Post: #1
Title: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-09-2010, 06:43 PM
Parent: #0
حاجة غريبة............وتحير.................مش كدا
مثلآ
في أمريكا وأروبا وأستراليا...الله ما كتر الا الأسر السودانية العندهم بنات زي القمر..............وفي سن الزواج.
ويحير أكثر...................
لو عرفت انو الكثيرين من الشباب السوداني ارتبط في علاقات عاطفية مع سودانيات برة.........لكن بعد داك مشوا عرسوا في السودان .
سالنا عن الأسباب......................فقالوا:-
|
Post: #2
Title: Re: لــــــيه السودانين البرة بعرسوا من السودان ويخلوا البنات المعاهم?
Author: على ميرغني
Date: 09-09-2010, 06:47 PM
Parent: #1
القالو كلام ما صاح
|
Post: #4
Title: Re: لــــــيه السودانين البرة بعرسوا من السودان ويخلوا البنات المعاهم?
Author: smart_ana2001
Date: 09-09-2010, 06:53 PM
Parent: #2
سلامات بلير و كل سنة و انت طيب
الكلام ده من اصلوا ما صحيح
كل الشباب البعرفهم بيفتشوا السودانيات فى ولايتهم (اول حاجه). بعد كده بيشوفوا الولايات المجاورة. و اخير بيبدوا يفتشوا كل امريكا. و اخر خيار بيكون السودان.
و الموضوع فى النهاية بيكون بس لوجستك. لانو صعب (فى اغلب الاحيان) انك تجيب عروس من السودان.
|
Post: #9
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 01:47 AM
Parent: #4
العزيزة smart ana
عيدك سعيد
| Quote: كل الشباب البعرفهم بيفتشوا السودانيات فى ولايتهم (اول حاجه). بعد كده بيشوفوا الولايات المجاورة. و اخير بيبدوا يفتشوا كل امريكا. و اخر خيار بيكون السودان. |
تعرفي أكبر كذبة انوا الشاب يقول:بفتش عروسة سودانية في أروبا او أمريكا وما لقيت.....عشان كدا مشيت عرست في السودان(ديل ناوين من الاول)
تصدقي
الواحد من ديل لما يمشي السودان بلقي في أسبوع واحد عروسة وفي الأسبوع الثاني يعرس........معقولة
يا أختي ما تصدقي حكاية التفتيش دا.........
الموضوع جدية ونية مش تفتيش وبس
|
Post: #5
Title: Re: لــــــيه السودانين البرة بعرسوا من السودان ويخلوا البنات المعاهم?
Author: اميرة السيد
Date: 09-09-2010, 06:58 PM
Parent: #2
قالو شنو يا بليير عشان نتنور...
ورأي أن السودانيين خارج السودان عندهم رأي تاني في السودانيات المقيمات في الخارج باعتبار أنهن نسين التقاليد السودانية السمحة
والأصالة والحشمة السودانية,, وبيفتكروا أن البنت التي تربت خارج السودان ما بتكون عندها احترام لزوجها بعد الزواج عشان هي
اتربت على عادات غير سودانية...لكن الواقع يقول غير ذلك... ففي كل مشاهداتي للاسر السودانية في الخارج أن بناتهن غاية في الأدب
والحشمة والتمسك بالتقاليد السودانية السمحة,, وقد رايت أن معظم البنات السودانيات يرتدن المساجد ويحفظن القرآن ويلبسن اللبس
المحتشم ويعرفن عن التعاليم الاسلامي السمحة ما لايعرفنها البنات في داخل السودان...
أها هسع علي ميرغني قبل ما يقرأ الناس قالوا شنو قال ليك الكلام القالوا ما صاح...وأنا بأيده فعلا الكلام ما صاح!!
ولا رأيك شنو؟؟
|
Post: #7
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 01:07 AM
Parent: #5
| Quote: قالو شنو يا بليير عشان نتنور... |
العزيزة أميرة
قالوا:-
ما بتعن زواج
ما بعرفن شغل البيت
متكبرات ومغرورات
طلباتهن فوق الأحتمال
متحررات أكثر من اللازم
ما بحترمن الرجال
كسلانات
لهن علاقات سابقة
ما بسمعن الكلام
خياليات جدآ
وكلام تاني ماعارف اكتبوا كيف(حاولي اتخيلي بس ما تمشي بعيد)
|
Post: #32
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Hatim Elmaki
Date: 09-14-2010, 01:10 AM
Parent: #7
العزيزة أميرة
قالوا:-
ما بتعن زواج
ما بعرفن شغل البيت
متكبرات ومغرورات
طلباتهن فوق الأحتمال
متحررات أكثر من اللازم
ما بحترمن الرجال
كسلانات
لهن علاقات سابقة
ما بسمعن الكلام
خياليات جدآ
|
Post: #6
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 00:58 AM
Parent: #2
| Quote: القالو كلام ما صاح |
المحترم على ميرغني
صحيح وانا شفت بعيني......خلال السنوات الثلاثة الفاتت.... شخصيآ حضرت أكثر من عشرة حفلات عرس ....ثلاثة بس من أمريكا[واحدة العروس ما سودانية], وأثين من مصر.......والباقي كلوا العروس من السودان .....
|
Post: #33
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Hatim Elmaki
Date: 09-14-2010, 01:15 AM
Parent: #6
الاخ بلير كيف الاحوال
انا قبل كدة كتبت مقال تحت عنوان بطلب فول وعدس تزوج خواجية
قال سودانية قال
بطلب فول وعدس تعرس خواجية
بطلب فول وعدس تزوج خواجية
قال سودانية قال
|
Post: #37
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-14-2010, 04:26 AM
Parent: #33
المحترم حاتم المكي
يا الف هلا بيك
Quote: بطلب فول وعدس تزوج خواجية
قال سودانية قال |
شكلك كدة ما من عشاق ولا من مشجعي المنتجات الوطنية
كدي براها كدا وريني وين محال ابو الرخص دا
حكمة اليوم
الرخيص برخصتو يوريك مغصتو....الا في الزواج
|
Post: #3
Title: Re: لــــــيه السودانين البرة بعرسوا من السودان ويخلوا البنات المعاهم?
Author: cantona_1
Date: 09-09-2010, 06:51 PM
Parent: #1
الأستاذ اللاعب .. (دي دعوة للتأصيل) .. كل عام وأنتم بخير.
الباكستانيين والهنود في بريطانيا في سنين هجرتهم الأولى كانوا قليلي العدد. عندما كبُر أبناءهم قرروا أن يزوجوهم بصورة تضاعف أعدادهم ليكون لهم كلمة ويصبحون مصدر قوة في بريطانيا. عندما تبلغ بنت مبلغ الزواج كان والدها يأخذها إلى الهند أو باكستان ويزوجها أحد أقاربه ويحضره إلى بريطانيا كزوج مواطنة وأيضاً في حالة زواج الذكور. يأتون لهم بزوجات من بلدانهم الأصلية. اليوم تضاعفت أعدادهم وصارت لهم كلمة في الاقتصاد البريطاني ولوردات في مجلس اللوردات ونواب في مجلس النواب. ولهذا نحن نشجِّع مثل هذا الزواج ولكن لأسباب أخرى ليس هنا مجال ذكرها. والله أعلم.
كبـّـاشي الصـّـافي
|
Post: #8
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Hisham Amin
Date: 09-10-2010, 01:29 AM
Parent: #3
بلير
امسك فى كلام اميرة دة وزد علة الاتى
البنت السودانية فى الغرب وخصوصا فى بلاد العم سام
متكبرة زيادة عن اللزوم وبتقول انة الراجل السودانى
1- ما بفهم
2- ما طموح
3- معقد
4- + انبهارهن بالعيون الخدراء واصحاب البشرة البيضاء والسمراء على السواء
فيلجأن الدخول فى علاقات عاطفية معهم والزواج منهم بحجة انهم دخلوا الاسلام
وفى وقت الزواج تجد الام والاب يرسمان ابتسامة زائفة تحكى عن مرارة غريبة
وكنا قد سمعن تعليق لاحد الامهات فى حفل ابنتها اه ه ه اسى المسلم الاصلى مالو
لكن دة اختيارها وعاد ما بنقدر نفتح خشومنا وبعد مرور عام تتفركش الزيجة دون طلاق
وترى الحسرات هنا وهناك .
بلير ..... ات تيك تو تو تانجو
المشكلة ما الرجال بس البنات برضو ليهم ضلع قوى فى هذة المشكلة.
وبجى
|
Post: #10
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 02:10 AM
Parent: #3
المحترم كباشي
قصدك الشباب البرة يمشي من جوة عشان يجيبوهن برة ...بس عشان ذيادة السودانين(الهنود والباكستانين عندهم كثافة نسبة كثافة سكانية كبيرة في بلادهم عشان كدة...بس نحن لا)
| Quote: ولهذا نحن نشجِّع مثل هذا الزواج ولكن لأسباب أخرى ليس هنا مجال ذكرها. والله أعلم. |
كده وريني الاسباب امكن أخيرآ أقتنع وامشي السودان واتزوج...ولا حتي برة
اقول لك حاجة
السودانيات البرة بعد الواحدة تفقد الأمل في ناس برة تمشي تفتش في السودان...المشكلة انوا الكثيرين بوافقوا ما حبآ فيها لا قناعة بالزواج....لكن ...كمخرج من السودان......
كدي اتخيل مستقبل نوع الزواج دا
|
Post: #11
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 02:11 AM
Parent: #10
العزيز هاشم أمين
الاسباب الذكرتها صحيح...عشان كدا الكثيرين مشوا عرسوا في السودان
واذا بناتنا البرة ما خلن الكلام دا......يشيلو بورتن براهن
او
يشوفن جنسيات أخري
|
Post: #12
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 03:18 AM
Parent: #11
طبعآ شباب الخليج معذورين .....ولهم الحق يخلوا البنات الهناك,ويمشوا يعرسوا في السودان...................
لان غالبية الأسر السودانية هناك أخدوا عادات الخليجيين(خاصة ناس السعودية) وبقوا يدسوا البنات من الشباب..........
بتذكر لما كنت في السعودية(جدة)....كنا مجموعة شباب بنحاول نزور بيوت الأسرة الفيها البنات عشان نتعرف بيهن وربنا يجعل فيها النصيب بدل تلتلة المشي للسودان...........
