وليد الشِفِت يتألّق في قناة الجزيرة (فيديو)

إضغط لسماع وليد محمد المبارك

يا حلاوة يا اولاد ..
اخيرا ظهر زول في التلفزيون غير الديناصورات ..

ولي يا شفت
بالتوفيييييييييييييق
ولي قدااااااااااااام
قعدة معلم والله

ميادة يديك العافية ياخ

ههاهاهاهاهاها

يا حميده
ملاسي بتونس معاي في التلفون

قلت ليه يا ملاسي يعني وصلت ؟

قال لي يا زول انت عبرت عديل ما وصلت

هاهاهاهاهاهاهااااااااااااااااااااااااااااااي

ده شفت ومقرم


وكمان بعرف يطلق رصاصات الرحمة علي كهول السياسة بطريقة متقنة جداً



شايف يا علاء الديمقراطيين الايام دي قايمين شتيمة في قناة الجزيرة


يمكن برضها بقت مؤتمر وطني والحمد لله

والله يا وليد لو تطلع فيها ماااشة ما ف ليك طريقة ..

..
لكن كويس يا شفت .. رسل التذاكر نجي نشتغل ليك الحملة .. وبالمرة كتر لينا من الباسطة ..


بت الكلب الشعيرية

يا تامبا قول عاوز ليك فرصة تجي لي مرتك
ما تعملني حجتك يا معلم

بت الكلب ساكت الشعيرية

شغل نضيف يا وليد

تسلم يا معاوية شكرا على الصور

يا السيدح

انا عاوز حقي زي ما قال هاني رمزي في الفلم


هاهاهاهاهاهاهاهاهاهاها
يديك العافية

سلام ياوليد ليك مليون تحية مربعه بقدر اميال البلد
والتي لم تجد من يستثمرها خطوة جبارة ونتمنى لك التوفيق
والفوز ومشوار المليون ميل ببدأ بخطوة حتى ولو ماوصلت لاسمح الله
كفاية جدا لك قصب السبق في فتح المجال للشباب لخوض غمار المنافسة مستقبلا
وان شاءالله تفوز
نتمنى ان تتاح لك فرصة اخرى وابقى ادينا خبر لسبب

مرحب الاخ عادل خياري

ياخ امسحها في وشنا
والله مداخلتك دي ما شفتها الا الليلة
الظاهر اننا كبرنا وبقينا ما بنشوف

شكرا كتير يا زوق
واكرر الاعتذار

كلقاء اول

لا باس به يا وليد من ناحية التماسك

لكن نقاطك كنت حريص على التعميم وعندك فرصه توضح انك نازل لشنو وبرامجك شنو

والسياسي الذكي بستغل اي سانحه حتى لو 4 دقائق في لقاء تلزيوني يوصل برامجه

طبعا هذا في حالة ان وجد

ثانيا:

اعتقد السؤال حول المشهد السياسي السوداني

كان المزيع عايزك( رغم انه بتاعج الجزيره الكيزانيه)

توضح رؤيتك حول المشهد السياسي اي يقصد ما يقال عن التزوير وغيره

ولكنك ( لوصت) الامر وادعيت انه المطروح لا يمثلك كشاب وانه الشباب يرغبون في دماء جديده

وهذه لم تكن نقطة المزيع المعنيه!


شكله هو حمد ربه برضو انك زوغتها وهو زوغها معاك.




تظل قناة الجزيره كيزانيه

وانتقائيه لضيوفها

لذا لن نجد مرشحين شباب امثال نور الدين صلاح الدين

ولكن ممكن نلقى انصاف كيزان

او مستقلين غير صلبين ما بقولوا للاعور اعور في عينه زي ناس وليد


عشان يقولوا كلام خارم بارم ويوحوا للعالم انه في انتخابات و الامور ماشه باسطه!

Quote: كلقاء اول لا باس به يا وليد من ناحية التماسك

.. والله يا وليد مني منك بعد كدا انسحب ..

هيا عاين دي .. عايزه تنظر في اللقاءات التلفزيونية كمان .. إنت وليد دا قبل كدا ما شفتيهو في التلفزيون واللا شنـو؟؟
خلك من وليد انا القدامك دا ما شفتيني في الشروق ..
والله بتبالغي ..

يا تامبا
ياخ تراجي دي مصورة مع اوباما ياخ

والله ياكبتن وليد ياخوي ايامك
يعني نرجع السودان ونشيل ليك الشنطة ولا شنو
(سكرتيرك الخاص وكدا)

كابتن ولي
انا لاقيك وين ياخ

تعال انت بس
وانا بشيل ليك الشنطة

Quote: لذا لن نجد مرشحين شباب امثال نور الدين صلاح الدين ولكن ممكن نلقى انصاف كيزان او مستقلين غير صلبين ما بقولوا للاعور اعور في عينه زي ناس وليد عشان يقولوا كلام خارم بارم ويوحوا للعالم انه في انتخابات و الامور ماشه باسطه!

هههههههههههههههههه


نشوفهلا في الاعادة ..

ان شاء الله دايما ضاحك يا فايز

100% يا شفت

____________
شكرا يا علاء

Quote: ماكَ هوين سهل قيادك سّيد نفسك مين أسيادك؟ ديل أولادك وديل أمجادك ونيلك هيلك جري قدامك تحت اقدامك رجع صداك وسجع نحاسك وانت نسيج الفدا هندامك وانت نشيد الصبح كلامك وعطر أنفاسك

ويتحول الهمس جهراً

وتتضح صورة الصراع الذي بدأ

بين اجيال اقسمت ان تسلمها للمسيح

واجيال ترى ان اوان دورها في ادارة دفة البلاد اتى

اليوم تتحدث تادباً وتقول لهم ان فكركم وادواتكم لاتشبه جيلنا

لكن غدا سيكون طعم الرفض مريراً ...


اذهبوا الى كتابة مذكراتكم يرحمكم الله


البصاص

يا بصاص يا صديقي

تسلم

لقاء جيد يا وليد
كما قالت تراجي كان ينبغي ان تستفيد من الفرصة اكثر لعرض برنامجك .

اعجبني ايضا حديثك بالعامية لقربها من الناخب .

بركه العدلت صورتك ..
كده برشحك
ولا شنو؟

مرحب عليش

انت موش عليش ود السابعة

انت محسوبين مع غرب الحارات

هاهاهاهاهاهاه

بالتوفيق ياوليد
وأناوأثق حـتفوت الكبار والقدرك

احمد المعتصم يا صديقي

تسلم وشكرا كتير

الاخ / وليد محمد المبارك

لك كل التحية والاحترام وانت تمثل صوت الشباب الطاهر النقي الذي نحتاج اليه في وطننا الحبيب .

احييك وانت تقول كلمة الصدق بان تلك الاحزاب القديمة لا تلبي طموحات اي سوداني غيور ... دي احزاب قديمة وبالية ومتهالكة وديناصورات كل الحكومات يعني مسجلة باسمائهم من الاحد الي اللحد .... مزيدا من العطاء ونحن معاك بس فكونا من القديم البالي المتهالك .

مزيدا من النجاح

ياسر الملك شكرا كتير
يديك العافية

لقاء موفق يا أخي وليد ..

أتمنى لك التوفيق ..

