من الظلام توجت بخراب سوبا قضية الهامش و المركز فى إعتقادى ليس لها جذور فى ذلك الماضى السحيق . إنها نتاج الخيبة الوطنية فى مرحلة ما بعد الإستقلال . فهى قضية معاصرة محورها التجاذب على النفوذ بشقيه الجاه و الثروة . لا أعتقد أن البعد الثقافى فى هذا الصراع بهذا التهويل . فلا أهل الهامش يتطلعون إلى إقصاء اللغة العربية و لا أهل النيل الوسيط يستطيعون الجزم أن من لم يدخل "المدرسة" يفهم أشعار المتنبى و مقامات الحريرى و تعقيدات سيبويه و خطرفات ابى الاسود الدؤلى. "المدرسة" التى علمت صديقى الدكتور يحى فقيرى اللغة العربية و علمتنى انا ايضا التفريق بين الحاء و الخاء ، كان حرًيا بها أن تحفظ لنا التراث النوبى و الدينكاوى و البجاوى والفوراوى و اساطير الشلك وكجور الجبال إلى آخر ما نملك من تراث إنسانى رفيع بدلا من رميها فى مذبلة التاريخ . نعم. جنت علينا "المدرسة" ومناهجها ، صرنا ببغاوات نردد فى غفلة جماعية : شعب عربى واحد ... جيش عربى واحد . تم حجب تراثنا الوطنى الأصيل لصالح أيديولوجية تسخر من عقيدة معظمنا كما فى "طه القرشى فى المستشفى" و "حليمة بائعة اللبن". هذه التخوفات التى يثيرها أستاذنا مكى معركة فى غير معترك إلا إذا حصرنا السودانوية فى نطاق القرية التى ولدنا فيها فقط . إن السودانوية أوسع بكثير من افق النيل الوسيط و لنا العبرة فيما فعل شيخ الجعليين حين طبق مبدأ "جعلناك منا" كيف استطاع ان يجمع حوله القبائل دون النظر للفصائل بحق كان الاقدمون اكثر حكمة و اكثر مقدرة على لحم اطراف السودان بعضها البعض . كنت أتوقع أن تكون مخاوف استاذ مكى حول إسكات اللغات و طمس الثقافات السودانية دهرا و قهرا وما يترتب على ذلك من إحتقانات و إضطرابات . كنت أريده أن يدعوا الذين خدعونا و قهرونا إذ قالوا أننا امة صماء نسخا واحدا و فرضوا علينا لغة واحدة ، إن التنوع فينا وهو ثراء عظيم قهروه حتى أصبحت الامة دكتاتورا ، يطرزنا على نسق واحد غير زاه ، فصرنا نستوثق من لبس الجلابية فى الغابات الإستوائية وأصقاع الجليد ، فلا "سوباجو" ولا "كرنقو" و غيرهم يملكون خيارا فى لسان أو أذن ، فإن سعوا إلى الرقص الكنغولى أو المسلسل السنغالى أو نغمات على فركا تورى أو مريم ماكيبا أو الفا بلوندى أو وردى بالمحسية - و ما اروعه بها - إلا وصموا بالعنصرية . الحال عندنا كل من أراد غير ما هو كائن مهدد بأن يفقد الكينونة و الوجود . و بهذا يمكن للوطن ان يضيع من بين ايدينا و لهذا علينا جمعيا ان نعمل على تخطى الماضى و جراحاته و نسعى لبناء المستقبل ، فلنعترف بأننا مسلمون و غير مسلمين ، عرب و أفارقة ، شعوب و قبائل ، فسيفساء أزهى من قميص قرنق الافريقى . يجب أن تكسر الحواجز بيننا . فلنتسامح إن كانت هناك تجاوزات . إذ أنه بعد أن شب طوق الهامش – كما يحلو للبعض- ليس هناك مجال سوى إستقباله كنظير و البحث عن وسائل للتعايش المشترك ، اهم قواعد هذا التعايش المنشود هو الانتقال النوعى لطبيعة الشرعية التى يستند عليها قيام الدولة منذ الاستقلال . علينا ان نستبدل شرعية الحقيقة المطلقة التى مورست حكومات و معارضة و ما صاحبها من عنف و اقصاء جراء تجسيد الحقيقة فى الانا دون الاخر . علينا استبدال تلك بشرعية الحقيقة التعاقدية المرتكزة على مبدأ الوفاق النسبى التعددى و القائمة على التوسيع المستمر لدائرة المساهمة فى العمل السياسى و مؤسسية الهيئات و التنظيمات و قبول مبدأ السلطات المضادة و التناوب السلمى على السلطة . اذا اقترن ذلك بالحكم الراشد و العدالة و اسراع وتيرة العمل التنموى ، بكل هذا يمكن لنا ان نبنى وطنا نضاهى به الامم . التحية لاستاذى مكى و له العتبى حتى يرضى ، وتعظيم سلام سودان . احمد حامد صالح بماكو - مالى تلفون 002236372587

