Post: #1
Title: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 11:01 AM
عليكم الله ديل في زول في الدنيا بقدر يلمهم غيري؟
------
المهم جاكم شكر في صمة خشمك
|
Post: #2
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: محمد عبد الماجد الصايم
Date: 04-03-2010, 11:06 AM
Parent: #1
في شنو يا عمكـ ..
من كل بستان زهرة ولا شنو؟
يمين اللمة دي تستاهل عليها الترشيح!
|
Post: #4
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 11:17 AM
Parent: #3
Quote: في شنو يا عمكـ ..
من كل بستان زهرة ولا شنو؟
يمين اللمة دي تستاهل عليها الترشيح! |
يا خي عليك الله ما لقيتني ختري ... يعني السيدح و صبري في قطية واحدة فلك ان تتخيل يا ود الصائم
|
Post: #5
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: AnwarKing
Date: 04-03-2010, 12:10 PM
Parent: #4
| Quote: لقياس رأي عام بسودانيز اون لاين في البداية انا داير اشكركم جداً و جزيل الشكر للباشمهندس بكري ابو بكر |
النتيجة وين طيب يا حافظ؟
أتطلع لقراءة نتائج دراستك...
أنور
|
Post: #6
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: كمال سالم
Date: 04-03-2010, 01:01 PM
Parent: #5
سلام ياحافظ ,, غايتو أمانى والسيدح وصبرى مابعرفهم
لكن الباقين إتوفقت فى إختيارهم .
|
Post: #7
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 01:10 PM
Parent: #6
العزيز أنور كينق
سلامات اتخيل لي دي اول مرة نتداخل مع بعض و سعيد باهتمامك
Quote: النتيجة وين طيب يا حافظ؟
أتطلع لقراءة نتائج دراستك...
|
بالتأكيد يا انور حانزل كل الدراسة هنا ... بس هسي صديقي دكتور مروان مشكور جداً براجع
في الاخطأ النحوية و الإملائية ( انت عارف اخوك غير الناطقين بها).... بس بتبقي بعدين مشكلة صغيرة
الجداول و القرافات الزول ممكن ينزلها كيف.... لكن لو فشلت ما قدرت انزلها لاي سبب من الاسباب برسلها ليك في الاميل
مودتي يا انور و مشكور علي المرور من هنا
|
Post: #8
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 01:13 PM
Parent: #6
كمال سالم
سلام يا خي و انشاء الله كويس
Quote: سلام ياحافظ ,, غايتو أمانى والسيدح وصبرى مابعرفهم
لكن الباقين إتوفقت فى إختيارهم .
|
و الله اتوفقت في اختيارهم كلهم تصدق ... يعني عليك النبي انا بس اتوفقت في اختيار الباقين
غايتو الما عندو ضهر يتجلد علي بطنو يا صبري الشريف و اماني و السيدح
شكرا يا كمال
|
Post: #9
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Amira Elsheikh
Date: 04-03-2010, 01:18 PM
Parent: #8
حافظ,,,,سلاااااااام,,,,
غايتو البوست دا حيكون سبب فى مظاهرات ,,,,
علينا بالحجار وعليكم بالاحتياطى المامركزى,,,,
_____________________________________--
بجدية شديدة متوقعة مادة دسمة,,,
متابعا ك كويس رغم قلة بوستاتك
|
Post: #10
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: محمد عبد الماجد الصايم
Date: 04-03-2010, 01:29 PM
Parent: #9
Quote: سلام ياحافظ ,, غايتو أمانى والسيدح وصبرى مابعرفهم
لكن الباقين إتوفقت فى إختيارهم . |
|
Post: #11
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 02:04 PM
Parent: #10
بت الشيخ سلام و تحية
كيفك مع إحباط السنين الليله مالو لون شنو كدا ما عارف عمل ليهو شنو كدا برضو ما عارف
Quote: غايتو البوست دا حيكون سبب فى مظاهرات ,,,,
علينا بالحجار وعليكم بالاحتياطى المامركزى,,,,
|
ناس ابو طيرة* ديل ما حيقدروا يرجعوا الامور الي نصابها الا نستعين بالجيش
شكرا اميرة علي المرور
ود الصايم و الله يا هو البضحك ... انا من زمان كنت عارف ضحكك دون بدون عجبي و الهو يساوي ..... انا قلت حاجة ... لكن اللليله معاك حق في كلام كمال دا
--------------
ابو طيرة= الاحتياطي المامركزي
|
Post: #12
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Tragie Mustafa
Date: 04-03-2010, 02:09 PM
Parent: #11
حافظ سلامات
ومنور كالعاده ومركز
شكرا لحرصك على توجيه الجميه للتفكير بطريقه علميه
وشكرا لتكرمك بتحمل اعباء الدارسه ودقة التحليل في
الوصول لقياس الرائي.
