Post: #1
Title: أمطار غزيرة بالخرطوم .....
Author: Giwey
Date: 06-29-2009, 09:24 AM
Parent: #0
لكنّها من تراب .......
|
Post: #2
Title: Re: أمطار غزيرة بالخرطوم .....
Author: فدوى الشريف
Date: 06-29-2009, 09:27 AM
Parent: #1
نحن من الكتاحة والكتاحة مننا
يا حليلك يا بلقيس صاحبتي (وش مُغبّرر)
|
Post: #3
Title: Re: أمطار غزيرة بالخرطوم .....
Author: حمور زيادة
Date: 06-29-2009, 09:34 AM
Parent: #2
غبار في الحلفايا و الدنيا لونها أحمر.
نحن بخير طمنونا عليكم.
|
Post: #4
Title: Re: أمطار غزيرة بالخرطوم .....
Author: حمور زيادة
Date: 06-29-2009, 09:34 AM
Parent: #2
غبار في الحلفايا و الدنيا لونها أحمر.
نحن بخير طمنونا عليكم.
|
Post: #5
Title: Re: أمطار غزيرة بالخرطوم .....
Author: سيف بخيت موسي
Date: 06-29-2009, 09:38 AM
Parent: #4
Quote:
و الدنيا لونها أحمر.
|
يا حمور
الدنيا لونها أحمر ، وبرضوا إنتوا بخير
والله القناعة كنز لا يفنى
سلام لعبد الرحمن قوى
والجميع
|
Post: #6
Title: Re: أمطار غزيرة بالخرطوم .....
Author: Giwey
Date: 06-29-2009, 09:42 AM
Parent: #5
غبار ... يغسلنى بالكآبة
|
Post: #7
Title: Re: أمطار غزيرة بالخرطوم .....
Author: Giwey
Date: 06-29-2009, 09:46 AM
Parent: #6
أجدادنا القدماء .. لماذا وضعوا عصا الترحال ههنا..
وعلى أى مقياس أناخوا بعيرهم فى هذه البلاد؟؟؟؟؟
|
Post: #8
Title: Re: أمطار غزيرة بالخرطوم .....
Author: Giwey
Date: 06-29-2009, 09:49 AM
Parent: #7
حر يذيب الدماغ ....
|
Post: #9
Title: Re: أمطار غزيرة بالخرطوم .....
Author: Giwey
Date: 06-29-2009, 09:51 AM
Parent: #8
وغبار أحمر .. لا تدرى من أين جاء
|
Post: #10
Title: Re: أمطار غزيرة بالخرطوم .....
Author: Giwey
Date: 06-29-2009, 09:52 AM
Parent: #9
وكهرباء (قاعدة تقطع طوااااالى)....
|
Post: #11
Title: Re: أمطار غزيرة بالخرطوم .....
Author: Giwey
Date: 06-29-2009, 09:54 AM
Parent: #10
وأقوام ... جعلوا الدنيا أكبر همهم...
زادوا فى دواخلنا (الضغينة).....
|
Post: #12
Title: Re: أمطار غزيرة بالخرطوم .....
Author: Giwey
Date: 06-29-2009, 09:59 AM
Parent: #11
وحالة من (العوز المعنوى) أو ما يسمى
مجازا" (بضيق ذات الروح).....
|
Post: #17
Title: Re: أمطار غزيرة بالخرطوم .....
Author: Giwey
Date: 06-29-2009, 10:05 AM
Parent: #12
مشكلتى ... مع هذه البلاد أنّها صارت
(مدفنا" لسرتى) ... فيها أمى وأبى وإمرأة
تحبنى وأخوان وأخوات ونفر كريم من الذين أحبهم...
وفيها (فصوص) متعددات من قبيل (الذكرى) التى
قد تنفع المؤمنين....
|
Post: #13
Title: Re: أمطار غزيرة بالخرطوم .....
Author: محمد سنى دفع الله
Date: 06-29-2009, 10:03 AM
Parent: #11
والله مافي شي جايب ليك
الكأبة
غير صورتك الأنت فيها كابي احساس حزن بتاع 100سنة
وكمان بي الأبيض واسود
ياخي بعد الكتاحة بيجي الخريف
اهلنا الزمان
اجدادنا القدماء
كانوا ناس ملاحظين للدنيا واحواله
وللزمن وتقباتو
نحن هسع في ( الدهراب )
الفاصل بين الصيف والخريف
بعدو بجي المطر الخير
وناس الخرطوم ما بحبو
لانو بوسخ بيوتهم
وناسين الوسخ ما وسخ البوت والشوارع
الوسخ وسخ القلوب
اها الليلة بشرتنا
بي قرب الخريف
عليك ان ترى النصف المليان من القدح
قدح اللقمة
|
Post: #14
Title: Re: أمطار غزيرة بالخرطوم .....
Author: اسعد الريفى
Date: 06-29-2009, 10:04 AM
Parent: #11
لعلها تغسل ........
أحزان
النيل
......... الما قادر يصلنا فى بيوتنا
____________مع خالص التحايا للهيئة القوميه لمياه "المدن" أقصد العاصمة القومية
|
Post: #15
Title: Re: أمطار غزيرة بالخرطوم .....
Author: اسعد الريفى
Date: 06-29-2009, 10:04 AM
Parent: #11
لعلها تغسل ........
أحزان
النيل
......... الما قادر يصلنا فى بيوتنا
____________مع خالص التحايا للهيئة القوميه لمياه "المدن" أقصد العاصمة القومية
|
Post: #16
Title: Re: أمطار غزيرة بالخرطوم .....
Author: اسعد الريفى
Date: 06-29-2009, 10:04 AM
Parent: #11
لعلها تغسل ........
أحزان
النيل
......... الما قادر يصلنا فى بيوتنا
____________مع خالص التحايا للهيئة القوميه لمياه "المدن" أقصد العاصمة القومية
|
Post: #18
Title: Re: أمطار غزيرة بالخرطوم .....