العزيز بريمة حامد

Quote: لكن صحبك عزام "دسمس" عدييل يا أحمد .. عزام ليس لديه أهلية علمية يكتب حتى تأريخ أسرته .. ناهيك عن يكتب فى تأريخ السودان

أتمنى ان تعطى نفسك فرصة لحوار بعيدا عن الشخصنة مع العزيز عزام فرح ,, لانها خصم لما تكتبوه حتى نتابعه بفرح ,
وخاصة انها كتابة مشحونه بكمية من المعلومات الكثيفة وتمس احد الموضوعات المهمة في هذه المرحله الحرجه من تاريخنا الوطنى ,,

_____________ اتمنى ان تعطوا انفسكم انت والاخ عزام فرح لاكتشاف الجوانب المضيئة في كليكما لنفرح ونسعد بكتابتكم ________

عمار عبدالله

Quote: كلام إنْشائي ، بِنْسِفو واقِعِيًا < نحن أولاد بلد نقعُد ونقوم على كيفنا > والغريبة البِقول كِده بِكون واقِف في < البجراوِية > ياخ التُراث النوبي ما بِتْذكرو ناس الفضاء المُشترك إلا مصحوبًا بِزغرودة مِهيرة ، وساعة يحين سرد ترجمة المك نِمر المو نِمر ورق ...

عزام كده عليك الله اقرا كلامك ده تانى و كرروا تانى ... خرمجة فكرية ... البجراوية يا عزيزى الله يرحمها ... البقية فى حياتكم ... زمان دنقس و جماع دفنوهافى سوبا... الفخار الكوشى للاسف لم يصمد ... حتى تنقية التحنيط لم تحفظ لنا بعانخى و تهراقا ... البجرواية ما بتبقى احد ود بلد ... هناك قواعد جديدة تم التاسيس لها بخراب سوبا ... و ربنا يطلعك من الوهم المحيط بك ... البلد ليها سياد جدد و ثيقة البقط كان ما عندك منها نسخة شوف صحبك بريمة يرسل ليك واحدة لتتمعن فى بصمة حفيد تهراقا ... يومها بصموا رغم لسانهم ... اكيد كثير من القراء يريدون ان اضيف على البصمة صاغرون ... اعتذر لهؤلاء باننى لا اريد ان اشطط مع عزام ... و كمان عشان عين واحدة تكرم الف ... النوبيون المحس احبابنااصحابنا اهلنا فيهم ناس عزاز بيعرفوا الاصول ... محمد جلال ... السفير منان ... و اخرون كثر ... ناس كان ختيتهم على الجرح يبرا ... هناك وردى الذى شكل وجدان اغلب اهل السودان ... اوسمته افريقيا ... وسام فنان افريقيا الاول ... و يبدو ان انتظارنا سيطول ليمن عليه البيضان بحتة وسام او حتى اعتراف ... عزام لكل قاعدة شواذ ... عليه ما عليك لك ان تبرطع ... يا عنخمون بالغت عديل كده فى حكاية مهيرة و المك ... ديل احفاد العباس و اخوالهم ناس دينق مجوك ... لامن جوا لقوا الحضارة النوبية قد اضمحلت و اصلا لم ينتسبوا لها يوما ... و ما بيشربوا حليب التيوس ... الليلة يا عزام داير تكبر بيهم كومك ... بالامس جاءوا على صهوة جيادهم ... اخدوا الطين و النخيل ... و جماعتك اتقهقروا ناحية الصعيد ... واحدين مرقوا فى كوبى ... ممكن بريمة لو قال الكلام ده يكون مقبول ... اما ان ينتسب عزام للمك نمر هذا ما يصعب هضمه
لنا عودة
مع تحياتى
احمد حامد
تمبكتو مالى

----------------------------------------
اتفق مع الاخ عمار فى دعوته ترك الشخصنة يا بريمة

Quote: تخَيل الباب الأول ده طوال فِترة تدريسي كان ملغي ، يعني لا يُدرس ، طَيِب يا وِزارة التربِية ، ليه بتطبعي الباب ده مِن أساسو؟ وليه بتعملي كِده؟ تلغي تاريخ فوقو حضارةى عمرها 5000 سنة لِتاريخ ما فوقو أي حضارة ليهو 1400 سنة على أحسن تقدير

عزام اضم صوتى لصوتك و ادعو للعدل و المساواة
ان تنهزم حضارة لا يعنى ان تلغى و تلقى هكذا مصير

مع تحياتى

احمد حامد
تمبكتو مالى

Quote: (قبيلة أصيلة)

يا عنخمون

ارجو التكرم بتعريف القبيلة الاصيلة
كيف تكون هذه اصيلة و تلك غير الفرق شنو
1
2
3
4
5
6
7
مع تحياتى
احمد حامد
تمبكتو مالى

ول أبا أحمد


ليس هناك شخصنة .. كما نذكروا الذين نجحوا وكانوا الأوائل .. الأمانة تقتضى ذكر من كانوا فى صلب القائمة ..