افتقدتك في عكة الحركه الشعبيه و الشارع السوداني
يا ناس نورنا ولو بالماسنجر الشمارت عارفها كثيره
هذه الايام بالخرطوم نحتاج المقدقدنها زيكم انتو وخالد بحر وعيسي زين!
فلا تبخلوا علينا.
|
Post: #13
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 02:18 PM
Parent: #12
الميرم تاجا
سلامات و كيفك و الوليدات ... أخبارك شنو بالله منور البوست ... و هي يا تراجي بس محاولة و قلنا الكحة و لا صمت الخشم
Quote: يا ناس نورنا ولو بالماسنجر الشمارت عارفها كثيره
هذه الايام بالخرطوم نحتاج المقدقدنها زيكم انتو وخالد بحر وعيسي زين!
فلا تبخلوا علينا. |
و الله يا تراجي لو ناس الحركة زاتهم قدروا ينوركي يكونوا ما قصروا خليك مننا نحنا المساكين ديل
شكرا علي المرور
|
Post: #14
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: عبد اللطيف السيدح
Date: 04-03-2010, 02:48 PM
Parent: #13
السودان بلد متعدد الاديان والثقافات والحضارات والافكار
والبوست عبارة عن نتاج طبيعي لهذه الاختلافات بين ابناء الوطن الواحد
لكن اخشي ما اخشي ان يكون توقيت فتح البوست جاء لصرف الانظار وتشتيتها عن العرس الديمقراطي
الذي يعيشه الوطن العزيز هذه الايام.
بعدين ما عرفنا المطلوب من تجميع المادة الارشيفية حتي الان لكن اري ان قصة طيبة الذكر لبني
دي كرت محروق ومبعثر في الهواء او بالاحري ( فوق شوك نثروه ، ثم قالوا لحفاة يوم ريح
اجمعوه!! )
وسلامتكم
|
Post: #15
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Amira Elsheikh
Date: 04-03-2010, 04:23 PM
Parent: #14
Quote: لكن اخشي ما اخشي ان يكون توقيت فتح البوست جاء لصرف الانظار وتشتيتها عن العرس الديمقراطي
الذي يعيشه الوطن العزيز هذه الايام. |
طااااااخ,,,
اوت,,,,
_________________________________-
حافظ صراف الانظار,,,
|
Post: #16
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: خالد عبد الله محمود
Date: 04-03-2010, 05:01 PM
Parent: #15
يحول للسيد / ود الصايم لبدء التصويت لـ ( صراف البورد )
* التصويت على مسؤلية أميرة الشيخ ..
|
Post: #30
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: محمد عبد الماجد الصايم
Date: 04-04-2010, 08:20 AM
Parent: #16
| Quote: يحول للسيد / ود الصايم لبدء التصويت لـ ( صراف البورد ) |
ياخ السيدح عاوز يعمل اكتسااااااااح
|
Post: #17
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 05:02 PM
Parent: #15
الأخ العزيز عبداللطيف السيدح سلام و إحترام
أولاً انا سعيد جداً انك هنا و خاصة ان الدراسة تضمنت بوست حضرتك
Quote: السودان بلد متعدد الاديان والثقافات والحضارات والافكار
والبوست عبارة عن نتاج طبيعي لهذه الاختلافات بين ابناء الوطن الواحد
|
ثانيا صدقني ان البوست دا ما عندو اي علاقة بتعدد السودان أو توحده ففقط أنه دراسة أكاديمية بحته يا أخي عبداللطيف و غير كدا سيد البوست ما عنده أي علاقة بساس يسوس عشان يوحد أو يوشتت الاديان
Quote: لكن اخشي ما اخشي ان يكون توقيت فتح البوست جاء لصرف الانظار وتشتيتها عن العرس الديمقراطي
الذي يعيشه الوطن العزيز هذه الايام.
|
ثالثاً: و الله ضحكتني يا عبداللطيف في موضوع العرس الديمقراطي الذي يعيشه الوطن دا .. يا ود الصايم بالله يدك معانا في موضوع العرس دا انشاء تدق الصيوان.... و الله يا السيدح الدراسة دي انا بديتها شهر تسعة 2009 يعني الوقت داك ما في اي خطوبة خليك من العرس
Quote: بعدين ما عرفنا المطلوب من تجميع المادة الارشيفية حتي الان لكن اري ان قصة طيبة الذكر لبني
دي كرت محروق ومبعثر في الهواء او بالاحري ( فوق شوك نثروه ، ثم قالوا لحفاة يوم ريح
اجمعوه!! )
|
لو صبرت حتعرف يا عبداللطيف أخوي ... كل الموضوع اني أستفدت من كتابتكم و عملت فيها دراسة لكن تقول شنو يا عمك... المهم و الله انا ما شايل منك رغم أنك إفترضت سوء النية فيني يا عمك كل الحاصل إني داير أخت الناس الاستفدت من كتاباتهم في الصورة
و شكرا يا أستاذ عبداللطيف
|
Post: #18
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 05:07 PM
Parent: #17
| Quote: حافظ صراف الانظار,,, |
شوفوا يا أميرة و خالد انتو دايرين تصرفوا نظري عن القضية الاساسية ....
