Post: #1
Title: عصمت الدسيس فى الدوحة ..ياالف مرحب
Author: بهاء بكري
Date: 08-19-2006, 05:35 PM
Parent: #0
تتشرف الدوحة واهل الدوحة يوم الثلاثاء22|8 بزيارة الاخ والصديق عصمت الدسيس ...
وعصمت لمن لايعرفه واحد من المع نجوم التسعينات وسط الحركة الطلابية
بالجامعات السودانية ..كان له اسهام بارز ودور مقدر فى ماقدمته الحركة
الطلابية من نضالات واسهامات ضد سلطة الجور والهوس ..
كان خطيبا بارعا ..ذو مقدرة على التفكير والتحليل لاتضاهى ..وكان له
حضور شخصى طاغى ...
سياتى عصمت الدسيس قادما من استراليا ..وسيقضى اسبوعا" بالدوحة
فى طريق عودته للوطن ...
فالف مرحب بعصمت الدسيس والدوحة نورت بمقدمه الجميل ...
|
Post: #2
Title: Re: عصمت الدسيس فى الدوحة ..ياالف مرحب
Author: ودرملية
Date: 08-19-2006, 08:08 PM
سلامات
وعوافي
هكذا انت يا بهاء ..
"تصمت كثيرا ليولد صمتك الافراح" ..عصمت الدسيس واحد من الذين احبهم جدا جدا من لدن الحزب الشيوعي والي اي وضع وصل اليه .. فكل مافيه صادق .. خلوق مهذب ومثقف ذري .. سياسي قح لبغ فطن ذكي ..مهموم بالقضايا الطاحنة التي "اكلت" "لحم الرعية"..وهو لايمثل الفترة الناصعة من الحركة الطالبية في التسعينات فقط بقدر تمثيله لهموم الشارع العام علي كافة تمظهراته وتمثلاته في تلك الفترة.. للاسف الشديد عصمت الدسيس كان في بواكير حياته الجامعية مشروع مفكر سوداني جديد يملاء الفراغات التي ولدتها المصالح وصراع السلطة وينتقل بفلسفة العمل السياسي من السوقية التي مازال عليها الي مراحل العمل السياسي المنظم والمطبق بحرفية عالية ومن ثم اسقاطه علي ارض الواقع ليشكل بعدها نقلة نوعية في الممارسة السياسية علي نطاق القطر الحبيب .. ولكن لضعف الجانب التجديدي في العقلية الحزبية وعدم استلامها لمفاهيم التغيير باعتمادها علي الدماء الشابة وسعيها نحو خلق جيل قادر علي تحمل المسؤولية وعنصر فعال في تطوير الممارسة السياسية بكافة اوجهها ظل الدسيس "ينحت" في الاسفلت ولا ادري هل مازال ام انه ترك لهم "الساسة" الجمل بما حمل .. علي العموم سعيد يابهاء كونك "صحيت" فيني ذكريات اركان النقاش في الجامعة وهذا الولد السمح واحد من اعمدتها وركائزها وواحد من الذين حفروا اسماءهم في الساحة الطالبية باحرف من ذهب واذكر معه علي سبيل المثال "(الشهيد نصر الدين الرشيد - احمد ضو البيت مؤتمر الطلاب المستقلين)- (طارق عبدالمجيد وشهاب علي يوسف الحزب الشيوعي)- (خالد عويس - صديق التوم حزب الامة) وبقية العقد الفريد .. وهذا اخر جيل في نظري كان يعي تماما وصفات الطبخة السياسية ومذاقها ..
شكرا بهاء شكرا اذ منحت بورداب الدوحة هذه الهدية العالية الجميلة ..
والف مليون مرحبا بالزميل الراقي الاستاذ عصمت الدسيس ..
تخريمة:-
يابهاء عليك الله هسي مع مواعيد شغلي البايخة دي يجوكم كيف في مدينة الخور..ياخي تعالوا رطبوا شوية في الدوحة عشان ما نتلوم مع الدسيس ..
والا اقول ليك يازول وين ماكنتم نكون ..
|
Post: #21
Title: Re: عصمت الدسيس فى الدوحة ..ياالف مرحب
Author: خالد عويس
Date: 08-21-2006, 05:25 AM
Parent: #2
الأخ ودرملية
شكرا أن وضعتني ضمن هذه الكوكبة من الأصدقاء المناضلين وغيرهم كثر بالطبع، وفي مقدمتنا جميعا الشهيد نصر الدين الرشيد.
