المراة السودانية في قفص الأتهام:أنت مسئولة عن خيانة الأزواج وزواجهم بالأجنبيات.

المراة السودانية في قفص الأتهام:أنت مسئولة عن خيانة الأزواج وزواجهم بالأجنبيات.

في الفترة التي تلت الهجرة السودانية الكثيفة للخارج ,خاصة الي أمريكا وأروبا أرتفعت نسبة خيانة الازواج السودانين(وبالتالي أدت الي كثير من الطلاقات وخراب البيوت), وكثرت زواج الشباب من غير السودانيات...سالنا مجموعة من السودانين(بعضهم متزوج بسودانية وأخرون بأجنبيات..البعض طلق سودانية وأخرون وقعوا في الخيانة الزوجية) السؤال الاتي:
ماعيوب المراة السودنية ومحاسن الأجنبية?
فأجمعوا علي الأتي:
1/ لا تهتم المراة السودانية بنفسها بعد الزواج حيث تهمل أنوثتها ومظهرها وجمالها فتكون غير جذابة.
2/لا تهتم الزوجة السودانية بزوجها كثيرآ حيث لا تحادثه(الا عندما تريد شيئآ) او تمازحه او تدلعه او تغازله.
3/الزوجة السودانية كثيرة الطلبات.
4/الزوجة السودانية كثيرة الأهتمام بأهلها,أحيانآ علي حساب بيتها.
5/الزوجة السودانية تتمسك بالمشاكل الصغيرة كثيرآ(كثيرة النقة)
6/الزوجة السودانية لا تحب العمل خارج المنزل.
7/........................
8/........................
9/........................
10/.......................

أيتها المراة السودانية ما هو ردك?
أيها الرجل السوداني ما رايك في ذلك?

ملحوظة
7و8 أخجل ان أذكرها لكن يمكنك ان تتخيلهما
و9و10 يمكنك ان تضيف ما تعرفه.

Player
Are you outlining a senior thesis on Sociology, Social Work, or Social Anthropology?
From what I can glance from the questionnaire, it will be difficult to accurately get to reliable conclusions given socio-economic changes which have been taken roots on the character of the Sudanese. Moreover, it is highly doubtful that good questions could be developed if we ignore the apparent cultural heterogeneity of our society and assume a homogeneous Sudanese woman.
Regards.

المحترم زكريا جوزيف
المسالة لا تحتاج لتخصص معين لكشف المشكلة وربما يحتاج لايجاد متخصصين للحلول....
ان ما أشرت اليه يمكن كشفها بالأختلاط الاجتماعي...
بالأضافة علي انه أراء قلة من الرجال قد يتفق معهم الأخرين او يختلفوا..
وكذلك رد الجنس الأخر يظل مهم جدآ سواء كان أيجابي او سلبي لان المهم ان يعرفوا ما يريد بعض الرجال منهن..
ومن المؤكد ان لهن مطالبهن من الرجال............
نعم المتغيرات الأقتصادية والأجتماعية والثقافية لها أثر كبير ولكن لا يمكن قبولها كعذر لتقصير اي من الطرفين ناحية الأخر......وكذلك العادات والتقاليد.
لذلك فرايك يظل مفيدآ
لك ودي

سلام عليكم أخ بلير
فى وجهة نظرى الخاصة
وليس تشكيكا أو تقليلا لما أوردت ,لكن الرجل السودانى من أكثر الفئات أحتراما وصدقا لنفسه ولزوجته وخصوصا فى الغربة يزدادا تمسكا بما يحمل من قيم ومثل وأخلاق

Quote: / لا تهتم المراة السودانية بنفسها بعد الزواج حيث تهمل أنوثتها ومظهرها وجمالها فتكون غير جذابة.

تهتم وخصوصا عند الخروج

ولأكن أكثر جدية لا الرجل ولا المرأة يكثرا من الأهتمام ولكن ليس هذا هو محور الخلاف لأن كلاهما يتقبل الآخر مهما كان وفقا لروابط أسمى تربطهما

Quote: 2/لا تهتم الزوجة السودانية بزوجها كثيرآ حيث لا تحادثه(الا عندما تريد شيئآ) او تمازحه او تدلعه او تغازله.

