ياقلب .. أنا كنت قايلك تبت من تعب السفر ومن مخاواة القمارى ومن شراب موية المطر ... وتعب السفر بتعبنا نحن ... نحن القاعدين هنا وسافر ياجرح جواى ... سافر فوق جناح السرعة ... سافر طالما السفر بقى مكتوب ... والمكتوب لابد تراه العين والببقى علينا نحن يبقى ..
المهم سافر .... لكن تأكد أنو قلوبنا ح تسافر معاك ...
بوست وقع ليك في جرح يا شول .. الحاصل يا شول ما بتحكي والكلام ما بتقال وكل ما نقول قربت المسافات نلقي سيف السفر ذابحنا وكل ما قربت القلوب نلقي العوازل طاردننا ..
Post: #260 Title: Re: ياقلب ... Author: الكباشى عبد الله الرقيق Date: 09-22-2010, 09:01 PM Parent: #17
Quote: كلامك ده كان مفروض تكتبو بداية البوست يالعوض مش لمن الناس تبدأ تدخل
اختي منال ارجو الا تكوني فهمتيني خطا .. فعلا انا فتحت البوست واعني به شخص معين قد يكون معنا ويتابعه وقد لايكون .. المهم ان قلبي لم يستحمل الصبر علي الفراق وان قلبي قد ادمع في لحظات انفراد .. وان الخوف مما هو ات قد فعل بي ما فعل , وانه رغم ثقتي في المستقبل الا انني اكتب من قلبي .. مودتي ..
Quote: اختي منال ارجو الا تكوني فهمتيني خطا .. فعلا انا فتحت البوست واعني به شخص معين قد يكون معنا ويتابعه وقد لايكون .. المهم ان قلبي لم يستحمل الصبر علي الفراق وان قلبي قد ادمع في لحظات انفراد .. وان الخوف مما هو ات قد فعل بي ما فعل , وانه رغم ثقتي في المستقبل الا انني اكتب من قلبي .. مودتي ..
عارفه ومتأكدة يالعوض اخوى تأكد الخوة باقية واكتر من الاول والله لاجاب فراق بينكم وانشاءالله تكون سحابة صيف وتعدى
فيصل الرشيد خلي عندك حسن ظن بالناس يااااااااخ .. لو وقع عليك ما وقع علي فلا اظنك تستحمل ابدا ... قلبي يا فيصل ما معاي ,, فاهم يعني شنو زول قلبه سافر !!
Quote: قلبي يا فيصل ما معاي ,, فاهم يعني شنو زول قلبه سافر !!
والله يا حاج دعواتي الصالاحات انه ربنا يجمعكم قرييييب.. صدقني انا قايلك مهكر والا حاجه عموما كامل التضامن معاك ومع قلبك لحدي ما يرجع ونقعد نشوفو مشي وين خلاك مجهجه كده
يا فيصل لو مهكر كنت عرفت ولكن لانك جافي اخوك ممكون وما صابر وانت ما جايب خبر ... قلبي برجع طال الزمن او قصر والمراد بتم كان المولي اراد .. والحبيب ما بخون وما بقدر انا علي البعاد ..
Quote: ياقلب .. أنا كنت قايلك تبت من تعب السفر ومن مخاواة القمارى ومن شراب موية المطر ... وتعب السفر بتعبنا نحن ... نحن القاعدين هنا وسافر ياجرح جواى ... سافر فوق جناح السرعة ... سافر طالما السفر بقى مكتوب ... والمكتوب لابد تراه العين والببقى علينا نحن يبقى ..
Quote: زيزتي عفاف اقيف كيف والنزيف يادووووب والنتاحة لسة حااااااارة .. ويمكن انتوا تفهموا اما انا فيشهد الله لو ما عاد قلبي ده لابفهم ولا بفهم ولا بفهم ...
قلوبنا معاك
خارج النص: العوض المسلمي بالنيولوك
Post: #40 Title: Re: يا قليب الليلة راجع لي تبقبق ! Author: Hadeer Alzain Date: 07-07-2010, 05:40 PM Parent: #39
ياقلب يا قلب انا كنت قايلك تبت من تعب السفر ومن مخاواة القماري ومن شراب موية المطر تاريك كامن ليا ... بشيتا كتر تاريك لابد ليا ... بشيتا كتر مازمان انا وانت لفينا المواني بالقطارات والمطارات والسفن ودقينا اجراس الجديد وعدنا ترتيب المعاني الليلة راجع لي تبقبق بتنتل الآهة وترقرق زي تقول يا داب عرفت الاندهاش
***** يا قليب مالك عليا ما انت عارف نقطة الضعف القديمة وزيي ضايق الارتعاش
***** يا قليب ياما سرحنا مرة جينا والف رحنا ومرة شاي عصرية في طرف الغمامة ومرة دوبيت للمحنة ومرة منديل مسقي حنة ومرة حاجاتا اجن وانحناءات للحمامة جاي تسألني الدبارة يا قليب ما فيش دبارة لا المراكب قادرة تكسح في النزيف ولا نحن شايفين الفنارة
Post: #54 Title: Re: يا قليب الليلة راجع لي تبقبق ! Author: العوض المسلمي Date: 07-08-2010, 08:02 AM Parent: #40
حيرتنا انت بغيابك وبقرايتك الابت تنتهي دي يا ياسر .. عارفك رهيف وقلبك شفيف وزي البوست ده بجيب اخرك ,, يلا تعال انداح وسيبك من عمك وهبة ده خلاص اللهم حسن الختام لووووووول ....
Post: #61 Title: Re: ياقلب ... Author: صلاح أبودية Date: 07-08-2010, 08:43 AM Parent: #57
أخوى العوض .. إنت قايل الريده بتنعرف كيف ؟ لو داير تعرف إنت بتريد زول ول ما بتريدو !! إتخيل إنو الزول ده مافى ! لو إستوعبت غياب الزول ده تبقى ما بتريدو ... ولو ما إستحملت فكرة إنو غائب .. تكون وقعت فى دباديبو !!
Quote: يا طارق جبريل بما إنك خبير قلوب وخبرة وخيت في مجال التكسر والنخجي تعال أتبن الريس دا شوفو في ياتو مرحلة !!! عشان لو متأخرة نشوف ليهو حلول فورية ناجعة!
بت الزين كيفنك ياخي العوض دة من اول دفرة كتاحتو قامت
حباب ابوالسارة وكيفك والاسرة .. يا ابوالسارة لو الاستفهامات بتجاوب كان غيرنا العنوان .. وكان البوح ممكن كان كتبنا الاسم ...
Post: #72 Title: Re: ياقلب ... Author: هاشم أحمد خلف الله Date: 07-08-2010, 05:05 PM Parent: #1
Quote: ياقلب .. أنا كنت قايلك تبت من تعب السفر ومن مخاواة القمارى ومن شراب موية المطر ... وتعب السفر بتعبنا نحن ... نحن القاعدين هنا وسافر ياجرح جواى ... سافر فوق جناح السرعة ... سافر طالما السفر بقى مكتوب ... والمكتوب لابد تراه العين والببقى علينا نحن يبقى ..
المهم سافر .... لكن تأكد أنو قلوبنا ح تسافر معاك ...
ومصيبتنا بنموت بالأأأأأح ...
العوض أخوي ما تشوف شر إن شاء الله باقي الفراق صعب بالحيل اسأل مجرب وعشان جِرستك دي بهدي ليك فصيدة في بوست منفصل إن شاء الله تعجبك ولو عايز تغنيها كمان غنيها ههههههههه اها قصرت معاك
يا مسافر وناسي هواك ارواحنا وقلوبنا معاك اضناني البعاد والبين يا روحي الفراق لي متين قضيت عمري كلو حزين عايش على زكراك عديت انا نجوم الليل في خدودي الدموع بتسيل ويالفارقت ارض النيل يرعاك الله يا ملاك في عيونك سلاح مشهور لمعان الخدود بالنور ننساك اصلو ما معقول نسلاك اصلو ما معقول لو ضاعت حياتي فداك طارين للهوى وعهدو حافظين بالشهود وعدو العاشق يدوم سعدو لو دام يا حبيبي هواك
يا اخونا واحد حريف في اليوتيوب .. يجيب الأغنية ..
علي ما اذكر كانت حفلة بعودة سيد خليفة من العلاج
وكان غناء جماعي .. وبشير عباس علي العود
Post: #94 Title: Re: ياقلب ... Author: معتصم دفع الله Date: 07-10-2010, 10:42 AM Parent: #87
قلنا ما ممكن تسافر .. نحن حالفين بالمشاعر .. نحن ما صدقنا إنك بي جلالك .. جيتنا زاير .. السفر ملحوق ولازم تجبر بالخواطر ..
حبيبنا نورالهدي حبابك وشكرا لهذه الكلمات الرائعة ..
Quote: العوض علي الله صاحب العوض سنن دولاب مفتوح ضلفتين وترباسو حالج والافق يمتد بقدر امكان التأمل والخاطر بشوف القلب وعيونو ماظنيت يرمشن يرسمن من غير قلم
يوسطن غيم المنى والطيور الماده الجناح يقبضن
ياحريق لو تنطقي ويامسافة لو تنطوي
كائن براهو عشق البلد وأهل البلد وريدة العوض
قولو معاي وأندهو ياسيدي الحسن ويا ابوي ابشر يقطع طاريهو السفر
Post: #160 Title: Re: ياقلب ... Author: محمد النيل Date: 07-20-2010, 02:57 AM Parent: #97
Quote: : ياقلب ...
