مني خوجلي ...

تمنيت ان التقي بها

وقد كان ,,,

كان اللقاء هذا في حفلة البورداب براس السنه في دار سوداتل ,,,,

تشعر انك تعرفها من زمان بعيد ,,,

اتت وقد كانت حديثة وصول للخرطوم ومرت علي الترابيز تسلم علي الجميع بلا استثناء ,,

بل وتسلم بالاسم وكاننا نتعارف من سنوات عديده ,,,

تشعر بمحبتها للناس ,,, وتشعر انك تكن لها مشاعر التقدير والاحترام ,,, وما اقل من هذا الشعور تجاهها ,,,

شخصيا سعدت واسرتي جدا بان التقيت بها في المره الاولي هذه ,,,

صديقي الجميل المسلمي ....
تحيات كتاااار وأشواق تدفقت ومشاعر تجددت ...

شكراً لك عزيزي على رسالتك الراقية وربنا يديك العافية يا أعز عزيز ...

منى دي سيبك منها ... العملتو فيني غايتو ... الله يجازي الكان السبب ...
منـــــــــــى خـلاااااااص خـــــوه فـــرتق ...

صديقي الحميم عماد حبيب الكل سلام

Quote: تحيات كتاااار وأشواق تدفقت ومشاعر تجددت ...

يا سلام عليك اخوي وانت تتحدث حديث الشعراء والمبدعين ,,,,

Quote: منى دي سيبك منها ... العملتو فيني غايتو ... الله يجازي الكان السبب ... منـــــــــــى خـلاااااااص خـــــوه فـــرتق

عارفك من طيبة قلبك وحلو معشرك فلا تعرف غير الطيبين .,,, وكنت متاكد بانك ستكون اول الواصلين ,,,

لك من الود اخلصه ومن التقدير اجله ,,,

امسك عند ياحاج

منى خــوجلى...صــــحتى مااااااا بتســـــتحـــمل!!!!!
اشتهر الفنان كمال ترباس بحكاياته الطريفة وقفشاته الذكية ..
المشهورعنه انه لايتهاون فى اجره الباهظ على الناس وهم لايستطيعون.. باستثناء علية القوم فى المدينة..
هذه بتقديره=ترباس= ان معظم الفنانين يستسهلون فنهم ومكانتهم وهو يعطى نفسه قيمة تقديرا لفنه واعلاء لمعنى الفن اضافة الى (البيت الناصية مازى تانى ناصية) والعبارة له لدا مقارنته بالاخرين...
مما ينسب اليه..منتصف التسعينات أن جاء مغترب يود ان يبنى بخطيبته التى حضته على الاغتراب زمانا طويلا..
الخطيبة على حس(المغترب) والفخفخه طلبت ترباس..الرجل جاء الى الاتحاد وحجزومعه العربون وعند سؤاله عن الاجر وجده رقما خرافيا ...
حاول مع ترباس ان ينزل شويةلكنه رفض ولما ضاق صدر المغترب ثار وقال له..
_انت فاكر نفسك منو؟؟...وجاء الردفورا...انازى الحج من استطاع اليه سبيلا..
ترباس من اكثرالفنانين اهتمامابمظهره واناقته وحضوره..يرعى صحته وصوته والحانه..
فى اديس ايام (الملينيوم) قضى ترباس شهرا يستجم واحيا عددا من الحفلات..كانت الامطار تهطل صباح مساء والمزاج رايق من زحمة الخرطوم وحرها اللافح ولكن لابدمماليس منه بد..عدنا..مطار اديس ماطر والغيوم..
حطت الطائرة فى الخرطوم..منتصف النهار والشمس بوخه يلوى..ترباس قبل جاى..جاى..

_ (شوف... ده كلام ده كنا وين وبقينا..معقولة بس..اقول ليك حاجة..هم كلهم يومين فى الخرطوم اسلم على الاولاد وارتب رحلة دبى وبرجع تانى اديس...يازول هوى... انا صحتى مااابتستحمل..خالص)..
كمال ترباس فنان عظيم..احبه جدا..
.........
صديقتنا الحبوبة..الحبيبة منى بت الخليفةعوض..عالم فسيح ..وثاب الخطى..
ارهقتنا فى عودتها بفعل الخيرات والمطايبات والتواصل الانسانى الشفيف ومعانى الجمال...وصحتى ماااا بتستحمل!!!
دائم السؤال عنك..مبروك ماجدة..آية..وماجيك !!!

