Post: #1
Title: محمد عادل .. علاء الدين يوسف .. ما كان العشم ..
Author: العوض المسلمي
Date: 05-04-2010, 12:20 PM
Parent: #0
كنت افتكر نفسي اخا لكما واني لدي خاطر عندكما ,, وكنت اظن " هنا الظن مؤكد اثم " انكما لاتحتاجان للتحدث معكما
عبر هذا المنبر .. واعتقدت صادقا اني ما وعدتماني به قائم ولو كلفكما ذلك حياتكما ...
ولكن يبدو اني كنت اوهم نفسي بان اخوتي الذين عرفتهم لن يعودا ابدا لما اتفقا به علي تركه !!!
وكنت ابعد الناس عن ذكر شئيا عن اتصالي بكما بخصوص التصافي بينكما والترفع عن الاساءة لبعضكما البعض ..
ولكن خاب ظني وحدث خلاف ما اتفقتما به معي ...
اخوتي ساسرد هنا ما حصل وبالتفصيل الممل , وان كان في حديثي خطأ فاتمني تنبيهي اليه وتذكيري بالصحيح من الامر ...
لاحظت ولاحظ الكثيرين في الاونة الاخيرة حدة الخلاف التي ظهرت بين الاخوان محمد عادل وعلاء الدين يوسف ..
اتصلت اولا وبدون ايعاز من اي احد بالاخ محمد عادل وتحدثنا عن ما بيننا من علاقة ومودة واخوة ومن بعد ذلك حدثته بان غرض الاتصال هذا
بعد السؤال عن حاله واسرته هو ما يدور بينه والاخ علاء الدين من تنابذ واساءات بينهما , وفهمت منه انه غاضب وسرد اسباب غضبه وهدأت
من غضبه وقلت له ان كان البعض يري ان المنبر كله خصومات فانه عليه ان يحترم متابعيه من القراء والمتابعين ..
وفي نهاية المكالمة حدثني بما شرح صدري بانه ومن اجل مكالمتي هذه فانه لن يتداخل مع الاخ علاء الدين في اي بوست ولن يذكره
لا بخير ولا شر ... شكرته وابديت له انه كان عشمي فيك وانك اخ له من التقدير الكبير ...
بعد ذلك اتصلت بالاخ علاء الدين يوسف واخبته بان اتصالي هذا يخص فقط ما بينه والاخ محمد عادل , وتحدث هو ايضا غاضبا بان محمد عادل
يتحدث بحديث خاطئ عنه ,, وفي النهاية قال لي ان ما تريده انت اخي العوض انا حاضر به , واخبرته بالتوقف عن التداخل مع محمد عادل
فوافق علي الامر ,,شكرته ايضا واخبرته بمحادثتي مع الاخ محمد عادل ورحب بها ...
ما خيب ظني انه اتصل بي الاخ علاء الدين يوسف مساء ثاني يوم من تلك المحادثة الهاتفية ليخبرني ان هناك بوست فتحه الاخ دينق وان محمد
عادل قد اخلي باتفاقه معك اخي العوض ولهذا انا رددت عليه واعتبرت ان الاتفاق الغاه محمد عادل ...
لم اشعر بضيق من قبل قدر ما شعرت به بعد هذا الامر .. اتري هل نقول كلام مساء وننساه ثاني يوم ؟؟
وهل ما بين علاء الدين ومحمد عادل فوق كل وساطة ؟؟
لا اريد ان اخوض في تفاصيل اكثر ...
الان ليس لخاطري اخ محمد عادل واخ علاء الدين فخاطري لم اجد له تقديرا سابقا ..
ولكن تقديرا لكل قراء المنبر ومتابعيه نسالكم التوقف عن هذا الذي لايشبهكما ..
|
Post: #2
Title: Re: محمد عادل .. علاء الدين يوسف .. ما كان العشم ..