اعتبرني في السودان وصوت ليك بالله ..

تستاهل والله ..


جاد

يديك العافية اخي جاد

شكرا كتير

مرحب عادل

يا ريت والله

لكن المقابلة كانت لغرض محدد لو كنت عرجت بيه كنت بكون ما نزيه

شكرا كتير يا صديق

يديك العافية يا نعومة

يا تراجي برنامجي هنا لو بتسالي عنه فعلا

http://www.votefuture.org/

اما نازل لي شنو فده الكنت بتكلم عنه طيلة اللقاء
نازل اناطح الديناصورات القديمة من كافة الاحزاب .. عاوزين شباب
في المنبر ده من يوم دخلته كلامي كان واحد اني ضد الديناصورات ايا كانت ومهما كان برنامجها

ده زمنا
وده ما كنت بتحدث عنه وكنت عاوز اوصله وده سبب ترشحي


بالنسبة للمزيع عاوز يوضح شنو ده شي بخصه .. انا اوضح ما اريد ان اوضحه فقط .. بعدين المزيع ما سال عن التزوير ولا كان بسال عنه
كان بسال عن الخطاب العام لحزاب حكومة ومعارضة في مجمله وهل ده بلبي طموحي كشاب ولا ما بلبيها

Quote: تظل قناة الجزيره كيزانيه وانتقائيه لضيوفها لذا لن نجد مرشحين شباب امثال نور الدين صلاح الدين ولكن ممكن نلقى انصاف كيزان او مستقلين غير صلبين ما بقولوا للاعور اعور في عينه زي ناس وليد عشان يقولوا كلام خارم بارم ويوحوا للعالم انه في انتخابات و الامور ماشه باسطه!

زماااااااااااااان هنا جعفر بشير نبح لمن صوتو بح
ونصح المعارضة انها تعمل ليها قناه خاصة
مافي زول اشتغل بيه الشغل

Quote: عشان يقولوا كلام خارم بارم ويوحوا للعالم انه في انتخابات و الامور ماشه باسطه

هاهاهاهاهاها
الكلام ده قبل ما اكون على الهواء بدقائق
قالوا الامريكي الخواجة بتاع الحكومة الامريكية
يا الله
يكون قريشن برضو مؤتمر وطني ؟
زي الجزيرة

المهم يا تراجي الحقود انا مستقل اكتر منك يا نصيرة الصهاينة

شكلك ما بتتحمل النقد وقال عايز ديمقراطيه!

Quote: المهم يا تراجي الحقود انا مستقل اكتر منك يا نصيرة الصهاينة

ده الله قدرك عليه.تستحق الشفقه.

وحكاية انك ضد الديناصوات ده ما كافي.

و ده ما اسمه برنامج ولا بيوضح مدرستك الفكريه.

ده نقد ده

Quote: ولكن ممكن نلقى انصاف كيزان او مستقلين غير صلبين ما بقولوا للاعور اعور في عينه زي ناس وليد عشان يقولوا كلام خارم بارم ويوحوا للعالم انه في انتخابات و الامور ماشه باسطه!

هسع انا ما قاعد اقول ليك انت عوره في عينك
وانا مدرستي الفكرية ماركونتي



اسمعي يا ستي
عاوزه تنتقدي وتناقشي اختى الاشارات القبيحة البترسلي فيها في المنبر ده من وكت جيتي .. وشوفي هل حا تلقي نقاش ولا ما حاتلقي
حينها فقط يكون عندي قابلية استقي منك واستفيد

تسلم يا ابو علوه يا فرده
لكن البتاع ده ما اشتغل معاي

Quote: لكن البتاع ده ما اشتغل معاي

مباااااااااااالغة
يكون جهازك صيني
هههههههههه

Quote: مباااااااااااالغة يكون جهازك صيني هههههههههه

هاهاهاهاهاهاهاهاهاهاها

نوكيا اصلي يا ميادة

Quote: لكن البتاع ده ما اشتغل معاي

شوف الفيديو في القروب هناك

http://www.facebook.com/group.php?v=app_2392950137&gid=...&oid=102184443152686

او هنا مشاهده وحفظ

http://www.zshare.net/video/745571507e8cb4f2/

علاء ماقصرت جبتا لينا اليلة زول غير البشير.
وليد كلامك كويس.
بالنسبة لرئاسة الجمهورية طبعا كلهم قدام الان بعد انسحاب ياسر عرمان.
تاني مافي زول جايب خبر السودان الجديد .
حتصوت لي منو؟؟؟

مدحت يديك العافة

وشكرا كتير

انا ياسر عرمان ما كنت شايله اساسا

هسع حا اصوت لكامل ادريس وبعده لعمر البشير

يا معاوية يا طمعان في كرمك يا ريت لو عندك فلاش بلير 10

ابى ينزل معاي من الصفحة الرسمية

for Internet Explorer

http://fpdownload.macromedia.com/get/flashplayer/curren...ayer_10_active_x.exe
________
for Firefox, Mozilla, Netscape & Opera

http://fpdownload.macromedia.com/get/flashplayer/curren...all_flash_player.exe


دي روابط مباشره لو ما نزلت معاك ارفعا ليك في موقع تاني ..

Quote: Access Denied You don't have permission to access "http://fpdownload.macromedia.com/get/flashplayer/curren...10_active_x.exe"; on this server. Reference #18.906470c2.1270311144.2212fae

يا معاوية مشكور لكن بجيب لي الرسالة دي
ما عارف مني ولا منهم

بصراحة توقعت اداء افضل من كده!

مرحب طارق
انا زاتي اتوقعت اداء افضل من كده
السبب انه اللقاء ده تم بسرعة القاء كان الساعة 3 بتوقيت السودان
وناس الجزيرة لمو فيني الساعة واحده ونص وكنت في مدينة بحري
رجهت البيت في الثورة التاسعة استحميت غيرت ولبست على عجل
مشت الاستديو في هيلتن وكت وصلت كان فضلت دقائق فقط للمقابلة وهي على الهواء

ما كنت عارف الموضوع شنو
لولا الاخ الكريم لقمان كنت حا اكون طاشي
هي الونسني وهداني وقال لي الموضوع عن الشباب بصورة عامة
اخد راحتك في الكلام

لحدي ما قعدت ما عارف نوع الاسئلة
الردود دي مباشرة يا طارق من غير ترتيب او دراية مسبقة او حتى مذاكرة

شكرا كتير

شكلو محجوب عندكم دقيقه ارفعو ليك في موقع تاني

الاتنين للاكسبلورر وباقي المتصفحات


http://www.zshare.net/download/74561543b99a61b1/

او

http://www.mediafire.com/?ntjgdnzotht

ماشاء الله ياوليد

لى قدام وبالتوفيق

تمام يا ولّي

Quote: كلقاء اول لا باس به يا وليد من ناحية التماسك لكن نقاطك كنت حريص على التعميم وعندك فرصه توضح انك نازل لشنو وبرامجك شنو والسياسي الذكي بستغل اي سانحه حتى لو 4 دقائق في لقاء تلزيوني يوصل برامجه طبعا هذا في حالة ان وجد ثانيا: اعتقد السؤال حول المشهد السياسي السوداني كان المزيع عايزك( رغم انه بتاعج الجزيره الكيزانيه) توضح رؤيتك حول المشهد السياسي اي يقصد ما يقال عن التزوير وغيره ولكنك ( لوصت) الامر وادعيت انه المطروح لا يمثلك كشاب وانه الشباب يرغبون في دماء جديده وهذه لم تكن نقطة المزيع المعنيه! شكله هو حمد ربه برضو انك زوغتها وهو زوغها معاك. تظل قناة الجزيره كيزانيه وانتقائيه لضيوفها لذا لن نجد مرشحين شباب امثال نور الدين صلاح الدين ولكن ممكن نلقى انصاف كيزان او مستقلين غير صلبين ما بقولوا للاعور اعور في عينه زي ناس وليد عشان يقولوا كلام خارم بارم ويوحوا للعالم انه في انتخابات و الامور ماشه باسطه!

