خاص لجميع العاملين في دول الخليج ( توجد بلاوي)

شِـعــر هــنــدى


ملحوظة: الرجاء هز الرأس مع القراءة

للحصول على إيقاع أفضل



إسم أنا كومار عتيق **** أخو أنا والله صديق


بابا أنا شيبه كبير **** ماما أنا مريض كتير


أخو أنا كلو صغير **** مافي فلوس أنا فقير


عشره سنه شغل هنا **** مافي شوف أهلي أنا


ممكن موت أنا هنا **** فكر مشغول تعبان أنا


أتنين سنه مافي فلوس **** كفيل كلام بعدين يشوف


والله هرام لازم فلوس**** مسلم أنا مافي هندوس


لازم أنا سفر رمضان **** إنسان أنا مافي هيوان


لازم أنا روح بلد **** سوي زواج جيبو ولد


كفيل كلام هدا بلد **** مافي زواج مافي ولد


انت شغل هنا همار مفهوم كلام يا كومار


كفيل أنا كرشو كبير ممكن ياكل لهم همير


أنا كرشو كتير صغير **** لو نفختو والله يطير


جيتو بلد شعر كتير شعر أسود سيمسيم هرير


دهين شعر كلو يطير **** مافي صغير مافي كبير


سكن أنا غرفه صغير**** مافي مكيف مافي سرير


بالله دا مش احسن ليكم من بوستات السياسة والمناكفات الفارغة

المسانيح اجموا الاستراحة انتهت .

فووووووق

جاييكم برواقة للحديث عن خطورة العاملات الاسيويات على تربية الاطفال

عشره سنه شغل هنا **** مافي شوف أهلي أنا


ممكن موت أنا هنا **** فكر مشغول تعبان أنا


أتنين سنه مافي فلوس **** كفيل كلام بعدين يشوف



--------

سلام ود شيقوق





ش

** ود شيقوق ..
** صباحك خير..
## المُعاناه تولد الإبداع..
## وهذه اللغه هى السائده فى الشارع الخليجى ,, وهى لغه هجين بين الاوردو والانجليزى وعربى لاتجد له إى جهه يُمكن أن تنسبها إليه ,, واللغه العربيه نفسها غير مُعترف بها فى بعض الدول الخليجيه فى التعامل اليومى ..

## كسره :-
## لبنانى يتحدث 5 لغات حيه تقدم لوظيفة مدير تسويق وإنتهى من المُعاينات والوظيفه تنطبق عليه وعلى مؤهلاته..
** مدير شؤون الموظفين هندى سألو :- فى معلوم أوردو ..
** كان ردو:- مافى معلوم ..
** الهندى قال ليهو :- مافى فائده كُلش مال لغات هذا وظيفه لازم معلوم أُردو..
** وعلى هذا يُقاس الامر..

## ربما تنزل هذه القصيده (الأنا) فى مُقررات الدراسه فى الاعوام المُقبله..

(ودام الود بيننا)
(ابو محمد فؤاد)

شكرى ولد سليمان الاتحادي القاصع كيفك يا العزيز


ابو محمد فؤاد

Quote: مافى فائده كُلش مال لغات هذا وظيفه لازم معلوم أُردو..

مسنوح انت يجازي محنك ضحكتني

يعني عايز اسماء المليون شهيد الجزائريين ؟

لازم أنا روح بلد **** سوي زواج دقدق انا

خاص لجميع العاملين في دول الخليج وامريكا

Quote: عشره سنه شغل هنا **** مافي شوف أهلي أنا ممكن موت أنا هنا **** فكر مشغول تعبان أناه

هناك الكثير من السودانيين في دول الخليج العربي الذين يحاكي حالهم حال كومار وربما أسوأ "البحر خلفي والكفيل أمامي وسيد السكن عن يساري وإلتزامات ومصاريف الأسره عن يميني ، والراتب يتأخر ويدخل شهر في شهر والعيال كبرت والظروف ساءت وزول سااااكت تدين أو تتسلف منه مافي"
إذن ليس كومار وحده هو الذي يعاني من التغيرات العالمية التي إنعكست على الجميع وأصبحت فيها الكثير من دول الخليج العربي والتي تعتمد أساساً على النفط مناطق غير جاذبه بالنسبة للأيدي العاملة خاصة بعد تفشي البطالة في أوساط المواطنين الأمر الذي أصبح معه البحث عن فرصة عمل كالبحث عن الدهب في خلا بربر يا صابت يا خابت ودائماً ما تخيب.
القصيدة بالرغم من أنها هزلية ومفعة بالسخرية إلا أنها تلمس قضية غاية في الأهمية بالنسبة للمغترب وعلاقته بدول الإغتراب من ناحية والوطن من ناحية أخرى. هناك الكثير من الأسر التي ضاع ليها الدرب في المويه حيث أنهم ضيوف لعشرات السنين وما أنفكوا وعودتهم لوطنهم غير ممكنة لإنقطاعهم عنه سنين عددا.
دخلت راسي الكبير دا في هذا الموضوع بالرغم من أنني "مقيم ببحري إقامة أتمنى أن تكون دائمة" لكن شفت وقرأت وسمعت وبالتالي يسهل على تقمص دور المغترب ويا ودشيقوق أكان ما متنا ما شقينا التٌربْ.

حمزاوي

شكرا على مرور


الملا عمر

Quote: القصيدة بالرغم من أنها هزلية ومفعة بالسخرية إلا أنها تلمس قضية غاية في الأهمية بالنسبة للمغترب وعلاقته بدول الإغتراب من ناحية والوطن من ناحية أخرى. هناك الكثير من الأسر التي ضاع ليها الدرب في المويه حيث أنهم ضيوف لعشرات السنين وما أنفكوا وعودتهم لوطنهم غير ممكنة لإنقطاعهم عنه سنين عددا.

الله يخليك هذا هو جوهر الموضوع

مشغول شوية وجاييك للتفاصيل

خليك قريب يا العشاء اب لبن

الطيب شيقوق وضيوفه الأماجد

تحياتي 0 إت يا الملا عمر قايل القصيدة دي كاتبها هندي . علي الحرام يكون كاتبها وحد من جماعتنا ديل .

وواحد باكستاني زعل من كفيلة زعلة جد وقام سما ولدو كفيل . ومن يوم ما كبر شوية يسوقو معاه الورشة وقدام الكفيل . يا كفيل يا همار يا كفيل يا هيوان .


