Post: #1
Title: صورة إحباط ..!!
Author: الملك
Date: 04-04-2010, 11:53 AM
بدأت فى الإنتشارعلى صفحات الإنترنت والمنتديات الحوارية
تعكس أراء شباب نشِط نوعا ما كان يعول أشياء
وتحطمت آماله على "سوق السياسة"..!
|
Post: #2
Title: Re: صورة إحباط ..!!
Author: GamarBoBa
Date: 04-04-2010, 12:25 PM
Parent: #1
ومنو ما الكفر بيهم
وهم كانت ملتهم شنو وطعهم ذاتو شنو عشانو يآمنوا بيهم،عمايا ومكسرين ما قادرين يشيلو بعض ،شيلوا الشعب المنتكس ده امراضهم وأوهامهم،صدروا ليه فشل سنين طويلة وقاعدين يتبسموا ويجعروا ليل في وسائل الاعلام لا بخجلوا لا بختشوا.
واضيف ليهم كمال شداد كدة مني ساي
_
الامانة عندي تقتضي ان لا تتضمن القائمة علي عثمان لما انجزه من سلام واتفاقية شجاعة فيها اعتراف للظلم الذي حاق بالجنوب من الشمال.
تحياتي ناجي
|
Post: #4
Title: Re: صورة إحباط ..!!
Author: abuguta
Date: 04-04-2010, 12:32 PM
Parent: #2
| Quote: واضيف ليهم كمال شداد كدة مني ساي |
قلت لى ياقمر كورة وسياسة,,,
يا ملك,,سلم لى على شباب قرقنا
وقول ليهم سنين القرف زادت
|
Post: #17
Title: Re: صورة إحباط ..!!
Author: الملك
Date: 04-04-2010, 11:29 PM
Parent: #4
Quote:
يا ملك,,سلم لى على شباب قرقنا
وقول ليهم سنين القرف زادت |
أبو قوتة ديل بتكون جاتهم
كٌل أمراض المغصة..الممكنة فى البلد دى
..
انتا كيفنكــ
|
Post: #5
Title: Re: صورة إحباط ..!!
Author: عبد الحكيم نصر
Date: 04-04-2010, 12:33 PM
Parent: #2
Quote: الامانة عندي تقتضي ان لا تتضمن القائمة علي عثمان لما
انجزه من سلام واتفاقية شجاعة فيها اعتراف للظلم الذي حاق بالجنوب من الشمال. |
ليه يعني؟
السبب الرئيسي في الفيهو نحن شيخ علي ده
قمر مالك داير تعذبنا في ايامنا الما فايتة دي؟
|
Post: #20
Title: Re: صورة إحباط ..!!
Author: الملك
Date: 04-04-2010, 11:45 PM
Parent: #5
عبد الحكيم...
الصورة لم تستثنى احداً,,,
ولا يجب أن تستثنى... احداً
|
Post: #6
Title: Re: صورة إحباط ..!!
Author: الملك
Date: 04-04-2010, 12:38 PM
Parent: #2
| Quote: الامانة عندي تقتضي ان لا تتضمن القائمة علي عثمان لما انجزه من سلام واتفاقية شجاعة فيها اعتراف للظلم الذي حاق بالجنوب من الشمال. |
نفس الامانة تقتضى بنقل نفس الصورة بدون تعديل..!
فيبقى هو رائ اغلبية شباب "تنساهم" هؤلاء فى خضم مبايعات شتى
...
واعلم تماماً ان غالبية البورد ينتمون
إلى "أحزاب" قد يرون فى هذه الصورة .. شئياً محبطاً وثقيلاً عليهم
غير أن الصورة أعلاه ...تمثل
رؤساء احزاب ... واركان دولة ... متعاقبين فى
الحُكم ... والصداقة ... والعداء
على حسب ما تهوى السياسة .. بدون أى مبادئ ثابتة
|
Post: #3
Title: Re: صورة إحباط ..!!
Author: جلال جبريل
Date: 04-04-2010, 12:30 PM
Parent: #1
ومن تبعهم
|
Post: #7
Title: Re: صورة إحباط ..!!
Author: مرتضى احمد عبد القادر
Date: 04-04-2010, 12:43 PM
Parent: #3
سلامات يا ناجي البركه في الشباب ديل خلوك ظهرته
Quote: تعكس أراء شباب نشِط نوعا ما كان يعول أشياء
وتحطمت آماله على "سوق السياسة"..! |
قصدك بالشباب ديل ناس قرفنا ؟؟؟
قمر يويا ليك وحشه
Quote:
واضيف ليهم كمال شداد كدة مني ساي |
كان بدينا اضافات الموضوع ما بيقيف في كتار وفي مجالات مختلفه مفروض يضافو لممواسير اعلاه
|
Post: #19
Title: Re: صورة إحباط ..!!