للأسف، صديق محمد التوم (الآن) وزير للثقافة - أظن - في ولاية الجزيرة، وتماهى مع الجماعة !!
الصديق العزيز عصمت ما يزال يكافح ونكافح جميعا للانتقال من المرحلة السياسية الحالية والتكلس إلى مرحلة لا شك أنها ستؤسس على فلسفة سياسية جديدة، وفكر حديث، وصدقية من قبل الفاعلين السياسيين. ولا أشك مطلقا في أن عصمت الدسيس واحد من الذين يمكن الرهان عليهم بقوة.
ولا أعتقد أن موقع عصمت في اليسار أو الوسط سيغير من جوهره أبدا.
|
Post: #3
Title: Re: عصمت الدسيس فى الدوحة ..ياالف مرحب
Author: أبو ساندرا
Date: 08-19-2006, 11:58 PM
مرحبآ ب {الزميل} عصمت الدسيس في الدوحة
نحن
وناس محمد سليمان
وناس فائز ومحمد عبدالرحمن حيث المحطة الأخيرة قبل العودة إلى منصة البدء
كلنا معنيين بالإحتفاء به
وهي فرصة سنتبهلها للوقوف على تجربته
فمن منكم يلتقط القفاز ويهيء لنا لقاء عام معه
طبعآ أنا بفضل يعملها صديقي الأنصاري القح فائز محمد موسى بمساعدة محمد عبدالرحمن
عشان ديل ماممكن يستثنوني زي عادة ديك
نكرر الترحيب وننبه أن الوقت ضيق والزيارة قصيرة
لابد من إستثمارها جيدآ بالتحضير المتقن والبرمجة الذكية
|
Post: #4
Title: Re: عصمت الدسيس فى الدوحة ..ياالف مرحب
Author: Emad Abdulla
Date: 08-20-2006, 01:53 AM
Parent: #3
سلام يا بهاء ..
جئتك من الرياض بتحاياها .. و شوقي .
أول المعنيين بك و لك يرسل تحاياه : لؤي ..
حكي لي لؤي عن عصمت كثيرا ..
و عن ( حق ) .. و عن و عن وعن
تمنيت معرفة بالرجل .. و هاهي السانحة تأتي .
موعودة الدوحة إذن بجليل الحديث و سمح الكلام ..
لدودي الصديق أبوساندرا ..
| Quote: عشان ديل ماممكن يستثنوني زي عادة ديك |
ديل و ديك .. !!!!
ركّز يا خواجة ..
ليس هناك من ديل و ديك ..
هناك ( نحن ) .. فقط .
دعنا نتعشم خيرا ..
و .. نستذكر ما قلنا عن ( التحالف الواسع و الجبهة العريضة ) ..
صاح ؟؟ ..
مرحبتين عصمت ..
شكرا بهاء ..
|
Post: #6
Title: Re: عصمت الدسيس فى الدوحة ..ياالف مرحب
Author: عبدالكريم الامين احمد
Date: 08-20-2006, 02:22 AM
Parent: #4
welcome to doha... brother DASSIES
|
Post: #5
Title: Re: عصمت الدسيس فى الدوحة ..ياالف مرحب
Author: أبو ساندرا
Date: 08-20-2006, 02:16 AM
{ صاح } الديك
الدوحة نورت ياعمدة
اها
جبت لي الكتاب من شمس الدين وحاجات محجوب شريف؟
وياريتك تكون قرصتو من ودنو عشان تاني مايدقس
عايزك ضروري
|
Post: #7
Title: Re: عصمت الدسيس فى الدوحة ..ياالف مرحب
Author: Murtada Gafar
Date: 08-20-2006, 03:00 AM
Parent: #5
يا بهاء تحيات
ياخ عصمت دسيس صديق قديم و أنت صدقت في كل كلمة قلتها عنه، عصمت من ألمع النجوم في التسعينات في جامعة الجزيرة و الأهلية و حتى في بيتنا في بري، له مني عاطر التحايا و الكثير من الأشواق و سأكون معك على التيلفون يوم الثلاثاء.
مرتضى جعفر
|
Post: #8
Title: Re: عصمت الدسيس فى الدوحة ..ياالف مرحب
Author: بهاء بكري
Date: 08-20-2006, 04:18 AM
شكرا ياشباب علي ترحيبكم بصديقي عصمت وبرجع ليكم .