بحيراوي

الطيب .. نعلك شديد
والله بوست مال انت يجي داخل وقت مال هو مزبوت ...
ليش ..
الحين داخل بلاد مال لنا . كلو خبر يجى مافي زين ..
واحد نفر يريد سير مدير .. بس هو يجي مدير بعدين بلاد مالنا واجد مسيبة
تاني نفرات يريد سوى انتخاب .. وهادا نفرات ما يريد ..
تاني نفرات سوي واجد جنجال داخل بيت مال هو ..
وتاني نفرات ما يريد بس مدير مال هو دروري دروري يريد ..بعدين اذا ما يحصل يجي مريظ
تاني نفرات في واحد نفر شباب واجد واجد زين .. وكلو نفرات يريد هو سوي تراي مشان وزيفة مال مدير .. بس بابا مال هو ما يريد .. ليش مافي معلوم

Quote: وواحد باكستاني زعل من كفيلة زعلة جد وقام سما ولدو كفيل . ومن يوم ما كبر شوية يسوقو معاه الورشة وقدام الكفيل . يا كفيل يا همار يا كفيل يا هيوان .

وحاة النبي انت يا البحيراوي فاطي سطر عديل

دي تكون نجرتها براك هسسسسسسسسسسسع

انجر لينا واحدة تاني

رفيق مسنووووح

انت يبي يسوي جنجال واجد ؟؟؟؟

ياسر

Quote: والله بوست مال انت يجي داخل وقت مال هو مزبوت ... ليش .. الحين داخل بلاد مال لنا . كلو خبر يجى مافي زين .. واحد نفر يريد سير مدير .. بس هو يجي مدير بعدين بلاد مالنا واجد مسيبة تاني نفرات يريد سوى انتخاب .. وهادا نفرات ما يريد .. تاني نفرات سوي واجد جنجال داخل بيت مال هو .. وتاني نفرات ما يريد بس مدير مال هو دروري دروري يريد ..بعدين اذا ما يحصل يجي مريظ تاني نفرات في واحد نفر شباب واجد واجد زين .. وكلو نفرات يريد هو سوي تراي مشان وزيفة مال مدير .. بس بابا مال هو ما يريد .. ليش مافي معلوم

يا اخي شكيتك على الله مالك عايز ترفدنى من الشغل . يا اخي انا بقرأ سطر وهههههههههههههههههههههههههههههها




ود الشبلي :

ايش اتا ريد

انت بس سوي شغل برابر

استاذ الطيب شيقوق
السلام عليكم ورحمة الله وبركاته

تجربة جيدة في التعبير عن الاسيويين وبلسانهم المخلجن
ولكنني احسب انه قد طرقت بعضا من عربي جوبا
فمثلا كلمة ( بيلد ) هي من عربي جوبا ن واما الاسيويويون فيقولون ( بلاد )
وكذلك (جيبو ولد) فهي من عربي جوبا والصحيح ( جيب/ حصّل تشيكو أو باتشا)
ولذلك فان قولك او قوله:
لازم أنا سفر رمضان **** إنسان أنا مافي هيوان
لازم أنا روح بلد **** سوي زواج جيبو ولد
كفيل كلام هدا بلد **** مافي زواج مافي ولد
الافصح ان تكون كالآتي :
رمزان هذا زروري سفر**** انا في إنسان مافي هيوان
لازم جلدي بلاد انا روو **** سوي ميريش حصل جيكوو
كفيل يقول مايريد قرقر**** يريد هورمة فيرزا كنسل
مع الاعتذار للقافية
لك احترامي
_________________
اللهم فك كربة المكروبين

تسلم يا حبيب..واحسن من السياسة فى شنو؟؟ودىذاته ما صلب السياسة..بس ما سياستنا...

ضحكتنا الله يفرحك..يا حبيب...

Quote: وحاة النبي انت يا البحيراوي فاطي سطر عديل دي تكون نجرتها براك هسسسسسسسسسسسع انجر لينا واحدة تاني

العزيز ود شيقوق

تحياتي - قلت لي فاطي سطر يا زول كل سنة يتقضيها غربة يعني دي فطة سطر . لكن يعلم الله القصة دي حقيقية . وكان نجر برضو نجر باكستاني مش سوداني . المهم الهندي دا يتحدث بلسان كتيرين في بلاد الغربة.

بحيراوي

ود شيقوق
كيفك

حكاية الكفيل دي شكلها من مغايسنا بس و لا شنو!!
ما تزيد علينا المواجع.
وليد

ود شقوق


اْمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغترب
انت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين

الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس سميرة
يابا ماتخليك معصلج
وانت ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد

عماد ود الشبلي

بطل السناحة وخليك مع الكاميرات


الاستاذ اسماعيل ود عباس

والله اكان الواحد نزل ليهو بوست قال ماسكاهو وردة ( بكسر الواو ) برضوا تمشوا بيها على السياسة هههههههههههههههههها



العزيز ود سبيل

Quote: تجربة جيدة في التعبير عن الاسيويين وبلسانهم المخلجن ولكنني احسب انه قد طرقت بعضا من عربي جوبا فمثلا كلمة ( بيلد ) هي من عربي جوبا ن واما الاسيويويون فيقولون ( بلاد ) وكذلك (جيبو ولد) فهي من عربي جوبا والصحيح ( جيب/ حصّل تشيكو أو باتشا) ولذلك فان قولك او قوله: لازم أنا سفر رمضان **** إنسان أنا مافي هيوان لازم أنا روح بلد **** سوي زواج جيبو ولد كفيل كلام هدا بلد **** مافي زواج مافي ولد الافصح ان تكون كالآتي : رمزان هذا زروري سفر**** انا في إنسان مافي هيوان لازم جلدي بلاد انا روو **** سوي ميريش حصل جيكوو كفيل يقول مايريد قرقر**** يريد هورمة فيرزا كنسل مع الاعتذار للقافية

جاييك لعربي جوبا دا - انت فتحت موضوع جدير بالنقاش


معزتي

الاخ البحيراوي

Quote: تحياتي - قلت لي فاطي سطر يا زول كل سنة يتقضيها غربة يعني دي فطة سطر . لكن يعلم الله القصة دي حقيقية . وكان نجر برضو نجر باكستاني مش سوداني . المهم الهندي دا يتحدث بلسان كتيرين في بلاد الغربة.