لكن اول ما يشوفونا في الباب يقوم يرسلوا البنات جوة.........
ويجي الحاج والحاجة يتونسوا معاكم....
ويشبكوك الأهل كيف في السودان..........
والشغل كيف.....
لما تكره اليوم دا..........
مرات تقرب تقول لهم...والله جيت اتونس مع البنات ...
لكن
بس تقوم تقطع الزيارة
والغريبة يسالوك: ما تقعدوا شوية............
ويستغربوا لما الوحد يمشي السودان يتزوج
...........................
غايتوا الجاب فكرة بنات الخليج يمشن يكملن قرايتن في السوادان الله يديهو الجنة.............
|
Post: #13
Title: Re: لــــــيه السودانين البرة بعرسوا من السودان ويخلوا البنات المعاهم?
Author: قاسم المهداوى
Date: 09-10-2010, 06:10 AM
Parent: #12
سلام صاحب البوست
حضور اضطرارى زى الهبوط الاضطرارى
وايضا لزوم عتالة البوست
وعيدية والقابلة تتحقق الامنيات
قاسم
|
Post: #14
Title: Re: لــــــيه السودانين البرة بعرسوا من السودان ويخلوا البنات المعاهم?
Author: SHIBKA
Date: 09-10-2010, 06:13 AM
Parent: #12
Quote: ورأي أن السودانيين خارج السودان عندهم رأي تاني في السودانيات المقيمات في الخارج باعتبار أنهن نسين التقاليد السودانية السمحة
والأصالة والحشمة السودانية,, وبيفتكروا أن البنت التي تربت خارج السودان ما بتكون عندها احترام لزوجها بعد الزواج عشان هي
اتربت على عادات غير سودانية...لكن الواقع يقول غير ذلك... ففي كل مشاهداتي للاسر السودانية في الخارج أن بناتهن غاية في الأدب
والحشمة والتمسك بالتقاليد السودانية السمحة,, وقد رايت أن معظم البنات السودانيات يرتدن المساجد ويحفظن القرآن ويلبسن اللبس
المحتشم ويعرفن عن التعاليم الاسلامي السمحة ما لايعرفنها البنات في داخل السودان...
أها هسع علي ميرغني قبل ما يقرأ الناس قالوا شنو قال ليك الكلام القالوا ما صاح...وأنا بأيده فعلا الكلام ما صاح!!
|
اؤيد كلام اميرة
والمشكلة دي برضو في الخليج
في كمية من الشباب وكمية من البنات في سن الزواج
لكن مافي الفكرة بتاعة انو الشاب يشوف البنات الحولو بعدين يمشي السودان
اها يعرس في السودان يغلبو يعمل ليها اقامة
اها يبقى في مكان وهي مكان
لكن لو اختصر وشاف الحوالينو على الاقل مشكلة الاقامة محلولة
لكن تقول شنو؟؟
ولما يمشي السودان برضو بعرس غريبة منو يعني ما بت عمو ولا بت خالو
يعني غريب لغريب خليك في الحوالينك ديل
ولى شنو؟
في مشكلة في البحرين كمان
الجنسية البحرينية
يعني تلقى كمية من السودانيات الاصل واخدن الجنسية البحرينية
ببقوا لا السودانين راضين بيهم ولا البحريين راضين بيهو
ودي برضو سبب من اسباب عدم زواج الكثيرات
في السعودية
القفلة الاكتر من اللازم برضو سبب
وكتير كتير
|
Post: #15
Title: Re: لــــــيه السودانين البرة بعرسوا من السودان ويخلوا البنات المعاهم?
Author: النذير حجازي
Date: 09-10-2010, 07:11 AM
Parent: #14
العزيز بلير، كل عام وأنتم بألف خير
أنا بتفق مع أختي سمارت أنا (وكل سنة وإنت طيبة يا سمارت) وأضف إليه
هو أن عدد الذكور في البلاد الغربية أكبر بكثير من عدد الإناث، وذلك
نسبة لكثرة هجرة الشباب العزاب للدول الغربية، وشح هجرة الأسر إليها
تحياتي
|
Post: #16
Title: Re: لــــــيه السودانين البرة بعرسوا من السودان ويخلوا البنات المعاهم?
Author: خضر الطيب
Date: 09-10-2010, 12:28 PM
Parent: #15
الاخ بلير والاخوه المتداخلين
لكم التحية والتقدير
وكل عام وانتم بالف خير
الموضوع شائك ومعقد وله عدة جوانب متداخله, من وجهة نظري المتواضعه انا بشوف انك تتزوج من البلد القاعد فيها دا حل مناسب وسهل جدا وانا بتكلم بالتحديد عن الدول الغربية من ناحية اجرائية ومن ناحية فهم الطرفين
لنظام البلد الموجودين فيهو ومن ناحية اخرى ودي الاهم انو بكون في زمن متاح وظروف متاحه لانك تتعرف على البنت عن قرب وفي الغالب الناس بتصل لي اتفاق بدون اي ضغوط اذا كانو فعلا جادين, انا شخصيا من انصار الزواج
المحلي في بلد الاقامه.
بالنسبة للفهم السائد الذكرتو يابلير عن البنات السودانيات في اوربا وامريكا هو للأسف الفهم السائد لدي الاغلبية وفيهو ظلم كبير لكثير من البنات لانو اغلبو مجرد كلام متناقل للاسف اضر بالكثير من البنات السودانيات
بالخارج , دا بالتأكيد مابنفي من وجود بعض التجاوزات من بعض البنات السودانيات والشباب السودانيين على حد سواء, عليه ومن وجهة نظري الخاصه اي انسان ربنا اداهو العقل علشان يميز الخبيث من الطيب بس الناس تتوكل
على الله وتقرب اكثر من البنات وينسو الاحكام المسبقه دي لانها حتكون حاجز كبير بينهم وبين الزواج , اما الحل في انو الواحد يمشي اسبوع السودان ويتزوج اي بنت بعد اسبوع انا شخصيا ضد الفكره دي نهائي.
بتفق تماما مع كلام الاخت اميره السيد وهي واحده من البنات السودانيات العايشات بالخارج من فتره طويله , عليها مهمة شاقه لتغيير الفهم دا نسبة لعلاقاتها المتعدده مع كثير من الاسر السودانيه والبنات السودانيات بالتحديد
مع علمها التام بان هذه المشكله اصبحت تؤرق الكثير من اولياء الامور في المهجر ,والبوست دا فرصه طيبه لتغيير الفهم دا من خلال طرح ايجابيات وحكايات حقيقة , والله المستعان.[/B]
حكمة اليوم:[/B]
| Quote: لــــــيه السودانين البرة بعرسوا من السودان ويخلوا البنات المعاهم? |
زامر الحي لايطرب
|
Post: #17
Title: Re: لــــــيه السودانين البرة بعرسوا من السودان ويخلوا البنات المعاهم?
Author: عثمان محمد كرار
Date: 09-10-2010, 02:59 PM
Parent: #16
اها ياجماعة الخير خلونا في الجد وشوفو لينا عروس من سودانيات امريكيا ديل نحن هنا ماعندنا سودانيات
|
Post: #18
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 03:56 PM
Parent: #17
الاعزاء
قاسم مهداوي
شكرآ لك......وكل عيد وانت سعيد
عثمان محمد كرار
الله يدينا ويديك
(بيني وبينك ..بنات أمريكا بعتبرن سودانين الدول الاخري رجال عالم ثالث.......يعني الا عند الضرورة القصوي فقط)
|
Post: #24
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 05:34 PM
Parent: #16
المحترم خضر
عيد مبارك عليك
Quote: بالخارج , دا بالتأكيد مابنفي من وجود بعض التجاوزات من بعض البنات السودانيات والشباب السودانيين على حد سواء, عليه ومن وجهة نظري الخاصه اي انسان ربنا اداهو العقل علشان يميز الخبيث من الطيب بس الناس تتوكل
على الله وتقرب اكثر من البنات وينسو الاحكام المسبقه دي لانها حتكون حاجز كبير بينهم وبين الزواج , اما الحل في انو الواحد يمشي اسبوع السودان ويتزوج اي بنت بعد اسبوع انا شخصيا ضد الفكره دي نهائي. |
باتفق معاك تمامآ في الكلام لاني عشت الكثير منه واقعيآ........
مشكلتنا كشباب سودانين بحب ونكره البنات علي حسب كلام الناس......
مثلآ: اذا قالوا فلانة كعبة....مابنقربها تاني...بدون مانعرف ليه كعبة
او نتأكد انها عملت شي كعب ...او نتفهم ظروفها....
ومشكلة بناتنا بناتنا خاصة البرة بحكمن علي الراجل من مظهرو الخارجي..لبسو, شكله, مشيتو.......(دا بلدي,متخلف,جاهل)...بدون التعمق لمعرفة أخلاقه,مسئوليته,أحترامه...
| Quote: مع علمها التام بان هذه المشكله اصبحت تؤرق الكثير من اولياء الامور في المهجر ,والبوست دا فرصه طيبه لتغيير الفهم دا من خلال طرح ايجابيات وحكايات حقيقة , والله المستعان... |
تعرف انو الكثير من الاسر السودانية في الغرب(خاصة في أمريكا)...هم سبب رئيسي في هروب الشباب الي السودان للزواج...بنظرتهم التقليدية السلبية.
مثلآ
في امريكا الشباب تجاوزو ونسوا الفوارق الاجتماعية والقبلية والجهوية بينهم.....بينما ما زال في عقول بعض الاباء والامهات.............
يتم التعارف والتقارب بين البنت والولد بصورة طبعية وبسيطة.....وعندما
يتقدم الشاب للزواج...يبدأ الآسر في طرح الاسئلة الغريبة:ما قبيلته,من هم أهله,من اي جهة في السودان......
