رغماً عنك عن يا بكري ... فعمن تهطل مطرة الماهطيل ...

يا مطر أهطلي على المهاطيـــل .. يمكن يصحو ويبطلوا تهطيل ..،،

جاء في معاجم اللغة أن الاهطل هو الرجل الاحمق .. والهِطل هو الذئب واللص والرجل الاحمق والمُعيي ....

من مميزات الاهطل :

يتميز بشعور ودم بارد ولا غيرة فيه ولا نخوة ولا حياء .. وقال الاصمعي ( لا رجاء منه )

مرحب حيدر
خليها امطار خير و بركة
كما يقول مذيع الاحوال الجوية عندكم

يا حبيب بطل فصاحه

وانكرب للانتخابات

محتاجين نسمع رايك.

تحياتي.

عن السيد المسيح ( عليه السلام ) أيضاً أنه قال :

( داويت المرضى فشفيتهم بإذن الله ، وأبرأت الأكمه والأبرص بإذن الله ، وعالجت الموتى فأحييتهم بإذن الله ، وعالجت الأحمق فلم أقدر على إصلاحه )

يا تراجي مشكلتنا الآن تعدد الحمق والمقصد وااحد فيهم هل تعلمين انهم بتلك الشهرة :


الأحمق هو :

، الرقيع، المائق، الأزبق، الهجهاجة، الهلباجة، الخطل، الخرف، الملغ، الماج،المسلوس، المأفون، المأفوك، الأعفك، الفقاقة، الهجأة، الألق، الخوعم، الألفت، الرطيء،الباحر، الهجرع، المجع، الأنوك، الهبنك، الأهوج، الهبنق، الأخرق، الداعك، الهداك،الهبنقع، المدله، الذهول، الجعبس، الأوره، الهوف، المعضل، الفدم، الهتور، عياياء، طباقاء.
وقيل: لو لم يكن منفضيلة الأحمق إلا كثرة أسمائه لكفى..
و قال ابن الأعرابي: الرقيع هو الذي يحتاج أن يرقع من حمقه.

وقال السيد المسيح ( عليه السلام ) يا نصار- لما سئل عن الأحمق - :

( المعجب برأيه ونفسه ، الذي يرى الفضل كله له لا عليه ، ويوجب الحق كله لنفسه ولا يوجب عليها حقا ، فذاك الأحمق الذي لا حيلة في مداواته )..

قيل :

وإذا سألت أي خبير عسكري عن أفضل طريقة لتدمير عدوك لقال بأن أفضل طريقة هي أن تجعل عدوّك يدمّر نفسه بنفسه . وأن يشنق نفسه بحباله

أما اذا كان هذا العدو طبلا فأفضل سيناريو تتوقعه هو أن يقوم الطبل بثقب نفسه بصوته نفسه ،،،

Quote: يقوم الطبل بثقب نفسه بصوته نفسه ،،،

والطبل بيكون صوتو عااالي دائماً .. وهو المسيكين ما عارف انه علاوة الصوت دي لأنه اجوف ..

ود الزين حبابك يا صديق
رش رشة من لا يخاف الايقاف افتقدنا قلمك

حبيبنا الباشمهندس ابراهيم علي بالجد افتقدنا الكتير من قولك السمح والزين قول العارف والمتابع حال ابلد

نقول عنها :

قال الإمام علي بن ابي طالب "كرم الله وجهه":

( الأحمق إن استنبه بجميل غفل ، وإن استنزل عن حسن نزل ، وإن حمل على جهل جهل ، وإن حدث كذب ، لا يفقه وإن فـُقـّه لا يتفقه ).

فرحتى كبيرة بعودتك للمنبر العزيز حيدر فى انتظار أبداعك وتألقك فلقد أشتقنا لذلك، مودتى .

الف مرحب بعودة الاخ حيدر الزين

حمد لله على السلامة ياخي

الأهبل من الأهطل هو من يتعامل مع المنبر كـ[دَارة] للصقرية
نوّرت المنبر ياود الزين .. أتمنى ما ترجع لـ[دِكة] الاحتياطي قريب

هشو يا صديق وحبيب الاصدقاء :

قال الامام علي أيضاً :

( من نظر في عيوب الناس فأنكرها ثم رضيها لنفسه فذلك الأحمق بعينه )

Quote: من نظر في عيوب الناس فأنكرها ثم رضيها لنفسه فذلك الأحمق بعينه

ياخ الشيعة ديل عندهم حق؛ حقو علي ده كان يكون نبي زاتو. أمسك في كلام علي ده قوي يا عمّك

الكلام دا كلللللللللللللللللللو قريتو في التوقيف ولا شنو ؟؟


بالمناسبة دي اهديك الزول الجميل دا






طبعا لسع مباري لي الاكشاك والجبنة عز الضهر

سئل احد الحكماء عن من هو احمق الناس فقال :

- ( المغتر بالدنيا وهو يرى ما فيها من تقلب أحوالها ).