Author: Giwey
Date: 06-29-2009, 10:08 AM
Parent: #16
السنى ....
سلامات .. وأحسن الله العزاء
هل تصدّق .. أن هذه الصورة (المفترى عليها)
(مقصوصة) من (صور زفافى) ... يعنى أنا يوم
عرسى كنت حزين؟؟؟
يا ساتر .....
|
Post: #19
Title: Re: أمطار غزيرة بالخرطوم .....
Author: محمد سنى دفع الله
Date: 06-29-2009, 10:12 AM
Parent: #18
ده ما يوم الحزن الأكبر
ههههههههههههي
|
Post: #21
Title: Re: أمطار غزيرة بالخرطوم .....
Author: سارة كرودى
Date: 06-29-2009, 10:16 AM
Parent: #19
Quote: ده ما يوم الحزن الأكبر
ههههههههههههي |
عجبتنى عجب 100%وفشتنى شدييييد
|
Post: #22
Title: Re: أمطار غزيرة بالخرطوم .....
Author: محمد سنى دفع الله
Date: 06-29-2009, 10:16 AM
Parent: #19
زول بجي يشاركك في كل حاجة
وما بيدفع
وينقنق لمن انت ماتدفع
ولمن تنقنقنقانت
يزعل ويبكي ويطلعك انت مابتحس
وما بتحبوا
زي هومابحبك
خليك في الكتاحة
ـــــــــــــ
والعزاء واصل و ما تشوف شر ولا حزن
|
Post: #20
Title: Re: أمطار غزيرة بالخرطوم .....
Author: Giwey
Date: 06-29-2009, 10:14 AM
Parent: #18
هل تصدقوا أننى غادرتها لسنوات...
وعدت إليها (طوعا" لا كرها") .. وكنت
مملوءا" بالأمانى وقتها ......
|
Post: #23
Title: Re: أمطار غزيرة بالخرطوم .....
Author: Giwey
Date: 06-29-2009, 10:19 AM
Parent: #20
وقد كنت أثناء سنى إغترابى
(أذوب وجدا") وأنا إستمع لرائعة
صالح الضى (يا طير يا ماشى لأهلنا)
بصوت أسرار بابكر ومجاهد عبد الرحمن .. والدنيا
ليل .. والناس نيام
|
Post: #24
Title: Re: أمطار غزيرة بالخرطوم .....
Author: سارة كرودى
Date: 06-29-2009, 10:19 AM
Parent: #20
Quote: ده ما يوم الحزن الأكبر
ههههههههههههي |
]
عجبتنى عجب 100% وفشتنى شديييد ..
|
Post: #25
Title: Re: أمطار غزيرة بالخرطوم .....
Author: Giwey
Date: 06-29-2009, 10:25 AM
Parent: #24
عارف يا سنى ... لما كانت
(تغم الدنيا فى عينى) أقول لصاحبى
وجدى عبد المنعم أننى ذاهب (لأغتال الحنين) ..
(وأخش على أول كابينة إتصال) وأكلم السودان ..
أى حد فى السودان .. أم أو أب .. صديق أو زميل
عمل .. وربما (حبيبة قد سلفت).. وأرجع لصاحبى
(زول تانى) .. بشوش وبهى (ومليان حنيّة) ....
|
Post: #27
Title: Re: أمطار غزيرة بالخرطوم .....
Author: Giwey
Date: 06-29-2009, 10:35 AM
Parent: #25
وعارف يا السنى .. وإنت فى (دوحتك)
دى لن تفهمنى (ولو حاولت تحس بى) ولا ينفع
إستدعاء الذاكرة البعيدة فى هكذا ذكريات .. يفهمنى
ذلك الذى سوف يمتطى حافلات (الصالحة) أو العسيلات
أو السلمة بعد يوم عمل مضنى .. ويركب جنبه (زول ما مستحمى)
وريحة (إبطه) ترمى الصقر وينزل فى المحطات (الخواتيم) أو قربها
ويتمها (كدارى) أو (ياخد ركشة) إن كان ( الجيب حين إمتلاء)
|
Post: #26
Title: Re: أمطار غزيرة بالخرطوم .....
Author: عبدالرحمن الحلاوي
Date: 06-29-2009, 10:29 AM
Parent: #20
عبدالرحمن قوي يا سمي
شيلو الصبر فإن مع العسر يسرا ..هاهو على عثمان يرنو إلى عشرين قادمات ، وعوض الجاز يقفز بكل الطاقة إلى المالية ، وكرتي يكرت فينا ، ذكرني لعب المنقلة ، ثم يخرج علينا كمال عبداللطيف ليحدثنا أن المال الذي تم انفاقه في قعدة مؤتمر إعلامي الخارج ، ليس مهما ، وذاك الزبير محمد الحسن يدعو إلى ربط الأزمة والتضرع بالدعاء ، ورئيسنا الهمام يحدثنا عن الحقوق والمساواة والمشروع الحضاري الخاسر ، بلدة طيبة ، ولكن أهلها شذر مذر ، أكثر الضجيج يأتي من البراميل الفارغة ..فلا تحزن على عاصفة ترابية هوجاء تمارس عملها في فاصل مداري بين حر وقر وخريف يعقبه كتمة وطنين بعوض وسموفنية الضفادع ، وأبقار نافقة وعظام ملقاة على جنبات شارع مخرج المدينة ورائحة تظكم الأنوف ، وذباب وحشرات أتت من كل حدب تشاركنا الحزن في وطن الحزن النبيل ..
|
Post: #28
Title: Re: أمطار غزيرة بالخرطوم .....
Author: Giwey
Date: 06-29-2009, 10:41 AM
Parent: #26
والله المستعان
|
Post: #29
Title: Re: أمطار غزيرة بالخرطوم .....