عندها يتم الرفض بان البنت محجوزة لقريبها(حتي السودان الكثيرين لا يهمهم الا كفاءة الشاب واخلاقه واستعداده لاسعاد بنتهم)
اتمني ان يكون حكم الاسر علي الشاب من خلال شخصه
شكرآ لك
|
Post: #19
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 04:14 PM
Parent: #15
المحترم النذير
| Quote: عدد الذكور في البلاد الغربية أكبر بكثير من عدد الإناث، |
كلامك صاح.......لكن ما تنسي انو نسبة العنوسة اكبر بكثير فيها من الدول الشرقية.....وكذلك سن الزواج متاخرة جدآ للطرفين....دا المشكلة
كل عام وانت بخير
|
Post: #20
Title: Re: لــــــيه السودانين البرة بعرسوا من السودان ويخلوا البنات المعاهم?
Author: حسن النعمان
Date: 09-10-2010, 04:26 PM
Parent: #19
اخي صاحب البوست كل عام وانتي بخير
سودانيه عانس ولاصاحبه 100
|
Post: #21
Title: Re: لــــــيه السودانين البرة بعرسوا من السودان ويخلوا البنات المعاهم?
Author: SHIBKA
Date: 09-10-2010, 04:38 PM
Parent: #20
| Quote: (بيني وبينك ..بنات أمريكا بعتبرن سودانين الدول الاخري رجال عالم ثالث.......يعني الا عند الضرورة القصوي فقط) |
وتيب
|
Post: #26
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 06:04 PM
Parent: #20
| Quote: سودانيه عانس ولاصاحبه 100 |
ما في طريقة نديهن فرصة أخيرة 101
عيد مبارك عليك يا العزيز حسن النعمان
|
Post: #22
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 04:59 PM
Parent: #14
Quote: والمشكلة دي برضو في الخليج
في كمية من الشباب وكمية من البنات في سن الزواج
لكن مافي الفكرة بتاعة انو الشاب يشوف البنات الحولو بعدين يمشي السودان |
العزيزة شبكة
شكرآ لك لانك ذكرت بعض الاسباب والتي بأيجاد حلول لها يمكننا المساعدة في حل المشكلة..........
شخصي كانسان عاش فترة شباب في السعودية وجهي نظري كالاتي:
1/علي السودانية تشجيع الشباب من الطرفين علي التعارف عن الزيارات...وفي المناسبات الأجتماعية.
2/ علي السودانيات عدم الحكم علي الشاب السوداني من شكله او عمله او درجة تعليمه...والتعمق أكثر في شخصيته لمعرفته أكثر ...ثم الحكم عليه
3/ علي الشباب السوداني عدم الاعتماد علي القيل والقالوا في الحكم علي أخلاقيات البنات....محاولة التقرب منهن للتعرف عليهن أكثر.
Quote: يعني تلقى كمية من السودانيات الاصل واخدن الجنسية البحرينية
ببقوا لا السودانين راضين بيهم ولا البحريين راضين بيهو. |
يا ناس البحرين عليكم الله ورونا اسباب رفض الزواج من الشابة السودانية البحرينية?........
ياريت لو تذكري القليل من هذا الكثير...حتي تفيدي ونستفيد
مبروك العيد
|
Post: #23
Title: Re: لــــــيه السودانين البرة بعرسوا من السودان ويخلوا البنات المعاهم?
Author: SHIBKA
Date: 09-10-2010, 05:13 PM
Parent: #22
بلاير
عيدك مبارك
Quote:
شخصي كانسان عاش فترة شباب في السعودية وجهي نظري كالاتي:
1/علي السودانية تشجيع الشباب من الطرفين علي التعارف عن الزيارات...وفي المناسبات الأجتماعية.
2/ علي السودانيات عدم الحكم علي الشاب السوداني من شكله او عمله او درجة تعليمه...والتعمق أكثر في شخصيته لمعرفته أكثر ...ثم الحكم عليه
3/ علي الشباب السوداني عدم الاعتماد علي القيل والقالوا في الحكم علي أخلاقيات البنات....محاولة التقرب منهن للتعرف عليهن أكثر.
|
بالنسبة للسبب الاول السودانية ما بتقدر تتشجع على الزيارات والتعارف لانو اصلا ما اتعودت علي كدا
او العيشة في السعودية مقفلة وعدم الاجازات السنوية بتخلي البنات محصورات في نطاق ضيق
من الناس
يعني تلقى الاسر البتتلاقيهم الليلة نفسهم البتلاقيهم السنة الجاية بالتالي ما في جديد ولا تجديد
وتاني في اولياء امور متزمتين في موضوع ملاقاة الشاب لابنته سواء في البيت او من خلال الاسرة
وما بنتبهوا للكلام دا الا بعد بناتهم يفوتهم قطار الزواج
ودا سبب لكثير من العزلة البتعيشها البنات في الخليج وخصوصا السعودية
النقطة التانية
طيب تحكم عليه كيف اذا كان حدود المعرفة بتبدا بانو فلان
قريب فلان
او شغال في الحتة الفلاينة
او قرا الحاجة الفلانية
ومن الشكل لانو اصلا ما بتلاقيهو كتير بالتالي بكون من الانطباع الاول
رغم اني ما مع الانطباع دا ابدا لكن واقع
النقطة التالتة
اؤيد فيها كلامك كاملا واضيف ليها على الشابات اعطاء الشباب الفرصة للتقرب منهن
من ضمن الاسباب التانية
عدم السفر للاجازات للسودان وبالتالي ما بكون فكرة عن التعامل مع الجنس الاخر
لانو التعامل في السودان من خلال العم والخال وود العم وود الخال اكيد بزيد من معرفة الواحدة بالتعامل مع المجتمع الخارجي
|
Post: #25
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-10-2010, 05:59 PM
Parent: #23
Quote: السودانية ما بتقدر تتشجع على الزيارات والتعارف لانو اصلا ما اتعودت علي كدا
او العيشة في السعودية مقفلة وعدم الاجازات السنوية بتخلي البنات محصورات في نطاق ضيق
من الناس
يعني تلقى الاسر البتتلاقيهم الليلة نفسهم البتلاقيهم السنة الجاية بالتالي ما في جديد ولا تجديد
وتاني في اولياء امور متزمتين في موضوع ملاقاة الشاب لابنته سواء في البيت او من خلال الاسرة
وما بنتبهوا للكلام دا الا بعد بناتهم يفوتهم قطار الزواج
ودا سبب لكثير من العزلة البتعيشها البنات في الخليج وخصوصا السعودية
النقطة التانية
طيب تحكم عليه كيف اذا كان حدود المعرفة بتبدا بانو فلان
قريب فلان
او شغال في الحتة الفلاينة
او قرا الحاجة الفلانية
ومن الشكل لانو اصلا ما بتلاقيهو كتير بالتالي بكون من الانطباع الاول
رغم اني ما مع الانطباع دا ابدا لكن واقع |
في الحالة دي ...الشغل من اولها ما نجيض.......والنئ برجع النار
كدي أتخيلي انو تم العرس بناء علي هذا النوع من التعارف....وبعدين عرفتي انو بشرب او بدخن او أخلاقوا ضيقةاو كداب او رفضوا خمسة بنات قبال كدا..او فاسخ ليهو ثلاثة خطوبات...الخ.
ما أحسن تعرفي من الاول وتحضري مشاعرك....بدل المفاجاة والصدمة
لابد ما ايجاد طريقة لمعرفة شريك/ة الحياة قبل لارتباط به/ا...لتفادي الكثير مستقبلآ...او لتسهيل التفاهم بين الطريفين......
واتمني ان يتفهم الاسر ان كل شي في الدنيا اذا ذاد عن حده بنقلب ضده...
حتي حبهم وحرصهم علي تربية بنتهم احسن تربية
|
Post: #27
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Abdlaziz Eisa
Date: 09-11-2010, 09:07 AM
Parent: #25
Quote:
سالنا عن الأسباب......................فقالوا:- |
العزيز Player
كل عام وانتم بخير
انتظرت الأسباب..
لكن لقيتها ما مقنعة..
الزول العاش فترة طويلة برة أفضل له الزواج بسودانية برة أو أجنبية من البلد التي يعيش فيها..
للأسباب المذكورة آنفاً..
ولأشياء تانية بنرجع ليها..
تحياتي
|
Post: #28
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-13-2010, 00:28 AM
Parent: #27
المحترم عبدالعزيز عيسي
عيد مبارك
| Quote: انتظرت الأسباب..لكن لقيتها ما مقنعة.. |
كلامك صحيح الاسباب دي مامقنعة فعلآ(أصحابها ناس حجج وبس),,,,,,
| Quote: الزول العاش فترة طويلة برة أفضل له الزواج بسودانية برة أو أجنبية من البلد التي يعيش فيها.... |
ايجابيات زواج زولة برة في نظري(بالنسبة الزول العاش فترة طويلة برة )
1/علي الأقل الزولة دي بتفهم الظروف العايش فيهو(ناس السودان بفتكرو انك عايش في جنة)
2/سهولة أجراءات الزواج ولم شمل الزوجين في بيت واحد.
| Quote: ولأشياء تانية بنرجع ليها.. |
في الانتظار
|
Post: #29
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Abdlaziz Eisa
Date: 09-13-2010, 04:06 AM
Parent: #28
Quote:
ايجابيات زواج زولة برة في نظري(بالنسبة الزول العاش فترة طويلة برة )
1/علي الأقل الزولة دي بتفهم الظروف العايش فيهو(ناس السودان بفتكرو انك عايش في جنة)
2/سهولة أجراءات الزواج ولم شمل الزوجين في بيت واحد.
|
الأخ العزيز/ PLAYER
كل عام وانتم بخير..
النقاط الفوق دي ممكن تكون ايجابية لحد ما.. لأن المسألة في الأول والآخر تعتمد على البنت وذويها وفهمهم لأمور الزواج ببلاد برة..
ما كنت أود قوله هو:
في العقدين الماضيين هنالك تغيير بل تحول كبير في النمط والسلوك المجتمعي السوداني..
الغوغائية التي أهلكت جل الشباب في الحرب..
الغوغائية الدينية التي أفقرت الشباب لروح الحوار وتبادل الأفكار..
المحسوبية الإقتصادية التي صنعت طبقات مترفقة وغالبية مسحوقة..
والطبقات المترفة هذه نمت من السحت فاقدة ضمير ووعي فأفسدت أخلاقيات الكثيرين..
