Post: #1
Title: طرائف وغرائب الفيس بوك(سودانية مية المية)
Author: PLAYER
Date: 07-13-2010, 11:02 PM
ماما في الفيس بوك
دخلت البنت والتي في مرحلة المراهقة بيت والدها(الوالدان مفترقان) والزعل الشديد علي وجها.......
ابوها سالها: مالك زعلانة
ردت: أمي ....
ملا.........
في الفيسبوك.........
انا زاتي هناك ..المشكلة شنو.....
المشكلة في صورها الخاتاهو....
البنت فتحت صور ماما.... بابا هز راسوا ودنقر الواطة(فساتين ضيقة وقصيرة واخر مكياج...........ولا بنت في عمر الزهور وعمر المني)
|
Post: #2
Title: Re: طرائف وغرائب الفيس بوك(سودانية مية المية)
Author: PLAYER
Date: 07-13-2010, 11:32 PM
Parent: #1
حرب الزوجين علي الطريقة الفيسبوكية
وعدها قبل الزوج بقفل حسابه في الفيسبوك
ولكن بعده غير رايه بحجة المواصلة مع الأصدقاء والمعارف والأهل
لكن مشكلته كاي شاب أخر....الجنس اللطيف هن الغالبية في قائمته...
والزوجة غير مرتاحة لذلك....
وعندما فشلت في أخراجه من الفيسبوك قررت الدخول فيه و تذويقه نفس الطعم(بناء علي نصيحة الصديقات)
فتحت الحساب وبدات بأضافة أكبر عدد ممكن من الجنس الأخر....
وبدات الحرب الباردة.....
هو يضيف صديقة جديدة
هي تضيف صديق جديد
هو يكتب في صفحات صديقاته
هي تكتب في صفحات أصدقائها
هو ينزل صورة جديدة
هي تنزل صورة......
والساقية لسة مدورة.....
|
Post: #3
Title: Re: طرائف وغرائب الفيس بوك(سودانية مية المية)
Author: PLAYER
Date: 07-14-2010, 00:41 AM
Parent: #2
نسي يعمل sign out من الفيسبوك عملت ليهو sign out من حياتها
عضوان قديمان في الفيسبوك وجديدان في علاقة عاطفية كبداية الي محطة الزواج
تصارحا عن علاقتهما الغرامية السابقة ...والصداقات خاصة مع الجنس الأخر...........
أقترحت عليه عن يتبادلا الباصوورد للايميلات والفيسبوك....
لكنه أقنعها بذكاء قائلآ: يا حبيبتي انا واثق منك...ما محتاج اشوف رسائلك في الأيميل او الفيسبوك....لكن لو ما واثقة مني انا بديك الباصوورد بتاعتي.......
خجلت من كلامه ....ثم أعتذرت ...وحلفت ما تشيل الباصوورد بتاعتوا
ومرت الايام..........وكل شي علي يرأم
هي غيرت حالتها الأجتماعية الي مرتبطة .....
هو لا................
مرة زارته ووجدته مشغول باللابتوب..عندما راها طبق الكمبيوتر ولكن......... لم يقفلها او يعمل sign out من الفيسبوك ....
استاذان في الذهاب لسوبرماركت
جلست لوحدها والكمبيوتر....
فقررت ان تفتحه.......
ولحسن حظاها الكمبيوتر كان نائما ...
وصفحته بالفيسبوك صاحيه.......
ولسوء حظه نسي ان يـsign out
ورات ان لديه الكثير من الرسائل الخاصة
فدفعتها غريزة الأنوثة علي فتح بعضها
فكانت المفاجاة في انتظارها.........رسائل غرامية مع أكثر من واحدة...
وعندما رجع كان في أنتظاره مفاجأتان.............
الأولي: لقد عرفت أسراره.......وكشفت حقيقته
والثانية: أنهت العلاقة بينهما.........
او بلغة الفيسبوك: عملت ليهو sign out من قلبها ..... وdelate من حياتها.........
|
Post: #4
Title: Re: طرائف وغرائب الفيس بوك(سودانية مية المية)
Author: سناء عبد السيد
Date: 07-14-2010, 02:16 AM
Parent: #3
Quote: وعدها قبل الزوج بقفل حسابه في الفيسبوك
ولكن بعده غير رايه بحجة المواصلة مع الأصدقاء والمعارف والأهل
لكن مشكلته كاي شاب أخر....الجنس اللطيف هن الغالبية في قائمته...
والزوجة غير مرتاحة لذلك....