Author: محمد سنى دفع الله
Date: 06-29-2009, 10:43 AM
Parent: #26
وعارف يا السنى .. وإنت فى (دوحتك)
دى لن تفهمنى (ولو حاولت تحس بى) ولا ينفع
إستدعاء الذاكرة البعيدة فى هكذا ذكريات .. يفهمنى
ذلك الذى سوف يمتطى حافلات (الصالحة) أو العسيلات
أو السلمة بعد يوم عمل مضنى .. ويركب جنبه (زول ما مستحمى)
وريحة (إبطه) ترمى الصقر وينزل فى المحطات (الخواتيم) أو قربها
ويتمها (كدارى) أو (ياخد ركشة) إن كان ( الجيب حين إمتلاء...
ياخي اجمل منك مافي انا جاي باذن الله الأسبوع الجاي
وبتقابل وشخصياتك المعطونة بي عرق الملح
وسوف اسجل خليل ركشا 5 حلقات
انت قايلني جاي من نيوجرسي
انا ملازم لي شخصياتك الحنينة دي
بعد اسبوع القاك راجيني
بينا تلفون
يا صديق
|
Post: #30
Title: Re: أمطار غزيرة بالخرطوم .....
Author: Tabaldina
Date: 06-29-2009, 10:56 AM
Parent: #29
..
.
وبلغت 95 فى كادوقلى والفولة و65 فىالدلنج والجبال الشرقية
ومازالت القضارف تعانى من عطش وجفاف يطرح تساؤلا ..
هل هناك مجاعة فى الافق ؟؟
______________
إصبروا آل ياسر فإن موعدكم الجنة _ لا محاله _
|
Post: #31
Title: Re: أمطار غزيرة بالخرطوم .....
Author: بكري الخير
Date: 06-29-2009, 11:12 AM
Parent: #30
Geway - محمد السني دفع الله - عبد الرحمن الكحلاوي - تبلدينا
عزاي الوحيد كلماتكم السمحة دي وانا من الصباح قاعد في المكتب (امدرمان) وبعاين لكمية التراب الجاية من جهة استاد المريخ جنوبا واستاد الهلال شمالا (طبعا الجاية من الشمال أكتر) وقليل من الناس يجولون بين الفينة والاخري - يوم الليلة دا الا زول مصروم حتي يطلع من البيت لكن عزانا الوحيد اننا ندري لنها الفواصل يا السني (مرحبيك في الخرطوم الاسبوع الجايي واامل ان تتاح لنا فرصة اللقيا والسقيا)
شكرا لهذا السرد الجميل
|
Post: #35
Title: Re: أمطار غزيرة بالخرطوم .....
Author: عبدالرحمن الحلاوي
Date: 06-29-2009, 11:30 AM
Parent: #31
| Quote: عبد الرحمن الكحلاوي |
معذور الكتاحة قوية ..أنا زاتي جاي في نص سبعة في عز الكتاحة ..يا بكري الخير ...ونتمنى أن نلتقي كلنا بالزول السمح محمد السني دفع الله ...وإن شاء الله كتاحة في تكتحنا التلاتة لسوق الناقة ..حيث يختلط رائحة الشواء بروائح أخر ..نحنا ما بنفسر وات لا تقصر ..
|
Post: #32
Title: Re: أمطار غزيرة بالخرطوم .....
Author: Hala Hassan
Date: 06-29-2009, 11:15 AM
Parent: #30
Quote: أجدادنا القدماء .. لماذا وضعوا عصا الترحال ههنا..
وعلى أى مقياس أناخوا بعيرهم فى هذه البلاد؟؟؟؟؟ |
الله يسامح الكان السبب،،،
اكيد قاصدين يعظموا لينا الأجر،
|
Post: #33
Title: Re: أمطار غزيرة بالخرطوم .....
Author: amar adam
Date: 06-29-2009, 11:15 AM
Parent: #30
بنعشق شمسها الحراقة
بتلفح فى القلوب دفاقة
نحن بلادنا حب وصداقة
للناس الصفت اخلاقها
العطبراوى
|
Post: #34
Title: Re: أمطار غزيرة بالخرطوم .....
Author: Hala Hassan
Date: 06-29-2009, 11:22 AM
Parent: #33
استاذ السنى،،
| Quote: ياخي بعد الكتاحة بيجي الخريف |
تصدق الكتاحة (بطلت) تبرد الجو،
زى ما أتعودنا زمان،،،
الله يستر من الجاى،،،،
|
Post: #36
Title: Re: أمطار غزيرة بالخرطوم .....
Author: مؤيد شريف
Date: 06-29-2009, 11:49 AM
Parent: #34
أنا اكتشفته Giwey الليلة
يا زول يا واضح
سلامات
|
Post: #37
Title: Re: أمطار غزيرة بالخرطوم .....
Author: Giwey
Date: 06-29-2009, 11:55 AM
Parent: #34
السنى ... مرحبا" بك فى الخرطوم بعد أسبوع ...
وما أظنك راكبا" معنا (ظهور) الحافلات من لدن
إستاد الخرطوم أو (ميدان جاكسون) متجها" صوب التخوم..
أغلب الظن أنك ستيمم وجهك صوب (شارع إفريقيا) لتنضم
لأرتال (المستأجرين) للسيارات من مكاتب (الليموزين) فى تلك
النواحى ....
ثم أننى أعلم أنك لست من (نيو جرسى) أو (دنفر كلورادو)
وان لديك (تاريخا" شخصيا") عامرا" مع وسائل (المواصلات)
العمومية ولكن (أين من عينيك هاتيك المجال) فقد بعدت
بينك وبين تلك الأجواء الشقة .. ونلت من رغد العيش المنال..
(وحاتتعب والله إن حاولت معانا المدافرة والمعافرة) فالحال
صعيب والعود صار (طريا").....
|
Post: #39
Title: Re: أمطار غزيرة بالخرطوم .....
Author: حبيب نورة
Date: 06-29-2009, 12:00 PM
Parent: #37
| Quote: أمطار غزيرة بالخرطوم ..... |
المناسبة شنو ؟؟؟!
|
Post: #38
Title: Re: أمطار غزيرة بالخرطوم .....