متوقعك تقول لي - هذه تهمة لا انكرها وشرف لا ادعيه


وليد ابكم

يا اخي الشوق ليك مطر ونحمد للهنود انهم استنطقوا الصخر العصيا



اكرام بت الصادق

جااااااييك بالمهلة دوامي كمل

واحد منهم مشى المسجد يوم الجمعة
كان الامام بشرح ان الله يمهل ولا يهمل
الواحد منهم دا قاعد يهز في راسو نظام
فااااااااااااااااهم
جمبو سوداني زهجان وجعان عايز يحصل
غداء الجمعة .
قام قال ليهو : بتهز في راسك دا أنت فاهم حاجة؟
رد الواحد منهم .. أيش فيك صديق ؟
السوداني قال ليهو انت في معلوم ايش امام كلام ؟
اي انا وااااااااجد معلوم
السوداني : زين ايش إمام خبر
هادا امام كلام كل نفرات سوي سوي سوي ما في
كلام استوب بس بعدين كلوووووو لازم لازم في ترتيب .

الطيب شيقوق إنت نفر واااااجد مصيبة.

كلام مال إكرام واجد فكر مال انا (أيك) (بويت) مالنا..

واحد يوم أنا في صير دبي ، داخل بص أنا موجود ..
أنا (ديكو) واحد شيبه سوداني هو في شغل شركه مال كشره ، أنا واااجد زعلان..
أنا يروح دفتر مال لنا وسجل هذا كلام:

مـيـزان الغربــه

لو فاكر سعادتك في الدراهم..
تبقي جاهلاً ماكا فاهم ..
دنيا كضابه وسراب
تبقي واهماً كب مويتو شان سراب
جيب ميزانك وأعدل الكفه ..
نوزن حالتك بدري ..
قبل الغربه وحالتك هسه ..
خت الهم . الغم . وطعم الدم
في كفه ..
شعرك شاب .. وراسك لفّ
يالكنت تساب .. ريقك جفّ
جيته شباب .. ورايق دمك
شفت الويل .. وقلبك خفّ
سارح دايماً ويومي حساب
يومي درادر وحرق أعصاب
زي غرقاناً كايس الضفه ..
كم شغلانةً ..
كنت بتضحك في الشغاله
كانت عيب للبقربلها والبدناله
جيته وشفت مرارة الحاله ..
مره تقشقش .. مره تكنِّس
وترمي زباله
وغصباً عنك يوت شغاله ..
في الصبحية راجلاً عاتي ..
وفي العصريه تبقي وليه ..
وانت الخاتي
مافي الجابرك ..
غير الوهم الحلم الشاتي
جيته وشفت قساوة الحاله ..
ضوق الهانة وانت غريباً تبقي عماله
زيك وزيوكم متبهدل زيو..
بالأبرول وبالبرمودا
وربك يستر من النجلي
هادي الغربه ما بتعزك ما بتخلي
أعدل الكفه عشان تستوفي
وما تتوفي
سارح ديمه ..
وحالتك ماشه بالتقسيمة
وانت محير بين الداله وبين الشيمة
هادي الغربة والله جريمة
وينو حصادك من ها الغربة؟
وشن سويت؟
ركبت الرنج ؟
والله فرشت البيت بالموكيت؟
ياكا محمد نفس الحال مافي جديد ..
ومافي مسافةً بينك والتربال
شن سويت ؟ أوعاك تقولي سترت الحال ؟
الساتر الله هو الرازقنا وهو المولي ..
يوت شغال والحال بطال ..
مالطياني ماكل وشارب ..
دوّر طوفو راجي القسمة ..
سوا الهولو وكرب البسمة ..
واقف طولو وراجي الخالق ..
وحبل العيشه فوق القارب ..
زي النسمة طفّا سجارتو وبرم الشارب ..
زيك عايش بالمقسومة ماكل وشارب ..
أعدل الكفه وانت الناجع شن سويت؟
إطوطحت مع الأيام ..
اتوجعت مع الالام ..
زيفه الغربة وما اتغتيت ..
خدمت شقيت..
تعبت حفيت ..
مرضت عييت ..
وقعت الليلة وما سميت ..
وقالوا رقادك في المستشفي ..
منو الفاضيلك انت يحرسك ؟
مالناس مشغوله ..
سارحة وجاريه وليك مي طاريه ..
والبطراك بس تلفون ..
كتر خيرك يا تلفون يامجنون ..
مافي قصادك غير الحيطه ..
والدكتور الزي الألفه ..
لوك الصبر وشمر ضرسك ..
أدفع ..
وادفع ..
درهم ..
درهم ..
ميه وألفه ..
وراح الداخرو رمشة عين ..
الناس راجنك للمصروف ..
وعاد من وين؟
إلا الحسبة تزيد سنتين..
غربه جديدة يا مسكين..
مابعذروك كان شغال دايما جيب ..
وكان متوقف برضك جيب..
كان حمال جيب جيب ..
كان متوظف جيب جيب..
ويفضي الجيب واة ياجيب ..
دايماً فاضي وكاشف العيب ..
هم فاكرنك انت في جنه..
دوحه وريفه عز وسماحه..
روضه ضليله وافخم واحه ..
زول مرتاح وكاره الراحة..
في التكييف قايم ونايم ..
ماك زي حالن كلو سمايم..
أكلك جاهز في التلاجة جداد وحمايم ..
ساكن الفيلا وهن الحله..
دايما فوق ويوت تتعلا وما بتدلا..
وياعبد الله الساتر الله ..
من الغربة ومن الذلة ..
ياحليلك وانت بتتعب ..
آخ يا حليلك ..
وانت بتشقي اتهدم حيلك ..
ما بتتذكر زمن الوجبه ..
مره بتاكل زي الصايم..
رغم العرق السايل منك ..
جوه ديونك كاسح وعايم ..
آخ يا غربه وآخ يانكبه..
هادي الكفه عليها كتير..
وما بعلمبو إلا الدايم ..
غربة هم نار وسمايم..
كم فرحاناً جاها الغربة ..
ما باقامة ساكت زاير ..
كايس الراحة القرش الناير..
كايس العنب الخبز الداير..
قايل الحالة تين وعصاير ..
باكر يكبر ويبني عماير..
ويلفي بنيةً جيد ومساير ..
لفّ ودور لي شغلانةً تستر حالو..
يلقي نصيبو المال الجالو..
أصبح سارح ساهي وسارح ..
لمّ رويحتو وقبل عاير ..
قرشاً طاير فيها الغربة..
تمنو الهم الدم الفاير..
السواق مربوط في طارتو..
ديمة يلاوح مما تصبح لامن تمسي ..
يشكي القعدة ودمو القطّ ..
الجمر التحتو مولع ..
ماشي وصابر وكم يتوطا ..
وهاك يا نقطة وهاك ياشرطه..
انت مخالف وكيف تتخطي ..
باهي وسارح وعامل اسطي ..
وين تأمينك وين ملكيتك جيب الرخصة..
لازم تدفع تمن الغلطة ..
كل الداخرو وراح في غلطة..
اة يا غلطه واة يا ورطه..
وهاك يادين بس ألفين ياأهل الزين..
تعال بعدين وانت تساسق زي البطة..
بس عشمان ..
في البستر حالك للماهية..
ميه وميه وفي الديانه تروح ماهية وكم ماهيه..
وزيد الحسبه كمان سنتين ..
وعاد لمتين؟
ماقصرت ماكل المـُره ولايك الشطه..
لاك مبذر ولاك متبوبر..
ما اتمتعت وما اتظبط ..
حافض نفسك صاين قرشك وما فرط ..
في أوكاتك ما بهدلت
ما اتشلهت ما مرمطّ ..
يوت تعبان يوت شقيان..
وجد يا فلان ..
نص التعب الشفتو محطه محطه..
لو في بلدك في السودان..
كان ارتحت وكان ريحت ..
ناسك أهلك والجيران..
كان لملمت الشايلو الريح ..
العرق السال.
الحال المال.
العقل النط..
هاك نصيحة زولاً زيك ..
جاها الغربة وشاف اللقطة..
ألحق نفسك وقبل صاد..
عيش الواقع راضي وقانع ..
بالمقسوم ومافي مطامع..
رزقك رزقك ..
كان نايملو وكان حايملو وكان بتصارع ..
ما بتفوتو ليه تتبله وإت ماك شافع ؟
بين الغربة وبين اوطانك فرقاً ظاهر..
زي الفرق البين الملهي وبين الجامع..
زي الفرق البين الضلمة العتمة ..
وبين الفجر النور الساطع..
الغربه مذله الغربة درادر..
عارف وفاكر وبرضو تكابر ..
الفات من دارو بقل مقدارو..
ديمه مجهجه وزي الصايع..
سارح وضايع..
في الاوهام الحلم المايع..
كان يومين ياها الغربة..
وكان سنتين ياها الغربة..
وكان عشرين ياها الكربة..
وكان خمسين ياها الطين..
كان في مكتب ياها الغربة..
كان في مشفي ياها المنفي..
كان دكتور وكان ناطور ..
كان في فيلا وكان في (حور) ..
ياها الغربة..
العمر الواحد
كيف بتضيعو في البشتين.؟
لا صابحت الوالد الزين..
لا باركت العيد في الحين..
لا سكّت الشافع الدرفن..
لا قلّبت العيش الصفن..
ولا فتّشت الغنم الرفن ..
لا مارضت ولا سالمت لا كالمت..
ولا عزيتن في الميتين
حالك شين ..
وعاد لمتين؟