وعندما فشلت في أخراجه من الفيسبوك قررت الدخول فيه و تذويقه نفس الطعم(بناء علي نصيحة الصديقات)
فتحت الحساب وبدات بأضافة أكبر عدد ممكن من الجنس الأخر....
وبدات الحرب الباردة.....
هو يضيف صديقة جديدة
هي تضيف صديق جديد
هو يكتب في صفحات صديقاته
هي تكتب في صفحات أصدقائها
هو ينزل صورة جديدة
هي تنزل صورة......
والساقية لسة مدورة..... |
بلير يا صاحب بوست لفتة و لفتة بارعة ....ممكن نسميهو محن الفيس بوك
|
Post: #5
Title: Re: طرائف وغرائب الفيس بوك(سودانية مية المية)
Author: PLAYER
Date: 07-14-2010, 02:12 PM
Parent: #4
المحترمة سناء
| Quote: بلير يا صاحب بوست لفتة و لفتة بارعة ....ممكن نسميهو محن الفيس بوك |
شكرآ لك
والله فعلآ محن........اللذيذ انو اي زول ولا زولة مشترك في الفيسبوك مرة بمحنة علي الأقل....فيهو الببكي ...وفيهو البضحك.....البعض عمل خروج بلا عودة وأخرون مازالوا يتصارعون مع المحن
|
Post: #6
Title: Re: طرائف وغرائب الفيس بوك(سودانية مية المية)
Author: PLAYER
Date: 07-14-2010, 03:43 PM
Parent: #5
متزوجة في الواقع+غير متزوجة في الفيسبوك=طلاق
ربطهما حب قوي....
رغم أختلافهما في كل شي......المستوي التعليمي...والثقافي...والهوياتي
ورغم رفض اسرتها بقوة...الا انهما تزوجا امام أصرارها....
سافرت لبلد تاني بغرض العمل........
بينما كان جالسآ في بيته أتصل عليه أحد اصدقائه سائلآ: انت في الفيسبوك
لا..ماعندي شغلة بالكمبيوتر
ومرتك..............
ما عارف...........
طيب تعال لي حسي...
لما وصلوا لقاهوا فاتح الفيسبوك وصورة مرتوا وش........
دا شنو يا زول.....
شوف الصور ديل.......
زولك طير عيونوا ...ونفسوا يقوم وينزل مع كل صورة(صور مع بنات واولاد ...في البحر..في المول...في حفلات)....
ولما وصل حتة الحالة الأجتماعية لقاها غير متزوجة..........
عاين في أصبعها.......الدبلة مافي......
رفع الموبايل وقال ليها: انت طلقانة......
.
.
بعد تدخل أولاد الحلال ....وتحانيس.........رجعها.......
بشرط تجري تعديلات علي صفحتها في الفيسبوك.......
لانو حيراقبها.............
|
Post: #7
Title: Re: طرائف وغرائب الفيس بوك(سودانية مية المية)
Author: PLAYER
Date: 07-16-2010, 03:57 AM
Parent: #6
لا تصدق ما تقرإ وتري في الفيسبوك
زول الله وعلي نياتوا...
دايرة ليهوا بت حلال...سودانية صغيرة و جميلة ومثقفة....
دخل الفيسبوك ....وهاك يا تفتيش في بروفايلات البنات....
بعد خراج الروح... لقي واحدة بنطبق فيهو غالبية شروطوا....
حلوة جدآ في صورها الثلاثة.....ذائد الاتي:
Birthday: February 18, 1988
Relationship Status: Single
Interested In: Men
Current City:
Amsterdam, Netherlands
Hometown: Khartoum, Sudan
زولنا صرخ : أبشر بالخير..... وجدتها, وجدتها,وجدتها
أخونا بدإ الأتصالات عبر الفيسبوك ...ثم بالأيميل...وأخيرآ بالتلفون...... قبل اللقاء وجهآ لوجه........
مع كل أتصال أسئلة وأجوبة.......وأحيانآ معلومات أضافية
اها صاحبتنا قررت تكون صريحة و تديهوا شوية معلومات عنها.......
قالت :انا من مواليد 78
اخونا نط وقال: قلتي شنو
قالت: مطلقة وعندي طفل
قلتي شنو.........
انا اصلآ ما سودانية ...لكن عشت هناك
قلتي شنو....
الصور الشايفن ديل ما صوري.......تحب أرسل لك صوري الحقيقية.....
أخونا قفل التلفون........وحسابوا في الفيسبوك........
وغير نمرة تلفونوا....والأيميل......
وقرر يمشي يفتش عروستوا في السودان.......
|
|