Author: محمد عبد الماجد الصايم
Date: 05-04-2010, 12:30 PM
حاجة محزنة جدا إنو اتنين يصلوا للمرحلة دي عشان البورض!
ما سمعو كلام سليقة الشليقة سنة ألفين وخشبة .. لمن قالت
القصة كلها ساين أوت وعيش حياتكـ!
|
Post: #6
Title: Re: محمد عادل .. علاء الدين يوسف .. ما كان العشم ..
Author: العوض المسلمي
Date: 05-04-2010, 12:36 PM
Parent: #2
بوست فتحته مضطرا يا عمك لوصول الموضوع لحد لايمكن السكوت عنه ..
|
Post: #3
Title: Re: محمد عادل .. علاء الدين يوسف .. ما كان العشم ..
Author: mayada kamal
Date: 05-04-2010, 12:33 PM
| Quote: محمد عادل .. علاء الدين يوسف .. ما كان العشم .. |
سلامات كبير وشيخ بورداب الخرطوم
ليس دفاعا عن علاء الدين يوسف
لكن من خلال سردك محمد عادل من بادر بالتشهير بي علاء الدين يوسف
ومن ثم بانزل بوست باسم علاء الدين يوسف
وامس القريبة دي كان اخر مسرحيات محمد عادل في الموضوع دا
*** تخريمة
من ناحية تراتبية يا شيخ العوض عنوانك دا خطأ فني
عن ادبيا ما ممكن تقدم محمد عادل على علاء الدين يوسف
حتى من باب احترام كبر سن علاء الدين عن محمد عادل
لووووووووول (ملاحظة غتيتة ... ما دايرة اكبرك يا علاء يا اخوي ههههههه)
لكن الكبير كبير يا محمد عادل... وما تزعل ... ها
|
Post: #4
Title: Re: محمد عادل .. علاء الدين يوسف .. ما كان العشم ..
Author: داليا الكباشى
Date: 05-04-2010, 12:34 PM
| Quote: الان ليس لخاطري اخ محمد عادل واخ علاء الدين فخاطري لم اجد له تقديرا سابقا .. |
خـاطرك على العين والراس يـا ريس .. 
علاء الدين ومحمد عـادل ..
بعد الكلام دا ما عندكم قول ..
وعفـا الله عن ما سلف..
الله يقطع الشيطـان ...
|
Post: #5
Title: Re: محمد عادل .. علاء الدين يوسف .. ما كان العشم ..
Author: علاء الدين يوسف علي محمد
Date: 05-04-2010, 12:36 PM
Quote: ما خيب ظني انه اتصل بي الاخ علاء الدين يوسف مساء ثاني يوم من تلك المحادثة الهاتفية ليخبرني ان هناك بوست فتحه الاخ دينق وان محمد
عادل قد اخلي باتفاقه معك اخي العوض ولهذا انا رددت عليه واعتبرت ان الاتفاق الغاه محمد عادل ...
|
شيخ العوض يا غالي
سلامات
الحمْدُ لله أنّك قد شهْدت لي بهذه
و دة الحصل
من تاني يوم جاني فارِد جنْحينو و آخر إساءات
رُغْم وعْدي لك بالكفْ عنه
|
Post: #8
Title: Re: محمد عادل .. علاء الدين يوسف .. ما كان العشم ..
Author: omer osman
Date: 05-04-2010, 01:23 PM
Parent: #7
ياعلاءالدين بعيداً عن التفاصيل شيخ العوض لايرد له طلب
|
Post: #15
Title: Re: محمد عادل .. علاء الدين يوسف .. ما كان العشم ..
Author: HAIDER ALZAIN
Date: 05-04-2010, 01:49 PM
Parent: #8
هنا صدقت يا جنابو :
| Quote: ياعلاءالدين بعيداً عن التفاصيل شيخ العوض لايرد له طلب |
والله والله لو طالبني شيخ العوض باعز ما املك ف الدنيــا لن ارد طلبه
ــــ
ترفع يا علاء الدين وراعي ان لك من يعزونك فلا تنخرط في عرق جرف حلفا يخليك تقول بعديــن ..
