Post: #1
Title: السمحات القيافة
Author: ندى عثمان حسن
Date: 03-21-2010, 05:13 PM
مهدأة إلى:-
أمى سعاد: وأنت فى أعلى الجنان
العيد الثالث وأنتِِ غياب
كل سنة وأنت أجمل الخالات الأمهات, أجمل الذكريات التى تزهر فى الخاطر بلا موعد ,
كل سنة وطيف إبتسامتك الوضاءة يضىء عتمات قلوبنا ,
ماتعلمناه من طبعك الهين يمسح قسوة الآخرين ولايترك أثرا.
أنت من علمنا أن الحزن لايقتل , بل يقوى ويهذب نفوسنا ويغسلها من كدر الآخرين
وجهالات البشر .
أسأل نفسى مراراً : من أين لك كل هذا القدر من النقاء والتسامح؟ وكل ظروفك تدفع إلى السخط؟
لازلت أذكر بلاجهد إبتسامتك التى مافارقت محياك يوما , حتى وأنتِِ فى سرير المرض و أشد لحظات الألم
شلوخك "المطارق" التى زادت حسنك حسناً , ولونك " اللخدر"
لازلت أذكر كيف أنك طفلة تجلس على الأرض وتلعب مع الصغار
كيف أنك –شابة- تمازحينا كل ما رن تلفون أحدنا , وتضحكين من كل قلبك عندما ننكر فى إصرار
كيف أنك "كبيرة" وست شورة أخواتك
مازالت دارك سدرة منتهانا
حزينة, منذ رحيلك فى يوم جمعة وإبتسامة عريضة على وجهك الجميل
باقة من الورد والمحبة على قبرك
باقة من التمنيات بالصبر وحسن العزاء للجميلين بناتك وأولادك, لأخواتك وجيرانك.
كل سنة وذكراك طيبة ياأمى سعاد.
(إلى أمى) ذات الرشيم الأخضر
رسالة بلاكلمات – صفحات بيضاء من غير سوء
وفى تمام اليقين بأنك ستخطين عليها سِفر المحبة
وترانيم الغفران
أحبك, وأنا أنوء بحزنى وأتوارى منه خلف غمام محبتك
أحتاج يدك وصدرك الحنان وتلك الإبتسامة الودود
وعين تنظر إلى بكل لطف العالمين وتمسح مايعلق بالنفس الشقية
أحبك وأنت تجملين كل أيامنا , تزرعين الورد فى صحراء قلوبنا المنهكة من طول السفر
تضيئين غيابة الجب بلا كلل
أجمل النجمات أنت
كل سنة وأنتِ طيبة
كل سنة وأنتِ من يصد البرد والريح واليأس عنى
كل سنة وأنا طيبة بيك.
أحبك ياأمى.
بنات حلتنا (نسرين-سوزان-هبة وأنصاف) (وأنتن أمهات الآن)
وقد تفرقت بنا السبل –كنا نحتفل بعيد الأم سوياً , نجمع (عواطف-فوزية-وهيبة- زبيدة وست النساء) فى دار واحدة, رغم أختلاف أعمارهن وسحناتهن ولكناتهن
لكن, هن أمهات الحنين , باذخات الإنسانية
نتشارك حق "الكيكة" حق العصير وحق الغناء , لنخفى نشاز أصوات بعضنا لما نغنى "أمى ياأجمل كلمة بقولا"
كل سنة وأمهاتكن فى تمام ألقهن.
كل سنةوكل الأمهات المرافىْ طيبات
كل سنة وأمهات/كن/كم بخير وعافية , ورحمة من الله تغشى الراحلات الساكنات قلوبنا.
