Post: #1
Title: ( كدة ما كويس ) .. أو معا لمحاربة العادات الضارة .... !!
Author: الطاهر ساتي
Date: 01-30-2007, 10:04 AM
|
Post: #2
Title: Re: ( كدة ما كويس ) .. أو معا لمحاربة العادات الضارة .... !!
Author: المكاشفي الخضر الطاهر
Date: 01-30-2007, 10:27 AM
Parent: #1
الاخ الطاهر
السلام عليكم
اخي اشك فى ان هذه الصورة حقيقية الا ان تكون قد التقطها انت فعالم الفوتو شوب اصبح اذكى
تحياتي
مكاشفي
|
Post: #3
Title: Re: ( كدة ما كويس ) .. أو معا لمحاربة العادات الضارة .... !!
Author: الطاهر ساتي
Date: 01-30-2007, 10:36 AM
Parent: #1
المكاشفي أخوى ..
| Quote: اخي اشك فى ان هذه الصورة حقيقية الا ان تكون قد التقطها انت فعالم الفوتو شوب اصبح اذكى |
عليك امان الله الصورة دى حقيقية ... وفي صور تانية لعادات تانية من مناطق تانية في الطريق .. صبرك علي ..
عالم الفوتو ذكي نعم .. لكن نحن لسع في عاداتنا الضارة ..!!
و بجيك بعدين بفروسية ( دق السوط ) ... شن قولك فيها ...؟؟
|
Post: #4
Title: Re: ( كدة ما كويس ) .. أو معا لمحاربة العادات الضارة .... !!
Author: المكاشفي الخضر الطاهر
Date: 01-30-2007, 10:49 AM
Parent: #1
اخوي الطاهر
طيب دا كلام جميل جدا لكن السؤال الهدف من الاستحمام دا شنو يا ترى ؟؟؟
ام انها عادات فقط ؟؟
زمان اهلنا بيقولو العندو نزلة يشرب بول الحمارة _الله يكرم السامعين _
هل هذا من ذاك ؟
|
Post: #5
Title: Re: ( كدة ما كويس ) .. أو معا لمحاربة العادات الضارة .... !!
Author: A.Razek Althalib
Date: 01-30-2007, 11:40 AM
Parent: #4
الطاهر ساتي..
المكاشفي الخضر الطاهر
تقديري..
الصورة دي بالذات..
أسألوا منها أبو جهينة..
أو قوقلو أرشيف المنبر..
مودتي..
|
Post: #10
Title: Re: ( كدة ما كويس ) .. أو معا لمحاربة العادات الضارة .... !!
Author: الطاهر ساتي
Date: 01-30-2007, 06:12 PM
Parent: #4
المكاشفي ..
| Quote: زمان اهلنا بيقولو العندو نزلة يشرب بول الحمارة _الله يكرم السامعين _ |
لبن الحمار ياخي ... بول شنو ..؟؟
وبعدين ما العندو نزلة .. لا البيجيهو السعال الديكى ( الكدكود باللغة الكوشية  ) من عدم التطعيم ..!!
لكن بيني وبينك كان بيعالجنا ...
|
Post: #6
Title: Re: ( كدة ما كويس ) .. أو معا لمحاربة العادات الضارة .... !!
Author: الطاهر ساتي
Date: 01-30-2007, 12:58 PM
Parent: #1
| Quote: أو قوقلو أرشيف المنبر.. |
بلاهي ..؟؟
قوقل انت .. باين عليك لسه ماتبت ...
|
Post: #7
Title: Re: ( كدة ما كويس ) .. أو معا لمحاربة العادات الضارة .... !!
Author: محمد فرح
Date: 01-30-2007, 01:08 PM
Parent: #6
أستاذ الطاهر
أشكرك على فتح الباب لمعالجة العادات السودانيه القبيحه والتي مازالت منتشره شمالاً وجنوباً شرقاً وغرباً وأتمنى نتخلص منها لأنو العالم سبقنا بسنين ضوئيه طويله جداً وكثيرون منا مازالوا يتخبطون في جهل وأميه غريبه وتوجد مناطق في السودان عندما يدخلها الإنسان يحس كأنه ركب كبسولة الزمن بتاعة البت ألانا البرتكانه صاحبه التلاته شامات الجميلات المصنقرات جنب أضانها ورجع دشلمية قرن كده لي وراء .......
ومعاً لمحاربة العادات الضاره .....