انا هين يا تنقاسي علا حلفتك أريتا يقومن لها عروق...
خد نفس واسمعها من اخوانك العوض وعمر عثمان ..
ومني انا شخصيا - كصديق ليك - كقصة البيكسر ليك سن تحت ليهو طقم اسنانو كلها ما حلوة
بنرد على قليل الادب ونوصلها لحدو معاهو لكن بتحكمنا في الآخر فارق تربيتنا وما نشانا عليهو ببيوتنا..
آآآآآآي لو جاب سيرة اهلي ما بخليهو واسكو ادخلو الزقاق والسلمة الضيقة لكن الزقاق دا نهائي
ما بحشر امو وابوهو واخوانو فيهو لا قبيلتو ..
يا علاء كلنا ولاد حلة - وبفتخر - واصحابي بيخشو لغاية المطبخ بتاع امي وبيملحو براهم من الحلة ..
ولو لقيتم متكلين في برندة التُكل والا مُوكعين وسط اخواني والله والله ما بزعل لأني عارفهم م شنو
وعارفني انا خاتيهم وين
ولو جاني غلط من او لاهلي وانا بعيــد عارفهم ما بيكلموني وبيطلعوا عين الغلط نيابة عني وعن اخواني
قلتها قبل كدة لوليد محمد المبارك الشفت وبقولها ليك ..
أبقي ود حلة مقنع الكاشفات ومضاير الحرات ...
وخلي أخلاقك وتربيتك العارفة تربية رجال هي ما تحكمك وما تنجرف وراء كلام يسئ ليك انت
ويسئ لينا نحن كاخوانك واصحابك قبلاً ..
وزخلينا نفتخر بيك
ـــــــــــــ
وبعد دا كلو يطيب لي اقول ليك انت كوز ضلالي معفن .. وامشي اشتكيني
لكن العوض رجل حرة واخو اخوان .. فطيب خاطرو يا حبيب
|
Post: #20
Title: Re: محمد عادل .. علاء الدين يوسف .. ما كان العشم ..
Author: HAIDER ALZAIN
Date: 05-04-2010, 02:14 PM
Parent: #17
يا شين ..
والله ما كملت البوست رديت من اول ردين بس وقلت الفي ضميري..
قاتلك الله
|
Post: #9
Title: Re: محمد عادل .. علاء الدين يوسف .. ما كان العشم ..
Author: الشاذلى خيرى عبد الله
Date: 05-04-2010, 01:28 PM
Parent: #5
الاحباب علاء الدين ومحمد عادل ..
صدقونى مافى شىء فى الدنيا بيستاهل تزعل ليهو زول .. انتو اخوان ..
اعفو عن بعض .. ربنا يعف عنكم .. ويعفى عنك يا ريس ..
بالله ماتكسرو خاطر زول .. ربنا يكرمكم جميعا..
ضعو نصب اعينكم قوله تعالى ....
وقال تعالى: ((ولا تستوي الحسنة ولا السيئة، ادفع بالتي هي أحسن فإذا الذي بينك وبينه عداوة كأنه ولي حميم، وما يلـقاها إلا الذين صبروا وما يلقاها ألا ذو حظ عظيم))(فصلت: 34 ـ 35).
وقال تعالى: ((والكاظمين الغيظ والعافين عن الناس والله يحب المحسنين)) (آل عمران : 134).
الله يبارك فيكم ..
مودتى.
|
Post: #10
Title: Re: محمد عادل .. علاء الدين يوسف .. ما كان العشم ..