بالعكس النساء يحبن الكلام والثرثرة ويرغبن فى الحوار
أما الممازحة والدلع لنيل شىءفلا أعتقد أن المرأة فى هذا الزمان تحتاج هذا الأسلوب لأنها على دراية تامة بحقوقها وتستطيع أقتلاعها أن لم تعطى وفق أرادتكم

Quote: 3/الزوجة السودانية كثيرة الطلبات.

لا أعتقد السودانية وحدها كل النساء و لكن الأختلاف بين السودانية والأجنبية أن الأجنبية تحدد وتوزع طلباتها وفق الميزانية المتاحة لكل شهر مثلا أو بأختصار التخطيط المسبق لكل شىء

Quote: 5/الزوجة السودانية تتمسك بالمشاكل الصغيرة كثيرآ(كثيرة النقة)

أتفق معك الى حد ما (لكن التجاوز عن المشاكل الصغيرة قد يؤدى الى تراكمها وأستفحالها )

Quote: /الزوجة السودانية لا تحب العمل خارج المنزل.

عن أى جيل تتحدث يا بلير ؟؟الذى يفضل أن يقبع فى المنزل ؟؟
ليس جيلنا بالتأكيد


مودتى وأحترامى

المحترمة rosemen osman

Quote: فى وجهة نظرى الخاصة وليس تشكيكا أو تقليلا لما أوردت ,لكن الرجل السودانى من أكثر الفئات أحتراما وصدقا لنفسه ولزوجته وخصوصا فى الغربة يزدادا تمسكا بما يحمل من قيم ومثل وأخلاق

شكرآ لوجهة نظرك وصراحتك......مهما كان فالمؤكد سيساعد .

Quote: تهتم وخصوصا عند الخروج

وماذا عن داخل المنزل وللزوج خصوصآ?

Quote: ولأكن أكثر جدية لا الرجل ولا المرأة يكثرا من الأهتمام ولكن ليس هذا هو محور الخلاف لأن كلاهما يتقبل الآخر مهما كان وفقا لروابط أسمى تربطهما

كل النساء يحبن الرجل الذي يكثر الأهتمام بها....كذلك الرجال,لان عدم الأهتمام يقود الي الخيانة.

Quote: بالعكس النساء يحبن الكلام والثرثرة ويرغبن فى الحوار أما الممازحة والدلع لنيل شىءفلا أعتقد أن المرأة فى هذا الزمان تحتاج هذا الأسلوب لأنها على دراية تامة بحقوقها وتستطيع أقتلاعها أن لم تعطى وفق أرادتكم

الرجال لا يحبون الثرثرة الفاضية لكنهم يحبون الكلام الناعم والتي تمس تمس المشاعر الاحاسيس لا ذلك يحسسهم بمدي حب الزوجة له,وساعتها كل طلباتكم مستجابة(الكلام الدقاق بطلع الدابي من جحرو)

Quote: لا أعتقد السودانية وحدها كل النساء و لكن الأختلاف بين السودانية والأجنبية أن الأجنبية تحدد وتوزع طلباتها وفق الميزانية المتاحة لكل شهر مثلا أو بأختصار التخطيط المسبق لكل شىء

ولماذا لا تفعل السودانية الشي نفسه مادام لا يضر بها

Quote: أتفق معك الى حد ما (لكن التجاوز عن المشاكل الصغيرة قد يؤدى الى تراكمها وأستفحالها )

وكذلك التمسك بالمشاكل الصغيرة قد تخرب البيت لذلك أحيانا تجاهلها او منقاشتها بحجمها الحقيقي يحفظ البيت.

Quote: عن أى جيل تتحدث يا بلير ؟؟الذى يفضل أن يقبع فى المنزل ؟؟ ليس جيلنا بالتأكيد

انا أتحدث بصورة عامة فمثلآ في المدينة التي أقطن فيها فنسبة النساء المتزوجات ولا يعملنا أكثر من 50%....لكن الغير متزوجات ف99% يعملن.