Author: يوسف محمد يوسف
Date: 06-29-2009, 12:00 PM
Parent: #20
تستاهل ... انت الرجعك شنو ؟
اها خم و صر .. من مطر العجاج الرشا !!
رجعة طوعية قال.............
نحنا يا خوى الا بالترحيل القصرى .. او .. الموت !!
غير كده ... NO ... ثم...NO
سلم لى على الكتاحه !!
|
Post: #40
Title: Re: أمطار غزيرة بالخرطوم .....
Author: Ali bas
Date: 06-29-2009, 12:40 PM
Parent: #38
الإرصاد قالت السنة دي بتوقعوا أمطار وفيضانات زى بتاعت 1988 والله يستر على الغلابة الماعندهم سقوف تتحمل! تجربة 1988 كانت صعبة خلاص!! الله يستر.. الغبار ساهل ما بعمل حاجة.. قطعة الكهرباء صحيح بتحبط.. لكنها تجعل الحياة اكثر تنوعا خاصة للذين يمتلكون جنريترات صامتة! يقال ان قرية من الأعراب ذهبت إلى الهيئة القومية للكهرباء مطالبين بادخال الكهرباء لقريتهم وكانت حجتهم: والله آ جماعة خلونا نضوق القطع معاكم سااااااااااااااااى!
|
Post: #41
Title: Re: أمطار غزيرة بالخرطوم .....
Author: Siham Elmugammar
Date: 06-29-2009, 01:11 PM
صدق يا Giwey
مغستك حسيت بيها جوه قلبى.. هى مغستنا كلنا فى حظ المدار
الحر فى الايام الفائتة كان لا حد له .. لدرجة ان دموعنا خانتنا و ابت ان تأتى بحجم الحزن
الذى كنا نحسه وقتها و نحن ننوح فقد جديد...
ما نعانية من سوء طقس فى السودان لا يمكن تصوره
والله تعبنا
نسال الله الصبر
اخى على لا تثق فى الارصاد فتجربتى معهم فاشلة .... و اذا فكرت شوية
ح تقول ياربى عندهم اى اجهزه او اى خبرات تعينهم على التنبؤ بحالة الطقس
الله فى
|
Post: #42
Title: Re: أمطار غزيرة بالخرطوم .....
Author: يسرى معتصم
Date: 06-29-2009, 01:12 PM
أخوى / عبد الرحمن حمد النيل قوى
| Quote: ثم أننى أعلم أنك لست من (نيو جرسى) |
قاصدنى عدييييل كدى .....
مالك على
Quote: أجدادنا القدماء .. لماذا وضعوا عصا الترحال ههنا..
وعلى أى مقياس أناخوا بعيرهم فى هذه البلاد؟؟؟؟؟
|
دا المجننى
Quote: تستاهل ... انت الرجعك شنو ؟
اها خم و صر .. من مطر العجاج الرشا !!
رجعة طوعية قال.............
نحنا يا خوى الا بالترحيل القصرى .. او .. الموت !!
غير كده ... NO ... ثم...NO
سلم لى على الكتاحه !! |
لاقصرى لاجنازة
الله لا رجعنا للسودان بلد الكآبة والكتاحة والحزن
قال كمان بنعشق شمسها الحراقة
|
Post: #43
Title: Re: أمطار غزيرة بالخرطوم .....
Author: Giwey
Date: 06-29-2009, 01:31 PM
يوسف محمد يوسف
لا أخفيك ... كانت تعترينى أحيانا" حالة
من (الندم الساطع) على قرار (العودة الطوعية)..
ولكن لات ساعة مندم ... وعشان (أداوى روحى) من تلك
الحالة كنت أقرر (أقوم أخش حفلة لعقد الجلاد) وأمضى
الهنيهة فى رحاب شمّت وأنور ورفاقهما...
والروح مشحتفة فى الحبيب
والقلب بكر...
الدنيا ما شافت جديده ولا الحزن دقالو باب...
وغيرها من الأغنيات الفرائد...
فأخرج من (حضرتهم) مغسولا" من حزنى .. دواخلى
تضج أن (مافى أجمل من هذه البلاد) ...
|
Post: #44
Title: Re: أمطار غزيرة بالخرطوم .....
Author: amar adam
Date: 06-29-2009, 01:36 PM
Parent: #6
الصباح الجو كان لطيف والهواء بارد بعد شوية قلب النسوان اشكالهم غريبة ما مزيتات.
|
Post: #45
Title: Re: أمطار غزيرة بالخرطوم .....
Author: عبدالله كع
Date: 06-29-2009, 02:06 PM
Parent: #44
يا خوانا البوست عنوانو قوي ويجرك جر عشان تنحشر ....
تقوم تدخل : توووووووووووش
ياه ه ه ه ه ه كمية احزان يااااااااااااالله
قسما بالله ياقوي قلبي انقبض ..!!!
ربنا يستر علينا وعليكم
تحياتي .. وربنا يكضب الشينه
|
Post: #46
Title: Re: أمطار غزيرة بالخرطوم .....
Author: nazar hussien
Date: 06-29-2009, 02:27 PM
Parent: #45
عان كمان عبدالله
.. وربنا يكضب الشينه
بعد كده عايزو يوصف ليك (يوم يفر المرء)
ومع ذلك اعتبر ما وصفه قوي أرحم من ما تعودنا عليه
في شهر مايو من كل عام...كتاحة...وسديد نخرين..ولبن
عشر في عيون...وغنم رايحات...وحر...معاه قراص برسيم
|
Post: #47
Title: Re: أمطار غزيرة بالخرطوم .....
Author: Giwey
Date: 06-30-2009, 06:37 AM
Parent: #46
والخرطوم صارت أكثر قسوة علينا...
تعتدى على مزاجنا من (صباحات الرحمن)...
صحافتها يحتجب فيها اليوم (مرتضى الغالى) و (فيصل محمد صالح)
وذلك بفعل (الرقيب العتيد) ... ترى ماذا نقرأ (كبرنامج مصاحب)
لقهوة (خالتى أمونة) ؟؟؟
|
Post: #48
Title: Re: أمطار غزيرة بالخرطوم .....