Author: الملك
Date: 04-04-2010, 11:42 PM
Parent: #7
| Quote: قصدك بالشباب ديل ناس قرفنا ؟؟؟ |
لا ...
شباب عادي بدون أي إنتماءات أو منظومات
شباب ... كانت كُل أمله فى هذه الإنتخابات كلمة يقولها عن طريق صوته...
معظمهم لم يعايشو فكرة الإنتخاب اصلاً
...
...
فهمتا الحارة وين يا زكريا
شعبك البتعشمو كل مرة
وتزووووغ منو فى اقرب لفة دا
تانى ما بتعشم ليكــــــــ..
|
Post: #8
Title: Re: صورة إحباط ..!!
Author: خضر حسين خليل
Date: 04-04-2010, 12:43 PM
Parent: #3
صورة أكثر من معبرة أحبطونا جميعهم
ولا إستثني أحداً
|
Post: #21
Title: Re: صورة إحباط ..!!
Author: الملك
Date: 04-04-2010, 11:49 PM
Parent: #8
Quote: صورة أكثر من معبرة أحبطونا جميعهم
ولا إستثني أحداً |
|
Post: #9
Title: Re: صورة إحباط ..!!
Author: محمد زكريا
Date: 04-04-2010, 12:48 PM
Parent: #3
والله من الاحباط دايرين نكوريك....غايتو فتحنا لينا بوست زي ده كده
حاله عامه
|
Post: #22
Title: Re: صورة إحباط ..!!
Author: الملك
Date: 04-04-2010, 11:54 PM
Parent: #9
| Quote: والله من الاحباط دايرين نكوريك....غايتو فتحنا لينا بوست زي ده كده |
الناس دي مفتكرين الموضوع حيكون إنتخابات
وانتهى...
الكلام دا ... اسمو النهاية لجميع الآمال فى حركة شعبية قائمة على فكرة السودان المُوحد
فالنهاية التى خلصت هى ان الحركة الشعبية ... هى حركة جنوبية إنفصالية يهمها الجنوب فقط
...
...
الاحزاب السياسية بمختلف إتجاهتها عجزت عن التعبير عن أهداف شعبها ... وقطاعتها والتغيير حتى فى مرشحيها
أناسُ تجاوزو سن القيادة ... واقصد قيادة المركبات ..ويصرون على الظهور والتشبث بالرئاسة
....
والحزب الحاكم تملأه أرهاصات الغدر والفساد ... وجميع أمراض الحكومات المعاصرة وغير المُعاصرة
انا ما داير افتح لى بوست
انا داير افتح لى بيت بكـــــــا
"اسمو الوطن"
|
Post: #10
Title: Re: صورة إحباط ..!!
Author: GamarBoBa
Date: 04-04-2010, 12:49 PM
Parent: #3
يا حكيم
الصورة دي انا لما شفتها من فوق لتحت حيقيقة ما شفت زول اسهم في انجاز سوداني يصون للانسان السوداني حياته ويحفظ السلام غير علي عثمان.
واجبات علي عثمان تجاه تنظيمه وما يقوم به شيء يحاكم به تنظيمه ورئيس تنظيمه قبل شخصه،وانا هنا لا ابرر لعلي عثمان لكن الشهادة لله اتفاقية نيفاشا البقت راكوبة كان عمل عظيم وكبير في تاريخ السودان رغم الحال الليلة ويمكن يقاسمه في الجانب الاخر قرنق.
بالاضافة الي ان علي عثمان وفي سوق السياسة العايشنه ده وطيله فترة وجوده في السلطة ما سمعته بشتم في زول ولا يستهزئ بالرقاب،رجل يتحدث بلباقة في اي موضوع.وبغض النظر عن مواقف الاحزاب او خصومه منه هو رجل استراتيجي وسياسي به ذكاء عالي جدا
هذا لا ينفي ان للرجل مهامه التنظيمة التي انا شخصيا لا اعرفها ولا اعرف حدود سلطاته
وضع البيض كله في سلة واحدة قد يقودنا الي نكران انجازات حقيقية
تحياتي
|
Post: #11
Title: Re: صورة إحباط ..!!
Author: عبد الحكيم نصر
Date: 04-04-2010, 12:58 PM
Parent: #10
| Quote: ولا يستهزئ بالرقاب |
الاقتباس مقروء مع مشاهدة الفيديو التالي
http://www.youtube.com/watch?v=dBuuOt_9SPM
يا قمر كل كوارث السودان من تحت راس علي عثمان دة
ونيفاشا حدثت بضغوط دولية..
|
Post: #13
Title: Re: صورة إحباط ..!!