وكمان دى ياحاج

منى عـوض خـوجلى ...عندنا ســبق حــمير !!!!

تلتقيك والبهجة فى عينيها...ضحاكة وثغرها بسام..
يحس كل واحدمنا انها تحتفى به لوحده..ولاجله هوايضا,, قطعت الفيافى والغفار...مشبوبة بالحياة مملؤة بها...
طفلة كبيرة...قلت لصديقنا ملاسى..
احتفت بنا على نحو خاص لدا عودتها فى كرم وحفاوة..وقدكان حريا بنا ان نفعل,,, سوى انها تسبق الى الخير فى جمال وحبور..
كانت ليلة سامرة وغناء عذب ..شجى وحضور مهفهف..وشقيقتها ماجيك...
عاجت تلومونى على اعتذارى عن دعوتها فى قمة الجبل لدا عودتها الفائتة...
قدمت اعتذارى لافتا...(...كان عندنا سبق حمير) والدهشة ترتسم على وجهها وماجيك معها تبتسم...ومطر قادم ماكث فى الجوار ..وهاشم احمدخلف الله واحمد النعيم(والعود فى ايدى) وشرذمة من بورداب الخرطوم..
_سبق حمير؟
_ايوه..نعم..سبق حميييييييير
....
عمر بن الخطاب وهويبسط العدل وينام ملء جفونه..يذكر اصحابا له يطرب المرء بصحبتهم ..يتطهر بمؤانساتهم من اوضار النفس وضغط الحياة ورهقها...هكذا يقول..

كذلك افعل..
يوم الجمعة...يطرب صديقنا محمد محجوب وستة ايام الاسبوع تضغط اعصابنا والعاطفة النبيلة..ثم فى ذات يوم الجمعة نبحث عن موطن للجمال والخلوة على شاطىء النيل الظليل نصطاد السمك ونشوى على الضفاف وناخد(غفوة) عندالاصيل.. ونحكى ونسمع بعض التسجيلات الشجية وعبدالمجيدغاندى فى مواجيده وقفشاته الذكية ..
عصام اللخو يتلو شعر (حميد) ويضحك ملء شدقيه ..ثم نتراوح الى اهلينا عند المغيرب...
منى خوجلى شاقتها القصة واربعتنا لا يفرط فى ضهرية يوم الجمعة والفنان يغنى...حلاة الجمعة يوما...وحلو شمبات مقيلا..
منى تقبله..اعتذارى بسبق الحمير...وتعود الى اهلها...عودا حميدا مستطاب..
ساعود اليكم
مودتى وتقديرى

اخي محمد عكاشه سلام

وكيف كريسمسك داااااااااك ,,,,

وشاكر دعمك للبوست هذا لان استاذه مني في قلوب الجميع ,,,

وفعلا محتاج لبوستات الارشفه ليعرف الاعضاء من هي مني خوجلي ,,,

الرجل الهاديء الطيب "ود المسلمي"

تحية خرطومية معجونة سابقا بالشوق اللندني للوطن الباهي..

كلما حسن ظن الغير بي..وكان انطباعهم جميلا..
كلما كبر احساسي بجمال الدنيا..
وليس في هذا دعوه للآخرين للثناء علي شخصي الباحث دائما عن حب الآخر..
بل فيه صراحه رأي عما أحب..
ليس في هذا فهم لهذا البوست كما يقال في المصطلح المستخدم كثيرا هنا "كسير تلج"..
بل فيه سعاده بأخوه كريمه صادقه..واحساس بالإمتنان الممتد..
لله الذي خلقنا ثم جمعنا هنا عند بكري..
ثم لدعوة والدي التي لم يتوقف يوما عن ترديدها لي أولأي من إخوتي

"ربنا يحبب فيك خلقه"

.........
.........

شكرا عوض..
وآسفه ان أتيت متأخره..

