الترابي : اذا فاز البشير الخطر سيكون اعظم

في اشارة الي ما حدث في ايران
وكينيا بعد الانتخابات الرئاسية

ولكنني اختلف معه في هذا التحليل
الذي سبقه اليه ياسر عرمان

سلام ود الكباشي
نقطة الاختلاف شنو

غايتو ماعارف لكنها شكلها


ماشه لي لون تاني

احمر نار

ربنا يستر على البلد وعلى أهلنا الطيبين في كل ربوع السودان شرقاً وغرباً وشمالاً وجنوباً

هذا ما توقعته أيضاً:
سيناريو الانتخابات القادمة : لن يفرح المؤتمر الوطني كثيراً

Quote: غايتو ماعارف لكنها شكلها ماشه لي لون تاني احمر نار

الا تكون العدل والمساواة يا اخ سيف عندها راي تاني

نقطة الاختلاف انو في البلدين المذكورين كان هناك تنافس حقيقي
وفي ايران كان الموسوي فائزا حسب احصاءات التصويت لكن النتيجة تغيرت فجأة
لصالح نجاد وكذلك في كينيا التنافس اخذ طابعا قبليا مما اورث تداعيات عنف
قد تكون مادة خصبة لاوكامبو الذي يعتزم الذهاب الي كينيا للتحقيق فيها
في السودان هذا التنافس الحاد مفقود والكل بات مقتنعا سلفا ان البشير حيفوز
وحتي عرمان الذي قال هذا الكلام في البدء لم يصمد للمنافسة
اذن اجواء الاستسلام السائدة يا اخ علي ميرغني في السودان لا تنبئ ان هناك سيناريو مشابه لماحدث في كينيا وايران

وشكرا لمرورك الكريم

جزء كبير من كلامك صاح لكن في شئ مهم ملاحظتو
دكتور الترابي ما اظن يخلي فوز البشير يمر كدا بسلام
والادلة
حديثوا عن كلام البشير عن الاغتصاب في دارفور ودا طبعا كب بنزين بصورة واضحة في مشكلة دارفور ونفس الموضوع قبل كدا كتل المرحوم محمد طه
وما تنسى انو الترابي هدد بالطامة الكبرى ... وكثير من انصاره دبابين ومن قدامى محاربي الدفاع الشعبي الممكن يموتوا في سبيل فكرة اقتنعوا بها .. طبعاً ما بالضرورة تكون فكرتهم صاح
والله يكضب الشينة

عليكم الله هسه فى اخطر من انه الترابى يكون جزء من المشهد السياسى ...قال خطر قال.

..
.
والله اخطر من الترابي الا الشيطان..

---------

حسي لو كان نميرى اعدموا لينا
ما كان وقعنا فى الحفرة الغريقة دى ..