غنية تدخل القلب شح كدا غايتو اللى بتذوق الاغنية دى ما اظن تانى يكون عندو قابلية يستمع لاغنية تانية فليس بعد التحلية اكل دى لحنها وموسيقتها زى الكضب كضب كدا
Quote: العوض أخوي ما تشوف شر إن شاء الله باقي الفراق صعب بالحيل اسأل مجرب وعشان جِرستك دي بهدي ليك فصيدة في بوست منفصل إن شاء الله تعجبك ولو عايز تغنيها كمان غنيها ههههههههه اها قصرت معاك
حاشاك التقصير اخي هاشم وفعلا قصيدتك كانت خير زاد واعطيتها هدية للحبيبة وكانت اسعد الناس بيها .. وتوقع تلحينها قريبا اخي هاشم .. رائك شنو يا المجرب ؟ والجرسة للرجال في مواقف كتيرة انتصار ..
إهداء إلى كل الذين تعمدوا أن يورثونا شوقاً وحزناً وحسرة .. إلى كل الذين نشتاقهم في أوقاتنا .. إلى كل الغياب الذين ذهبوا بخاطرهم .. أو دون خاطرنا .. إلى الذين تعمدوا أن يلهبونا بسياط الأشواق ..
Quote: بت الزين كيفنك ياخي العوض دة من اول دفرة كتاحتو قامت
العوض يا حبيبنا اسكت جوعر واتنخج اوعك تدسو
العوض باقيلى تستفيد من كلام كبير وزعيم بوكائيين البورد البيقولو ليك جوعر واتنخج باقى خبرتو طويلة ومتخصص فيهو ...بختك ياالصهيونى عددكم زاد فى البورد .. بعد ده ممكن تفتحلك فصل الليييل قلوب مشتاقة تسلم العوض ويسلم قلبك من الوجع وربنا يرد الغايب ويقرب البعيد ...
الف مرحبا باخونا دينق وحباب مرورك .. قلت لي بتاع مقصات ؟؟ حرام عليك فالقلوب دي بالذات ما بتعرف المقصات ,, ويا دينق لو تعرف الذي عنيته بالذي اخذ قلبي لعذرتني فيما ابوح واقول .. دينق القلب منوسر ونازف فلا تؤلمه اكثر بل عليك الدعاء لي بالتوفيق ..
Quote: إهداء إلى كل الذين تعمدوا أن يورثونا شوقاً وحزناً وحسرة .. إلى كل الذين نشتاقهم في أوقاتنا .. إلى كل الغياب الذين ذهبوا بخاطرهم .. أو دون خاطرنا .. إلى الذين تعمدوا أن يلهبونا بسياط الأشواق ..
صاحب السعادة اخو السيد الوزير وشقيقي معتز حبابك وحباب المعاك .. اكيد حاسي رغم ان احساسي بالبعد قاتل وبعدم التواصل حائر .. ولكن زي ما بقول اخونا الانسان نعيم علي بكرة احسن ...
وينك يا سمؤال ؟ ومشتاق ليك كتير .. يا سمؤال قلبي ويشهد الله خارج حدود الوطن العربي .. ويازول ده ممكن تقول شرق لشرق اسيا ولا ضرب غرب اوربا .. بالله بطل حركات وكان كترت كلامك بجي الرفاعي بفتك هنا زي الما حصل حاجة ..
يا ذواليد حبابك وسعيد بتواصلك ... رغم انه الحبيب لاحس ولا خبر حتي هذه اللحظة .. اتراها بعد المسافة ولا تعب السفر ولا ارهاق القلب .. ذواليد ما تشوتها لي بقصيدة تجيب خبرها , ياربي هي بتفهم في الشعر ؟؟
ايمن الطيب يا ذوق تحياتي .. ما اتقول اتجهجهت وبس !! يازول انا من فراق الحبيب فقدت البوصلة وبقيت اتلفت يمين ويسار بلا محصلة ومشيت افتش في امدرمان بلا نتيجة وفي بحري تهت بين شمبات والصبابي وفي الخرطوم بحثت شمال ويمين بدون حبيبتي الاقي ...
كلما اطل فجر جديد تذهب يداي الي جوالي لارسال رسالة الصباح ,, وقبل ان اكمل ارسالها ياتين الرد كما لو ان الرسالة وصلت ,,, وكل يوم يكون من حظ جوالي ان يسمع صوت حبيبي قبل اي صوت اخر .. ويظل القلبان قلب واحد يتلقيان الرسائل والتحايا قبل ان تصل علي الجوال ,, ويكون هناك توارد خواطر اكاد اجزم بانه لايوجد في عالمنا هذا ... تعودنا ان نفطر سويا وان بعدت المسافات وتعودنا ان نذهب سويا وان كان كل واحد منا في مدينة اخري .. وشهدت بحري وجدة وطوكيو وملبورن لقاء قلوبنا قبل ان تلتقي الارواح .. ذهبت امس لامدرمان والخرطوم وبحري فكان اللقاء عبر الاطلال وكانت حلو الذكريات ... كنت لا انام الا بعد ان اسمع تصبح علي خير حبيبي ..
بعد طول غياب وحسن توقع مني لاني متاكد من ان التواصل سيتمر لان الذي يسري في قلوبنا من الحب الكبير زادا للايام والدهور ,, وصلتني هذا الصباح لا اقول رسالة ولكنها نبض من الحياة المتجدد وامل بلقاء بكرة وسعد قادم في كلمات معبرات قليلات بعدد الحروف عظيمات المعاني طيبات الحشاء ,, رسالة لا اقول ابكتني ولكن اعادت السرور لقلبي ولحياتي ... رسالة تنبض بالحب والامل والعشق المتجدد ...رددت علي الرسالة ليس كتابة ولكن شعورا جميلا وبوحا خاصا متاكد من انها تسمعه ...
____________________ عدلت لحذف حروف اليوتيوب ولم تفلح ..
Quote: إن لم تكن بين القلوب فواصل *** ففواصل الايام غير مهمة ..
فعلا عفاف الصادق فالفواصل والحساب والارقام لاتعني شئ امام القلوب التي تحابت وتالفت ... عارفة يا عفاف وصلت التالف بين قلوبنا اننا نشعر ببعض رغم بعد الزمان والمكان ...
انعام يازعيمة كيفك ,, ماما دومة علي العين والراس .. وكم يشهد الله انني اعزها معزة لا تدانيها معزة ... ولكن ما عنيته بهذا البوست شخص غير كان جبت اسمه الناس بتعرفو وكان جبت حرفو الهوا بقسمو ... وبالمناسبة هذا البوست يا دوب حيبدأ ...
عندما اتت هذه الساعة في هذه الليلة غلبني النوم وكنت مثل هذا الوقت امضيه شربا للشاي علي ضفاف النهر ,,, هل تذكرين حبيبتي كيف كنا نضحك من اعماقنا وكيف تمضي اللحظات سراعا ... لن انساك رغم ان المسافات قربت او بعدت لاتبعد بين قلوبنا .. هذه الليلة تحديا لن انام ولا اريد من احد ان يسالني لماذا ؟ حبيبتي تعرف وهذا يكفيني ...
واحشني يا الخليت ملامحك في حياتي يا الرسيت مراسيك جوه ذاتي الا باكر لما ترجع انا بحكي ليك عن الحصل عن بعد المسافة وقربها لمن يفارق زول عيون غاليات عليهو كتير وبحبها والله احكام يا قدر والله احكام يا مسافة وياسفر
*** واحشني بس تاني لما بتسيبني وتسافر خت في بالك انو دنياي في مدارك جد لفافات الصبر دخنتها وحتى المقاطع في غناي طوعتها وغريبة غنت فرقة لا لا مش فرقة الله الله تقصد شنو ؟؟ ما عرفتها بس ممكن اقول تجربة خطيرة جد واجتزتها لسه واحشني
واحشني يا الخليت ملامحك في حياتي يا الرسيت مراسيك جوه ذاتي الا باكر لما ترجع انا بحكي ليك عن الحصل عن بعد المسافة وقربها لمن يفارق زول عيون غاليات عليهو كتير وبحبها والله احكام يا قدر والله احكام يا مسافة وياسفر
*** واحشني بس تاني لما بتسيبني وتسافر خت في بالك انو دنياي في مدارك جد لفافات الصبر دخنتها وحتى المقاطع في غناي طوعتها وغريبة غنت فرقة لا لا مش فرقة الله الله تقصد شنو ؟؟ ما عرفتها بس ممكن اقول تجربة خطيرة جد واجتزتها لسه واحشني
شكرا هدير الزين علي وقفتك معانا في هذه اللحظات .. ويارب نردها ليك في الخير ..
