ألف مبروك ...طارق الجزولى (سودانايل) عريسا...

أحبابى ...

تحياتى...شذيّات ...نديات

كان من المفترض أن تحلق طائرتى ظهرا من جده
الى الخرطوم ...كنت أمنّى النفس بذلك رغم (إجحاف)
سودانير المألوف وذلك حتى أكون حضورا لعقد قران
رفيقى فى فضاء (العنوسة) طارق الجزولى رئيس تحرير
الموقع الرائع (سودانايل) ولكن تأبى سودانير أن تتخلى
عن عادتها العتيقة وتأجلت الرحلة الى الليل ...تمّ عقد القران
أول ليلة البارحة ولكنّى غير ملم بالتفاصيل التى تشبع
نهم إصدقائه فى مدن الشتات - وهم كثر - يعنى لا مزيد
من (الشمار) الآن ولكن سألحقكم ببقيته...

ألف مبروك طارق الجزولى...ووداعا (للعنوسة)...
لكم الود ..وباركوا


عبد الرحمن قوى...

عبد الرحمن ... سلامات
واسمح لنا ان نسجل هنا للأخ طارق الجزولي تهانينا وامنياتنا
محمد صلاح
احد قراء سودانيل الدائمين

الف مبروك لطارق الجزولى
وبيت مال وعيال
والعقبال ليك يا قوى

و لبنبن برضو بقى طبعا عريس قديم لكن برضو مبروك
وبيت مال وعيال.. وما بيقتو تلاتة؟

الأخ عبد الرحمن قوي

يا لجمال ما كتبت من خبر أجمل بوداع أخونا طارق الجزولي لصحاري العزوبية وكل الأماني أن يتمم الله لة وللجميع بالخير والبركات

لكن يا طارق ما بالغت عديل كدة ليلة ما قبل البارحة تحدثت إليك

لكنك لم تبشرني بالجديد . بس ما زعلان منك فقد يكون مشاغل الزواج


وبالتوفيق إنشاء الله

بحيراوي

مبروك للعريس

وبيت مال وعيال

وشكرا االاخ Giwey


من صورتك شكلك بيقول دائما اخبارك حلوه

يا عبد الرحمااااااان

هل تعلم مقدار ما اصبت به الرياض من فجيعة بغيابك , هل تعلم ان الساعة الحادية عشر مساء اصبحت تأتي بلا طعم ابتسامتك , تأتي وهي يقتلها الحنين والظماء الى حكاياك الزاهية عن اصدقائك الذين احببتهم من خلالك , طيفور ومحمد مدني وطارق الجزولي ( وناس استراليا وناس امريكا وناس السودان ) وغيرهم من الجميلين .. هل تعلم انني افتقدك كثيراً في هذه الايام , فأنا اود ان احكي لك عن اكتشافي اليومي لجهلي وقلة معرفتي , فقد اكتشفت بمحض الصدفة ان هذا الالماني المدعو برتولد بريخت يكتب كلام ( عجيب جداً وحلو جداًَ ) وندمت على تجاهلي البليد لكتاباته كل هذا الوقت , وتذكرتك بقوة وانا اعثر على اغنية ( زهرة الصبار حقت مصطفى ومظفر النواب)بعد عامين من البحث الدؤوب ... يا صديقي ... اشتاق لان نجلس معاً ونحتسي قهوة او شاي ( لا يهم ) ونتحدث بعدها عن المنبر الذي يشكو قلة الفئران , وعن روعة اشراقة مصطفى ورهافة الجندرية وسمو كمال عباس وفصاحة الفاضلابي , اشتاق لان اسمع ( نبزك ) المنتقى جيداً لعلي الحاج والترابي والبشير وكل الناس الوسخانين , اشتاق لان ارى وجهك وانت تمارس اغتيال الحنين بذهابك الى ( الكبينة ) واتصالك بجهة لا اعلمها , فتعود بوجه اخر غير ذلك المكتئب الذي ذهبت به ( لحدي هسع نفسي اعرف انت كنت بتتصل وين ) .. يا اخو .. اعلم انني اغرد خارج سرب التهنئة بزواج العزيز طارق , لكن ما اود ان اقوله هو ان الربع الخالي اصبح بعد غيابك ( خالي كلو كلو )

سوري يا اخوانا
تهنئة صادقة للرائع الهميم طارق الجزولي

بالمناسبة يا عبد الرحمن ,, كنت عايز انزل ليك هنا ده قصيده حلوه لبرتولت بريخت , لكن لقيت روحي اتكلمت وهضربت كتير , عشان كده مافي طريقة ... وبمناسبة تانيه ,, انت لسه متذكرني ؟

تهنئة تانية وتالته لطارق الجزولي الزول الممتاز جداً جداً

للأخ الصديق طارق الجزولي التهاني القلبية الطيبة وبيت مال وعيال ...

