Post: #1
Title: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 09:03 AM
Parent: #0
منذ ظهور سودانيزاونلاين وعلى مر الاجيال ..
تكون جسم بورداب الخرطوم على اختلاف النوع والعادات والتقاليد والاعراف
وتدور الدور ويتغير الاعضاء واحدين يسافروا وواحدين يجوا ..
ومنذ عهد عبير خيري والمهندس كانت اللمات في الافراح والاتراح ..
وجاء عهد انعام حيمورة ومن معها وكانت كذلك اللمات في الافراح والاتراح ..
وجاء عهد العوض المسلمي ومن معه .. كذلك كانت اللمات في الافراح والاتراح ..
ومازالت العهود تتوالي ونبشر بعهد شول اشوانق دينق ومن معه ..
يجمعنا التصافي والمحبة والاخوة ..
ونتحد في كل الاحوال مع بعضنا البعض وان اختلفنا ..
وننسق مع بعضنا البعض اسرة واحدة ..
عندما تكون هناك مناسبة عادة ما تتم الدعوة عن طريق بوست ولكن غالبا ما تكون هنالك اتصالات تعقب هذا البوست ..
الاتصال الاول للدعوة ..
والتاني للتنسيق للذهاب ..
والثالت .. اها انتو وين نحن وصلنا ..
وتجمعنا مائدة كبرى نلتف حولها ..
وإذا تأخر واحد منا تجد الاتصالات تكثر عليه .. انت وين ومالك لحدي هسة ما جيت ..
دوما .. قاعدين نشوف الفرحة في عيون الناس القاعدين نشاركهم ..
وقاعدين نعتبر نفسنا (أهل) وقاعدين يستقبلونا كأهل برضو ..
أسرة بورداب الخرطوم الله يديكم العافية ويديكم قدر نيتكم ..
فانتم فعلا أهل .. وتشرفوا وتسدوا عين الشمس ..
--
بوست توثيقي
|
Post: #2
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 09:08 AM
Parent: #1
شاركونا بورداب الخرطوم عرس (حاتم حيمورة) أخو أشراقة حيمورة فكنا فرحين جدا بيهم ..
حتى مناسبات الاعضاء الخاصة تتم المشاركة فيها ..
كل زول يا بورداب الخرطوم يتذكر مشاركة يجي ينزلها ..
|
Post: #3
Title: Re: أسرة بورداب الخرطوم تشارك الجميع ( بوست توثيقي )
Author: اساسي
Date: 01-07-2010, 09:17 AM
Parent: #2
لابد من الاشارة للرعيل الاول من بورداب الخرطوم
دريمز و فتحي البحيري وملكة سبأ و حبيب الكل وبامسيكا والكثيرون
ذاك زمان جميل سلوا عنه ( ابو ساندرا)
كانوا يستقبلوا البورداب ويقيمون الاحتفالات ويشاركون الافراح والاتراح
|
Post: #7
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 09:26 AM
Parent: #3
Quote: لابد من الاشارة للرعيل الاول من بورداب الخرطوم
دريمز و فتحي البحيري وملكة سبأ و حبيب الكل وبامسيكا والكثيرون
ذاك زمان جميل سلوا عنه ( ابو ساندرا)
كانوا يستقبلوا البورداب ويقيمون الاحتفالات ويشاركون الافراح والاتراح |
التحية للرعيل الاول .. وهم النواة ؟ ولا كان في زول قبلهم ؟
بعرف منهم ملكة سبأ طبعا وبامسيكا ..
شكرا اساسي ..
|
Post: #4
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 09:17 AM
Parent: #2
ناذر الخليفة ..
وبما أنك بوردابي تعال ورينا شعورك شنو لما شاركوك أسرة بورداب الخرطوم فرحتك ..
|
Post: #5
Title: Re: أسرة بورداب الخرطوم تشارك الجميع ( بوست توثيقي )
Author: منال
Date: 01-07-2010, 09:18 AM
Parent: #2
انا بتزكر مناسبة امبارح زواج عزة بت سلمى
وسعيده انى لاقيتك انتى وعبدالوهاب
لكن الباقين ماعرفتهم (وش حزين)
|
Post: #8
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 09:33 AM
Parent: #5
منال ..
عتاب خفيف ..