Post: #127 Title: Re: ياقلب ... Author: ذواليد سليمان مصطفى Date: 07-14-2010, 10:27 PM Parent: #113
Quote: ذواليد ما تشوتها لي بقصيدة تجيب خبرها , ياربي هي بتفهم في الشعر ؟؟
هاك يالحاج هي بتفهم سبب الغياب كلمات/ذواليد سليمان مصطفى
ورينى ايه سبب الغياب
ولى متين يدوم فينى العذاب
اروينى من نبع الرباب
لوحتى يويوم تهطل سحاب
بقت النجوم من غير جمال
بفرقتك صبح الجمال زى الضباب
برسل عليك شوقى الحريق
لو بس ينوب عن الخطاب
اه يا زمن من جور زمن
فات الحبيب والعين تساب
حتى الفرح ضل الطريق
والسكة تاهت بين سراب
كفانى حرمان من هواك
والليل طويل مشحون عباب
سفرك اكيد جواه سر
وانا بالفراق كم نجم غاب
يا ساكنه جوه عيون شوف
كل الخصال ضامه العتاب
كلمه وداع سالت دموع هزت شعور كل الصحاب رغم البعاد زاملى المصير هزت شعور كل الصحاب ريحه الدعاش عبق النفس طل العشم من كل باب احكيه كيف الم الالم عالم وهم من غير صواب عاشق اسير كايس العبير شايف الزهور تحكى الخراب
شكرا ذو اليد علي القصيدة ... واقول لحبيبتي صباحك خير وامل بكرة وريحة الدعاش ذكرتني عجيب وولده ذاتوووووووو ... مازال عقلي وقلبي يحدثاني بانك موجودة وانك لم تسافري وان سفرك مجرد اشاعة من العوازل ... حسبت عدد رسائل يوم الخميس الماضي فوجدتها تسعة وخمسون رسالة اقل ما فيها قولك انني حياتك ... اكيد غدا احلي وبكرة هو المرتجي ....
في هذا الصباح لا اقول تحققت احلامي ولكن اقول الفرح قرب لبابي شفتك والدنيا بقت ملك يدي شفتك وتاكدت انه السعد راجيني شفتك والامل في بكرة ماليني حياتي انتي وبيك تسعد كل ايامي شفتك وبيك زال كل همي وبعد عرفتك دخل الامل والنور حياتي
الجميل ابو امنية حبابك وبركة الرجعت لاولادك بخير .. وعقبال ما ربنا يرد لاخوك حبيبة قلبه التي فارقته ويسعد ايامك وايام صديقك الذي بالبعد اتالم ويازول اخوك ثابت بس مع اول مطرة برقد رز !! هل تسمعني يا حبيبي ؟؟ تسمعني لاني اكتب من قلبي تسمعني لاني صادق في حبي تسمعني لاني لا اضيع دربي تسمعني لاني اعرف نفسي
ساكتب الكثير حتي يحتار الكل ساقول الشعر والنثر حتي يكتمل العقد منتظرك يا حبيبي وان طال السهاد منتظرك يا حبيبي وان تحول الكون الي رماد منتظرك يا حبيبي لو اختلط الابيض بالسواد
املي في بكرة والامل اكيد منتظر الطلة والشوق شديد حياتي بيك تعني كل جديد ومصيرنا يوم نلاقي اليد بالليد
طيب اقول شنو وانا اشوف هذه الكلمات ارد كيف والقلب اصبح مافيه غيرك حديثك يروي الظمأ ويرد الروح
من يوم ما فارقت عيونك لي الليلة عيوني بتبكي وروحي معاك هناك وحبك ماليهو قلبي شيل من اسمك حرفين وخت حرفينك في اسمي بتقرا الروح في كفة يدك وتقرا الوعد الجاييك بكرة[/B]
نام السهر خاطري لي دوحك أصل مـ الشوق من روحي انتهل جسمي العليل بهواك ضل حبك كبير قلبي العزير ما بيحملو ناديت عليك أحضاني بي صوتك غلو بهواك يا بلسم حشاي وقلبي عندك تبتبو
Post: #144 Title: Re: ياقلب ... Author: Tragie Mustafa Date: 07-17-2010, 06:21 AM Parent: #143
غايتو يا حاج امانه ما وقع راجل
Quote: حبيبنا العوض
قلوبنا معاك
امانا ما وقع راجل
تحياتي
----------- هو تشفير نصاح ، إنا لله
ههههههههههههه!
ربنا يزيدك يا عوض لما تجيء تقول الرووووووووب هنا اكثر من كده! سلم لينا عليهم.
Post: #146 Title: Re: ياقلب ... Author: Tragie Mustafa Date: 07-17-2010, 06:29 AM Parent: #144
النبي شوفوا جنس ده؟؟؟
Quote: تحياتي لك أيها العم المبجل وأنت تخبرنا بأن العشق لا يخضع لمقاييس الأعمار ولا تضاريس الزمن
حليله يا يمه العوض المسلمي هو ود ميتن؟؟؟ سوتهوا عم يا رجال البورد؟؟؟بتبالغوا؟؟؟
العوض امانه عليك لو ما جيتنا كندا قبل( الناوي عليه ده) نعمل لك برنامج جيم وراحة بال واكل صحي بلا قندهار بلا بلاء ترجع لعمرك الحقيقي لما تخاف على روحك من العين.
Quote: حليله يا يمه العوض المسلمي هو ود ميتن؟؟؟ سوتهوا عم يا رجال البورد؟؟؟بتبالغوا؟؟؟
وصدقت تراجي فيما قالت ..
Quote: العوض امانه عليك لو ما جيتنا كندا قبل( الناوي عليه ده) نعمل لك برنامج جيم وراحة بال واكل صحي بلا قندهار بلا بلاء ترجع لعمرك الحقيقي لما تخاف على روحك من العين.
ما اتعودت اخاف الا معاك حسيت بالخوف .. اصبحت هذه الكلمات تتردد في لساني وفي كل لحظة فما تري دلالتها ؟؟ هل هو الخوف من بكرة ؟؟ طبعا لاخوف من بكرة فما يجمع بين قلبينا يستحيل ان ينتهي الا بكل الخير والتواصل الابدي .. هل هو الخوف من الفراق ؟ بالتاكيد لا لان القلوب المتحابة لا تتفارق ولا تفصل بينها مساحات ولا ازمنة .. فكرت كثيرا ووصلت الي هذا الخوف شئ رباني وضع في قلوبنا حتي نحس بكريم حبنا وتقديرنا للاخر . وان هذا الخوف يزداد كلما اقتربت القلوب اكثر ولكم ان تنظروا في الزهاد الذين زهدوا في الدنيا فتجدهم اخوف الناس لانهم احبوا الله فخافوه ...
لا يا سارة عليك الله ما تحبطيني .. حبنا ده غير كل الحب ده فيه تفاهم وانسجام فيه توارد خواطر فيه كلام وسط الصمت .. شفتي كيف ؟؟ مرات يا سارة برفع تلفوني في يدي بلا اي مناسبة وعندما اضعه بين يدي تاتيني رسالة من قلبي .. وحتي الرسائل نكتبها في نفس اللحظة وبتوارد غريب جدا ... وانا ما بقول الحب مرض ولكن بقول هو شفاء وهو بلسم وهو روح النفس وحياتها ...
Quote: حالتك متأخرة .. شديد ..
وبعد ده علاج ما بنفع صاااح ؟؟ كلامك هنا جد اياهو الحقيقة ...
صحوت من النوم مبكرا وذهبت لعملي علي غير العادة بحوالي ساعة او تزيد .. مررت علي الطريق اتلفت يمنة ويسرة فكنت متاكدا انني ساشاهد من احب .. فعلا دخلت اول شارع غ=علي يميني لاجد في ذلك الصباح حبيبتي وسط زميلات لها تمسك بجوالها تريد ارسال رسالة , اعرف انها قادمة الي ورددت علي تلك الرسالة قبل ان تصلني .. تلفتت حبيبتي نحوي وكاننا علي موعد وتبسمت .. عند تلك اللحظات اغمضت جفوني قرحا بذلك اللقاء .. وعندما فتحت عيوني وجدت نفسي بالقرب من الصبابي علي شاطئ النيل ولا احد غيري في ذلك المكان .. ضحكت مليا وقلت اللهم اجعله حلما ولا تجعلني مجنونا ..
تاني بقول ليك الله يشفيك من الحب ابو قرحة دة .. دة من اعصي الامراض .. انت مفروض يختوك في (كرنتينة) براااك .. ومن هنا اناشد بكري بفتح منبر خاص للحالات المستعصية .. عشان نقدر نحاصر الفايروس دة .. قبل ما ينتشر في المنبر .. وحاتك لو انتشر يا بكري علي الدنيا السلام.. حيبقي قلوب اون لاين دوت كوم
تاني بقول ليك الله يشفيك من الحب ابو قرحة دة .. دة من اعصي الامراض .. انت مفروض يختوك في (كرنتينة) براااك .. ومن هنا اناشد بكري بفتح منبر خاص للحالات المستعصية .. عشان نقدر نحاصر الفايروس دة .. قبل ما ينتشر في المنبر .. وحاتك لو انتشر يا بكري علي الدنيا السلام.. حيبقي قلوب اون لاين دوت كوم
عارفة ياسارة اقسم بالله العظيم انها كانت ستقراها فرحا ولن تنظر الي هذه النقطة الزائدة .. القراية بالقلوب يا سارة .. بس استشارة ابو تفة ياسر ما بناباها .. بالله المرض عنده كرنتينة ؟؟ الله يسهل امرنا قبال ندخل فيها لانه لو دخلت تاني الله اعلم امرق منها تاني .. كلامك ريحني في حناني ذاتو لانه ابوتفة ده كان فايت علي ..
لن اكثر من القول في خصوصيات قد لاتعني غيري في شئ ولكن شعور الانسان اي الزول الواحد مننا انه وجد ما ينقصه ووجد ضالته التي تاخر كثيرا في لقائه فماذا يفعل ؟؟ ما اظن في شئ ممكن يتعمل الا يشكر ربه ويشكر مجتمعه ويشكر حبيبته .. فهذا يعني الرضاء رغم انه رضاء تاخر كثيرا .. ماذا لو تقابلا قبلا وفي ظروف غير هذه الظروف ؟ ام هي المحن والمصائب التي تاتي لكي توضح كيف ان تلك القلوب التقت علي الا تفترق .. ام هي الحياة تبتسم لي بعد طول عبوس ؟؟ مواقف كثيرة تسعدك بانك عرفت انسانا بمعني كلمة انسان ...