الاخ ابوساندرا ..... متي طالبناك بعدم فطنا .....هذا لايليق ...... علي العموم فطنا انت كمان
|
Post: #9
Title: Re: عصمت الدسيس فى الدوحة ..ياالف مرحب
Author: nadus2000
Date: 08-20-2006, 04:27 AM
Parent: #8
الدوحة نورت عصمت
وأهلا بك، هنا ونأمل أن نلتقيك.
|
Post: #10
Title: Re: عصمت الدسيس فى الدوحة ..ياالف مرحب
Author: Nasser Mousa
Date: 08-20-2006, 05:04 AM
Parent: #9
اهليييين الدسيس
ناصر موسى
الجامعة الاهلية90/1994
|
Post: #11
Title: Re: عصمت الدسيس فى الدوحة ..ياالف مرحب
Author: بهاء بكري
Date: 08-20-2006, 05:13 AM
Quote: عشان ديل ماممكن يستثنوني زي عادة ديك
|
اذا كانت هنالك فعالية تخص البورداب سوف يعلن عنها كالعادة عبر حساب بورداب الدوحة , اما مايخصنا نحن اصدقاء عصمت فلا دخل للاخرين به
|
Post: #12
Title: Re: عصمت الدسيس فى الدوحة ..ياالف مرحب
Author: محمد حسن العمدة
Date: 08-20-2006, 05:24 AM
Parent: #11
وانا امس اشيل واتصل وتجيني الخواجية ترد علي ما عرفت بتهرج تقول في شنو
- علا قول لي عصمت مرتك ولا صاحبتك البترد دي نضما حلو بالحيل -
قرقرقرقرقر - ده لزوم الفتنة يا بهاء الله يكفينا شر الفتن
وطبعا اي زول ماشي السودان بالذات بعد يكون جائي من بلاد الخواجات ديل بيجي يديها عمرة في مكة المكرمة موش كده ؟ اها الطائف دي جنببببببببببببببببب مكة توالي هيطة بالهيطة
تحياتي ولو امكن ارسال رقم اتصال بالماسنجر يا بهاء
|
Post: #13
Title: Re: عصمت الدسيس فى الدوحة ..ياالف مرحب
Author: معتصم الطاهر
Date: 08-20-2006, 05:42 AM
مرحب بيكم
يا عصمت
والدسيس
|
Post: #14
Title: Re: عصمت الدسيس فى الدوحة ..ياالف مرحب
Author: محمد عبدالرحمن
Date: 08-20-2006, 05:58 AM
Parent: #13
ياهلا ومرحبا بحبيبنا عصمت الدسيس ..
ستزدان الدوحة بقدومك ..
وسنكون فى استقبالك بأذن الله ..
شكرا يابهاء ..
ودى ....
|
Post: #15
Title: Re: عصمت الدسيس فى الدوحة ..ياالف مرحب
Author: معاوية الطيب
Date: 08-20-2006, 06:01 AM
الف مرحب بالاستاذ عصمت دسيس
|
Post: #16
Title: Re: عصمت الدسيس فى الدوحة ..ياالف مرحب
Author: إسماعيل وراق
Date: 08-20-2006, 06:29 AM
Parent: #15
بهاء بكري
كيف حالك
دخلت الرياض بخبر وخرجت دون خبر... إت قايل البلد طلقة ساكت ولا شنو.
.
.
تحياتنا للحبيب عصمت الدسيس في حله وترحاله.
|
Post: #17
Title: Re: عصمت الدسيس فى الدوحة ..ياالف مرحب
Author: عوض حمزة
Date: 08-20-2006, 01:42 PM
الحبيب بهاءالدين
تحياتى....
مليون مرحب بصديقك عصمت الدسيس بالدوحه ...
له ولك كل الحب ..
|
Post: #18
Title: Re: عصمت الدسيس فى الدوحة ..ياالف مرحب
Author: علوبه
Date: 08-20-2006, 02:43 PM
تحياتى
اخى بهاء الدين
كيف حالك وترحالك
مرحب مرحب بالثوار
هل له علاقة بالاخ كرار الدسيس
كرار كان دفعتنا فى مدرسة محمد حسين دفعة 1978-1981
تحياتى مرة تالته
|
Post: #19
Title: Re: عصمت الدسيس فى الدوحة ..ياالف مرحب
Author: ابوبكر الامين يوسف
Date: 08-20-2006, 03:10 PM
Parent: #18
الصديق بهاء تحياتى ياجميل
وينك مختفى انت ولا نصارى (يعنى ننتظر مولد القادم)
الف مرحب بالاخ عصمت الدسيس
يلا جهز البرنامج ...