طبعا اي زول حر في تصرفاته .. وحر فيما يفعل .. وفيما يختار
بس انتي قلتي (وش حزين)
ليه حزين وكل الناس دي قبل كدة لاقيتها في الرحلة وما حبيتي تتعرفي عليهم وكذلك امس برضو كلهم كانوا
موجودين لاحظت انك تجاهلتي سلام البقية ..
يبقى مافي داعي للوش الحزين
والا ..
بورداب الخرطوم وان تعرفتي عليهم ناس جميلين جدا ..
اخوان حارة وباردة
ودائما بتلقيهم والناس بالناس ..
لو حبيتي تكوني واحدة من هذه الاسرة حبابك الف بل مليون ..
والقادمات ارحب ..
|
Post: #10
Title: Re: أسرة بورداب الخرطوم تشارك الجميع ( بوست توثيقي )
Author: منال
Date: 01-07-2010, 09:50 AM
Parent: #8
يا انعام التجاهل ما طبعى
لكن صدقينى كل الناس القابلتهم فى الرحله
مابتزكر ولا بعرف الا عدد قليل
ويشهد الله امبارح غيرك انتى وعبدالوهاب وناديه ماعرفت زول
يعنى ما ممكن اقعد اسلم على الناس من طرف
وانا بطبعى خجولة جدا
بس كمان انا بعتب عليك مدام معاكم ناس من الاونلاين كان مفروض
تعرفينى بيهم وتقولى لى تعالى يامنال ده فلان وده فلان
ولا ماكده يا انعام
تآكدى انو التجاهل ماطبعى
لانى ورغم خجلى اجتماعية واحب الاصدقاء
تسلمى ياحبيبه
|
Post: #15
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 10:10 AM
Parent: #10
| Quote: لانى ورغم خجلى اجتماعية |
يا زولة قولي كلام غير دا .. اجتماعية شنو؟؟ ياخ الرحلة ليك فيها قرابة الـ 6 ساعات ما اظن قدرتي تعرفي ليك فيها زول غيري انا وانا ياني جريت كرسيي وقلت البت جديدة النتونس معاها لكن لما لقيتك ما مقسمة معاي قمت خليتك صاااح ههههههههه (بهظر والله)
أمس :
انا قاعدة في تربيزة لو وقفتي ساي قلتي السلام عليكم كان براهم وقفوا سلموا عليك ..
ياخ انا امبارح د. إمام شدة ما عرفتوا على كل الناس لما قرب يقول لي زي (ازهري) انتي كل الناس دي حفظتيهم كيف ؟؟
يازولة المرة الجاية تبطلي (خجل) وتسأليني دا منو ودا منو.. هههههههههههه
|
Post: #6
Title: Re: أسرة بورداب الخرطوم تشارك الجميع ( بوست توثيقي )
Author: Amany Elamin
Date: 01-07-2010, 09:24 AM
Parent: #2
انعام حبيبة الكل:
مع التحاقي مؤخرا بكيان بورداب الخرطوم,
أذكر مشاركتي قدوم الاميره جوان للزميل مزمل خيري والبوردابيه لاحقا وجدان جمال,
ثم زواج رانيا قاسم المشهوره بدعمها القوي لأطفال المايقوما,
وأخيرا زواج داليا وتمبس ..
يمكن دي أبرز المشاركات اللي فيها شعرت ببورداب الخرطوم ككيان أسري حميم ..
تحيات كتار ليك يا ست الناس,
وللأخ الكريم العوض المسلمي,
وكل التوفيق للريس شول مع كامل الثقه في جمعه للكيان بمحبته المعهوده وقلبه النظيف ..
|
Post: #9
Title: Re: أسرة بورداب الخرطوم تشارك الجميع ( بوست توثيقي )
Author: سمرية
Date: 01-07-2010, 09:39 AM
Parent: #6
يا انعام والله دا بوست سمح خلاس ..
بوست بخليك تتذكر كل الايام الجميلة التي جمعتنا مع بعضنا البعض ...
بوست بشعرك بفرحتك بالناس دي كلها ... ومواقفهم النبيلة
وبوست بشعرك بتقصيرك تجاه البعض منهم
بوست بذكرك بقوة الترابط بين كل هؤلاء الحلوين ..
بوست .. بذكرك بالادوار التي قام بها ( برودراب الخرطوم ) كما تقول انعام حفيظ ..
بذكرك بعظمة .. بيت الشعر : تأبي الرياح .. الخ !