كل هذه العوامل خلقت gap كبير بين من عاش زمناً طويلا في الخارج وأهل الداخل..
|
Post: #31
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-14-2010, 00:16 AM
Parent: #29
المحترمAbdlaziz Eisa
تحية طيبة
| Quote: كل هذه العوامل خلقت gap كبير بين من عاش زمناً طويلا في الخارج وأهل الداخل.. |
كلامك صحيح 100% عن الفراغ/فجوة(GAP) والذي اتسعت مع مرور السنين خلال الاقامة الطويلة بعيدآ السودان وما من هم في الداخل خاصة في النظرة علي علي أشياء كثيرة في الحياة.
لكن مشكلة لا يعطون تلك الفراغ/فجوة(GAP) أهتمامآ كبيرآ,اعتقادآ منهم بان زيارتهم للسودان خلال الأجازات(والاقامة شهر او أثنين) كافيآ لملء تلك الفجوة ناسيآ الاتي:-
1/ خلال أجازتهم في السودان يعيشون حياتهم اليومية كما كانوا في الخارج.
2/ قصر الاقامة في الداخل لن يغير بسهولة طول الاقامة في الخارج.
اما في الذين يذهبون للزواج في الداخل فان تلك الفراغ/فجوة(GAP) لا يظهر خلال مراسم الزواج او خلال شهر العسل او اثناء تبادل الاحاديث التلفونية بعد عودتهم الي الخارج(لان كلاهما ما زال يعيش في عالمه الخاص)........
لكن تلك الفراغ/فجوة(GAP) تظهر بوضوح كبير عندما يجتمع الزوجين في بيت واحد وينتهي شهور المجاملات, حيث يظهراثارها في طريقة التفكير في كثير من الأشياء والنظرة اليها...
هنا تحاول الزوجة جاهدة للعبور الي ناحية الزوج(القلة تنجح,والكثيرات يفشلن)..اما الزوج فيبدا في فقدان صبره ,ويذداد تذمره(نقته) علي عدم تفهم زوجته له, ويتسائل في نفسه
WHY DID I MARRIGE THIS WOMAN
|
Post: #62
Title: Re: لــــــيه السودانين البرة بعرسوا من السودان ويخلوا البنات المعاهم?
Author: امير بشير حمد
Date: 09-17-2010, 02:15 AM
Parent: #31
فوق
|
Post: #64
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-17-2010, 12:20 PM
Parent: #62
المحترم امير بشير
شكرآ لزيارة البوست .....ورفعها
|
Post: #30
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Hisham Amin
Date: 09-13-2010, 04:09 AM
Parent: #28
يا بلير
يا مان اعمل بنصيحتى وخليك من الحلول
انسى وعيش حياتك يا مان وشوف ليك واحدة تفهمك وتفهمها وما شرط تكون سودانية
لانو السودانية بقت عايشة حياتها زى ما بتشوف ونصيحة تانية
انسى الماضى الجميل
|
Post: #34
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-14-2010, 01:23 AM
Parent: #30
المحترم هاشم
| Quote: انسى وعيش حياتك يا مان وشوف ليك واحدة تفهمك وتفهمها وما شرط تكون سودانية |
نصايحك جميلة جدآ.....الله يديك العافية
الواحد عاش فترة طويلة جدآ في حالة عدم استقرار اختياري ما بين السودانية والاجنبية...وما بين زولة بره ولا جوه(الاهل الاصحاب جهجهو افكارنا باختلاف أراءهم)................
لكن حسب كلامك الواحد بحكم انو عايش برة يركز برة...واليجيبوا الله كل خير ...أكان سودانية ولا أجنبية(الواحد يرقد الجنب البريحو)
حكمة اليوم
أحينآ...أحسن حاجة تنسي وتعيش
|
Post: #36
Title: Re: لــــــيه السودانين البرة بعرسوا من السودان ويخلوا البنات المعاهم?
Author: محمد النيل
Date: 09-14-2010, 01:31 AM
Parent: #34
| Quote: لــــــيه السودانين البرة بعرسوا من السودان ويخلوا البنات المعاهم? |
لانو العروس اللى فى امريكا واوربا ما محتاجة تمشى لامريكا واوربا....
وعشان كدا من السهل يتزوجوا فى السودان فى اقل من اسبوع
افهما!!!!
سؤالك فى الصميم
واتمنى اجابتى تكون فى اصم الصميم
|
Post: #38
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-14-2010, 04:58 AM
Parent: #36
ودالنيل
Quote: وعشان كدا من السهل يتزوجوا فى السودان فى اقل من اسبوع
افهما!!!!!! |
فهمتها.......................
والله ضحكتني ضحك............
تحياتي
|
Post: #35
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Tragie Mustafa
Date: 09-14-2010, 01:26 AM
Parent: #30
عادل بلير سلام وعيدك مبارك وكل عام وانت بخير.
يا حبيب كلامك صاح
وكلام اسمارتي برضو صاح.
لكن الحقيقه انه كلهم دائرين في حلقه مفرغه.
صحيح انه الشباب من ناحيه عارفين انه الموجوده معاهم
اسهل لهم يعني الزواج ممكن يتم بسرعه بدلا عن انتظار الاجراءات
العقيمه احيانا.
وكلام بلير صاح من حيث السوداني عايز يفتش في امريكا سودانيه مقيمه معاهو
بعيون العصر الحجري!!
والكلام دوما عن (قوة الراس) وحبهم للطاعه!!
ودي ما بلقاها عند القاعده هنا ومفتحه وعارفه حقوقها زي الريال ابو عشره.
الموضوع لا تحلل ولا اباحيه ولا سؤ اخلاق
فقط الرجال بيفتقد حكاية القشره بانه قاعد في امريكا مثلا!!
لانها قاعده معاهموا ودي بالنسبه ليها ما قضيه
القضيه معاملته ودخله وسلوكه!
في دي فعلا البنات بخطأن لما عايزين يحسبوها حسابات امريكا
وهمهم الدخل العالي وبتنسى انه الراجل المن بلدها افضل ليها
من مية غريب دخله اعلى لانه نسبة التفاهم بينهم كناس من بلد واحده
بتكون اكبر(رغم هنالك استثناءات دوما) لذا يصعب التعميم في العلاقات الانسانيه.
كذلك بحث الرجال عن الطاعه العمياء دي ما بتجيء وآخير لهم يقبلوا بالنديه
لانه الزوجه النده برضو لها فوائدها فهي امراه قويه وما بتنسكر في غيابك بسهولة.
ناس الطاعه العمياء ديل ممكن اي زول يغشهم برضو بسهولة!!
وبين هذا وذاك تضيع اعمار الشباب وفعلا مشكله عويصه يا بلير
انا اعرف اعداد مهوله تبحث عن زوجات وكذلك نساء يبحثن عن ازواج
والكل ضائع وعمره تأكله السنين وهم بينظروا!!
خليهم يشبعوا تنظير.
بس انت ما تنظر يا بلير كثير و الحق روحك(هههههههه)
|
Post: #39
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-14-2010, 12:08 PM
Parent: #35
العزيزة ام حازم
كل عيد وانت سعيدة
| Quote: بس انت ما تنظر يا بلير كثير و الحق روحك(هههههههه) |
كلامك في محلو أحسن لي الحق نفسي قبال ما القطر يفوتني....ساعديني بالتفتيش في كندا...وانا بفتش في أمريكا.........
ناس أروبا ديل انا شاميهم(كان في واحدة انا بريدها هناك...مشت السودان زيارة ...قام ابوها زوجها لود عمها وانا طلعت ملوس وبقدة القفة...المهم الزواج ما تم سنة طرشق)...........
| Quote: وهمهم الدخل العالي |
دا بجيب واحد من أثنين: بورة لان اي زول بشوف السعر العالي بتخارج بدون رجعة....او.....طلاق سريع بعد الزواج لان الهدف تكوين ثروة وليس تكوين أسرة.
Quote: كذلك بحث الرجال عن الطاعه العمياء دي ما بتجيء وآخير لهم يقبلوا بالنديه
لانه الزوجه النده برضو لها فوائدها في امراه قويه وما تنسكر في غيابك بسهولة.
ناس الطاعه العمياء ديل ممكن اي زول يغشهم برضو بسهولة!! |
تعرفي 75% من الرجال السودانين برة ولا جوة دايرين المراة المابتفتح خشمها الا بنعم.. التشوف انت ..والراي رايك يا سيد البيت...بالرغم انو اكثر الأسر نجاحآ واستقرار في بلاد برة الذين يتشاوران في كل صغيرة وكبيرة .
| Quote: وبين هذا وذاك تضيع اعمار الشباب |
ربنا يكون في العون
|
Post: #40
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Hisham Amin
Date: 09-14-2010, 01:37 PM
Parent: #39
اها
طالما اقتنعت
عمرك كم مع كامل الاوصاف
خلينا نشوف لينا شغلة غير السياسة الماجايبة همها دى
|
Post: #41
Title: Re: لــــــيه السودانين البرة بعرسوا من السودان ويخلوا البنات المعاهم?
Author: نور الدين عثمان
Date: 09-14-2010, 03:01 PM
Parent: #40
بلير وكل الموجودين كل عام وانتو بخير وعندى اقتراح يابلير وهو :
عمل صفحة ثابتة فى سودانيز اولاين هدفها التعارف والزواج وتكون برعايتك يابلير وخاصة انا اعرف بوردابى ناشط جدا وناجح فى مسالة تزويج الغير متزوجين من الخارج او داخل السودان .
وبالتوفبق انشاء الله
|
Post: #42
Title: Re: لــــــيه السودانين البرة بعرسوا من السودان ويخلوا البنات المعاهم?
Author: عزيز عيسى
Date: 09-14-2010, 04:51 PM
Parent: #41
العزيز عادل بلير،
كل عام وأنتم بخير..
يا عادل خلاص أنا فهمتك إنت نويت على العرس..
وبتعمل في طلعات إستكشافية على طريقتك الخاصة.
والمثل السوداني الفصيح بيقول: (اللي في راسو أبو الحرقص
براهو بيرقص).. أبو الحرقص دا شنو هو ذاتو؟
يازول سيبك من قالوا وقلنا..
المهم تكون جاهز موية ونور يا حبيب!!