أنت ما بتصدقنى يا ول أبا ولا شنو؟

بريمة

Quote: شوف إبن خلدون قال شنو في مقدِمتو

الحاصل شنو يا عنخنوم ... فى اعلى المشاركة تقول ان التاريخ بتاع 1400 مافيه اى حضارة ... و تستشهد بنتاج ذلك التاريخ ... بن خلدون نوبى و لاشنو ... اى تناقض ... لم تتمكن من الخروج خارج فضاء الحضارة السائدة ... هكذا الحضارة ملك للجميع ... عزام المستهجن يستشهد بمقولات من يستهجن ... انا منك لا اعترف بابن خلدون و لا ابن رشد ولا بن سينا

أحمد حامد صالح

Quote: اتفق مع الاخ عمار فى دعوته ترك الشخصنة يا بريمة

عجيب
ــــــــــــ
علشان القارئ بس يِعرِف الزول ده مالو :
أحمد حامِد صالِح حفيد الشيخ أحمد التنبكاوي الفلاتي
يقول المُحقِق الدكتور / يوسُف فضل أُستاذ مادة التاريخ في جامِعة الخُرطوم ومُديرُها سابِقًا ، في هامِش كِتاب < طبقات ود ضيف الله > صفحة (190) - الطبعة الرابعة 1992م عن ترجمة الفلاتي ، في هامش ترجمة الشيخ خوجلي بن عبدالرحمن بن إبراهيم (المحسي أُمًا وأب)
[الفلاني وهو أقرب إلى الصواب ، إلا ان ما اثبتناه اقرب الى اللهجة السودانية. والفلاتة ، الفلاني ، الفلبى الفلا أو البل الخ ، تشير الى شعب " أبيض " او اسمر البشرة رعوى اشتهر بتربية الماشية وظل طوال العشرة قرون الماضية يتجول عبر بلاد السودان ومازال اصلهم مصدر خلاف بين العلماء ، وقد وصفوا بانهم خليط من البربر والزنوج ، او ربما كانت لهم صله بالنوبه. ويعتبر الفلانى انفسهم خليطا من العرب او البربر والزنوج وهم مسلمون جادون وقد لعبوا دورا هاما في نشر الاسلام في اجزاء من افريقيا الغربية بعد القرن الثامن عشر. وقد اختلطوا بشعوب مثل التكرور والهوسا ، كما اشتهر بينهم عدد من العلماء المسلمين] (إنتهى)
ــــــــــــ

طَيِب نشوف المحس :
وفي كِتاب < الإعلام بالأعلام مسيرة عُلماء السودان من تنبكتو إلى أُم درمان > أ.د عبدالله عبدالماجد إبراهيم ، شيخ العلماء ، هامِش صفحة رقم (136)
[ ... والمحس من الأسر النوبية السودانية العريقة ومن أكبر قبائل شمال السودان ، وخرج كثير منهم من أجل نشر المعرفة ، وما من منطقة أو قبيلة في أطراف النيل إلا وبها من آثار المحس ... ] وإسْتشهد المؤلِف بِكِتاب < المسيد > للطَيِب محمد الطَيِب
ــــــــــــ
معليش يا خوي جيب لي زول سوداني أتكلم معاهو ... ياخ إنتو واطا ساي ترِكو فوقا ما عِندكُم وأصلكُم ظاتوو مصدر خِلاف ... معليش بس النضمي فوق القبايِل بدورلو أهل بعرفو مقامات الرُجال وبعرفو وين يِقيفو ووين يِسْهِبوا ... وإنت مِتِل ما شايِف ما عِندك في الشغله دي مؤهِلات بِتخليك تخُش مع المِتْلي أنا ... أنا ... في الحاجات دي ... وبعدين لُغتك ما عجبتني ... فيما غُبْن ... فيها أحقاد ... نعم أفهم لِما ... فقط كُنت أعتقِد إنك مِِن مَن " يكْظِمون الغَيظ " والله إنك لجرئ ...


أسمع الظاهِر إنت ما بتقدر تِنْشاف إلا لو دخلتني في عمود ... عِندك إهْتِمام في الشِعر أو القِصة ... لو عِندك مُمكِن نتحاور في الحاجتين ديل ... دقيقة برضو في حاجة تانِية (شايِف كيف أنا بحاوِل أساعدك) أنا بفهم في الموسيقى ، تحِب نتكلم فيها؟

العجيب .. شنو .. ومداخلك كلها شخصنة ضد شعب عريق .. وعنصرية بحته ..
أحيل القارئ الكريم إلى الرابط التالى عن شعب الفولبى .. الفولانى .. وهم ساميون يسكنون أفريقيا منذ القرن الخامس قبل الميلاد ..

http://en.wikipedia.org/wiki/Fula_people

وللعلم أحمد حامد صالح .. يكتب عن تراثهم الأسلامى فى أفريقيا منذ زمن طويل ..

وشخصى من محبى تراثهم الشعبى .. أنظر الصورة التالية لفرسان الوادوبى





بريمة

Quote: وشخصى من محبى تراثهم الشعبى ..

طبعًا!