لك ودي

Quote: فأجمعوا علي الأتي: 1/ لا تهتم المراة السودانية بنفسها بعد الزواج حيث تهمل أنوثتها ومظهرها وجمالها فتكون غير جذابة. 2/لا تهتم الزوجة السودانية بزوجها كثيرآ حيث لا تحادثه(الا عندما تريد شيئآ) او تمازحه او تدلعه او تغازله. 3/الزوجة السودانية كثيرة الطلبات. 4/الزوجة السودانية كثيرة الأهتمام بأهلها,أحيانآ علي حساب بيتها. 5/الزوجة السودانية تتمسك بالمشاكل الصغيرة كثيرآ(كثيرة النقة) 6/الزوجة السودانية لا تحب العمل خارج المنزل

بلير مالك عايز تعمل لينا مشاكل مع زملانا الهنا ديل


الرد على نمرة واحد : بتهمل نفسها يمكن في لحظة وجودها في البيت لانشغالا بخدمتو و بخدمة اولادو و ضيفو و اصحابو و اهلو

و طبعا لمن يعرس ليهو حبشية و لا اي جنس تاني ما بقدر يجيب اهلوا و لا بقدر يعزم ضيفو فلاحتو بس على السودانية

لكن من حيث الجيهة و النضافة اتحدى اي جنس تاني , ديل لا بعرفوا دخان لا بعرفوا حنة و لابعرفوا دلكة يكفي المرأة السودانية

عقليتا في اختراع الحاجات دي مش زي البشترو ا الريح الحاهزة ديل

Quote: لكن من حيث الجيهة و النضافة اتحدى اي جنس تاني , ديل لا بعرفوا دخان لا بعرفوا حنة و لابعرفوا دلكة يكفي المرأة السودانية عقليتا في اختراع الحاجات دي مش زي البشترو ا الريح الحاهزة ديل

الموضوع ده شكلو حيجيب ناس دكين و ما شابه

غايتو


بعدين في الاول ورونا المشكلة الزوج/ة بكون/تكون سوداني/ة او اجنبي/ة


و لا المشكلة في العرس زاتو في رقبتو دى؟

اختراع غير موفق اطلاقا ...

العزيز عصام

Quote: بعدين في الاول ورونا المشكلة الزوج/ة بكون/تكون سوداني/ة او اجنبي/ة و لا المشكلة في العرس زاتو في رقبتو دى؟

المشكلة لما الزوجة والزوج سودانيان.....لكن لو الزوجة أجنبية المشاكل بينخفضوا للربع...والسعادة بيذيد.

تحياتي

المحترمة سناء

Quote: بلير مالك عايز تعمل لينا مشاكل مع زملانا الهنا ديل

بعد الشر عليك

Quote: الرد على نمرة واحد : بتهمل نفسها يمكن في لحظة وجودها في البيت لانشغالا بخدمتو و بخدمة اولادو و ضيفو و اصحابو و اهلو

ممكن تتشيق شوية حتي وقت خدمة وتبتسم....مقدرين لها تضحياتها.

Quote: و طبعا لمن يعرس ليهو حبشية و لا اي جنس تاني ما بقدر يجيب اهلوا و لا بقدر يعزم ضيفو فلاحتو بس على السودانية

كلامك صاح

Quote: لكن من حيث الجيهة و النضافة اتحدى اي جنس تاني , ديل لا بعرفوا دخان لا بعرفوا حنة و لابعرفوا دلكة يكفي المرأة السودانية عقليتا في اختراع الحاجات دي مش زي البشترو ا الريح الحاهزة ديل.

بصراحة الكبرييت آبداع نسائي سوداني لا مثيل له في العالم....وريحتها بخلي العازب للمتزوج يرجف.

لك ودي وتقديري

2

Quote: /لا تهتم الزوجة السودانية بزوجها كثيرآ حيث لا تحادثه(الا عندما تريد شيئآ) او تمازحه او تدلعه او تغازله

نديها ليك مدعمة بشواهد

واحدة جارتنا و في حديثنا عن تقل دم الرجال السودانيين - قالت حبت تخفف دمها مع زوجها


اها لمن رجع من الشغل قالت ليهو احضر ليك الغدا يا حبيبي قام قال ليها : كمان جابت ليها عباطة جديدة !!



