صور السودانيان الذان افرجا من غوانتامو

اها الناس ديل من جماعة القاعدة؟
واللا راجو في الرجلين ساكت؟

والله يا حبيب نوره...بقي لي الجماعه ديل كانوا شغاليين مع بن لادن لام كان في رجل اعمال في السودان...ولما اغترب في جمهوريه طالبان الافغانيه وبقي مجاهد اداهم عقود عمل كمجاهدين ..لكن الامريكان قبضوهم بتهمه ارهابين ...لكن ربنا اظهر براءتهم و ثبتو انو كانو مغتربيين في سبيل الله عشان كده فكوهم...لكن المشكله انو اندوهم الجنسيه السودانيه عشان كدا ودوهم جمهوريه السودان ...بس حظهم البتال انو حسي شيخ بشير عامل حفله زار لناس الدقون عشان كده لما شيخ الترابي و كم من فرده عشن رقصة الزار
عشان كده اول ما ينزلو من الطياره يودوهم لحلاق الانقاذ عشان يعمل ليهم واجب الاستقبال في القياده العامه ..بعد داك يحولوهم لناس الامن عشان يشوفو اذا كان طلعو من السودان بتاشيره ولا تهريب....

ما شاء الله !! شكلهم مرطبييين و مفرهدين ! دا من معاملة الأمريكان وللا من شنو ؟

لاكين بس شيخ الغزالي دا لابس ليهو نضارة لحام وللا شنو ؟ تشبه لي برضو ديزاينات نضارات الراب ، خايف يكون عملو ليهم غسيل مخ ودخلوهم في السستم

الناس ديل باين الأمريكان كانو بعاملوهم كويس و مريحينهم خالص ، عاين في وشوشم
ما في أثر تعب ولا زهج ولا سوط عنج

!! Let's Rap Man

obay_uk
ما سمعتا قالو: سجن كوبا بتاع الامريكان ولا بيوت البشير في السودان
ما يرطبو كيف ..اذا كان بياكلو ثلاثه وجبات كاله الدسم من مكادونالز وقداد kfc دا برا من التحليات انواع واشكال...والدكتور بكشف عليهم صباح مساء ...نايمين وما شغاليين....
الامريكان بدقو بحاجات مابتزهر في الجسم او الوش
المشكله انو الترطيبه دا ..تاني الا يشوفو في الحلم

نتمنى ان يذيقكم الله ما ذاقوه على ايدى الامريكان فى السجن لتستمتعوا بترطيبتهم كما تدعون

(سِيمَاهُمْ فِي وُجُوهِهِمْ مِنْ أَثَرِ السُّجُودِ )

المحترمان
Sado7
صدقني المعامله في السجون الامريكيه احسن بكثير من الحياه في العديد من الدول العربيه والافريقيه..انت ما طالبني حليفه ، عندي قريبي زبون دائم في السجون الامريكيه بامشي بازورو مرات...والله صحتو احسن بمليون مرا لمن كان بره، له علي الاقل مهتمين بصحتو شديد...اخر مره قبضو عليهو دكتور السجن ابي عشان يدخلوا لانو ضغطو مرتفع شديد ...عشان كده بيتوهو يوم في الزبتاليه وادوهو ادويه لما ضخطو بقي عادي عشان ودوهو السجن...حسي الدكتور بكشف عليهو طوالي وياخد الدوا بنظام و صحته زي البمبه زي كلام ناس مصر .
ما تزعل ما كلامنا...كده شوف واحد فاكنو من سجن الترحيل في السعوديه ولا من حراسه في اي مدينه سودانيه وشوف حاله اخونا ديل..حتشكر الله وتحمدو ...شكرآ علي امنيتك...الهم لا نسالك رد القضاء...
Ayman
كلامك دا ما حاقول فيهو اكتر من: ربنا يجازيهم علي قدر اعمالهم وهو اعلم بذلك مننا جميعآ

جميع الاخوة المتداخلين تحياتي الحارة لكم وأسأل الله أن يكفيكم شر المصائب في الدنيا والأخرة آمين.

أولا من الصعب جدا أن نحكم على انسان من خلال صورة وخصوصا ان كان تاريخ الشخص مجهول لدينا.

ثانيا لوتخيلنا أنفسنا مكان هؤلاء فلا يمكن بأي شكل من الأشكال تصور حجم المعاناة التي كانت تمر بنا.

كما أن غوانتانامو لم يعامل فيها الانسان بصفته انسان بل ربما عومل بطريقة أبشع مما يمكن أن تعامل بها بعض الحيوانات.

أنا شخصيا بفتكر لو أن هنالك أي دليل من قريب أو بعيد لما تنفس هؤلاء الرجلان طعم الحرية.

أخيرا أحمد الله أن هؤلاء الرجلان أحرار الان وبين أحبتهم وأهليهم.

ولكم منى ارق التحايا

الاخ انور الطيب

Quote: أولا من الصعب جدا أن نحكم على انسان من خلال صورة وخصوصا ان كان تاريخ الشخص مجهول لدينا

. غلط...نحن حقنا نحكم بالظاهر فقط..
ثانيا

Quote: لوتخيلنا أنفسنا مكان هؤلاء فلا يمكن بأي شكل من الأشكال تصور حجم المعاناة التي كانت تمر بنا.

صاح...عشان كده من صورهم نقول احسن بكتير

Quote: كما أن غوانتانامو لم يعامل فيها الانسان بصفته انسان بل ربما عومل بطريقة أبشع مما يمكن أن تعامل بها بعض الحيوانات

. غلط...لان لو كان كده ما كان اتحققو منهم وفكوهم وسفروهم لبلدهم

Quote: أنا شخصيا بفتكر لو أن هنالك أي دليل من قريب أو بعيد لما تنفس هؤلاء الرجلان طعم الحرية

. صاح...وقلنا كدا فوق..

Quote: أخيرا أحمد الله أن هؤلاء الرجلان أحرار الان وبين أحبتهم وأهليهم.

صاح.... و نحن معك وربنا يحرر الباقين