بريمة

Quote: أحيل القارئ الكريم إلى الرابط التالى عن شعب الفولبى .. الفولانى .. وهم ساميون يسكنون أفريقيا منذ القرن الخامس قبل الميلاد .. http://en.wikipedia.org/wiki/Fula_people وللعلم أحمد حامد صالح .. يكتب عن تراثهم الأسلامى فى أفريقيا منذ زمن طويل ..

وأنا قلت " الفلاتة " من الزهرة ... نحنا بنتكلم عن قبائِل السودان يا بريمة ... وبعدين ياخ الـwikipedia دي ما مرجع ، لأنو مُمكِن أي زول يكتب فيها أي حاجة وأنا قبل كِده أثبت ليك الشئ ده لامِن نزلت فيها معنى " بريمة " وجبت ليك الرابِط ، علشان أثبت ليك إنو ممكن الزول يشترك فيها ويكتب أي حاجة ....



يا بريمة يا خوي إنت أول الدفعة ولا أول الشُفعة زول مُهتم غيرك بِالحِكاية دي ماف ... المُهِم البتكْتِبو لينا هِنا ده ... نحنا مالنا ومال كَونك أول ولا طيش الدفعة ... الحِكاية دي حقو تتجاوزا ... لأنك بتقحِما في كُل حديث بِدون مُناسبة سعيدة ولا تعيسة ... إنت ما مُصدِق ولا شنو ياخ؟ ما حنطالبك بإثبات إنك أول الدفعة ... خلاص ياخ أول أول إعتمدنا كلامك ... بعد ده حقو مرتبتك العالِية دي تنعكِس على كِتابتك هِنا مِن كُل النواحي

Quote: وأنا قلت " الفلاتة " من الزهرة ... نحنا بنتكلم عن قبائِل السودان يا بريمة

يكونوا من الزهرة من عطارد يكونوا سودانيين و للا ما سودانيين ... لا يثيرنى

هذا البوست لتفنيد اوهام عنخنوم ... لا مجال لتشتيت الكرة و لا اللعب على الاوف سايد

هيئة الأنسان السودانى كيف نعرفها: هل هذه الصور لسودانيي...من أين هم؟ .. (صور)

Quote: معليش يا خوي جيب لي زول سوداني أتكلم معاهو ... ياخ إنتو واطا ساي ترِكو فوقا ما عِندكُم وأصلكُم ظاتوو مصدر خِلاف ... معليش بس النضمي فوق القبايِل بدورلو أهل بعرفو مقامات الرُجال وبعرفو وين يِقيفو ووين يِسْهِبوا ... وإنت مِتِل ما شايِف ما عِندك في الشغله دي مؤهِلات بِتخليك تخُش مع المِتْلي أنا ... أنا ... في الحاجات دي ... وبعدين لُغتك ما عجبتني ... فيما غُبْن ... فيها أحقاد ... نعم أفهم لِما ... فقط كُنت أعتقِد إنك مِِن مَن " يكْظِمون الغَيظ " والله إنك لجرئ ... أسمع الظاهِر إنت ما بتقدر تِنْشاف إلا لو دخلتني في عمود ... عِندك إهْتِمام في الشِعر أو القِصة ... لو عِندك مُمكِن نتحاور في الحاجتين ديل ... دقيقة برضو في حاجة تانِية (شايِف كيف أنا بحاوِل أساعدك) أنا بفهم في الموسيقى ، تحِب نتكلم فيها؟

الليلة يا عنخنوم ... قل لبت ابراهيم تكتر الجبنة ... ده كلو ما بحلك ... جيب لى سودانى ... انتو واطا ساى ... اصلكم ظاتتوو مصدر خلاف ... مؤهلات بتخليك تخش مع المثلى ... لا استجيب لا اى استفزاز ... و ادير الحوار كما اريد ... و اوجهه كما يحلو لى ... متين ادوس ابنص و متين ادق فرملة ... ذلك متروك لى ... اطمئنك لا غبن و لا حقد ... توضيح للحقائق ... على منهج البغلة فى الابريق ... تطرح افكار مشاترة ... تجدع الحجارة فى كل الاتجاهات ... ناسى بيت القزاز بتاعك ... و لك ان تقرر مصيرك ... لا مجال للتمدد اكثر من حجمك الحقيقى
لنا عودة
مع تحياتى

احمد حامد
تمبكتو مالى

Quote: ناسى بيت القزاز بتاعك ... و لك ان تقرر مصيرك ... لا مجال للتمدد اكثر من حجمك الحقيقى لنا عودةمع تحياتى

ول أبا أخوك خاشى لوووووج ..