Post: #163 Title: Re: ياقلب ... Author: الصادق خليفة Date: 07-20-2010, 07:18 AM Parent: #162
عزيزي الصادق ما احلي لحظات اللقايا وما احلي الدموع واجملها عندما تاتي صادقة في وداع او استقبال الحبيب ... عارف يا الصادق انه اليوم في السودان جو خريفي موووووبالغة يجعلك تبكي وانت كنت جالس لوحدك فكيف ان كنت جالس وطيف حبيبتك معك لايفارقك ... حلوة هي الحياة بالحب وجميلة بان تشعر انك عايش لغد احلي ولصباح قادم بكل خير وجديد ... جو الخرطوم رزاز اتعب الشعراء في الصمت فقالوا شعرا ونثرا , وانا المسكين بالصمت باكي ...
صباحك خير وبركة وامل وعشق كنت بين الزهج والقلق وكنت بين التوقع والتصديق حتي سمعت صوتك بل سمعت الحنان والامل منك في لحظة تبدل حالي من زهج وارق الي سرور وفرح .. الم اقل لك كثيرا انك روح الروح اتذكرين قولي لك بان الحياة بلاك عدم
Post: #167 Title: Re: ياقلب ... Author: إدريس محمد إبراهيم Date: 07-21-2010, 10:53 AM Parent: #166
الأخ العزيز / العوض المسلمي ...
تحية الحب والتقدير والتجلة ...
ما أجملك أخي وأنت وبشهادة الجميع ينبوع من العطاء الثر وقلب دافيء جميل ما حمل إلا الحب والمودة للجميع .. وما أبهاك وأنت تبوج بما تضج به الأعماق .. ياخي بالذات لمن سمعت (الأبيض ضميرك) لم أتمالك نفسي من الـ..... ، وتذكرت حاجه قديمه كده كنت كتبتها زماااان ... أهديك إياها علها تخفف ولو قليلاً مما تعاني منه إيها الرجل النبيل ... رغم قناعتي التامة بأن هذه أجمل معاناه وألذ ألم ...
حلم العشــم ….
إدريس محمد إبراهيم
لو مره بس سقتي العشم ... وفيتي حق اللهفه فيني ... وانداح عبيرك في السكون ... ترتاح عيونك في عيوني ... تحضن رذاذ يروي العطش ... تنساب خواطر كامنه في جوف الشقا ... وتطفي جمراً شبّ يوم عز اللقا ... وترطب الجاي من سنيني ... تسقي الجفاف الحلّ يوم حسي انبهم ... لو مره بس سقتي العشم ... *** يا ساكنه في قلب القصيده الحالمه بالصبح الجميل ... يازارعه ترنيمة أمل في المستحيل ... شايلك معاي عمق الجراح الغرزت ... تعويذه للحزن النبيل ... في نظرة الريد المضمخ بالأسى ... في طلعة النفس البيحلم كل ليل ... في زفرة الآهه البتسكب حزني ويل ... في حبة الذكرى القبيل ... في الزفره لمن حشرجت ... وقت الصراخ فيني انكتم ... لو مره طاوعني العشم ..
Quote: ، وتذكرت حاجه قديمه كده كنت كتبتها زماااان ... أهديك إياها علها تخفف ولو قليلاً مما تعاني منه إيها الرجل النبيل ... رغم قناعتي التامة بأن هذه أجمل معاناه وألذ ألم ...
الاخ الشاعر ادريس يا سلاااااااااام يشهد الله لو اني طلعت من هذا البوست بهذه الهدية لكفتني ... وانا بدوري بعد اذنك اهديها لقلبي الذي اتمني ان يكون قريبا ليتقبل اغلي هدية ..
حلم العشــم ….
إدريس محمد إبراهيم
لو مره بس سقتي العشم ... وفيتي حق اللهفه فيني ... وانداح عبيرك في السكون ... ترتاح عيونك في عيوني ... تحضن رذاذ يروي العطش ... تنساب خواطر كامنه في جوف الشقا ... وتطفي جمراً شبّ يوم عز اللقا ... وترطب الجاي من سنيني ... تسقي الجفاف الحلّ يوم حسي انبهم ... لو مره بس سقتي العشم ... *** يا ساكنه في قلب القصيده الحالمه بالصبح الجميل ... يازارعه ترنيمة أمل في المستحيل ... شايلك معاي عمق الجراح الغرزت ... تعويذه للحزن النبيل ... في نظرة الريد المضمخ بالأسى ... في طلعة النفس البيحلم كل ليل ... في زفرة الآهه البتسكب حزني ويل ... في حبة الذكرى القبيل ... في الزفره لمن حشرجت ... وقت الصراخ فيني انكتم ... لو مره طاوعني العشم ..
حبيبتي هؤلاء اصدقائي يهدونني اجمل ما كتبوا ويهدونني افخم واغلي الهدايا .. كل يوم اشعر بانني ابن هذا المكان الجميل ...
شكرا ابو السيد علي الهدية الباحية للقلب النابض بالحب والحنان .. تصدق يا ابوالسيد انه الانسان ده بلا قلب وزول يحبه بيكون عايش بس علي وهم ,, يعني شنو اكل وشراب وجري وراء العيش ؟؟ ده كله بيكون ساهل وميسور اذا كان هناك حب حقيقي ,, كمان الحب ذاتو لابرتبط بزمان ولا مكان لانه اذا ارتبط اصبح زي جدول المذاكرة تاتيه بلا رغبة ,, الحب سر عظيم يحي الروح الميتة والحب سر كبير يجعلروح الكبار شبابية ,, ما يفعله الحب في البني ادم لايفعله سحر ولا جان ... الحب اخلاص للحبيب والحب صدق في القلوب والحب امل لغد قادم جميل .. وعندما يطرق الحب قلب فانه بلا شك يحول ذلك القلب الي قلب حالم يعيش في سعادة لايذوق طعمها الا من شرب شربة من معين الحب .. وقلبي الذي حدثتكم عنه قلب كبير وعظيم يساعد المحتاج ويعاون الضعيف ياكل لقمة صغيرة ولكنه يتنفس حنان وعطف .. اذا قابلته مرة فذلك دليل السعادة في بقية الحياة .. ان تبسم قلبي فانه ابتسامته فتح للكون بالسلام والامان .. تجده يصرف ما في يده اسعادا لغيرة وان نام جائعا ولكنه لايشعر بجوع لانه اسعد انسانا .. حبيبتي انا سعيد بان التقيت بك .. حبيبتي انا لا اتحدث عن شئ دنيوي فما اعرفه عنك السمو فوق الصغائر ولكن اعلن لك انني ما عرفت احدا في قدرك وانسانيتك ... حبيبتي رغم ان الوقت عندكم ظهر او عصر الان ولكن عندنا هو الفجر الذي اشرقت شمسه الان اقول لك صباحك زين وسوداني وام تي ان ذاتوووو...
Post: #171 Title: Re: ياقلب ... Author: معتصم محمد صالح Date: 07-22-2010, 05:45 AM Parent: #170
ودي بتعبر عني وعن ريدتي رغم انه لا خصام ولا تجافي ..
لو تخاصم أو تجافي
تبقي لطبعك منافي يا ذمن ريدي الخرافي وذول بريدك ذي مافي
شلت ريدك في الحنايا شفت فيك احلام صبايا انت يا ريدي ومناي حبي ليك واللهي صافي وذول بريدك ذي مافي
انت لو عارف الحقيقه دنيا غيرك ما بطيقها اصلي سارح في جمالك وبهوى في عينيك بريقها وذول بريدك ذي مافي
الله يحفظ ليك جمالك وديمه رافل في دلالك يالبديع معدوم مثالك وبيك تزدان القوافي وذول بريدك ذي مافي
Post: #174 Title: Re: ياقلب ... Author: إدريس محمد إبراهيم Date: 07-22-2010, 07:11 AM Parent: #173
Quote: اذا قابلته مرة فذلك دليل السعادة في بقية الحياة .. ان تبسم قلبي فانه ابتسامته فتح للكون بالسلام والامان .. تجده يصرف ما في يده اسعادا لغيرة وان نام جائعا ولكنه لايشعر بجوع لانه اسعد انسانا .. حبيبتي انا سعيد بان التقيت بك .. حبيبتي انا لا اتحدث عن شئ دنيوي فما اعرفه عنك السمو فوق الصغائر ولكن اعلن لك انني ما عرفت احدا في قدرك وانسانيتك ...
العوض أخوي ..صراحة كده وبعد أن قرأت وصفك أعلاه لهذا الإنسان الجميل .. ياني المحكّر ليك في بوستيك ده وماني ماشي .. أيوه البنبر ده جميل وشكلو مريح .. وعليك الله ياالعوض أخوي أطلب لينا جبنه سكر خفيف لأن القعده محتاجه إنعاش الراس بعد أن أنعشت القلب بوصفك الجميل هذا لهذه الزوله الاستثناء .. فانثالت الزكريات الجميلة المنسابة مع شعاع الصبح الجميل المؤتلق .. فدعني وحتى ما أجيكم إيدي فاضيه أهديكم هذه القصيدة علها تساهم ولو قليلاً في وصف الوضع الراهن ...
مع خالص حبي وتقديري يا زول عسل عديل كده ... رغم إني لم أتشرف بلقياك ولكن خصالك الجميلة أخي العوض تتحدث عنك .. وأشهد الله إن هذا ليس (كسير تلج ولا حاجه) ... ولكن حباً في الله كده أخوي العوض ...