|
Post: #2
Title: Re: السمحات القيافة
Author: خضر حسين خليل
Date: 03-21-2010, 07:35 PM
Parent: #1
سلامو يا ندي
كل سنة وجميع أمهاتنا بخير
وأنت كذلك
ومشتاقين يعلم الله الا المعايش جبارة
|
Post: #3
Title: Re: السمحات القيافة
Author: سلمى الشيخ سلامة
Date: 03-21-2010, 08:10 PM
Parent: #2
يا اجمل البنات التى لم انجبها
كم تمنيت ان تكونى ابنتى
فانتى لا تعرفين كم انى فخورة بك
لك المحبة ولامهاتك وصديقاتك المحبة
كل لحظة هن وانتى بالف خير
|
Post: #5
Title: Re: السمحات القيافة
Author: وجن
Date: 03-22-2010, 04:34 AM
Parent: #3
الله يا ندوية كلماتك وضاءه وحنينه
ربنا يخليك لماما ويخلي ليك ماما
وبرحم ماما سعاد
وكل سنة وماما بخير وكل مامات صحباتك ربنا يلمكم من تاني
تسلمي يا بت أمي
|
Post: #7
Title: Re: السمحات القيافة
Author: ندى عثمان حسن
Date: 03-22-2010, 04:42 AM
Parent: #5
ياوجن
كل سنة وأنتِ طيبة(غايتو أمومة شبه ساى).
وأمك فى دوام الصحة والعافية
وليك كل المودة.
|
Post: #6
Title: Re: السمحات القيافة
Author: ندى عثمان حسن
Date: 03-22-2010, 04:37 AM
Parent: #3
Quote: يا اجمل البنات التى لم انجبها
كم تمنيت ان تكونى ابنتى
فانتى لا تعرفين كم انى فخورة بك
لك المحبة ولامهاتك وصديقاتك المحبة
كل لحظة هن وانتى بالف خير |
وأجمل الأمهات أنتِ
وبنتك أنا , ويسعدنى ذلك
كل عيد أم وأنت فى تمام الألق
(بس ياماما سلمى جنى وجن المراسيل)
|
Post: #8
Title: Re: السمحات القيافة
Author: الطيب شيقوق
Date: 03-22-2010, 05:45 AM
Parent: #6
الاخت ندى عثمان
تحياتي
احييك وانت توثقين لهذا اليوم العظيم واحييك وانت تمجدين عظمة الام الرؤوم الحنون - احييك و نحن نستقبل يوم الأم في الحادي والعشرين من مارس من كل عام -
عرفتُ نساءَ أوروبا..
عرفتُ عواطفَ الإسمنتِ والخشبِ
عرفتُ حضارةَ التعبِ..
وطفتُ الهندَ، طفتُ السندَ، طفتُ العالمَ الأصفر
ولم أعثر..
على امرأةٍ تمشّطُ شعريَ الأشقر
وتحملُ في حقيبتها..
إليَّ عرائسَ السكّر
وتكسوني إذا أعرى
وتنشُلني إذا أعثَر
أيا أمي..
أيا أمي..
(نزار قباني)
وافر احترامي
|
Post: #10
Title: Re: السمحات القيافة
Author: ندى عثمان حسن
Date: 03-22-2010, 08:06 AM
Parent: #8
استاذ الطيب
شكراً على التحية وشكراً على "نزار".
ولاوطن يشبه حضن الأمهات.
|
Post: #15
Title: Re: السمحات القيافة
Author: سلمى الشيخ سلامة
Date: 03-23-2010, 02:20 AM
Parent: #6
| Quote: (بس ياماما سلمى جنى وجن المراسيل) |
تترسل ليك العافية
الداير يرسلك منو حبيبة ؟
ما بريد اتعب الناس زاتى يا السمحة
وما اظن اتعب بتى حبيبتى ياخ
عارفة لمن اكون فى المطبخ "زمان فى السودان "
بقوم احضر حاجات الطبيخ كلها لانى ما بحب ارسل زول
خالس خالس خالس
خاصة فى العيد
من بالليل بجهز الحاجات لمن يكون عيد الاضحى بالتحديد
ياخ ديك ايام سمحة ما بترجع
اقعدى عافية يا السمحة وفنجرية
|
Post: #17
Title: Re: السمحات القيافة
Author: ندى عثمان حسن
Date: 03-23-2010, 05:21 AM
Parent: #15
Quote: بقوم احضر حاجات الطبيخ كلها لانى ما بحب ارسل زول
خالس خالس خالس |
كدة عقدنا إتفاق أمومة رهيب , وبنفع معاى شديد
أى شرط تانى ما عندى اى مانع.
ومحبة تشبه روحك السمحة.
|
Post: #4
Title: Re: السمحات القيافة
Author: ندى عثمان حسن
Date: 03-22-2010, 04:30 AM
Parent: #2
وكل سنة وأمهات الجميع بخير ياخضر
| Quote: ومشتاقين يعلم الله الا المعايش جبارة |
وشوقنا أكتر والله, رغم معايشنا البتبدأ قبال الطيور تمرق من بيوتا.