وماشى أجيب الفونقا .. أب شعيرة الهنى الما شراب دنئ .. وجاي


بريمة

Quote: لأن الدِراسات الحديثة أثبتت إنو أصل الحضارة المِصْرِية < نوبي >

يا عزام المقولة دى برضو عاملة لى عسر هضم

كيف تكون الوليدة اكثر شخوصا من الاصل

قارن بين الهرم الاكبر فى الجيزة و البجراوية لا مجال للمقارنة

الق نظرة على المتاحف العالمية

وين اثار حضارة النوبة مقابل المصرية

انا اشك ان يكون ما ذكرت صحيحا

مع تحياتى

احمد حامد
تمبكتو مالى

أحمد حامد صالح الفلاتي نزيل تمبكتو

Quote: يا عزام المقولة دى برضو عاملة لى عسر هضم كيف تكون الوليدة اكثر شخوصا من الاصل قارن بين الهرم الاكبر فى الجيزة و البجراوية لا مجال للمقارنة الق نظرة على المتاحف العالمية وين اثار حضارة النوبة مقابل المصرية انا اشك ان يكون ما ذكرت صحيحا

ـــــــــــــــ

Quote: انا اشك ان يكون ما ذكرت صحيحا

تشُك في عينك ... إنت شِن طعْمك؟ إنت مِن حقك بس تقول لي يا عزام جيب لينا مرجعك ... قال أشُك قال ... المِن حقو يشُك د. يوسُف فضل -مثلاً- والمُتخصِصين في التاريخ ...

وبعدين أنا مُش قلت ليك جيب لي سوداني ... أنا ما عندي أي مانِع أناضِم معاك في القضايا ذات الإهْتِمام المُشترك وكِده ... بس في القبايِل والأعراق ، ده شأن خاص بِالسودانِيين بس ... عارفك يا فلاتي ناسبتم زنوج السودان وسويتو ليكم عِزْوا ، بس النسيب حتو بِصُنف غريب ... لامِن نسابتك يِناضُمو مِتين يِطهِرو الوِليدات إتْ تِنْطم ... دي حاجات ما بِحِق ليك تناضِم فوقا ياخ ... علشان كِده النسب مِن طرف ده بِدخِلنا في حرج دايمًا

Quote: تشُك في عينك ... إنت شِن طعْمك؟ إنت مِن حقك بس تقول لي يا عزام جيب لينا مرجعك ... قال أشُك قال ... المِن حقو يشُك د. يوسُف فضل -مثلاً- والمُتخصِصين في التاريخ ...

برطع يا عنخ قولنا ليك انت غير مؤاخذ ... زكاة ... للاسف وجدتك رخو اكثر مما اتصور ... سطحى اكثر مما اتوقع من اول عصرة ... واى واى كترت ... مرة لغتك ما عجبانى ... مرة انت عندك معاى غبينة ... مرة انت حاقد على ... يطل الحركات دى ... غبينة شنو و حقد شنو ... بيناتنا تركة ... وللا اتنافسنا فى مرا ... و للا بيناتنا جيرة ... انت من الصحراء و انا من السافنا ... و لا عرفنا ليك زرع عشان تقول دايرين نتلبط و ناكل زرعك بابقارنا ... اطمئن ... هدئ من روعك ... انت قلت الجنوب يروح مكان ما يروح ... قلنا ليك الكلام ده ما صاح ... هل هذا حقد ... انت ادعيت السودان ده حقك براك قلنا ليك الكلام ده ما صاح ... هل هذا غبن ... فى مخيلتك السودان ده حكر نوبى ... وضحنا ليك حدود النوبة ما اجاوزت اطراف مدينة كريمة و نواحى جبل البركل جنوبا و خمسة عشر كيلو من البحر شرق و غرب حتى اسوان شمالا ... هل دى لغة كعبة ان كانت كذلك فلك العتبى حتى ترضى ... و ممكن ارطب ليك اضانك شوية... نكسر ليك شوية تلج .... برد ... تم اكتشاف مقبرة ملك النوبة 12 فى رومبيك و اكتشفت بعثة اثرية اهرامات فى السبلوقة و ابودليق و بارا و ام دافوق ... باحث يكتشف قبايل تتحدث اللغة المروية فى راجا و قيسان ... خبر عاجل ... الطهارة الفرعونية تمدد فى دول الجوار ... كده مبسوط ... قلت يا عنخ ان الزنوجة انحطاط اثنى و قلنا نذكرك ان اجدادك الفراعنة السود الذين تتباهى بهم كانوا قلب الزنوج ... قلنا ليك امش ذاكر ما كتبه المؤرخ انتا ديوب ... قلت بريمة يتماهى مع اسياده حسب قولك و اذا بك متماهيا حتى الثمالة ... قلنا ليك المك الصنديد لا يمت لك بصلة لا اثنية و لا حضارية ... كان ما عجبك الكلام ده فندو لى ... قلنا لك جماعتك بصموا فى البقط قعدتا تخرخر ... لكن للاسف دى الحقيقة ... و اكيد بريمة حيرسل ليك نص الاتفاقية عشان تتاكد انو ما نقوله ليس من باب التلفيق ... و انا يا عنخ ما قصرتا معاك سحبت كلمة صاغرين من البصمة عشان ما تزعل ... و تمد بوزك بدون سبب ... مدوا الزول بالتنى ... الجبنة ... الجبنة