الإمارات
15 يونيو 2006م

الفضلى / عفاف الصادق

Quote: اْمرك عجيب يا مغترب شايل حقايبك ماشي وين ؟؟؟ ما الغربة طالت يامسيكين وانت في نص الدرب والناس هناك ماشايلة هم لاهم حكومة ولا لحم سكت ليه يامغترب؟؟؟ حاول اْجب؟؟ الناس وراك دفنت اْلوف وانت جالس تنتحب الناس هناك هزمت طوابير الصفوف وازدادو نجمات في الكتوف وانت جالس زي خروف لا فيك لبن لافيك صوف شعار جميل مكتوب حروف زول مغترب انت يا اْبوي مين اللي زيك انت مازول مغترب لا ليك اْرض لا ليك راْي لا خطة اسكان لا حزب انت عندك حزب واحد اسمه حوّل اْخوك وراك راقد تعب جاك اتصال من ناس منال يا اْخوي حول وماتطول جدي الخضر عضو الكلب يا اْخوي حول في الشهر مرتين ود اللمين جاهو المقص في الكليتين خلآهو زي زول الكٍتب يا اْخوي حول وما تطول وجيب معاك طقم العشاء ودهب الكضب وانت جالس يامسيكين الغربة طالت وانت في نص الدرب مرت سنين فوق السنين لا اشتريت قطعة اْرض ولا سقفت الغرفتين والحالة طين يا اْخوي صلي ركعتين بعد الفرض يا اْخوي حول جيب قروش وخاتم الجنيه للسيدتين اْم العريس واْم العروس ولا تقول فلنفترض اْضرب خماسيك في سداسيك واْضرب الطول في العرض الغربة طالت والعيال كبرت وجالت وانت حالك يامسيكين والله تغني عن سوْالك والفكر مشغول وشايل هم عيالك وين بتقراْ والغريب كل الحكومات في البلد تنكر نضالك وحتي العيال في الجامعات يامسيكين بدل الجنيه تدفع ريالك ومهما تكتب اْو تقول هذا اختيارك لا ليك راْي ولا هناك من يرد ليك اعتبارك شد حيلك واشتغل عشرين شغل خارج مجالك شد حيلك والثغور راجاك كتيرة ست البنات صارت مديرة ولسه ما جاها العريس والبيت ملان ناس محاسن وناس سميرة يابا ماتخليك معصلج وانت ماتخليك عويرة وما مهم ود اللعم ومامهم من القبيلة المهم اْبقي راجل وما اْكون زولا خميلة اْلم اْقل اْمرك عجيب يامغترب ؟؟ جيت شباب تلبس خفيف حتي في عز البرد بعد السنين الجلود اتكرمشت واْصبحت ودعم القرد وآخر المطاف السنين صارت عجاف شالوك مقفل في طرد وآخر المطاف السنين صارت عجاف شالوك مقفل في طرد

الله يخليك يا بت الصادق بس الله يستر علينا من اخر المطاف تسير السنون عجاف ويشيلونا مقفلين في طرود