اليومين ديل الواحد قبل مايدخل المنبر
لازم يتأكد إنة أخد تطعيم التيتانوس........

_____________________________

تمنياتى لك بالنجاح يا وليد
وحتى بعد أربعة سنوات قادمة سوف تكون شاباً فتياً
مش ديناصورة...

لقاء جميل واعتقد انه كان اجمل لو تحدثت ولو با ختصار عن برنامجك الانتخابي
اما عن كهول السياسية وغيرها فاعتقد انه هناك جيل شبابي بنسبة مقدرة
وسط الاحزاب الكبيرة مما يدلل على تلاقح وتتابع اجيال .
امنياتي لك بالتوفيق ولكل الشباب الصادقين من اجل غد ديمقراطي واثق.

نيازي سلامات

Quote: لقاء جميل واعتقد انه كان اجمل لو تحدثت ولو با ختصار عن برنامجك الانتخابي

يا ريت والله يا نيازي
بس المقابلة كانت محكومة .. وهي اساسا ما كانت عن برنامجي
يا ريت لو كانت عن برنامجي وده كان بكون افضل دعاية ليه انه يكون الحديث عن برنامجي في الجزيرة
لو عرجت من الهدف حق المقابلة وتحدثت عن برنامجي
كنت بكون استغلالي وغير نزيه

Quote: اما عن كهول السياسية وغيرها فاعتقد انه هناك جيل شبابي بنسبة مقدرة وسط الاحزاب الكبيرة مما يدلل على تلاقح وتتابع اجيال .

والله يا ريت يا نيازي
ياريت ما يكون وسط الاحزاب بل يكون في مقدمتها

Quote: امنياتي لك بالتوفيق ولكل الشباب الصادقين من اجل غد ديمقراطي واثق.

شكرا كتير ويديك العافية

الشكر للتنويه والتنبيه ....
بعيدا عن كل المؤثرات والانتماءات ومن اجل حق وغد افضل لاجيالنا الصغيرة والشابة فهذا الشاب وفقما سمعت يعطي
صورة تمثل بداية للخلاص من اعادة تدويير اسقاطاتنا وفشلنا السياسي والاقتصادي والاجتماعي (وليس هنالك جهة سياسية من 1-1-1956 وحتي اليوم خارج دائرة الفشل التي اعني)...
امل ان يجد ما يستحق....

شكرا جزيلا استاذ ابوبكر

يديك العافية

يديك العافية العزيز حسين مكاوي

يديك العافية ياود البشرى

يديك العافية يا منعم

تسلم

معاوية يا حبوب

شكرا كتير ياخ
البتاع اشتغل 100% بعد مجهودك المقدر

جميل يا وليد

غايتو يا علاء دة أول بوست تعملوا في الفترة الأخيرة دي

وما يفقع مرارتي


شكيتك علي الله كان داير ترفع ضغطي

ولــى يا مرشـتح ..


ســلامات ليك ... كنــت حاضـرا فى اللقاء حضورا يعبر عن شخصيتك ...


كشــا بينــزع نحــو الانفــكاك مــن اجيال مــا بعد الاستقلال وما بعدهم ..


فشكرا لك هــذا العطـاء ونحو المزيد انشاء الله ..


_________

اسمــع منــى ديــل وما يضير لو اختلفنا / اتفقنـا حولهمــا


* الظهور بمظهـر الشاب الرافــض للاجيــال السابقــة اظــن انــه غير موضوعــى فكل الحياة

الانسانية تقوم على التلاقح والتواصــل بين الاجيال .

* الثقافــة الشبيابيــة وتعبيرهــا عظتتن مجتمع من المجتمعات فيــه اشتطاط وتغييب لمكونات

اساسية فى بنيــة المجتمعات .

* لك الحــق فى العمل على تغليــب اهتمامات الشباب وتحويلها من ثقافة وقيم فئــة مجتمعية


محكومة بمعطيات العمــر والاهتمامات الى تقافــة لغالب المجتمع ( الامر يحتاج الى عمر جيل ) .

* المجتمع السودانى مجتمع ابـوى يقدس العشيرة / القبيلة / الاب ... الفكاك من كل هــذه المنظومة

المجتمعيــة قطعــا يحتاج الى حــراك مجتمعــى يقودهـ شـراكـة بين الكبار والشباب .



مــع التقديــر ...


ترمــة ..

خالتــك تراجــى دى مــا تزعــل منهــا برضــو هــى تريد لــك الخير كمــا تراهــو هــى ...

وآآآآآآآآآآآ سوداناه
اعلنت عليك الحداد يا بلدى
سعاد

دة شِنو دة؟

Quote: وآآآآآآآآآآآ سوداناه اعلنت عليك الحداد يا بلدى سعاد

يا سعاد / حاتم

عندما اعود الى المنزل ساعطي زوجتي رحاب محمد ابراهيم فلاح صلاحيات دخولي المنبر حتى ترد عليك بما يتناسب ساعطيها هي واخواتي الاثنين صلاحياتي كل واحده ترد عليه حسب رؤيتها


عشان بكري يعرف انه الامر ده ساهل وحا يربك المنبر

بدر الدين يا صديق

_________

سامع منك يا بدر

Quote: الظهور بمظهـر الشاب الرافــض للاجيــال السابقــة اظــن انــه غير موضوعــى فكل الحياة الانسانية تقوم على التلاقح والتواصــل بين الاجيال .

هذا ما نبحث عنه
لو كان الذين قبلنا بنظرية التواصل .. لكنا وجدنا الان مرشحين عن الاحزاب دون الستين على الاقل

Quote: المجتمع السودانى مجتمع ابـوى يقدس العشيرة / القبيلة / الاب ... الفكاك من كل هــذه المنظومة المجتمعيــة قطعــا يحتاج الى حــراك مجتمعــى يقودهـ شـراكـة بين الكبار والشباب .

هي هذه يا بدر الدين هي هذه

ودي يا صديقي

وليد
كلامك جميل و منطقي
بس أنا كنت في السودان ,, وتحدثت ولاحظت كثير من الشباب لا يدرون بالانتخابات واهمياتها,وانت سيد العارفين باوساط الشباب, لاحظت ولمست جهل فئات كتيرة منهم بالمشهد والواقع السياسي قديما او حديثا,, لذا اتمنى ان يكون همك الفوز والتربع تحت قبة البرلمان, بقدر ان يكون همك العمل وسط هذه القطاعات,وستجد من يلتف حولك.. وبالتوفيق
ود حلتك الفاتح

مية مية ياولي
ولقدام ...
أنا لو منهم أربط ليك كرفتة
وأخليك تقرأ الجزيرة منتصف اليوم

علي الطلاق....