مع تحياتى

احمد حامد
تمبكتو مالى

الفراعنة السود الله ينصر يا قوقل

http://www.swissinfo.ch/ara/detail/index.html?theView=p...iew=popup&cid=504290

Quote: العثور على آثار الفراعنة السود في شمال السودان أحمد عثمان عثرت بعثة فرنسية سويسرية مشتركة بقيادة شارل بونيه على مجموعة من التحف الأثرية المهمة في موقع كرمة جنوب الشلال الثالث في شمال السودان. وجد الآثاريون الذين جاءوا من جامعة جنيف حفرة بداخلها سبعة تماثيل كبيرة الحجم، ترجع إلى ملوك النوبة الذين حكموا إمبراطورية كبيرة في وادي النيل منذ ألفين و500 سنة، واستمرت ألفا و200 سنة، وعرفوا باسم الفراعنة السود. وجدت الحفرة بين بقايا بعض المعابد النوبية المهدمة التي تطل على نهر النيل، حيث حفظ الكهنة تماثيل ملوكهم. وعندما فتح رجال الآثار الحفرة التي ظلت مغلقة لألفي عام، فوجئوا بالعثور على تماثيل ملوك الفراعين السود المنحوتة من حجر الغرانيت ووجد اسم كل ملك محفوراً خلف قدم كل تمثال

http://www.aawsat.com/details.asp?section=20&article=156768&issueno=8867

يا عنخ

Quote: ناس اصولهم ما معروفة

Quote: من المعروف والموثوق به تاريخياً أن النوبيين هم من بقايا الشعوب التي تألفت منها المملكة الأثيوبية القديمة ، ولا شك كذلك في أن النوبيين هم أصحاب تلك الحضارات والممالك التي قامت في السودان وصانعو مجدها ، وحاملو لغتها ومخلفو هذا الإرث العظيم. وكثيرة هي الآثار والمخلفات التي تدل على أصالتهم وقدمهم في تلك المنطقة. إلا انه ولما كانت التحركات السكانية مستمرة بلا انقطاع خلال التاريخ القديم والحديث فان عناصراً سكانية جديدة وفدت على هذه المنطقة (منطقة النوبيين) واندمجت فيها وتداخلت مع المجموعات النوبية التي سكنت المنطقة مما ترك اثره في الخصائص العامة للسكان النوبيين وبالتالي تكون الشكل العام للبنية السكانية العامة للنوبيين بسماتهم وصفاتهم المميزة التي نراها عليهم الآن. وقد أثار الباحثون والكتاب المعاصرون جدلاً واسعاً في محاولاتهم تحديد أصل النوبيين القديم وذهبوا في ذلك مذاهب كثيرة مما ابرز نظريات متعددة خلال تناولهم للأصول السكانية لأصحاب الحضارات النوبية.فألحقهم بعضهم بالجنس المصري القديم (المصريون القدماء) يقول محمد عبد الغني: (والشعب النوبي القديم من نفس السلالة التي ينتمي إليها المصريون القدماء … إذاً فالنوبيون بقية من العنصر الحامي)(1) (ولقد ذهب البعض إلى أن المصريين جالية نوبية نزحت من الجنوب إلى الشمال. ويذهب فريق آخر إلى القول إن النوبيين أصلهم مصريون نزحوا من مصر إلى الجنوب ولعل وجود الآثار المصرية والآلهة والأهرامات معالم يستدلون بها على ذلك(1) ويعتقد أصحاب الرأي القائل بوحدة الجنس المصري والنوبي أن (كوش) الذي ورد اسمه في التوراة والنجيل هو (جد النوبيين) واخو مصرايم (جد المصريين) وكلاهما من حام بن نوح. ومما يقوي عندي هذا الاعتقاد أن: (كوش بن حام كان له ولداً اسمه نوبة وهو والد امم النوبة)(2) واعتماداً على هذا الاعتقاد نرى أن الشعب النوبي هنا من العنصر الحامي الذي يندرج تحت السلالة القوقازية. وهنالك زعم آخر في تحديد الأصل النوبي وهو الرأي القائل: بأن النوبيين هاجروا إلى مساكنهم من جبال كردفان ويستدلون على ذلك بالتقاء اللغة النوبية ببعض لغات جبال النوبة وغيرها في بعض أشكالها ومفرداتها. إلا انه لم يقم حتى الآن دليل لغوي علمي يثبت دعوى التشابه والاتصال بين لغة النوبيين وتلك اللغات.(3) ويرد بعض الباحثين أصل النوبيين إلى شمال أفريقيا (ليبيون) انحدروا من الشمال عن طريق الصحراء الكبرى إلى وادي النيل. ويعتقد بعضهم إلى أنهم ينتمون إلى العنصر الزنجي واستدلوا على ذلك من رسم أشكال الناس من حيث التقاطيع الزنجية الواضحة لأشكال السودانيين على جدران المعابد النوبية وفي تماثيل الملوك السودانيين.وهنالك قول آخر بان النوبيين نزحوا إلى وادي النيل من المغرب. وهكذا اختلف العلماء والمؤرخون في تحديد أصل النوبيين وكثرت أقوالهم في ذلك وحاولوا قدر جهدهم أن يحددوا أصل النوبيين. يقول الأستاذ حسن الشيخ قريب الله (إن المهم عند هؤلاء المؤرخين وأمثالهم أن يثبتوا النزوح وعدم أصالة النوبة بأرضهم … ليتفرغوا للبحث عن الأماكن التي نزحوا منها… علماً بأننا لو تأسينا بأمثال هؤلاء في مثل هذا المنحني غير العلمي لتساءلنا عن الموطن الأصلي الذي كان يسكنه أولئك النوبة قبل أن يستقروا بليبيا أو المغرب أو جبال كردفان … وبما أن تساؤلاً كهذا يؤدي إلى التسلسل والتسلسل باطل علمياً فان ما ينبني على الباطل من افتراضات ساذجة يعتبر باطلاً).(1) ومهما يكن من أمر فان الحديث عن وحدة الجنس والنقاء البشري من الأمور التي يصعب الحزم في أمرها. والمعروف عن النوبيين في المنطقة الواقعة بين أسوان جنوباً والدبة في شمال السودان قدماء قدم الإقليم وان بلادهم تعرضت منذ فجر التاريخ لسلسلة من الغزوات أتاحت لهم فرص الاتصال بالعالم الخارجي والاختلاط بغيرهم من الشعوب تولد عنه عنصر جديد يختلف عن العناصر القديمة التي سكنت وادي النيل قبل آلاف السنين فصار من الصعب معها تحديد أصلهم وإلحاقهم بجنس معين.