- ( أحمق الناس من ظن أنه أعقل الناس ) .

- ( أحمق الناس من يمنع البر ويطلب الشكر ، ويفعل الشر ويتوقع ثواب الخير ).

- ( أحمق الناس من أنكر على غيره رذيلة وهو مقيم عليها ) .

- ( أكثر الناس حمقا الفقير المتكبر ) .

- ( أكبر الحمق الإغراق في المدح والذم ) .

- ( من أعظم الحمق مؤاخاة الفجار )

شفت كيف يا حبيب ؟!

قلنا عليهو احمق ما من فراغ

بجيك راجع عن الزول دا :)

وقال الحكيم يا ود العمدة ايضاً:


عن مصـــــــــــــــــاحــبة الأحـــــــــمق !!!

( كن على حذر من الأحمق إذا صاحبته ، ومن الفاجر إذا عاشرته ، ومن الظالم إذا عاملته ).

( عدو عاقل خير من صديق أحمق ) .

( بعد الأحمق خير من قربه ، وسكوته خير من نطقه ) .

حمداً لله على السلامة يا ود الزين..
اب صلعة* بسلم عليك.. وبلغتو بالرجعة وفرح ليك من جوه قلبو..

ـــــــــــــــــــــــــــــــــــــــــ
* والله ما بكري..

حمدلله على السلامة

مودتي وتقديري

مرحبتين محمد الجيلي ..


ولك الود اضعاف

يا ايمن دياب ماتاكلني حنك بالله انت ما سمعت قولهم دا زالا شنو :

طرائف احمق :

جاء رجل إلى فقيه فقال : أفطرت يوماً في رمضان .
فقال : أقض يوماً مكانه
قال : قضيت واتيت أهلي وقدعملوا مأمونية ( نوع من الحلوى ) فسبقتني يدي إليهافأكلت منها ،
فقال اقضي يوماً آخر مكانه ،
قال قضيت وأتيت أهلي وقد عملوا هريسة فسبقتني يدي إليها .

فقال : أرى أن لا تصوم إلا ويدك مربوطة

الله يسلمك يا ايمن دياب يآحبيب ..

تصدق بكري زاتو فرحان برجعتي خليك من ابصلعة التاني داك

العزيز / حيدر الزين


الف حمد لله على السلامة ياخ...والله نورت

لكن حسست الواحد بعد بوستيه دا :

الاعزاء...الريس بكري...المسلمي....بيناوي....رغيم...انعام ....شكري وتقديري


انو انتهازي في شكل (شجرة) عديل كده....

اخوك في الايقاف / مازن

Quote: الأهبل من الأهطل هو من يتعامل مع المنبر كـ[دَارة] للصقرية نوّرت المنبر ياود الزين .. أتمنى ما ترجع لـ[دِكة] الاحتياطي قريب

شكرا إيملي..
ومرحب بيك روبن..
صديقكـ واخوك في الرضاعة ساندور...

Quote: شكرا إيملي.. ومرحب بيك روبن.. صديقكـ واخوك في الرضاعة ساندور)

يآخ للمتابع بتروفوبيا دا اجمل رد ( ....)


بالغت يا تروتسكي وياريت اميلي تقدر تدينا النجيضة عن احساسها الانثوي في الحتة دي هههههههههه








حبييبتي يبا املي يا امل حياتي كااااااااااااااااك

ياخ يقطع يومك داير تكتلني بالضحك..
كدي اشم نفسي وبعمل لي في شغلة واجيك لاحقا.
شكلو البوست ورجعتك دي حتمل هارت اتاك لي ناس...

بس خليني أرجع من إيطاليا، كان ما رميت ليك الدبلة في وشك
ما أكون [××××] عامل صلعتك الزي ركبة أُمّي النقناقة ديك :)





+

ــــ
تحياتي لك يا حيدر الزين.

حمد الله على السلامة ..

حمد الله على السلامة والله

الوحش يوقف ثائرا والبورد ينبت الف ثائر

مالك قايم بي نمرة تلاته تقوم تبطل بيك اسع

ياخي اعمل بوست شكر لي كل الناس السالت عنك وفتحت ليك بوستات

تحياتي

زاتوووو

أهلين و الله ... مرحبتين حبابك


أشواق يا صاحب، عوداً حميداً مستطاب.

