وهبة , معتصم , شول , الشفت , عمر عثمان , داليا , محي الدين , دوما , انعام , العفو والعافية ..

مع تباشير الشهر الكريم
ومع كرم وعفوية البورداب هنا وهناك
في الخير وضروب الإجتماعيات المختلفة
ومع يقين إننا كلنا بنحب البد بس كل زول من زاوية مختلفة
ليظل بيننا الخلاف محتدماً
ولكن يبقى هذا الحوش يجمعنا
أصدقاء برغم الخلاف
العفو والعافية ...
ولكل من مسه مني طائش حرف أو لفظ أو تصريح أو تلميح
له مني العذر وله العُتبى حتى يرضى
فكلنا خطّائون وخير الخاطئين التوابين
اللهم إني أتوب إليك من ذنب من أذنبت في حقه
وأطلب منك ومنهم السماح والعفو والعافية ..

وللجميع اطلب السماح والغفران فما ندري ماذا كتب لنا غدا ..
وكل عام والجميع بالف خير
ورمضان كريم وينعاد عليكم بالصحة والعافية ..

Quote: اللهم إني أتوب إليك من ذنب من أذنبت في حقه وأطلب منك ومنهم السماح والعفو والعافية ..

العوض ..
كل سنة وانت طيب ..

ورمضان كريم .. وتصوم وتفطر على خير ..

والله ما شفنه منك إلا الخير ..

العفو العافية يا اخوي .. فى الدين والدنيا والاخرة ..


اقعد طيب يا عشاء البايتات ..

حباب الاخت الفاضلة التي بلغت العام بعدد الايام في البورد ولكنها سنين طوال بالحب والاخاء ..
عفاف يا اختي الكريمة اسال الله ان يحفظ اخوتنا فيه وان يعدي عيك رمضان والاسرة بالف خير
وان تكونوا تامين لامين يارب ,,
واسال الله ان يكمل علي نعمه ويحفظها علينا جميعا ويوفقنا لمرضاته والبعد عن معصيته ..
وان يحفظ اولادنا اولادكم جميعا ..
ورمضان كريم وتوصوما وتفطروا علي خير ...

انت يا يمه ,
تتبارك ,
ومحل ما تخت رجلك الخير يجيك من كل باب,
وتتعلى ما تتدلى ,

انت البتقول العفو ؟
والله انت بالجد شبهك في الدنيا دي مافي (زميل البورض ما يسمعني)


انت اللي طالبنا طلب عفو الله ..
عليك الله تعفا لي ,,
وكان ما عفيت لي , بعمل الحاجه الكتبتها ليك في الرساله ديك

كل سنه وانت طيب ,
وانشالله ربنا يقدرنا على جزاك ,
وربنا يديك الفي مرادك .. كـلللو
ويخلي ليك اولادك ويفرحك بيهم يارب ..

بتي داليا حبابك ورمضان كريم عليك وعلي اخوي عبدالمنعم وعلي امنا الحبيبة ..
ومشكورة علي دعواتك دي ويارب تتعلي ما تتدلي وتفرحي فرح ما ينقطع ابد الابدين ..
ويازولة لو للشبه فعمل الخير دي سقوك ليه من صغيرة وفطموك بالاحسان وحب الناس ..
وربنا يعيده علينا والمسلمين بالف خير ..
عفوكم بهمني لانكم بتتحملوا الكثير بلا من ولا اذي ..
وانا من طرفي عفو الله والرسول ..عفو يسهل كل قاسي وينير كل ظلام ...

Quote: وهبة , معتصم , شول , الشفت , عمر عثمان , داليا , محي الدين , دوما , انعام , العفو والعافية

فإن من عفا وصفح عن إخوانه، فإن الله تعالى وعده بالعفو والصفح عنه وإثابته والإحسان إليه.
قال الله عز وجل: (وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ) [النور: 22]
وقال: (وَجَزَاءُ سَيِّئَةٍ سَيِّئَةٌ مِثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لا يُحِبُّ الظَّالِمِينَ) [الشورى:40]
وقال: (وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ) [الشورى:43]
وقال في صفات المتقين: (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ )[آل عمران: 134]
وجاء في فضل العفو قوله صلى الله عليه وسلم:" ما نقصت صدقة من مال، وما زاد الله عبداً بعفو إلا عزاً، وما تواضع أحد لله إلا رفعه الله " رواه مسلم.
وإذا عفا العبد وأسقط حقه في الاقتصاص من المسيء إليه لم يكن له أن يأخذ من حسناته يوم القيامة، لكن ما يناله من الله على عفوه أعظم من ذلك وأوفى.
اخواني واخواتي اعضـــاء المنبر أتمنى أن نــــــفعل كما امرنا الله عز وجل وكما اوصانا نبينا عليه " افضل الصـلاة والســلام"ان نـ عـفي ونسامح من اخطأ فنحن بشر خلقنا الله نخطأ كي نعـود من الخطأ إلى الصواب.