ألف مبروك.
سيف الدين جبريل

عزيزي قوي
خالص تحياتي و ألف مبروك لطارق الجزولي.
عذراً لإستخدام هذا البوست لشأن آخر ولكنني في حوجة ماسة لأية معلومات عن الفنان محمد نورالدين الذي عمل (خلال فترة الثمانينات) مصوراً بالصحافة السودانية أذكر منها الأيام وسوداناو.
أرجو أن تحاول أثناء تواجدك بالسودان العثور على أية معلومات إتصال بنورالدين ومدي بها لاحقاً.
رحلة سعيدة ولك المودة.
نعمان

الف مبروك للعريس طارق الجزولي و عروسه

مبروك للرجل الهميم الذي ابتكر اول صحيفة الكترونية من داخل السودان
و الذي انحاز الي الكلمة الحرة رغم التضييق الذي لاقاه


بيت مال و عيال

الف مليون مبروك طارق الجزولى ....... بيت مال وعيال
مع خالص امنياتى له بحياة زوجية سعيدة
الاخ عبدالرحمن القوى : انت ماشى تحصل مناسبة جميلة ذى دى تقوم تحجز على سودانير انت ماعارف انو سودانير تسمى (دفار الحاج يوسف ) يعنى ممكن فى اى لحظة يقيف ويتعطل عن الرحلة
السمؤل

الف مبروك للعريس طارق وبيت مال وعيال وسعادة

اوع العروس الجديدة تقوم تكتم انفاس (الضرة سودانايل)

ألف مبروك للزميل طارق الجزولي..

وعقبال ما يتهنًى وعروسته العمر كله..

ألف مبروك يا طارق عقد القران
كنت أتحدث معه عبر الهاتف قبل قليل..
مراسم الزواج الأخرى ستكون في عيد الأضحى كما ذكر

ألف ألف مبروك مرة أخرى لطارق

ألف مبروك للأخ طارق

مبروك لطارق الزواج وربنا يجعل حياتهم أجمل ما يكون ..

...................
سلامات يا عبد الرحمن ..
مشتاقين يا راجل .

طلال

الف مبروك لطارق الجزولى
وبيت مال وعيال

أنا بقول سلام للعفيف عبدالرحمن قوي
أنا بقول مبروك للشفيف طارق الجزولي
أنا بقول عقبال الكثيف عبدالرحمن قوي
ما دام المسالة صحافة وعرس كمان
بقول مبروك لصديقي عبدالمنعم شجراي (المشاهد)
وكلكم أنا بحبكم وبهديكم الوردة دي

أحبابى...

تحياتى شذيات ..نديات

شكرا على التهنئة..

عذرا إن تأخرت فى التعقيب عليكم
فأنا الآن فى قرية وديعة وطيبة فى السودان
أنا الآن بين أهلى والعشيرة بعد غياب طويل
..تعذر على الدخول الى الانترنت ولكنى (أجابد) للتواصل
معكم حفاظا على هذه الأواصر فأنا بالحق أحب هذا المكان
ورواد هذا المكان...

منعم..
أو وجدى عبد المنعم ..يا لفرحتى بمداخلتك
أيها الحبيب الاليف ..أفتقدك بشكل خاص لذلك (دخلتنى)
هذه المداخلة وهاهى تلجمنى الى حين عن الكتابة حولها
ففيها أشجان واشجان...سأعود حتما ساعة تماسك..

النعمان..

حبابك يا صديقى يا فنار الكتابة وسأجتهد فى
تلبية رغبتك ما استطعت سبيلا...


لكم الود من قبل ومن بعد



عبد الرحمن قوى...

****

congratulations, Tariq Ajjizooli

thanks Giway for bringing that to our attention

باقة ورد أنيقة . مذهبة بأعذب الأمنيات ..
مجللة بصالح الدعوات .. الى زميل عزيز أجله
كثيرا وهو يقاتل مع زملاء أفاضل هناك
وفي ظل ظروف قد لايعلمها الكثيرون هنا .

لك التجلة يا طارق وأنت تعد العدة لزفاف ميمون ..
وبالرفاه والبنين مقدما .. ولرفيقة دربك سعيدة
الحظ تحياتي .

ولبيتنا العالي : سودانايل دوام التوفيق والتقدم .

وهذه هي تهنئتي الثانية لزميلي الفاضل طارق
والتي هدفت من ورائها أيضا لتقديم آيات الشكر
والاعزاز للأخ الكريم : عبد الرحمن قوي على فتحه
هذه النافذة الطيبة.. وهو يتجول بين حواري وعشائر
أهله الأفاضل على أرض السودان الحبيبة.

خضر عطا المنان

الف مبروك يا طارق الجزولي
ربنا يسعدتكم

والعقبي لك يا رفيق ( النضال) قوي

شكرا لكم أحبابى

والعقبى عندكم فى المسرات ..

آمين..صديقى عجب الفيا


لكم الود...



عبد الرحمن قوى...