قريبا الي هايتي ,, من يرافقني ؟؟

بعد ان ورد اسمي في هذا البوست واشكر الاخ مازن علي هذه الثقة فانني
اعلن عن رغبتي الصادقة بالذهاب انابة عنكم ..فقط لابد من دعم نمثل به السودان كشعب يقف مع
اخوته في الانسانية في هايتي جراء ما اصابهم من ضرر بليغ ومدمر ...
واعلن عن تبرعي بقيمة ثلاثة تذاكر لمن يرغب في مرافقتي الي هناك ...

العوض المسلمي...الى هايتي

ننتظر رائكم وتشجيعكم وسرعة استجابتكم






عدلت لحذف حرف زائد

العوض المسلمي...الى هايتي

سجلني معاك يا العوض ..
ومن هناك بعد ما نقضي غرضنا بزوغ لي امريكا

بي تحت تحت قالو امريكا تكله بي هنااااك ..

الحق سجل يا ذو اليد مصطفي

الاخ احمد محمد بشير حبابك
ويشهد الله ان هذا الامر من الجدية بمكان ,,
يلا يدك معانا ..

جيب لينا معاك نبق ..

نحن يا حميدة عائزين نشوف سواء من الافراد ولا المنظمات نشيل اغاثة نساعدعم بيها تجي تقول عائز فول مدمس ؟؟؟

العوض ..صدقني انا جادي ..انا بمشي من هينا من السعودية ..رسل لي حق التذاكر والمصاريف ..


فايز المرافق ...

مرحب فائز ودالقاضي وحباب رفقتك التي تتمني ..
بس يافائز اول حاجة نجمع شئ معتبر او لنقل رمزي ونتوكل علي الله ..
الا تري ان الجنوب ودارفور تمتلئ من الخواجات الذين ما اتوا لدعمنا الا للجانب الانساني ..
ونحن لسنا باقل منهم با نعبر عن تعاطفنا مع المنكوبين في هايتي ...

حاج العوض...
حرّم تسويها
صحيح اننا دولة فقيرة ومنكوبة ولكن لا يمنع ان نساعد اخواننا في الانسانية
بما نستطيع ..ولو مشاركة تعبيرية
فوق للاهيمة

وفي انتظار مزيد من الافكار واليات المشاعدة في هذا العمل الانساني النبيل.

حاج العوض...
حرّم تسويها
صحيح اننا دولة فقيرة ومنكوبة ولكن لا يمنع ان نساعد اخواننا في الانسانية
بما نستطيع ..ولو مشاركة تعبيرية
فوق للاهيمة

وفي انتظار مزيد من الافكار واليات المشاعدة في هذا العمل الانساني النبيل.

كيفك معاذ العريس ؟؟
فعلا ننتظر كيفية تلقي الدعم ووصوله الي هايتي ..

Quote: ويشهد الله ان هذا الامر من الجدية بمكان ,, يلا يدك معانا ..

حاضر يا ود المسلمي ..
ربنا يوفق .


في شي أهم من التذاكر وهو الطائره بتاعت الشحن .. هل حتتحصلو عليها؟؟
واهو لو لقيتو طائرة شحن كبيره كده, ممكن البورداب كلهم يركبو فِيها.

مرحب بعودة المرافق احمد محمد بشير مرة اخري ..
نحن اول شئ نقول بسم الله ونبتدئ ومن بعد ذلك نشوف طريقة ايصال المساعدات ..

Quote: الحق سجل يا ذو اليد مصطفي

سجل يا العوض

معاك فى كل خطوة

الظاهرة إنسانية بحتة أرجو أن لايجرفها البعض الي مزاح وسخرية كما ورد
في البوست السابق والنتضامن جميعا لعون سكان هاييتى تحت شعار أخوان في
الإنسانية


مع ودي

معاك ولو بى أسبرين ومضاد حيوي,

اها يا العوض من لها ان لم نتقدم نحن.....
والتمثيل النسائي مهم مش كده ولا شنو؟؟؟
الاهه هل لهاييتي سفاره بالسودان؟؟

هل تحتاج فيزا م لا؟؟؟

كدي طل على بوست واصل علي اولا

الفيه الانقاذين قالوا ماشين

اصحابك يدل بتلقى عندهم معلومات مهمه
عن كيفية تحركك من السودان.....
ساقبل التنسيق معكم شرط ان يكون جهدا شعبيا بحت ومستقل
وبعيد عن الكسب السياسي.



ويا العوش ما دام نويت انا اعتبر نيتك صادقه
وصدقني دي حاجه حيساعدونا فيها الشباب زي بت تماضر شيخ الدين
سيرين وبنات د.محمد القاضي ود.ماجده محمد علي...وعندنا زوله رائعه
هنا بس لابده وهي ابنة د.تيسير محمد علي ود.عزه.