المرأة مخلوقة لطيفة و رقيقة بس لو الرجل اداها فرصة

+

Quote: اها لمن رجع من الشغل قالت ليهو احضر ليك الغدا يا حبيبي قام قال ليها : كمان جابت ليها عباطة جديدة !!

مرة زرت صديق في بيته لقيت زوجته من غير
عوائدها، زعلانة. أها قلت أصلح بيناتهم، فسألته
عن سبب زعلها، قال لي والله ما عارف، بس قلت
ليها أديني قدوم. lol






دنقس.

العزيز عبدالقادر

Quote: مرة زرت صديق في بيته لقيت زوجته من غير عوائدها، زعلانة. أها قلت أصلح بيناتهم، فسألته عن سبب زعلها، قال لي والله ما عارف، بس قلت ليها أديني قدوم. lol

ودا حاجة بتزعل(أصلوا دلع بنات ولا مزاج زعل)..
قول لصاحبك المرة الجاية خليهوا ياخد القدوم عشان تزعل لان أخد منها مش طلبه
واحد قال: انوا القدوم عيب وقلة أدب عند السودانياتlol

+


الأخ العزيز بلير تحية واحترام،

Quote: قول لصاحبك المرة الجاية خليهوا ياخد القدوم عشان تزعل لان أخد منها مش طلبه

والله يا بلير ذكرتني، هو ما قال ليها "أديني قدوم"
قال ليها جيبي قدوم، lol
لكن كلامك وضح لينا انك قلاع بس.
الله يكون في عون بناتنا، يعلم الله ماسكين بلاوي.





دنقس.

Quote: لكن كلامك وضح لينا انك قلاع بس.

تعرف يا عبدالقادر في نوع ما بديك بالحسنة, وفي نوع بتتكيف لمأ تفاجأ بالقلع.........والله ما يلمك في البديك القدوم وعيونها مفتحات..

Quote: اها لمن رجع من الشغل قالت ليهو احضر ليك الغدا يا حبيبي قام قال ليها : كمان جابت ليها عباطة جديدة !! .

تعرفي بكون الراجل دا مما أتعرف عليها لحدي ما أتزوجها ما سمع منها كلمة دلع او حنية او كلمة ناعمة عشان كدا لما اتفاجا بكلمة حبيبي جاتوا الهضربة......المهم دي بداية كويسة وخلي صحبتك تواصل لحدي ما يحس صاحبك بعد داك بيبادلها بنفس الكلمة او بأجمل منها.

Quote: المرأة مخلوقة لطيفة و رقيقة بس لو الرجل اداها فرصة .

الراجل احيانآ بحتاج لمساعدة وتوجيه من المراة حتي يفهما جيدآ
تحياتي

تحياتي بلاير


لا شيء يبرر الخيانة الزوجية!!



في رايي ان الزواج في جميع الجنسيات و في كل مكان و زمان هو مسؤولية! مسؤولية.. لو تنصل احد الشركاء منها فلن تستقيم الشركة. و المثل القديم قال (القفة ام اضنين بيشيلوها اتنين)!

و بالرغم من ذلك اي قفة مهما ثقلت و كبر حجمها، فليس من المستحيل ان يحملها واحد فقط، و لكن ليس لمن تخلى (طوعا) عن حمل نصيبه منها ، الحق في ان يستنكر او يتساءل ان مالت او تبعثر محتواها!

و الزواج من اجنبية او اجنبي ..اختيار.. و لكنه مسؤولية مضاعفة! لو استسهلها احد الشريكين فقد يفاجأ بحجمها فيما بعد، مما سيؤدي حتما لميلان (القفة)!! ما لم يتوازن و يصبح قدر مسؤولية حملها!