الود الشفت ده بقول كلام زي العسل

يمين.....

كان عندي مية صوت اديك ليهم وانا الكسبان .

ولي لك احترامي

بالتوفيق يا ولّي..

يديك العافية يا صلاح عبد الله

تسلم

لقاء طيب وغير متكلف, والأجمل إنو
يظهر وجه جديد, بس يا وليد لازم
تعرف التكنيك الأفضل في مثل هذه
المقابلات, ومن ضمنه ألا تجاوب على
السؤال فحسب, إنما تجاوب ثم تستطرد
في الحديث عما هو ذو صلة بالسؤال,
أو أن تعتبر السؤال مدخلا لما ترى
أهميته والحديث عنه.
بعدين مهم إنو تتطرق ولو عابرا, لقضية
أو إثنين من أسخن القضايا التي تعج بها
الساحة السياسية حالي, يعنى كان ممكن مثلا
تشير لأهمية المشاركة في الإنتخابات, ليعرف
الناس موقفك من موضوع أضحى إصطراعي, وكأن
تتحدث عن ضرورة أن تكون الإنتخابات نزيهة,
لتبث بذلك رسالة لمن يعنيهم الأمر, وكلمتين
تلاتة عن السلام والتحول الديمقراطي وأهم ما
تدخره للناس في برنامجك الإنتخابي.

لكن كويس وضربة بداية موفقة... ولي قدام.

كونك يا وليد مبارك زول مستقل ,,, دا شي كويس.
يعني الان حنسحبك إسمك من جماعة اللستة الكيزانيّة.


بس خليك ثاببت في المقابلات , وما تحرك جسمك كثير زي ما عملتا
حرك يديمك بس و إتكلم بطريقة السياسيين ,
إنت ما شوفت ناس عرمان ومبارك الفاضل و أوباما بيتكلمو كيف؟؟؟

ما مشكلة المرة الجاية بتتصلّح , ودي شكلها كانت المرّه الاولى.

وليد الشفت
4 دقائق كنت فيها مقنعا يا وليد
كلامك عن الشباب كلام صائب وفي محله والشباب يجب ان ياخذ فرصته
اهم ما قلته ان لاحزاب السياسية لم تعمل على تجهيز الشباب وان الحكم الدكتاتوري الطويل للبلاد
لا يعفيهم من ذلك
الى الامام ايها الشاب المستقل
good ya waleed & well done
شكرا يا علاء ... بس يا ريت لو واحد تاني كان فتح البوست غيرك لانك غير مستقل ولا تخفيء
ميولك لجهة سياسية معينة وانت طبعا حر في ذلك

جمال الباقر يا حلو
شكرا كتير ياخ
يديك العافية يا حبه

جميل انو الزول يخدم قناعاتو يا ولي
لي قدام
بس مستقل دي ما بتعني ( براك ) مش ؟
اتمنى انك تستمع للصوت القال بالعمل وسط الشباب بي اقناعهم ببرنامجك و التواصل المستمر و ادماجهم فيه ، و دا ما بعني الغاء الآخرين او نفيهم تماماً . .
كان بعدت عن القطعيات و الانقطاعات و العدميات . . عوجة ما بتجيك
آي التاريخ يسير الى الغد . . لكن كمان هو تاريخ يعني متصل ( تسليم و استلام ) قديم بفضي لجديد اكتر تقدماً منه . .

المهم

مبروك و بالتوفيق

مافى (شفتنتنا) كدا لمن (انضموبا) ...
غايتو...وبعدين حسن اسماعيل المترشح معاك
فى الدائرة بتاعتك ..لما انت كنت حارس فى
المريخ هو كان فى اول ولاثانية ابتدائى ...
انت اللعبوا معاك واصلوا لما بقوا كباتن
فى المريخ وحاليا شغالين مدربين ومحللين ...
اسى بالله شاب انت ولامرشحنا المعاك
عموما نحن قصة الانتخابا دى يمكن (نملاها بركه) فى الحالة
دى بنتمنى ليك انو الفوز يكون حليفك ....قصرنا معاك؟

وللي يا وجيه


كلام زول واثق ، اديك 98% ، الاتنين في المية لانك كنت صاري وشك

بالتوفيق يا حبيب

مؤنة كافية من الود

وعجبني كلامك لمن قلت الانتخابات دي تمرين للانتخابات الجاية ، فهم عالي والله


__________
طبعاً..شكراً علاء

محمد فرح يا حبه

تسلم ياخ

موفق يا ولي
ما قصرت بحسب كلام الشباب
مافي اعادة للبرنامج؟

تحقيق وحدة الســــــــــودان بإرادة شعبية (yes we can).

معاذ يا فرده

بتلقى لنك للمقابلة في اول مداخلة فوق

وليد وليد لعهد جديد

ياعمك ... لي قدام

جلال يا حبه

يديك العافية

وووووووووووووووووووووووووووووو
وليد صاحبى ... والله لو ما المسخوت علاء دى كان فاتتنى
عديييل كدا !!
غايتو كان ما المذيع دا كنت بقيت اقيف زول فى برج الفاتح
لووووووووووووول .. الله ينعلهم جابوهم من وين ما تعرف ..

يعنى البسمعك تقول القبلية والجهوية وسط الشباب انتهت
يقول علتى العلعاله دا ما صاحبك ..

كلام بسيط ومباشر وفى الصميم .. بلا دراب بلا عسم بتاع ساسه ..
قربت تقول لى محتاجين نعمل شفت الت عشان يظهروا جماعه وديليت عشان
اخرين يغورو وبى ون كليك نحقق التنمية العامل بيها لينا البشير
فلقة دى ...










ـــــــــــــــ
ياخ لكن تظل مشكلتك قايمة .. ما عندك رقبة
الناخبين ديل يبقوا ليك فيها .. لكن بصراجه
الواحد حاسى برياح اقصد كتاحة ، الامل والتغيير
لووووووووووول مش الزول بصلح لى صاحبو ؟
وليد ويييييي !!

Quote: ياخ لكن تظل مشكلتك قايمة .. ما عندك رقبة الناخبين ديل يبقوا ليك فيها

دينا يا مسنوحة
الله يخربك

كتلتيني بالضحك

Quote: بالنسبة للمزيع عاوز يوضح شنو ده شي بخصه .. انا اوضح ما اريد ان اوضحه فقط ..

وليد أجدع ناس ..


أنا غايتو - كجمهور مساطب - السبب الوحيد الخاليني أصوت ليك هو إنك (دماء شابة) يا قولك
أول ما تدق الأربعين بقول ليك اللي بعدو ..




وتاني بالتوفيق يا مثابر

وليد دربك أخضر

مية المية يا حبيب
نعم قادرون على التغيير للأفضل
وبالوسائل الأفضل
نعم قادرون

تمام ياصاحب ...

كل الامنيات بالتوفيق ...