ولكم جميعاً شُكري وتقديري
والسلام عليكم ورحمة الله وبركاته ،،، وكل عام وأنتم بخير

العفو والعافية ..


ولله والرسول


رمضان كريم


وكل سنة وانت طيب


وتصوم وتفطر على خير



وانت من اهل الخير (حلوة دي)




محبتي لك وللجميع بما فيهم (الشفت)..

حباب ام الخير بت حيمورة
حباب السنير التي تعلمنا علي يدها الكثير
حباب صاحبة المبادرات الانسانية وصندوق الخير
كل عام وانتي بخير وعقبال ما اتمناه لك من افراح وسعادة
وياربي تجيني بشارتك في الايام دي
وكل عام ورمضان تامين لامين وسعيدين ..

كل سنه وانت طيب وتصوم وتفطر على خير
العفو والعافية

وكل سنة وانت بالف خير
ورمضان كريم
والعفو والعافية يا حبيب

يا حبيب نحن اللذين يجب ان يطلبوا منك العفو
لاننا سببنا لك حرجا عظيما
واعلم كيف تابي نفس الكريم ان تذكر محاسنه
اضطررنا لها يا حاج العوض
سامحنا واعفو عنا

العفو والعافية يا حاج!
أعفي لينا ماشين على رمضان!

حباب الزعيم الشقيق ودالصايم ابوالبنيات ..
رمضان كريم وتصوم وتفطر علي خير ..
فعلا داخلين علي رمضان وخلاص بقينا "خرد" ربك يستر من رمضان ..
وكل سنة وانت بالف خير ..

خالتي وامي الفاضلة دوما رمضان كريم وكل سنة وانتي بالف خير ..
يا عزيزتي الفاضلة انتي كان للشكر مافي زول بيستحق كلمة شكرا غيرك ..
لو في زول سعيد بمعرفة شخص فانا اسعد الناس بمعرفتك ..
ولو في زول بفتخرر بشخص عظيم عرفه فانا احق الناس بالفخر بيك ..
دوما عندما تقولي عني شئ فذلك لانه من عظم اخلاقك وطيب معدنك فما انا الا جزء بسيط في بحر خيرك ..
كل رمضان وانتي بخير .. ورمضان كريم ..والعفو والعافية ..

شكرا اخي ايوب صديق فالدال علي الخير كفاعله ,,
واشكر لك تشجيعك علي اصلاح ذات البين ..

Quote: وهبة , معتصم , شول , الشفت , عمر عثمان , داليا , محي الدين , دوما , انعام , العفو والعافية

هسه انعام دي ياتا نعرفها كيف؟؟؟ حدد ياخ




ــــــــ
كل سنة وانت طيب والعفو للجميع

Quote: هسه انعام دي ياتا نعرفها كيف؟؟؟ حدد ياخ

والله عايزة اكتبا في مداخلتي لكن سقطتت سهوا


كل سنة وانتي طيبة يا انعام 2

الأسامي ناقصة يا العوض ...!!

المعيار شنو الإخترت بيهو الاسامي الفوق ديل

صنفرة :

رايك شنو أرشح ليك أسامي من عندياتي تشملا في القائمة ؟!!

لله والرسول يا حاج ..وربنا يتقبل منكم ومنا ..


تحياتي وحبي

ابونون اقرب الاشقاء الي نفسي .. انت بالذات لازم تعفي مني لاني اغضبتك في احدي الليالي غضبا كاد ان يفسد ما بيننا ..
ولولا حكمتك لندمت الي يوم يبعثون .. اعفي لي عفو صادق ومن قلبك الابيض الذي لايعرف الخداع ولا الكذب ..
عفو من شقيق لاخيه الاكبر ..
ومني انا العفو والعافية ورمضان كريم وكل سنة وانت طيب ..

اوووو الريس ناذر كيفك وكل سنة وانت طيب ..
ناقصة لانه عنوان بكري ما بشيل اكتر من كدة ..
المعيار يا عمك هو شعوري بتقصير كبير تجاه هؤلاء الاخوان والاخوات ..
ولو سمح العنوان لوجدت اسمك القادم مباشرة قبل احمد حنين







_______________________________________
رشح ياناذر وبارك الله في من اهدي الي عيوبي ..

هاهاهاهاهاها زي ما بقول تبلدينا
انا يا انعام قاصدكم الاتنين والا كنت اضفت اسم الاب .. شفتي كيف
وكل سنة وانتي بالف خير .
ورمضان كريم ..
والعفو والعافية ..