Author: علاء الدين يوسف علي محمد
Date: 05-04-2010, 01:33 PM
Parent: #9
شيخ العوض
ود الصايم
جنابو
شاذلي
ميّادة
داليا
أعِدكم بتوقُّفي عنه تماماً
و مهما قال لن أُداخِله مرّة أُخْرى
نأياً بكم و بنفسي
|
Post: #11
Title: Re: محمد عادل .. علاء الدين يوسف .. ما كان العشم ..
Author: omer osman
Date: 05-04-2010, 01:38 PM
Parent: #10
Quote: أُشْهِدُكما توقُّفي عنه تماماً
و مهما قال لن أُداخِله مرّة أُخْرى
نأياً بكم و بنفسي |
كرامة الصلح ياشيخ العوض ....... ماتملحنا ساكت 
|
Post: #12
Title: Re: محمد عادل .. علاء الدين يوسف .. ما كان العشم ..
Author: محمد عبد الماجد الصايم
Date: 05-04-2010, 01:42 PM
Parent: #11
تسلم يا عمكـ
_
في انتظار محمد عادل!
|
Post: #14
Title: Re: محمد عادل .. علاء الدين يوسف .. ما كان العشم ..
Author: الشاذلى خيرى عبد الله
Date: 05-04-2010, 01:45 PM
Parent: #12
| Quote: في انتظار محمد عادل! |
أكيد ماحيطلع اقل منو ..
شكرا" علاء الدين ..
|
Post: #13
Title: Re: محمد عادل .. علاء الدين يوسف .. ما كان العشم ..
Author: وليد عبد اللطيف
Date: 05-04-2010, 01:43 PM
Parent: #10
علاء الدين
Quote: أُشْهِدُكما توقُّفي عنه تماماً
و مهما قال لن أُداخِله مرّة أُخْرى
نأياً بكم و بنفسي
|
نعرفك رجل قوي شجاع مجالد من الدرجة الاولي
وبليغ ولك كل نواصي رفع الضغط ولك زخيرة وافره من الكلمات
ولكن نريد الطيب منها
وهذا حسب وعدك الى اخونا وحبيبنا ودفعتنا ود المسلمي
ود المسلمي (يظهر ماعملت لينا شيء في موضوع صاحبك )
-----------------------
تحايا خاصة للاخ محمد عادل (وين وعدك يارجل )
|
Post: #16
Title: Re: محمد عادل .. علاء الدين يوسف .. ما كان العشم ..
Author: محمد عادل
Date: 05-04-2010, 01:57 PM
Parent: #13
شيخ العرب العوض المسلمى
قدرت اتصالك وقدرتك اكبر وانا كنت عن وعدى بان لن اتداخل مع هذا
ولكن اساءاته للإمام وان تحل اللعنه عليه واجبى واحترامى لإمام هذا الصرخ العظيم بان ادافع عنه فى كل شئ حتى اذا اضطر الامر بل التضحية
وعنت الاخ علاء الدين بحمادة بت وحديثه عن ملفات المجلس الافريقى تلك المناره التى اعتز بايام الدراسة فيها
وهذا لادرى بماذا يقصد بملف المجلس الافريقى
ولقد طلبت منه فى بوست خاص تم حذفه بان ياتى الى بهذا الملف
هذا يسئ للاخوه الجنوبيين وينعتهم بابشع الالفاظ وبعض الاخوه فى البورد
انا على وعدى معك ياشيخ العرب
واشكركم جميعا ماعداء قلائل وهم يعرفون انفسهم
وانا من هنا اعلن التاهل التام لإحاديثه الزئف وعدم التداخل معه فى اى بوست الا اذا قام باساءة الكيان والامام والقيادات العظيمه لهذا الشعب
وانت على عينا وراسنا ياشيخ العرب
مياده كمال اكبر كبر العقل ماكبر السن
|
Post: #26
Title: Re: محمد عادل .. علاء الدين يوسف .. ما كان العشم ..