فى الدرب الصعب والزمن السئ

عقبال الظهور في برنامج الإتجاه المعاكس ضد تراجي
حتى نعرف منها إسم مدرستها الفكرية

عبد الرازق يا حبه
والله افطسها ليك جنس فطيس

هاهاهاهاهاهاهاهاهاهاها


يديك العافية

يديك العافية يا عمران

معلم يا وليد..

نصيحتي ليك أصلا ما تركز على حكاية الكلام الكتير النصحوك بيها بعض الشباب هنا (أفكار بس)!

لقينا شنو من المجضمين الكلام غير الهواء!

ربنا يوفقك!

الاستاذ وليد المبارك
السلام عليكم ورحمة الله وبركاته
هذا اللقاء لم يعكس 10% من عمقك افكارك ورصدك وتحليلك والتفاتاتك النابهة والتي تنطوي عليها دائما اسهاماتك في هذا البورد
واضح انك كنت متاخد زي ما بقولوا المصريين
اخدت راحتك اكثر من اللازم فكنت غير عابئ بالحدث
فمثلا حينما تتحدث عن الدماء الجديدة فانه يجب ان تقول ماهي ولماذا هي مطلوبة طالما ان رؤساء الدول العظمى انفسهم ( المانيا وبريطانيا وايطاليا والصين واليابان ) هم ممن تجاوز الستين
هل الشباب ضروريون بالنسبة للعالم الثالث تحديدا ، لارتباط التغيير بضرورة الافكار الثورية مثلا؟
ثم كيف يستطيع ذوو الدماء الشابة ان يحدثوا التغيير في ظل بنية اجتماعية يسود فيها العقل الابوي الذي يطبع الثقافات التقليدية المتأسسة على الحكمة والتأني في عالمنا
هل نحتاج الى ساسة شباب ام الى افكار سياسية شابة ، أم ان شباب الفكر لا يتأتى الا من ساسة شباب بالضرورة؟
بهذه الطريقة انا متأكد من انك قادر بمشيئة الله ان تقول الكثير الخطر
اما ان تقول ان ( الشباب يجب ان يستلموا )
يعني شنو يا وليد؟
لغة فيها اجواء عسكرية او عهدة مستودعات ، اللهم الا اذا مضيت قدما في الكلام وقلت ( يتسلموا زمام المبادرة )مثلا ثم تفصل في هذا وتشرح
الكلام بالفصحى كان سيكون اقوى واكثر نفاذا الى عقول ناخبيك ( وغالبهم غير اميين طبعا ) من الايغال في العامية اليومية لقد نسيت او تناسيت ان المذيع قد لا يفهمك جيدا مما يشعره بالورطة والارتباك فتفقد تعاطفه الذي حتما سيؤثر على المشاهد من خلال تعبيرات وجهه ونبرة صوته وكلمات اعجابه التي يتبناها الناخب بروح القطيع اياها، وحتى لو كان ناخبوك اميين فان هيبة البي بي سي انما اكتسبتها وسط اجدادنا وآبائنا بالفصحى رغم ان ومعظمهم بسطاء حفظوا القرآن في الخلوة.
ما استخلصته منذ الدقائق الأولى للقاء هو اننا بصدد ضابط انقلابي ثائر على الموروث والمتراكم او نقابي شاب ميوله مطلبية ، ولكن ليس سياسيا يجيد فن المراوغة والامتاع ( الكلام الثوري ايضا يمكن ان ينتع ويؤنس بالمناسبة ولكن حينما يقال بطريقة معينة مبنية على ايقاع معين مع استشهادات طريفة ومقنعة وابيات شعرية وحكم وامثال شعبية الخ
( بالمناسبة ياسر عرمان ايضا لا حظ له في هذه الصفات الضرورية في فن ادارة الحوار المهمة جدا لانتزاع محبة م تعاطف المتلقي او احترامه والاستحواذ على اذنه واهتمامه حتى اذا كان خصما، شوف بلير اوباما ، قرنق زمان والترابي والصادق الخ )
في خصوص استثمار الاعلام يا وليد ليست الغاية هي تمليك المتلقي الحقائق الاخبارية عن جوانب برنامجك وانما المطلوب هو امتلاك مشاعرهم وتوجيهها نحو الاهتمام بك وببرنامجك ويكفيهم القليل المثير منه ليبحثوا عنك وعن الباقي
تعرف مثل هذه الفرصة كان يمكن ان تجعل منك ضيف متكرر على شاشة الجزيرة وغيرها سواء فزت ام لم تفز
ولكن اعتقد ان رهبة الجزيرة ورومانسية المكان ومشهده البانورامي ( هيلتون مش كدا؟ ) فضلا عن حداثة العهد باللقاءات التلفزيونية هي ما جعل اجاباتك مقتضبة لا تخلو من عدم الاكتراث بحجم الحدث
انت تريد ان تقول ( عادي )
وفي الحقيقة ليس معك حق ، لأن مقعدك هذا جلس عليه رؤساء والامراء كما جلس هنا مغمورون فتحولوا بعد ذلك الى ساسة ونجوم كبار تخطب الفضائيات ودهم
وليد
انت تحمل امكانات ضخمة ولكن يجب ان تعرف كيف تعبر عنها وتوظفها، تحتاج الى مدربين عواجيز !!!
لك محبتي
_____________
رب اشرح لي صدري ويسر لي امري

مرحب الاخ / سبيل


اصدقك القول ما انا بطالب سلطة ولست محبا لها


زمان الوالده ربنا يديها الصحة كانت بتقول لي .. يا ولدي ما تتشالق في شي ماهو هولك وممكن يعملو زول غيرك ... وما تتصدر الا امرا غلب الناس يسوه

عليه يا سبيل يا صديقي .. دخولي في هذا الامر نابع من هذه النصيحة .. ماقلته في الجزيرة هو السبب الاساسي لدخولي في هذا الامر ... وقد قلت سابقا اني اعلم تماما ان للسياسة اصحابها المهيئن لها فطريا والمدربين عليها ...

اعلم ان هذا البلد ولاد .. وفيه من الخيرين الذين يريدون له الصلاح والتقدم الكثير .. لكن اقعدهم الخوف والكسل والرهبة ..

الناس القدري وصلتها قناعة انو الانتخابات دي حاجة صعبة وامرا جلل لا يستطيعه الا اناس معنين .. من اسر معينة ومناطق معينة وسحنات معينة .. ما اردت توصيلة عبر اللقاء وعبر ترشحي نفسه .. ان لا صغير على هذه الانتخابات طلما انه يحمل افكارا جيده ونوايا سليمة ..

تاني ما في شروط
لا حسب
ولا نسب
ولا شكل معين
ولا مال وفير


انا متاكد بعد شلاقتي ده في مية شاب معانا في المنبر هنا وخارجه .. حركته النشوه والبقر .. وقال هو فعلها اذن مالي لا افعلها .. خصوصا الشباب المهيئ فطريا او المدرب على السياسة .. الان تاكلهم افكارهم ويعضون اصابعهم ندما على عدم تصدرهم وتقدمهم ..