اها يا كستاوي و عادل والمعز ابو نوراه...وغيرهم...يلا
وصلوا الفكره لوليداتكم....الامريكان ما بقصروا.



انور كنج صدقني سيكون عوننا يا العوض
وبنقل الفكره للفيس بوك فهو على صله بشباب رائعين سودانين بكل البقاع.
يلا ولو فصل دراسي...ولا روضة اطفال من اجل اطفال هاييتي.

لن تكلف الكثير
ويمكن ان تكون نواة لصداقة شعبنا مع شعب هاييتي.
شوية كنبات من الصين لن تكلف الكثير وشحنة اسمنت وسيخ.


او اي خيم عاجله ....المهم نتصرف.
وما تنسى للاسف بقينا دوله بتروليه...يبقى لا بد من ان نفعل شيئا.




وما تنسى في جامعه انشأتها الانقاذ...بجنوب لبنان
يقال بانها افخم جامعه الآن بلبنان....يوجد في مدخلها
صوره فخمه للسفاح البشير والي جواره صوره للعوقه
مصطفى اسماعيل!!باين هو كان تمساح التبرع بتلك الجامعه!!






اها نخنة كشعبين ما اقل من هم!
ولا شعب لبنان تعرض لربع ما تعرض له شعب هاييتي.

والله يا تراجي هذا الامر لانقصد به كسب سياسي ولا غيره لانه اصلا ماعندنا حزب نتكلم عنه ...
ثانيا مقترحاتك حلوة جدا ومقبولة لابعد حد .. والتاشيرة مقدور عليها لاننا نملك تاشيرة لدول عن طريقها نستطيع الوصول ,
ولا تنسي ان البورداب في كل مكان ويحملون جوازات سفر عند الكثيرين تمكنهم من سهولة الوصول لهايتي ...
يلا نقول بسم الله ونلعن الشيطان ..

يمكنك التنسيق مع اتيام المنظمات الموجودة هناك

توجد حوجة للكادر الذي يمكن ان يعمل في الحقل الطبي او التنسيق .

عمليا يفضل ان تجمع اموال والا تحمل من اي مكان معدات او غيروا نسبة للظرف اللوجستية ويفضل امداد ما تريد فعله من اقرب الدول مثال البرازيل .

الامريكان يسيطرون علي الجزيرة في المطار وهم المتحكمين في ذلك وقد حدثت مشاحنات بينهم و بين الفرنسيين في عدم السماح لاحدي الطائرات التي تحمل معينات .

منظمة اطباء بلاحدود ارسلت مستشفي كامل الي الان لم يستيطعوا ان ينقلوه الي داخل الجزيرة من دولة الدومينكان . مما يعني صعوبة التحرك اللوجستي وهي اشكالية تواجه الجزيرة مع السيطرة الغريبة التي تفرضها امريكا علي المطار والعمل اللوجستي

هناك مخطط اكبر من التحرك الامريكي في الجزيرة وهم ينوون البقاء في الجزيرة لفترة طويلة وهذا يدل علي ان تحت الغطا العسكري هناك مخطط امريكي مزعج حتي بالنسبة للفرنسيين .

التحرك يكون اسهل لاقرب الدول في امريكا اللاتينية ومنها الي الجزيرة يمكن الاستفسار عن كوبا والبرازيل وفنزويلا هي دول سهل الوصول اليها .الوصول المباشر الي الجزيرة به تعقيدات الا اذا تحركت الجهود تحت مسمي منظمات تثبت اهمية عملها هناك.

بعد التحرك الاخير من حكومتنا بطرد مزيد من المنظمات من الصعب قبول منظمات سودانية تتحرك في محيط عمل انساني مثل هذا فالسياسة تلعب دور كبير هنا .

تعاونوا مع سفارات مثل دول الخليج حيث من الممكن ان يساهم السودانيين بكوادر في خبرات طبية ولوجستية وتكون المشاركة هنا معقولة وعملية ودولة اخري هي فنزويلا يمكن الاتصال بها لتنسق تحرك كوادر طبية عبر ارضيها رجوعا الي هاييتي


يمكن التحرك تحت اسم السوداني ابن دارفور الذي استوطن الجزيرة في القرن الثامن عشر بعد ذهابه الي فرنسا وتكون المبادرة باسمه وسيكون لذلك مدلول كبير ممعنويا وعمليا .

هناك بوستات عنه طرحها صلاح البندر وشخص اخر في المبر

شافيز دا ولدنا زي ما بقولوا ناس اكورة.