لكم تحياتى واحترامى
|
Post: #20
Title: Re: عصمت الدسيس فى الدوحة ..ياالف مرحب
Author: ودرملية
Date: 08-20-2006, 03:48 PM
Parent: #19
سلامات
وعوافي
بهاء العزيز ..
مساءا طيبا وصباحا مثله ..
كنت اود ايضا الحديث عن ايام عصمت الدسيس بجامعة ام درمان الاهلية ولكن خوفي من الوقوع في فخ التقصير الجم رغبتي وتفكيري .. فالرجل اثري من ان تسرد سيرته العطرة هكذا بـ جرة كي بورد .. بلاشك هو اعلي من ذلك ...
يابهاء اتمني ان تأكد لنا وقت الوصول حتي نكون معك بالمطار لاستقباله .. والدسيس يعلم الله مفروض ينتظروه بي "موكب" او "كنفوي" عديل .. الزول اصلوا مو هين ...
علي العموم مراحب عريضة بيك ياعصمت بين اهلك واصحابك ثم اخوانك الذين لم تراهم ..
معزتي لي حد السما
|
Post: #22
Title: Re: عصمت الدسيس فى الدوحة ..ياالف مرحب
Author: Faisal Al Zubeir
Date: 08-21-2006, 05:48 AM
Parent: #20
ود رملية :
وفي الصمت كلام .. انت الفرح ذاتو او (ظاااااطو) على طريقة ودهباني !!
Quote: هكذا انت يا بهاء ..
"تصمت كثيرا ليولد صمتك الافراح" ..عصمت الدسيس واحد من الذين احبهم |
مكرر
الزميل خالد عويس :
منتظرين مساهمتك المهنية في (مؤتمر سودانيزاونلاين للاعلاميين بدول المهجر في هذا المنبر ) - راجع البوست - تحياتي للدكتور عمار بكار
|
Post: #23
Title: تحذير للدوحاب
Author: lana mahdi
Date: 08-21-2006, 06:56 AM
ليكم كم كدة ما عاجبنني كل الرائعين و الرائعات الدوحة الدوحة الدوحة
وناس الإمارات إن شا الله الغلب يكتلهم
أها يا عصمت ما بتجي الإمارات؟
تحيات و محبة و تقدير بالكوم للدوحاب و عصمت ضيفهم
وربنا يعدل دربك و درب الدوحاب إنه سميع مجيب
تحية خاصة للحبيب بهاء بكري و إحترامات
|
Post: #24
Title: Re: تحذير للدوحاب
Author: أيزابيلا
Date: 08-21-2006, 07:07 AM
Parent: #23
بهاء بكري
تحياتي
_والخرطوم تنتظر مطلع سبتمبر لتحتفي بعصمت الدسيس
ومعه
_وتحت تحت مبروك ياعصمت
ودي كله
|
Post: #25
Title: Re: تحذير للدوحاب
Author: Marouf Sanad
Date: 08-21-2006, 09:49 AM
Parent: #24
العزيز بهاء
تحياتنا لعصمت
|
Post: #26
Title: Re: تحذير للدوحاب
Author: ودرملية
Date: 08-21-2006, 03:47 PM
Parent: #25
سلامات
وعوافي
الحبيب خالد عويس
Quote: الأخ ودرملية
شكرا أن وضعتني ضمن هذه الكوكبة من الأصدقاء المناضلين وغيرهم كثر بالطبع، وفي مقدمتنا جميعا الشهيد نصر الدين الرشيد.
للأسف، صديق محمد التوم (الآن) وزير للثقافة - أظن - في ولاية الجزيرة، وتماهى مع الجماعة !! |
كنت اود التحفظ علي ذكر صديق التوم لانه لاحق "انملص" وهادن الجماعة ..لكن للحق في ذلك الزمن كانت تعجبني اركانه كثيرا ...
علي العموم هو لايمكن ان تتخطاه الذاكرة باي حال من الاحوال ..
واذكرك انت بالذات كثيرا في الاهلية وفي معقلك "شمبات" وفي "المين" تبعناكم لاننا كنا نبحث عن دفء السياسة وما در اهلنا اننا كنا نبحث في لج الجحيم .. خرجتم جميعكم وخرجت احلامنا بلاعودة ..