لاسباب شينة ومبشتنة كنت بعيدة فترة من الوقت في مختلف النشاطات التي قام بها بورداب الخرطوم
ان شاء الله يا انعام السنة دي تكون سنة العودة .. لاوقاتكم الجميلة وضحكتك العثل .. والقرقراب ساعة ( اللقمة بتجمعنا )
ولن انسى مشاركة بورداب الخرطوم ... مشاركتي في زواج اخواني واخواتي ...
ولن انسى مشاركة بورداب الخرطوم .. في فرحتهم بزواجي .. !
وان شاء الله نردها ليكم .. في افراحكم يارب ..!
... انعام هسي البوست دا فكرتي فيهو كيف ؟؟؟
|
Post: #11
Title: Re: أسرة بورداب الخرطوم تشارك الجميع ( بوست توثيقي )
Author: الرفاعي عبدالعاطي حجر
Date: 01-07-2010, 09:52 AM
Parent: #9
دي شهادة زول اصيل
تحياتي لكم جميعاً
وشكراً يا انعام على هذا الوفاء .
...............................حجر.
|
Post: #20
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 10:25 AM
Parent: #11
| Quote: وشكراً على هذا الوفاء . |
شيل إنعام من النص بستقيم المعنى اكثر لانو بورداب الخرطوم هم الوفاء بعينه ..
الرفاعي ..
يارب يجيك السمح وتشوف الفرحة في عيون أسرة بورداب الخرطوم ..
|
Post: #13
Title: Re: أسرة بورداب الخرطوم تشارك الجميع ( بوست توثيقي )
Author: انور التكينة
Date: 01-07-2010, 10:04 AM
Parent: #9
العزيزة انعام ..
تقديرى
كنا و ما زلنـــــــــــا و سنواصــــــــــل باذن الله
كان اخرها فى زواج ابنة الزميلة سلمى الشيخ سلامة مساء امس ( الصور كاملة مساء اليوم )
|
Post: #19
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 10:21 AM
Parent: #9
| Quote: بوست بذكرك بقوة الترابط بين كل هؤلاء الحلوين .. |
السمحة وسمرية
الف الف حمد لله على السلامة وانا سعيدة بيك جدا وبي حضورك ..
لانك زولة ما ساهلة في بورداب الخرطوم ومحرك فعُال ..
وباذن الله سنحقق (المتفق عليه) وشيلي البوست انتي وانا على التنفيذ ..
Quote: مشاركتي في زواج اخواني واخواتي ...
ولن انسى مشاركة بورداب الخرطوم .. في فرحتهم بزواجي |
..
أيوة وفعلا كان احساس الاسرة الواحدة بعدين لما امشي البيت بنزل صور من زواج اخواتك ..
ويلا ساعديني باللنك حق زواجكم عشان ما حافظة التاريخ (هههه)
وعودا حميدا ..
|
Post: #14
Title: Re: أسرة بورداب الخرطوم تشارك الجميع ( بوست توثيقي )
Author: انور التكينة
Date: 01-07-2010, 10:08 AM
Parent: #12
و انعام حيمورة قاسم مشترك فى كل مناسبات البورداب
|
Post: #17
Title: Re: أسرة بورداب الخرطوم تشارك الجميع ( بوست توثيقي )
Author: عمران حسن صالح
Date: 01-07-2010, 10:16 AM
Parent: #14
انعام فرح متنقل بين الناس ..
انتي وش خير بورداب الخرتوم ..
|
Post: #18
Title: Re: أسرة بورداب الخرطوم تشارك الجميع ( بوست توثيقي )
Author: منال
Date: 01-07-2010, 10:21 AM
Parent: #14
يا انعام فى ديل مابعرف غير وهبه
وديل سلمت عليهم رغم انى ماقابلتهم قبل كده ولابعرفهم
ماعدا نادية
|
Post: #21
Title: Re: أسرة بورداب الخرطوم تشارك الجميع ( بوست توثيقي )
Author: على محمد على بشير
Date: 01-07-2010, 10:29 AM
Parent: #18
حرام عليك يا منال لكن
انا واقف مع الناس ديل وبالاماره سلمت عليكى
بالغتى لكن !!