----------------------------------------------------------------------------------------



و على فكرة (قفتك) و محتواها لو كان سعادتك او شقاك انت البتحددها، و بتحددها خياراتك الأولى (مين شريكك، و كيف تشيل معاه ، مش تشيل منو او تشيلها ليهو!!)




تقديري و احترامي

Quote: بس قلت ليها أديني قدوم. lol

عبدالقادر صاحبك ده داير يصلح عنقريب ولا شنوو

+



الأخ عبدالله صالح، تحية واحترام

Quote: عبدالقادر صاحبك ده داير يصلح عنقريب ولا شنوو

تعرف لما قال قدوم، أنا لليوم كل ما نتقابل
أضحك فيهو لمن هو يتعقد، قال قدوم قال؛؛






دنقس.

المحترمة سناء
يا الف هلا بيكي

Quote: لا شيء يبرر الخيانة الزوجية!!

لا عذر للخيانة ولا مسامحة للخائن


في رايي ان الزواج في جميع الجنسيات و في كل مكان و زمان هو مسؤولية! مسؤولية.. لو تنصل احد الشركاء منها فلن تستقيم الشركة. و المثل القديم قال (القفة ام اضنين بيشيلوها اتنين)!
صدقتي

Quote: و بالرغم من ذلك اي قفة مهما ثقلت و كبر حجمها، فليس من المستحيل ان يحملها واحد فقط، و لكن ليس لمن تخلى (طوعا) عن حمل نصيبه منها ، الحق في ان يستنكر او يتساءل ان مالت او تبعثر محتواها!

صدقتي.....ما أجمل أقوي موازنة القفة المحمولة بشخصين يعزان بعضهما

Quote: و الزواج من اجنبية او اجنبي ..اختيار.. و لكنه مسؤولية مضاعفة! لو استسهلها احد الشريكين فقد يفاجأ بحجمها فيما بعد، مما سيؤدي حتما لميلان (القفة)!! ما لم يتوازن و يصبح قدر مسؤولية حملها!

والله الموازنة ما بتم الا بالصراحة والتفاهم والارتقاء لمستوي المسئولية ونكران الذات.


و على فكرة (قفتك) و محتواها لو كان سعادتك او شقاك انت البتحددها، و بتحددها خياراتك الأولى (مين شريكك، و كيف تشيل معاه ، مش تشيل منو او تشيلها ليهو!!)

Quote: كلامك في محلوا 100%...

عند الأحساس بأن في مقدورك حملها لوحدك فأفعله..وعندما تحس ان الطرف الأخر يحتاج ليد العون فمده له.

استقام الله قفتك يا أختاه

Quote: اها لمن رجع من الشغل قالت ليهو احضر ليك الغدا يا حبيبي قام قال ليها : كمان جابت ليها عباطة جديدة!!

رأي !!

Quote: رأي !!

نعم راي ولكن......

Quote: ماعيوب المراة السودنية ومحاسن الأجنبية? فأجمعوا علي الأتي: 1/ لا تهتم المراة السودانية بنفسها بعد الزواج حيث تهمل أنوثتها ومظهرها وجمالها فتكون غير جذابة. 2/لا تهتم الزوجة السودانية بزوجها كثيرآ حيث لا تحادثه(الا عندما تريد شيئآ) او تمازحه او تدلعه او تغازله. 3/الزوجة السودانية كثيرة الطلبات. 4/الزوجة السودانية كثيرة الأهتمام بأهلها,أحيانآ علي حساب بيتها. 5/الزوجة السودانية تتمسك بالمشاكل الصغيرة كثيرآ(كثيرة النقة) 6/الزوجة السودانية لا تحب العمل خارج المنزل.