ياخي هوستن دي مليانة بنات ذي الورد مؤدبات ومتعلمات
ومثقفات ومتأكد إنه أولياء أمورهم فقط منتظرين إشارة منكم
إنتو الشباب لكي تتقدموا.. لكن ما عارف ليه (متقاعسين)
أو متخوفين من الناحية دي.. أجمع باقي الشباب اللي عندهم
نية الزواج وشجعهم (يدقوا صدورهم) وأبقوا ذي أخوكم عبدالعزيز
خميس وإتقدموا لأولياء أمور البنات للزواج على سنة الله ورسوله..
صدقني لن يرفض لكم طلب.
|
Post: #43
Title: Re: لــــــيه السودانين البرة بعرسوا من السودان ويخلوا البنات المعاهم?
Author: خـالد سـوميت
Date: 09-14-2010, 07:05 PM
Parent: #42
| Quote: سالنا عن الأسباب......................فقالوا:- |
اصلو ياعصفور ده حالك مماسويت لك جناج
ده السبب الرئيسي....التحية لصاحب البوست
|
Post: #44
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Abd Alla Elhabib
Date: 09-14-2010, 07:54 PM
Parent: #43
يا player ..( إسمـك ده زاتو المخـوف الجـكس منك ) لوول !!
يا زول عـيدك مبارك ..Quote: الواحد عاش فترة طويلة جدآ
في حالة عدم استقرار اختياري ما بين السودانية والاجنبية |
ويا ريت تركـز علي البوردابية برضـو
إذ لا يخـفي عليك الزيجات الناجحة التي
كانت بداياتها في هذا البورد مع الأمنيات
لك ولهن بالتوفيق في حياة زوجـية سعـيدة.
|
Post: #50
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-15-2010, 01:24 PM
Parent: #44
المحترم عبدالله
كل عام وانت بخير
| Quote: يا player ..( إسمـك ده زاتو المخـوف الجـكس منك ) لوول !! |
كلامك في محلو.......عشان كده كل ما ارسل لواحدة في المسنجر ولا بتعبرني...اتاري دا كلو عشان الاسم........
حاولت مع البنات في الفيس بوك,HI5,my space,سودانيزاونلاين,dating hotline غير الطناش ما لقيت شي.......حتي فكرت أنضم لركب ناس برة الماشين السودان للزواج........
| Quote: ويا ريت تركـز علي البوردابية برضـو |
صحيح في بوردابيات حلوات(من كتاباتن...عيبن ما خاتات صورهن عشان نشوف ...لانو العين يعشق قبل القلب أحينآ)...لكن...البعرفو انو عشان تلقي لك بوردابية لازم يكون عندك واسطة قوية...مثلآ بتعرف أخوها او قريبها....
|
Post: #49
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-15-2010, 01:02 PM
Parent: #43
المحترم خالد سوميت
اهلين بيك
Quote: اصلو ياعصفور ده حالك مماسويت لك جناج
ده السبب الرئيسي.... |
صدقت......لو كان الواحد قعد في السودان كان الشد والجذب في موضوع الزواج دا ما حصل.............لكن نقول شنو اكثر من :عيون في الغربة بكاية........
|
Post: #46
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-15-2010, 04:20 AM
Parent: #42
الغالي عبد العزيز
Quote: لكن ما عارف ليه (متقاعسين)
أو متخوفين من الناحية دي..
إتقدموا لأولياء أمور البنات للزواج على سنة الله ورسوله..
صدقني لن يرفض لكم طلب. |
الخوف ما من رفض أولياء الأمور.............
الخوف من انو البنات اليرفضن........
انت عارف مدي تأثير الثقافة الأمريكية في عقلية البنت السودانية العاشت ودرست وتربت في بلاد العام سام خاصة في الزواج(لازم حب قوي جدآ عشان بعد داك تشوف موضوع الزواج)
المهم
دعواتك عشان الله يحل مشكلة العزابة المتعزبين بنار الوحدة زي كدة
|
Post: #45
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-15-2010, 03:35 AM
Parent: #41
الاعزاء هشام ونورالدين
Quote: عمرك كم مع كامل الاوصاف
خلينا نشوف لينا شغلة غير السياسة الماجايبة همها دى
............................................
عندى اقتراح يابلير وهو :
عمل صفحة ثابتة فى سودانيز اولاين هدفها التعارف والزواج وتكون برعايتك يابلير وخاصة انا اعرف بوردابى ناشط جدا وناجح فى مسالة تزويج الغير متزوجين من الخارج او داخل السودان . |
أثني اقتراحكم المفيد جدآ دا.....وانشاء انا اول زول حاسجل نفسي........
يلا يا باقي اهلنا البورداب(ذكور وأناث,متزوجين وعزابة,ساكنين جوة ولا برة.....أدونا رايكم في الأقتراح دا....
|
Post: #47
Title: Re: لــــــيه السودانين البرة بعرسوا من السودان ويخلوا البنات المعاهم?
Author: SHIBKA
Date: 09-15-2010, 09:37 AM
Parent: #45
انا غايتو عندي ليكم طابور من البنات في سن زواج وفي السودان
لكل الاعمار
لكن العرض دا مشكلة عديــــــــــــــــل
|
Post: #48
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Saifelyazal Elmaki
Date: 09-15-2010, 10:50 AM
Parent: #47
الأخ بلير وضيوفه الكرام
تحية طيبة وكل عام وانتم بالف خير
موضوع اختيار الأطراف لبعض موضوع فعلاً محتاج لنقاش مستفيض
الاغتراب في حد ذاته له مساويء ومحاسن وأظن أن مساوئه اكثر
من محاسنه والموضوع الشائك المطروح من اهم مساويء الناس البره البلد
في اعتقادي الشخصي البيئة لها اثر كبير في تشكيل فكرة الاختيار
والانتماء على حد السواء
يعني السوداني/ة المولد/ه في السويد انتمائه/ا للسويد أكثر
من السودان والناس العاشت في السودان دائمي البحث عن شخص
قريب ليهم في العادات والتقاليد حتى في السوك العام بنجد
كثير من الناس العاشوا بره السودان بيختلفوا عن الناس
العاشوا في السودان وأي واحد بنتقد في التاني
والناس ما بين شد وجذب (ديل متخلفين - ديل نسوا العادات والتقاليد
واصبحوا مبدلين)
أما أذا كان محور سؤالك عن الناس الاطراف العاشت بره كلها
فافتكر ديل ما عندهم مشكلة لانو البيئة واحده
وبالتالي السوك واحد
مودتي
|
Post: #53
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-16-2010, 03:19 AM
Parent: #48
المحترم Saifelyazal Elmaki
عيدك سعيد
Quote: يعني السوداني/ة المولد/ه في السويد انتمائه/ا للسويد أكثر
من السودان والناس العاشت في السودان دائمي البحث عن شخص
قريب ليهم في العادات والتقاليد حتى في السوك العام بنجد
كثير من الناس العاشوا بره السودان بيختلفوا عن الناس
العاشوا في السودان وأي واحد بنتقد في التاني
والناس ما بين شد وجذب (ديل متخلفين - ديل نسوا العادات والتقاليد
واصبحوا مبدلين)
أما أذا كان محور سؤالك عن الناس الاطراف العاشت بره كلها
فافتكر ديل ما عندهم مشكلة لانو البيئة واحده
وبالتالي السوك واحد |
زي ديل موضوعهم محلول وما عندهم كبير غرض بالسودان .....ولا بالجواه ....زي مواليد امريكا او بريطانيا او السعودية او المشوا بيهم أطفال صغار... حتي في المناسبات السودانية بجوا تكليف وليس تشريف..........زي ما انت قلت بيئة الدول الاتولدو او اتربوا فيها مؤثرة ومسيطرة عليهم تمامآ ....
المشكلة في الزينا ديل(ناس النص نص ).... قصدي العاشوا جزء من النضوج في السودان...والجزء الأخر برة.......
ديل البحبوا يقارنوا بين برة وجوة
ديل المعلقين بين بيئتين...ما عارفين ياخدوا ياتوا فيهم
ديل ياهوهم لوعاشوا كثير برة بشدهم الحنين لجوة...ولو مشوا جوة بجرهم الاشواق لبرة.....................
ديل المجهجين عاداتآ وتقاليدآ...لا لامين في حق برة كلوا....ولا متمسكين بحق جوة كلوا........
ديل الواحد فيهم داير زوجة من برة بطبيعة بنات جوة....او زوجة من جوة ببعض عادات بنات برة.........
والبنات فيهن الواحدة دايرة زوج سوداني عندو طبيعة الخواجي....او مريش
ديل مشكلتهم طويلة وعريضة.........وحلها ما ساحل .......ولا مستحيل..............
لك ودي
|
Post: #51
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-15-2010, 03:24 PM
Parent: #47
العزيزة SHIBKA
Quote: انا غايتو عندي ليكم طابور من البنات في سن زواج وفي السودان
لكل الاعمار |
شكرآ لك ........والله يديكي العافية...ما قصرتي تب
ماعندك اي حاجة برة السودان...ويا حبذا لو موجودة في البورد أختصارآ لبعض خطوات التعارف.......
| Quote: لكن العرض دا مشكلة عديــــــــــــــــل |
والله فعلآ مشكلة كبيرآ.............
كحل مؤقت للراغبين الجادين فقط الاتصال بك عبر المسنجر او عبر اي وسيلة تشوفي مناسبة(المشكلة الجادين يعرفون كيف زاتو)....
تحياتي
|
Post: #52
Title: Re: لــــــيه السودانين البرة بعرسوا من السودان ويخلوا البنات المعاهم?
Author: اميرة السيد
Date: 09-15-2010, 08:11 PM
Parent: #51
والله يا player اذا حضرت معانا حفلة ياسر تمتام في نيويورك يوم العيد كنت غيرت رايك في بنات السودان العايشات في أمريكا .. وأنا علقت على كلامك في البوست
المعني بهذه الحفلة وقلت أن كل النساء والفتيات اللاتي حضرن في الحفلة كن يلبسن آخر حشمة وذوق ولم ينسن أنهن سودانيات بل انني رأيتهن وهن يحافظن على التقاليد
والعادات السودانية أكثر من البنات العايشات داخل السودان...