بالله يا شباب كيفنكم و انا سعيد جداً انكم هنا رغم نواياكم المش حميدة
مودتي و أحترامي
حافظ صارف الانظار ببوست قدل
|
Post: #19
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: عبد الفتاح زوما
Date: 04-03-2010, 05:48 PM
Parent: #18
الاستاذ / حافظ
سلام وتحية
اشد على يديك ونقف اجلالا لك ...
لقد بدأت خيطارقيقا من طريق طويل طالما تمنيت ان ينتهجه اهل هذا المنبر
كنت ومازلت امنى نفسى ان اكون من رواده وواضعى خارطته ..
تمنيت ان نخرج من كل قضية تداولناها أو نتدوالها هنا بتلخيص افيد ما كتب
عنها وتجميعها وتحليلها تحليلا علميا واكاديميافى بوست منفصل .. لتتعمق
الفكرة و تتبنى الجهات المعنية الاراء والاطروحات التى تخدم تلك القضية ..
شكرا على الفكرة والطرح المفيد ..
|
Post: #20
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 06:28 PM
Parent: #19
Quote: اشد على يديك ونقف اجلالا لك ...
لقد بدأت خيطارقيقا من طريق طويل طالما تمنيت ان ينتهجه اهل هذا المنبر
كنت ومازلت امنى نفسى ان اكون من رواده وواضعى خارطته ..
تمنيت ان نخرج من كل قضية تداولناها أو نتدوالها هنا بتلخيص افيد ما كتب
عنها وتجميعها وتحليلها تحليلا علميا واكاديميافى بوست منفصل .. لتتعمق
الفكرة و تتبنى الجهات المعنية الاراء والاطروحات التى تخدم تلك القضية ..
شكرا على الفكرة والطرح المفيد .. |
الزوما سلام و تحية و الشكر اجزله للكلام الجميل في حقي و أتمني أن أكون عند حسن الظن
|
Post: #21
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Amany Elamin
Date: 04-03-2010, 06:44 PM
Parent: #18
حافظ ابراهيم ياصديق,
شكرا لأنك خليتني أرجع أقرأ البوست بتاعي تاني خصوصا اني ما قريته من أيامها,
في انتظار دراستك ياصديق بشده,
وجميل انه الموضوع يتفتح الان عشان نشوف القضيه حصل فيها شنو؟
ونظرة الناس ليها بعد قرابة العام علي اثارتها شنو؟
مهم اني أوضّح انو بعد قرائتي للبوست مره أخري وبعد كل هذه الفتره,
مازلت أؤكد انه نظرتي للموضوع لم تتغيّر قيد أنمله,
واني فجأه اكتشفت من البوست اياهو اني عندي "بعد نظر" أتحسد عليهو 
واني لو لم أكتب في ذلك البوست سوي هذا لكفاني:
Quote: انت يالبني تستغلين الموقف لصالحك وهذا ذكاء لا ألمك عليه ..
ولكن ليس لأجل هذا تعاطفت معك ..
ولا لأجل هذا تضامنت .. |
عنّي حأصبر لغاية ما تنتهي من انزال الدراسه وتحليلها,
وبعدها ممكن نعيد فتح القضيه ونشوف مالاتها وتفاسيرها,
ونعرج علي قصة قانون الأمن الوطني اللي تمت اجازته في 20 ديسمبر 2009
في احدي صفقات الحركه الشعبيه مع المؤتمر الوطني الظاهره للعيان,
وما أكثر مثل هذه الصفقات في مثل هذه الأيام,
شكرا ياحافظ ليك انت :)
----
ملحوظه: دخولي للبورد نادر اليومين ديل لأني مشغوله شويتين
لكن كل ما حألقي وقت حأشارك في البوست ده تحديدا,
|
Post: #22
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-03-2010, 07:38 PM
Parent: #21
أماني الامين صديقتي الانسانة سلامات و انشاء كويسة و كمان العقاب
تسلمي يا أماني علي المرور و قريب حانزل الدراسة كاملة بس عندي مشكلة حتكون في نزيل الجداول و القرافات لكن أعدك و الثلاثة المشاركون اني قبل ما انزلها ممكن ارسلها ليكم
شكرا اماني علي المرور
حافظ
|
Post: #23
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: دينا خالد
Date: 04-04-2010, 01:23 AM
Parent: #22
حافظ الشـــــــجــــــــــــاع !!