خالص الود

Quote: الطيب شيقوق إنت نفر واااااجد مصيبة. كلام مال إكرام واجد فكر مال انا (أيك) (بويت) مالنا.. واحد يوم أنا في صير دبي ، داخل بص أنا موجود .. أنا (ديكو) واحد شيبه سوداني هو في شغل شركه مال كشره ، أنا واااجد زعلان.. أنا يروح دفتر مال لنا وسجل هذا كلام: مـيـزان الغربــه لو فاكر سعادتك في الدراهم.. تبقي جاهلاً ماكا فاهم .. دنيا كضابه وسراب تبقي واهماً كب مويتو شان سراب جيب ميزانك وأعدل الكفه .. نوزن حالتك بدري .. قبل الغربه وحالتك هسه .. خت الهم . الغم . وطعم الدم في كفه .. شعرك شاب .. وراسك لفّ يالكنت تساب .. ريقك جفّ جيته شباب .. ورايق دمك شفت الويل .. وقلبك خفّ سارح دايماً ويومي حساب يومي درادر وحرق أعصاب زي غرقاناً كايس الضفه .. كم شغلانةً .. كنت بتضحك في الشغاله كانت عيب للبقربلها والبدناله جيته وشفت مرارة الحاله .. مره تقشقش .. مره تكنِّس وترمي زباله وغصباً عنك يوت شغاله .. في الصبحية راجلاً عاتي .. وفي العصريه تبقي وليه .. وانت الخاتي مافي الجابرك .. غير الوهم الحلم الشاتي جيته وشفت قساوة الحاله .. ضوق الهانة وانت غريباً تبقي عماله زيك وزيوكم متبهدل زيو.. بالأبرول وبالبرمودا وربك يستر من النجلي هادي الغربه ما بتعزك ما بتخلي أعدل الكفه عشان تستوفي وما تتوفي سارح ديمه .. وحالتك ماشه بالتقسيمة وانت محير بين الداله وبين الشيمة هادي الغربة والله جريمة وينو حصادك من ها الغربة؟ وشن سويت؟ ركبت الرنج ؟ والله فرشت البيت بالموكيت؟ ياكا محمد نفس الحال مافي جديد .. ومافي مسافةً بينك والتربال شن سويت ؟ أوعاك تقولي سترت الحال ؟ الساتر الله هو الرازقنا وهو المولي .. يوت شغال والحال بطال .. مالطياني ماكل وشارب .. دوّر طوفو راجي القسمة .. سوا الهولو وكرب البسمة .. واقف طولو وراجي الخالق .. وحبل العيشه فوق القارب .. زي النسمة طفّا سجارتو وبرم الشارب .. زيك عايش بالمقسومة ماكل وشارب .. أعدل الكفه وانت الناجع شن سويت؟ إطوطحت مع الأيام .. اتوجعت مع الالام .. زيفه الغربة وما اتغتيت .. خدمت شقيت.. تعبت حفيت .. مرضت عييت .. وقعت الليلة وما سميت .. وقالوا رقادك في المستشفي .. منو الفاضيلك انت يحرسك ؟ مالناس مشغوله .. سارحة وجاريه وليك مي طاريه .. والبطراك بس تلفون .. كتر خيرك يا تلفون يامجنون .. مافي قصادك غير الحيطه .. والدكتور الزي الألفه .. لوك الصبر وشمر ضرسك .. أدفع .. وادفع .. درهم .. درهم .. ميه وألفه .. وراح الداخرو رمشة عين .. الناس راجنك للمصروف .. وعاد من وين؟ إلا الحسبة تزيد سنتين.. غربه جديدة يا مسكين.. مابعذروك كان شغال دايما جيب .. وكان متوقف برضك جيب.. كان حمال جيب جيب .. كان متوظف جيب جيب.. ويفضي الجيب واة ياجيب .. دايماً فاضي وكاشف العيب .. هم فاكرنك انت في جنه.. دوحه وريفه عز وسماحه.. روضه ضليله وافخم واحه .. زول مرتاح وكاره الراحة.. في التكييف قايم ونايم .. ماك زي حالن كلو سمايم.. أكلك جاهز في التلاجة جداد وحمايم .. ساكن الفيلا وهن الحله.. دايما فوق ويوت تتعلا وما بتدلا.. وياعبد الله الساتر الله .. من الغربة ومن الذلة .. ياحليلك وانت بتتعب .. آخ يا حليلك .. وانت بتشقي اتهدم حيلك .. ما بتتذكر زمن الوجبه .. مره بتاكل زي الصايم.. رغم العرق السايل منك .. جوه ديونك كاسح وعايم .. آخ يا غربه وآخ يانكبه.. هادي الكفه عليها كتير.. وما بعلمبو إلا الدايم .. غربة هم نار وسمايم.. كم فرحاناً جاها الغربة .. ما باقامة ساكت زاير .. كايس الراحة القرش الناير.. كايس العنب الخبز الداير.. قايل الحالة تين وعصاير .. باكر يكبر ويبني عماير.. ويلفي بنيةً جيد ومساير .. لفّ ودور لي شغلانةً تستر حالو.. يلقي نصيبو المال الجالو.. أصبح سارح ساهي وسارح .. لمّ رويحتو وقبل عاير .. قرشاً طاير فيها الغربة.. تمنو الهم الدم الفاير.. السواق مربوط في طارتو.. ديمة يلاوح مما تصبح لامن تمسي .. يشكي القعدة ودمو القطّ .. الجمر التحتو مولع .. ماشي وصابر وكم يتوطا .. وهاك يا نقطة وهاك ياشرطه.. انت مخالف وكيف تتخطي .. باهي وسارح وعامل اسطي .. وين تأمينك وين ملكيتك جيب الرخصة.. لازم تدفع تمن الغلطة .. كل الداخرو وراح في غلطة.. اة يا غلطه واة يا ورطه.. وهاك يادين بس ألفين ياأهل الزين.. تعال بعدين وانت تساسق زي البطة.. بس عشمان .. في البستر حالك للماهية.. ميه وميه وفي الديانه تروح ماهية وكم ماهيه.. وزيد الحسبه كمان سنتين .. وعاد لمتين؟ ماقصرت ماكل المـُره ولايك الشطه.. لاك مبذر ولاك متبوبر.. ما اتمتعت وما اتظبط .. حافض نفسك صاين قرشك وما فرط .. في أوكاتك ما بهدلت ما اتشلهت ما مرمطّ .. يوت تعبان يوت شقيان.. وجد يا فلان .. نص التعب الشفتو محطه محطه.. لو في بلدك في السودان.. كان ارتحت وكان ريحت .. ناسك أهلك والجيران.. كان لملمت الشايلو الريح .. العرق السال. الحال المال. العقل النط.. هاك نصيحة زولاً زيك .. جاها الغربة وشاف اللقطة.. ألحق نفسك وقبل صاد.. عيش الواقع راضي وقانع .. بالمقسوم ومافي مطامع.. رزقك رزقك .. كان نايملو وكان حايملو وكان بتصارع .. ما بتفوتو ليه تتبله وإت ماك شافع ؟ بين الغربة وبين اوطانك فرقاً ظاهر.. زي الفرق البين الملهي وبين الجامع.. زي الفرق البين الضلمة العتمة .. وبين الفجر النور الساطع.. الغربه مذله الغربة درادر.. عارف وفاكر وبرضو تكابر .. الفات من دارو بقل مقدارو.. ديمه مجهجه وزي الصايع.. سارح وضايع.. في الاوهام الحلم المايع.. كان يومين ياها الغربة.. وكان سنتين ياها الغربة.. وكان عشرين ياها الكربة.. وكان خمسين ياها الطين.. كان في مكتب ياها الغربة.. كان في مشفي ياها المنفي.. كان دكتور وكان ناطور .. كان في فيلا وكان في (حور) .. ياها الغربة.. العمر الواحد كيف بتضيعو في البشتين.؟ لا صابحت الوالد الزين.. لا باركت العيد في الحين.. لا سكّت الشافع الدرفن.. لا قلّبت العيش الصفن.. ولا فتّشت الغنم الرفن .. لا مارضت ولا سالمت لا كالمت.. ولا عزيتن في الميتين حالك شين .. وعاد لمتين؟