حمدا لله علي السلامة ود الزين ,,, نورت المنبر


















وو

الأخ الكريم خال حمور تحياتى


بالله دع الكتابة باسم
ولدنا الطريفى .

مرحبتين يا حيدر

اموت واعرف ليه وقفوك وكدة ما عارف ايه..........اخوك كان شبه موقوف اختيارى

عودا حميدا مع كمية الهطلة للمهاطين

الزين حيدر
حياك ومكانك شاغر والمنبر بدونكم ...............
حمدا لله على السلامة .... قوم بنمرة (5) أرجوك ... هات الثقيل المفيد.. ناس قريعتي راحت آخر برطعة .. فأنت لهم
أخوكم/ الشفيع إبراهيم

سلامات حيدرنا

والف حمد الله علي السلامة

ونورت المكان....

عودا حميدا مستطاب

من طرائف الاحمق أيضاً :

دخل رجل من الحمقى على الشعبي وهوجالس مع امرأته فقال : أيكم الشعبي ؟
فقال الشعبي : هذه ( وأشار إلى زوجته )
فقال : ما تقول أصلحك الله في رجل شتمني أول يوم من رمضان فهل يؤجر؟

فقال الشعبي : إن كان قال لك يا أحمق ، فإني أرجو له الأجر

من صفات الاحمق :
وقال أبو حاتم بن حيان الحافظ: علامة الحمق سرعة الجواب، وترك التثبت، والإفراط في
الضحك، وكثرة الإلتفات، والوقيعة في الأخيار، والإختلاط بالأشرار..
والإحمق إن أعرضت عنه أعتم، وإن أقبلت عليه اغتر، وإن حلمت عنه جهل عليك، وإن جهلت عليه حلم عليك، وإن أحسنت إليه أساء إليك، وإن أسأت إليه أحسن إليك، وإذا ظلمته أنصفت منه، ويظلمك إذا أنصفته، فمن ابتلى بصحبة الأحمق فليكثر من حمد الله على ما وهب له مما حرمه ذاك.

هلا وغلا يا مازن عادل...

Quote: انو انتهازي في شكل (شجرة) عديل كده....

غايتو ما تشكر لي الراكوبة في الخريف..

وانعام دي لو بقت بت عبد الحفيظ ياها البتكون اخرت رجعتك ..:)

Quote: حمد لله على السلامة ياخي

مرحب بناس البكاء والنخجي :)

الله يسلمك يا الحبيب

Quote: الف مرحب بعودة الاخ حيدر الزين

سلامات يا عمر فضل المولي.. شكرا للترحيب..

بس سؤال عاوزين تحسموا موضوع الانتخابات دي والا لسع راجيين يوم بكرة يجئ ..

يآخ دي اقرب مؤسسة اقابلها في حياتي

الاخ حيدر الحمدلله على العودة وأنشاء الله الوقوف صحح أراك .

سلامات يا ولد مدينتي
ليك وحشة..

سلامات يا حيدر الزين..

مشتاقين يا صاحب..


الدهن فى العتاقى..

والخيل الأصيلة تعرف عند اللفة.

البركة فى الشوفة..

عاد للمنبر بعض الالق

عودا حميدا اخى حيدر

يا صديق مهدي الشاعر المبدع .. بركة النور بيك المنبر انت كمان ..

إن شاء الله نكون موعودين بفاصل من الابداع الحقيقي والشعر الرصين :)


ــــــــــــــــ
بعد تقرأ ردي بالله اديها لفة صغيرة كدة وتعال كبّ ليك قصيدة معتقة

ممن ضرب بحماقته المثل :

تقول العرب: أحمق من هبنقة .. (وهو معروف لكل غير ذي حمق ..)

وأحمق من حذنة، قيل هو رجل بعينه، وقيل هو الصغير الأذن، الخفيف الرأس، القليل الدماغ، وكذلك يكون الأحمق..
وقيل: حذنة امرأة كانت تمتخط بكوعها.

وممن ضرب بحماقته المثل ايضاً :

وتقول العرب: أحمق من أبي غبشان وأحمق من جحا وأحمق . من عجل بن لجيم وأحمق من حجينة (وهو رجل من بني الصداء)..
وأحمق من بيهس واحمق من مالك بن زيد مناة واحمق من عدي بن حباب وأحمق من .....

حيوانات حمقاء :

الضبع .. فيقولون أحمق من الضبع وأحمق من أم عامر ..

النعجة : فيقولون أحمق من نعجة على حوض لأنها إذا وردت الماء أكبت عليه ولا تنثني ..