Author: Faisal Elrasheed
Date: 05-04-2010, 03:51 PM
Parent: #16
| Quote: ولكن اساءاته للإمام وان تحل اللعنه عليه واجبى واحترامى لإمام هذا الصرخ العظيم بان ادافع عنه فى كل شئ حتى اذا اضطر الامر بل التضحية |
انت مع الامام والا مع مبارك يا ولد ؟؟
| Quote: هذا يسئ للاخوه الجنوبيين وينعتهم بابشع الالفاظ وبعض الاخوه فى البورد |
وانت مالك ومال الجنوبيين ؟؟ الناس دي مش عندها باسوردات ؟؟
انت كدي دافع نفسك بعدين تعال دافع عن الجنوبيين ..
| Quote: وانا من هنا اعلن التاهل التام لإحاديثه الزئف |
اساسا انت مؤهل من زماان بس براك راسك قوي وعامل فيها عاقل!!
| Quote: الا اذا قام باساءة الكيان والامام والقيادات العظيمه لهذا الشعب |
كااااااااااك غايتو بيضه ادوها صوت ..
|
Post: #18
Title: Re: محمد عادل .. علاء الدين يوسف .. ما كان العشم ..
Author: الحاج احمد مصطفي
Date: 05-04-2010, 02:00 PM
Parent: #13
ضعو نصب اعينكم قوله تعالى ....
وقال تعالى: ((ولا تستوي الحسنة ولا السيئة، ادفع بالتي هي أحسن فإذا الذي بينك وبينه عداوة كأنه ولي حميم، وما يلـقاها إلا الذين صبروا وما يلقاها ألا ذو حظ عظيم))(فصلت: 34 ـ 35).
وقال تعالى: ((والكاظمين الغيظ والعافين عن الناس والله يحب المحسنين)) (آل عمران : 134).
الله يبارك فيكم ..
|
Post: #19
Title: Re: محمد عادل .. علاء الدين يوسف .. ما كان العشم ..
Author: محمد عبد الماجد الصايم
Date: 05-04-2010, 02:03 PM
Parent: #18
علاء وعادل .. القصة ما قصت اتجاهل التاني
وأسيبو .. القصة قصة تانية .. السياسة
مستاهلة إنكـ تخسر عشانها زول؟؟؟
|
Post: #21
Title: Re: محمد عادل .. علاء الدين يوسف .. ما كان العشم ..
Author: العوض المسلمي
Date: 05-04-2010, 02:20 PM
Parent: #19
الشكر لكل الذين تداخلوا او الذين اتصلوا فرحين بان يعود الوفاق والاحترام بين الاخوان محمد وعلاء الدين ..
واقول للاخ علاء شكرا لتجاوبك وتقديرك لاخوك العوض ولاخوانك جميعا وتوقفك عن التداخل غير المشروط
مع الاخ محمد عادل ...
اما الاخ محمد عادل فانا ايضا شاكر ليك تفضلك بالدخول والرد هذا اولا ..
ثانيا اخي محمد عادل لم يكن حديثي بينكما يدور حول ماذا تعتقدون وماهي قناعاتكم السياسية والتي بالضرورة خياراتكم
الشخصية ولايحق لي ولا لاي احد ايا كان التدخل فيها او حتي الاشارة اليكما بالتوقف عن الكتابة في اي موضوع ,, بل الموضوع
الذي عنيته ان تبعدا عن الاساءة الشخصية لبعضكما وهذا لن يكون الا بعدم التداخل في بوستات بعض او المطاردة في البوستات
حتي تتوقف التلميحات غير المحببة الي النفوس ...
|
Post: #23
Title: Re: محمد عادل .. علاء الدين يوسف .. ما كان العشم ..