Author: Giwey
Date: 06-30-2009, 06:53 AM
Parent: #47
لا تثريب عليكم بنى وطنى .. الذين احتقبتم متاعكم
وركبتم المطارات وضربتم فى فجاج الأرض ترجون فضلا" من
الله ورضوانا... وتستبدلون (صهد البلاد) (بصهد المنافى)
وحسبنا منكم (دراهم) ترموننا بها عبر (الوسترن يونيان)
ونضال من أزرار (الكيبورد) .. لاموكم عليه ولكننا قانعون به..
وقصاصات من (الذكرى) أسقطت كل قبيح عن الديار واستمسكت
بمواطن الجمال فى بلدى من (قعدات طيبات) تحت ظلال (النيم) فى
بيوتنا ..(وشاى مغرب) فى رحاب بعض الأهل ومناسبات سعيدة ربطت
(عرى الأهلية) ....
يعنى باختصار كده (شوفوا لينا معاكم طريقة)......
|
Post: #49
Title: Re: أمطار غزيرة بالخرطوم .....
Author: عبدالله كع
Date: 06-30-2009, 07:25 AM
Parent: #48
Quote: لا تثريب عليكم بنى وطنى .. الذين احتقبتم متاعكم
وركبتم المطارات وضربتم فى فجاج الأرض ترجون فضلا" من
الله ورضوانا... وتستبدلون (صهد البلاد) (بصهد المنافى)
وحسبنا منكم (دراهم) ترموننا بها عبر (الوسترن يونيان)
ونضال من أزرار (الكيبورد) .. لاموكم عليه ولكننا قانعون به..
وقصاصات من (الذكرى) أسقطت كل قبيح عن الديار واستمسكت
بمواطن الجمال فى بلدى من (قعدات طيبات) تحت ظلال (النيم) فى
بيوتنا ..(وشاى مغرب) فى رحاب بعض الأهل ومناسبات سعيدة ربطت
(عرى الأهلية) .... |
انها الطف وارحم من جحيم الغربه والاغتراب والبعاد ..
فلكم ولنا الله يا صاحب
|
Post: #50
Title: Re: أمطار غزيرة بالخرطوم .....
Author: محمد مكى محمد
Date: 06-30-2009, 07:47 AM
Parent: #49
Quote: أجدادنا القدماء .. لماذا وضعوا عصا الترحال ههنا..
وعلى أى مقياس أناخوا بعيرهم فى هذه البلاد؟؟؟؟؟ |
على العكس تماما..الأنسان الأول إتخارج زمان من الحته دى..أجدادنا كانوا كسالى قعدوا قبلم.
تحياتى مغبره بالود
|
Post: #51
Title: Re: أمطار غزيرة بالخرطوم .....
Author: Giwey
Date: 06-30-2009, 11:58 AM
Parent: #50
ود المكى
قلت لى الناس كلهم (فروا منها)
وفضلوا فيها أهلنا بس ؟؟؟
والله عوجة كبيرة خلاص.........
|
Post: #52
Title: Re: أمطار غزيرة بالخرطوم .....
Author: محمد عبدالقادر سبيل
Date: 06-30-2009, 12:28 PM
Parent: #51
قوي
كل ما تقوله عن سوء الحال في بلادنا حق
وهو بالضبط ما يبقينا خارجا
ولكن ما الحل؟
هل يعقل ان نستسلم هكذا ؟
أو ان نلوم الحكومة لأنها اتتنا بالكتاحة والحر الذي لا يطاق ؟
يعني لو فكرنا في تكوين جسم من نوع الخضر او السلام الاخضر او او
وسعينا اولا لمعرفة اسباب الكتاحة والحر الما معقول دا شنو ( بواتسطة بحوث علمية جادة وبمشاركة منمظات وبيوت خبرة وبحوث دولية ومؤسسات ذات صلة بالبيئة وما اكثرها وما اسعدها بهكذا مهمة
ثم فكرنا وسعينا في الحل
مشروع تشجير ( ثورة خضراء )
انا اتهم غرب امدرمان حتى كردفان ودارفور
هي السبب
فلماذا لا تغطى كلها بالاخضر
مثلا
مثلا
لماذا لا نركز على هذا
كلنا
كلنا
الفي الداخل والفي الخارج
الفي الخارج يوظف صلاته بالمؤسسات الدولية والجامعات الغربية وتكوين صندوق خاص
والفي الداخل ببدء الرصد وتكوين الجسم واشراك الجامعات والرموز الوطنية غير الملوثة بالاجندة الحزبية وهكذا
بعيدا عن الحكومة والسياسة وتبني الاحزاب ووو
قريبا من هم الناس وضرورة انهائه بلا مقابل او مساومات او خطب حماسية
لنكن الجيل الذي يفعل شئا كبيرا كهذا
__________________
الهم اهدنا الى مراشد الهدى
|
Post: #53
Title: Re: أمطار غزيرة بالخرطوم .....
Author: Giwey
Date: 06-30-2009, 12:52 PM
Parent: #52
سبيل
الجاية من الله قاعدين نقدر عليهاونتحملها ...
بس نسوى شنو فى الجاية من (خلائق الله) .....
|
Post: #54
Title: Re: أمطار غزيرة بالخرطوم .....
Author: محمد الأمين موسى
Date: 06-30-2009, 01:16 PM
Parent: #53
| Quote: انا اتهم غرب امدرمان حتى كردفان ودارفور |
شفت يا ود سبيل بسبب كلامك ده حأشوف أقرب حديقة/غابة في الشارقة وحأتمرد فيها! عمرك شفت ليك كتاحة جاية من غرب؟؟! الضريرة العجيبة التي لا تميز بين العرسان والضيوف دي إما جاية من الجنوب أو الشمال!
|
Post: #55
Title: Re: أمطار غزيرة بالخرطوم .....