المسنوح كلامك مال عفاف واجد زين وكلام مال انت واجد واجد زين

Quote: لا صابحت الوالد الزين.. لا باركت العيد في الحين.. لا سكّت الشافع الدرفن.. لا قلّبت العيش الصفن.. ولا فتّشت الغنم الرفن .. لا مارضت ولا سالمت لا كالمت.. ولا عزيتن في الميتين حالك شين .. وعاد لمتين؟

اخخخخخخخخخخخخخ مافيش زين

يا ود شيقوق
كيفنك يا أخوى ؟
عاين يا الطيب .
من اسبوع كدى لاقيت هندى فى مكتب واحد محاسب سودانى عشان
نعمل ضرائب السنة . والهندى برضو داير يعمل الضرائب حقتو .
يازول الهندى طوالى شبكنى كلام عربى فصيح جدا . قال عندو الان فى أمريكا 4 سنوات
وداير يسوى الجنسية بس ويرجع دبى .
يا الطيب الهندى عرفنى سودانى طوالى وقال لى السودانى هناك شيخ . وقال كان
شغال موظف مبيوعات فى شركة لبن نيدو 10 سنة فى دبى وكان مرتاح .
الهندى زهجان زهج السنين من أمريكا وشكلو بيحب الخليج حب شديد وصادق .
والله يا الطيب هنا نار والخليج نار والمرشحين ديل كلهم احسن منهم قرين كارد فى
هايتى .
سلام على الخليج
وزى ما قال الشاعر اليمنى القديم :
والله ما اترك غرامك لو يسيل الدم ... او يعلم الناس قاصيها ودانيها .

.. يا الطيب أمسك فى خليجك قوى .

بهرة من ضوء خفيف على العين وقعو مريح
يريح البال هذا البوست
في وسط هذا الزخم.... أنتخبوا مرشجكم رمز
كوز معقود بلحاية تحت شدرة ورامية ضليل

الله يسعدك يا المسنوح
رغم اني مابريدك ضُمّة ( التقول بهررك في كريعي )

لكن أسعدتني هذه المساحة المريحة وبرجع ليك يا الكوكو الفجخ الطين


تحياتي ومودتي

عثمان كيفنك

Quote: يا الطيب الهندى عرفنى سودانى طوالى وقال لى السودانى هناك شيخ

والله يا عثمان اخوي نحمد الله - السودانيون بالذات في السلطنة محترمون جدا ووالله العمانيون لا يسلمون علي سوداني الا وهم قيام .

Quote: والله يا الطيب هنا نار والخليج نار والمرشحين ديل كلهم احسن منهم قرين كارد فى هايتى .

ههههههههههههههههههههههههههههههها وكمان لا اميركي ولا فرنسي ؟

Quote: .. يا الطيب أمسك فى خليجك قوى .

لمتين لكن يا ابو عفان ؟

Quote: الله يسعدك يا المسنوح رغم اني مابريدك ضُمّة ( التقول بهررك في كريعي )

سجم الرماد المسنوح ما تضحكني

كان قبلت عليك هسع بلحقك امات طه

Quote: لكن أسعدتني هذه المساحة المريحة وبرجع ليك يا الكوكو الفجخ الطين

الله لا قبلك آآآآآآآآآآآآآآآآ الشوم

في اتصال من الاخ الاستاذ ابراهيم الامين من العين بدولة الامارات حكى لي هذا الصديق ما يلي :-

في الاية (فمهل الكافرين أملهم رويدا) يقول احد الهنود

ربنا الحين يسوي صبر صبر صبر بس بعدين واجد ترتيب ( معها هزّة راس )

التحية لك ابن عمي ابراهيم وكلامك واجد زين

Quote: ملحوظة: الرجاء هز الرأس مع القراءة للحصول على إيقاع أفضل

حلوة دى ياممسوخ ومدعى.
ده نموذج الإنجليزى عند اليمنيين الـ فى US .
Books = ابواك
I am off today = اليوم انا مأووف {بكسر الواو الثانية}

اكرام
وابو حوة
حرام عليكم بكيتونا والله
ود شيقوق اكفف دموعي وارجع ليك

الفاضلابي

ات الجابك شنو يا مسنوح




وجن


كيفك

ما تنزعجي الكلنكس واجد عندنا

الأخ العزيز ود شيقوق – سلام يغشاك حالك زين بعون الله
"دشيت" بوستك دا نقزت عديل فوق لي الزانا
عشان "طفشنا" من غربة ملعونة أبوها بت سجمانا
لا مالا جمعت أفاخر بيه في بلدي لا رجعة طاريانا
زي جمل الساقية مرسون داير والأرض عطشانا
كلما أقول بكرة كلو تمام والسفر والشنط مليانا
تجيك "أس أم أس" يا راجل حول البنية تب وجعانا
راجع تسوي شنو عارفاك بتشقى عشانا ما نسيانا
مدارس الشفع الأساس والجامعة كترن رسومها علينا
البيت حيطة واقف صنم والإيجار زاد همنا أشقانا
عشان الوليدات أتحزم راجل الحوبة عارفة ما بتنسانا
عارفني بت رجال بشيل الشيلة كأنك أنت معانا
صمت عليك صباح ومساء ما دا قدرنا يا مولانا
دا قدرنا يا مولانا دا قدرنا يا مولانا.
حمد إبراهيم محمد
6-4-2010م