هسه ما خايف على روحك من ضربة سيف او طعنة رمح او شرطة
سكين ؟ لوووووووووب عليك .
فى زول بشيل ديل ويمشى ؟ وماشى والدراسة ماشة
معاه !! ماااااشى والدراسة معاه .....
وكمان صبرى الشريف دا فكى بروب ليك دراستك دى عااااادى !!
اها انشالله ما شتمتنى فى الدراسة دى ؟
بالله لو ما انتهيت منها لسة ابحث لينا فى قصة
انه ليية الناس بتفتكر انو اللجوء والسفر من الاهل والولد
والقعاد فى بلاد تلج وكئيبة مكسب ؟؟ ماهو المكسب من
وراء اللجوء والتشرد وفراقك لناسك واهلك ونيلك وطنك ؟
بعدين يا حافظ ذى ما قال ليك كمال سالم
الباقيين ما بعرفهم .. لكن انا قاااااااصدة !!
ـــــــــــ
ود الصايم دا خايف المشرف الخارجى يقول
ليك جيب المراجع !!! لوووووول.
|
Post: #24
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: ندى عثمان حسن
Date: 04-04-2010, 04:27 AM
Parent: #23
ياحافظ , سلامو
دى غايتو ح تكون سُنة حميدة فى المنبر دة , بدل الأراء القيمة والنقاش المفيد يمشى الأرشيف ممكن الأعضاء والقراء يطلعو بنتائج علمية تساعد فى فهم أى موضوع مطروح.
وزى ماأنت ذكرت , هى قياسات رأى بغض النظر عن الموضوع المطروح (لانو لو الناس دى جات ركزت ليك فى قضية البنطلون تااااانى , دراستك دى ح يروحوها ليك شمار فى مرقة)
واعمل بنصيحة اميرة , شيل معاك ساتر.
تحية لكل المذكورات/ين ,.
|
Post: #25
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Sabri Elshareef
Date: 04-04-2010, 07:27 AM
Parent: #24
حافظ حسن ابراهيم
اسم ثلاثي بالنسبة لي وانسان صاحب عقل راجح وفكر نافذ
ومن يهتم بتفكيك خطابات مثل هذه فهو من الجدية بمكان
لكي يساعدنا في الخروج من هذا الغيهب المضلم جدا
جايييك للجلوس ومتابعة القراءة والتحليل
تحياتي لهذه اللمه بالرغم من ان السيدح احد دعاة الهوس الديني الان يبشر بقطع الاوصال وبحور الدم الفرحان بيها
برضو اهلا به
سعيد بلمه مع دينا خالد انسانه مشغوله بالحريات وانتزاعها والحقوق وردها
واماني الامين المهذبه نختلف في الرؤي وهو خلاف فكر والخلاف ذو الاهداف
افضل من خلاف اسالة الدماء للركب
عموما اعتقد من متابعتي للاخ حافظ في بوستات كتبها هو عن نفسه سيكون البوست جيدا والصدق فيه عاليا
بالنسبة لي ولحوار مع صديق ( سيف عبد الحليم ) قلنا ان حافظ اصدق في كتابة السيرة وهو بعد بابكر بدري في صدق التناول لادب السيرة
عموما سعيد بلمه مختلفة المشارب لكن اعتقد انني اقرب لكاس تشرب منه دينا خالد وهو كاس انتزاع الحقوق وبسط الحريات والدفاع عن الانسان في هذا الزمان
اتابع بالقراءة وان توفر الزمن التعليق مفيد
اعتقد ان حافظ وضعنا في مكانة اكمال ما بداناه سابقا بحفظه لكتابات المشار لهم\ن اعلاه
شكرا حافظ واصل في مجهودك الفكري وموفق لما فيه خير الانسان
|
Post: #26
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Sabri Elshareef
Date: 04-04-2010, 07:27 AM
Parent: #24
حافظ حسن ابراهيم
اسم ثلاثي بالنسبة لي وانسان صاحب عقل راجح وفكر نافذ
ومن يهتم بتفكيك خطابات مثل هذه فهو من الجدية بمكان
لكي يساعدنا في الخروج من هذا الغيهب المضلم جدا
جايييك للجلوس ومتابعة القراءة والتحليل
تحياتي لهذه اللمه بالرغم من ان السيدح احد دعاة الهوس الديني الان يبشر بقطع الاوصال وبحور الدم الفرحان بيها
برضو اهلا به
سعيد بلمه مع دينا خالد انسانه مشغوله بالحريات وانتزاعها والحقوق وردها