Author: مطر قادم
Date: 06-30-2009, 05:05 PM
Parent: #54
Giwey
كل التحايا
تعرف لما الناس تجيب الكلام عن الغربة انا بسكت ساكت ومرة تحدث احدهم عن غربته بليبيا 10 سنوات وماهو حصادها فاجاب:
كنا والله نتسامر كل يوم ونغني"ياحلة تنوري" طيلة العشر سنين ولما عدنا لبلدنا ايضا واصلنا سمرنا واصبحنا نغني "السنين ضاعت وآ حسرتي"
المهم كلنا نقول "ياقوي"
|
Post: #56
Title: Re: أمطار غزيرة بالخرطوم .....
Author: الرفاعي عبدالعاطي حجر
Date: 06-30-2009, 05:15 PM
Parent: #55
مشكلتنا مع الخريف انو بيغبر الدنيا بعد تجف الارض
وبعدين الموية تجيب الباعوض وبعيدين الباعوض يقرص
الناس وتجي السكليبة والسخط بعدين يجوا القعونجات
يعلموا عزفهم الجماعي كأجمل ما يكون الازعاج في ليل
خالي من اي تفاصيل تدفع بك الى رفع الحزن عموما...
غبار الخرطوم وحزنها ولا مليون ابتسامة مزيفة في بلاد
الشتات تمنياتي بخريف يزيل كل الغموم والهموم وكلفتني
عموما مكالمة الى الخرطوم الحبيبة التي اعشق وعشان
خاطر عيون حلوين قلنا نطمئن انو ما في انفلونزا ....
تحياتي على سردك الجميل ... وصورة عرسك بالجمال دا بعد
العرس اكيد احلى خليك من ناس السني ديل دا شوق ساي لي
سماء وغبار وخريف وعوارة فصول الخرطوم غير الدراسية .
...............................................حجر.
|
Post: #57
Title: Re: أمطار غزيرة بالخرطوم .....
Author: حنين للبلد
Date: 06-30-2009, 06:11 PM
Parent: #56
Quote: Quote: أجدادنا القدماء .. لماذا وضعوا عصا الترحال ههنا..
وعلى أى مقياس أناخوا بعيرهم فى هذه البلاد؟؟؟؟؟
على العكس تماما..الأنسان الأول إتخارج زمان من الحته دى..أجدادنا كانوا كسالى قعدوا قبلم.
تحياتى مغبره بالود |
والله الزول لاعارف يضحك ولا يبكي....
قوي ..ماعارفة لي ماقريت ليك قبل كدة!!!1 كنت في الخرطوم قبل خمسة يوم..ورجعت لفرجينيا الخضراء..واستقبلتني رزازاتها وجوها اللطيف الحالم...فاحسست بالحزن على ابناء بلدي...بالجد السودان مسخن نااااااااار...
|
Post: #58
Title: Re: أمطار غزيرة بالخرطوم .....
Author: willeim andrea
Date: 06-30-2009, 07:37 PM
Parent: #57
Quote: زول بجي يشاركك في كل حاجة
وما بيدفع
وينقنق لمن انت ماتدفع
ولمن تنقنقنقانت
يزعل ويبكي ويطلعك انت مابتحس
وما بتحبوا
زي هومابحبك
خليك في الكتاحة
ـــــــــــــ
والعزاء واصل و ما تشوف شر ولا حزن |
|
Post: #59
Title: Re: أمطار غزيرة بالخرطوم .....
Author: willeim andrea
Date: 06-30-2009, 07:58 PM
Parent: #58
Quote: قوي
كل ما تقوله عن سوء الحال في بلادنا حق
وهو بالضبط ما يبقينا خارجا
ولكن ما الحل؟
هل يعقل ان نستسلم هكذا ؟
أو ان نلوم الحكومة لأنها اتتنا بالكتاحة والحر الذي لا يطاق ؟
يعني لو فكرنا في تكوين جسم من نوع الخضر او السلام الاخضر او او
وسعينا اولا لمعرفة اسباب الكتاحة والحر الما معقول دا شنو ( بواتسطة بحوث علمية جادة وبمشاركة منمظات وبيوت خبرة وبحوث دولية ومؤسسات ذات صلة بالبيئة وما اكثرها وما اسعدها بهكذا مهمة
ثم فكرنا وسعينا في الحل
مشروع تشجير ( ثورة خضراء )
انا اتهم غرب امدرمان حتى كردفان ودارفور
هي السبب
فلماذا لا تغطى كلها بالاخضر
مثلا
مثلا
لماذا لا نركز على هذا
كلنا
كلنا
الفي الداخل والفي الخارج
الفي الخارج يوظف صلاته بالمؤسسات الدولية والجامعات الغربية وتكوين صندوق خاص
والفي الداخل ببدء الرصد وتكوين الجسم واشراك الجامعات والرموز الوطنية غير الملوثة بالاجندة الحزبية وهكذا
بعيدا عن الحكومة والسياسة وتبني الاحزاب ووو
قريبا من هم الناس وضرورة انهائه بلا مقابل او مساومات او خطب حماسية
لنكن الجيل الذي يفعل شئا كبيرا كهذا
__________________
الهم اهدنا الى مراشد الهدى |
ما بين الامل والمجهول تتوه الخطي ..... ملعون ابوك بلد و غربه
|
Post: #60
Title: Re: أمطار غزيرة بالخرطوم .....
Author: ombadda
Date: 06-30-2009, 09:01 PM
Parent: #59
أُعجب دوماً بالكتابات الصادقة, دون زيف ورياء....
|
Post: #61
Title: Re: أمطار غزيرة بالخرطوم .....
Author: Safia Mohamed
Date: 06-30-2009, 10:56 PM
Parent: #60
استاذ قوي سلام
شكرا على السرد الجميل
وكدي تعال شوف راي الناس ديل في الكتاحة
الكتاحة والحيكومة
|
Post: #62
Title: Re: أمطار غزيرة بالخرطوم .....
Author: Giwey
Date: 07-01-2009, 06:31 AM
Parent: #61
والخرطوم - فى الحرّ - ليلها كنهارها...
