يا جماعة ... ما في بوست لعماد عبد الله الواحد يقراهو ويتخارج؟؟

آخر بوست قريتو للمصيبة دا لما كان كايس ليهو وطن فاضي للإيجار..

لا وكمان بيتشرَّط.. قال الإيجار ما يكون غالي ...


يا بكري ياخ ما تريحونا مرة واحدة وتعملوا لينا أيقونة خاصة بالبوستات السمحة..

بدل تخلونا نقلب في البورض طالع نازل كدا..موش أحسن بالله؟


أكتب يا عماد ..كتبك بلا يخم الشيطان الحارسك في ساعات الرسم والكتابة

عشان نحبك بمزاااااااج...

واضح؟؟

مكسر جبل جليد عديل من امبارح لليلة..

شكلو مافي موش؟؟؟

أرح

ماك نصيح .

إنت يا محمود زااااااتو البيوديك تقرا قراية الله و الرسول دي شنو ؟
الود نظام يعني نفسك فااااااتحه ؟ ..
أنا الأيامات دي قاعد أقرا بإضنيني .. لقيت لافقة و ظبط .
ثم إنك من المطاميس ياخي .. ده براهو بيخلي الزول يلاوز منك و من جنس تحريشاتك دي ؟؟

عليم الله لافي فيك يا هذا البكان لي فترة عشان ألم في شي مافيهو كواريك ..
يخربني و يخرب البكان .. مافي .
جايي آخر ما آخر شايل قدومك و تقولي لي كتابات و وهمات ؟؟
هوووووووي !!



.........
كتر خيرك يا محمود ياخ ..
بردها ليك قريب في حنانك ..
بس أركز ليها الوكت داك .

أُممممممممممممممممممممممممممممممممممممك...

"هبِّ النسيم والجو صِفا..
وعماد رطن..
غير نيلنا وين يا أخواني نلقاهو الوطن؟؟"

يا عماد ياخي أكتب..

ياخي أرسم..

خلي الخرخرة..

الإبداع راكبك راكبك..

والله أحرش ليك حسين ميرغني يلم فيك تلوين ريالستيك

لما تعرف حاجة زاتو..

قال وطن قال..

وطن ما فيهو ستات شاي بدوربو شنو؟؟
وطن ما فيهو جلكين جاري كرسيهو
وقاعد يقرا بي نظارة خاتي الحقة في تربيزة
راشي الحتة تحت الشدرة بي خرطوش مياه النيل..
وطن ما فيهو حاجات سمحة زي حاجاتنا...
لا عايزينو لا دايرين معاهو كلام..
أقول ليك حاجة يا عمدة؟؟ ولا تفكِّرْ مجرد فكرة ..
إنك تلقى زي سودانك المحروس..
وطن حالة..



استغفر الله..
تخلي الزول ياخي يكتب شعر في صمة خشمو؟؟
ثم يبكي؟؟
هسي أنا أقول لأولادي ديل البكاني شنو؟؟

جاية اسلم عليك بس يا مان
وينك والحي بيك

أختنا ميادة ..

مرحب بيك.. وشكراً على السؤال والتحية..

والله دنيا ومشاغل بس..

صادق الدعوات لكم بالتوفيق..

يا دغيل يا رايق..

أبقى مارق..

أرح