نتمي التوفيق للجميع في مثل هذا العمل.

الريس

- شكري وتقديري الشديدين على هذه اللفتة الانسانية البارعة....والله ياها المحرية فيك....

- وليعلم الجميع اننا هنا وبكل (تلاقائية)نمثل كل اطياف الشعب السوداني....ما اظن اهل غزة (رغم سوء اوضاعهم)اكثر منا ايثارا.....وما اظن اهل (الغرب)اكثر منا ايمانا بقيم (الانسانية) حينما هبوا لنجدة اهلنا في (دارفور)....ياخي نحن شعب خط يراع (الانتفاضة)....شعب (معلم)....علم الناس....والشعوب.....

- وانا طيلت بحثي لم اجد جسما يمثل كل (اهل السودان)....كما هو حال هذا البورد....بالمناسبة الحكاية دي حترفع اسم السودان....واسم شعبه عاليا....وتلفت الناس لقيمنا النبيلة.....فكل الانظار وكل وسائل الاعلام موجهة الى هناك....وصدقني المبادرة دي حتلقى صدى كبير جدا.....ولو الناس مشوا بس وساهموا في دفن جثث الموتى.....

- اتمنى من الجميع المساهمة بقدر (المستطاع)....ولو معنويا....المهم نشعر العالم انو نحنا ما (جاحدين)....وبالكرمنا بنكرم بعيونا.....

- اعلن ياريس بمساهمتي بمبلغ 500(جنيه بالجديد)....اهو قدر البنقدر عليه

كل الود والتقدير الريس العوض المسلمي

اهلا مازن صاحب الفكرة والمبادرة هذه ..
ومعا لتنفيذ الفكرة .. ويعتبر مبلغك هذا اول تبرع نتمني ان يتواصل الكل في هذا الامر ..

نعم اخي احمد معتصم فالقليل عندما يجمع يساوي الكثير ..
يلا نبدا الخطوة الاولي وفورا ..

شكرا معتصم الجبلابي علي التوضيح والاهتمام ..
ويا اخوانا من الافضل الا نتهيب المسالة فيمكن بحبة من كل واحد منا نجمع ما يقدر ان يسد رمق الكثيرين ..

...يا المسلمى ....المهم

لدي مداخلة سابقة يبدو ان الترتيب اختل المهم اجعلوها باسم بن دارفور الذي استوطن الجزيرة في القرن 18 كما ذكر بعد ذهابه عبر فرنسا


المقيمين في فرنسا وامريكا يمكنهم التحرك بسهولة في هذا الامر - بحكم اللغة بالنسبة لناس فرنسا وسهولة التحرك بالنسبة لناس امريكا

هناك الكثير من الاطباء في امريكا وهم سودانيين فقط التنسيق معهم حتي يتم الامر باسم السودانيين كموقف انساني بحت .

شيخ العوض (اخوي الذي لم تنجبه امي) ..

كامل استعدادي لما تأمر به .. دعم طبي , دوائي .. الخ
مافي اي مشكله .. بس اعمل خطه محكمه ورينا المواعيد متين
وانشالله كلو بيتم ..

(عشان ما يقولوا مافي نسوان وما عارف شنو كدا دا ) ..لوول

تحياتي اخوي ..

...كان فى بالى ان يكون الدعم تحت جهة إعتبارية
مثل منظمة تنادينا,,كتدشين عملى للنشاطات الإنسانية
للمنظمة ,,ووكرسالة واضحة عن محتوى الأفق الإنسانى الذى
ترتكز عليه منظمة تنادينا...فى هذه اليابسة (سودانيز) مجاميع
معتبرة من الناشطين فى العمل الإنسانى ولديهم خبرة مقدرة فى التنسيق
وإستجلاب الدعم لهكذا نشاطات...وفى هذه اليابسة مبدعون يمكن الإستفادة منهم
فى دعم هذه الفكرة والأفكار الأخرى ..هل أحتاج ان اقول أنه يمكن الإستفادة من
عقد الجلاد وعبر حفل خيرى هدفه دعم هذا الجهد..وهل يمكن أن نتجاوز طارق الأمين
وفرقته...وبمناسبة طارق الأمين يمكن الإستفادة أيضا من علاقته الجيدة مع المبدعة نانسى
عجاج(وهى موجودة فى الخرطوم على ما أعتقد) لإقامة حفلة مشترطة مع عقد الجلاد تعود مداخيلها
لهذه التظاهرة الإنسانية...وفى هذا يمكن الإستفادة من الصحفيين الموجودين فى المنتدى للكتابة والترويج للفكرة..وهم كثر ..حمور زيادة ومحمد غلامابى فى الاخبار على سبيل المثال..وضياء بلال
فى الراى العام..وكوكبة صحفيى أجراس الحرية....عفاف أبو كشوة...وغيرهم...المهم يا العوض...تجدنى
من الداعمين للفكرة (حسب إمكانياتى الشحيحة)....ولى قدام.