|
Post: #22
Title: Re: أسرة بورداب الخرطوم تشارك الجميع ( بوست توثيقي )
Author: منال
Date: 01-07-2010, 10:33 AM
Parent: #21
Quote: حرام عليك يا منال لكن
انا واقف مع الناس ديل وبالاماره سلمت عليكى
بالغتى لكن !! |
سلمت على ؟؟؟؟ طيب كان تعرفنى بنفسك ولاشنو ؟؟؟؟
عشان كتيرين السلمو على
انت ياتو واحد فى الصورة ؟؟؟
|
Post: #26
Title: Re: أسرة بورداب الخرطوم تشارك الجميع ( بوست توثيقي )
Author: ناهد علي
Date: 01-07-2010, 10:51 AM
Parent: #21
أسرة بورداب الخرطوم لكم جميعا التحية
بكون دائما فخورة بيكم وانتم تشاركون وبتمني أكون دائما معاكم
ودائما ظروفي تخذلني بتابع بالتلفون واعتبرة نص المشاهدة
سعيدة جدا جدا بزيارة ماما دوما والاخ تبلدينا لي في المنزل ذكرياتها طيبة عندي.
|
Post: #34
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 11:31 AM
Parent: #26
ناهد علي
اها شوفي زيارة ماما دومة وتبلدينا دي ليها كم سنة وهي باقية ليك ذكرى حنينة ..
تسلمي ويارب يجيك الخير ونجيك ..
|
Post: #23
Title: Re: أسرة بورداب الخرطوم تشارك الجميع ( بوست توثيقي )
Author: ابو يسرا
Date: 01-07-2010, 10:34 AM
Parent: #18
ابو يسرا مع الرعيل الاول
ناجي الملك مواكب كل مجموعة وهو القاسم المشترك
ياريت تتم دعوة الرعيل الاول في جلسة خرطومية
المهندس دريمز ملكة سبا ودشاموق البحيري والبقية
|
Post: #37
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 11:41 AM
Parent: #23
Quote: ابو يسرا مع الرعيل الاول
**
ناجي الملك مواكب كل مجموعة وهو القاسم المشترك |
أبو يسرا ايوة اتلاقينا في فطور بوداب الخرطوم الرمضاني في حدائق الهلتون
وانت متخفي مالك ..
خلاص أدعوا اللجنة الجديدة لتنظيم لقاء جامع كل بورداب الخرطوم باختيار الوقت والمكان المناسبين
تحياتي والتحية لناجي الملك واتمنى مع مشاغله ان لا يفتر او يتعب او يكل او يمل من أسرة بورداب الخرطوم ..
|
Post: #27
Title: Re: أسرة بورداب الخرطوم تشارك الجميع ( بوست توثيقي )
Author: على محمد على بشير
Date: 01-07-2010, 10:52 AM
Parent: #24
Quote: سلمت على ؟؟؟؟ طيب كان تعرفنى بنفسك ولاشنو ؟؟؟؟
عشان كتيرين السلمو على
انت ياتو واحد فى الصورة ؟؟؟ |
كانت معاك الكاميرا الخفيه يا منال
|
Post: #28
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 10:52 AM
Parent: #18
منال .. تعارف
نبدأ من أبو فنلة برتقالية
ياسر بيناوي - سامي صلاح - ناذر الخليفة - صلاح عبد الله - ما بعرفوا - وهبة - مابعرفوا
--
(ما بعرفوا) ما اظنهم بورداب ..
|
Post: #36
Title: Re: أسرة بورداب الخرطوم تشارك الجميع ( بوست توثيقي )
Author: معاوية عوض الكريم
Date: 01-07-2010, 11:41 AM
Parent: #28
وهل يُخفى ابو فنيلة برتقالية ؟ 
|
Post: #38
Title: Re: أسرة بورداب الخرطوم تشارك الجميع ( بوست توثيقي )
Author: سمرية
Date: 01-07-2010, 11:44 AM
Parent: #28
يا انعام ..