الذئبة : فيقولون أحمق من ذئبة لأنها تدع ولدها وترضع غيره ..

فئة اخري من فئات اصحاب العاهات ( أجارنا الله واياكم منهم )

وهؤلاء المُعاقين هم ( الهُبل ) ...

جاء في معاجم اللغة انه :

الهاء والباء واللام: فيه ثلاث كلمات، تدلُّ إحداها على ثُكْلٍ، والأخرى على ثِقَل، والثالثة على اغترارٍ وتغفُّل..
اما عن الأولى الهَبَل بمعني الثُّكْل :
فيقال: لأمِّه الهَبَل.

قال الشاعر :
النَّاسُ مَنْ يلقَ خيراً قائلونَ له ما يشتهي ولأُمِّ المخطِئِ الهَبَلُ

والهَبُول من النِّساء: التي لا يَبقى لها ولد..

والثانية المُهبَّل: وهو الرّجُل *الثَّقيل الكثير اللَّحم. قال:

مِمَّنْ حَمَلْنَ به وهنَّ عَواقِدٌ حُبُكَ النِّطاقِ فشَبَّ غَيْرَ مهَبَّلِ

والهِبِلُ: الشَّيخ الكَبير، والظَّليم المُسِنّ ...

والثالثة قولهم: اهْتَبَلَ الغِرّة، إذا افتَرَصَها.
والهَبَّال: الصَّيَّاد يَهتَبِل الصَّيد يَغترُّه، ولذلك سمِّي الذِّئب هِبِلاًّ، لأنّه يَحتَالُ لصيده ويَهتَبِله...

في اللغة العاميــة :

إتخذ الاهبل من كل تعريف من التعاريــف السابقة ملمح ليدل على عظم هذا الشخص الموصوف بصفة الهبالة..
فهو من معني الثكل - أي ثكلته امه وفقدته فليتها لم تلده ليكون عرة بين الرجال ويجلب لها المسبة والعار - فهي تثكل حظها ليل نهار ان ولدت مثله ..
وهو من معني الثقيــل الذي قال فيه الشاعر :

سقط الثقيل من السفينة في الدجى … فبكوا عليه رفاقه وترحموا !

حتى إذا طلع الصباح أتى بـــــــه … نحو السفينة موجة تتقـــدم !

قالت خذوه كما أتاني سالمــــــــاً … لم أبتلعه لأنه لا يهضـــــــم !

وفيه معاني الغرير المخدوع بخفة عقله وغفلته وسوء تقديره ..

الغباء :

جاء في معاجم اللغة :

الغين والباء والحرف المعتلّ أصلٌ صحيح يدلُّ على تستُّرِ شيء حتى لا يُهتدَى لـه. من ذلك الغبْية وهي الزُّبْية، وسمِّيت لأنَّ المَصِيدَ جهِلَها حتى وقَعَ فيها.
ومنه: غَبِيَ فلان غَباوةً، إذا كان قليلَ الفِطْنَةِ، وهو غَبِيٌّ.
وغَبِيتُ عن الخَبَر، إذا جهلتَه.
ويقال: جاءت غَبْيَة من مَطَر، وذلك إذا جاءت بظُلْمَةٍ واشتدادٍ وتكاثُفٍ

وجاء في لسان العرب :

غَبِيَ الشيءَ وغَبِيَ عنه غَباً وعباوَةً: لم يَفْطُنْ له قال الشاعر: في بَلْدَة يَغَبى بها الخِرَّيتُ أَي يَخْفَى؛

وقال ابن الرقاع: أَلا رُبَّ لَهْوٍ آنِسٍ ولَذاذَةٍ، من العَيْشِ ، يُغبِيِه الخِباءُ المُسَتَّرُ
وغَبِيَ الأَمرُ عني: خَفِيَ فلمْ أَعرفه.

يقال: فلان ذو غَباوَةٍ أي تَخْفى عليه الأُمور..
والغَبيُّ، على فَعيل: الغافِلُ القليلُ الفِطْنة، وهو من الواو، وأَما أَبو علي فاشْتَقَّ الغَبيَّ من قولهم شَجَرَة غَبْياءُ كأَنَّ جهْلَه غَطَّى عنه ما وَضَح لغيره.
وفي الحديث: إلا الشَّياطِينَ وأَغْبِياءَ بني آدم؛
الأَغبياء: جمع غَبِيٍّ كغني وأَغْنِياء، ويجوز أَن يكون أَغْباءً كأَيْتامٍ، ومثلُه كمِيٌّ وأَكْماءٌ.
وفي الحديث قَلِيلُ الفِقْهِ خيرٌ كثيرِ العباوةِ.
وفي حديث عَليٍّ: تغابَ عن كلِّ ما لا يَصِحُّ لك .. أَي تغافَلْ وتَبالَهْ

هل الغباء موهبة ام وراثـة ؟!