وهذا العضو البيقول أن بنات أمريكا لهن وجهة نظر إزاء الرجال في الدول الأخرى وبأنهن درجة ثانية أكيد غلطان لأنه فاهم غلط بأن البنات السودانيات في الدول الأوربية والأمريكية نسين التقاليد السودانية السمحة... لأنهن متمسكات بسودانيتهن وتقاليدهن وممزوجات بالأدب الرفيع والحشمة الواجبة.. وأرجو ألا تحكموا بأقوال
سماعية مغلوطة دون معرفة الحقيقة..
موضوعك يا بليير موضوع مهم لإزالة اللبس وسوء الفهم ..
|
Post: #54
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Zomrawi Alweli
Date: 09-16-2010, 04:56 AM
Parent: #52
عشان بت السودان القاعدة معانا في الرياض - السعودية بعد الزواج حتعمل لي مشاكل كل يوم انا ماشة الخرج انا ماشة القصيم عند اهلي او ماشة عند بيت اخوي في النظيم ومرات تقول يالاكا معانا في العمرة مع ناس ابوي واكون انا البحيب التذاكر للنقل الجماعي وانا البعتل وانا البجيب العصير لمن نكون ماشين العمرة وكدا.
ثم ثانيا البت المعانا في الرياض بتكون عارفة انا باخد راتب كم ( اصلها بتكون شمشارة) وتناصفني الراتب وكأنما تعمل معي.
لمن اتزوج البت في السودان واجيبها في الرياض اكون خدمت اهلها بتوفير لقمة العيش ونقلتها النقلة الحضارية من كدن تكار الى الملز.
وحاجات كتيرة تتوفر في بت البلد الفل بلد
|
Post: #58
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-16-2010, 04:50 PM
Parent: #54
Quote: عشان بت السودان القاعدة معانا في الرياض - السعودية بعد الزواج حتعمل لي مشاكل كل يوم انا ماشة الخرج انا ماشة القصيم عند اهلي او ماشة عند بيت اخوي في النظيم ومرات تقول يالاكا معانا في العمرة مع ناس ابوي واكون انا البحيب التذاكر للنقل الجماعي وانا البعتل وانا البجيب العصير لمن نكون ماشين العمرة وكدا.
ثم ثانيا البت المعانا في الرياض بتكون عارفة انا باخد راتب كم ( اصلها بتكون شمشارة) وتناصفني الراتب وكأنما تعمل معي.
لمن اتزوج البت في السودان واجيبها في الرياض اكون خدمت اهلها بتوفير لقمة العيش ونقلتها النقلة الحضارية من كدن تكار الى الملز.
وحاجات كتيرة تتوفر في بت البلد الفل بلد......... |
المحترم Zomrawi Alweli
انا وبقية قبيلة الرجال وخاصة الدول الفيها المراة ما شغالة وكل المسئولية علي الراجل بنفهم كلامك دا تمام...وانا شخصيآ بقدر دوافعك المادية عشان تمشي تعرس من البلد في السودان.........لانوا بنات البلد الجوة قنوعات بالفي.
...لكن....بنات برة طموحات للمافي...بس خوفي انو بنات حواء يفهموك غلط يقولوا
تسلم
|
Post: #55
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-16-2010, 03:55 PM
Parent: #52
Quote: والله يا player اذا حضرت معانا حفلة ياسر تمتام في نيويورك يوم العيد كنت غيرت رايك في بنات السودان العايشات في أمريكا .. وأنا علقت على كلامك في البوست
المعني بهذه الحفلة وقلت أن كل النساء والفتيات اللاتي حضرن في الحفلة كن يلبسن آخر حشمة وذوق ولم ينسن أنهن سودانيات بل انني رأيتهن وهن يحافظن على التقاليد
والعادات السودانية أكثر من البنات العايشات داخل السودان...
وهذا العضو البيقول أن بنات أمريكا لهن وجهة نظر إزاء الرجال في الدول الأخرى وبأنهن درجة ثانية أكيد غلطان لأنه فاهم غلط بأن البنات السودانيات في الدول الأوربية والأمريكية نسين التقاليد السودانية السمحة... لأنهن متمسكات بسودانيتهن وتقاليدهن وممزوجات بالأدب الرفيع والحشمة الواجبة.. |
المحترمة أميرة
hi u doin
شكرآ لك لمشاركتك في تصحيح بعض المفاهيم الخاطئة والتي وردت في البوست..خاصة النظرة للبنات السودانيات اللائي يعشن في الخارج...وشكرآ لرائك التي طرحتيها في بوست حفلة الفنان ياسر تمامRe: الرابطة السودانية الأمريكية بنيويورك و ياسر تمتام: ...حدود، طرب تقيل صور ك
ولوضع النقاط فوق الحروف احب اوضح الاتي:
1/المشكلة الكبيرة ليس الزي او الحشمة او دونها...انما المفاهيم التي تحملها الفتاة.....والتي قد تؤثر سلبآ او ايجابآ في تعاملها مع الجنس الاخر.........خاصة في موضوع الزواج.....
2/تصرفات البنات العامة والتي يسئ الفهم بسبب تمسك البعض بصورة البنت في السودان.....ناسين انهم خارجها(حيث لا يمكن للبنت السودانية ان ترتدي الزي السوداني 24/7 وفي كل المناسبات(والتي قد يفسر خطأ بانه نسيان او تخلي عن العادات السودانية).....
3/اعتماد الكثيرين من الشباب السوداني في الخارج علي أراء واقوال الاخرين عن السودانية(قالو كويسة بتقدم ليها...قالوا كعبة ..مع السلامة)..حيث المفترض ان يتأكد بنفسه...كما قلتي(وأرجو ألا تحكموا بأقوال سماعية مغلوطة دون معرفة الحقيقة..)....
| Quote: موضوعك يا بليير موضوع مهم لإزالة اللبس وسوء الفهم .. |
هذا ماقصدته بهذا البوست(واحد صاحبي احزنني جدآ بعد قال لي انو اتخلي عن زواجه ببنت سودانية في احدي الولايات الامريكية لانو الناس بقولوا البنت عندها تاريخ ...تخلي عنها دون ان يكلف نفسه المشقة لمعرفة ماقيل صحيح ام كذب......والمضحك انه اتزوج من أخري لانها جديدة في أمريكا وماعندها تاريخ)...............
................................
خارج الزمن
أنشاء الله الحفلة الجاية في نيويورك بجي اشاركم مش عشان أجي أعاين لللبس لكن عشان افرح معاكم....انا بحب الحفلات بنوعيها السوداني والأجنبي..........
............وين صورك والمعاكي في الحفلة?.........
تحياتي
|
Post: #56
Title: Re: لــــــيه السودانين البرة بعرسوا من السودان ويخلوا البنات المعاهم?
Author: اميرة السيد
Date: 09-16-2010, 04:00 PM
Parent: #55
| Quote: /تصرفات البنات العامة والتي يسئ الفهم بسبب تمسك البعض بصورة البنت في السودان.....ناسين انهم خارجها(حيث لا يمكن للبنت السودانية ان ترتدي الزي السوداني 24/7 وفي كل المناسبات(والتي قد يفسر خطأ بانه نسيان او تخلي عن العادات السودانية)..... |
,,,,,,,,,,,,,,,
أها يا Player أهو ده كلام العقل والكلام المنطقي... ودي الحاجة المافهمها صاحبك وقام اتزوج القالوا عنها ما عندها تاريخ وجديدة.. وبالله ورينا اذا كان زواجهم ناجح 100%,,,
أما صورنا في الحفلة فلسع عبد الرحيم منصور مواصل بنزل في الصور وحتشوفنا قريب ..
|
Post: #57
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Abdlaziz Eisa
Date: 09-16-2010, 04:49 PM
Parent: #56
Quote:
كلامك صحيح 100% عن الفراغ/فجوة(GAP) والذي اتسعت مع مرور السنين خلال الاقامة الطويلة بعيدآ السودان وما من هم في الداخل خاصة في النظرة علي علي أشياء كثيرة في الحياة.
لكن مشكلة لا يعطون تلك الفراغ/فجوة(GAP) أهتمامآ كبيرآ,اعتقادآ منهم بان زيارتهم للسودان خلال الأجازات(والاقامة شهر او أثنين) كافيآ لملء تلك الفجوة ناسيآ الاتي:-
1/ خلال أجازتهم في السودان يعيشون حياتهم اليومية كما كانوا في الخارج.
2/ قصر الاقامة في الداخل لن يغير بسهولة طول الاقامة في الخارج.
اما في الذين يذهبون للزواج في الداخل فان تلك الفراغ/فجوة(GAP) لا يظهر خلال مراسم الزواج او خلال شهر العسل او اثناء تبادل الاحاديث التلفونية بعد عودتهم الي الخارج(لان كلاهما ما زال يعيش في عالمه الخاص)........
لكن تلك الفراغ/فجوة(GAP) تظهر بوضوح كبير عندما يجتمع الزوجين في بيت واحد وينتهي شهور المجاملات, حيث يظهراثارها في طريقة التفكير في كثير من الأشياء والنظرة اليها...
هنا تحاول الزوجة جاهدة للعبور الي ناحية الزوج(القلة تنجح,والكثيرات يفشلن)..اما الزوج فيبدا في فقدان صبره ,ويذداد تذمره(نقته) علي عدم تفهم زوجته له, ويتسائل في نفسه
WHY DID I MARRIGE THIS WOMAN |
عزيزي Player
سلامات
من المرة الماضية كنت عايز أضيف مقولة للطالب الجامعي في عصرنا قبل أكثر من عقدي زمان...(حب وجكس في الجامعة, وأرجع تزوج من بنت عمك أو بنت أهلك)..
هذه الفكرة إن لم تكن في نظر الكثيرين فكرة تعيسة لكن يبدو انها نمت وتطورت لتكون نمطاً للكثير من فهم أو سلوك سوداني المهجر.. الناس المعنيون بعنوان البوست..
وربما لا زالت فكرة الزواج من البيت موجودة بقوة في مجتمعاتنا السودانية.. (تغطية القدح)..
أو ربما تأتي الفكرة أو المهمة ترضية للكبار أو الوالدين غالباً.. وتجد أحياناً كثيرة هنالك بوناً شاسعا في المستوى التعليمي.. مثل أن يتزوج أستاذ جامعي من بنت متوسط أو ثانوي أو العكس لمجرد انهما أبناء عمومه أو صلة رحم ما!!!