الاول الطويل الواقف جمب وهبة .. دا وجدي ( شلاقة ) بوردابي برضو بس في بورد تاني .. كيفن ما بتعرفيهو ... ؟
اهو شوفتي انا طلعت اجتماعية اكتر منك ... ( وش مادي لسانو )
|
Post: #29
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 10:55 AM
Parent: #18
منال - تعارف
نادية تتوسط منال خوجلي (بتوب) ومنى خوجلي والاخيرة هي الاستاذة ناهد بشير الطيب من بورداب جدة وبقت بورداب الخرطوم مؤخرا ..
|
Post: #30
Title: Re: أسرة بورداب الخرطوم تشارك الجميع ( بوست توثيقي )
Author: انعام حيمورة
Date: 01-07-2010, 10:57 AM
Parent: #14
منال - تعارف
البي شمالي دي الاستاذة نادية السر مديرة فندق فالكون ..
|
Post: #31
Title: Re: أسرة بورداب الخرطوم تشارك الجميع ( بوست توثيقي )
Author: محمد طه الحبر
Date: 01-07-2010, 11:08 AM
Parent: #30
نعومه ياهندسه 
كيف اخبارك؟
المهم في الامر سودانيز اونلاين جمعتنا بناس يشاركوك في كل كبيره وصغيره
مع انو ما حصلت لي مناسبه لسه 
............................................................................................
انتو أخوان فى الإنسانية
قعدت معاهم .. وإتفاكرنا
كم لفـّينا .. وكم ساهرنا
وكم مازحنا ليالى الصيف
وكم غنينا لى الحرية
وكم دارينا الحزن الأكبر
بين الصيف .. وجمال المنظر
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض ..
وسلام العالم..
وكنت غريب الوجهِ .. معذب
ما أحلاهم ..
شالوا معاى الهم بى الجملة
|
Post: #32
Title: Re: أسرة بورداب الخرطوم تشارك الجميع ( بوست توثيقي )
Author: مزمل خيرى
Date: 01-07-2010, 11:10 AM
Parent: #6
Quote: أذكر مشاركتي قدوم الاميره جوان للزميل مزمل خيري والبوردابيه لاحقا وجدان جمال,
|
أمانى بت الامين
والله كنت سعيد بمشاركتكم الانيقة فى حفل استقبال الاميرة جوان وكذلك بكل الاخوة البورداب..
تقبلوا فائق شكر وتقدير جوان...
____
شكرا انعام على البوست الجميل..
|
Post: #35
Title: Re: أسرة بورداب الخرطوم تشارك الجميع ( بوست توثيقي )
Author: سمية الحسن طلحة
Date: 01-07-2010, 11:35 AM
Parent: #32
نعومة يا زينة العرايس كل عام وانت الحب
قلتي جاء زمن العوض المسلمي ( ياحليلنا نحن زمنا فات)
ولاشنو!؟ زمن انعام حيمورة وبت عبدالحفيظ وحاج/ السموأل
واشراقة حيمورة الصايمة القايمة ست البنات لي حدهن
وحبيبة الكل منى خوجلي ونور الهادي عوض وهاشم خلف الله وناجي والملك
وكل بقية العقد الفريد في قندهار وكمان ناس حديقة المطار
الباش / بكري أبوبكر والريس أبوجهينة وعبدالله عقيد والدكتور عمر ودمحجوب
وأميرة الشيخ ... والله ياانعام اليوم داك عرفتوني على ناس سأظل أذكركم جميعًا ماحييت
التحية والتقدير لبورداب الخرطوم وإلى الأمام.
|
Post: #40
Title: Re: أسرة بورداب الخرطوم تشارك الجميع ( بوست توثيقي )
Author: ismeil abbas
Date: 01-07-2010, 12:43 PM
Parent: #39
أنا أحد بورداب الخارج...
وبكامل قواى العقليه..
أشيد واثمن مجهودات بورداب االخرطوم ولجانها التى مرت منذ تأسيسها..كانت على مستوى الدور المنوط بها..
وقد حالفنى الحظ فى ان أكون فى السودان فى عهد ألأخت البوردابية النشطة..إنعام جيمورة..وتكللت المساعى بأن اصطادونى فى احد رحلات جبل اولياء..وكنت سعيد بلمتهم ومعرفة عدد كريم منهم..
أيضآ فى العهد الماضى من فترة بورداب الرياضى..قام بزيارتى فى المنزل ألأخ/العوض المسلمى..وألأخ/عبدالوهاب على الحاج المدعو بوهبه..
واتمنى ان أسعد أيضأ بزيارة البورداب فى عهد ألزميل شول..الذى امل ان يكون عهده زاهر بألأنجازات....
| Quote: البي شمالي دي الاستاذة نادية السر مديرة فندق فالكون |
عشان كده فالكون فالكون فالكون..فليكن..تقديرى الشديد أختنا إنعام لمجهوداتك الجميلة لجعل كثيرآ من الجمال ممكنآ..