خالد بحر.....تحياتي ياحبوب مقترحات جميلة جدا.....فلنبدأ فورا....والحاضر يكلم الغائب....عامل الزمن مهم جدا.....

معاكم .. بكل مانملك ..


انا مع فكره تدشين حمله مؤازرة تشمل توفير كوادر طبيه ... ادويه وعلاجات ... اموال ... غذاء ...

وكمان محتاجين للمعلومات عن الحوجه الماسة الموجوده هناك وكيفية الوصول


كمان عايزين نعمل اتصالات قويه مع كل الفنانين ونعمل حفل كبير فى استاد الخرطوم او المريخ او الهلال ويكون عائد هذا الحفل لصالح منكوبي هاييتى


ومستعدين نساهم فى تنظيم هذه الحمله بالتنسيق مع منظمات المجتمع المدني الموجوده بالسودان


امجد البصيرى

عن الشبكة السودانية للمسؤولية الاجتماعية
[email protected]
0906599997

العوض انا والله امشى معاك ....

up

شيخ العوض البطن الجابتك والله ما بتندم

احساس عالي وراقي اثبت فيه انت والمتداخلين انسانية عالية

اشاهد في الاخبار بان الشعب الامريكي قام بتبني الاطفال من هايتي

فانتم لستم باقل منهم شهامة.

سير ياود المسلمي ونحن من خلفك

..
.
هايتى ولا تاهيتى !!؟
انت _كما يبدو_ تمهد للترشيح لرئاسة الجمهورية
فى الفترة القادمة وعلى ما يبدو انها المرحل التالية
بعد نجاحاتكم فى قيادة بورداب الخرطوم ؟؟
انت مش كان تبدا بقيادة بورداب العالم
ومن من ثم زيارة المناطق المنكوبة ..
_ وقيل ان الاقربين اولى بالمعروف _ ؟؟





________

التذكرة على منو ؟؟
ان كانت هايتى ولا تاهيتى

انت يا زول جادى ..!!؟

..
.
والله البوست دا Funny
والاغرب تعليقات الزملاء الفووق ديل
لا بتعرفو جد ام هزل ..!!؟؟


__________

انتو يا خلق هايتى دى بركبو ليها ياتو طيارة
وعندها كم كونكشن ( الاستيت نوت كاونتيت )

والله الا تقع فى مثلث برمودا ..

جايييييييكم بكره ؛

شعور نبيل..
لكن يا العوض؟؟

لكن انتو قايلين الموضوع هين كدة؟؟

لمن تصلوا ادوني خبر عشان اجيكم بي هناك..
اقلاها استلم جبنتي المضفرة..

تحياتي يا ابو الشباب ...


أرى أن ينفذ الامر تحت اسم منظمة تنادينا ....



ومستعدون للسفر وللدعم ...











سر ونحن من خلفك ,,,

وين فردك وهبة مالوا سكت او عشان مافيها جركانات

انا معاك يا ود المسلمى مادام وهبة عمل نائم

التذكرة من الرياض وكان ما بترسلها اسماعيل عباس موجود والله مس كول تلقى التذكرة قدام البيت

وهو نحنا فى الرياض هينين او لينين هههههههههههههه

Quote: اخ معتصم سلام عليكم ورحمة الله تحية طيبة اعرفكم من خلال كتاباتكم في سودانيز اون لاين ذلك المنبر الذي نتشرف بالاطلاع عليه ولم يشرفنا بقبولنا في عضويته رغم الطلبات المستمرة اكتب اليك بخصوص هاييتي المنكوبة ارجو نقل استعدادي التام للسيد الرئيس (عوض المسلمي) لمساندته في مشروعه ماديا ومعنويا ولوجستيا تمنياتي بالتوفيق معاذ بشير الهادي طبيب الخرطوم

الاخ المسلمى هذه رسالة وصلتنى من الاخ د.معاذ الهادي واحببت ان أنقلها كماهي
ومن خلالك الدعوه موجهة لكل الاخوة من خارج المنبر بالمساهمة والمشاركة في هذا
المسعي الانسانى كما بادر الاخ معاذ وأن الله لايضيع أجرا.