واماني الامين المهذبه نختلف في الرؤي وهو خلاف فكر والخلاف ذو الاهداف
افضل من خلاف اسالة الدماء للركب
عموما اعتقد من متابعتي للاخ حافظ في بوستات كتبها هو عن نفسه سيكون البوست جيدا والصدق فيه عاليا
بالنسبة لي ولحوار مع صديق ( سيف عبد الحليم ) قلنا ان حافظ اصدق في كتابة السيرة وهو بعد بابكر بدري في صدق التناول لادب السيرة
عموما سعيد بلمه مختلفة المشارب لكن اعتقد انني اقرب لكاس تشرب منه دينا خالد وهو كاس انتزاع الحقوق وبسط الحريات والدفاع عن الانسان في هذا الزمان
اتابع بالقراءة وان توفر الزمن التعليق مفيد
اعتقد ان حافظ وضعنا في مكانة اكمال ما بداناه سابقا بحفظه لكتابات المشار لهم\ن اعلاه
شكرا حافظ واصل في مجهودك الفكري وموفق لما فيه خير الانسان
|
Post: #27
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-04-2010, 08:01 AM
Parent: #26
دينا خالد المرأة البحب أخوي الكبير كتاباتها كيفنك بالله و سعيد أنك هنا
Quote: فى زول بشيل ديل ويمشى ؟ وماشى والدراسة ماشة
معاه !! ماااااشى والدراسة معاه .....
|
انتي عارفه يا دينا الزول وقت يكون غاوي و متردي انتحارات ممكن يشيل ديل و يمشي ... و بعدين صبري الشريف و السيدح ديل شكلهم حيحرقوا القطية دي .... غايتو بس الله يكضب الشينة
Quote: بالله لو ما انتهيت منها لسة ابحث لينا فى قصة
انه ليية الناس بتفتكر انو اللجوء والسفر من الاهل والولد
والقعاد فى بلاد تلج وكئيبة مكسب ؟؟ ماهو المكسب من
وراء اللجوء والتشرد وفراقك لناسك واهلك ونيلك وطنك ؟
|
و الله كويس يا دينا بعد ما الواحد انتهي و كلمكم انتي عارفة الواحد كان ممكن يكون Bais لو قرأ كلام دا قبل ينتهي.... شفت الاقتباس التحت دا كان عن موضوع سيب البلد الكج دي
Quote: . منطقة الإقامة: في البدء إفترض الدارس أن منطقة الاقامة لمفترع البوست و المتداخلون ربما يكون لها تأثير مباشر علي طريقة التفكير و تناول القضايا ... فمثلاً الذي يقيم في السعودية هل هو بنفس طريقة تفكير المهاجر السوداني بأمريكا ... عموماً التحليل بناء علي الإقامة كان غير ممكن و ذلك للأسباب الأتية:
2.1 معظم المتداخلون لم يذكروا أماكن إقامتهم بالبروفايل.
2.2 مدة الإقامة في البلد المحدد قد تؤثر في طريقة التفكير و لكن هل المقيم لمدة 10 أعوام هو نفس المقيم لمدة شهر واحد؟
|
يلا يا دينا فتك بعافية و خليك قريبة
|
Post: #31
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: ALZOLZATOO
Date: 04-04-2010, 08:22 AM
Parent: #27
حافظ التوم ياصديق
انا اقول الزول ده مالوا منقطع النظير اتاريهو عاملها دراسة الف مبروك مقدما اكيد بحثك بيكون مقنع وح تريح الزول البراجعو في حنانو
نتمنى كمان ناس الكورة يعملو لينا بحث عن تشجيع الجزائر ومصر في معركة امدرمان
عشان اماني تكون موجودة في كل البحوث
مشتاقين والله
زاتوووو
|
Post: #29
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-04-2010, 08:10 AM
Parent: #26
صبري الشريف سلام ... بجيتك الاربعة البشيلو الجنازة ( قصدي البوست) الاربعة تموا خلاص
| Quote: تحياتي لهذه اللمه بالرغم من ان السيدح احد دعاة الهوس الديني الان يبشر بقطع الاوصال وبحور الدم الفرحان بيها |
يا صبري انشاء الله ما في اي إراقة دماء و نحن ما يجمع بيننا أكثر مما يفرق يا عزيز ...