إسماعيل محمد احمد عباس...(((كما تريدى أبو ثلاثة نقاط))
|
Post: #41
Title: Re: أسرة بورداب الخرطوم تشارك الجميع ( بوست توثيقي )
Author: ismeil abbas
Date: 01-07-2010, 12:57 PM
Parent: #40
ألأخ/أنور التكينة..لك التحية وانت تنور لنا المنبر بصور أخوان او اخوات نعزهم وجزء نتعرف عليهم عبر هذا الملتقى...
| Quote: نادية تتوسط منال خوجلي (بتوب) ومنى خوجلي والاخيرة هي الاستاذة ناهد بشير الطيب من بورداب جدة وبقت بورداب الخرطوم مؤخرا .. |
ربنا يحفظهم جميعآ...يا إنعام ويحفظك ويسعدكم يارب...
واصلوا لينا فى صور زواج عزة بت سلمى..كثير من البورداب كانو حضور..لآن الزولة دى ما هينة...
تقديرى وأحترامى....إسماعيل محمد احمد عباس...
|
Post: #42
Title: Re: أسرة بورداب الخرطوم تشارك الجميع ( بوست توثيقي )
Author: د.نجاة محمود
Date: 01-07-2010, 01:38 PM
Parent: #41
بورداب الخرطوم الله لا جاب يوم شكرهم
بمجرد وصولي الى الخرطوم لوفاة الوالد رحمة الله عليه حضر عدد كبير منهم
وكان لجيتهم ابلغ الاثر موش علي بس بل على ناس بيتنا كولهم
حيث يحتل ناس البورد محلة سامية في قلوبهم
الان لما ارجع الخرطوم بكون مشتاقة لمحاسن اختي ولابتسام ولانعام و وانعام
وممكونة وكل الاخوات والاخوان
هم جزء من العائلة الان احبهم واودهم ربنا يدوم محبتنا في قلوبهم...
شكرا بورداب الخرطوم معرفتكم كنز بالجد ترفعوا الراس
من اقصى اليسار الى اقصى اليمين انتو كداhttp://www.sudaneseonline.com/db/attention/070_Thumb_Up.gif
|
Post: #43
Title: Re: أسرة بورداب الخرطوم تشارك الجميع ( بوست توثيقي )
Author: saif massad ali
Date: 01-07-2010, 02:02 PM
Parent: #42
الاخت انعام حيمورة
اول بالتبادي
الف مبروك وربنا يجعل ايامكم كلها سعادة وخير
كمان الف مبروك للاخت داليا كباشي وعمنا تمبس
والف مبروك لبت سلمي الشيخ سلامة
ثانيا
حجا مبرور لكل الحجاج والحاج عوض ربنا يكتب سلامته
|
Post: #44
Title: Re: أسرة بورداب الخرطوم تشارك الجميع ( بوست توثيقي )
Author: ابو جهينة
Date: 01-07-2010, 02:15 PM
Parent: #43
إنعام
دوما .. قاعدين نشوف الفرحة في عيون الناس القاعدين نشاركهم ..
و هذا ما حدث لنا و نحن في ضيافتكم
القومة ليكم و ليكن
|
Post: #45
Title: Re: أسرة بورداب الخرطوم تشارك الجميع ( بوست توثيقي )
Author: خالد عبد الله محمود
Date: 01-07-2010, 02:42 PM
Parent: #44
والله يا نعوم إن أنسي لا أنسي زيارتكـ لشقيقتي المرحومة سعاد في المستشفي ..
أنت زولة جميلة ياخ ...
الله يسعدكـ دنيا و آخرة ..