بنيــة العــز إدريس محمد إبراهيم
صعب يجتمعوا في إنسان …. كرم أخلاق صفات عاليه وجمال فتان … علو في الهامه كلو إباء وعفة نفس … وينبوع حب بيتفجر يفيض تحنان … قليباً شال جميع الحوله بالترحاب .. يواري عذاب سنينو المره في الكتمان … يشاطر في مآسي الغير ويتعذب … ويتصبّر يدس آلامو في الأحزان … بنية العز فريده خصالك العذبه … وبين أعطافك العذبه … يشع تاج الجمال مزدان … بريدك فال جميل أخضر سحابة شوق نزل هتان … بريدك معنى فاق الحد … وشكّل من وجودي معان بريدك روح تشع اشراق يبدل خوف سنيني أمان بريدك ساريه تنبض عز .. تزغرد فوق ربى الأوطان .. وبلقاك في بشاشة طفل .. رشف حلم الطفوله حنان … واشوفك في عيون نجلاء .. بتعزف للجمال ألحان .. وطلة زهره صبحيه … تسوق أشواقها للبستان … وشهقة مدحه صوفيه .. تسبح هايمه للرحمن .. جمال انسانه حوريه .. بنيه تشرف السودان … إدريس محمد إبراهيم الرياض في 05/07/2003م
شاعرنا وحبيبنا ادريس محمد حبابك والف مرحب بيك والبوست بوستيك والمنبر ذاتو تحت ايديك ..
Quote: العوض أخوي ..صراحة كده وبعد أن قرأت وصفك أعلاه لهذا الإنسان الجميل .. ياني المحكّر ليك في بوستيك ده وماني ماشي .. أيوه البنبر ده جميل وشكلو مريح .. وعليك الله ياالعوض أخوي أطلب لينا جبنه سكر خفيف لأن القعده محتاجه إنعاش الراس بعد أن أنعشت القلب بوصفك الجميل هذا لهذه الزوله الاستثناء .. فانثالت الزكريات الجميلة المنسابة مع شعاع الصبح الجميل المؤتلق .. فدعني وحتى ما أجيكم إيدي فاضيه أهديكم هذه القصيدة علها تساهم ولو قليلاً في وصف الوضع الراهن
وانا اهدي هذه الرائعة لذات القلب الكبير ...
بنيــة العــز إدريس محمد إبراهيم
صعب يجتمعوا في إنسان …. كرم أخلاق صفات عاليه وجمال فتان … علو في الهامه كلو إباء وعفة نفس … وينبوع حب بيتفجر يفيض تحنان … قليباً شال جميع الحوله بالترحاب .. يواري عذاب سنينو المره في الكتمان … يشاطر في مآسي الغير ويتعذب … ويتصبّر يدس آلامو في الأحزان … بنية العز فريده خصالك العذبه … وبين أعطافك العذبه … يشع تاج الجمال مزدان … بريدك فال جميل أخضر سحابة شوق نزل هتان … بريدك معنى فاق الحد … وشكّل من وجودي معان بريدك روح تشع اشراق يبدل خوف سنيني أمان بريدك ساريه تنبض عز .. تزغرد فوق ربى الأوطان .. وبلقاك في بشاشة طفل .. رشف حلم الطفوله حنان … واشوفك في عيون نجلاء .. بتعزف للجمال ألحان .. وطلة زهره صبحيه … تسوق أشواقها للبستان … وشهقة مدحه صوفيه .. تسبح هايمه للرحمن .. جمال انسانه حوريه .. بنيه تشرف السودان … إدريس محمد إبراهيم الرياض في 05/07/2003م
Post: #175 Title: Re: ياقلب ... Author: سارة علي Date: 07-22-2010, 07:12 AM Parent: #173
الف حبابك سارة ومرحب بيك جيتي راجعة .. قولتي النصيحة ولا بت عمها ؟؟ اول قوليهم الاتنين فالقلب فيه متسع للكثير وان صعب عليه بنختار اصعبهم ...
Post: #178 Title: Re: ياقلب ... Author: سارة علي Date: 07-22-2010, 08:13 AM Parent: #177
نصيحتي ليك ,,,
دوس الفرامل ... طريق الريدة خطر وفيه مطبات ..ما تزود السرعة ... ومن الافضل تلبس النضارات عشان تزيل ليك الغشاوة الفي النظر(ان وجدت) .. سوق بي حكمة وبدون تهور .. ولو واثق في سواقتك ما تثق في سواقة المعاك في الشارع .. خليك منتبه وصاحي .. في التأني السلامة وفي العجلة الندامة ..
ــــــــــــــــــــــــــــــــ التقول انا شغالة في المرور
Quote: دوس الفرامل ... طريق الريدة خطر وفيه مطبات ..ما تزود السرعة
يازولة أحب أبشرك .. أول حاجة الفرامل شغالة بنظام الــ ABS .. لذا لا خوف علينا من المطبات والتقاطعات الغير مرئية ( حلوة دي .. صاح) أما عن السرعة فحدثي ولاحرج لأنو الماكينة شغالة بــ 8 بستم .. وقوتها 25000 حصان .. شفتي كيف ! دا عني أنا .. أما المعاي .. فهو من كوكب أخر .. يمكن يقود ماكوك عديييل كدا .. قالت خليك منتبه قالت .. أنا شايف حاجة عشان أنتبه
جمعة مباركة عليك حبيبتي وكل الاحباب .. اول ما اشرقت شمس هذا اليوم الجمعة تذكرت انني قابلتك فيه في تلك المناسبة التي ضمت اهلنا لا سابق موعد .. سالتك فيها عن اخوانك لو تذكرين !! كان ردك انك وحيدة امك وابيك فلا اخ ولا اخت لك الا ان والدتك هي اختك وحبيبتك . وان اباك قد عوضك عن فقد اخ او اخت .. وكم كنت فخورا بان اعرف انسان يتحدث عن والديه بفخر عظيم وسعادة منقطعة النظير دون الغضب بانه يحتاج لاخ او اخت ....
اكتبنى ياكاتب القدر اكتبنى والمحفوظ شهود اكتبنى انى عشقتها قيال ترا النور والوجود قبل الزمان وقبل المكان وقبال يكون للريد وجود
Post: #185 Title: Re: ياقلب ... Author: إدريس محمد إبراهيم Date: 07-24-2010, 10:31 AM Parent: #184
العوض أخوي يا صاحب القلب الذي يبدو أنه أحب بكل ما يملك من مضخات وأخلص .. ما قلت ليك لن ابارح هذا البوست حتى يفعل الله أمراً كان مفعولا ...
وكعادتي يا قلب .. أسوق إليك آخر ما كتبت ... قصيدة بعنوان أنا قد تعبت وهي منشورة هنا في المنبر ..
تستاهلوا .. والله ...
أنا قد تعبت ....
حاولت أن اسلك طريقاً غير دربك ما استطعت ... جربت أن أنسى هواك أميرتي .. لكني يا ويلي عجزت .. أنا قد تعبت ... لا بدرغيرك قد تلألأ في سمائي ... لا نبض قد ملك الخلايا.. يسكن في دمائي ... لا حب قد سكن الحشاشة والمرائي ... قل لي بربك ماذا قد فعلت ؟ ... ما انفك طيفك رابضاً في خاطري أنى حللت ... قدري أنا ... أن تحيا في أعماقي الحرّى مليء أنفاسي وعيني ... أن تستحيل منار عشق جارف ... يجتاح أستار التمني ... أن ترتهن في مقلتيك حبيبتي ... كل أسراري وظني ... أن ترتوي منك العروق ثمالةَ ... وقد ودعت أقداحي ودنّي ... أن تستبيح فجاج عمري عنوة ... بالرغم مني ... أنا ما فتئت أسير حبّك مرغماً ... فالترحمي ما قد أسرت ... أنا قد تعبت ... أنا قد تعبت ...
إدريس محمد إبراهيم الرياض في 8/7/2010م
Post: #186 Title: Re: ياقلب ... Author: بدر الدين الأمير Date: 07-24-2010, 01:28 PM Parent: #185
العوض لن تسلم من الحب طال ما أنك تمشى في الاسواق وتاكل الطعام بطبعى انحاز للحب مهما كان نوعه ولونه وزى ماقال الشيخ الاكبر محى الدين ابن عربى (أدين بدين الحب ...) وطال ما انت متحرك لابد ان يداهمك الحب وتكتشف ضعفك الانسانى وإمتثالك للمحبوب وسادتنا الصوفية بقولوا (الامتثال خير من الادب ) حبيت يعنى دينك طلع كيف احكى لك عن ابن عربى حين وقع في حب بنت شيخه وسطر فيها ديوانه الشعرى (ترجمان الاشواق)
تنهدات: الله يستر مايطلع حبك زى حب اخونا دينق حين فتح نافذة بعنوان البنت التى احببتها او شىء من هذا القبيل وفي النهاية إكتشفنا أن تلك البنت كانت مدينة امريكة يزورها هذا الظلامى الجنوبى للمرة الاولى ووقع في حبها
استاذ بدر الدين سلام من الله عليك وسعيد جدا بان تمر علينا سواء عابر او مقيم .. ولو وجد البوست هوي في نفسك فهذا يوم المني بان تظل معنا ولا تفارق ..