|
Post: #28
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-04-2010, 08:06 AM
Parent: #24
ندي صباح الخير و انشاء الله الامور ظابطة
Quote: وزى ماأنت ذكرت , هى قياسات رأى بغض النظر عن الموضوع المطروح (لانو لو الناس دى جات ركزت ليك فى قضية البنطلون تااااانى , دراستك دى ح يروحوها ليك شمار فى مرقة)
|
بالضبط كدا و الموضوع هنا ما عنده اي علاقة بالبنطلون يا ندي و لا العرس الديمقراطي ... نحنا عرسنا جمهوري يعني كركدي و بلح و العروس بتحضر عقدها
|
Post: #32
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-04-2010, 09:17 AM
Parent: #28
زاتووو يا حبيب كيفك و اخبارك شنو ؟*
----------------------
*
بمناسبة الاخبار دي وين صاحبنا البكري طرده داك مش قالوا بجي شهر اربعة و لا جيته بقت كذب ابريل؟
بالله قول ليهو حافظ يسلم عليك و الله الواحد داير يجيب اسمه هنا لكن خايفين من المشاكل مع سيد البيت دا,,, مره فتحت ليهو بوست بسأل ساي لمو فيني الهكر و سيد البيت لحقو البوست ام طرقاً عراض ( فاهم حاجة؟)
|
Post: #33
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Hussein Mallasi
Date: 04-04-2010, 09:43 AM
Parent: #32
نادونا عندما ابتداء استعراض الدراسة.
|
Post: #34
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Amira Elsheikh
Date: 04-04-2010, 03:58 PM
Parent: #33
**
|
Post: #35
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Dalal Ezzaldin
Date: 04-05-2010, 08:11 AM
Parent: #34
***
|
Post: #36
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: دينا خالد
Date: 04-07-2010, 07:38 AM
Parent: #35
الدراسة بررررضو طلعت كذبة ابريل ؟؟
|
Post: #37
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: محمد عبد الماجد الصايم
Date: 04-07-2010, 07:47 AM
Parent: #36
يا دينا .. إنتي دراسة أبريل ولا ملاسي
البقى يجليها ثابتة دا!
| Quote: نادونا عندما ابتداء استعراض الدراسة. |
يا راجل!
نودي وشينا فين من الـ 4
|
Post: #38
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-07-2010, 08:19 AM
Parent: #37
لا و الله يا دينا ما كذبة ابريل ... لكن اللحظة الكبت البوست دا المديرة ادتني شغل الدنيا و العالمين و انتي عارفه زول يعمل عملة زي دي مفروض يتفرغ للرد و الذي منه
تانياً: انا عندي مشكلة كبيرة في نزيل الجداول و القرافات قدر ما حاولت فشلت حتي استعنت بخبير اجنبي لكن برضو فشل...
لكن بحاول اكب المقدمة هنا لانو ما فيها جداول و كدا
صديقنا المقدم اسايلم في فريق فور كيفك
Quote: يا راجل!
نودي وشينا فين من الـ 4 |
و الله وشك دا ما عندو اي حتة توديهو ليها و ما اي موقع تاني بقبلك خلاص يا عمك انت خلاص
|
Post: #39
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: حافظ حسن ابراهيم
Date: 04-07-2010, 08:23 AM
Parent: #38
قضايا المرأة السودانية من منظور الرأي العام – تحليل أحصائي لإتجاهات الرأي
سودانيز اون لاين نموزجاً
الأهداء:
الي صاحب القلم الانيق و الفكر الثاقب
الي معتصم (رقم صفر) في عليائه
توطئة
في البدء الشكر أجزله للكتاب الذين أستفذوني كي أقرأ ما خطته أقلامهم فيما يختص بموضوع الصحيفة لبني أحمد الحسين و موقفهم العام من المادة 152 سوي كان ذلك مع أو ضد.. فالشكر أعذبه لكل من صبري الشريف, أماني الأمين, عبداللطيف السيدح , و دينا خالد... و الشكر اجزله لكل المتداخلين الذين تداخلوا في البوستات الاربعة موضوع الدراسة, كما أشكر الباشمهندس بكري أبو بكر لجعله هذا ممكناً بمنحي حساب و كلمة مرور أفعل بها ما أشاء.. من خارج المنبر شكري و تقدير لصديق الشقاء دكتور مروان عبداللطيف الذي له الفضل في تعديل كثير من الأفكار و تصحيح كثير من الاخطاء النحوية و الإملائية.
البحث أحتوي علي المقدمة و منهج البحث المتبع , حيث أستخدم retrospective study و تم تحليل البيانات نوعياً لكل المداخلات في البوستات الاربعة. في هذه الدراسة تم التحليل بناء علي النوع , اضافة الي الموقف من الدين بشكل عام في مثل هذا النوع الحساس من القضايا, كما تم تصنيف الوقوف من قضايا المرأة و الحريات الي ثلاثة مواقف, و هي لا تضامن, تضامن مشروط, و تضامن غير مشروط البته,, البحث يفتح اسئلة أكثر من انه يأتي بإجابات , و هذه الاسئلة ربما تجد صدي عند أخرون من زميلاتي و زملائي داخل منبر سودانيز اون لاين أو خارجه , و بالتالي يتحملون عناء البحث عن إجابات بالطريقة التي يرونها مناسبة.
