نعم يا عمار فاللون مهم جدا وله دلالته في الاستواء واكتمال النضج ولكن في مرات كثيرة يكون اللون الاخصر للمنقة ذو طعم جميل وحادق يظهر علي اللسسان من اول قضمة
المنقة يا قاسم هي المنقة من جمال لونها ور قة ملمسها وامتلاء دواخلها بما نحبه جميعا نت سكرها وبالجد الكل يحبها وما احلي الشف من عصيرها وخاصة عندما يكون من " منقة بلدية "
بتبالغ يا ودالباوقة ! ياااااخ نوع ( ابوسمكة ) بتاع عصر وخلط ما فيه ( ملكة ) انك تأكل بمتعة و( تلحس ) اذا استدعي الامر وخاصة ما ياتي نازلا نتيجة ( العض )
Quote: بتبالغ يا ودالباوقة ! ياااااخ نوع ( ابوسمكة ) بتاع عصر وخلط ما فيه ( ملكة ) انك تأكل بمتعة و( تلحس ) اذا استدعي الامر وخاصة ما ياتي نازلا نتيجة ( العض )
أقع ( الهندية ) فهي اقل الياف واقل حجم وسكرها قليل ,, واوعك من ( قلب التور )
أنا من عشاق منقة أبوجبيهة
إلى عمر ود الباوقة :
بعد أن تأكل المنقة بأليافها وعصارتها قم بفتح الكدوية وسوف تجد كدوية أخرى صغيرة بداخلها ، قم بهرسها في خلاط ثم خد ملعقة صغيرة كل صباح، ستجد أن هناك ألياف بصرية وسمعية وهلم جرا من الألياف قد زادت بحوالى 6 قيقابايت في هارديسكك أقول ليك حاجة : أضرب لى
ودالباوقة شوف شغلك المنقة دي منقتي براي ومعاها وقتي بزيد ما بنقص
Quote: غايتو المنقة دي الظاهر حا تتضيع علينا يومنا
الله يجازي الكان السبب
Post: #33 Title: Re: المنقة Author: محمد عبد الماجد الصايم Date: 05-21-2012, 07:47 AM Parent: #29
Post: #34 Title: Re: المنقة Author: محمد عبد الماجد الصايم Date: 05-21-2012, 07:48 AM Parent: #33
تأمينكـ مضروب جاهز!!
Post: #35 Title: Re: المنقة Author: زهير عثمان حمد Date: 05-21-2012, 02:09 PM Parent: #34
ياريس أزيك وتحياتي وألف مبروك لنجاح الاولاد المهم في الموضوع أنا بحب المنقة مص وعصر أنت رأيك شنو ! بالمتاسبه هنالك أيام كنا في الفلبين في مشروب مسكر من المنقه ولايفقد النقة قيمتها الغذائية
تقول شنو يا ود ابراهيم السن وأحكامه بقى كدي قول لي ياتو غنية لأحمد المصطفى رحمة الله عليه المقصودة دي أكان ربنا يفتحها علينها و نفرز قصة منقة العوض باقي ليلنا دا
العوض يا عمك, خليها المنقة البلدي في اي شي سمح وزينة الدجاج البلدي اخير من البطري لحم وبيض السمن البلدي لا مقارنة مع الهولندي العروس بالبلدي اجمل بكثير منها بالزفاف فعلى ذلك قس
Quote: العوض يا عمك, خليها المنقة البلدي في اي شي سمح وزينة الدجاج البلدي اخير من البطري لحم وبيض السمن البلدي لا مقارنة مع الهولندي العروس بالبلدي اجمل بكثير منها بالزفاف فعلى ذلك قس
نعم يا رمادي البلدي حلو ختي لو في الكسري ولكن منقتنا دي حاي لو تيمور او هندية بس زي ما بقول الخليجيين منقتنا غير
فعلا المنقة بتتفقد وخاصة اذا زولا متعود عليها ولكن بحمد الله لحدي اول يوم ضقتها وكانت اول عمل قمت به صباحا بان تحدثت اليها واستمتعت باكلها وشايل منها زوادة كمان
Post: #42 Title: Re: المنقة Author: حمد فتح الرحمن Date: 05-21-2012, 10:18 PM Parent: #39
غايتو المنقة دي لو ما قالت وااااااي انا نجضتا وبراها وقعت في واطه الله دي ما عندها طعم لكن الله يسامح فيضان تمنية وتمنين ويلعن انقلاب تسعة وتمنين الخلا الناس تطلع شجرة المنقة وتفصل المنقوية (اللسه دابا جني) من امها لله في منقته شئون المنقة قبل تنجض لو قطعتها من امها ومديتا علي بوزك بتعمل ليك فيهو بقبق وممكن يتحول لي عوارة تكرهك اكل المنقة . وما تقوم تدفنا في مراح وللا في دقيق وللا في تبن عشان تنجض ، المنقة دي فقرية جدا ممكن جدا تاخد ليك اللون الاصفر داك وتظهر ليك سمحا وطرية من برا لكن من جوة الله يجيرك طعما والله يبقا ليك كرتون كرتون . غايتوالفاكهة الوحيدة الممكن تخش بيني وبين المنقة هي البلح