Author: وليد عبد اللطيف
Date: 05-04-2010, 02:40 PM
Parent: #21
Quote: وانا من هنا اعلن التاهل التام لإحاديثه الزئف وعدم التداخل معه فى اى بوست الا اذا قام باساءة الكيان والامام والقيادات العظيمه لهذا الشعب
وانت على عينا وراسنا ياشيخ العرب
مياده كمال اكبر كبر العقل ماكبر السن |
الاخ محمد عادل
من حقك ان تضحي بنفسك في سبيل كيانك كما تقول
ولكن ياخونا مافي داعي للاساءة لبعض
ومافي داعي الناس تدخل في العروض
والله الكلمة الشينه بتقعد ذكرى وتاريخ للواحد
وكلامي هذا موجه ايضا للاخ علاء الدين
بأن يحترم حاجات الناس ويدافع عن كيانه بس بأدب الحوار والفكر والادله
ونشكرم جزيل الشكر لازالة هذه الغمامة التي تعكر صفو المنبر
واختلفوا سياسيا واحترموا الوداد والخوه الزمالة التي تجمعكم هنا
وشكرا للاخ ود المسلمي وبارك الله فيه و فيكم جميعا
-------------------
محمد عادل تتوقع شنو لمباراة الهلال القادمة
|
Post: #22
Title: Re: محمد عادل .. علاء الدين يوسف .. ما كان العشم ..
Author: osman righeem
Date: 05-04-2010, 02:32 PM
Parent: #10
Quote: أعِدكم بتوقُّفي عنه تماماً
و مهما قال لن أُداخِله مرّة أُخْرى
نأياً بكم و بنفسي
|
علاء
سلام
انا حفسرها بطريقتي
ياخ ما تحرمنا اجر الصبر علي المكاره
|
Post: #24
Title: Re: محمد عادل .. علاء الدين يوسف .. ما كان العشم ..
Author: علاء الدين يوسف علي محمد
Date: 05-04-2010, 03:26 PM
Parent: #22
ود رُغيم سلامت
قفْلنا باب السِّر لأجل أبواب الكُشَرْ
|
Post: #25
Title: Re: محمد عادل .. علاء الدين يوسف .. ما كان العشم ..
Author: HAIDER ALZAIN
Date: 05-04-2010, 03:39 PM
Parent: #24
محمد عادل اسمح لي افتح بوست بإسمك حصري لينا دون بورداب اي مكان
نتفاكر فيهو في مقبل الايام
ــــــ
ممكن !!
لو مممكن بخليك تختار انت عنوان ونتفاكر بعد ذاااك
لك إحترامي
|
Post: #27
Title: Re: محمد عادل .. علاء الدين يوسف .. ما كان العشم ..
Author: humida
Date: 05-04-2010, 03:56 PM
Parent: #24
دقيقة يا جماعة ..
يا محمد عادل .. المشاكل زاتها دايرة ليها لسان مبين .. يعني لمن تقرر تدخل في مشكلة حقه يكون كلامك واضح و مفهوم للناس عشان ما تبقى في محل استهزاء ..
قرأت كلام اخونا العوض المسلمي بكل جدية .. و تمنيت ان ينتهي هذا الخلاف .. و اعتبرت انه الموضوع جادي و يجب اصلاح الحاجة الحاصلة بين الاخوان ..
الي ان وصلت الي تبريرك الفطير .. و حديثك عن الصرخ العظيم ..
و الله يا محمد عادل ضحكتني جنس ضحك .. و غضبت جدا من علاء الدين .. ياخي انت ما الزول البدخلو معاها في مشاكل ..
الناس دي كلها بتظلمك لو دخلت معاك في مشكلة .. يعني هسع اتخيل نحن متشكلين وجه لوجه و نحن في قمة الغضب تقوم تقول لي ( الصرخ العظيم ) ..
في محاولة منك للفلسفة .. و الله تكون كتلت لي الدش في يدي ..
و لا أملك بعدها ألا الضحك .. و سفة كاربة .. و عبارة امشي يا محمد عادل ربنا يهدينا و يهديك ..
..
..
العوض شكرا علي المبادرة .. يبدو انك صرخ عظيم آخر ..
|
|