Quote: العوض لن تسلم من الحب طال ما أنك تمشى في الاسواق وتاكل الطعام بطبعى انحاز للحب مهما كان نوعه ولونه وزى ماقال الشيخ الاكبر محى الدين ابن عربى (أدين بدين الحب ...) وطال ما انت متحرك لابد ان يداهمك الحب وتكتشف ضعفك الانسانى وإمتثالك للمحبوب وسادتنا الصوفية بقولوا (الامتثال خير من الادب ) حبيت يعنى دينك طلع كيف احكى لك عن ابن عربى حين وقع في حب بنت شيخه وسطر فيها ديوانه الشعرى (ترجمان الاشواق)
احكي يا بدرالدين فاكيد ستحكي بما يسعدنا ويبرد علينا ...
وتاكد انها ليست مدينة ولكنها كباقي خلق الله انسانة وضع الله حبنا في قلوبنا وتاكد انه العشق الذي لاياتي بضرر ابدا .. خلينا هنا واحكي وما احوجنا لسماعك يا اخي بدرالدين ...
شاعرنا الكبير ادريس محمد تحياتي ولك ان تتخيل مدي سعادتي بان امددت هذا البوست باروع ما رائت انا واروع ما مر علي من صدق كلمات وحس فني ليس لي تقييمه ولكن الاستمتاع به يجعلني ابحر في عوالم اخريات .. وانا بدوي اهديك الذكريات لعثمان مصطفي لانها كما اعتقد ستجد لها مكانا في قلبك الكبير .. وهي تعبر عن حالي هذه اللحظة ..
الاستاذة فتحية شامي هلا بيك وانتي ما رائتك في هذا المنبر الا تكتبين احلي الكلام والتحية ليك وانتي تشرفينني في هذا الصالون الواسع بحضوركم .. واهديك هذه الاغنية ..
الف مرحبا بعمدة بورداب الخرطوم السابقة رائدة العمل الاجتماعي في المنبر بالجد سعيد بتشريفك لاني شعرت بان هذا البوست اتي بشخصيات كنت اتمني مشاركتها في ما اكتب ..لو عددت النجوم الذين مروا من هنا,, لا استطيع لان كل واحد فيهم رقم يستحق اشادة وتزكية منفصلة ....
واهدي الجميع ابراهيم عوض في رائعته بزيارتك بيتنا نور ...
Post: #191 Title: Re: ياقلب ... Author: إدريس محمد إبراهيم Date: 07-25-2010, 07:57 AM Parent: #187
Quote: وانا بدوي اهديك الذكريات لعثمان مصطفي لانها كما اعتقد ستجد لها مكانا في قلبك الكبير .. وهي تعبر عن حالي هذه اللحظة ..
العوض أخوي ....
عساك إت طيب بس ... لو بتعرف آالعوض أخوي زكرياتك دي أنت والرائع عثمان مطفى سوّت فيني شنو في هذا الصباح المشرق الجميل .. ياخي يمين أخوك رقد قاويق بس على قول أخونا د. طارق جبريل ... سيد شباب النخجي والليل ... على فكره الزول ده وينو ما شايفو جه اتوهط هنا .. أظنو ما عندو خبر ساهي ..
أيام الصفا والاندياح قابلت الانسانة الاستثناء ومعي بعض الأشياء لها .. ما عارف ليه الزوله دي قامت بكت زين .. وقالت بالله عليك أنا عندي رجاء .. وهو أن لا تنساني أبداً مهما حصل مني .. لأن كل خليه في دمائي تحمل اسمك يا..... وأنا ما عارفه أعمل ليك شنو بس عشان أرضيك لأنك بصراحه بالغت في الاحتفاء بي .. قلت ليها أبداً والله مهما فعلت فأن برضو مقصر معاك ...
والظاهر يا العوض أخوي أخوك ساب كل الكلام التقال ومسك في الكلام الفوق ده قوي .. غايتو نقول شنو بس .. المهم يا صاحبي حكاية التقصير دي خلتني أكتب ليها القصيدة التالية ..والتي نشرت في صحيفة الخرطوم في وقتها ... والتي اعتقد إنها تعبر عنك أيضاً يا صديقي .. وإليك يا عزيزي أسوقها هدية متواضعة علها تلقى القبول ...
قصــرت فيك …. إدريس محمد إبراهيم
لو صغت فيك كل الدرر الهايمه في الأكوان ســنا ... لو قلت فيك أحلى القصيد ... أعذب كلام لوّن مشاعري غنى ونشيد .. كل الخواطر الطرزت حرف الغنــا ... ووصلت بيك حد القمر ... نورت بيكي الأمكنه ...... هليتي ابداع في الزمان ... أذهلتي كل الأزمنــه .... رقصت حروف فرحانه بيك .. خجلانه من كوّن الوصف ما أمكنه ... خايف أكون قصرت فيك ... وأكيد بكون قصرت أنا ... *** لو جبت ليك كل النجوم ... مبهوره تتوسل لديك ... سرجّت ليك خاطر الزمن ... وفرد شراعو اتشابى ليك ... حيرت فيك كل المعاني التايهه في الآفاق سفر .. واحترت فيك ... احترت من رقة مشاعر أندى من شفق الصباح ... حيرني زمناً شذّ يومو الانجبك ثم استراح ... جمّل خصال كل العصور أهداها ليكي واستباح ... وزرع جمال اشراقو فيك ... واتباهى لمه حصادو لاح ... واتجلى وقتين ساقني ليك ... اتحدى فيني رهافة الحس المموسق ديمه بيك ... يا روعه يا ست الحسان كل المنى ... إن شاء الله ما قصرت فيك ... وأكيد بكون قصرت أنا ...
إدريس محمــد إبراهيم الرياض 21/12/2003م
Post: #192 Title: Re: ياقلب ... Author: هاجر التهامي ياسين Date: 07-25-2010, 11:17 AM Parent: #191
يا قلب انا كنت قايلك تبت من تعب السفر
وهل القلوب تتوب ؟؟؟
لكنها كل يوم في سفر
ويلا روعة هذا البوست وروعة الانسان الذي يحمل كل هذا الحب
واجمل حاجة كمية الكلمات الجميلة التي اهديت لهذه المحبوبة
والله بختها.(دا ما حسد لكن بقرانين)
ويارب ياشيخ العوض تسلم لان قلبك يحمل الكثير
وذلك واضح من كثرة الكلمات الرقيقة التي صدرت
من الاصدقاء في حقك.
معليش على اننا جينا في الاحتفال دا متأخرين
مع ودي
هاجر
ياجماعة شوفوا حل مع اليوتيوب دا!!
Post: #193 Title: Re: ياقلب ... Author: بدر الدين الأمير Date: 07-25-2010, 07:53 PM Parent: #192
Quote: احكي يا بدرالدين فاكيد ستحكي بما يسعدنا ويبرد علينا ...
العوض شكرا للهدية وفي وجع الحب ما حانختلف هل تلعم ياعوض ان ولادة بنت المستكفي ظلت تحب وتعشق وتغامر وهي في الثمانين من عمرها ناهيك عن الوزير العاشق ابن زيدون الذى قال عن حبه لولادة ماقال ونزار قبانى صاحب (الحب لست رواية شرقية بختامها يتوزج الابطال لكنه الابحار دون سفينة وشعورنا دوما ان الوصول محال) حتى رحيلة كان بتمنى ان ايقع في حب يجهجه ويبدل كيانه وحتى النبى (ص) حين وقع في حب زينب بنت جحش زوجة ابنه بالتبنى زيد تدخلت السماء وانتصرت لذلك الحب وقوله تعالى ( إذا قضى زيد وطرا منها) العوض ياخى حب كل الاديان قايمة على الحب ناهيك عن قتل هابيل لقابيل ياخى انا حا اقتل ليك معتز القريش لوفق في طريق حبك بس ابعد من نظريات سارة على وخليك مع نظريات بدرالدين الامير هههه
عزيزي بدرالدين الامير سعدت جدا بتواجدك وتحدثك عن الارث الصوفي في الحب .. واسعدني اكثر ان حالتي قد مرت عليك وعلي السابقين قبلنا ,, يعني دليل عافية .. ويلا شوف نزار قباني قال شنو ويعبر عن توصيف للحالة تماما ... ماعارف ليه كل ما القي شعر حلو اقو لده قاصدني بيه ؟
مالي غيرك حياة يا اسمر يا رمز الضياء انت حياتى يا فاهم يا دارس معنى الحياة من ادبك ليك حارس من غير رياء يا باسم ياناعس يا ملاك يا لابس توب الحياء انت حياتى في حسنك الملون وكم من سحر مكون واحي النعاس الفي جفونك واحي الظهر في عيونك اعجبتا بيهو ونظمتا فيهو انت حياتي مع لونك الاسمر ورد الخدود محمر لا بودرة لا احمر الوان محاسنك زى ماءالحياة ماشوهوك بفصادة على الخدود السادة طبيعى خلقة ربك ما داير زيادة
عمدة بورداب الخرطوم استاذة عبير تحياتي وودي رفد هذا البوست بالروائع يجعلني افكر مليا وكثيرا بكيف ارد وماذا يستحق ان اهدي .. واسف للتاخير في الرد ولكن غلاوة هداياكم تجد الرد عليكم يستحق ان يكون بحجم وجودكم .. اهديك والقاء الحب الحقيقي لمحمد فؤاد .. اتمني ان تعجبك ..
وبهديها على لسانك : القطر الشالك إنت .. يتكسر حته حته ووووب يا حبيبي لو مت ذنبي عليك .. والقطر الشال معاوية يتكسر زاويه زاوية يتكسر زاوية زاوية ويسلم لي معاوية
اهلا بالشاب الانيق حاتم كاهن .. زي ما قال عمك حب الكبار شين ولكنه نسي ان القلوب لا تكبر ولا تشيخ ابدا .. وكده شوف عمك العوض عاجباهو الاغنية دي عجب ما عادي ...