Post: #43 Title: Re: المنقة Author: حمد فتح الرحمن Date: 05-21-2012, 10:59 PM Parent: #42
Quote: بس رائك شنو في المنقة البلدية المستوية استواء فرع ؟
العوض اخوي ازيك وكيف احوالك زمنا دااك كان اول منقة بتنجض في امها المنقة البلدي لكن طعمها كان عادي وعادي شديد يمكن لانها بلدي ومن شلاقتا وعوارتا بتنجض اول واحدة ، ومشكلتا التانية انو انواعها كتيرة ومتوفرة ومتنوعة وبتطول موسمها لايقة منها بس ساكت والله . تاني نوع بنجض الهندي ودا البتخلط وبتعصر وطعمو جميل جدا وحدق زي ما قلتا البعديها بتنجض قلب التور واعوذب بالله من منقا اسما قلب التور و دي بقى لا بتتاكل لا بتتعصر لا بتتمصا لا بتتهضم وريحتا ذاتا معفنة اخر منقة بتنجض في الموسم هي المنقة السمكية شكلها انيق طعمها جميييييل المنقة السمكية دي بالجد الجميلة المستحيلة لانها ما ببتلقي في اي جنينة وبتنجض آااخر واحدة ولو ما براها وقعت ليك اوعك تمد ايدك عليها في امها :)
Post: #45 Title: Re: المنقة Author: صلاح غريبة Date: 05-22-2012, 00:48 AM Parent: #43
استاذنا الكبير محمد السني حبابك فعلا المنقة انواع ومنقة ابوجبيهة ما فيها كلام طااااااعمة وسممممممحة بس انت لو قارنتها لمنقة شندي فستعرف الفرق بين المنقايات
Quote: تاني نوع بنجض الهندي ودا البتخلط وبتعصر وطعمو جميل جدا وحدق زي ما قلتا البعديها بتنجض قلب التور واعوذب بالله من منقا اسما قلب التور و دي بقى لا بتتاكل لا بتتعصر لا بتتمصا لا بتتهضم وريحتا ذاتا معفنة اخر منقة بتنجض في الموسم هي المنقة السمكية
الغريبة يا حمد انت وكل المتداخلين فات عليكم الذ واطعم واحلي منقة !! منقة شندي يا حمد بتعرفها ؟ بالجد مافي زيها
Quote: طعمها جميييييل المنقة السمكية دي بالجد الجميلة المستحيلة لانها ما ببتلقي في اي جنينة وبتنجض آااخر واحدة ولو ما براها وقعت ليك اوعك تمد ايدك عليها في امها :)
ماعائز اختلف معاك يا وضاحة ولكن لكل فاكهة مذاقها ونكهتها وبرضو المنقة مافي فاكهة بتشبهها لا في نذاق ولا طعم ولو شفتي السوريين مولعين بالمنقة كيف ما كان اتذكرتي البرتقال ومن عزتها وجمالها انا بمووووت فيها ويستحيل يمر يوم بدون ما اسال منها او اشوفها ولو ما شفتها بحلم بيها
Post: #61 Title: Re: المنقة Author: محمد إبراهيم علي Date: 05-22-2012, 05:38 PM Parent: #58
كدة ظهرتها عاملة وتامينك ضرب زي ما قال عمك
Quote: ومن عزتها وجمالها انا بمووووت فيها ويستحيل يمر يوم بدون ما اسال منها او اشوفها
وتعريف الخورنة حسب ما جاء في قاموس اللهجة العامية للبروف حبيب نورا الشريف قاسم
في خورنة بائنة بينونة كبري وتنتهي بذهاب البوست في حق الله وخورنة ناعمة وهي تحدث نتيجة لإبتعاد بعض الوجوه من البوست نهائياً والإكتفاء بالمشاهدة من علي البعد
إليكم الخطة
نبدأ بالخورنة الناعمة ونطفّش الجماعات الأصولية والسلفية وأنصار المنقة التقليدية
وبعد داك لو ما نفع الأسلوب الناعم نلجأ للخطة ب مجري السيل
Quote: رشا احمد السخيفه منال الاسخف محمد على شيخهم حبيب نورة مفتيهم الخير صمد ساقيتهم انتو مافى غير مداخلتى دى؟ ماتراهو ود الباوقه لحس لما ريالتو سالت وشيخ العوض لحس ومص كمان دايرين بكرى يلحسنى يعنى؟ غايتو ناس براءة بى لحسه ماعندهم ده شنو البكره ده؟ الواحد ما يشرح لى الناس اكل المنقه يعنى ؟ انتو ماعارفين انا من شندى؟ انا هادى طرفى من البوست ده الحسو لالوبه ما تعتر ليكم !!!