ثم ,,,

التقيت بها المره الثانيه في قندهار ,,,

وما ادراك ما قندهار " تنسيك اهلك والدار " كما وصلني بين القوسين في رساله ,,,

في قندهار رغم كبر العدد وضيق المكان رغم سعته الظاهره فقد امتلاء بالحب قبل الناس ,,

فقد كان وجود مني الواضح اضفي بهجة وانشراح لدي الجميع ,,,

كيف لا وهي رمزا لتجمعات بورداب الخرطوم في دارها منذ كانت سودانيز اون لاين تحت الملاءة ,,,

سعد الجميع بوجودها واريحيتها وبساطتها في التعامل مع الجميع بلا فرز او تمييز ,,,

وامتد كرمها لتعزم حضور قندهار لشرب شاي دعيت له شخصيا فما كان منها الا ان دعت الجميع ,,,

وذهب معها الكثيرين وشاءت ظروفي الا اكوون معهم ,,,,

Quote: منــــــــى خــوجـلــــــي

ماخلاص حب وانتهى وطووول عمري ما بندم عليه .. جاية تاني تعمل أيه ..

حمور ايها الصديق الاديب صباحات الخير تظللكم ,,,

وفعلا مني تستحق ان نصفق لها جميعا بنفس واحد ,,,

لك ولمني ملايين الحب والتقدير ,,,

Quote: تمنيت ان التقي بها

وانا إلتقيتها


حاج العوض أخوى ... إزيك؟







شول اشوانق دينق

العوض اخوي
صباح الخير

Quote: اتت وقد كانت حديثة وصول للخرطوم ومرت علي الترابيز تسلم علي الجميع بلا استثناء ,, بل وتسلم بالاسم وكاننا نتعارف من سنوات عديده ,,,

وهي حقا هنا كما وصفتها
عبرك وعبر البوست الجميل
التحايا للاخت الفاضلة مني خوجلي
ولجميع بورداب الخرطوم

عزيزي هارون سلام

Quote: وهي حقا هنا كما وصفتها عبرك وعبر البوست الجميل التحايا للاخت الفاضلة مني خوجلي ولجميع بورداب الخرطوم

اخي كما تعلم ينقصني الشعر وقوله والا لقلت نثرا صدقا بلا تملق في مني خوجلي ,,,

فمني خوجلي انسانه عطوفه تشعر بحنيتها الحقيقيه بلا تكلف ,,,

وليتك رائتها يوم راس السنه تصلح من وضع الاطفال الذين نامو علي حول ,,,

انسانه تستحق ان يعرفها الذين جاءوا للمنبر حديثا ليعرفوا اي نوع من الناس هي ,,,

لك ولها مني الاف التحايا ,,,

صديقي الحبيب شول سلام

Quote: وانا إلتقيتها

وبلا شك ملاكا وجدت ,,,


ويا شاب اظهر وبطل بعاد فكلنا يحبك ,,,

عارف يا المسلمي منى خوجلي دي كوم براااااااااها

تصدق ما لاقيتا لكن نفسي الاقيها ......


وطبعا السودان مفاجاتو كتيرة جدا لاني كنت مخطط الاقيك انت كمان


تحياتي عبرك لمنى خوجلى ولكل بورداب السودان الرايعين



إدريس البدري

الاخ ادريس البدري سلام

Quote: عارف يا المسلمي منى خوجلي دي كوم براااااااااها

وزي ما قلت كوم براها ..,,, وكوم خير وبركه واماني بالخير للجميع ,,,

Quote: تصدق ما لاقيتا لكن نفسي الاقيها ......

امنيتك بانك تلاقيها ستظل مشتعله فيك بعد ان تلاقيها ايضا ,,,

فمني خوجلي من النوع المحبوب والودود والذي لايمل من جالسها ,,,,

Quote: تحياتي عبرك لمنى خوجلى ولكل بورداب السودان الرايعين

ولك ادريس ولمن ذكرت الاف التحايا والتقدير ,,

المسلمى ..أخـــوى


هاك الثلج دى تعال نكسرو معاًك ...


( نكسر ثلجة ونرفع ثلجو ونكسر ثلجة ونخــت ثلجة ... لحـــدى شارع المشتل )

Quote: تشعر بمحبتها للناس ,,, وتشعر انك تكن لها مشاعر التقدير والاحترام ,,, وما اقل من هذا الشعور تجاهها ,,,

منى خوجلــى ( تنحـــب )

بدرالدين سلام اخي وصديقي

Quote: هاك الثلج دى تعال نكسرو معاًك ...

