الاختفاء وزوار الليل وتطبيق اللائحه فى البورد

الاخ بكرى

أشفق عليك من كثرة الطلبات وضيق الوقت
لكن يا أخى حكاية شخص يختفى أو تلغى عضويته من دون شرح أو توضيح دى فيها مشكله كبيره جدا جدا لبقية العضويه.

الرجاء الاتى عمل صفحة صغيره (ريد أونلى) لشرح اسباب فصل أو توقيف أى عضو حسب اللائحة، مثلا فصل/ت X لمخالفه الماده ْْ(أ) ....الخ.
لكن الطريقه الماشى بيها البورد ده بتخوف ومثيره للجدل لأننا لا نعرف لماذا فصل هذا أو اوقف ذاك.
الشفافيه مهمه جدا فى هذا الامر يا بكرى.

اقتراح معقول

اثنى واوقع

اسماعيل
هشام

تحياتى
الاقتراح لو راق لبكرى سوف يقلل من أو على الاقل لا يبرر بوستات لماذا فصلت هذه وأوقف ذاك التى انتشرت فى البورد فى الفتره الاخيره.

اقتراح اكثر من وجيه و لكنه تأخر كثيرا و ارتبط (باختفاء) اناس محددين... مما يثير العديد من التساؤلات في مسألة الخيار و الفقوس المتعارف عليها في البورد...الا أنه بكل تأكيد احسن من عدم تقديمه مرة واحدة.

اضيف الي الاقتراح السابق اضافة اعتقد بانها مهمة وهي دور الناس في عملية اتخاذ القرار نفسه ... فمثلا ما يعتقده الاخ بكري ابو بكر بانه مخالف للمادة الفلانية قد لا يكون كذلك اذا قرأه معظم الناس في البورد و ما يراه صاحب/ة الشكوي خرقا للمادة العلانية قد لا يكون كذلك في حالة قراءة معظم الناس له ... بمعني اخر ان تخضع الشكاوي و القرارات بشأنها لكل الناس و ان يتخذ القرار بالاغلبية الميكانيكية حتي لا يظلم الناس بعضهم البعض و عقل نفرين احسن من عقل نفر واحد و قراءة نفرين للشكوي احسن من قراءة نفر واحد...الخ و الود موصول للجميع.

الاخ احمد امين
اقتراح موفق جدا
لحل هذه المعضلة سبق ان اقترحت اقراحا شبيها بذلك مع بعض الاضافات لكن مافي زول هببو لي (ويبدو ذلك لاني مشترك جديد وقتها ولا كوم لي ولا قبيلة ..علة البورد الاساسية )

Quote: وعشان ما نجي كل يوم داخلين البورد وفي امان الله عايزين نشارك (كان بالقراية ولا الكتابة).. و نلقي الصايح حايم (اروروك يا ناس الحلة فلان الفلاني راح في حق الله ) وتبدا العكة .. يا اخوانا مالو امبارح ما كان كويس وبيكتب في امان الله وما غلت علي زول اصلو .. والبيقول ليك يستاهل هو ما كتب كدا وكدا ويجيبو ليك مية كوتيشن عن افاداته التي ادت الي موته بالسكتة اللائحية ويجو التانين يجيبو ما عن لهم من كوتيشن برضو تبريء ساحتو ... ويطفح جبل الجليد .. والشايفنو بي فوق اقل من المستخبي وتبدا التحليلات والتخمينات واخماس في اسداس والكل عاوز يعرف التحت الموية شنو .. والعجاج يقوم في البورد ويبقي امسخ من الجير الابيض .. وهكذا دواليك عشان دا كلو انا بقترح اقتراح متواضع جدا يا بكري لو شفت اي واحد مخالف لي لوائح المنبر اخسر ليك عشرة دقايق واكتب عنو بوست ( او خيط كما يقول البعض) وقول لينا انو يا اخوانا فلان دا عمل كيت وكيت وقال كذا وكذا وخالف المادة الفلانية والفلانيةوجيب ماراق لك من كوتيشن تدعم كلامك ووقول لينا انا قررت ( احظرو.. اوقفو..او حتي اعدمو) ورايكم شنو ؟ وتعمل فورم جاهز بتاع تصويت ( وهو امر سهل علي حسب علمي ) فيهو خانتين فقط لا غير( اوافق اولا اوافق.. نعم او لا) والعضو ما عليهو الا انو يعمل كليك علي الشايفو صاح .. ويستمر التصويت يومين تلاتة اسبوع حسب الضرورة وبعد داك يتم التنفيذ حسب ديموقراطية الاغلبية .. ووقتها الكل حيكون ملزم ومافي زول عندو الحق يتكلم ( ما حنقول الانتخابات مزورة ) ونرتاح من اللت والعجن وترتاح انت من قولة بكري ظلمني وبكري ديكتاتور لانو يا اخي الشفافية هي لجام كل زول الشفاااافية يا بكر ي

وجهة نظر.. يا بكري
واسجل باني ضد الفصل الابدي فهو اقصاء واعدام.. ومع الايقاف المؤقت
خالص ودي

إقتراح وجيه..

فوق

إقتراح وجيه..