ومتاكد تمام بعد اربعة سنوات لو بقت في انتخابات .. الشكل حا يكون مختلف تماما

الفوز والمقعد وخدمة المجتمع ما بناباها .. لكن ماني عاوزها ان كان هنالك من يتصدر لها ويعطيها حقها من الشباب .. فان احجموا يانا المتصدرين ليها نحن وحا نكون قدرها وزيادة

>>>>>>>>>>>
لشاب فى مثل سنك فقد كنت رائع الحضور ...
واتوقع لك مستقبلا باهرا باذن الله
موفق دائما

الي الامام سر موفق ياوليد


بالجنبة
كمية شوق خرافية

Quote: ALMURADABI

ايييييييييييييييييييييييييييييييييييييييك

انت حي يا زول

والله الشوق بالكراتين

معقولة الانقطاعة دي

يديك العافية دكتور امام
تسلم كتير

ياوليد
أجدت و أبنت
بس شكلك في الحقيقة كان أصغر مما توقعت !!
شباب شديد .. الله يديك العافية

سامي يا صديق

نصيحة مقدرة وشكرا يا حبوب

بابكر التوم ياصديقي
وين الحي بيك ياخ

يعني الا يجيبونا في الجزيرة حتين تظهروا

مشتاقين وكده

فرانكلي يا صاحب

تسلم ياخ
ويديك العافية

تيسير يا فردتي

تسلمي يُمه

يا حماده

Quote: مافى (شفتنتنا) كدا لمن (انضموبا) ...

عليك الله شفتني مؤدب ورايق كيف
ساكت شايلين حسي

ما قصرت تب يا حلو

قيقراوي حبابك ياخ

Quote: بس مستقل دي ما بتعني ( براك ) مش ؟

بالتاكيد يا قيقر

Quote: المهم

دي حقتك ولا حقت تبارك ؟

Quote: أنا غايتو - كجمهور مساطب - السبب الوحيد الخاليني أصوت ليك هو إنك (دماء شابة) يا قولك أول ما تدق الأربعين بقول ليك اللي بعدو ..

مولانا تيسير عووضة

يا ولي الكلام دا عميق جدا - يا ربي ؟! و لا عين الرضا ساي - المهم يا زول يا زين ، انا شايف تايسا شالت ( جرسك ) دا ذاتو و دقتو ليك في اضانك . . قول لي كيف ؟
يا ولي ياخ ( الشباب ) براهو كدا ما ايدولوجيا و لا برنامج . . و لا هو اساس فرز ( اجتماعي ) سليم . . و الاهم انو ما دائم - كان صدق الفي بالي انت نديدي تب ، و حكاية البعدو محمداك في دورتك البرلمانية دي ذاتا ( بعد الفوز ان شاء الله ) - يا فردة دافننو سوا و هديك الاربعين في الخترات

متمني اعرف باقي الفئات العمرية في برنامجك موقعم من الاعراب شنو ؟
كلام سبيل ما تديهو الطرشا . . علقو في جرسك


بالجد خطوة كبيرة يا وليد ياخ
رميت حجر كبير في بركة ساكنة . . مياها مهددة بالنضوب او تصبح آسنة منفرة
و ضخيت دم حاااار في عروق اتكرمشت و بردت
بالتوفيق


----------

Quote: Quote: المهم دي حقتك ولا حقت تبارك ؟

لا دا واحد مهم تاني ياخ !!
بتاع تبارك داك طلع ما مهم كلو كلو

ههاهاهاهاهاهاها
مالو يا قيقر
ده كلام صاح
المهم انا في الانتخابات الجاية بكون في الحافة
بحضرها لكن البعدها بكون خارج الصف

هاهاهاهاهاهاهاهاهاها

يا قيقر انا ما ضد الايدلوجيات والفكر
وكلامي ده ما بقول انه يكون في حزب الشباب ضد حزب الشيوخ

انا عاوز الشباب يستموا كلا ي محله

يعني حزب الامه لو ما قياداته تنفيذينه على الاقل يكونوا شباب
الاتحادي
الشيوعي
حتى المؤتمر الوطني

وقع ليك كلامي يا فرده

Quote: متمني اعرف باقي الفئات العمرية في برنامجك موقعم من الاعراب شنو ؟

كل الخير يا قيقر
كل الخير
مع انه سقط سهوا موضوع كبار السن ودورهم انا بفتكر انه الاولوية ليهم حتى على المشردين
باعتبار انهم قدموا ومستنين الرد


لكن في ما يخص وقيادة امور الدولة
مافي مجاملة
ده دور خالص للشباب

Quote: بالجد خطوة كبيرة يا وليد ياخ رميت حجر كبير في بركة ساكنة . . مياها مهددة بالنضوب او تصبح آسنة منفرة و ضخيت دم حاااار في عروق اتكرمشت و بردت بالتوفيق

يديك العافية يا فرده
وتسلم


_______

Quote: لا دا واحد مهم تاني ياخ !! بتاع تبارك داك طلع ما مهم كلو كلو

احمد محمد بشير
الحمد لله في واحد اقتنع عقبال الباقين

تسلم

يديك العافية يا حيدر قاسم
وشكرا للنصائح الغالية

هارون يا حلو

يديك العافية يا صديق

عمنا وهبة يا صديقي

ده كله ببركاتكم

يديك العافية ابو مهند

وربنا يساعد
ودي

يديك العافية يا حبيب نورة

جيِد يا وليد

بس عندى ليك سؤال
التحدث بالعامية هل كان مقصود أم جاء عرضاً؟

إذا كانت الإجابة (مقصود)
فدعنى اوضح : ظهروك فى قناة الجزيرة كمرشح شاب - بصرف النظر عن الإنتماءات- أصبح فى عالمنا اليوم مشهد قليل التكرر بإعتبار أن السياسة فى حد ذاتها عمل شاق يحتاج الى خبرة ودراية وقدرة على إدارة الحديث وبالطبع الخبرة عادة تقترن بعمر السياسي الخبير فى العمل السياسي وكل ساستنا الحاليين بلغوا من العمر عتيا،لذلك ظهورك كمرشح(أنت الشاب) قطعا يلفت إليك الأنظار ليس فقط فى السودان بل فى كل الدول العربية المهتمة بشأن السودان فلذلك كان من الأفضل التحدث بالفصحى وعدم اللجؤ الى العامية التى غالباً ما تصرف آذان المهتمين عنك لعدم سهولة الفهم.

وجة نظر
ولك التحية

مرحب وليد طه


تتصور كانت امامي زي خمسة دقايق قبل ما ادخل على الهواء
طلبت سجارة من المخرج لانه قدامو صندوق سجاير والتسجل كان في الهواء الطلق

ومشيت طرف
الحاجة الوحيده الكانت شاغلاني وكنت بفكر فيها

هل اتحدث بالعربية الفصحى ام بالدارجة السودانية


وطبعا المفاضلة بيناتهم صعبة ، العربية الفصحى حا تقدمني انا كشخص
الدارجة حا توصل العاول اوصلة واضح لمجتمعي

في الاخر اخترت الدارجة لانها حا توصل ما اريد ايصاله الى من اريد ان يصلهم بصورة مباشرة

ودي

وليد إزاى الحال
جيت تانى معليش

Quote: وطبعا المفاضلة بيناتهم صعبة ، العربية الفصحى حا تقدمني انا كشخص الدارجة حا توصل العاول اوصلة واضح لمجتمعي في الاخر اخترت الدارجة لانها حا توصل ما اريد ايصاله الى من اريد ان يصلهم بصورة مباشرة

عندما يصبح الحديث فى فضائيات يختلف الأمر، فما قلته بخصوص أن ماتريد توصيله وان العامية هى الوسيلة الأجدي يمكن طرحه فى ندوة فى دائرتك ، لكن المهتم بالشأن السوداني يريدها فصحى حتى يفهم.
هذا طبعا إذ كان يهمك من هو غير السوداني.