فى شمس وغير شمس (40) درجة وإنت ماشى .....
والله مع الصابرين ....
|
Post: #63
Title: Re: أمطار غزيرة بالخرطوم .....
Author: ولياب
Date: 07-01-2009, 07:17 AM
Parent: #62
الأستاذ/ عبد الرحمن
سلام
سرد جميل لواقع لا مفر منه (إلا إليه) ونسأل الله اللطف في العباد والبلاد
الأمر سيان لديكم ولدينا ، هنا في قلب نجد تلازمنا الكتاحة هذه الأيام
بإستمرار أما الحر لا يطاق ، هنا الشمس والأرض صديقان لا يفترقان
مع بزوق الشمس في كبد السماء ترسل أشعتها اللاهبة حتى الغروب ، والأرض
يظل يرضع تلك الحرارة مترعاً ، وما أن غابت الشمس حتى يبدأ الأرض في بث
حرارتها المخزنة ، هنا نهارنا كليلنا .
عزواءنا الوحيد في تلك الأجهزة التي تثبت لنا هواء باردأً في غرفنا أو سياراتنا
وهذا ما يفقده الكثير والكثير جداً جداً جداً جداً جداً جداً في وطني
في هذه أيام نهرب إلى الوطن بالطبع نواجه نفس المصير بل الأسوء ،،، ولكن حرارة الشوق ولقاء الأهل والأحباب ينسينا
المعاناة .
أصبروا وصابروا وما هي ألا أيام معدودات سنكون بطرفكم ، وعندئذ ستكون الأجواء ماطرة بإذن الله والحرارة قد خفت .
كل ما قيل حاجات كده ربانية والله كريم ، أما أمور خلق الله ( فخليها لله )
سلام
|
Post: #65
Title: Re: أمطار غزيرة بالخرطوم .....
Author: سفيان بشير نابرى
Date: 07-01-2009, 07:39 AM
Parent: #63
عبد الرحمن اجارنا واجارك الله يا صاحبي
طبعا عندى صاحبي قال لي :- يا سفيان
ياخ العصُر والنسام في الخرطوم بقوا
يجو الساعة اربعة صباحاً ومرات مابيجوا
ذاتو .
|
Post: #66
Title: Re: أمطار غزيرة بالخرطوم .....
Author: Reader7
Date: 07-01-2009, 08:19 AM
Parent: #63
عبد الرحمن
ودي وتحيتي
"الكباين"
قد نسترق السمع بين الفواصل .."بخبث" اوبغير
فتتابع شئ من وصية "اب" "لابنته" في دمشق ..او "عذب حديث (انهم يعذبون الكلام) الي خطيبة في القاهرة"
الاحوال الجوية هنا .. حال واحد كالعادة
وقارئ النشرة الجوية يغير التاريخ فقط.. او القنوات تعيد نشرة الامس او قبل الامس وبمشي الحال
"ابوالامجاد"..معانا "وما معانا"..طبعا
ودي وتحيتي
فتحي محمد موسي
|
Post: #64
Title: Re: أمطار غزيرة بالخرطوم .....
Author: بكري الخير
Date: 07-01-2009, 07:31 AM
Parent: #62
Quote: والخرطوم - فى الحرّ - ليلها كنهارها...
فى شمس وغير شمس (40) درجة وإنت ماشى .....
والله مع الصابرين .... |
والله يا قوي بقيت لما اجي الصباح اشيل هم من بوستيك دا وكمان الليلة الاربعاء يوم القطع (برمجة) من الساعة 10 لحدي 4 عصر الزول يمشي وين ما يعرف؟ عاد دا كلام؟
|
Post: #67
Title: Re: أمطار غزيرة بالخرطوم .....
Author: Siham Elmugammar
Date: 07-01-2009, 08:46 AM
Parent: #64
الاخ محمدعبدالقادر سبيل
سلام الله عليك حيث ما كنت بعيدا عن الاستطلاء
والله انى لاجدك متفائلا لدرجة الوجع
اخى محمد الناس فى االسودان مكان الحر الما بيعرف ليهو سكة و لا جواز شتات
لا تجد مياه للشرب
فكيف بسقايةشجرة فرد وحيدة؟؟!!!
الله فى
بس ادعو لينا بالثبات
|
Post: #68
Title: Re: أمطار غزيرة بالخرطوم .....
Author: بابكر عثمان مكي
Date: 07-01-2009, 09:54 AM
Parent: #67
الاخ قوي .. لك السلام والاحترام
اثرت شجني .. وهززت نخلات الدمع من جزور الندم والشوق والالم
حتي انني تذكرت صباح ممطر جداً
لدرجة ان هناك قطرات عالقات علي ظهر صفق مخضر
حين وداع ..
لم يكن السودان كذلك علي الاطلاق حتي مغادرتي له
بابكر
|
Post: #69
Title: Re: أمطار غزيرة بالخرطوم .....
Author: Hani Arabi Mohamed
Date: 07-01-2009, 10:17 AM
Parent: #68
هل هي مجرد صدفة أم أن وراءها شيئا آخر
تأتي إلى الدنيا تجد نفسك :
مسلما ، مسيحيا ، بوذيا ، لا دينيا ، وثنيا ، ذكر ، أنثى
غني ، فقير ، في منطقة جميلة ، في ظروف صعبة ، سليما ، مريضا ،
ثم تتربى على قيم يقولون لك أنها صحيحة ! وهذا يعتمد فقط على أين نشأت وعلى يد من
تجد نفسك ابن حلال محترم أو ابن اسرة كبيرة
أو على العكس تجد أنك ابن حرام منبوذ أو ابن مجرم مكروه
تجد نفسك أنك في منطقة .... وعليك ثار بسبب أن أحدهم قتل أحدهم قبل ألف سنة
تجد نفسك .................................................
|
Post: #70
Title: Re: أمطار غزيرة بالخرطوم .....