قرصه :
ياأخوي شايفك بنجتني في البوست بتاع مهند البهناك داك .
|
Post: #11
Title: Re: ( كدة ما كويس ) .. أو معا لمحاربة العادات الضارة .... !!
Author: الطاهر ساتي
Date: 01-30-2007, 06:15 PM
Parent: #7
| Quote: العالم سبقنا بسنين ضوئيه طويله جداً وكثيرون منا مازالوا يتخبطون في جهل وأميه غريبه وتوجد مناطق في السودان عندما يدخلها الإنسان يحس كأنه ركب كبسولة الزمن بتاعة البت ألانا البرتكانه صاحبه التلاته شامات الجميلات المصنقرات جنب أضانها ورجع دشلمية قرن كده لي وراء ....... |
|
Post: #8
Title: Re: ( كدة ما كويس ) .. أو معا لمحاربة العادات الضارة .... !!
Author: مجاهد عبدالله
Date: 01-30-2007, 01:16 PM
Parent: #6
الأخ الأستاذ الطاهر
سلامٌ من الله عليك
Quote: بلاهي ..؟؟
قوقل انت .. باين عليك لسه ماتبت ... |
أستااااااااذ كبيييييييييييير
لكن مفتح...........
وبعدين ياعبد الرازق الزول ده ناس الإنقاذ محتارين فيهو تجي إنت وتقول ليهو قوقل..
المهم الأهم
خالص الود
|
Post: #9
Title: Re: ( كدة ما كويس ) .. أو معا لمحاربة العادات الضارة .... !!
Author: الطاهر ساتي
Date: 01-30-2007, 06:06 PM
Parent: #8
مجاهد .. كيفك
| Quote: لكن مفتح........... |
كيييييييييف ...
ابورزقة دايرلو رفيق يتقاسم معهو حكاية القوقلة ....
وتحياتى ليك
|
Post: #12
Title: Re: ( كدة ما كويس ) .. أو معا لمحاربة العادات الضارة .... !!
Author: celecon
Date: 02-26-2007, 09:40 PM
Parent: #1
الطاهر ساتى
كيفنك ... مالك حرنت وما واصلت ..
اهو دى برضو من العادات الضاره ..
ماتعلقنا .. تم الموضوع وورينا باقى الصور
تحياتى
|
Post: #13
Title: Re: ( كدة ما كويس ) .. أو معا لمحاربة العادات الضارة .... !!
Author: حليمة محمد عبد الرحمن
Date: 02-26-2007, 09:52 PM
Parent: #12
والله يا الطاهر لما قريت العنوان من برا، قلت في نفسي حقو الطاهر يتصل على ناس امنة عبد الرحمن، المراة المسئولة عن جمعية محاربة العادات الضارة بصحة الامومة والطفولة.. لكن بعدما دخلت البوست وشفت صورة الحمام الاستثنائي دي، غيرت رايي وقلت والله حقو امنة تتصل على الزول دا وتعرف منه ماهي العادات الضارة بصحة الفرد اول شئ.. بعدين المحيرني الزول دا ما خايف (الموية) دي تقطع؟
يا لطيف.. نحن عايزين صنفرة شدييييييدة خلاص..استيائي الشديد لا ينفي قناعتي شبه الاكيدة، بان هذا الاستحمام الجزئي، قد يكون مرتبطا ببعض الطقوس الاجتماعية، خاصة وانه عند بعض قبائل الجنوب، تصل العلاقة في بعض الاحيان بين افراد المجتمع والبقر مرحلة التقديس.. وساحاول الحصول على معلومات بهذا الخصوص..
تحياتي ..
النمرق ..
انا مساءة وقرفانة من الحمام دا..
مودتي ..
حليمة
|
Post: #14
Title: Re: ( كدة ما كويس ) .. أو معا لمحاربة العادات الضارة .... !!
Author: celecon
Date: 02-27-2007, 08:45 AM
Parent: #1
حليمة
| Quote: الزول دا ما خايف (الموية) دي تقطع؟ |
غايتو دى بالغتى فيها...
حليمة .. ياريت لو تتلكمى لينا عن بعض عادات القبائل
فى السودان .. والله الواحد بجد بيجهل حاجات كتيرة ، طبعا
انا لو سألونى قطع شك بقول دى صورة تركيب ، لكن كلامك
وما يعتقده البعض من اخواننا فى مختلف مدن السودان
تجدنى اترك ولو نسبة بسيطة ان الصورة حقيقية...
وياريت يجينا الاستاذ الطاهر بالمزيد كمان ليكتمل العقد...
|
|