أنا اظن ان الغباء موهبــة تُراعي وتُنمي ويُساعدها صاحبها مثله ومثل الرسم والموسيقي وكرة القدم والشعر الخ الخ الخ ..

بل ان البعض يكون حريص تماماً انه ينمي هذه الموهبة حتي يصل بها شأناً علياً فيُشار له بالبنان ..

وهو بذلك يصعد سلم المجد من ادني عتباته .. فكما للتفوق والنجاح شهرة لا تدانيها شهرة .. فكذلك للفشل والغباء شهرة اخري يصل بك عارها للآفاق ..

ودونكم هبنقة الذي فاق اياس في الشهرة وزاحم عنترة على الابواب.

ومما يدل على ذلك لو مسكنا طفلاً من اقرب طريق وسألناه ..
هل تعرف القاضي إياس ؟!
لبحلق بعيونه وتلفت يمنة ويسرة ..
أما اذا سألته : هل تعرف هبنقة .. او هل تعرف جحا ..

لقال لك والذكاء يتقد في عينيه . هبنقة الاهبل ؟!
أو لقال لك ... جحا العوير داك ..!

ولطفق يحكي لك من قصص هبالاتهم وعواراتهم وغباءهم ما يضحكك حتي الاكتفاء ...!

خلال الفترة الماضيـــة رأيت العجب العجاب من اصرار احدهم على تنمية مواهبه في الحمق والهبل والغباء ..

لحد جعلني ارثي له لشدة اجتهاده وتفانيه في جعل نفسه اضحوكة في مقاييس الحُمق والهبالة ..

بل وجعل نفسه غباوميتر لقياس درجة غباء الكائنات الحية ..

حقيقة رثيت لحاله ومازلت

فهذه الحالة موضع الدراسة بدأت كأي حالة نموذجية اخري .. خاملة الذكر .. متواضعة المقدرات .. ضعيفة المعرفة .. سطحية الاهتمامات .. باردة المشاعر..
حاولت عن طريق تناول مسهلات لغويــة تساعدها في افراغ محتوي إمعائها الغليظ عسى ان تجذب الانتباه .. فما كلّت ولا ملّت في كتابة المقالات المطولة في صفحتين وثلاث لجذب الانتباه لهذا الاسهال المعوي الذي تنفحنا به .. وعندما وجدت ان الناس عافت هذا الخراج الذي لا يحوي ما يفيد او ينفع .. ولا يحوي اي مظهر من مظاهر جاذبية اللغة وسلاستها لتثير إنتباه القراء .. عندما اصطدمت بواقع ان من اللغة لثقالة تنفر حتي العطالي عن متابعتها ..
لبس ثوب الناصح الامين .. الحادب على الاخلاق والفضائل والقيم والشهامة والنخوة .. لبس هذا الثوب لكنه لم يكن ثوباً بالمرة .. بل قبعة وضعها على راسه الاقرع دون ان يستر عورته وسوءته ..
فخرج إلينا بقبعة وعورة مكشوفة ..

أتحفنا هذا النموذج بخطبته العصماء عن الاخلاق وكظم الغيظ والعفو عن الناس وعفة اللسان وووووووو الخ... حتي قلنا ( واعيينا تراقب سوءته وعورته الواضحة للعيان ) بارك الله فيك يا شيخنا فقد كفيت ووفيت.. ولم نغفل العورة بل قلنا عسى ولعل يكون في تطبعه بهذا القول مدعاة لان يتشبه به في مقبل أيامه ..
ولكن كما يُقال .. الطبع يغلب التطبع ..فعادت ريمة كرمة لفظتها الامواج ..

أهلا يا حيدر
ألف حمد لله على السلامة
ونرحب كمان بحبيبك الشاعر صديق

ياخي والله أنا ما كنت قايل الأحمق دا أرهق العربية بهذا الشكل العجيب

أخي ود الزين
تحياتي ،


ألف مرحب بعودتك .. قوياً معافى
وأحسب أن فترة غيابك القسرية كانت إستراحة مقاتل ،
فألف مراحب بطلتك البهية وبمداد يراعك الملون
بالأحمر والأسود وبكل ما لذ وطاب من حدائق لغة الضاد.

Quote: فقال : أرى أن لا تصوم إلا ويدك مربوطة

وقال ( ليمو) أرى أن لا تعود إلا ويد مبسوطة
بحلو الحرف وجميل الكلم كالعهد بك دوماً .