Quote: هاهاهاهاهاها زي ما بقول تبلدينا

لا حولاااااااااا انت بقيت تباري تبلدينا؟؟؟
يا العوض أبعد من طريق تبلدينا دا أخير ليك




ـــــــ
تبلدينا العفو ياخ

العفو والعافية يا مان.

كل سنةوإنت وكل الاهل بخير وعافية




رمضان كريم يا حاج

الحبيب شول كيفك والعفو والعافية ..
واظهر يا مان ولا تغيب ...
كل الود ..

والله يا انعام بتبالغي .. انا لاقي تبلدينا وين ؟؟
يبلدينا استاذنا في كل شئ ..
كفاية انه زول عنده قلب بحجم الوطن ..











__________________________________
تبلدينا عشاني ما تزعل انعام بتهظر بس

شيخ العوض سلامات ياخ ..

ربنا يعفى عنك ان شاء الله تعالى يوم الحشر العظيم ..

كل عام وانت بخير واسرتك الكريمة ..

وكل الاحباب فى البوست ..

سلام العوض ..

Quote: المعيار يا عمك هو شعوري بتقصير كبير تجاه هؤلاء الاخوان والاخوات .. ولو سمح العنوان لوجدت اسمك القادم مباشرة قبل احمد حنين

الإشكالية ما في إسمي أو في إسم أحمد حنين ..

يعني هسي أنا لو داير أعمل بوست زي دا بطلب العفو والعافية من ناس زي بشاشا ، تراجي ، كودي ، جامع , أند سو أون ..

لكن أكيد ما حا أطلب العافية من ناس : نوبي ، البطل ، العوض ، معتصم ، نعيم ، تبلدينا أند سو أون ..

لانو بالتأكيد المجموعة التانية ديل أصحابي وكلنا بنعمل بي الغنية البتقول (غلطاتك عندنا مغفورة) ..

أما المجموعة الاولى فبطلب منهم السماح والعفو لانو كلنا بنعمل بالغنية البتقول (غلطاتك عندنا ماسورة) ..

وبالتالي هم أحق بطلب العفو والعافية منهم عشان يا حصل العفو يا إتحلجت الماسورة ..!!

صنفرة :

العوض .. عرفنا حكاية تخصيص الإعتذارات وكدة لانها شأن شخصي ..!!
لكن شنو حكاية تخصيص طلبات العفو والعافية في شهر كريم هو الاحق بشمل العفو لتغطي الخلق أجمعين ..!!

غايتو .....

العفو والعافية لله والرسول ..!!

عارف يا ناذر اخوي انه كلامك ده منطقي شديد بس انا لاني ما قاعد اغلط كتير واعصر الا علي اصحابي
لاني باقي الناس لو غلطت بعتذر من قولت تيت ...
ولكن العفو زي قولك مهم من الجميع لانه الموت اقرب من حبل الوريد ..
ويلا يا ابورزان العفو والعافية من جوة القلب ..

لله والرسول ياحاج
وتقبل صيامك وقيامك وصالح الاعمال

العزيز العوض المسلمي

اعادة علينا وعليكم ياليمن والبركات

تسلم يا حبوب

ابو شذي العروسة المولودة اليوم الف مرحب بيك
ورمضان كريم وتصوم وتفطر علي خير ..
العفو لله والرسول ..

وهبة ..

رمضان كريم ..

سبحان الله ..!!

مداخلج جات في وكت واحد مع مداخلتي طق طرق لو لاحظت الزمن ..!!

الإتنين جو الساعة تلاتة متر وأربعين صـنط..!!

الأستاذ/العوض ... تحايا وسلام وكل عام والجميع بخير،،

Quote: اللهم إني أتوب إليك من ذنب من أذنبت في حقه وأطلب منك ومنهم السماح والعفو والعافية ..

وأطلب منك ثم منهم...........

التعديل : إضافة حرف النون في منهم.

حليلك يا ابو السيــد لو كنت موجود كنـــت اتذكرت الناس الماهم ( رواد )

غايتو نحنــا طوالــى السنـة / العمر كلــو ( عافيــن لكل من يلتحـف السماء )






















ولا شنــو الحكـى ..

