Post: #1
Title: ما بعد العاصفة هي الاسوة
Author: PLAYER
Date: 03-01-2004, 07:26 PM
Parent: #0
كل عاصفة قوية عندما تتوقف ستخلف وراءها خسائر كثيرة بشرية و مادية مؤثرة في معالم المنطقة المعصوفة ،قد تحتاج الي زمن طويل لازالة اثارها و اعادتها الي ما كانت.
ان ما يجري في البورد الان هي عاصفة، سواء كانت قوية في نظر البعض ام ضعيفة عند اخرين، لذلك عندما تتوقف يبدا الناس في تفقد بعضها والمساعدة في ترميم الخسائر التي هي:
ا/ نفسية..بسبب الاساليب الجارحة احيانآ والمخجلة حينآ اخر
ب/اجتماعية... حيث سيعيد الكثرين نظرتهم للبعض وللبورد
المحزن ان البورد لن يكن كما كان اذا لم نتعاون جميعنا لان
البعض قد يفضل الابتعاد عن الكتابة او المشاركات متاثرين بالعاصفة
والاسوة
ان الشلليات والتجمعات والتقسيمات(اعداء واصدقاء) ستبرز بوضوح وسياسة مقاطعة بوستات البعض ستبدا، واللاءات الثلاثة ستنفذ
لا للمشاركة في بوستات الاعداء
لا للرد لتساؤلات الاعداء
لا لمجاملة الاعداء
بالتالي..سوف تضعف المستوي النقاشي وتقل الفوائد المرجوا من البورد
ماذا يمكن ان نفعله كمجموعة لازالة اثار العاصفة باقل خسائر حتي نحافظ علي مسيرة المنبر و حريتها
|
Post: #2
Title: Re: ما بعد العاصفة هي الاسوة
Author: ASAAD IBRAHIM
Date: 03-01-2004, 07:50 PM
اخونا PLAYER
نسال الله ان تكون بخير
ما بعد العاصفة
خسائر وجراح وتحالفات جديدة ، ولكني اري ان الامور تسير الي الاحسن
نسأل الله السلامة
مع كل الشكر
|
Post: #3
Title: Re: ما بعد العاصفة هي الاسوة
Author: PLAYER
Date: 03-01-2004, 08:39 PM
Parent: #2
اسعد
اتمني الخير ....لكن صدقني ما بالسهوله
لو شفتا الرقعه اتسعت والناس بدات تتداخل بين مؤيده و معارضه والبوستات تنهال علي البورداب و الحساسيات تذيد
و بعد يومين تشوف ناس قدمت استقالتها او حردت
اتمني ين الاجاويد يبدوا من حسي...ربنا يهون
|
Post: #4
Title: Re: ما بعد العاصفة هي الاسوة
Author: سجيمان
Date: 03-01-2004, 08:55 PM
Parent: #3
بلير
انت راجل كويس والله
جد والله
لكن انت دحين اجاويد دا مو رئيس تركيا؟
|
Post: #5
Title: Re: ما بعد العاصفة هي الاسوة
Author: PLAYER
Date: 03-02-2004, 02:30 AM
Parent: #4
ربنا يديك مرادك يا سجيمان
لكن الحين تلعت بتعرف في السياسه
انا شن دراني اجاويد اسم زولآ كبير
اسلو اول مره انا سمعت كلمه اجاويد دي في الحله كان عندنا فكي بتاع الحبيبين
اي زول في الحله اندو مشكله ريده بيمشي ليهو
حسل مشكله بيني والشكسويه و قامت زعلت مني ابت تتكلم ماي..شركت ليها في شارع السوق ما نفع، درب المدرسه مافي فايده...صاحبي نسح امشي للفكي اشان يلين لي راسها
مشيت لشيخنا لما حكيت ليهو المشكله ضحك و قال لي: انت داير ليك اجاويد اشان يسالحوكم..ومن ديك حفزت الكلمه
كتر خيرك زتني عرفه
|
Post: #6
Title: Re: ما بعد العاصفة هي الاسوة
Author: bayan
Date: 03-02-2004, 02:42 AM
Parent: #5
| Quote: ماذا يمكن ان نفعله كمجموعة لازالة اثار العاصفة باقل خسائر حتي نحافظ علي مسيرة المنبر و حريتها |
العزيز بلاير
ان نقاطع كل من يهبش عرض شخص او يتحدث عن اخلاق وسمعة شخص آخر
لان هذه الاشياء مملوكة جماعية لعائلة بكاملها واطراف
ليس هناك تكتلات فقط اعادة امور الى نصابها
ان تتوقف الشلليات والاكوام الصديقة من شن الهجوم المضاد
على افراد..و تجريدهم من اسمهم الطيب وانجازاتهم
لماذا عندما تحدث اى خنافة أو اختلاف
تجلب التجريح فلان دا ما دكتور وبيغش الناس ساكت
فلانه ديك ما سودانية 100% وانا سودانى 100%
الكلام العجيب الذى دا
فالنختلف على الافكار ونترك اغتيال الشخصية
والتجريح.. والناس العاملة تفتيحة دى تهجس فى الواطة
وتخلى توزيع الاخبار الكاذبة..لانه التأليف دا مافى زول ما بيقدر عليه..
اها بعداك يا بلاير ممكن راب الصدع بارجاع الحقوق لناسها
والحقوق ما حاجات مادية وبس
قلت ليك الفكى دا وين؟
|
Post: #7
Title: Re: ما بعد العاصفة هي الاسوة
Author: PLAYER
Date: 03-02-2004, 07:38 AM
Parent: #6
العزيزه بيان
الحقيقه انو المقاطعه في نظري ما بتحقق الهدف في حمايه الاعراض لان اذا الكلام اتكتب وقعد خمسه دقيقه علي الاقل بشوفو عشره نفر...لو اي زول حكي لنفرين... الكلام بتنشر
دا بره من التلفونات المسنجرات... والخ
الحل ...في تصرف سريع لمسح الكلام الجارح و الشتايم الشخصيه والاتهامات العرقيه
الحل...في اجبار اي عضو علي عدم تعريض ونشر خصوصيات عضو اخر في المنبر العام
الحل...في ايقاف كل من نام ضميره عن الحق في حده
فليكن الخلاف في حدود الفكره
وليكن الزعل في مساحه الموضوع
ليكن المنبر واحه للراحه والامان...ساحه للتناقش والتفاكر..منهل للعلم والمعرفه
اما ارجاع الحقوق فصعب
لان جروح النفوس لا تبري بسرعه
واحزان الظلم لا تنسي بسهوله
لكن
يمكننا ان نخفف الالام....ونواسي الاحزان
قلتي لي ديره الفكي بتاع حلتنا...لعل ما عندك مشكله ريده
|
|