عاد ود الزين .. فأهدى لنا روائع اللغة ،

و .. عوداً حميداً مستطاب أخي العزيز .


مودتي ،



( ليمو )

يامراحب ياحيدر
نورت المنبر ..
إلا قول لي

Quote: وأنشاء الله الوقوف صحح أراك .

أرائك كان فيها شنو ( عوج ) ؟؟

مرحب بالأخ / حيدر بعد طول غياب ...

Quote: وقال ( ليمو) أرى أن لا تعود إلا ويد مبسوطة بحلو الحرف وجميل الكلم كالعهد بك دوماً .

أرجو أن تمسك في كلام الأخ ليمو الفوق ده بشده ..

ومعاك يا حيدر في أن "الحماقة" مصيبة، وكما قال الشاعر :

لكل داء دواء يستطب به ....
إلا الحماقة أعيت من يداويها ...


مع خالص تحياتي وتقديري ؛؛

يازول هوي خش لينا في الموضوع دوغري
خلينا من اللف والدوران بتاعك دا









___________
بوست كلو طواقي

Quote: يازول هوي خش لينا في الموضوع دوغري خلينا من اللف والدوران بتاعك دا

إنت ما شايف ليمو مسك يدي كيف؟!

قال لي تاني الا تجي شايل ليك وردة حتن تدخل ..

Quote: بوست كلو طواقي

دي ما طاقية القرد زاااتها هههههههههه

لكن باقيلك القرد بيجي هنا

رغم إنو الواحد ما فاهم حاجة من كلامكـ الكتير دا
لكن احتياطا كـدا .. حمد لله على السلامة!

Quote: رغم إنو الواحد ما فاهم حاجة من كلامكـ الكتير دا

إنت لو بتعرف تقرأ كان الجماعة طنشوك

غايتو بنقبل ترحيب لكن بحذر شديد .. اللياقة تعبانة شوية وما بنقدر نجك وراك ..

أخبار حميدة شنو ؟!
ما يكون عندو عسر هضم

Quote: إنت ما شايف ليمو مسك يدي كيف؟!

شوف ياعمك
ماتسمع لي النضمي الزي دا
ناس ليمو
ورضا
ونصار
واسماعيل عباس
ومامتك دوما
شفت ناس باركوها ديل دايرين يبوظو المنبر
المنبر دا محل بتاع كاسوري
والجمهور بحب الآكشن والحوارات المأزومة والجدل (البيظنطي) شفت كيف؟
والداير يقرا ويستفيد يشوف ليو جامعة
لا شنو ؟


______________
عليك الله فتش كدارتك وين عندنا شغل كتير خليني من حنكك العاضي دا
قال مسك يدي قال ... وما يمسكها هو انت سواق ؟

Quote: شفت ناس باركوها ديل دايرين يبوظو المنبر المنبر دا محل بتاع كاسوري

ده الكلام المظبوط والبخش الراس من الصباح يا وهبه..
خصوصا وانه صديق اقطبوط رجع عليه نرجو التوجه لاقرب فتحه وعمل يو تيرن..
حيدر بالله اتصلح معانا فوتنا حاجات كتيره ..
خصوصا وانه صاحبك عرمان ماخد سيك في قبوله (:

ـــــــــــــــــــــــــــــــ
حيدر يا ضال حمد لله علي السلامه .. 

ياظلامي ..سلامات..

وصية عمك وهبة على العين والراس بس انت الفيك اتعرفت ..

بعدين كورتك فكت والا شنو ؟

شايف ابطبنجةمهددك وانت طالع الشجرة هههههههههه

يا شيخ فيصل الرشيد أنت لسع مع الاقطبوط يا راجل أبريل جاء والصيف جاء والناس حرانة بفتشوا فى ضل

شجرة حتى لو شجرة عشر

Quote: عليك الله فتش كدارتك وين عندنا شغل كتير خليني من حنكك العاضي دا قال مسك يدي قال ... وما يمسكها هو انت سواق ؟

ياعمك ما قلنا ليك انت حازم جداً ..

شوف جيت البوست دا بخطة معينة عاوزين نصطاد فيها واحد احمق
والتاني اهطل ..
والتالت غبي ..

بقينا نسالم ونقالد الناس لذا وجب التنويه انه سنفتح تلاتة بوستات اخري
نتكلم فيها عن الاهطل لحالو ( الغريبة شايفو مسجل غياب الايام دي عدتو مافي والا شنو )؟

والاحمق لسع في حماقتو لكن بيقع في يدي..

أما الغبي فمازال في غباؤه سادر وكل يوم يفتح بوست اغبي من الاخر..