الاخ حمد ود ابراهيم

Quote: سلام يغشاك حالك زين بعون الله "دشيت" بوستك دا نقزت عديل فوق لي الزانا عشان "طفشنا" من غربة ملعونة أبوها بت سجمانا لا مالا جمعت أفاخر بيه في بلدي لا رجعة طاريانا زي جمل الساقية مرسون داير والأرض عطشانا كلما أقول بكرة كلو تمام والسفر والشنط مليانا تجيك "أس أم أس" يا راجل حول البنية تب وجعانا راجع تسوي شنو عارفاك بتشقى عشانا ما نسيانا مدارس الشفع الأساس والجامعة كترن رسومها علينا البيت حيطة واقف صنم والإيجار زاد همنا أشقانا عشان الوليدات أتحزم راجل الحوبة عارفة ما بتنسانا عارفني بت رجال بشيل الشيلة كأنك أنت معانا صمت عليك صباح ومساء ما دا قدرنا يا مولانا دا قدرنا يا مولانا دا قدرنا يا مولانا.

يخسي الغربه كم ذلت حمد جنا الاكرام
خلت ليلو ليلين والشهر أعوام
ظروف الناس بتجبر والقدر حكّام
كتير أوضاع مريره بتفرضه الأقسام

ود ابراهيم اخوي إيه معنى الندم مابفيدنا لو نتحسر
والمكتوم كتير ياصاحبي ما بتفسر
ده قرار قدر بعض الأمور تتعسر
عادل ولا ظالم بمشي ما بتكسريحفظك الله

صديق فوووووق

أنت يا شيقوق الدكتور العمل ليك العملية

هندي ولا باكستاني ؟؟؟

بتشكي لسع ولا بعد العملية أرتحت ؟؟؟

والفلم هندي
والشاي سيلاني
الحلة بصل

فوق يا صديق

ود شيقوق

Quote: خطورة العاملات الاسيويات على تربية الاطفال

ده كان ولازال رأي أنا ...





علشان كِده بعد تفكير عميق ... وعميق جِدًا ... جِبت شغالا " حبشِية "

عزام بالف سلامة على العودة

Quote: علشان كِده بعد تفكير عميق ... وعميق جِدًا ... جِبت شغالا " حبشِية "

عيييييييييييييل دي بتعلم اولادك الشهقة

Quote: عيييييييييييييل دي بتعلم اولادك الشهقة

جاييك تاني بي شهقة المغترب !!
خليك قريب

Quote: الحلة بصل

ده فى عالم جبانات بشكل!!!
ودالمنسى إنت الككو ده فجخ الطين مالو?
شيقا:
قلت لى بتعلم الشهقة?

كان كدى انت إشهقت نامن مسكك الفاق.

Quote: لازم أنا روح بلد **** سوي زواج دقدق انا

اجي يا حمزاوي !!!!!!!!!

شقاشيقو وحياة الله مشتاق ليك ..

بعدين ياخ اخير تربية الشغالات الاسيويات من تربية حريمنا الجنهن نهير وعضعيض اصابعين
الواحد تنهر شافعها وتعضي اصبعها وتقول احييييييييييييّا .. لمن يوم تقطعو وتبلعو (وتريحنا منّو)
خليهم يربوهم الاسيويات ديل ......... ويربننا نحن ذااااتنا معاهم ..

Quote: لمتين لكن يا ابو عفان ؟

طيب يا الطيب تعال لينا بي جاي ...
الناس بدأت تسيب البلد ...
وعندنا فجوة سودانية ...
والناس خايفة من ضياع الزمن ...
والجماعة ديل ضيعونا من زمان .... بين مصر و العراق وليبيا و اليمن وثبة الى الامام فوق هامة الزمن كالاسود لا نهن ... ولكننا تأرنبنا ولسنا كالأسود ومربع ضياع الزمن ...
زازيت بي موضوعك ده قبل فترة ... في البداية ما عجبني ...وقراءتي له اليوم زادتني حباً له ودوما أهرول على مواضيعك وطبيعة العمل لا تمنحني الزمن بالمداخلة ... معك ....
آها المداخلة دي إعتبرها لكل بوستاتك القادمة والماضية ...
جاري في العمل وفي نفس المكتب هندي ... وصراحة قمة الاندماج معاه ... أكثر من فترات سابقة حينما كان بجواري أخوتنا العرب
وحاسس أن هنالك شئ سوداني فيهم أو فينا حاجة هندية .... مش عارف وخاصة القبائل التي تقع شرق خط النيل والنيل الأزرق على امتدادهما في كل السودان قالوا متأثرة بالزي والعطور والعادات الهندية ...

الغربة يا الطيب جهجهة ...وحسرة على فراق الأحباب حرمان من صدر الأم الحنون "الله يرحمها" بعد عن الأرحام بعد ...عن الأصدقاء .. عن
ضل الشتاء الرامي ...
وشمس شتوية دفاية ..
وريحة البن لمن يفوح في قلاية ....
وصورة جدي لمن جيت أمد إيدي ...
جدي أديني تعريفة ....
بتقرأ الحمدو يا المبروك ...
بقراها وعشان تعريفة القاها ..
وبجود في القراية كمان وإيه يا يمه والا ... زمان ...
وسعف حبوبة والكورية والحانوق ...
وصوت سعدية بت جيرانا تشحد ليها في طايوق ...
وصوت عرفة لما تخمج الدلوكة غناية ....
مشتاق يا يمة لملاح النعيمية وريحة صاجك المحروق ...
ولما تسوي طعمية وغباشة روب ... وعنزة حلوب .
بدور أرجع أجيك هناك بدور أتهنى بعيونك ...
وتاري الدنيا من دونك ... شينة ومرة وما بتندار ..
دي حارة ومرة زي النار ...
ولو بتدوري أحكيلك عن أحوالي في الغربة...
هنا الزول العديل ونصيح ...
بعيش وحياتك إنت يا الغالية بي وشين
وزولتي الحتى حبيتها لقيتها براي تحب زولين...
وإيه يا يمه وألا زمان
هكذا وصف التجاني .... حاج موسى الغربة برغم عدم غربته من الوطن ...