كنت اتمني لجيلكم الناصع ان يجد مكانه في "الكراسي" لانني اعلم جيدا انكم كنتم صادقون .. الصدق احسه في كل كلمة تقولونها في كل حرف وحركة .. واذكر عصمت الدسيس واذكر "كوب الماء" الذي يلازمه في غزواته النقاشية ..
عصمت الدسيس ياخالد زول زي "منجم" حاجة زي ريحة الامهات ... وزي طين الارض .. حاجة كدا زي نعمة عالية .. كنت لا ابدل اركان عصمت بشيء البتة .. كنت اسافر لاركانه ..
وركن النقاش الشهير الذي خلدت تفاصيله في الذاكرة كان ركن تأسيس حركة القوي الديمقراطية الجديدة "حق" ايام كان الراحل الشامخ الخاتم عدلان والاستاذ الحاج وراق علي وفاق ..
فصعد عصمت المنبر من العاشرة صباحا وحتي الساعة الخامسة مساءا "جامعة ام درمان الاهلية - شلتر ادارية - عصمت يرتدي قميص رمادي داكن وبنطلون اسود وجزمة سوداء اكل عليها الدهر وشرب وبقربه وائل احمد خلف الله يرتدي قميص بني كاروهات وبنطلون جينز برضو قديم".. واذكر ان واحد من كوادر الجبهة الديمقراطية قد "سب العقيدة" لان عصمت الدسيس ذكر اسم كادر من كوادرهم وكان الكادر في ذلك الوقت قد رحل عن الدنيا الي مسواه الاخير.. فسب له العقيدة وقال له قل "الشهيد فلان الفلان"
كنت احسب ان عصمت سيفلت زمام الركن بعد هذه الحادثة ولكن لانه الكيس الحصيف تجاوز هذه النقطة ورجع للنقاش .. والقوي الديمقراطية القديمة تري في رحيل عصمت عن خندقها "ميتة وخراب ديار" فالرجل كان وقود النشاط السياسي في الحركة الطالبية علي عمومها ... وفازت حق ..
اذكر انني كنت كثير الخجل ... فكنت اتصيد عصمت لمدة اسبوع حتي اجده منفردا لاساله عن "حق" وكان لي الامر اذ وجدته متحركا من النشاط الجديد الي القديم فاستوقفته وسالته اول ما سالته عن "الله" في فكر "حق" وكنت اقصد بذلك الاسلام ..فقال لي ان "حق" تستوعب المسلم والمسيحي وكائنا من كان .. والسيمة المطلوبة "ان تكون انسانا" ..هذا حديث مبتسر عن تلك اللحظة لكن مازلت اذكر حتي لون قميص عصمت وايضا الغبار الذي وجد طريقه الي "حذائه القديم" واستراح علي تجاعيده واذكر ايضا "النضارة التقيلة" التي كانت تغطي "ربع" وجهه بلونها الداكن واذكر حتي "تحولق" الشباب حوله .. وعصمت كاريزمي خالص .. اللافت في شخصيته هذا الهدوء الذي يتسم به في كل حالاته وماوجدت كادر خطابي ردوده زكية وعميقة مثل ردود عصمت يعني عصمت شفتا لو كان كادر خطابي لي حزب كل جماهيره لايتعدون اصابع اليد الواحدة لكان الان هذا الحزب في مصاف الاحزاب الكبيرة ..
ونسيت ايضا ان اذكر معروف سند لكن لا ادري "الاهلية او الخرطوم" فانا لم احضر له ركن نقاش ولكن سمعت عنه كثيرا في ذلك الوقت ..
اسف يا خالد تمنيت الا اذكر صديق التوم .. ولكن هكذا كان الحال في تلك الايام .."صاحبي محمد عبدالرحمن" لو عرف اني ختيتك مع صديق التوم في كوم واحد بيعمل معاي مشكلة ياخالد فمحمد عبدالرحمن واحد من الذين يعتدون بك كثيرا ..
تقبل شديد معزتي واحترامي
ولعصمت نداء المحبة وايادي السلام
|
Post: #27
Title: Re: تحذير للدوحاب
Author: Marouf Sanad
Date: 08-21-2006, 06:30 PM
Parent: #26
| Quote: ونسيت ايضا ان اذكر معروف سند لكن لا ادري "الاهلية او الخرطوم" فانا لم احضر له ركن نقاش ولكن سمعت عنه كثيرا في ذلك الوقت |
الاخ ود رملية
شكراً لهذه الذكرى الطيبة
الغريبة قبل شوية كنا انا ورفيق السنوات الطويلة الاخ جوهر عبد الماجد السكرتير العام لآخر اتحاد بالجامعة الاهلية نقلب في بعض الاوراق والوثائق القديمة , وقد وجدنا
بعض الوثائق التي اعادتنا لتلك الحقبة الزاهرة .