بجيك ليهم التلاتة برواقة والكادرة بوما اصلية كمان ههههه

الأعزاء :


محمد حسن العمدة
عماد الطيب
فتح الرحمن محمد
حبيبنا الزول زااااتو
ابوبكر صالح
سيف الدولة كامل
الشقيق ود محجوب
حامد محمد حامد
الشفيع ابراهيم
الصفوة هارون دياب
الظلامية دكتورة نجاة محمود
اخي ايمن الطيب
ابراهيم الرشيد جنابو
جعفر محي الدين
عبد الحليم التلب
السيد احمد ابراهيم
وادريس محمد ابراهيم ..

لكم كل شكري وتقديري ومودتي الباقية



ـــــــــــــ
كل واحد يستحق مداخلة منفصلة وساعود لكم جميعاً لكن هسع فترت من المسالمة

حمد لله علي السلامة وان شاء الله اجر وعافية وما تشوف شر

بس نعل ما عندك حساسية من البنسلين؟

رجعتا تلعب بلي و لا شنو يا اخ









ـــــــ

والله الاتاريك كنت مزنوق شديد خلاس


الحكاية شيني ؟؟

هلا ود العمدة ..

يآخ مزنوق اكتر من زنقتكم قبل يوم امس .. طلع ما طلع .. لا بكرة .. بعد بكرة ..
والله انا لمن قلت خلاص بعتو القضية ريمة رجعت لقديمها ..
عموماً والله مبروك للشعب كلو موقف حزب الامة ومليتونا عافية بعد يأس ..

تحياتي



النائب المحترم وليد الطيب قسم السيد..

سلامات يا ملك ومنور بوجودك المنبر اخبار العريس عوضاي شنو ؟

اهلا بيك والبورد نور

حيدر الزين
ياخ الف حمدلله بالسلامة بالرجعة
والله منور البورد ...

الحمدالله على السلامة حيدر ..تحياتى..

Quote: ، الرقيع، المائق، الأزبق، الهجهاجة، الهلباجة، الخطل، الخرف، الملغ، الماج،المسلوس، المأفون، المأفوك، الأعفك، الفقاقة، الهجأة، الألق، الخوعم، الألفت، الرطيء،الباحر، الهجرع، المجع، الأنوك، الهبنك، الأهوج، الهبنق، الأخرق، الداعك، الهداك،الهبنقع، المدله، الذهول، الجعبس، الأوره، الهوف، المعضل، الفدم، الهتور، عياياء، طباقاء.

حمدلله على السلامة

اساسي الاساسي .. تحياتي ياملك

يا زول قصة الحبشي ما طلعت دعاية ساي وقالوا الموقع آمن وبيعمل فحص طبي كل شهر ..
واهو عندك وهبة بعد ما غطس هناك سنة جاء ماشي يتجدع ساي لا بنسلين مورفين..


حمد فتح الرحمن يا زعيم

بلي ساى .. البلي يتطاقش من حيطة لي حيطة

سلامات ونديك النجيضة بعدين

Quote: كل واحد يستحق مداخلة منفصلة وساعود لكم جميعاً

كان بتجي تواصل في الكتابة بطريقة ( نواعير الليط ) الشغالة بيها دي

أحسن ما تجي يا أخوي ..

شنو ياعمك فكها شوية ..

الف الف حمدلله علي السلامة
ومنور ياود الزين يا زين

الف الف الف مرحب بعودة

الفارس الهمام حيدر الزين

تحياتي واحترامي

Quote: الرقيع، المائق، الأزبق، الهجهاجة، الهلباجة، الخطل، الخرف، الملغ، الماج،المسلوس، المأفون، المأفوك، الأعفك، الفقاقة، الهجأة، الألق، الخوعم، الألفت، الرطيء،الباحر، الهجرع، المجع، الأنوك، الهبنك، الأهوج، الهبنق، الأخرق، الداعك، الهداك،الهبنقع، المدله، الذهول، الجعبس، الأوره، الهوف، المعضل، الفدم، الهتور، عياياء، طباقاء.

الطــريفي ..
هسي الواحد كان مثلا إتشاكل مع زول .. أي زول
وداير أتفلسف وأقول ليهو يا أحمق .. الحاجات الفوق دي بتقسّم ؟
الأحمر ده بالذات ..
ـــــــــــــــــــــــــــ
يمين تقولها إلا يعرفوك مشترك في الفور أول ...

حمد الله على السلامة

حيدرون (حيدر وامين)


هطولك امطرنا

منور والله

حيدر
عودا حميدا
تحياتي

حيدر الزين

مرحب بالعودة

وبطل خرخرة وحركات الإنتخابات مزورة والتحكيم فاشل دى!
إنت دقست والدكتور ركبك التونسية وبكرى مع من سبق واشتكى..

