كده ورونا: الكلام دا معانهوا شنو

مرة بنظري في كثير من الردود وفي بوستات مختلفة الجملة الاتية: ماقالوا نوبة
كما هنا علي سبيل المثال:

Quote: ما قالوا نوبه يا جني سيك يا محمد حامد جمعه. تراجي.

Re: البشير يضرب عرض الحائط بقسمه الثلاثى المغلظ ويقبل ب...ات الأممية السودان!!

وما قلتوا نوبة

Quote: 17-05-2006, 08:28 ص ابراهيم بقال سراج تاريخ التسجيل: 12-10-2005 مجموع المشاركات: 2133 Re: البشير يضرب عرض الحائط بقسمه الثلاثى المغلظ ويقبل بدخول بالقوات الأممية السودان!! (Re: مزاحم الضوي) ياربي بعد دا يطلق وداد بابكر ولا فاطمة خالد ,, الراجل حلف بالطلاق مليون مرة ما قلتوا نوبة ,,

Re: البشير يضرب عرض الحائط بقسمه الثلاثى المغلظ ويقبل ب...ات الأممية السودان!!
ما آصل الحكاية? وما معناهوا

يا بلير يا اخوي سلام

والله لا عارفين ليها اصل ولا فصل

قمنا ولقينها تقال امن قال بأنه يقدر لعى شيئ ولن يتراجع ,وبعدين تراجع)

هذا كل ما في الامر.

ومعاك متابعه لو في زول بيعرف اصل الحكايه.

تقديري.

تراجي.

عليكم السلام يا تراجي
كلامك صحيح قمنا ولقينا بتقال,وبنستعملوا زي مثلآ:
الناس في شنو والحسانية في شنو
أدروب ولوف
ديل اهل العوض
والخ
ربنا يسهل ويجينا واحد/ة يورينا اذا كان ديل من الأمثال السودنية ولا الحكم
لك ودي

الاخ player
مساء الخير
ربما يقول البعض هذا الكلام بحسن نية كمثل دارج دون التفكير فى محتواه الاستعلائى البغيض, فاذا كان الغرض منه الجرسة والجبن, فلينظر مبتدعوه الى كثافة وجود النوبة فى القوات النظامية, لا كفاقد تربوى, بل للشجاعة المتاْصلة فيهم وحبهم لهذا الوطن وانتمائهم غير المشكوك فيه لحضارته العريقة التى يراد طمسها.
وازيدك ان هناك: مخ نوبة, وذوق نوبة,و....لكن لم نسمع احدا يقول حضارة نوبة!!!!

المحترم محى الدين

Quote: ربما يقول البعض هذا الكلام بحسن نية كمثل دارج دون التفكير فى محتواه الاستعلائى البغيض, فاذا كان الغرض منه الجرسة والجبن, فلينظر مبتدعوه الى كثافة وجود النوبة فى القوات النظامية

غالبآ حسن النية ...وفهمي انو المقصود بيهو التشبية بشجاعة النوبة وحسب كلامك فان النوبة تمثل الغالبية العظمي في القوات النظامية( في تقدير بيقول ان النوبة وحدهم يمثلون الثلث في الجيش السوداني..والثلثين بقية قبائل السودان).. هناك احتمال الاستعمال بسوء النية.
لكن
لو عرفنا أصل الحكاية ربنا يسهل فهم مقصد الاستعمال
شكرآ للاضافة والتوضيح

مـــــــــا قـــــــلــــتــــو نـــــــــوبـــــــة !!!!!

مشكور جدآ يا ناذر
تميت لينا الناقصة......وافدتنا جدآ
لحدي ما يجي واحد/ة بخبر عن قصة ذاك المثل حامسك في معلومة الاخ زول بن زول الاتي:

Quote: ا نازر عيد سعيد قائل ما قلتوا نوبة هو الرئيس جعفر نميرى - و قد قالها الى فيليب عباس غبوش بعد فشل محاولته الاِنقلابية - و المعروف ان نميرى يعدم كل من يقوم ياِنقلاب عليه و ما نجى من ذلك اِلا غبوش - و تروى مصادرنا الموثوقة جدا ان غبوش ذهب يستعطف فى النميرى عطف شديد و شنو ما عارف يا حارسنا و يا فارسنا و يا ابونا و يا جبت المويه لى العطشان و اللقة لى الجيعان و مع الجرسة دى قام نميرى قلبو رق شوية لكن الاِنقلاب كان حارقو - قام قال ليهو الجرسة دى كلها ما قلتو نوبة و دى يا سيدى اصل الحكاية و فصلها و اِنتشرت القصة بعد داك و منذ ذلك الزمان بقت كلو ما زول يدق الجرسة الناس يقولو ليهو ما قلت نوبة و لو عاوز المصادر قول و نحن نزودك بما تشتهى

Re: مـــــــــا قـــــــلــــتــــو نـــــــــوبـــــــة !!!!!
وقصة الاخ شمس الدين الاتية:

Quote: أصل المقولة: يقول قريبى هذا أنهم مجموعة من أبناء النوبة شكل منهم سرية للدفاع عن أحد النقاط الطرفية لمدينة طبرق فاظهروا رغم قلة عددهم شجاعة منقطعة النظير مجبرين العدو على التراجع ونيجة لهذا الاستبسال كافأهم القائد ببعض المخصصات من ضمنها إبقاءهم لفترة طويلة فى هذه المنطقة والتى كانت تتميز بقربها من المواطنين وتوفر وسائل الترفيه فأحتج أبناء منطقة جغرافية محددة لدى القائد على هذا التمييز لأبناء النوبة و حتى يسكتهم وافق على تغيير هذه المجموعة بالمجموعة التى احتجت إلا أنه فى الاسبوع الثانى لوصولهم باغتهم العدو فوجد أغلبهم باستثاء الديدبان (فى ليلة حمراء) لم يملكوا معها إلا الهروب الى حيث معسكرهم الرئيسى.. هنا إلتقاهم قائدهم على خلفية أحتاجهم السابق قائلا .. جارين ليه؟ ما قلتوا نوبة!!

Re: مـــــــــا قـــــــلــــتــــو نـــــــــوبـــــــة !!!!!
اكرر لك جزيل شكري
واسف جدآ لهذا البوست والتي يعتبر تكرارآ لبوستتك

تحية طيبة للجميع

الاخ PLAYER

اسمح لى اضيف برضو استفسار عن مقولة (يحلك الحله بله)

منو بله ؟ و اتحل من شنو ؟

Quote: الناس في شنو والحسانية في شنو

دى على حسب ما سمعت، انو كان فى حرب، و لما كان الفرسان
يطاردون المعتدين بغرض طردهم او اسرهم، صادفوا فى طريقهم
ارنب، فاتجه بعض من الحسانية لمطاردة الارنب للامساك به و تركوا
مطارة العدو.

Quote: ديل اهل العوض

و دى عبارة تطلق للتعبير انو الزول ده بعيد عن الحضارة و التكنولجيا
و اعتقد ان عمنا ود قاسم كان عندو بوست بخصوص هذا التعبير

المحترم محمد
شكرآ لك للافادة الشديدة لان الواحد محتاج شديد عشان يعرف اصل الامثال البستعلموا علي الاقل ما يبقي ذي الببغاء تردد ساكت
واضم صوتي للبعرف قصة بلة يورينا
واتمني من الاخوة والاخوات ان يورونا قصص الامثال المستعملة في السودان