في الختام أقدم كامل إعتذاري إذا أسئت فهم مداخلة اي إنسان و ليكن متأكداً انني لم أقصد و إنما فقط معرفتي المتواضعة قادتني الي هذا, كما أنني مسئول عن أي حرف سوف أكتبه هنا.
المقدمة
قضية المرأة تعتبر من القضايا الشائكة التي حاولت البشرية معالجتها عبر عدة مراحل و بمختلف المدارس و المنطلقات الفكرية, الثقافية, الإجتماعية, و الطبقية. ففي هذه الدراسة تم النظر لقضايا المرأة السودانية أو المرأة في ظل الانظمة السياسية الدينية من واقعة الصحفية السودانية لبني احمد الحسين التي طالها اتهام ارتداء ملابس مخلقة بالاداب العامة حسب قانون النظام العام السوداني, حيث في حالة ثبوت الجريمة ستعاقب هذه الصحفية بالجلد اربعين جلدة ... القضية اثارت ضجة محلية و عالمية بين معارض لهذا القانون و مؤيد , كما أن هنالك رأي وسط بين الرائيين, فالدراسة هدفت الي تحليل وجهات هذه النظر المختلفة كما انها تهدف الي قياس الرأي العام وسط المشتركون في منبر سودانيز اون لاين بإعتبار انه اكثر المنابر الاسفيرية السودانية رواداً [1] , كما انه يعج بتيارات فكرية متباينة مما يعد أحد مصادر ثرائه المعرفي.
منهجية البحث research methodology
تعتبر الدراسة Retrospective study و أعتمد علي منهج التحليل النوعي qualitative analysis , ففي البدء تم اختيار اربعة بوستات من مجموع البوستات التي ناقشت قضية الصحيفة السودانية لبني أحمد الحسين, و كل البوستات كانت بموقع سودانيز اون لاين , باعتبار انه أكثر المواقع الاسفيرية السودانية شهرة, و لما يتمتع به من اختلاف وجهات نظر مشتركيه و طريقة و منهج المشاركين لتناول القضايا في هذا الموقع كما أنه ليس بالموقع الصفوي أو المتخصص الذي يتأفف و يترفع عن مناقشة القضايا الحياتية اليومية التي تمس الانسان العادي.
اختيار البوستات استند علي الاتي:
1. النوع: تم إختيار بوستان أفترعا بواسطة نساء و أثنين بواسطة رجال, باعتبار ان التحليل سوف يعتمد علي النوع و بتعبير أخر هل تتأثر رؤي الانسان بناء علي نوعه أم لا؟.
2. منطقة الإقامة: في البدء إفترض الدارس أن منطقة الاقامة لمفترع البوست و المتداخلون ربما يكون لها تأثير مباشر علي طريقة التفكير و تناول القضايا ... فمثلاً الذي يقيم في السعودية هل هو بنفس طريقة تفكير المهاجر السوداني بأمريكا ... عموماً التحليل بناء علي الإقامة كان غير ممكن و ذلك للأسباب الأتية:
2.1 معظم المتداخلون لم يذكروا أماكن إقامتهم بالبروفايل.
2.2 مدة الإقامة في البلد المحدد قد تؤثر في طريقة التفكير فهل المقيم لمدة 10 أعوام هو نفس المقيم لمدة شهر واحد؟
3. عدد المداخلات: اشترط في البحث ان تكون عدد المداخلات مائة مداخلة أو أكثر في البوست موضوع الدراسة.
تم طبع البوستات التي وقع عليها الإختيار و ذلك خلال الفترة من15-7-2009 حتي 16-8-2009 حتي يمنع التعديل أو الحذف في أي مداخلة و بالتالي ضمان الحصول علي معلومات موثوقة و معتمد عليها reliable information أنظر الي الجدول رقم (1): البوستات موضوع الدراسة.
تم استخدام تطبيق أكسل في تبويب البيانات categorization . بعض المداخلات تم حذفها في مرحلة التوبيب الأولي و هي مداخلات مثل (فوق , Up , انجم, over, الخ) ... اي تم حذف المداخلات التي كانت الغرض منها رفع البوست الي أعلي لان يصعب التكهن بمقصد صاحبها,
هل هو أعجاب بالبوست, إتفاق مع متداخل محدد و في أي مداخله, إعجاب بمداخله, ام انه إثارة لا أكثر.