لو اصلا هناك ثلج ولازم يتكسر في المنبر ده فالاولي به الرموز والاعلام ,,,

ولا اظنك تختلف معي بان مني خوجلي علم ورمز بلا منازع ,,,

Quote: منى خوجلــى ( تنحـــب )

وانت الصادق والعارف ,,,

ان حب اهل الارض ياتي من حب رب السماء ....,,,

وفعلا حقا قلت مني خوجلي تتحب ,,,

حبيبنا العوض ،،
سعال شخصي انت يازول خليت الاغتراب ولا شنو

تاني حاجة نحنا ماصادفنا الجماعة ديل في اجازة مافي واحد/ة جاية فيهم عمرة

تحياتي يازول يارائع

زاتوووو

الزول شخصيا سلام

Quote: سعال شخصي انت يازول خليت الاغتراب ولا شنو

ايوة يا الزول اخوي بقيت اسافر وارجع ,,, يعني كثير السفر وليس اغتراب ,,,,

Quote: تاني حاجة نحنا ماصادفنا الجماعة ديل في اجازة مافي واحد/ة جاية فيهم عمرة

ليتك تصادف مني خوجلي في اي لقاء لتعرف اي نوع من النساء الرائعات هي ,,,


تحياتي وودي الكثير لك يا من تواصل الخير دائما ,,,

منى خوجلي

بساطة... هدوء

تدخل القلب وتشعرك بأنها موجودة في دنياك من زمان

التقيتنا عبر الهاتف في مكالمة غلب الضحك على أغلبها

نقلت لي جو البورداب الرائع العايشينو حسه


العوض

سلااااااااااام حاير طاير

اسفي الشديد ومغستي انني لم اكن هناك
كانت تكون الفرحة اكثر من فرحية
بالسودان اولا
وبها ثانيا
وثالثا
ورابعا
فاليسعد السودان بابنائه البررة

اخي حسن عبدالله سلام

Quote: اسفي الشديد ومغستي انني لم اكن هناك كانت تكون الفرحة اكثر من فرحية بالسودان اولا وبها ثانيا وثالثا ورابعا فاليسعد السودان بابنائه البررة

نعم اشعر بالاسف في حديثك ,,, وفعلا من حق من لم يري الرائعين كمني ان يحزن ,,,

كل الود

العزيزه اميمه سلام

Quote: بساطة... هدوء تدخل القلب وتشعرك بأنها موجودة في دنياك من زمان

وهي صورة طبق الاصل لما تكرمتي يا اميمه ,,, وفعلا انتي رايتيها بقلبك الشفاف ,,,

Quote: التقيتنا عبر الهاتف في مكالمة غلب الضحك على أغلبها نقلت لي جو البورداب الرائع العايشينو حسه

هذه هي مني خوجلي بلا رتوش تتصل من جوالها لتعلن للجميع ان البورداب اسرة واحده بلا تمييز ,,,

لكي اميمه ولمني خالص ودي

العوض المسلمى ياحاج

السلام عليكم ولآسرتك الطيبة.

منى بدفآ مشاعرها الصادقة تنسيك أحزان الزمن الصعب.....

محددين للقاء من قبل فترة ان نلتقى فى الخرطوم..ولكن الله لم يرد كما خططنا وذلك ما شاء هو..وما شاء كان ومن لم يشأ لم يكن..

وفى يوم ألأربعاء 31ديسمبر صحوت وكلى امل بلقاء إثنين أختم بهاهذه السنة التى أوشكت على ألأنتهاء..وبعد ان وضح لى جليآ ان لامحالة ان أكون حضور لحفل رأس السنة..أخذت عبير وياسمين..وطلينا على زهرتين ما زال أريجهما عابق فى الذاكرة..

أسيا ربيع ومنى خوجلى.........................

حددت موعد لقائى مع آسيا ب20دقيقة شربت فيها أجمل عصير ليمون من نادية اختها وإستمتعت بحضور

تماضر..وكانت آسيا كما تخيلت لها حنان دفاق وقلب كبير..

كانت الخطة ان نلتقى عند آسيا ولكن منى وإرتباطاتها الكثيرة بعد ان نسقت للحضور إعتذرت بأنها فى إنتظار أحد الضيوف..وذهبنا لها وفى قلبى شوق للقياها قدر محبتها للجميع..

طبعآ ما بتعرف توصف وماعندها اى فكرة..تقول ليك شفت بيتزا هت..وهى البتزا ألأيطالية..عمومآ وصلنا....وأكرمتنا ببارد وقهوة ما احلاها مع زولة رائعةوالتقيت بأمها الحنونة الطيبة العطوفة متعها الله بالصحة والعافية..ونحن فى قعدتنا حضر ضيفها..وشربنا القهوة وإعتذرنا وذهبنا..