نلحس لالوب يا موج ؟؟؟؟؟؟؟؟؟؟؟؟؟؟؟؟؟؟؟؟ دي آخر حاجة أتوقعها منك بعد العشرة الطويلة دي هسه لو أنزلقت نقول يا منو ؟؟؟؟؟؟؟؟؟؟؟؟ تعليقي الوحيد علي مداخلتك أعلاه لقيتو في قوقل ترانسليت بعد إنتهاء الفيلم الكنت قاعد أحضر فيه للمرة الدشليون ( باااااد بويز ) ولمن مشيت فتشت معناها بيهناك بإعتباري زول إنقليزي تِك زي إنقليزي المصريين ديل . ناس قوقل بقولوا ليك DAMnnnn
أكاد أجزم إنو البوست ده فرقو عن بوست اللباسات إنو المنتج هنا من جنانين الباوقة والمنتج هناك من مشروع الجزيرة
يا جماعه اها المنقة اخبارها شنو ؟ شيخ العوض تخلينا نتمطق ساكت محل طرتا ماعرفناك!! بعدين ود الباوقة ومحمد المسلمى الظلاميين ديل وجودهم غير مرغوب فيه بتعاملوا مع المنقة بعنف وسادية فظيعة ، تلقى الواحد مجحم فى المنقه وهى معروضة وجارى فيها نور طويل تقول يقدها ،المثل بقول ليك ما تلولح كرعيك قبل ما تركب يعنى اول شى اقتنيها و بعدين اتعامل برفق معاها... من الحاجات البايخه فيهم بقعدو يعفصوا فى المنقه ويعصروا فيها لما ترقد خل ما معقول.. هى المنقه الزول بعصرها لكن ما بالفظاظة دى ما بتعرفوا بشويش انتو؟ عصير المنقه ده شىء اشبه بالقردنه حاجة كده باطراف الاصابع .. وحتى لما تجى تأكل برضو ما تكجم كجم يعنى خلى وقعك عليها كوقع حلمات الشفاه على ظامى الخدود ، بنفس الطريقه البتبوس بيها طفل مولود ياخى دى منقة ما عنكوليب عشان تشفط ... اها وشوف الحته المهمه الكرف حقهم مؤذى ياخى خلى ريحة المنقه تجيك من بعيد استنشقها بتلذذ ، ماتقوم تدس انفك فى قلب المنقه ياخى .. اقول ليكم حاجه ما عندنا منقة زاتو ممكن تفرتقوا غير نماسوف عليكم،،،
Quote: شيخ العوض المنقه دى داير تستمتع بى اكلها يجب ان تستوفى الشروط اول شى المنقه جنى وجن الزول البياكل المنقه وقافى .. المنقه بتدور الجابرة السرير يكون ماهل والمكيف ضارب فيك اول شى المنقه بتبقى ساقطه وكلما بردت بتزيد حلا.. تجى لقريف المنقه وده امتع من الاكل زاتو براحه براحه جنبه جنبه وقطعه قطعه اها المسكه مهمة جدا يا العوض لازم تملى فيها يديك الاتنين عشان كان فلتت من يديك بتقع منك اهم شى اللحس يعنى لابد مره مره تلحس ... يعنى ما طوالى تلحس ايديك (يا اصلحكم الله) ايديك قلنا اخر شى تجى للكد لازم تكدها لامن تبقى بيضاء تسر الاكلين... اهم شى المنقه ما تكلفتها تكدها بجنباتها الاربعه لما هى زاتا تتكيف
رغم انك متربي في المدن ولكن طريقتك تقليدية خااااالص ! انت ما شفت خواجة بياكل ليه في منقة ؟ يا زول ديل اول شئ بكملوا النقة مع المنقة وبعد ان تتلبد الاجواء بالسكينة تبدأ مرحلة الاكل , والاكل موش ختف زي البسوي فيه ودالباوقة ده اكل بمزاج ويصل محلة اكلك منين يا منقة .. وما تنسي المنقة ذاتها عندها طقوس لازم تتخت في مكان محدد وبصورة تليق بيها وبين الأكل لها .. ولحدي ما تصل مرحلة الاكل لازم تمسح علي خدودها برفق وتلمس قشرتها بومانسية ( ما خواجة ).. وتلقي الخواجة بعاين في المنقة يصنقع ويدنقر تقول عاوز يصورها !!
رائت فيما يري النائم ان احد البورداب اتي الي ليلا وقال انه متابع هذا البوست وبخبرته في المنقة وحلاوتها وانها لمن تعود عليها فسيكون مدمنا لها كحالتي كما قال واهدي الي قطعة منقة لم اتذوق طعما مثلها من قبل بل وجدت فيها الياف تكاد تظهر من فوق قشرة المنقة وعشت مع هذه المنقة احلي لحظات ,,حاي قام رفيقي بايقاظي با صلاة الفجر قد جاء وقتها وعليه انا شاكر للجميع حسن ضيافتهم وحضورهم لهذا البوست الحبيب الي نفسي ... والي لقاء في حديقة اخري مع ثمرة نستسيغ طعمها ونستمتع باكلها .. كونوا بالف خير .... مع محبتي للجميع