|
Post: #46
Title: Re: أسرة بورداب الخرطوم تشارك الجميع ( بوست توثيقي )
Author: مريم عبد الله
Date: 01-07-2010, 02:45 PM
Parent: #43
ازيكم يا بورداب الخرطوم
بالرغم من اني جديدة على المنبر
وما حصل لي الشرف اني اتعرف معرفه
شخصيه بيكم لكن والحق يقال انتو
تفرحوا وتشرحوا القلب وفخر للمنبر
لما اشوفكوم باشعر انكم اسرة واحدة وقلب واحد زي لما
يتلمو الاهل في الحوش الكبير عند بيت الجد والحبوبه
ما بتفرزي دي بت منو ولا داك اخو منو من المحنه
في كل مناسبه الناس ملمومين اهل واصحاب المناسبه هم
لما شفتا صور خطوبتك لاحظتا كيف الناس ديل فرحانين بيكي ومعاكي
فرحة ناديه عثمان منى خوجلي بيك وناس اسيا زي الهم العرايس
بنات عم وخال اولاد اهل كلكم حبايب ما بيناتكم عايب
محنتكم ولمتكم كلها انسانيه ربنا ما قطع ليكم عادة
ودايما ملمومين في الخير وتامين ولامين زايدين ما ناقصين
وياريت لو جيت السودان التقي بيكم واتشرف بيكم
تحياتي ليك يا عروس
|
Post: #47
Title: واسفاي واذلي واندمي لو ما كنت من بورداب الخرطوم وما كانوا اهلي ,,
Author: العوض المسلمي
Date: 01-07-2010, 04:36 PM
Parent: #46
بوست يا انعام يخلي الزول يقطع سفريته ويرجع لاهله ,, ليس اهله ناس بيتهم وانما اهله الذين
هم اقرب اليه من الجميع ناس سودانيز اون لاين ,, الذين ما شعرت باني غريب عنهم لحظة واحدة ,,
سادخل هذا البوست لرفده بكيف كنا ولا زلنا اخوة ,,
وخاسر من ابعد نفسه عن هذا المجتمع بورداب الخرطوم ..وخاسر من ظن انه يستطيع ان يفرح ببعد احب
الناس عنه ,, وما احب الناس الا انتم اختي انعام وكوكبة بورداب الخرطوم الذين اباهي بهم الشمس
اشراقا والقمر ضياء والحب طريقا اخضرا لهم ,,,
واسفاي واذلي واندمي لو ما كنت من بورداب الخرطوم وما كانوا اهلي ,,
|
Post: #48
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: تاج السر محمد حامد
Date: 01-07-2010, 05:19 PM
Parent: #47
إنعام حيموره
تحياتى
العنوان أعلاه والذى يحمله هذا البوست توقفت عنده كثيرا وتساءلت مرات عديده عن أشياء وأشياء ولكن أحببت أن أحتفظ بها لنفسى .. عموما يابورداب الخرطوم عليكم سلام وألف سلام .. وتحية وألف تحية .. متمنيا أن أرى كل الوجوه السمحه وهى تبحر فى بحور الشوق واللمه والترحاب قولوا آمييين ..
وهانذا وبعد أيام سوف أغادر الخرطوم وأنا أحمل فى دواخلى كل ماهو طيب عن بورداب الخرطوم الذين حملونا فى حدقات العيون لهم الشكر والتقدير والاحترام .. وإنشاء الله يا السمحين نتقابل فى السمح والزين ايضا قولوا آمييين .
والتحية عبر هذا المنبر للاخت الاستاذه ناهد بشير الطيب والتى غادرت الاراضى المقدسة دون ضوضاء ليستقر بها المقام فى سودان العز .. لكم جميعا تحياتى وتشكراتى ماحييت فى هذه الحياة ..
تاج السر / الخرطوم
0912352480
|
Post: #49
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: SHIBKA
Date: 01-07-2010, 08:09 PM
Parent: #48
رغم اني ما بورداب الخرطوم
لكن لانو لي قريب شهرين معاهم مفلاوض يدوني عضوية فخرية ومع العلم طلب الباسويرد بتاعي كان من الخرطوم
اتذكر مناسبات شاركت فيها مع بورداب الخرطوم مثلا
افتتاح بيت بكري في بداية2009
زواج شاذلي جعفر
زواج عزة بت سلمى امس
رحلات الكدرو
عقد تمبس وداليا
وفاة والد تبلدينا رغم وصلت بيتهم وما قابلت تبلدينا زاتو
وديل المتذكراهم
وبجيكم
|
Post: #50
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: إبراهيم عبد الحليم
Date: 01-07-2010, 09:03 PM
Parent: #49
الاعزاء بورداب الخرطوم
اشكر الايام التى جمعتنى بكم ولكم سرنى عندما رايتكم تشاركون لؤى عقدقرانه كنتم تقريبا نصف الصيوان ولجد كانت مشاركة ممتازة
إبراهيم
فى هذا البوست شكرتكم جميعا
يا بورداب الخرطوم نحن اتلاقينا مرة وفى خيالى وفى شعورى الف مرة
|
Post: #51
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: انعام حيمورة
Date: 01-07-2010, 09:17 PM
Parent: #50
الشكر لكم جميعا ..