عنخ المقعد الزنجى الشاغر يناسبك تماما ... بطل مكابرة ... ياخوى العرجا لمرحا

حيثما تداخل عنخ ... شابكنا ... زنوج ... عبيد ... غرابا ... اها ياكا طلعت كوكاكولا عبوة عائلية

فعلا الانسان عدو ما يجهل ... القراءة وحدها لا تكفى ... القلم ما بزيل البلم

خت بالك يا عنخ التيوس ما فيها لبن

مع تحياتى

احمد حامد
تمبكتو مالى

اها دى الاتفاقية يبدو ان بريمة متاثر بفروق الوقت نائم

Quote: معاهدة البقط (رمضان 31 هـ) عهد ، من الأمير عبد الله بن سعد بن أبي السرح ، لعظيم النوبة ولجميع أهل مملكته عهد ، عقده على الكبير والصغير ، من النوبة من حد أرض اسوان إلى حد أرض علوة ، أن عبد الله بن سعد جعل لهم أمناً ، وهدنة جارية بينهم وبين المسلمين ، ممن جاورهم من أهل صعيد مصر ، وغيرهم من المسلمين وأهل الذمة . أنكم معاشر النوبة آمنون بأمان الله ، وأمان رسوله محمد النبي صلى الله عليه وسلم ، أن لا نحاربكم ، ولا ننصب لكم حرباً ، ولا نغزوكم ، ما أقمتم على الشرائط التي بيننا وبينكم على أن تدخلوا بلدنا مجتازين غير مقيمين فيه ، وندخل بلدكم مجتازين غير مقيمين فيه ، وعليكم حفظ من نزل بلدكم ، أو يطرقه من مسلم أو معاهد حتى يخرج عنكم ، وأن عليكم رد كل آبق خرج إليكم من عبيد المسلمين ، حتى تردوه إلى أرض الإسلام وى تستولوا عليه ولا تمنعوا منه ، ولا تتعرضوا لمسلم قصده وحاوره إلى أن ينصرف عنه . وعليكم حفظ المسجد الذي إبتناه المسلمون بفناء مدينتكم ولا تمنعوا منه مصلياً ، وعليكم كنسه وإسراجه وتكرمته ، وعليكم في كل سنة ثلثمائة وستون رأساً تدفعونها إلى إمام المسلمين ، من أوسط رقيق بلادكم غير المعيب ، يكون فيه ذكران وأناث وليس فيهم شيخ هرم ولا عجوز ولا طفل لم يبلغ الحلم . تدفعون ذلك إلى والي أسوان . وليس على مسلم دفع عدو عرض لكم ، ولا منعه عنكم ، من حد أرض علوة إلى أرض أسوان ، فإن أويتم عبد المسلم أو قتلتم مسلماً أو معاهداً أو تعرضتم للمسجد الذي إبتناه المسلمون بفناء مدينتكم بهدم أو منعتم شيئاً من الثلثمائة رأس والستين رأساً ، فقد برئت منكم هذه الهدنة ، والأمان ، وعدنا ونحن وأنتم سواء حتى يحكم الله بيننا وهو خير الحاكمين . علينا بذلك عهد الله ، ميثاقه وذمته ، ورسوله محمد صلى الله عليه وسلم ، ولنا عليكم بذلك أعظم ما تدينون به من ذمة المسيح وذمة الحواريين وذمة من تعظمونه من أهل دينكم وملتكم . الله شاهد بيننا وبينكم على ذلك ، (كتبه عمرو بن شرحبيل في رمضان سنة احدى وثلاثين )