تحياتي،،

مرحب وليد طه

Quote: عندما يصبح الحديث فى فضائيات يختلف الأمر، فما قلته بخصوص أن ماتريد توصيله وان العامية هى الوسيلة الأجدي يمكن طرحه فى ندوة فى دائرتك ، لكن المهتم بالشأن السوداني يريدها فصحى حتى يفهم. هذا طبعا إذ كان يهمك من هو غير السوداني.

ابدا يا وليد
ندوه في دائرتي بتنفع وكت اتحدث عن برنامجي الانتخابي عشان اقنع ناس الدائرة

ما اظنك كنت متابع امر ترشحي من البداية
ابدا ما هامني الفوز بقدر ما هامني اني انشر ثقافة وفكره انه الشباب يتقدم ويستلم
والحمد لله انه الجزيرة جات في وكتها وقدرت اوصل فكرتي كما هي لشريحة كبيرة من السودانيين
حتى البرنامج جا متوافق واهداف واسباب ترشحي

حقيقي في المرحلة دي انا ما هاميني غير السوداني
نحن في مرحلة دقيقة يا وليد


اتاكد لي انه اختياري صحيح بعد ما رجعت البيت
وطبعا قعدنا ناس البيت مع بعض نتناقش في المقابلة ، ، الحاصل شنو وهل كانت مجدية
اصغر اخواتي قالت لي كلام
خلاني اتاكد من حسن اختياري للعامية وحمدت الله على ذلك

قالت لي السوال التاني من المزيع ما فعمته قاصد شنو الا بعد ما رديت عليه
واختي دي خريجة من شرق النيل السنة الفاتت


يديك العافية

وليد كيفك

Quote: ابدا يا وليد ندوه في دائرتي بتنفع وكت اتحدث عن برنامجي الانتخابي عشان اقنع ناس الدائرة

ما قصدته يا وليد أن العامية تناسب أكثر حين تستخدم فى جمع سوداني لذلك إستخدمت جملة (ندوة فى دائرتك) ولم أكن اعنى بها موضوع إقناع أهل الدائرة ولا برنامجك الإنتخابي بقدر ما قصدت (المكان).

يا وليد أتفهم غرضك من الترشح وهذا ما فهتمه من الحوار واستوعب ذلك تماماً رغم عدم متابعتى لبرنامج ترشيحك من البداية كما قلت.

Quote: والحمد لله انه الجزيرة جات في وكتها وقدرت اوصل فكرتي كما هي لشريحة كبيرة من السودانيين

ما فهمته من الكلام أعلاه ان ما يهمك فقط هى شريحة السودانيين وما كانت فارقة معاك لو كان المستضيف الأرضية السودانية.

Quote: اتاكد لي انه اختياري صحيح بعد ما رجعت البيت وطبعا قعدنا ناس البيت مع بعض نتناقش في المقابلة ، ، الحاصل شنو وهل كانت مجدية

طبيعى يا وليد لأنى العامية كانت سيدة وهذا يجب ان لا ينسينا ان هنالك جنسيات غير سودانية تتابع اللقاء وبالطبع لها رأى قد يكون مغايراً .

Quote: قالت لي السوال التاني من المزيع ما فعمته قاصد شنو الا بعد ما رديت عليه

طيب ما ممكن يقابل مذيع الجزيرة واحد سورى او كويتى ويقول ليهو والله انافهمت سؤالك لكن ما فهمت رد وليد المبارك عليه.

النجيضة (زى ما بقول ود الصايم): الكلام فى الفضاءيات يكون أكثر وضوحاوأعمق تأثيرا إذا كان بالفصحى وخاصة إذا كانت بديلاً لعاميتنا.

شكراً عزيزى

تمام وليد طه
شكرا كتير

المرشح المحترم وليد
اجمل ما في المقابلة والموضوع كله انك واثق من مقدرتك على تشكيل فرق (make a difference) في مستقبل السودان
وأسوأ ما في الموضوع انه المشارك الكريم اللي فتح البوست زائدا كثير من المشاركين فيه من مناصري الشجرة العندها عنكبوت (أم شبتو) في جانب من جوانبها (أظن المقصود انها هشة، جذورها من جانب واحد ولو جاتها الريح من اليمين حتميل تقع ... وأصحاب اليمين وما أدراك ما أصحاب اليمين) هسة انت حتكون اتختيت في لستة العضوية المحتملة
المهم يا وليد، أسمع كلام الببكيك ما تسمع كلام البضحكك
واضح انك وود حلال وصافي يا لبن
أخد بجدية المفيد من كلام الأخت تراجي وكلام محمد سبيل وغيرهم من أصحاب النصائح المفيدة من المشاركين لأنه فيه الصاح وأترك ما لا يعجبك
ورأيي هو كالآتي:
أولا أنسى موضوع محاربة الدينصورات. إذا عايز تحارب دينصورات انضم لاكتر تنظيم سياسي مناسب معاك وحاربهم من الداخل وأعمل التغيير البتشوفو مناسب على الأقل لما تصادف نجاح حتكون داخل مؤسسة مسنودة ومعتمدة. الانسان البجعل أهم أهدافه محاربة الغير هو الانسان العاجز والغير منتج. بالله طلع لي فائدة واحدة استفدناها من المناطحات والحروب الشغالة من الاستقلال لحد الآن.
ثانيا: لو شاغلين بالك الدينصورات ديل كثير، استفيد من تجاربهم بما في ذلك نجاحاتهم واخفاقاتهم وانطلق من هناك.
ثالثا: إذا عندك كلام وأفكار مختلفة عن أي تنظيم تاني وعايز تعبر عنهم- مستقلا كما هو واضح - وتطرحهم أمام البرلمانات ركز عليها. يعني لو عندك رؤية أو اصلاحات محددة خلي عينك وفكرك ومجهودك كله فيها وروج ليها. (وخليك محدد، التحديد بيوحي بالمصداقية والتعميم بيوحي بعدم الجدية) باستثناء انك عايز الشباب يتقدم والدينصورات تنقرض انت ما وضحت لينا رؤية محددة من خلال المقابلة.
رابعا: البرامج الانتخابية للمرشحين غالبا هي عبارة عن اشاعة كبيرة. هذه حقيقة وليست رأي. رغم كدة أنبهك انك ذكرت لطفل بدون تركيز (أين الاهتمام بالتعليم .. العمالة). طبعا في مكان آخر ذكرت برضو المشردين والمهجورين abandonedوالاهتمام بهؤلاء خاصة المشردين يكون في المقام الأول بالتعرف على اسباب تشردهم واعادتهم إلى بيئتهم الاصلية قبل أي حلول أخرى.
خامسا: ويبدو انك ناسي (أو معادي) شريحة من المجتمع اسمهم كبار السن يا شاب. لازم تذكرهم في برنامجك الانتخابي لأنهم في المجتمعات الراقية هم شريحة مهمة في المجتمع وما تقول هم حيموتوا بعد شوية لأنه النسى قديمه تاه
سادسا: نعم هي أربعة سنوات فــ قــ ط ،، هي فترة يتعلم فيها الشاب والديناصور كيف يعيد الديمقراطية للسودان - من واقعنا ما من أكثر. أربع سنوات لاعادة الحياة للأحزاب الميتة سريريا (علميا غير ممكن) ولتأهيل الشباب لتحمل مسئولية الوطن بعيدا عن الحرب والحروب والمحاربة ولينصرف عننا ما ابتلانا به الله - بصورة "ديمقراطية" ، لعلها آخر فرصة لينا ياريت ما تضيعوها يا شباب.
لك شكري يا وليدand good job

اداء جيد يا وليد
ربنا يوفقك..