وليد يا دفعة كيفك .. يا صديقي تعرف انه ليس للحب زمان ولا مكان .. وتعرف ان ذات القلب الكبير اذا ربنا وضعها في طريقك فانه بالتاكيد يريد اسعادك .. واهم من ده كله ان من احببت تمتاز بصدق انعدم هذه الايام وانها تتحدث من قلبها قبل لسانها .. ويلا اسمع معانا هذه الاغنية ...
.. . الزمان والمكان : فى يوم نسي التاريخ رصده .. ركن قصى فى غرفة بارض اغتراب على ورق رسائل وردى اللون .. من العام 2000م
لانكـ .. عندى الرؤيا تتجسد تفتح لى ابواباً .. تزرع نخلاً.. تسكب فى الأرض شـراباً .. فأنا فى حبكـ اتفرد.. وأنا فى ظل عيونكـ اتجدد ينساب الى قلبي .. نهر عطائكـ يتفرع فى جسدى يتمدد تقفين على دلتا نهرى .. سنبلة حب تروين الظمأ الحارق ..فى احشائى لإانا فى حبكـ ..اتفرد لانكـ صرتٍ الرؤيا تتجسد..
الإهـداء: لكل القلوب المضمخة بالحب والعشق لكل الذكريات العبقة لوجه الملاك وطبع المساء ................
الف مرحب الاخ ياسر ادريس وتحياتي .. لو عرفت التي اعنيها بهذا البوست وقة قلبها وصدق احساسها لوجدت انني لا اقول شئيا .. كل شئ كتب هنا هو رؤية مني للحياة بعيونها هي .. كل صدق سمعت به او عشته وجدته مختلفا لديها ,, بنت ولكن ليست ككل البنات ففيها جمال لو وزع علي الدنيا لصار للكون شكل ولون مختلف .. ولها جمال داخلي واحساس عميق بالناس ومشاكلهم كانها ملاك قادم من كوكب اخر . حبيبتي التي اعني جعلت للحياة لون اراه كلما تلفت يمنة او يسرة .. واصبحت لا اري الكون الا بعيونها ,, والعيون لو رادوا ما بعرفوا يضاروا .. تعاي اسمع معانا افراح عصام هنا ...
حنيني إليك وليل الغربة أضناني وطيف ذكراك بدمع القلب أبكاني وأقول ياريت زماني الفات يعود تاني وتعود تاني وألقاك يا حبيب عمري وتلقاني وتلقى الريد معايا .. ولحظة ما نسيتك ولا نساني لا بنساك ... ولا بقدر … ولا عايز بعد حبك .. أحب تاني
حنيني إليك وليل الغربة أضناني وطيف ذكراك بدمع القلب أبكاني بهرب من خيال طيفك في عينيا … في عيني بلاقيهو أعيش أيامي بين ذكراه ألم .. أفراح .. أعيش بيهو متين الليل يصافيني … ونعود تاني من تاني
وألقاك يا حبيب عمري وتلقاني وتلقى الريد معايا .. ولحظة ما نسيتك ولا نساني لا بنساك ... ولا بقدر … ولا عايز بعد حبك .. أحب تاني
Post: #205 Title: Re: ياقلب ... Author: إدريس محمد إبراهيم Date: 07-28-2010, 07:10 AM Parent: #204
Quote: الجاتك في قلبك سامحتك
وبهديها على لسانك : القطر الشالك إنت .. يتكسر حته حته ووووب يا حبيبي لو مت ذنبي عليك .. والقطر الشال معاوية يتكسر زاويه زاوية يتكسر زاوية زاوية ويسلم لي معاوية
معليش يا ريس ما قدرتا اطلع معاوية من الإهداء ..
كاهن
أخي العزيز / حاتم كاهن ...
بعد التحية ، ولو حبيت وبعد إذنك طبعاً نطلع ليك معاويه من الإهداء وزي الما حصل حاجه ... وانحنا دايمين جاهزين وتحت الخدمة .. من أجلك ومن أجل صاحب القلب الكبير الملي بحب الناس والتريان محنه ومجنح بأندى العواطف النبيله ...
الاحبة ادريس وكاهن سعيد بتواجدكم .. تتصوروا ان حتي الدموع في الحب لها طعم اخر رغم صعوبتها وقسوة تحملها .. ولكن الريدة لا تحدها حدود ولا تاثر فيها بعد مسافة .. ومن ظن ان المسافات في الحب تقاس يالاميال فما صدق !! مسافات الحب تقاس باللوعة عند الفراق واللهفة عند اللقيا .. كم من حبيبن تجاورا في السكن وكان بعدهما الاف السنوات الضوئية .. وكم من حبيبين لم يلتقيا الا في احلامهما وليس هناك مسافة بينهما .. القرب قرب قلوب والريدة في الحنايا ...
عارف يا ابو امنية لو مريت بالذي انا فيه لما صدقت !! يا هارون هل تعلم ان القلب لايسجن ولا يحبس ؟ هل تعلم ان القلب يعيش في فضاءات لايصلها غيره .. هل تعلم ان القلب يحلق عاليا ولا يرضي بالسفوح .. لم يوفق من قال ان للقلب حواجز ولم ينجح من تامل ولم يجد البسمة ف محياه وظالم من قال لحبيب انسي او انت مظلوم .. اسمع هذه الكلمات يا هارون ولا تبعد ..
العمدة الحقيقية عبير خيري او الرواد كما يقول تبلدينا رغم تقديري لكل الذين مروا هنا وسعدت بهم ولكن ... مرور شاعرة واديبة مثلك يجعلني افتش الف مرة في ما الذي ساهديك له لتسمعيه في هذا البوست ؟؟ الصعوبة تاتي في ان السمع يختلف من زول لزول فكيف بشاعرة ؟؟ غايتو وحسب بوست ليك مفتوح ممكن اهدي ليك عبدالرحيم ارقي في هذه الاغنية .. ابداع شوايقة اصلي ..
Quote: العريس العوض الطيب حبابك .. طبعا ياعمنا لازم تتحدث عن القلب .. ومخطئ من ظن ان هناك عيش بلا قلب وصادق من قال ان الحب هو الحياة
العزيز العوض
ألف شكر على الترحيب الحار، يا صديقي كما يقول المصريين للأسف (يا فرحة ما تمت)... لكن إن شاء الله ربنا يجيب بت الحلال ونعزمك على الفرحة وتشرفنا بحضورك الجميل.
ونحن دائما يا صديقي يحدونا الحب، وينير طريقنا الأمل.
وشكرا على الهدية الجميلة ذكرتني بيها بيت الطمبور بتاعي البي الهناك ده نمشي عليهو واجيك
قبل ما امشي هاك كلمات الغنية الجميلة دي
أعذريني
كلمات: إسحق الحلنقي ألحان: علي أحمد (صلاح إدريس) آداء: سيف الجامعة
أعذريني الدمعة ديّ حتبقى آخر دمعة ليّ تاني لو قربت منـك يبقى ليكي الحق عليّ
أعذريني محال أعاود تاني ريدتك وأمشي ليها ولا أرحل في عيونك والطفولة الضاجة فيها ليه أريدك وإنتي أصلك ريدتي ما حسيتي بيها بالبعاد ما تعذبيني أعذريني وأعذريني
ما قدرت مرة واحدة بالغلط أغلط عليكي وإنت ظالمة ظالمة والدليل غفراني ليكي عارفو قلبك ما معايا برضي شاغل قلبي بيكي بالحنان ما تعشميني أعذريني وأعذريني
من زمان وأنا راجي منك كلمة بيها تفرحيني وانتي ما فرحتي قلبي وكنت ديمة بتجرحيني قسمة الزول ما بتفوتو والبجيني معاك يجيني لو بكت منك عيوني سامحيها واعذريني
.. . مثلما الاغنيات مواقف فايضاً للاشعار مواقف .. رائعة فاروق جويدة هذه كنا نؤديها كدويتو عندما يجمعنا ذلكـ الركن البعيد الهادئ فى موقع لايغادر الذاكرة فى وقت كان التلاقى من الصعوبه وبتاريخ لن ينسي..
وقــــــالت: سوف تنساني وتنسى أنني يوماً وهبتُك نبض وجداني وتعشق موجةً أخرى وتهجر دفأَ شطآني وتجلس مثلما كنا لتسمعَ بعض ألحاني ولا تعنيك أحزاني ويسقط كالمُنى اسمي وسوف يتوه عنواني ترى .. ستقول ياعمري بأنك كنتَ تهواني...؟!
فـــقـــلــــتُ: هواك إيماني ومغفرتي .. وعصياني أتيتكِ والمُنى عندي بقايا بين أحضاني ربيع ماتَ طائرهُ على أنقاض بستانِ رياح الحزن تعصرني وتسخر بين وجداني أحبكِ واحــةً هدأت عليها كلُ أحزاني أحبكِ نسمةً تروي لصمت الناس .. ألحاني أحبكِ نشوةً تسري وتشعل نــار بركاني أحبكِ أنتِ يا أملا كضوء الصبح يلقاني
*أمات الحبُ عشاقاُ وحبكِ أنتِ أحياني ولو خيرت في وطنٍ لقلت هواك أوطاني ولو أنساك ياعمري حنايا القلب تنساني وإذا ماضعت في درب ففي عينيك ... عنواني
-------
ولا زال العنوان راسخاً رغم هؤلاء الصغار الذين حولها..