مداخلة الأخ عزيز عيسى قوية تشجع الشباب على اقتحام الحواجز وطرق الأبواب التي هي أصلا في انتظار طارقها..
تحياتي
|
Post: #61
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-17-2010, 01:39 AM
Parent: #57
المحترم
تحية طيبة
Quote: من المرة الماضية كنت عايز أضيف مقولة للطالب الجامعي في عصرنا قبل أكثر من عقدي زمان...(حب وجكس في الجامعة, وأرجع تزوج من بنت عمك أو بنت أهلك)..
هذه الفكرة إن لم تكن في نظر الكثيرين فكرة تعيسة لكن يبدو انها نمت وتطورت لتكون نمطاً للكثير من فهم أو سلوك سوداني المهجر.. الناس المعنيون بعنوان البوست..
وربما لا زالت فكرة الزواج من البيت موجودة بقوة في مجتمعاتنا السودانية.. (تغطية القدح)..
أو ربما تأتي الفكرة أو المهمة ترضية للكبار أو الوالدين غالباً.. وتجد أحياناً كثيرة هنالك بوناً شاسعا في المستوى التعليمي.. مثل أن يتزوج أستاذ جامعي من بنت متوسط أو ثانوي أو العكس لمجرد انهما أبناء عمومه أو صلة رحم ما!!! |
ما زال القلة تعمل بهذه المقولة...(حب وجكس في الجامعة(الغربة), وأرجع تزوج من بنت عمك أو بنت أهلك)....
المشكلة او قل الكارثة في زواج الفرق الشاسع في المستوى التعليمي(زواج المجاملات الاهلية)...ما عندو طعم.....او قول روتيني ممل...
بعرف ناس اتزوجوا بنفس الطريقة ...وحسي بحاولو يدبلوا باختيارهم...لكن دا شبه مستحيل لان القانون الامريكي بمنع تعدد الزوجات.........
امامهم واحد من الاتي:
1/يطلق قريبتو ....ويتزوج حبيبتو
2/ يدبل بحبيبتو بأسم girlfrind....(المشكلة ما سودانية بترضي بدور الgirlfrind دا)
| Quote: مداخلة الأخ عزيز عيسى قوية تشجع الشباب على اقتحام الحواجز وطرق الأبواب التي هي أصلا في انتظار طارقها.. |
كلام عزيز عين المنطق...........
تسلم ياغالي
|
Post: #59
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-16-2010, 05:19 PM
Parent: #56
| Quote: وبالله ورينا اذا كان زواجهم ناجح 100%,,, |
والله يا أميرة صعب نقول الزواج دا او اي زواج ناجح ولا فاشل في بدايتو...عمومآ اتمني لصاحبي وزوجته السعادة........
صدقيني لسة في سودانين كتار في اروبا وامريكا لسة عندهم الفهم انو البنت العندها علاقات سابقة سواء كان عاطفية او خطوبة او زواج...غير صالحة للزواج.................
|
Post: #60
Title: Re: لــــــيه السودانين البرة بعرسوا من السودان ويخلوا البنات المعاهم?
Author: اميرة السيد
Date: 09-16-2010, 05:29 PM
Parent: #59
| Quote: صدقيني لسة في سودانين كتار في اروبا وامريكا لسة عندهم الفهم انو البنت العندها علاقات سابقة سواء كان عاطفية او خطوبة او زواج...غير صالحة للزواج....... |
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عزيزي Player
جعني يا بليير اختلف معك في هذه الجزئية ..هناك فرق بين البنت التي تزوجت وتطلقت وبين البنت التي خُطبت ولم يتم الزواج لاسباب وبين البنت التي كانت لها علاقات عاطفية سابقة..
أولا الرجل عنده حق في عدم اختياره للبنت التي كانت لها علاقات عاطفية سابقة لأنه سيعتقد بأن مثل هذه البنت غير ناضجة عاطفيا وان الدليا انها تقلبت في عواطفها
وحتى اذا تزوجها فربما تقارن بينه وبين الأول.. وهتا يكون الزواج في محك الاختبار الصعب وعناصر فنائه وفشله أكثر من عناصر نجاحه,,, لا أريد أن أدافع هنا عن الرجل الذي يتردد في اختياره لمثل هذه البنت ولكن الحقيقة يجب أن تُقال... ولا أود أن أعمم كي لا أظلم أحدا,, ولكن هذا هو الغالب
ولكن أن يقيم الرجل البنت دون معرفتها المعرفة الكاملة وبشهادات سماعية فقط فهذا هو الخطأ
والله يديك العافية
|
Post: #63
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-17-2010, 02:30 AM
Parent: #60
المحترمة أميرة
ازيك
| Quote: جعني يا بليير اختلف معك في هذه الجزئية ..هناك فرق بين البنت التي تزوجت وتطلقت وبين البنت التي خُطبت ولم يتم الزواج لاسباب وبين البنت التي كانت لها علاقات عاطفية سابقة.. |
كلامك صحيح في فرق كبير بين الحالات المذكورة اعلاه........واسمحني أضيف: حتي حالات الطلاق هنالك فرق كبير بين أسباب طلاق فلانة وأسباب طلاق علانة(أحيانآ هي السبب...وآحيانآ أخر هو )...كذلك في فسخ الخطوبة وانهاء العلاقات العاطفية.....لذلك في راي الشخص التعميم في الحكم ليس من العدل.............
Quote: أولا الرجل عنده حق في عدم اختياره للبنت التي كانت لها علاقات عاطفية سابقة لأنه سيعتقد بأن مثل هذه البنت غير ناضجة عاطفيا وان الدليا انها تقلبت في عواطفها
وحتى اذا تزوجها فربما تقارن بينه وبين الأول.. وهتا يكون الزواج في محك الاختبار الصعب وعناصر فنائه وفشله أكثر من عناصر نجاحه,,, لا أريد أن أدافع هنا عن الرجل الذي يتردد في اختياره لمثل هذه البنت ولكن الحقيقة يجب أن تُقال... ولا أود أن أعمم كي لا أظلم أحدا,, ولكن هذا هو الغالب |
اسمحي لي ان أختلف معك في كلامك اعلاه: ليس هناك قاعدة ثابتة تقول ان من تطلقت مرة ...سوف تتطلق اذا تزوجت مرة أخري...........
وكذلك من فشلت في علاقة/ات عاطفية سوف تفشل كزوجة.........
انه مجرد اوهام وتخيلات واقاويل يؤمن بها بعض الرجال(متعلمين واميين..جوة السودان و برة).....(لهذا السبب يفضل الكثير من السودانيات الكذب وانكار مرورهن باي علاقات عاطفية.)
اعرف من تزوجن للمرة الثانية ومازلنا..كما...كما اعرف من اتزوجن للمرة الاولي دون المرور بعلاقات عافية فاشلة...واتطلقن........
سؤال
هل يمكن تطبيق نظرية المطلق والفاشل عاطفيآ...علي الرجال
فنقول مثلآ:ان الشاب المطلق او الفاشل عاطفيآ....سيفشل في زواجه?
| Quote: ولكن أن يقيم الرجل البنت دون معرفتها المعرفة الكاملة وبشهادات سماعية فقط فهذا هو الخطأ.............. |
انا معاكي ...الكلام دا غلط ...وعيب...وظلم.........لكن نشيلوا كيف من رؤوس بعض الرجال?
لك كل الود والتقدير
|
Post: #65
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Abdlaziz Eisa
Date: 09-17-2010, 04:11 PM
Parent: #63
Quote: 1/يطلق قريبتو ....ويتزوج حبيبتو
2/ يدبل بحبيبتو بأسم girlfrind....(المشكلة ما سودانية بترضي بدور الgirlfrind دا)
|
سلامات بلاير
الحل الأمثل في الظرف الحرج ده يا حبيب...
يتزوج حبيبته ويترك أمريكا...
هناك الأجمل بكثير منها للعيش..
تحياتي
|
Post: #68
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-17-2010, 04:33 PM
Parent: #65
الغالي عبدالعزيز
أهلين وسهلآ
Quote: يتزوج حبيبته ويترك أمريكا...
هناك الأجمل بكثير منها للعيش.. |
دا حل معقول جدآ لزول دخل امريكا بسهولة...وعندو امكانيات(مادية او علمية) يقدرو للعيش في بلدان تعدد الزوجات......................
لكن
اذا دخل امريكا بعد تعب شديد....ما اعتقد يغادر بالبساطة دي
الا
مجنون ليلي هذا الزمان...ويضحي ببلد العم سام من أجل عيون حبيبة قلبه..
قالوا: لا مستحيل تحت الشمس
لك ودي
|
Post: #66
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-17-2010, 04:13 PM
Parent: #63
قارئ قدم نفسه باسم عبدالله من أمريكا حكي لي في التلفون قصة السبب الذي جعله يذهب للزواج بقريبته في السودان ....الصدمة العاطفية(شاكوش)...وقال:
سودانية أصيلة رغم نشأتها في الغربة لم تنسي أصلها...ارتبطت عن حب وقناعة....ووعدتها بالزواج عندما أجهز نفسي.............
في تلك اليوم تلقيت مكالمة قصيرة من أصدقائي السودانين قائلآ: أمشي حسة في المكان الفلاني....بتلقي علانة(حبيبتي)...وعلان (سوداني متزوج برة امريكا ...واعرفه).....
وصلت ووجدتهما داخل سيارة يتحدثان....دعتنتي لادخل السيارة......
أعتذرت عن الجلوس معهم...وغادرت والغضب يكاد يعميني في رؤية الطريق...
فيما بعض اتصلت بها واصفآ اياها بكل الاوصاف, بداية بالخانئة وانتهاءآ باللعوبة....بالرغم من أصرارها بانه ليس أكثر من صديق في مشكلة ويريد مساعدتها.. الا انني لم أفكر في التأكد من الحقيقة.....حيث قررت ان اتزوج من السودان....أنتقامآ منها ...وردآ لكرامتي المجروحة..........
ذهبت لمحل كروت أتصال, وأشتريت كمية....واتصلت بأهلي قائلآ:اريد عروسة بأسرع مايمكن(حيث كانوا قد طرحوا لي بعض قريباتي لكني تماطلت في الرد)...
