مالِك عقّار في تسجيل صوتي (قرار قِطاع الشمال لا يُمثِّل المكتب السياسي للحركة) يوجد تسجيل

قيد التحميل

نرجو توفير مِياه غازِيّة حسب الطلب لمن يستعصى عليه البلع (مشروبات محلِّيّة بس) بزيانوس
أو بالعدم
أم دلدوووووووووووووووووم
لحدي ما نجيب ليك عقّار وهو يتحدّث

أبلعوا بالهنا و الشِفا يا شباب

قرررررررررررررررررررررررب

عجّل ياخوي ؛؛

الناس دي ريقها نِشف.

_________

تحياتي ياعلاء.

محل ما يسري يمري يا شباب

بالهنا و الشِفا للشباب يا دكتور بشير
عليك الله أُم دلدومك خلِّيها جااااااااااااااهزة

لبداو لبدوا لبدووووووووووووووووووا

مافي اي حاجة نزلو تاني ولا اعمل اي حاجة ولا رسلو لي في [email protected]

في يا مُنعِم واللهِ في
بس ما بنزل كلِنك لأنّو مرفوع في الأون لاين و لا يُمكِن سماعه خارِجها
برفع في اليوتيوب
لمن يخلص برسلو ليك



عاين جرِّب بي براوزر تاني يعني لو بتستخدم فيرفكس شوف إنترنت إكسبلورر

يا علاء الزول دا كلامه مجهجة يعنى نحن قرارنا كدا لكن ما بنقدر نلزم قطاع الشمال بخوض الانتخابات

أسمع كويِّس يا ناجي و ركِّزلي على كلمة (اللي هي تقتضي)

حديثع السيد عقار عن المقاطعة والمشاركة مبهم و حمال اوجه
السؤال المباشر هل اقر الرفيق عقار بعدم مقاطعة قطاع الشمال في الحركة الشعبية للانتخابات في الشمال
يعنى هل اعضاء و مؤيدى الحركة الشعبية لتحرير السودان مشاركين في مسرحية التزوير ام لا
ده السؤال

يا شباب ...


الجماعــة ديــل عندهــم مشكلــة مؤسسات حزبيــة ...


لا مركزيــة الحزب يمكن ان تكون نموذج حزبــى منضبط ...


عــلا الفوضــى غير الخلاقــة بتقول انو لســــه بدرى

على الجماعة ديــل التحول لحزب سياسي,,,

.
.
.
علاء الدين ممكن ترفعوا بي طريقه تانيه
لانو بالجد ماسامعين

في الانتظار


البصاص

علويا ... انتخابات انتخابات كرهتنا
( كرهنا) ... التلفزيون انتخابات الراديو
فى البيت فى الشارع فى المسرح .. بقينا غزه بس !
ياخى اريتو كان اكلنا على قول النكته !!!
مش بشيركم انت وحبوبة دا .. خلى يجى ..
نحن حسبنا الله ونعم الوكيل فيكم . اها قصرنا معاكم ؟

اول حاجه التسجيل الصوتى كان متين قبل القرار
ولا بعده ؟؟ .. لانه الناطق الرسمى باسم الحركة قال انه التصريح
كان قبل القرار ، والقرار ملزم لانه خرج بتفويض من المكتب السياسى ..

ثانيا هو منو مالك عقار عشان ينفى قرار قطاع كامل ؟؟
حيى الله هو عضو مكتب سياسى ولا علاقة له بقطاع الشمال الذى اعلن
المقاطعه ..
والناس الاعلنو القرار كلهم اعضاء مكتب سياسى كللللهم
شنو الخلى قيمة كلام مالك (لو حدث ذلك) اكبر من قيمة اهل القطاع
وهم كلهم اعضاء مكتب ذيهم وذى مالك
بل الذى اعلن القرار هو ليس مجرد عضو مكتب كمالك بل هو الامين العام
لكل الحركة الشعبية ويمكنه كمان ان يلزم عقار بالمقاطعه ان اراد احسن
لى يعمل ساتر ...





ــــــــــــــــــــ
جيب تسجيل صوتى فيه تاريخ بالله اهمممم شىء ..
والله ياعلاء اليومين دى راحله من حبوبة عدييييل كدا
خف انت شوية .. بشيركم دا جايى جايى ما تعملوا لينا لوز ساى !!

دُنّانتي الطنّانة

مشتاغون ياخ

غايتو بقينا عليك أنا و حبّوبة (ربّنا يخليها ليك) و تشوفي معاها البشير وهو يُتوّج رئيساً مُنتخباً

التسجيل دة بالتلفون مع عقّار
لااااااااااااااااايف من الأخبار
أخبار العاشِرة
يعني كلام لا فيهو لف لا دوران
بعدين عقّار دة مِنو؟
كدي النسأل ليك كومريد أبو النِّيز و برجع ليك

علاء الدين كيف حالك.
انشاء الله تكون شاهدت وسمعت اللقاء الذى أجراه التلفزيون القومى مع الأستاذ غازى المحامى .. لو فى طريقة عليك الله نزلو هنا لأنو بتفق مع تحليلات واراء كثيرة قيلت فى هذا المنبر واطلق على من قالوها اوصاف من عينة كيزان وجلابة وظلاميين الخ رغم ان بعضهم يحسب نفسه معارض.
ملخص كلام غازى هو انه يرى : أن مايصدر من قبل الحركة الشعبية في مايتعلق بالإنتخابات فى قطاع الشمال يتم بالتنسيق مع المؤتمر الوطنى لأن الحركة ترى فى المؤتمر الوطنى حليف استراتيجى والبشير هو الضامن الوحيد لمصالح الحركة وهو يقول بالحرف ان الحركة الشعبية خمت احزاب تحالف جوبا.