هنالك أمران أظنها قد اشتكلا عليك , الأول هو قميص عصمت فقد كان يرتدي قميصاً
ذو ألوان شتراء للغاية , وأذكر انني قد علقت على هذا الامر ساعتها , فقد كان يتالف
من عدة ألون صارخة أصفر وبنفسجي والاكمام حمراء واللياقة ليمونية , وأذكر انني نبهته
أن هذا القميص يمكن ان يجلب عليه الانظار والجماعة يتناولوهو قبال ما يصل الجامعة
الحاجة التانية يا صديقي انا لم أكن متحدثاً بالمرة ولعل الاسم قد اشتبه عليك .
ورغم ذلك أظننا قد التقينا غير مرة في الحتة بتاعت أولاد كوستي جوار بيئية , واظن
ان سبب لقائنا كان الاخ عمار ابو بكر الذي قدمني لك على انك مهتم بما تطرحه حق
لك الود
|
Post: #28
Title: Re: تحذير للدوحاب
Author: ودرملية
Date: 08-21-2006, 07:13 PM
Parent: #27
سلامات
وعوافي
الاخ العزيز معروف سند ..
شكرا كثيرا فقد مضي علي الامر قرابة الـ9 سنوات .. هو اصلوا عصمت كان عندو تلاتة قمصان وجزمة واحدة وشبط متهالك علي حد طيف الذكريات .. والله فعلا واحد الذي ذكرته فيبدو عصمت فيه كعضو فرقة شعبية ..
المهم اليوم داك يوم مشهود الان انا اتذكر شكل الشاب الذي كان يقف في الناحية الشرقية من شلتر ادارية وهو الذي سب العقيدة وكان يرتدي قميض ابيض وبنطولن جينز "شاكي" ولابس شبط بني وفي بعض الاحيان كان كادر كولنق مع الزميل ناصر الليندي ومرتبط بذاكرتي بسفته "المجاهرة" فهو "سفاف" من طراز فريد وناشف نشافة غريبة فنادرا ما يكون ضاحكا او مبتسما....
اما اسمك فاذكر انني سمعته كثيرا فقدرت انك واحد من كوادر حق ولكن لم اقل انك كادر خطابي او غيره فقط اذكر جيدا انني سمعت اسمك اكثر من مرة في سياق نقاشاتي مع الزملاء الشرفاء في حق والمستقلين فهم اقرب الناس الي نفسي في ذلك الحين ..
بعدين عصمت صاحبك بيختار الالوان الداكنة عشان ما بتتوسخ كواحدة من حالة "التقشف" الذي فرضه انتماءه لطبقة الكادحين بالرغم من انو سليل اسرة عتيقة ومشهورة في الجزيرة ان لم تخني الذاكرة ..علي العموم يامعروف تسلم علي التصحيح...
اما عمار ابوبكر ياسلام يامعروف ياخي انا كنت ساكي "الحقانيين" و "المستقلين" ديل في كل حتة كان برنامج التنظيمين غاية في الجمال بالرغم من انه حالم بعض الشي ..
ولك يامعروف ولعمار ابوبكر ولكل الزملاء الشرفاء تمام المحبة والاشواق..
بعدين ياخي عاوز اسال من كادر جبهة ديمقراطية اسمه اسامة ود حريف وقراي وشاطر في الاركان "رهيف" وشاكي اربعة وعشرين ساعة ومثقف من الدرجة الاولة هل تذكره ثم اين هو الان ؟
عصمت اتمني انو ذاكرتك تكون صحت معانا شوية باقي البلاد الغربية بتهبش في الزول اول ماتهبش الذاكرة مع انو صاحبنا معروف راسو نضيف يعني لسة الغربة مامشت في عضمو ..
|
Post: #29
Title: Re: تحذير للدوحاب
Author: محمد عبدالرحمن
Date: 08-22-2006, 01:28 AM
Parent: #28
يامعروف
تحياتى ..
ياخى انت جوهر دا ماتجيبو لينا هنا ؟
يعنى خلاص مشغول لدرجة انو ماقادر يفتح نت ..
حرك الراجل دا وطلعو على الناس دى ...
|
|