ذهبت وفى عينيه المنى كل المنى أن نكون مثل تلك القلوب النظيفة الحلوة....

نسأل الله ان يحفظهم ويحفظنا جميعآ...وان يديم المعروف بين الناس....

خالص مودتى لهم ولك اخى المسلمى................إسماعيل محمد احمد عباس....

اخي بقال سلام

من حقك ان تفرح وتتبسط بان كنت في حضرة مني خوجلي وضيوفها ,,,

وانت رائع اخي بقال فلم نسمع من لسانك الا الخير وطيبة النفس وحسن المعشر ,,,,

لك ولمني كل الود

الحبيب اسماعيل سلام والف تحية

Quote: منى بدفآ مشاعرها الصادقة تنسيك أحزان الزمن الصعب.....

وتشعر بانها من اسرتك من شدة حنانها وكريم اخلاقها ,,,

Quote: ذهبت وفى عينيه المنى كل المنى أن نكون مثل تلك القلوب النظيفة الحلوة.... نسأل الله ان يحفظهم ويحفظنا جميعآ...وان يديم المعروف بين الناس.... خالص مودتى لهم ولك اخى المسلمى

امين يارب العالمين ,,, ان نكون بصدق ونقاء قلوب من ذكرت ,,,

كل الود اخي اسماعيل ,,,

وكم تمنيت لقاكم ,,,

الاخ حاج العوض

Quote: شخصيا سعدت واسرتي جدا بان التقيت بها في المره الاولي هذه ,,,

دى واحدة من دعواتك في الكعبة ربنا قبلها طااااااااب

الله يخليك والاسرة والاخت منى والجميع


محبتي

الاخ العوض المسلمي .. شكرا أن منحتنا بدعوتك الكريمة
فرصة اللقاء مع منى خوجلي وبكري أبوبكر والزملاء
والزميلات .. وبالنسبة لي فقد كان اللقاء الأول لغالبهم
ومن ضمن من التقيتهم لأول مرة بكري ومنى خوجلي وبقال
والعوض المسلمي وبقية العقد الفريد من الزملاء والزميلات
جميعا عدا الشفيف العريس معتصم دفع الله ..

منى تضحك وتحب الناس وهي جادة حتى عندما تبدو هازلة
وهي تحلم بوطن حر يتأخى فيه الناس على قدم المساواة
وتنشر الاستنارة في الطرقات بعفوية تجعل كل من حولهـا
يحس بأنه الأقرب من هذه الانسانة التي تسكب الفرح وهي
مسكونة بالحزن

اخي محمد عبدالجليل سلام

Quote: منى تضحك وتحب الناس وهي جادة حتى عندما تبدو هازلة وهي تحلم بوطن حر يتأخى فيه الناس على قدم المساواة وتنشر الاستنارة في الطرقات بعفوية تجعل كل من حولهـا يحس بأنه الأقرب من هذه الانسانة

شكرا لك وانت تنثر الرود كلمات عطرات ,,,

اخي الطيب سلام

Quote: الله يخليك والاسرة والاخت منى والجميع

وانت يارب ,,,

وفعلا مني شخص تشعر بالالفه تجاهه ,,,

لن تجد احدا يقول انه وجد مني بغير هذا الابتسام ,,,

ادام الله عليها نعمة ان تكون باسمه في وجه الجميع ,,,

منى خوجلي ؟؟

لاحولااااااا

ياخ دي ذاتها الزول يكتب ولا يقول عنها شنو ؟

منى خوجلي يامسلمي هي :

أطيب وأروع وأنقى وأجمل والذ والطف وأرق وأحلى مما أي زول يتصور !!


أقول ليك شئ لأنو ماعارفة أقول أي شئ ؟!!


هي منى خوجلي وكفي !

ناديه العزيزه كيفك

Quote: منى خوجلي ؟؟ لاحولااااااا ياخ دي ذاتها الزول يكتب ولا يقول عنها شنو ؟

نحن العنقاله ديل ما بنقدر الا نقول انها انسانه بما تحمل الكلمة من معاني ساميات ,,,,

Quote: منى خوجلي يامسلمي هي : أطيب وأروع وأنقى وأجمل والذ والطف وأرق وأحلى مما أي زول يتصور !!

ما ده الكلام البشبهها مني خوجلي ذاته ,,, ويكفي ان نسمعه من خلال شاعرتنا الاديبه ناديه ,,,,

Quote: هي منى خوجلي وكفي !