تأمر يا غالي
تمّ التسجيل و جاري الرفع

حديث الاستاذ غازي سليمان
راي عضو مفصول من الحركة الشعبية لتحيرير السودان لموافقه الغير متسقة مع الموقف السياسي المعلن للحركة
لكن هذا لا يمنع من الاستماع اليه
في انتظار التسجيل

لا دي قوية

Quote: حديث الاستاذ غازي سليمان راي عضو مفصول من الحركة الشعبية لتحيرير السودان لموافقه الغير متسقة مع الموقف السياسي المعلن للحركة

الأخ علاء صلاح ,, تحية طيبة
يعنى تقصد ان شهادة الأستاذ غازى مجروحة بسبب فصله من الحركة.?
لك الشكر مقدما على التوضيح.

Quote: نفى نائب رئيس الحركة الشعبية مالك عقار والي النيل الأزرق ما أعلن عن مقاطعة الحركة للانتخابات المقررة أيام 11–13 من الشهر الجاري في الشمال، معتبراً الحديث عن مقاطعة شاملة شخصياً ومتجاوزاً لقرارات المكتب السياسي. وأبلغ عقار الشروق اليوم الأربعاء، عبر الهاتف من مدينة الدمازين حاضرة النيل الأزرق، أن موقف المكتب السياسي للحركة من الانتخابات واضح ومعلن ولم يحدث فيه أي تعديل أو تغيير. وكان المكتب قرر في وقت سابق سحب مرشح الحركة الشعبية ياسر عرمان من سباق الانتخابات الرئاسية و مقاطعة العملية في ولايات إقليم دارفور الثلاث. لكن فيما بدا خلافاً واضحاً على المستوى القيادي للحركة ظهر أمينها العام باقان أموم ليعلن عبر مؤتمر صحفي أمس، أن الحركة قررت مقاطعة الانتخابات على المستويات في شمال السودان كافة. ظروف الأشخاص " " وأوضح عقار أن الحركة ربطت خوض الانتخابات في المستويات الأخرى بظروف الأشخاص. وقال إن أي شخص لا يرى في نفسه كفاءة للاستمرار في الانتخابات لأي سبب عليه الانسحاب. وأضاف: "سيكون ذلك بصورة فردية وقراراً شخصياً، لا علاقة للمكتب السياسي به. وكشف عقار أن اجتماع المكتب السياسي للحركة لم ينعقد يوم أمس الثلاثاء لعدم اكتمال النصاب، وأكد حضور تسعة أشخاص فقط من عضوية المكتب. وأوضح أن اللجنة التي شكلها رئيس الحركة سلفاكير ميارديت من الأمين العام ونائب رئيس قطاع الشمال مهمتها الاستماع لآراء مرشحي الحركة في الشمال حول إمكانية خوضهم للانتخابات، مشيراً إلى أن كير أبلغ أعضاء اللجنة بأن اتخاذ أي قرار إن كان بالمقاطعة أو المشاركة سيكون قراراً شخصياً. اعتراف بالصراع واعترف عقار لأول مرة بوجود صراع داخل الحركة، لكنه لم يشأ الخوض في تفاصيله. وقال: "هنالك صراعات داخل الحركة لكن ما يحدث الآن مجرد تباين في المواقف"، قبل أن يعود معتبراً أن أجواء التوتر في الحركة طبيعية في ظل قيام عملية مصيرية ومكلفة مثل الانتخابات. وردا على سؤال للشروق حول ما إذا كانت لوائح الحركة تسمح لأشخاص بإعلان قرارات بعيداً عن المؤسسات، اكتفى بالقول "إن صعوبة المواقف دائماً ما تقود إلى التباين في الآراء". وكان الأمين العام للحركة باقان أموم أعلن الثلاثاء مقاطعة الانتخابات على المستويات كافة في شمال السودان. ويأتي هذا الموقف المتباين داخل الحركة في وقت تبقت فيه على عملية الاقتراع ثلاثة أيام فقط، إذ سيتوجه الناخبون السودانيون إلى صناديق الاقتراع يوم الأحد المقبل.

المصدؤ

الأخ علاء الدين

تحياتي
و زي ما قالت ليك دينا خالد بشيركم دا فايز فايز فدحين هدي اللعب خلينا نفهم حاجة

هذا هو نص حديث مالك عقار

المكتب السياسي للحركة الشعبية ال هي بتقتضي بأنو خوض الإنتخابات في كل ولايات السودان ما عدا ولايات دارفور و مرشح رئاسة الجمهورية الرفيق ياسر عرمان. أما في بقية السودان ف موقف الحركة و موقف المكتب السياسي هو خوض الإنتخابات.
القرار الاتخذ في قطاع الشمال بيمثل قطاع الشمال و ليس قرار الحركة الشعبية.. قرار الحركة الشعبية و المكتب السياسي هو الاستمرار في كل الوحدات في كل الولايات. لكن كقرار هو ليس قرار الحركة بل قد يكون قرار قطاع الشمال.

مالك عقار اوضح قرار الحركة و مكتبها السياسي و اقر بالقرار الصادر من قطاع الشمال و أشار إلى صلاحيته في حدود خصوصية قرار المقاطعة بقطاع الشمال

لم يشر مالك عقار إلى أي تناقض او تضارب بين قرار قطاع الشمال و قرار الحركة الشعبية و مكتبها السياسي



أعتقد أنه اما أن الحركة قصدت بهذه التصريحات المتضاربة أن تجعل موقفها من الإنتخابات في الشمال مبهماً

او

أو أنه ليس هنالك تعارض او تضارب بين القرارين

شُكْراً للمرور يا أخ حافظ
و تبقى وِجهة نظرك محل الإحترام

للتذكِرة