الاخ بلير


اسعد الله اوقاتك بكل خير ،،


احاول ان اتناول نقطة ( المظهر) ببعض التفصيل 00

بالنسبة للمظهر بعد الزواج ، اعتقد ان هذه النقطة تعتمد عى عاملين اساسيين :

- مدى ولع واهتمام الزوجة اساساً بمظهرها( سوى قبل الزواج او بعده) فبعضهن يتعبرن الاناقة( تجب او مطلوبة) في اوقات محددة لاعتبارات يعرفنها هن خاصة بطبيعة نشأة كل فتاة او بنت ، فالبعض ينشأ منذ الصغر باهتمامات او هموم او مسؤوليات تنسيهن هذا الجانب ( المظهر)، والبعض الآخر قد تكون ظروفهن أفضل مما يسمح لهن الوقت والمادة (ومصادر) الاهتمام بالمظهر مثل المجلات او صديقات ( انيقات المظهر) اواي مجتمع آخر مهتم بهذا الجانب ، سوى كان موطن إغتراب او مهجر او حتى بيئة عمل صغيرة 00

- العامل الثاني يكمن في ( الزوج) نفسه ومدى اهتمامه بمظهرها او مظهره هو ايضاً ، فمثلاً اذا كان مظهر الزوجة جميل ( وحلو) ، يجب هنا على الزوج الاسراع بالتعليق والاشادة والثناء بمعنى عليه ان يوصل لزوجته انه مسرور ومرتاح لهذه الهيئة الجميلة حتى ( يضمن) استمرارها، فهنا تشعر الزوجة بان ما قامت به من ( عمل بسيط) اسعدت زوجها وقربها منه اكثر ، فعامل التعليق مهم جداً وإلا ستعتبر الزوجة انها ( تضييع) وقتها في الفاضي ولا حياة لمن تنادي ، فتكف عن اي زينة او تجميل إلا عند الخروج ، فتفضل التزيين لبقية المجتمع عسى ولعل ان تسمع كلمة حلوة او نظرة من هنا هناك ترضي غرورها الانثوى الفطري ، وحينها يصعب الرجوع بالحال كماكان او البداية من اي نقطة جديدة 0


ولي عوده

المحترم أبوعبيدة حسن
السلام عليك
شكرآ جزيلآ لأثرائك البوست بتعليقك المفيد.
سأعود بعد ان تكمل كلامك لأعلق......
وقد أعجبني جدآ تحليلك للعامل الثاني ,فالثناء compliment مهم جدآ في رفع معنويات ونفسيات المراة فمثلآ كلمات بسيطة مثل:
you look attiractive today
you smell good today
your dress is beautiful
او
ديكورك للبيت جميل
تسريحة شعرك يجنن
الي الخ
ما أعتقد انه صعب لاي رجل ان يقول مثلها لزوجته...........

بلير سلامات
الايام دي بوستاتك فيلم هندي....
الله يديك العافيه

Quote: مرة زرت صديق في بيته لقيت زوجته من غير عوائدها، زعلانة. أها قلت أصلح بيناتهم، فسألته عن سبب زعلها، قال لي والله ما عارف، بس قلت ليها أديني قدوم. lol دنقس.

يا عبد القادر ما تلومها مش يمكن بيسف ؟؟!!


عارف يا بلير وعبد القادر الرجال السودانين ديل يحمدوا ربهم ويسكتوا
شيئ صعوط...وشيئ هباب...ومحل مستحملنها النسوان.


اي مرة متحمله راجل بيسف حقوا يعملوا لها تمثال
لانه لا يعرف سخف وكراهة هذا التمباك الا الذين لا يستعملونه.
اما مستعمليه فانهم في جهالتهم غاطسين ولشركائهم متعبين ومكرهينهم حياتهم.

+


تراجي الجميلة، تحية وود.

Quote: عارف يا بلير وعبد القادر الرجال السودانين ديل يحمدوا ربهم ويسكتوا شيئ صعوط...وشيئ هباب...ومحل مستحملنها النسوان.

وعلم الله يا تراجي كلامك صحيح، أنا البحيرني
أنو البجبر البنات شنو علي ريالة الصعوط؟
زي ما قالوا العريس يوم الصبحية مرق كيس الصعوط
وبدأ يدردم في السفة، العروس شافتو وقالت ليهو:
أجيي أنت بتسف صعوط؟
قال ليها: وبدخن بنقو كمان.lol

بيني وبينك يا تراجي البسفوا صعوط، ما ظنيت
عندهم كبير غرض مع القبل والرومانسيات وكلام
الهمس،
تعرفي كلامك ده بي صمة خشمو أنا بوصلو لي صحبي
الجاء معاي آخر مرة، بعيد عنك سفاف سفاف سفاف.
تسلمي يا تراجي وتحياتي القلبية
لحازم وسند.