وكذلك نطلق مناشدة للاخ الفاضل بكري ابوبكر ليستجيب لنداءات ورسائل دكتور
معاذ ويمنحه عضوية المنبر (لو تكرمت يعنى) وانا علي ثقة ان دكتور معاذ
حيكون اضافة حقيقة للمنبر مع الشكر

وشكرا ليك اخ معاذ علي المبادرة الانسانية

شيخ العوض

وضيوفه الكرام

نعم الفكرة ، و اشيد بمبتدرها الاخ مازن

نعم السودان به اكثر من مأساة و لكن هايتي مأساتها أكبر

فقد انتهى كل شئ في تلك البلد

اعتقد ان المهم جمع التبرعات اكثر من السفر نفسه

هلا وضعت لنا آلية محددة لجمع التبرعات

عبر منظمة تنادينا مثلاُ

شكراٌ لك

تحياتي

..
.

Quote: تحياتي يا ابو الشباب ... أرى أن ينفذ الامر تحت اسم منظمة تنادينا .... ومستعدون للسفر وللدعم ... سر ونحن من خلفك ,,,

والله بقيتو تلعبوهاون تو ..

عضوية المجلس الوطنى


____

ونظرة مستقبلية لرئاسة الجمهورية


انتوووووووووووووو

سوف اكون اول المرافقين معك يا عوض

وعلى اتم الاستعداد فى تنسيق هذه المهمة الانسانية

ولابد من انقاذ بشر وهوهمنا الاول والاخر

ولاتخف
من ضمن الثلاثة تذاكر اجعلني واحد جاد فى حمل المسؤلية

ولك والود

للتواصل تلفوني بطرفك

أرجو أخي الكريم عوض أن أكون ضمن مرافقيك

سجل اسمي في القائمة لتقديم المساعدة لإخوة في الإنسانية تعرضوا إلى المحنة

الاخوة الكرام والاخوات الفضليات تحية ود واخاء ..

امس توالت اتصالاتكم الكريمة والفرحة بالاستعداد للدعم والمساندة والسفر لهايتي .. ولهذا اتصلت علي وكالة اولمبيا وهي وكالة سفر
عالمية وامكانية عمل تاشيرات وغيرها لكثير من دول العالم .. ولكن تفاجات بالحديث منهم ان هايتي مقفولة تماما عن اي زائر ولو كان يحمل اغاثة !!
وحتي الفرنسيين وجدوا صعوبة في الوصول بعد ان سيطر الامريكان علي مطار وحكومة البلد ..
وهنا نجد ان خيار السفر والوصول لهايتي صعب جدا ان لم يكن مستحيلا , وهنا لابد من التشاور مع الجميع قراء واعضاء ان من يجد وسيلة للوصول
ان يبلغنا ليحمل مساعداتنا انابة عن شعب السودان ...ويا حبذا لو كونا لجنة وعقدنا اجتماع لدعم منكوبي هايتي . فان لم يصلهم دعمنا فليصلهم
صوت اهتمامنا , وعن نفسي اتبرع بمبلغ خمسة الف جنيه بالجديد دعما لهذه الحملة ..

Quote: وهنا نجد ان خيار السفر والوصول لهايتي صعب جدا ان لم يكن مستحيلا , وهنا لابد من التشاور مع الجميع قراء واعضاء ان من يجد وسيلة للوصول ان يبلغنا ليحمل مساعداتنا انابة عن شعب السودان

Dear Mr. Alwad,

It is a wise decision not to travel to Haiti at this time, but would you please raise fund for poor people there ?

Here are some trusted NGOs and local hospitals to send to your donations to them, send them an email to see how to send a transfer via Western Union:

1. Oxfam America has an online donation system: https://secure.oxfamamerica.org/site/Donation2?idb=759096942&df_id=3560&3560.donation=form1&JServSessionIdr004=vuzbktfhi1.app227a

2. Save the Children also has an online donation for Haiti: https://secure.savethechildren.org/01/web_e_haiti_earthquake_10

3. Americare is taking donations for medical equipment: www.americares.org

4. Partners in Health is a local Haitian hospital and has a strong track record:
http://www.pih.org

5. Hopital Albert Schweitzer, Haiti:
http://hashaiti.org

6. Haiti Emergency Relief Fund:
http://www.haitiaction.net/About/HERF/HERF.html

7. Yéle Haiti (also a Hatian NGO):
http://www.yele.org

Kindly contact them, so they will advice you how to send the donation of Sudanese people you collected via Western Union Exchange or any other money transaction method

Regards,

مواقفك بالجد مشرفة ....
هلا هلا علي الجد ..
نمشي هايتي ...
تلفوني بتلقاهوه عند خالد بحر ... ودة الايميل بتاعي([email protected]
تحياتي
عيسي زين