* عندما يصل الاداء الى هذه النقطة كان صوتاً ثنائيا رائعا فى ظلمة الليل البهيم
يا الله يا العوض .. مالكـ علينا ياخى بالجد بتقلب علينا المواجع؛؛
اول شئ بركة الرجعتي طيبة وافتقدناك كثيرا .. وليتك كنتي موجودة كنتي ساعدتي قلب العوض المعذب ده .. ورفع الفراش ده زي ما قال ادروب الله تعلم السنة دي يتفع.. وسلامتك من النطيط بس دعواتك معانا كان ربنا يجمع ..
ملاحظة هامة لزوار هذا البوست الكرام .... المقصود بهذا البوست شخصية عزيزة علي نفسي احببتها بكل ما تحمل هذه الكلمة من معاني .. انسانة عز ان يجود الزمان بمثلها ,, وما بيني وبينهاارتباط فرض علي قلوبنا حبا وودا ومودة ورابطة تستمر بيننا ما بقيت هذه الحياة .. وللعلم هذه الانسانة انسانة بمعني الكلمة ولا صلة لها بهذا المنبر الا انها متابعة وقارئة فقط وليست عضوا بهذا المنبر ...
والله يا تبلدينا شعرك النزلته ده نجضني نجاض السنين .. يازول انت متي ما جيت اعطيت للمكان روح ونفس طيب .. شوف كلامك ده بخلي الزول يقعد في الواطة ويقول الروب .. ما تبعد يا رائع ..
صبحك الله بالخير ياقلبي الحبيب .. يتحدث معي كثيرين عن لم التحدث هنا طالما الحبيبة تعلم بهذا الحب الكبير ؟؟ ولكن الذي لايعرفه هؤلاء الكرام ان هذا الحب كغيره من الحب الصادق به من العقبات ما يشيب له الوجدان .. هنالك متاريس وهناك عادات وهناك وهناك الكثير والملل جدا ..
يلا ما نزيد همومكم تعالوا نسمع لاغنية قديمة ونادرة للاستاذ احمد المصطفي رحمه الله ...
Post: #239 Title: Re: ياقلب ... Author: إدريس محمد إبراهيم Date: 08-07-2010, 01:16 PM Parent: #238
في هذه المره أسوق إليك قصدية للدكتور عبد الرحمن العشماوي .. وهو بالمناسبة شاعر إسلامي كبير جل شعره في في الدعوى للإسلام والدين الحنيف .. ولكنه في هذه المره يخاطب قلبه الذي هوى .. وما في زول كبير على الحب أخوي العوض .. إليكموها علها تجد القبول .. مع خالص حبي وتقديري ؛؛؛
تألقي يا حروف الشعر
لا تُطفئي شمعة لا تُغلقي بابا فمذ عرفتك وجه الفجر ما غابا ومذ عرفتك عين الشمس ما انطفأت ومذ عرفتك قلب الحب ما ارتابا ومذ عرفتك ريح الخوف ما عصفت ومذ عرفتك ظن الشعر ما خابا تزينت لك أشعاري فكم سكبت عطراً ، وكم لبست للحب أثوابا وكم أثارت جنون الحرف فارتحلت ركابه في مدى شعري وما آبا تألقي يا حروف الشعر واتخذي إلى شغاف قلوب الناس أسبابا وصافحي لهب الأشواق في مهج محروقة واصنعي للحب جلبابا وسافري في دروب الذكريات فقد ترين ما يجعل الإيجاز إسهابا وصففي شعر أوزاني فقد عبثت بشعرها صبوات الريح أحقابا وعانقي فوق ثغر الفجر أغنية كتبتها حين كان الفجر وثابا وحين كانت شفاه الطل منشدة لحناً يزيد فؤاد الروض إطرابا وحين كان شذى الأزهار منطلقاً في كل فج وكان العطر منسابا تألقي يا حروف الشعر واقتحمي كهف المساء الذي ما زال سردابا ومزقي رهبة في البدر تجعله أمام بوابة الظلماء بوابا وخاطبي قلبي الشاكي مخاطبة تزيده في دروب العزم أدرابا يا ، قلب يا منجم الإحساس في جسد ما ضل صاحبه درباً ولا ذابا قالوا أطالت يد الشكوى أظافرها وأقبلت نحوك الآهات أسربا وأشعل الحزن في جنبيك موقده وأغلقت دونك الأفراح أبوابا ماذا أصابك يا قلبي ألست على عهدي يقيناً وإشراقا وإخصابا حددت فيك معاني الحب ما رفعت إليك غائله الأحقاد أهدابا صددت عنك جيوش الحزن ما نشأت حرب ولاحرك الباغون أذنابا ولا تقرب منك اليأس بل يئست آماله فانطوى بالهم وانجابا فكيف تغرق في بحر جعلت على أمواجه مركباً للصبر جوابا أما ترى موكب الأنوار كيف غدا يعيد نحوي من الأشواق ما غابا وينبت الأرض أزهاراً ، ويمطرها غيثاً ويجعل لون الأفق خلابا انظر إلى الروض يا قلبي فسوف ترى ظلاً وسوف ترى ورداً وعنابا قال الفؤاد أعرني السمع لست كما تظن أغلق من دون الرضا بابا لكنها نار الحزن ، كيف يطفئها صبر وقد أصبح الإحساس شبابا يزيدها لهباً دمعُ اليتيم بكى فما رأى في عيون الناس ترحابا وصوت ثكلى غزاها الليل فانكشفت لها المآسي تحد الظفر والنابا نادت ، ونادت فلم تفرح بصوت أخ يحنو ولا وجدت في الناس أحبابا وأرسلت دمعة في الليل ساخنة فأرسل الليل دمع الطل سكابا ضاعت معالم بيت كان يسترها عن الذئاب ، وأمسى روضها غابا فكيف تطلب تغريد البلابل في روض يُشيع به الطغيان إرهابا هون عليك فؤادي لست منهزما حتى أراك أمام الحزن هيابا هون عليك فؤادي واتخذ سببا إلى التفاؤل ،واترك عنك ما رابا وقل لمن بلغ الإحساس غايته منهما ، فما عاد مكسوراً ولا خابا لاتُطفئي شمعة يا من أبحت لها حمى فؤادي ، فإن الليل قد آبا أما ترين ضياء الشمس كيف بدا مستبشراً ، فحماه الليل وانجابا لكنها لم تطاوع يأسها فمضت تخيط من نورها للبدر جلبابا ما حركت شفة غضبي ولا شتمت وما أثارت على ما كان أعصابا مضت على نهجها المرسوم في ثقة وأعربت عن سداد الرأي إعرابا لو أنها شغلت بالليل تشتمه لما رأت في نجوم الليل أحبابا كذلك الناسُ لو لم يفقدوا أملاً واستمنحي رازقاً للخلق وهابا فعندها سترين الأفق مبتسماً والشمس ضاحكة والفجر وثابا
Post: #240 Title: Re: ياقلب ... Author: إدريس محمد إبراهيم Date: 08-09-2010, 08:01 AM Parent: #239
ولأن هذا البوست جميل وأصحابه هم أهل الكرم والجود .. إليكم واحدة من أروع ما غني المبدع المتوهج أبداً محمد النصري ...
شكرا ادريس علي هذه الوقفة الجميلة وانشاء يوم ردها نقدر علي تصبيرك
ومضان كريم وكل عام وانتم بخير جعله الله شهر خير وبركة وقبول ورضاء وعتق من النار .. يلا نسمع هذه المدحة في جدي الشيخ ابراهيم الكباشي رحمه الله .. من فرقة الصحوة ...
الحبيب العوض عميد بورداب الخرطوم كل عام وانتم بخير واكيد في العيد دا حانتقابل التحايا والاشواق بالكيمان لأخي الحبيب يوسف وحسين طه الكباشي وكل اهلي في الكباشي
حبيبتي لا اقول طال غيابنا ولكن اقول الحمد لله اقتربت لحظة لقائنا .. كم انا سعيد بان يكون عيدي هذا العام عيدين , عيد نفرح به باكتمال صيامنا وعيد يتجدد بلقاك يا احلي هدية من ربنا ...
Post: #259 Title: Re: ياقلب ... Author: انعام عبد الحفيظ Date: 09-22-2010, 12:48 PM Parent: #258
Quote: حبيبتي لا اقول طال غيابنا ولكن اقول الحمد لله اقتربت لحظة لقائنا .. كم انا سعيد بان يكون عيدي هذا العام عيدين , عيد نفرح به باكتمال صيامنا وعيد يتجدد بلقاك يا احلي هدية من ربنا ...
Post: #262 Title: Re: ياقلب ... Author: الكباشى عبد الله الرقيق Date: 09-23-2010, 07:05 AM Parent: #258
Quote: حبيبتي لا اقول طال غيابنا ولكن اقول الحمد لله اقتربت لحظة لقائنا .. كم انا سعيد بان يكون عيدي هذا العام عيدين , عيد نفرح به باكتمال صيامنا وعيد يتجدد بلقاك يا احلي هدية من ربنا ...
Quote: حبيبتي لا اقول طال غيابنا ولكن اقول الحمد لله اقتربت لحظة لقائنا .. كم انا سعيد بان يكون عيدي هذا العام عيدين , عيد نفرح به باكتمال صيامنا وعيد يتجدد بلقاك يا احلي هدية من ربنا ...
دي انبراشة عدييييييييييل يا العوض يمين نخجي وجوعير رسمي
كاااااااااااكـــــــ