أنا ماعارف بوستك عن شنو بس عايز أقول الكلمتين ديل.

أهم درس فى هذا المنبر هو:
لو هبشت زول وشفتو قعد يتنايص تسبقو طوالى بشكوى لبكرى وبهذا ستبطل مفعول شكواه..

Quote: يمين تقولها إلا يعرفوك مشترك في الفور أول ... حمد الله على السلامة

مكانك الطبيعي ومشتاقين لكتاباتك

مرحب بالعزيز عبد اللطيف حسن على ..

ويديك العافية يا رب ..


العزيز Balla Musa

سلامات يا ملك

Quote: وبطل خرخرة وحركات الإنتخابات مزورة والتحكيم فاشل دى! إنت دقست والدكتور ركبك التونسية وبكرى مع من سبق واشتكى.. أنا ماعارف بوستك عن شنو بس عايز أقول الكلمتين ديل.

سئلي الله انت براك العاوز تخرخر يا دكتور..
يازول شفت ليك زول بيشكي ليهو هطلة لمن اسبقوا في شكواه ..
هو طبعاً من ناحية اتنايص فإتنايص ما ياخدك فيها شك لكن قصة انا امشي اشكيهو دي
فيحردن..
أما الحماقة فكما قال المسيح عليه السلام لا شفاء منها والغباء اعياء من يداويها ..


تحياتي

سلامات يا فادية اليمني ..

منور بوجودك والله البورد .. لك التقدير ..



هلا بالريس ابو جهينة

شكراً يا ملك سعيد بطلتك .. وانقطعنا عن بوست عطبرة

يا ريت تكون نقلته الربع الجديد

مودتي

سلامات يا عماد الدين عبد الله ..

الف شكر ليك بالترحيب ويارب ما تشوف ايقاف
مودتي ..


محمد عمر جبريل ..



يازول فور اول شنو والله جنب الــWall بتاعنا الزينا ما يجي لافي ..

بس قول الفي ضميرك وبالاحمر او الاسود لكن بيصنفوك تبع قراء نواعير الليط

مودة وتقدير يا حبيب

حبيبنا السيد احمد ابراهيم ..

يآخي الناعورة دي من قدر ما كبيرة لمن الزول الختيناها ليو مكبر منها اللفة ..
معقولة انت ما شايفها ..
لكن نكمل السلام والمرحب ونفكها شويها

مودتي


العطبراوية احلام وهبي..تسلمي يارب ومنورين بوجودك هنا ..

في انتظار لقافة جديدة ننداح في قراءتها

تحياتي

.
.
.
حيدر ياخي بركه العوده لكن

انا فترت ليك من السلام بالنخرين زي عرب الخليج

يلا وزع الورق والجوكر اصلي

افتقدناك
كثيراً

عوداً
ميموناً

تحياتي

فترت من السلامات موش

خلاس
نرحب بيك نيابة عن كل الكيزان في المنبر



تشفيرك بقى عالي

ما يفقدك وحش يا مصطفي الضو ...

سعيد بوجودك الفاعل ...

تحياتي يا ملك

هلا يا بصاص واخبارك..

Quote: انا فترت ليك من السلام بالنخرين زي عرب الخليج

هههههههههه
حضرت لي نطحة اقصد سلام زي قبل كدة الظاهر نطحتهم كانت قوية
فواحد لمن رعف وبرضو وسط الدم السلام مواصل .. اشلون واشلون ...

ياحيدر أنا أول واحد أبارك ليك العودة للمنبر ولكن تجاهلت ذكرى فى ردك الذى شمل الجميع ماعدا شخصى،موش مهم، المهم تخلص الحكاية بتاعت الحماقة الشغال فيهاديه، وتتفرق لينا للمواضيع المفصلية التى تحيط بالوطن الغالى هذه الايام نتطلع لمشاركاتك النيرة المتميزة ، مودتى.

الاخ هاشم محمد الحسن ..
سلامات ولك تحية وتقدير ..

Quote: ياحيدر أنا أول واحد أبارك ليك العودة للمنبر ولكن تجاهلت ذكرى فى ردك الذى شمل الجميع ماعدا شخصى،موش مهم، .

والله يا هاشم اسف جداً وحقيقة امسحها في وشي لكن اكيد ما انه فط ولا تجاهل ..
بالتأكيد لم اري مداخلتك والا فأنت من الاحباب والناس الجميلين هنا ..

تقبل مودتي وعذري مرة اخري