رمضان كريم وكل سنة وانت طيب يا راجل يا زين

جعله الله شهرا
نقترب فيه من (انسانيتنا) المنسيه ونتعرف فيه مجددا
علي (ارواحا) نسيناها علي حساب الجسد
كل عام وانت بالف خير يا حبيب

شيخ العوض جزاك الله كل خير .......

ورمضان كريم وكل عام وانت بالف خير ........

العفو والعافية لجميع اهل المنبر والسودان ..........

تحية اجلال وتقدير


لك الثناء علي ما تقوم به من دور اجتماعي في السودان

وهو حقيقة دور احزاب ومنظمات مجتمع مدني فانت موفق في ان تجمع اهل الوطن الجريح حولك


وعلي حسب معرفتي القليله انك تفعل هذا من تلقاء نفسك التواقه للخير ومحبة اهل الله

ولك شدرة واسعه الفيض لهذه المحبه من سادتك واهلك اهل السجاده الصوفيه في دار شيخنا الكباشي واهله

وفقك الله فانت اوسع من الماعون الضيق بتحديد مجموعة دون الاخري
فانت امير امراء شرق النيل دي حلوه



لك التحية والاجلال

اتركك مع قول العارف بالله العبيد ود بدر

العندو محبه ما خلا الحبه

والعندو حبه ( حبه محبه ) ما خلا الحبه

وال ما عندو محبه ما عندو الحبه



اتمني ان تسود الخصال الحسنه والتعامل الانساني طيلة اهر وايام السنة

لان الخير هو اساس الحياة وليس رمضان فقط لان الايام كلها جميله والحياة حقيقه قصيرة

فاتمني ان نحسن ان نتعامل بها شكرا لك انت هكذا في تقدم الناس

لقد تكرر التعليق

وللعوض التحية والاجلال

Quote: تحية اجلال وتقدير لك الثناء علي ما تقوم به من دور اجتماعي في السودان وهو حقيقة دور احزاب ومنظمات مجتمع مدني فانت موفق في ان تجمع اهل الوطن الجريح حولك وعلي حسب معرفتي القليله انك تفعل هذا من تلقاء نفسك التواقه للخير ومحبة اهل الله ولك شدرة واسعه الفيض لهذه المحبه من سادتك واهلك اهل السجاده الصوفيه في دار شيخنا الكباشي واهله وفقك الله فانت اوسع من الماعون الضيق بتحديد مجموعة دون الاخري فانت امير امراء شرق النيل دي حلوه لك التحية والاجلال اتركك مع قول العارف بالله العبيد ود بدر العندو محبه ما خلا الحبه والعندو حبه ( حبه محبه ) ما خلا الحبه وال ما عندو محبه ما عندو الحبه اتمني ان تسود الخصال الحسنه والتعامل الانساني طيلة اهر وايام السنة لان الخير هو اساس الحياة وليس رمضان فقط لان الايام كلها جميله والحياة حقيقه قصيرة فاتمني ان نحسن ان نتعامل بها شكرا لك انت هكذا في تقدم الناس

صبري يا ود يا راقي
لو كنت بعرف كنت اهدي ليك انت والعوض:

نعم من ساق نوقو عبا طالب المختار واصحابا

ايها السمحين(بالجد)
احبكم جميعا كل من مر وكل من لم يمر
و ياريت نلاقي هؤلاء (الرهاف) ولو في العيد

رمضان يجمعنا

up up

خبيب الكل ابو قلب ابيض وهبة صديقي الذي لا ابدله لا بصديق ولا باخ شقيق رمضان كريم
والعفو لله والرسول ...
ورمضان كريم يا ابو خالد ..

شاذلي الخير شيال التقيلة حبابك يا هندسة ..
ورمضان كريم عليك وربنا يعودك بالسلامة والعافية ..
وعفوك ده باهو بريحني شديد يا راجل يا زين ..

عذراً

Quote: هسي يا حاج يعني الإسمو ما مكتوب ما مشمول بالمعافاة؟ طيب ياخ أنا بطلب منك العفو ........

عزيزى العوض
كلام محمد ابوالعزائم ده رايك فيو شنو .

اما موضوعا خلى على الفيس بوك

Quote: خالتي وامي الفاضلة دوما رمضان كريم وكل سنة وانتي بالف خير ..

العوض ياخوى ماعصرت على دوما دى ؟..خالتك بى وين ياالعوض ..كان
فتشنا نلقاها نديدتك فى العمر ..

===

رمضان كريم يااخوانا وتصوموا وتفطروا على خير ..وشكرا على التصافى
والتسامح وازالة الشوائب ..