Author: GamarBoBa
Date: 04-04-2010, 01:29 PM
Parent: #11
والله يا حكيم سكيتني سكة مبالغ فيها
الصوت ما شغال عندي
لكن كل البقدر اقوله وواثق منه انو الزول ده عشرين سنة خطابه منضبط يعني اقل رتبة في جهة امنية ممكن يسمع الناس كلام فارغ هو بالعكس انا زي ما قلت ليك ما شفت شي وقف عنده الشارع السوادني زي الشحادين واصوات المخمورين وتقطيع الاوصال و و و
ولانو بعتبر نيفاشا انجاز وهو انجز وبعد الاتفاقية يمكن حتي تم تهميشه جزئيا-حسب ما اتصور- واكرر ما قلته أن علي عثمان حسب تقييمي يختلف من القائمة المحبطة اعلاه في كثير من مواقفه وتحركاته السياسية والمقدرة العقلية.فالرجل ذكي لدرجة انه لم توجه له من الشارع العام وحكاوي السودانيين شيء يجعله مدانا كالآخرين في نظر الشارع العادي.
معليش يا حكيم افصل لي حتة علي عثمان كشخص ساهم في انجاز سوداني كبير و باقي القائمة المحبطة الما عملت اصلا حاجة غير قاعدة تعقد في الامور ده لانو زي ما قلت ليك عشان ما ننكر انجاز شخص.
حتت انو طوالي الضدنا ضدنا والموقف العميان هو قاعد يأخرنا كتير وبرضو سبب في العايشنه ده.
يعني شوية مرونة لازمة ...ده تاريخ وحيتكتب رضينا ولا ابينا القوم الحرب منو والودا الناس كتلهم في الجنوب وكتل الجنوبيين منو والجاب السلام منو،يعني لايستقيم ان تقارن بين شخص يجيش والجيوش لقتل اولاد البلد والتاني المشي جاب السلام.
الاتفاقية لو بضغط من الامريكان وسلمنا بيها طيب ليه قرنق بطل قومي ناضل وجاب السلام وعلي عثمان مجرد باش كاتب كان بوقع في الاوراق مش علي عثمان برضو ناسه كانوا بحاربوا وهو مرق من نصهم واختاره قرنق عشان يفاوضه وجاب السلام برضو؟؟
تحياتي
|
Post: #15
Title: Re: صورة إحباط ..!!
Author: عبد الحكيم نصر
Date: 04-04-2010, 01:35 PM
Parent: #13
| Quote: والله يا حكيم سكيتني سكة مبالغ فيها |
خليتك
بس كلامك قسم ظهري ووظهر البئير
|
Post: #14
Title: Re: صورة إحباط ..!!
Author: عمران حسن صالح
Date: 04-04-2010, 01:31 PM
Parent: #11
بروفايل مٌعبِر أحترم من رسمه
سلام يا ملكـ
|
Post: #23
Title: Re: صورة إحباط ..!!
Author: الملك
Date: 04-04-2010, 11:55 PM
Parent: #14
| Quote: بروفايل مٌعبِر أحترم من رسمه |
رأي واضح وصريح
وليس متزحلق يمنة ويساراً
..
كعودة احدهم إلى السباق الإنتخابى
وإنسحاب أحدهم من الرئاسة
وتخلى
وتجلى
"الله يفقع مرارتهم"
|
Post: #12
Title: Re: صورة إحباط ..!!
Author: GamarBoBa
Date: 04-04-2010, 01:01 PM
Parent: #10
ابقوتا
نعمل شنو
محبطين في كل الاتجاهات
يا ناجي اخراج علي عثمان لم اعني به التعديل علي الصورة،،بقدر ما اعني ان هنالك تعميم في الاحباط لدرجة أن ننكر ما انجزه الآخر حتي لو كان ضدنا.
تحياتي
|
Post: #16
Title: Re: صورة إحباط ..!!
Author: Omer Mustafa
Date: 04-04-2010, 01:38 PM
Parent: #12
السودان الآن تنعق فيه الغربــان ...
صار الجميع يبحث عن صقر الجديان ...
...
وبكره أحلي ...
|
Post: #24
Title: Re: صورة إحباط ..!!
Author: الملك
Date: 04-05-2010, 00:05 AM
Parent: #16
ايوة أحلى ...
شكلو كدا
|
Post: #25
Title: Re: صورة إحباط ..!!
Author: الملك
Date: 04-05-2010, 00:15 AM
Parent: #12
قمر بوبا هى بقت على ... على عثمان
كدى الله يخلينا نتعود على صورة بلدنا الجديد دا
بعدين مافى زول حيتذكر محاسن ... اى زول ...
صدقنى ..بالعكس ستؤول المسئولية التأريخية بصورة عكسية فى إنفصال الجنوب إلى مهندسى الإتفاقية أنفسهم
وخاصة ما كانو يقودون دفة الامور بعد التوقيع عليها...
فى كل الطرفين
|
Post: #18
Title: Re: صورة إحباط ..!!
Author: الملك
Date: 04-04-2010, 11:39 PM
Parent: #3
إلى يوم الدين...!
|
|