سلامو وكتيير
|
Post: #9
Title: Re: السمحات القيافة
Author: الفاتح ميرغني
Date: 03-22-2010, 07:17 AM
Parent: #4
| Quote: كل سنة وأمهات/كن/كم بخير وعافية , ورحمة من الله تغشى الراحلات الساكنات قلوبنا. |
ندى كل سنة والوالدة بالف خير وصحة.
وندعو معاك " رحمة من الله تغشى الراحلات الساكنات قلوبنا"
|
Post: #11
Title: Re: السمحات القيافة
Author: ندى عثمان حسن
Date: 03-22-2010, 08:11 AM
Parent: #9
ورحمة من الله تغشى والدتك يافاتح
وباقة من الأزهار على قبرها.
|
Post: #12
Title: Re: السمحات القيافة
Author: ندى عثمان حسن
Date: 03-22-2010, 08:17 AM
Parent: #11
أمى
Only Unconditional Love
|
Post: #13
Title: Re: السمحات القيافة
Author: Gaafar Ismail
Date: 03-22-2010, 03:36 PM
Parent: #12
العزيزة ندي
أصدق وأطيب الأمنيات بموفور الصحة والعافية لوالدتكم بمناسبة عيد الأم ، ونسأل الله العفو والمغفرة لمن رحلن من هذه الدنيا الفانية.
تحياتي ومودتي ووافر احترامي
|
Post: #18
Title: Re: السمحات القيافة
Author: ندى عثمان حسن
Date: 03-24-2010, 07:35 AM
Parent: #14
شكراً يااستاذ الطيب
ولاوطن يشبه حضنهن
لاصباح يعدل نور عيونهن وقلوبهن وهن يمنحن قلوبنا ضى نمشى به بين الناس قناديل
لاليل يشبه ليلهن,
http://www.youtube.com/watch?v=eniI2Mn-UMc[/U]
|
Post: #16
Title: Re: السمحات القيافة
Author: ندى عثمان حسن
Date: 03-23-2010, 04:56 AM
Parent: #13
عمو جعفر
شكراً على الأمانى الطيبة.
وندعو معك بتمام الصحة والعافية لكل الأمهات زينة الدنيا وبهجتها.
خالص الرحمة والمغفرة لكل الراحلات ويسكننا عبيرهن.
|
Post: #19
Title: Re: السمحات القيافة
Author: ندى عثمان حسن
Date: 03-31-2010, 09:50 AM
Parent: #16
إلى آمونة (الغرباوية) - فى كلية الإقتصاد جامعة الخرطوم
نشرب الشاى , وندفع آخر الشهر "تكب ليك الشاى زى مابتكبو ليك أمك فى واحد من صباحات الشتاء"
مهما كترت علينا الديون تستقبلنا بنفس الإبتسامة والضحكة الصباح
تسلفنا حق الفطور, وحق التصوير وتدعى لينا بالنجاح
مودتى ياأمى آمونة , تصلك أينما كنتٍ وكيفما أنتِ.
|
Post: #20
Title: Re: السمحات القيافة
Author: ندى عثمان حسن
Date: 03-31-2010, 09:57 AM
Parent: #19
نشأت فى مدينة قلما تسمع فيها "أنت جنسك شنو"؟
تعلمك كسلا , الحب والحنين والمساواة
ولسة فى خاطرنا عبارة استاذ عبدالروؤف (أما كسلا فلحم رأس, وأنا بحب لحم الرأس).
يجاورنا باليمين "فانستو وروزينا" , نعودهم ويعودونا عند المرض, نحتفل معهم بعيد ميلاد السيد المسيح وناكل أجمل ماتصنع من اطعمة , ونقاسمهم حلاوة مولد أعظم الخلق.
ينتظرون رمضان معنا , عشان يشربو "هلو مور" , وبناتهم يلبسن معانا جديد فى كل عيد
باب بيتنا أول ماتفتحو يلاقيك "سيد" الدنقلاوى , يحيينا ويشتمنا بصيغة المذكر
نضحك , ونحييه بمودة وننصرف
مادار فى خلدى يوما واحداً أنهم ونحن "غير" وينبغى أن يتمايزوا عنا أو العكس.
|
|