Author: محمد عبدالقادر سبيل
Date: 07-01-2009, 02:52 PM
Parent: #69
Quote: والله انى لاجدك متفائلا لدرجة الوجع
اخى محمد الناس فى االسودان مكان الحر الما بيعرف ليهو سكة و لا جواز شتات
لا تجد مياه للشرب
فكيف بسقايةشجرة فرد وحيدة؟؟!!! |
استاذة سهام
شكرا ليك
صديقيني لا شئ مستحيل على الله تعالى وهو قادر على تغيير الاحوال
ولكننا لا نغير ما بانفسنا ياسهام
ما بانفسنا تجاه ربنا اولا
ثم نأخذ بالاسباب على الوجه الذي يرضي الله تعالى
ننظم انفسنا كفاعلي خير مسلحين بالوعي والمعرفة والارادة الجادة
نتوجه بعملنا الى الله وخدمة الانسان وعمارة الارض
والله حينئذ لو قصنال الجبل الاشم لتزحزج بامر الله عز وجل
ولكن هذا لا يحدث
البعض ينظر الى هكذا كلام بوصفه دجلا ومتاجرة
لكنه حق
الآن اذا قلت انت سهام ( انا اختك يا هشام ) وللا هشام المجمر ما ببق ليك كمان ؟!!
المهم
تدقي سدرك وتقيفي وسسسط البلد وتهتفي بريدك ياكتاح عمري وآه
مش لو حريت يا وطن واتكندكت بالتراب ؟ لو شنو شنو بريدك
وبديتي تأسسي حاجة جديدة اسمها محدد جدا:
جماعة اعداء الحر والكتاحة !!
ولميتي الشباب وعملتوا بيان تأسيسي
وبقيتي مستعدة تستوعبي الكوز قبل الشيوعي والانصاري جنب البعثي والفوراوي قبل الجلابي لكن ناس النيل الأزرق قبلهم كلهم ، يعني الشغلة ما سياسة ورصيد وتجيير نشاط عام تنشر اخباره في بعض المنابر اولا
لا
شئ لوجه الله وحده
وعشان نخلص من الحر والكتاحة
المهم
اهدافكم
اولا توحيد صفوفكم دون شروط حزبي لتحقيق شيئين هما
نهاية الحر الشديد
ونهاية الكتاحة
يعني هدفكم مش اصحاح البيئة
لأنو شأن البيئة واسع وحايخدكم في دوروب طويلة ومتشعبه
وحا يظهروا ليك منظمات كسولة موجودة ويكسروا مجاديفك
بس ( اعداء الحر والكتاحة )
قولي بسم الله الرحمن الرحيم وشوفي ربنا بيسر في الخير للصادقين كيف
واول ما تشتغلي سياسة شوفي العترسة عاد
البداية يا سهام بدراسات علمية جامعية متخصصة حول الاسباب وطرق العلاج
اشراك منظمات دولية ذات صلة في الدراسات
ثم الحلول وتكوين صندوق قومي
بالمناسبة انا ما عجبني اختزال قوي لطرحي
وما عارفو عايز شنو؟ البركة فيك انتي
وانا معاكم بالغالي والنفيس
________________
اللهم اجعلنا مفاتيح للخير مغاليق للشر
|
Post: #71
Title: Re: أمطار غزيرة بالخرطوم .....
Author: احمد محمد بشير
Date: 07-01-2009, 03:15 PM
Parent: #70
أحب الكتاحة
وبالذات لمن
تكون لونها زي لون المنبر
عليكم الله في احلي من الكتاحة
دي بتجيب مطر قادم وبتبشر
بي خريف.
تحياتي.
|
Post: #72
Title: Re: أمطار غزيرة بالخرطوم .....
Author: Giwey
Date: 07-02-2009, 06:05 AM
Parent: #71
أخونا فتحى موسى
سلامات يا رجل
قلت لى أخونا مجدى شبندر (معاكم وما معاكم)...
لا أحسن يكون معاكم والله !!!!!!!!!!!!!!!!!!!!
يا أخى الراجل (عرّس) على كبر ... شبع
منكم ومن (الحوامة) على كراع كلب .. خلوه (ينجم)
شوية .....
وأنتم ما زلتم هناك ... فى تلك البلاد التى غربتها
(غربتان) ... غربة الروح والبدن ... غايتو (صبورين)
بشكل !!!!!
تحياتى لكل الرفاق إن كانوا مايزالون هناك ... طلال
وطارق بخيت ... والقهوة ديك الجنب باب شريف .....
عبد الرحمن قوى
|
Post: #73
Title: Re: أمطار غزيرة بالخرطوم .....
Author: Giwey
Date: 07-02-2009, 09:12 AM
Parent: #72
محمد سبيل
تحياتى
وعفوا" يا حبيب
ما قصدت الإختزال مطلقا" .. فأنا عادة
لا أقيد نفسى بالرد على المتداخلين فردا" فردا
وغالبا" ما تأتى ردودى فى سياق عام .. وتؤثر فى
أحيانا" طبيعة البوست نفسه .. فهذا البوست
مثلا" قصدت منه التنفيس عن كربة من (كرب الدنيا)
كتبته وأنا فى حال (ضيق شديد) وما كان هدفى مطلقا"
البحث عن علاج لمشكلة إرتفاع الحرارة التى أصبحت
مشكلة (كونية) تعتنى بها (قمم الأرض) وحكومات الدول..
والإحتباس الحرارى وثقب الأوزون وإتفاقية (كيوتو)
(والذى منه) ....
طرحك جيّد فى السياق أعلاه وليكن دعما" لمصلحة الغابات
وجمعيات إصحاح البيئة والسلام الأخضر سعيا" لخلق بيئة
لطيفة تمكننا من العيش فى هذى البلاد....
|
Post: #74
Title: Re: أمطار غزيرة بالخرطوم .....
Author: Giwey
Date: 07-02-2009, 02:07 PM
Parent: #73
احمد بشير
قلت لى بتحب (الكتاحة)....
والله انت عاوز (تكاوينى) بس ......
|
|