هنالك بوست هام جداً لم يضمن في الدراسة رغم انه أول بوست فتح لهذه القضية بواسطة السيد تور قير رغم انه يستوفي كل الشروط المذكورة للاختيار, و رغم أهمية البوست فلم يتم تضمينه في هذه الدراسة و ذلك للإعتبارات الأتية:
1. البوست كان بمثابة إعلان للقضية, أكثر من انه موقف فكري.
2. توقيت البوست ,,,, حيث انه فتح في توقيت لم يكن الاعضاء ملمون بتفاصيل القضية و أسبابها.
3. اللغه الهتافية التي زخم بها البوست , عبارات علي شاكلة تضامني غير المحدود, و أرفعوا ايديكم عن نساء بلادي ,,,,رغم اهمية هذه العبارات لكن الدارس أكتشف انها لم تكن حقيقة بهذا الشكل المطلق... ففي مداخلات لاحقة اكتشف ان تلكم اللامحدودية في التضامن قد تحولت الي تضامن مشروط أو لا تضامن علي الإطلاق و ذلك بعد معرفة أسباب و تفاصيل أوفي عن القضية.
كما تم استبعاد الاجسام الاعتبارية مثل جهر لانها لاتمثل فرداً بعينه و انما مجموعة.
في هذه الدراسة برزت ثلاثة أنواع من التضامن و هي:
1. لا تضامن: حيث أن المتداخل لا يتضامن في قضية مثل قضية جلد النساء لموقف فكري , ديني أو أي موقف أخر.
2. تضامن مشروط: و فيه المتداخل يتضامن لكن مع شروط مسبقه, فيتضح من خلال كتابته الأتي ( أنه يتضامن مع لبني لأن هذا لبسها ساتر او يعتبر حجاب, أنه يعرف لبني كإنسانة محترمة و هذا كان دافعه للتضامن) و خطورة التضامن أنه مشروط بإذا.... فاذا أختل أي من شروط المتضامن فانه يسحب تضامنه و يتحول الي خانة اللا تضامن و خير مثال سحب التضامن من أجل زغرودة كما يرد في الدراسة لاحقاً [2]
3. تضامن غير مشروط: و هو في نظر الدارس أرقي و أسمي أنواع التضامن لانه يتضامن مع قضايا الحريات و الإنسان بشكل مطلق صرف النظر عن اللبس, الدين, أو السلوك الفردي للمتضامن معه, و بتعبير أخر انه تضامن تجريدي و ليس تجسيدي كما في النوع السابق (التضامن المشروط). و لكن الدراسة كشفت أن هذا التضامن الغير مشروط في بعض الأحيان لم يتعدي انه حبر زائد, حيث يتضامن الشخص بشكل غير مشروط في مداخلة ما و في أخري تجده يضع شروط لتضامنه.
|
Post: #40
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Amany Elamin
Date: 04-07-2010, 07:44 PM
Parent: #39
Quote: نتمنى كمان ناس الكورة يعملو لينا بحث عن تشجيع الجزائر ومصر في معركة امدرمان
عشان اماني تكون موجودة في كل البحوث |
يا الزول زاتو بالغت
أماني عندها بحث واحد مجننها, ماناقصه لوووووول
-----
حافظ كلام جميل واصل :)
|
Post: #41
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Sabri Elshareef
Date: 04-09-2010, 08:09 AM
Parent: #40
الاخ \ حافظ
تحياتي واشواقي
مقدمة جيده وتدل علي اهتمام متقدم بالقضايا الانسانية
والمراة في طليعة من استضعفن بسبب القوانين المقيده للحريات
عشمي في المواصلة مع تقديري لحجم العمل الذي تقوم خاصة سودانيي \ات الداخل
الزمن ممحوق ومافي
وصلة بوستي لا تفتح عندي الله يختينا شر المراقبه وشر شفوت الدين
|
Post: #42
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: HAIDER ALZAIN
Date: 04-10-2010, 09:37 AM
Parent: #41
شنو التأخير يا فردة ..
|
Post: #43
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: HAIDER ALZAIN
Date: 04-18-2010, 07:37 AM
Parent: #42
حافظ رسل لي الجداول دي في الايميل وبنزلها ليك ..
انا طبعا قريت الرسالة سابقاً قبل التنقيح النهائي وبشوف انها تستحق تتقري لأكبر عدد
فبطل كسل
تحياتي ليك
|
Post: #45
Title: Re: أماني الأمين, دينا خالد, السيدح, و صبري الشريف مشكورين من غير ما تقصدوا
Author: Sabri Elshareef
Date: 05-16-2010, 03:27 PM
Parent: #44
الاخ حيدر الزين
الاخ حافظ حسين وان كان اسمك هنا حافظ حسن
تحية اجلال وتقدير
مجهود مقدر منكما ودراسة جيده يا صديقي العزيز
سوف اطبعها واقراها برواقه وبعد ذلك اعود
|
|