نعم هي مدرسه في الادب والاخلاق والمعرفه ,,,,


شكرا ناديه فقد رائنا مني بعيونك ,,,

كتب العوض للعمدة سيد الروب

Quote: وكنت متاكد بانك ستكون اول الواصلين ,,,

وانا كمان

ياخوانا بستات التلج دي ما هرتنا هري

ودالبشري يا راق سلام

والبركه بكري الفك اسرك ,,

Quote: كتب العوض للعمدة سيد الروب

عماد ماسيد الروب براهو ,,, ده سيد اي شئ ,,

Quote: ياخوانا بستات التلج دي ما هرتنا هري

لو عندك طريقه كسر معانا شويه ,,,

شكرا لتواصلك ,,ولكن مني تستحق اكتر من بوست ,,,

Quote: لن تجد احدا يقول انه وجد مني بغير هذا الابتسام ,,, ادام الله عليها نعمة ان تكون باسمه في وجه الجميع ,,,

هو الما منى خوجلي بقابل دلال الأحباب بإبتسام - خليك من منى خوجلي !!



يبدو أنو باقي لينا كتير شديد لحـــدي ما نلاقيها وإبتسامتها دي !! ( موهيك ؟)





هشام

اخي هشام سلام

Quote: هو الما منى خوجلي بقابل دلال الأحباب بإبتسام - خليك من منى خوجلي !!

كلامك هذا هو السهل الممتنع ,,,,

Quote: يبدو أنو باقي لينا كتير شديد لحـــدي ما نلاقيها وإبتسامتها دي !! ( موهيك ؟)

اتمني ان يكون قريبا ,,,

كل الود

غايتو الواحد ما عارف يقول شنو
شكرا بس

وهبه سلام

رغم قلة حروف ما كتبت الا انني اعرف انك تتحدث قليلا عن من تحب ,,,

شكرا وهبه صديقي

المسلمى ...............سلام
حتى... نحن

دعوة للحضور للقاهرة

عبد العظيم

المسلمي ياراقي

والله صدقت ...وانت ذاتك ماأقله منها في الانسانيه

لكن تلجك ما تقول لي يا العوض يا أخوي

ليك و ليها التحايا

يعني لازم تحرجونا يعني؟

هي فعلا كما قال الزملاء واكثر .. ..

العوض المسلمي
الأصيل بعرف منى الأصالة

منى خوجلي .... لا توصف





مع ابني مؤيدـ لاحظ الابتسامة












انظر كم هي حنينة هذه المنى

الواحد دائما ما يتحاشى المواقع الحرجة دي ...
يعني الزولة دي تخليك دائما محرج من إنك مقصر وكلامك عنها مقصر ...
وحكايتك جايطة خالس خالس ...



الزولة دي أشك إنها من كوكب تاني ...
كوكب بتاع ناساً نضااااااااااااااااااااااااااف وبس ...
التحية للزولة العظيمة منوية وليك يا المسلمي ....

العوض اخوى

البوست ده بدخلك الجنة حفيان عدل

العوض اخوى

البوست ده بدخلك الجنة حفيان عدل

Quote: تشعر بمحبتها للناس

وتشعر بمحبة الناس ليها من شهقاتهم وكت تجى داخلة على الناس




لك ولها قواسيب محبة

..
.
مفرحة .. حد الدهشة ..

___________

من الان تأكد ان تراجى كجنتكـ

ود البشرى ..!!؟ مالو الايام دى ؟؟

........................

لله فى خلقه شئون,,

,,,
,,,
وشئون

سلام يا عوض المسلمي والجميع..
مؤلم جدا أن أجد ما كتبته غير موجود..
الهكر مسح مداخلات لينا كلنا..
ولكن اعتقد أنه يجب الاستمرار في الكتابه والتواصل رغم الارهاق
وخيبة الأمل التي يسببها ضياع أي مجهود..

تحياتي وحبي لكم جميعا..

العوض .. ومنى


شفتوا التوب وسيد التوب






مودتي

اختي مني خوجلي سلام

سعادتي لاتوصف بان التقيت بك هذه المره ,,,

وبالجد الساعات معاكم تمر كالثواني ,,,

ولعن الله الهكر فهو يريد تدمير كل جميل ,,,

كوني والاسره بالف خير ,,,

ويا نعوم كل الود والاخاء ,,,