نأمل أن تتمسك فوقت العودة لم يحن بعد .... حتى نشوف أخرتها وما بعد التزوير القائم ... ونأمل أن تفوح رائحة قلمك العطر.. دوماً على هذا المنبر الحر ... لنخضبه جميعاً .... بنقش الزمن الجميل والأخلاق ... والأخلاقيات الراقية لنجني منها إن شاء الله ثمراً صالحاً... تستطعمه الأجيال القادمة
مع تحياتي يا الطيب ....

UP

UP
يا شقاشيقو مالك عملت نائم

ود شيقوق
المسألة إذن مسألة معقدة فالمغترب المسكين أصبح يقاسي سؤ حال سوق العمل في دول المهجر ولإزدياد الحال سوءاً على ما هو عليه في الوطن فالعودة مشكلة والبقاء مشكلة.
لكين كان لابد أن نطرح سؤال ، أقل مغترب من المغتربين بتاعين الدرجة السياحية ناهيك عن الـ J class والدرجة الأولي بيكون ليهو بالميت في تلك المهاجر طاشر سنة ، أها زول الطاشر سنة دا لا إستطاع أن يحقق أهدافه من خلال تلك السنوات أو العكس إقتنع بأن الحال مايل وأن تحقيق الهدف ربما يحاكي لحس الكوع ومن باب أولي عليه أن يعود أو يشوف ليهو حته تانيه ، لكين دا للأسف ما بيحصل وتلقي الواحد مكنكش بي إيدينو وأسنانو وما داير يفارق تلك البلاد حتى وهو عاطل ومكسر وقاعد مع ناس شامنو لمن يوصلهم مرحلة إنهم يدخلو يكونو صارين ليهو وشهم وينومو في الويك إند بدري ويجلو العشا عادي والغدا خيانات بره البيت ، أها زول زي دا تلقاهو ما أنفك متشبث بالبقاء حيث هو لا يعير عامل الوقت أى أهمية والمهم أو الهدف عنده هو أن لا يعود إلى بلاده "وكأنها جارت عليه" ويقيني بأنها لم تفعل ولن تفعل ، وزول زي ده أحسن ليهو يسمع خبر نعي قريب أو شخص عزيز عليهو من خبر إنه سوف يتم سفره إلى بلاده بـ exit only visa
الموضوع يا جماعه هو أن الفكر الفردي طاغي على الأوضاع حيث أنتم كل واحد بيقاتل ويناضل من أجل ذاته ليس هناك تنظيم أو عصبة تذلل العقبات وترتب الأمور وتعنى بشئونكم بالرغم من كثرة أعدادكم وهذه أم مشاكل السوداني في الداخل والخارج ، فلسفة العمل الجماعي لا يعرفها ولا يقدر قيمتها بالرغم من أن أجدادنا وأرثنا وتاريخنا متخم بالكثير من نماذج النفير والفزعة وكافة ضروب العمل الطوعي الإجتماعي.
بصراحة في حاجة غلط ، فوسط أو مجتمع مثل مجتمع المغتربين فيه كافة شرائح المجتمع بل يجوز القول فيه أنه يحوي شريحة مثقفة وكوادر ذات تأهيل عالي وكفاءة وخبرات كبيرة ومع ذلك لا أعلم أين الخلل. أهو الفردية وإنعدام الثقة لمواقف شخصية تحدث في كافة المجتمعات في حاجة أنتم أدري بها.
لا تنتظروا خيراً من الحكومة فبعثاتكم الدبلوماسية في مهاجركم لا علاقة لها بشئونكم

تخريمة:
مغترب بكلم مغترب آخر
يا أخي نحن ما سافرنا سوا في طياره واحده أول مرة
التاني ساخراً أنا سافرت معاك إنت
الأول أيوه أول ما هاجرنا وإغتربنا ما كنا سوا وسافرنا مع بعض
الثاني: يا أخي إنت إغتربت لمن الإغتراب كان عيب
===
أخشي ما أخشاه أن يكون الإغتراب قاب قوسين أو أدني من أن يكون معيباً وبالتالي تبقي العودة للوطن بكل ما فيه من مآسي وآلام ضرورة

يا الجمري

ويا عثمان

ويا الملا عمر

اخخخخخخخخخخخخخ انتو مولعين بجاى وانا غافل لحدي البوست قنجر بعييييييييييييييد

جاييكم للرد على ما تفضلتم به من حلو الكلام


شكرا استاذ عثمان على التنبيه

جايييييييكم

Quote: بعدين ياخ اخير تربية الشغالات الاسيويات من تربية حريمنا الجنهن نهير وعضعيض اصابعين الواحد تنهر شافعها وتعضي اصبعها وتقول احييييييييييييّا .. لمن يوم تقطعو وتبلعو (وتريحنا منّو) خليهم يربوهم الاسيويات ديل ......... ويربننا نحن ذااااتنا معاهم ..

شكيتك على الله يا ود الجمري الداير تسدد بيوتنا

انت وين وين يا اخي المنبر غيرك كوم رماد

Quote: هناك الكثير من السودانيين في دول الخليج العربي الذين يحاكي حالهم حال كومار وربما أسوأ "البحر خلفي والكفيل أمامي وسيد السكن عن يساري وإلتزامات

وجهاز المغتربين من حولي

والسفارات فوقي

والتعليم امامي

ومصاريف الابناء والداخليات في داخلي

وسفرهم ذهاب وعودة في قلبي

والهواء في جيبي

وفي النهاية انا المغترب الضايع

وفي كل الاحوال كومار احسن علي الاقل ما عندو جهاز للجباية المقننة.

ودمتم في خير صديقي الوفي ود شيقوق

الملا عمر

Quote: الموضوع يا جماعه هو أن الفكر الفردي طاغي على الأوضاع حيث أنتم كل واحد بيقاتل ويناضل من أجل ذاته ليس هناك تنظيم أو عصبة تذلل العقبات وترتب الأمور وتعنى بشئونكم بالرغم من كثرة أعدادكم وهذه أم مشاكل السوداني في الداخل والخارج ، فلسفة العمل الجماعي لا يعرفها ولا يقدر قيمتها بالرغم من أن أجدادنا وأرثنا وتاريخنا متخم بالكثير من نماذج النفير والفزعة وكافة ضروب العمل الطوعي الإجتماعي.

بوركت يا الحبيب - اتفق معك تماما من يجد له قبلة في الغرب فاليعد لاهله


الخال حسن ود البوب

قلت لي شنو كومار احسن مننا لانو ما عندو جهاز جباية ؟

ههههههههههههههههههههههههههههها