أخترت بنت عمي وخلال شهور كنت في طريقي للسودان لأتمام الزواج........
وقبل سفري بايام أقمت حفلة حنة لاغيظها أكثر...........
بعد العودة ...جلست استرجع شريط الحادثة أحسست بانني ظلمتها بقراراتي المتسرعة..................وانني ما زلت أحــــــــــــــبها....وعلي استعداد للزواج منـــــــها...............................
|
Post: #67
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Abdlaziz Eisa
Date: 09-17-2010, 04:32 PM
Parent: #66
Quote: وقبل سفري بايام أقمت حفلة حنة لاغيظها أكثر...........
بعد العودة ...جلست استرجع شريط الحادثة أحسست بانني ظلمتها بقراراتي المتسرعة..................وانني ما زلت أحــــــــــــــبها....وعلي استعداد للزواج منـــــــها............................... |
سلام
البت السودانية الأمريكية نجت من زول كارثة..
فالتحمد الله على أنه لم يتزوج بها..
|
Post: #69
Title: Re: لــــــيه السودانين البرة بعرسوا من السودان ويخلوا البنات المعاهم?
Author: imad hassan
Date: 09-17-2010, 05:12 PM
Parent: #67
اللبس ليس هو المشكله بل طريقة التفكير
|
Post: #71
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-20-2010, 03:22 AM
Parent: #69
| Quote: اللبس ليس هو المشكله بل طريقة التفكير |
صدقت يا عماد
في السودان شوفنا اللابسات الحجاب...وبيعملن العجاب
|
Post: #70
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-20-2010, 02:56 AM
Parent: #67
أهلين يا عبدالعزيز
Quote: البت السودانية الأمريكية نجت من زول كارثة..
فالتحمد الله على أنه لم يتزوج بها..... |
يبدو انها مختلفان تمامآ في الكثير من الصفات....
|
Post: #72
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Mohammed Ibrahim Othman
Date: 09-20-2010, 06:05 AM
Parent: #70
| Quote: لــــــيه السودانين البرة بعرسوا من السودان ويخلوا البنات المعاهم? |
الظاهرة دي منتشرة برضو هنا بالخليج العربي بين المغتربين السودانين فيها ..شيء يدعو للاسف ..
|
Post: #73
Title: Re: لــــــيه السودانين البرة بعرسوا من السودان ويخلوا البنات المعاهم?
Author: Tabaldina
Date: 09-20-2010, 12:05 PM
Parent: #72
..
.
| Quote: لــــــيه السودانين البرة بعرسوا من السودان ويخلوا البنات المعاهم? |
لانه الرجل السودانى دا مهما يتعلم ويستوطن فى بلاد الله الواسعة
يظل قابعا ومتمسكا فى ثوب ( سي السيد ) ..
عايز ليه واحدة فيها صورة الام والحبوبة والتقليدية يعنى طالع ونازل مع العصرية
ويقول ليك المثقفة والمتحضرة لكن لمن يبقى على الزواج يقعد يبحث عن الصورة الكلاسيكية
بتاعت المراة القديمة المطيعة ست البيت وام الوليدات الحاضنة والطباخة والخادمة ..
ودى مواصفات ما بتنطبق على القاعدة معاه فى المهجر بما حباه له الله والزمن من فرصة
فى الوعى والتعليم ومعرفة دروب ومخابئ الحياة وكيفية تسير امورها والقدرة على الانفصال بحياتها
وقرارها لو حاول يلعب بضنبو .. لانها بتكون زوله ( تفتيحة ) وعارفه البير وغطاها
ووفاهمة كل الدروب وواصبحت معه ندا لند وتعلم كل خفايا الحياة حسب ما اتيح لها فى غربتها
وتعليمها ووعيها عكس بتاعت السودان _ رغم ان بتاعت السودان زاتن بقن ما هينات _
خامات الجدادة وماكلات بيضها .. يعن تجى من هنا تقول هى مغمضة تسوقها معاك تفكك عكس الهواء
وتطلع هى المفتحه .. وتقعد انت للحسرة لذا انتبه ..
------------
بالنسبة يا محمد عثمان لناس الخليج المووضوع دا ما بنفس الفهم
لان هنا بعتبرو بتاعت الخليج دا زوله ( دقوسه ودلوعة ماما )
وما تفتيحه ولا تصلح .. او هكذا يظن البعض ..
|
Post: #76
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-20-2010, 11:53 PM
Parent: #73
العزيز تبلدينا
كيف الأحوال
Quote: رغم ان بتاعت السودان زاتن بقن ما هينات _
خامات الجدادة وماكلات بيضها .. يعن تجى من هنا تقول هى مغمضة تسوقها معاك تفكك عكس الهواء وتطلع هى المفتحه .. وتقعد انت للحسرة لذا انتبه .... |
يا ريت لو تفكك عكس الهوا وبس....تختك في حاجة اسمها child support (تصرف علي البيت وانت ما قاعد جواه)............
اما البخلوهن في السودان في واحدات زي المنشار ماكلة طالعة ونازلة...
قبال شوية واحد صاحبي بحكي لي عن جارهم في السودان عايش في امريكا...
زولك بعد تعب لملم قريشات وشوية ديون نزل السودان واتزوج...زولك لما هنا بدا الجري يجيب الولية...صاحبتنا اتاري بزولا هناك.....بعد اكثر من سنة جابوا الخبر:الولية حاملة........وقع من الصدمة...
ومن ديك عايش في النفسيات......................ما عارف عشان خسارة قروشو ولا عشان عملية مرتو............تجيب اسم سودان يسب لك......
برضوا تقولوا بنات السودان أحسن من بنات برة..........
حكمة اليوم
زي ما الكعب والسمح في جوه البلد...كمان في برة البلد
|
Post: #74
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-20-2010, 11:05 PM
Parent: #72
المحترم محمد ابراهيم عثمان
سلامات
| Quote: ..شيء يدعو للاسف .. |
وكمان يدعوا لتأخر سن زواج ناس الخليج(الشباب يقتلوا نفسهم بالشغل عشان يلموا حق العرس في السودان...وتاني يرجع يلم قروش عشان يجيبها...او عشان يمشي ليها في السودان........والشابات تقتلن أنفسن بهموم البورة....واول ما يظهر زول تشبك فيهو وتتنازل عن كل شي عشانوا ما يفوت منها...وتتحمل وتترخص ...)...
ربك يسهل للجميع
|
Post: #75
Title: Re: لــــــيه السودانين البرة بعرسوا من السودان ويخلوا البنات المعاهم?
Author: احمد محمد بشير
Date: 09-20-2010, 11:10 PM
Parent: #1
علي فكرة العملية بتاعت إختيار الزوجة بتتوقف علي مفاهيم خاصة لدي الشخص ... والناس بطبعهم مختلفين في الأفكار و الكل ينظر للطرف الأخر بمنظور مختلف وكذلك السيدات ... وعليه المراءة هي المراءة كان في داخل السودان أو خارجه ونظرة الرجل لا تخلف تجاهها حسب منظوره لها .
تخريمة ..
هونحنا لاقين يا ياصحبي بلير .
التعديل إسم بلير.
|
Post: #77
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-21-2010, 02:52 AM
Parent: #75
المحترم احمد محمد بشير
يا الف هلا بك
| Quote: علي فكرة العملية بتاعت إختيار الزوجة بتتوقف علي مفاهيم خاصة لدي الشخص ... والناس بطبعهم مختلفين في الأفكار و الكل ينظر للطرف الأخر بمنظور مختلف وكذلك السيدات ... وعليه المراءة هي المراءة كان في داخل السودان أو خارجه ونظرة الرجل لا تخلف تجاهها حسب منظوره لها . |
كلامك في محلو......وانا متأكد انو كل الذواق موجودة خارج كما في داخله....لكن لما 90% من السودانين البرة ما يلقوا برة...الا في السودان
بنستغرب ونتسائل:
وطيب السودنيات البرة يمشن وين.........لاجانب.....ولا ...لناس جوة?
الأجانب ماعندهم مشكلة..........بس شباب جوة حيتسائلوا :
معقول ديل مالاقيات عرسان برة.......ولا فيهن عوجة?
تخريمة ..
| Quote: هونحنا لاقين يا ياصحبي بلير . |
والله....راقدات زي الهم في القلب.....بس انت ركز في تجاه واحد....وما تلاوز مهما سمعت......
صدقني
غير الملاوزة وكلمة:ما لاقين........شي مضيعني انا مافي
تحياتي
|
Post: #78
Title: Re: لــــــيه السودانين البرة بعرسوا من السودان ويخلوا البنات المعاهم?
Author: PLAYER
Date: 09-21-2010, 10:25 PM
Parent: #77
احد معارفي من الذين شد الرحال الي السودان(قريته)...للزواج.....يقول:
ان دافعه كان ...الهروب من الماضي(هو وزوجته)
واوضح قائلآ: ليس هناك ما يقلق حياة الرجل السوداني الزوجية ويعكر نفسياته سوي العيش في مدينة واحدة مع رجلآ كان علي علاقة سابقة بزوجته حتي لو كانت صلة دم ناهيك عاطفية او صداقة او زمالة او جيرة....
لذلك عندما تسافر للزواج في السودان تكون ضربتين عفورين بحجر
1/تتزوج بسرعة وتعود دون تجد الزمن لكي تعرف عن ماضيها(الأصح انك لا تريد ان تعرف)...وتكتفي فقط بكلامها الذي غالبآ كالاتي: كتار حاولوا بس انا ما أقنعت بيهم...وثلاثة اتقدموا وانا رفضهم...هنا تشعر بالفخر بانك الأرجل.
2/خلال مراسم الزواج اذا هي سالتك...تقول:بعد العرس انشاءالله احكي لك كل شي...وخلال شهر العسل....تحكي باختصار شديد متعللآ بانك تريد ان تستمتع بشهر العسل.....وبعده تسافر.........
ولما تجيك برة وبعد مدة تسمع عن ماضيك ...يكون زمن الزعل فات ..وبأقل توضيح الأمور تمشي كويس..................
لكن لو تزوج المعاك برة.....حتحتاج لمجهود كبير للأقناع بالاضافة حتكون تحت المنظار في كل تحركاتك............
|
|