دنقس.

أهلين يا العزيزة تراجي

Quote: اما مستعمليه فانهم في جهالتهم غاطسين ولشركائهم متعبين ومكرهينهم حياتهم.

والله العيش مع عاشق الصعوط صعب خاصة الجنس اللطيف...الله يكون في عونهن
سؤال
يا ربي مافي سودانيات بسفن وبدخنن وبشربن البتاع?

Quote: 5/الزوجة السودانية تتمسك بالمشاكل الصغيرة كثيرآ(كثيرة النقة)

فعلاً يتفق الكثير من الازواج على اهتمام الزوجة بالقضايا الصغيرة ، حيث يكثر الحديث فيها في اي

وقت ، بغض النظر ان كان هو الوقت المناسب ام لا !! المهم ان تقول ما تريد وتصر على الاستماع لها00

ولكي نحق القول فانه ( شأن ) ولا اريد ان اقول ( عيب) الزوجة السودانية فقط !! فهذه طبيعة وشيمة

كل نساء العالم ايًا كان مستوى ثقافتها او تعليمها فهن يتساويين في هذا الطبع 00

وهذا الامر مزعج بطبيعة الحال ، ولكن يبدو ان الحل يكمن في الصبر ( وطولة البال) والمرونة او صار

الوضع في مناكفات وجدال لا ينفع و قد يضييع وقتهما معاً في وقت هم احوج اليه في امور اخرى عديدة

تخصهما للسير بالقطار والوصول به الى الامام او على الاقل بر آمن 0

Quote: المشكلة لما الزوجة والزوج سودانيان.....لكن لو الزوجة أجنبية المشاكل بينخفضوا للربع...والسعادة بيذيد.

العزيز / بلير

مساء الخير ,,,
-------------------------------------------------------------------

ماظن الحته دي مربوطة بجنسية الزوج/جه ... بغض النظر إن كانوا سودانيين أو غير سودانيين
لانها في المقام الاول مرتبطة بمدي نضج الزوجين وتفهمهم وتفاهمهم ورغبتهم في نجاح حياتهم الزوجية

***
الزواج من غير السودانية ليس بالضرورة مرتبط بنواقص قد يراها الرجل في المرأة السودانية فلإنسان حين يتزوج بفترض خصائص وصفات في الطرف الاخر لكنه قطعاً لا يخطط من أى جنسية يكون الامر محسوم أن يكون نصفه الاخر من بلده ... ما لم تجعله أقداره يلتقي بأخري ...قد يجد فيها ما يبحث عنه أو بعضه

فيكون ذلك حظه ونصيبه ... ليس إلا ...


تقديري

المحترم عبد الناصر

Quote: ماظن الحته دي مربوطة بجنسية الزوج/جه ... بغض النظر إن كانوا سودانيين أو غير سودانيين لانها في المقام الاول مرتبطة بمدي نضج الزوجين وتفهمهم وتفاهمهم ورغبتهم في نجاح حياتهم الزوجية *** الزواج من غير السودانية ليس بالضرورة مرتبط بنواقص قد يراها الرجل في المرأة السودانية فلإنسان حين يتزوج بفترض خصائص وصفات في الطرف الاخر لكنه قطعاً لا يخطط من أى جنسية يكون الامر محسوم أن يكون نصفه الاخر من بلده ... ما لم تجعله أقداره يلتقي بأخري ...قد يجد فيها ما يبحث عنه أو بعضه فيكون ذلك حظه ونصيبه ... ليس إلا ...

أتفق معك نوعآ ما....
شكرآ لك

Quote: اها لمن رجع من الشغل قالت ليهو احضر ليك الغدا يا حبيبي قام قال ليها : كمان جابت ليها عباطة جديدة!!

عبدالرازق نقد
شكرآ لك