تساؤلات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: اتفاقية البقط كما درسناها نصت علي اجبار النوبيين علي تسليم 460 عبدا نوبيا الي المسلمين كل عام ايرادها بهذا الشكل ترك اثرا في نفوس بعض اهلنا النوبيين تجاه الاسلام والعرب بشكل عام لكن هل هي الحقيقة هل صحيح ان المسلمين اجبروا النوبة اجبارا علي تسليم بعض ابنائهم كرقيق ما وجدته في احد كتب التاريخ الاسلامية ولا اذكر اسمة واعتقد انه للمقريزي ان الدافع للمسلمين لشن الحرب علي النوبة هو ايقاف هجماتهم المتكررة علي صعيد مصر واللتي ارهقت سكان تللك المناطق ايما ارهاق لذا كان ارسل المسلمين حملة تاديبية الي منطقة النوبة ارست مع النوبيين اتفاقية ان المسلمين سييبيعونهم ما يحتاجونه من قمح وكان اقتراح النوبيين انهم لن يدفعوا الثمن ذهبا بل سيدفعون رقيقا وهكذا تم الاتفاق علي 460 عبدا نوبيا مقابل 1300 اردب من القمح وما وجدته في كتاب الاموال للامام القاسم ابن سلام ما يشير ان كبار فقهاء المسلمين تناقشوا عن مشروعية هذه الاتفاقية وهل يجوز للمسلمين ان ياخذوا الرقيق من النوبيين مقابل اعطائهم القمح وكان الراي ان العدو اذا عرض بنفسه بيع جزء من ابنائه فلا باس بشراء هذا الرقيق منهم ومن غيرهم وان مثل هذه الاتفاقية عقدها عمرو بن العاص مع اهل برقة في ليبيا

بدون تعليق

تحياتى

احمد حامد
تمبكتو مالى

كتب عزام فى موقع اخر

Quote: بوَثِق للأجيال تاريخ ليهو سند

سبحان الله ... اعوذ بالله من الغرور و الجهل

يبدو ان هناك من يعتقد انه شعب الله المختار

يا عنخ الحمد لله جات سليمة طلعت من قائمة ال 360 السنوية

كان تكون حسع فى شبرا

و بعدين باعتبارك موثق للتاريخ

متى توقف تنفيذ اتفاقية البقط

كم سنة ظللتم توردون ال 360 عشان نعرف ناسنا هناك

و ين احفادهم فى مصر و للا باعوهم قدام و للا حصلت ابادة جماعية

المصيبة يكونوا سلموهم مخصيين

بجد ده سؤال مهم الناس ديل اخوانا واجب نعرف مصيرهم

عزام يتضارى و يقول

Quote: Quote: يا جماعة المصيبة الإنْدرعت فوقي دي شنو؟ إتْ أديتك العدو ... ياخ أخْتاني كَدي ولا كَدي

يا حضرة المحترم ... فريد عصره ... ود القبايل ... الاصيل ... نمرة واحد ... الما عب و لا زنجى و لا اسود ... الما بشرب كوكاكولا ... المافى متله ... المنقطة ... عزام حسن فرح ... وريث تهراقا ... الذى لم تلد حواء متله منذ امد ... خاتم العارفين فى القبل الاربعة ... و قطب الاصفياء الى يوم تقوم الساعة ... معذرة لمقامك العالى ... و جانبك السامى ... نتوسل اليك سيدى طلبا للعفو و المغفرة ... ان كنا نحن الزنوج العبيد الغرابا ... قد عكرنا الصفاء عندكم و اثرنا الغبار حولكم ... معليش ... ماعارف معليش دى عربية و لا تركية و لا زنجية ... نتطلع الى حلمكم ... فالعبيد سمتحهم الهرج و المرج ... ولكن نحن نثق فى حكمتكم ... نتوق الى لطفكم و رأفتكم بعتقنا لنتنفس نعمة الحرية ... ب ... امون رع ... الشمس و القمر و برمال البركل التى بورك ما حولها

اما الوهم عنخنون ... نقول له ... ان الحديث عن الاصول و القبائل ... ليس كالنزهة فى الحدائق ... و لا مثل مجادلات الكرة و السياسة ... و لا كالاستمتاع بفنجان جبنة او الكيف بسفة صاعوت ... و لا جبدة نفس بتاع سجارة ... ان يصيب رزازك الاخرين ... فلا تتوقع ان يستقبلوك بالورد و الرياحين ... ما اصاب عنخ من رزاز فبما كسبت كى بورده ... ان اراد عنخ الامان من اقلام العبيد المبرية و السنتهم الغجرية ... فليتق الله فى عبيده و زنوجه و غرابته المساكين الذين لا ذنب لهم سوى اللون الذى لم يكن لهم فيه يد قد سلفت ... و لا حتى بمقدورهم تغييره ... خارطة درب السلامة ... اختا العبيد الزنوج الغرابة يختوك

نرفع الابنص ... ان عاد عنخ للاستخفاف يالعبيد و الزنوج و الغرابة السودانيين و غير السودانيين عدنا دفاعا اقوى و اصلب

مع تحياتى
احمد حامد
تمبكتو مالى

ةةة