ــــــــــــــــــــ
بس تاني ادي نفسك حقها..
بمعني لا تدع الفرصة تفوتك..
واتكلم عن برنامجك الانتخابي

يديك العافية سرورة

تسلمي يم
المرة الجاية بسوي نصيحتك

رمانه
تسلمي يُمه

نصائحك كلها مقدرة

واهم شي فيها

Quote: خامسا: ويبدو انك ناسي (أو معادي) شريحة من المجتمع اسمهم كبار السن يا شاب. لازم تذكرهم في برنامجك الانتخابي لأنهم في المجتمعات الراقية هم شريحة مهمة في المجتمع وما تقول هم حيموتوا بعد شوية لأنه النسى قديمه تاه

حقيقي نبهتيني لحته مهمة خالص .. سقطت سهوا
اعتقد الاهتمام بالشرية دي مقدم على المشردين حتى باعتبار انهم قدموا ومستنين رد الجميل


بالتاكيد الماعنده كبير يشتري ليه كبير .. ودور الكبار ما بنتهي لكن بعد ده مفروض يكون استشاري .. ونحن نستلم التنفيذي

كده الامور بتكون تمام

شكرا كتير على النصائح والاهتمام

ودي الزبده والمحصلة

Quote: سادسا: نعم هي أربعة سنوات فــ قــ ط ،، هي فترة يتعلم فيها الشاب والديناصور كيف يعيد الديمقراطية للسودان - من واقعنا ما من أكثر. أربع سنوات لاعادة الحياة للأحزاب الميتة سريريا (علميا غير ممكن) ولتأهيل الشباب لتحمل مسئولية الوطن بعيدا عن الحرب والحروب والمحاربة ولينصرف عننا ما ابتلانا به الله - بصورة "ديمقراطية" ، لعلها آخر فرصة لينا ياريت ما تضيعوها يا شباب.

ماشي صح يا وليد وح تصل ان شاء الله

تمام

ربنا يوفقك يا وليد..

اكثر ما اعجبني في اللقاء انك تحدثت بالدراجي السوداني وما حاولت تخنث لغتك..

بس يا ولدنا اتكلمت بسرعة مبالغ فيها المرة الجاية قول كلمة واديها صنة وبعدين

التانية لحدي ما يقول ليك نعم نعم تعرف انك ذوتها هههه

تحياتي وامنياتي لك بالتوفيق والسداد..

بالتوفيق يا وليد ..




ومزيد من التألق ..

وليد ياشفت.......

بالتوفيق ياوليد ومزيدا من الدماء الحارة فى عروق السياسة السودانية التى اصيبت بالانيمياء..................

تحياتى

اداء ممتاز ياوليد
والتمنيات لك بالتوفيق في الانتخابات

الناس شابكهو ليك اداء جيد وظهور موفق وما ادري ايه وهو مصدق..

يا زول إنت كان اترشحت في اللجنة الشعبية بتاع الثورة ما تنجح خليك كمان سيناتور

وفرحان ببدلتك البضاء دي ..

في زول يلبس بدلة بيضاء في الكتاحة دي

قوم لف كدة والا كدة ..


لجنة اسقاط المرشح المستقل وليد المبارك - عنهم حيدر الزين



ـــــــــــــــ
اخبارك يا فردة وكيف امور الحملة ماشية ان شاء الله تمام
نتوقعك تحت القبة باذن الله

حيدر يا فرده

لو فزت بحظرك المطار ما تشوفوا

يا ســلا م ..


لكم انــا سعيد بتعلمــى درس من هــذا البوســـت


لا تتعجــل لا تتعجــل لا تتعجــل


سيكون عنوان حراكـــى الشهر القادم لا تتعجـــل ..

بالتوفيق يا شاب ... والله عاوزين وجوه جديدة ودماء جديدة ... مقابلة حلوة ولبستك تقول يا أسود يا أبيض.

تحياتي

أتمنى لك الفوز والنجاح يا وليد

وحضورك في الجزيرة ممتاز.. بدون لجلجة ولا تقطيع للكلام ولا كبكبة
ودا اهم شيء.
اختصرت موضوعك في نقاط محددة ووصلت ما تريده.

تحياتي وتمنياتي

الصديق حسين نوباتيا

نسوي شنو يا حسين انها الجينات .. وعدم التدريب

عندنا يا حسين في البيت اصغر اخواني وخالتي لو اتونسوا قدامنا نحن ناس البيت بنكون عاوزين ترجمة على الشريط

وشكرا كتير على الاماني الطيبة

تسلمي دلال

الشفت سلامات
شوف يا اخوي مقابلتك مع قناة الجزيرة مافيها اي عوجة خاصة وان زمنها كان ضيق جدا وبعدين كلنا بنتلجلج قدام الميكروفون وبنقطع وده مشكلة اساسية عندنا واسبابها ليس هنا موضع ايرادها و لكنك ما قطعت ولا اتلجلجت , عفارم عليك .
وعلى العموم ليس المهم الفوز فى الانتخابات بقدر اهمية الاستفادة من التجربة التي تخوضها ارجو ان تتحلي بالصبر لاننا ناس لا نتميز بطولة البال والتخطيط بعيد المدي ولكنك تسير فى الاتجاه الصحيح واثبت مقدرتك على التمتع بالمثابرة والصبر , كما اتمني ان تعتبر هذه التجربة ( فزت ام تفز بمقعد فى البرلمان فانت فائز فى نظري) تمرينا ولبنة تساعد كثيرين على النظر لاى انتخابات قادمة انها السلاح الفعال لتحقيق المطالب ولا يضر الانتخابات فى ذاتها انها هذه المرة جاءت مشوهة بسبب تعنت حكومة المؤتمر الوطني القائمة وهذا شيئ طبيعي. وحتي تاتي فى مقبل السنوات انتخابات معافاة ونزيهة فالسودان يحتاج لامثالك .
ودمت

الزملاء والاخوه الاكارم

حقيقي وقفتكم معانا هنا ياها السنت وكت تضاف مع وقفت اخوان اعزاء في العالم الفيزيائي الحقيقي
الواحد يا دوب حس بانه بعمل في حاجة صحيحة وسليمة


حا اجي بالتفصيل وارد عليكم واحد واحد

بس اعزروني
الدرشة شديدة
وكمان زادوها يومين تانين

وكما وعدتكم قبلا

سيكتب تقرير مفصل بكل الحاصل ( انطباعات ملاحظات استنتاجات وحقائق )


خالص الود