يلا واصلوا فتكم بعافية ..
ونتلاقى دوما في ساعة خير ..
|
Post: #52
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: د.امام الصديق عبد المعطى
Date: 01-07-2010, 09:49 PM
Parent: #51
>>>> اول مرة احضر مناسبة لبورداب الخرطوم وقد غمرنى احساس انى قابلتهم فى مكان ما فى زمان ما .............مبرو ك للعروسة ولام العروسة سلمى التى فرحت غاية الفرح وعبرت غاية التعبير ....... والشكر لكل من قابلتهم وخاصة انعام حيمورة (وهى التى كانت دليلى )هذه الشخصية المميزة الصادقة وكفى ....
ونادية وبيناوى وناهد ووهبة ومنال وامل (خوجلى ) وخضر وتكينة ووليد ..... وكل من تعرفت عليهم ولم اذكرهم وسيظهروا فى الصور التى التقطتها فالى الصور تحكى ..........
|
Post: #53
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: معتصم محمد صالح
Date: 01-08-2010, 06:13 AM
Parent: #52
لك التحايا يا انعام وانت الدينمو المحرك لبورداب الخرطوم دائما دون الالتفات للالقاب والمسميات ولن تستطيعي حصر مساهمات ومشاركات بورداب الخرطوم في الافراح والاتراح لانه ببساطة المشاركات غير المعلن عنها اكبر من التي تفتح لها بوستات ..
وبرضو واصلوا ..
|
Post: #54
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: نادية عثمان
Date: 01-08-2010, 06:31 AM
Parent: #53
نعوم ( وش بدون ملامح) !!
على موعدنا اليوم حبيبة وبصير خير يارب !!
|
Post: #55
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: د.امام الصديق عبد المعطى
Date: 01-08-2010, 09:51 PM
Parent: #54
|
Post: #56
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: محمد عبد الماجد الصايم
Date: 01-09-2010, 08:17 AM
Parent: #55
يكفي إنو الواحد بقابل بورداب الخرطوم أكتر من أهلو!!
|
Post: #57
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: عفاف الصادق بابكر
Date: 01-09-2010, 09:51 AM
Parent: #56
يشهد الله شايفاكم وحاسة بيكم كلكم وافراحكم بحضرها معاكم كلها الحلوه والمره ..
وقلبي معاكم وين ما تمشوا ..
وبدعو ليكم بظهر القلب .. الله لا يفرقكم كلكم ..
البعيده وقريبه ... عفاف
نعومة .. عجز اللسان ياختي ..
العمر كله ليك بالفرح ..
|
Post: #58
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: معتصم الطاهر
Date: 01-09-2010, 11:54 AM
التحية لبورداب الخرطوم
و هم يحملونناعلى أكف الراحة
و بحتفلون بنا كأننا عرسان سيرة ..
و بحفوننا بالجميل
و يحفلون بهمنا .
على مر ايامهم وأجيالهم ..
التقدير ..
والحب
للذين عرفتهم
أو تعرفت بهم
ولى عودة ببوست منفصل
..
|
Post: #59
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: د.امام الصديق عبد المعطى
Date: 01-20-2010, 09:15 PM
Parent: #58
الصورة مهداة الى انعام حيمورة وخضر حسين ووليد
|
Post: #60
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: د.امام الصديق عبد المعطى
Date: 01-21-2010, 08:12 AM
Parent: #59
و ناهد بشير الطيب
|
Post: #61
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: د.امام الصديق عبد المعطى
Date: 01-21-2010, 08:23 AM
Parent: #60
و انعام حيمورة و نادية عثمان
|
Post: #62
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: عمر صديق
Date: 01-21-2010, 08:31 AM
Parent: #61
كامل تضامني مع انعام حيمورة وبوستات الوداع
|
Post: #63
Title: Re: واسفاي واذلي واندمي لو ما كنت من بورداب الخرطوم وما كانوا اهلي ,,
Author: د.امام الصديق عبد المعطى
Date: 01-21-2010, 01:10 PM
Parent: #62
وهبة و اشول و
|
|